← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


24:01 [ai]ܠܐ ܬܛܢ ܒܓܒܪ̈ܐ ܒܝܫ̈ܐ܂ ܘܠܐ ܬܪܓ ܠܡܗܘܐ ܥܡܗܘܢ܂
24:02 [ai]ܡܛܠ ܕܒܝܫܬܐ ܗܘ ܪܢܐ ܠܒܗܘܢ܂ ܘܥܘܼܠܐ ܡܡ̈ܠܠܢ ܣ̈ܦܘܬܗܘܢ܂
24:03 [ai]ܒܚܟܡܬܐ ܡܬܒܢܐ ܒܝܬܐ܂ ܘܒܣܘܟܠܐ ܟܠܗ ܬܩܢ܂
24:04 [ai]ܘܒܝܕܥܬܐ ܡܬܡܠܝܢ ܬܘ̈ܘܢܐ܂ ܟܠ ܩܢܝܢܐ ܘܐܝܩܪܐ ܘܒܘܣܡܐ܂
24:05 [ai]ܛܒ ܗܘ ܚܟܝܡܐ ܡܢ ܥܫܝܢܐ܂ ܘܓܒܪܐ ܕܝܕܥܬܐ ܡܢ ܓܢܒܪ ܚܝܠܐ܂
24:06 [ai]ܒܓܘܪܓܐ ܡܬܥܒܕ ܩܪܒܐ܂ ܘܦܘܪܩܢܐ ܒܣܘܓܐܐ ܕܡܠܼܟܐ܂
24:07 [ai]ܚܟܡܬܐ ܪܡܝܐ ܠܣܟܠܐ܂ ܘܒܬܪܥܐ ܠܐ ܦܬܚ ܦܘܡܗ܂
24:08 [ai]ܕܡܬܚܫܒ ܠܡܒܐܫܘ ܓܒܪܐ ܥܘܠܐ ܡܬܩܪܐ܂
24:09 [ai]ܘܬܪܥܝܬܗ ܕܣܟܠܐ ܚܛܝܬܐ܂ ܘܛܡܐܘܬܗ ܕܒܪܢܫܐ ܒܝܫܬܐ܂
24:10 [ai]ܘܠܥܘ̈ܠܐ ܒܝܫܬܐ ܬܕܒܪ ܐܢܘܢ ܒܝܘܡܐ ܕܐܘܠܨܢܐ܂
24:11 [ai]ܦܨܐ ܠܐܝܠܝܢ ܕܡܬܕܒܪܝܢ ܠܡܘܬܐ܂ ܘܠܡܙܒܢ ܠܐܝܠܝܢ ܕܡܬܬܚܕܝܢ ܠܩܛܠܐ ܠܐ ܬܚܘܣ܂
24:12 [ai]ܘܐܢ ܬܐܡܪ ܕܠܐ ܝܕܥ ܐܢܐ܂ ܕܥ ܕܬܪܥܝܬܐ ܕܠܒܐ ܐܠܗܐ ‍<‍ܗܘ#3#‍>‍ ܒܨܐ܂ ܘܕܢܛܪ ܢܦܫܟ ܗܘ ܝܕܥ܂ ܘܦܪܥ ܠܒܪ ܐܢܫܐ ܐܝܟ ܥܿܒ̈ܕܘܗܝ܂
24:13 [ai]ܐܟܘܠ ܒܪܝ ܕܒܫܐ ܡܛܠ ܕܛܒ ܗܘ܂ ܘܟܟܪܝܬܐ ܚܠܝܬܐ ܒܚܟܟ܂
24:14 [ai]ܗܟܢܐ ܐܦ ܚܟܡܬܐ ܠܢܦܫܟ ܬܫܟܚ܂ ܘܬܗܘܐ ܠܟ ܚܪܬܐ/ܚܕܘܬܐ#3#/ ܘܣܒܪܟ ܠܐ ܢܬܦܣܩ܂
24:15 [ai]ܠܐ ܬܟܡܢ ܥܘܼܠܐ ܒܕܝܪܗ ܕܙܕܝܩܐ܂ ܘܠܐ ܬܒܘܙ ܒܝܬ ܡܫܪܝܗ܂
24:16 [ai]ܡܛܠ ܕܫܒܥ ܙܒ̈ܢܝܢ ܢܦܠ ܙܕܝܩܐ ܘܩܐܡ܂ ܘܪ̈ܫܝܥܐ ܒܒܝܫܬܐ ܢܣܬܚܦܘܢ܂
