← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


25:01 [ai]ܐܦ ܗ̈ܠܝܢ ܡ̈ܬܠܘܗܝ ܕܫܠܝܡܘܢ ܥܡ̈ܝܩܐ܂ ܕܟܬܒܘ ܪ̈ܚܡܘܗܝ ܕܚܙܩܝܐ ܡܠܟܐ ܕܝܗܘܕܐ܃
25:02 [ai]ܬܫܒܘܚܬܗ ܕܐܠܗܐ ܡܿܢ ܕܡܛܫܐ ܡܠܬܐ܂ ܘܬܫܒܘܚܬܗ ܕܡܠܟܐ ܡܿܢ ܕܒܨܐ ܡܠܬܐ܂
25:03 [ai]ܫܡܝܐ ܪ̈ܡܝܢ܂ ܘܐܪܥܐ ܥܡܝܩܐ܂ ܘܠܒܗ ܕܡܠܟܐ ܠܐ ܡܬܒܨܐ܂
25:04 [ai]ܓܒܘ ܣܘܠܐܢܐ ܡܢ ܣܐܡܐ܂ ܕܢܦܘܩ ܡܐܢܐ ܟܕ ܕܟܐ܂
25:05 [ai]ܢܬܬܒܪܘܢ/ܢܬܒܕܪܘܢ#3#/ ܥܘ̈ܠܐ ܡܢ ܩܕܡ ܡܠܟܐ܂ ܘܢܬܩܢ ܟܘܪܣܝܗ ܒܙܕܝܩܘܬܐ܂
25:06 [ai]ܠܐ ܬܫܬܒܗܪ ܩܕܡ ܡܠܟܐ܂ ܘܒܕܘܟܬܐ ܕܪ̈ܘܪܒܢܐ ܠܐ ܬܩܘܡ܂
25:07 [ai]ܫܦܝܪ ܗܘ ܓܝܪ ܕܢܐܡܪ ܠܟ ܐܬܩܪܒ ܠܥܠ ܛܒ ܡܢ ܕܢܡܟܟܟ܂ ܩܕܡ ܫܠܝܛܐ ܡܕܡ ܕܚ̈ܙܝ ܥܝܢ̈ܝܟ ܗܼܘ/ܗܿܘ#3#/ ܐܡܪ܂
25:08 [ai]ܘܠܐ ܬܦܘܩ ܠܡܕܢ ܡܣܪܗܒܐܝܬ܂ ܕܠܐ ܟܕ ܬܕܘܢ ܒܐܚܪܝܬܐ ܢܚܣܕܟ ܪܚܡܟ܂
25:09 [ai]ܕܝܢܟ ܕܘܢ ܥܡ ܚܒܪܟ܂ ܘܪܐܙܐ ܐܚܪܢܐ ܠܐ ܬܓܠܐ܂
25:10 [ai]ܕܠܐ ܡܿܢ ܕܫܡܥ ܢܚܣܕܟ܂ ܘܢܪܢܘܢ ܒܟ ܣ̈ܓܝܐܐ܂
25:11 [ai]ܚܙܘܪܐ ܕܕܗܒܐ ܒܢܓܘܕܐ ܕܣܐܡܐ ܕܡܡܠܠ ܡܠܬܐ܂
25:12 [ai]ܩܕܫܐ ܕܕܗܒܐ ܘܣܪܕܘܢ ܛܒܐ܂ ܗܟܢܐ ܡܟܣܢܘܬܐ ܕܚ̈ܟܝܡܐ ܠܐܕܢܐ ܕܫܡܥܐ/ܕܫܡܘ̈ܥܐ#3#/܂
25:13 [ai]ܐܟܙܢܐ ܕܡܐ ܕܢܚܬ ܬܠܓܐ ܒܝܘܡܐ ܕܚܨܕܐ ܡܦܝܓ ܚܘܡܐ܂ ܗܟܢܐ ܐܝܙܓܕܐ ܡܗܝܡܢܐ ܠܡܫܕܪ̈ܘܗܝ/ܠܡܫܕܪ̈ܢܘܗܝ#1##2#/܂ ܘܢܦܫܐ ܕܡܪ̈ܘܗܝ ܡܗܦܟ܂
25:14 [ai]ܐܟܙܢܐ ܕܡܐ ܕܐܝܬ ܥܢ̈ܢܐ ܘܪܘܚܐ ܘܡܛܪܐ ܠܝܬ܂ ܗܟܢܐ ܗܘ ܓܒܪܐ ܕܡܫܬܒܗܪ ܒܡ̈ܘܗܒܬܐ/ܒܡܘ̈ܡܬܐ#3#/ ܕܓ̈ܠܬܐ܂
25:15 [ai]ܒܢܓܝܪܘܬ ܪܘܚܐ ܡܫܕܠ ܫܠܝܛܐ܂ ܘܒܠܫܢܐ ܪܟܝܟܐ ܬܒܪ ܓܪ̈ܡܐ܂
