← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


26:01 [ai]ܐܝܟ ܬܠܓܐ ܒܩܝܛܐ ܘܐܝܟ ܡܛܪܐ ܒܚܨܕܐ܂ ܗܟܢܐ ܠܐ ܝܐܐ ܐܝܩܪܐ ܠܣܟܠܐ܂
26:02 [ai]ܐܝܟ ܨܦܪܐ ܘܚܝܘܬ ܟܢܦܐ ܕܦܪ̈ܚܢ ܒܐܐܪ܂ ܗܟܢܐ ܠܘܛܬܐ ܣܪܝܩܬܐ ܦܗܝܐ܂
26:03 [ai]ܫܘܛܐ ܠܣܘܣܝܐ ܘܙܩܬܐ ܠܚܡܪܐ܂ ܗܟܢܐ ܐܦ ܙܩܬܐ ܠܓܒܪܐ ܣܟܠܐ܂
26:04 [ai]ܠܐ ܬܬܠ ܦܬܓܡܐ ܠܣܟܠܐ/ܠܓܒܪܐ ܣܟܠܐ#3#/ ܐܝܟ ܣܟܠܘܬܗ܂ ܕܠܐ ܐܦ ܐܢܬ ܬܬܕܡܿܐ/ܬܕܡܼܐ#3#/ ܠܗ܂
26:05 [ai]ܐܠܐ ܡܠܠ ܥܡ ܣܟܠܐ ܐܝܟ ܚܟܝܡܘܬܟ܂ ܕܠܐ ܢܣܒܪ ܒܢܦܫܗ ܕܚܟܝܡ ܗܘ܂
26:06 [ai]ܡܢ ܬܚܝܬ ܪܓܠܗ ܫܬܐ ܥܘܼܠܐ܂ ܡܿܢ ܕܡܫܕܪ ܡܠܬܐ ܒܝܕ ܣܟܠܐ܂
26:07 [ai]ܐܢ ܬܬܠ ܗܠܟܬܐ ܠܚܓܝܪܐ܂ ܬܩܒܠ ܡܠܬܐ ܡܢ ܦܘܡܗ ܕܣܟܠܐ܂
26:08 [ai]ܐܝܟ ܟܐܦܐ ܒܩܠܥܐ܂ ܗܟܢܐ ܡܿܢ ܕܡܫܒܚ ܠܣܟܠܐ܂
26:09 [ai]ܟܘܒ̈ܐ ܝܥܘ ܒܐܝܕܗ ܕܪܘܝܐ܂ ܘܫܛܝܘܬܐ ܒܦܘܡܗ ܕܣܟܠܐ܂
26:10 [ai]ܣܓܝ ܚܐܫ ܒܣܪܗ ܕܣܟܠܐ܂ ܘܪܘܝܐ ܥܒܪ ܝܡܐ܂
26:11 [ai]ܐܝܟ ܟܠܒܐ ܕܗܦܟ ܥܠ ܬܝܘܒܗ܂ ܗܟܢܐ ܗܘ ܣܟܠܐ ܕܫܛܐ ܒܣܟܠܘܬܗ܂
26:12 [ai]ܐܢ ܚܙܝܬ ܓܒܪܐ ܕܚܟܝܡ ܒܥܝܢ̈ܝ ܢܦܫܗ܂ ܦܩܚ ܣܟܠܐ ܛܒ ܡܢܗ܀
26:13 [ai]ܐܡܪ ܚܒܢܢܐ ܡܐ ܕܡܫܬܕܪ܂ ܐܪܝܐ ܒܐܘܪܚܐ ܘܐܪܝܐ/ܘܩܛܠܐ#3#/ ܒܝܬ ܫ̈ܘܩܐ܂
26:14 [ai]ܐܝܟ ܬܪܥܐ ܕܡܬܟܪܟ ܥܠ ܨܝܪܬܗ܂ ܗܟܢܐ ܚܒܢܢܐ ܡܬܗܦܟ ܒܥܪܣܗ܂