24:17 [ai]ܡܐ ܕܢܦܠ ܒܥܠܕܒܒܟ ܠܐ ܬܚܕܐ܂ ܘܡܐ ܕܡܣܬܚܦ ܠܐ ܢܕܘܨ ܠܒܟ܂
24:18 [ai]ܕܠܐ/ܕܠܡܐ#3#/ ܢܚܙܐ ܡܪܝܐ ܘܢܬܒܐܫ ܒܥܝܢ̈ܘܗܝ܂ ܘܢܗܦܟ ܪܘܓܙܗ ܡܢܗ܂
24:19 [ai]ܠܐ ܬܚܣܡ ܒܒ̈ܝܫܐ܂ ܘܠܐ ܬܛܢ ܒܥܘ̈ܠܐ܂
24:20 [ai]ܡܛܠ ܕܠܒܝܫ̈ܐ ܠܐ ܗܘܝܐ ܠܗܘܢ ܚܪܬܐ܂ ܘܫܪܓܐ ܕܥܘ̈ܠܐ ܢܕܥܟ܂
24:21 [ai]ܕܚܠ ܒܪܝ ܡܢ ܡܪܝܐ ܘܐܡܠܟ܂ ܘܥܡ ܫ̈ܛܝܐ ܠܐ ܬܬܚܠܛ܂
24:22 [ai]ܡܢ ܫܠܝܐ ܓܝܪ ܐܬܐ ܬܒܪܗܘܢ܂ ܘܣܘܦܐ ܕܫ̈ܢܝܗܘܢ ܡܢܘ ܝܕܥ܂
24:23 [ai]ܗܠܝܢ ܠܚ̈ܟܝܡܐ ܐܡܪ ܐܢܐ܂ ܠܡܣܒ ܒܐ̈ܦܐ ܒܕܝܢܐ ܠܐ ܫܦܝܪ܂
24:24 [ai]ܐܦ ܠܐ ܠܡܐܡܪ ܠܥܘܠܐ ܕܙܕܝܩ ܐܢܬ܂ ܢܠܘܛܘܢܗ ܥܡ̈ܡܐ ܘܢܨܚܝܢܗ ܐ̈ܡܘܬܐ܂
24:25 [ai]ܘܡܣܟ̈ܢܐ ܢܬܒܣܡܘܢ܂ ܘܥܠܝܗܘܢ ܬܐܬܐ ܒܘܪܟܬܐ ܛܒܬܐ܂
24:26 [ai]ܘܣ̈ܦܘܬܐ ܢܢܫܩܘܢ ܕܐܝܠܝܢ ܕܡܟܣ̈ܢܝܢ܂
24:27 [ai]ܛܝܒ ܒܫܘܩܐ ܥܿܒ̈ܕܝܟ ܘܥܬܕ ܒܚܩܠܟ܂ ܘܒܬܪܟܢ ܬܒܢܐ ܒܝܬܟ܂
24:28 [ai]ܠܐ ܬܗܘܐ ܣܗܕܐ ܕܓܠܐ ܥܠ ܚܒܪܟ܂ ܘܠܐ ܬܦܬܦܬܝܘܗܝ ܒܣ̈ܦܘܬܟ܂
24:29 [ai]ܘܠܐ ܬܐܡܪ ܕܐܥܒܕ ܠܗ ܐܝܟ ܕܥܒܕ ܠܝ܂ ܘܐܦܪܥܝܘܗܝ ܐܝܟ ܥܿܒ̈ܕܘܗܝ܂
24:30 [ai]ܥܠ ܚܩܠܗ ܕܓܒܪܐ ܚܒܢܢܐ ܥܒܪܬ܂ ܘܥܠ ܟܪܡܗ ܕܒܪܢܫܐ ܚܣܝܪ ܠܒܐ܂
24:31 [ai]ܘܣܠܩ ܟܠܗ ܐܬܡܠܝ ܝܥܪܐ܂ ܘܟܣܝܘ ܐ̈ܦܘܗܝ ܚ̈ܘܠܕܐ܂ ܘܣ̈ܝܓܘܗܝ ܕܟܐ̈ܦܐ ܐܣܬܚܦܘ܂
24:32 [ai]ܘܚܙܝܬ ܐܢܐ ܘܣܡܬ ܒܠܒܝ܂ ܘܩܒܠܬ ܡܪܕܘܬܐ܂
24:33 [ai]ܘܐܢ ܩܠܝܠ ܬܢܘܡ ܘܩܠܝܠ ܬܕܡܟ܃ ܘܩܠܝܠ ܬܣܝܡ ܐܝܕܟ ܥܠ ܚܕܝܟ܂
24:34 [ai]ܬܐܙܠ ܩܕܡܝܟ ܡܣܟܢܘܬܐ܂ ܘܬܕܪܟܟ ܨܪܝܟܘܬܐ܂ ܐܝܟ ܓܒܪܐ ܛܒܠܪܐ܂

next chapter