25:16 [ai]ܡܐ ܕܐܫܟܚܬ ܕܒܫܐ ܡܣܬܟ ܐܟܘܠ܂ ܕܠܐ ܟܕ ܬܣܒܥ ܬܬܝܒܝܘܗܝ܂
25:17 [ai]ܠܐ ܬܬܟܒ ܪܓܠܟ ܠܒܝܬ ܪܚܡܟ܂ ܕܠܐ ܢܣܒܥܟ ܘܢܣܢܝܟ܂
25:18 [ai]ܐܝܟ ܦܕܘܥܐ ܘܣܝܦܐ ܘܓܐܪܐ ܫܢܝܢܐ܂ ܗܟܢܐ ܗܘ ܓܒܪܐ ܕܡܣܗܕ ܣܗܕܘܬܐ ܕܓܠܬܐ ܥܠ ܚܒܪܗ܂
25:19 [ai]ܐܝܟ ܫܢܐ ܕܒܝܫܐ ܘܐܝܟ ܪܓܠܐ ܡܙܥܬܐ܂ ܗܟܢܐ ܗܘ ܬܘܟܠܢܗ ܕܕܓܠܐ/ܕܥܘܠܐ#1##2#/ ܒܝܘܡܐ ܕܐܘܠܨܢܐ܂
25:20 [ai]ܡܿܢ ܕܫܩܠ ܡܪܛܘܛܐ ܡܢ ܚܒܪܗ ܒܝܘܡܐ ܕܩܪܬܐ܂ ܐܝܟ ܗܿܘ ܗܼܘ ܕܪܡܐ ܚܠܐ ܥܠ ‍{‍ܝ‍}‍‍<‍ܢ‍>‍ܬܪܐ܂ ܘܡܨܪܦ ܠܠܒܐ ܟܝܒܐ܂ ܐܝܟ ܣܣܐ ܠܡܐܢܐ ܘܐܝܟ ܒܠܛܝܬܐ ܠܩܝܣܐ܂ ܗܟܢܐ ܟܪܝܘܬܐ ܡܗܪܐ ܠܠܒܗ ܕܓܒܪܐ܂
25:21 [ai]ܐܢ ܟܦܢ ܒܥܠܕܒܒܟ ܐܘܟܠܝܗܝ܂ ܘܐܢ ܨܗܐ ܐܫܩܝܗܝ܂
25:22 [ai]ܘܟܕ ܗܠܝܢ ܬܥܒܕ ܠܗ܂ ܓܘܡܪ̈ܐ ܕܢܘܪܐ \ܚܕܐ /ܚܒܐ#3# /ܚܙܐ#3#/ ܐܢܬ ܥܠ ܪܝܫܗ܂ ܘܡܪܝܐ ܦܪܥ ܠܟ܂
25:23 [ai]ܐܝܟ ܕܪܘܚܐ ܓܪܒܝܐ ܒܛܢܐ ܡܛܪܐ܂ ܗܟܢܐ ܐ̈ܦܐ ܒܝܫ̈ܬܐ ܘܠܫܢܐ ܡܛܫܝܐ܂
25:24 [ai]ܫܦܝܪ ܠܡܥܡܪ ܥܠ/ܥܡ#3#/ ܩܪܢܐ ܕܐܓܪܐ܂ ܡܢ ܕܠܡܥܡܪ ܥܡ ܐܢܬܬܐ ܢܨܝܬܐ ܘܒܒܝܬܐ ܕܦ̈ܠܓܘܬܐ܂
25:25 [ai]ܐܝܟ ܙܢܐ ܕܡ̈ܝܐ ܩܪ̈ܝܪܐ ܠܢܦܫܐ ܨܗܝܬܐ܂ ܗܟܢܐ ܗܘ ܛܒܼܐ ܫܦܝܪܐ ܕܐܬܐ ܡܢ ܐܪܥܐ ܪܚܝܩܬܐ܂
25:26 [ai]ܐܝܟ ܕܣܟܪ ܐܢܫ ܡܒܘܥܐ܂ ܘܡܦܩܢܐ ܕܡ̈ܝܐ ܡܚܒܠ܂ ܗܟܢܐ ܗܘ ‍<‍ܓܒܪܐ#3#‍>‍ ܙܕܝܩܐ ܡܐ ܕܢܦܠ ܩܕܡ ܥܘܠܐ܂
25:27 [ai]ܠܡܐܟܠ ܕܒܫܐ ܣܓܝ ܠܐ ܫܦܝܪ܂ ܐܦ ܠܐ ܠܡܒܨܐ ܡ̈ܠܐ ܡܫ̈ܒܚܬܐ܂
25:28 [ai]ܐܝܟ ܡܕܝܢܬܐ ܬܪܝܥܬܐ ܕܠܝܬ ܠܗܿ ܫܘܪܐ܂ ܗܟܢܐ ܗܘ ܓܒܪܐ ܕܠܐ ܢܓܝܪܐ ܪܘܚܗ܂

next chapter