26:15 [ai]ܚܒܢܢܐ ܕܡܛܫܐ ܐ̈ܝܕܘܗܝ ܒܥܘܒܗ܂ ܢܠܐܐ ܕܢܘܒܠ ܐܢܝ̈ܢ ܠܦܘܡܗ܂
26:16 [ai]ܚܒܢܢܐ ܚܟܝܡ ܒܥܝܢ̈ܝ ܢܦܫܗ܂ ܛܒ ܡܢ ܫܒܥܐ ܝܗ̈ܒܝ ܛܥܡܐ܂
26:17 [ai]ܕܡܠܛ ܒܕܝܢܐ ܕܠܐ ܕܝܠܗ܂ ܐܝܟ ܗܿܘ ܗܘ ܕܐܚܝܕ ܒܐ̈ܕܢܘܗܝ ܕܟܠܒܐ܂
26:18 [ai]ܐܝܟ ܙܢܐ ܕܫܒܗܪ̈ܢܐ ܡܫܕܝܢ ܡ̈ܠܐ ܐܝܟ ܓܐܪ̈ܐ ܫܢܝ̈ܢܐ ܕܡܘܬܐ܂
26:19 [ai]ܗܟܢܐ ܗܘ ܓܒܪܐ ܕܢܟܠ ܠܚܒܪܗ܂ ܘܡܐ ܕܐܣܬܟܠܘܗܝ/ܕܐܣܬܟܠܬܝܗܝ#3#/ ܐܡܪ ܡܓܚܟ ܓܚܟܬ܂
26:20 [ai]ܡܐ ܕܠܝܬ ܩܝܣ̈ܐ ܕܥܟܐ ܢܘܪܐ܂ ܘܐܬܪ ܕܠܝܬ ܫܓܘܫܐ ܫܠܝܐ ܡܨܘܬܐ܂
26:21 [ai]ܛܪܛܩܠ ܠܓܘܡܪ̈ܐ ܘܩܝܣ̈ܐ ܠܢܘܪܐ܂ ܘܓܒܪܐ ܛܪܟܢܐ ܡܓܪܓ ܗܪܬܐ܂
26:22 [ai]ܡ̈ܠܘܗܝ ܕܛܪܟܢܐ ܫ̈ܓܫܢ܂ ܘܢܚ̈ܬܢ ܠܬܘ̈ܘܢܐ ܕܠܒܐ܂
26:23 [ai]ܐܝܟ ܣܐܡܐ ܡܣܠܝܐ ܕܩܪܝܡ ܥܠ ܚܨܦܐ܂ ܗܟܢܐ ܣ̈ܦܘܬܐ ܕܝܩ̈ܕܢ/ܕܝܩܝܪ̈ܢ#3#/ ܘܠܒܐ ܒܝܫܐ܂
26:24 [ai]ܡܢ ܣ̈ܦܘܬܗ ܡܬܝܕܥ ܣܢܐܐ܂ ܘܒܓܘܗ ܟܡܝܢ ܟܡܐܢܐ܂
26:25 [ai]ܘܐܢ/ܡܛܠ ܕܐܢ#3#/ ܡܡܟ ܩܠܗ ܠܐ ܬܗܝܡܢܝܘܗܝ܂ ܡܛܠ ܕܫܒܥ ܒܝܫ̈ܢ ܐܝܬ ܒܓܘܗ/ܒܠܒܗ#3#/܂
26:26 [ai]ܕܡܟܣܐ/ܡܿܢ ܕܡܟܣܐ#3#/ ܣܢܐܬܐ ܒܠܒܗ܂ ܬܬܓܠܐ ܒܝܫܬܗ ܒܟܢܘܫܬܐ܂
26:27 [ai]ܕܚܦܪ ܓܘܡܨܐ ܢܦܠ ܒܗ܂ ܘܕܡܥܓܠ ܟܐܦܐ ܥܠܘܗܝ ܬܗܦܘܟ܂
26:28 [ai]ܠܫܢܐ ܕܓܠܐ ܣܢܐ ܩܘܫܬܐ܂ ܘܦܘܡܐ ܛܪܟܢܐ ܥܒܕ ܫܓܘܫܝܐ܂

next chapter