The Comprehensive Aramaic Lexicon

29:01 [ai]	ܓܒܪܐ ܕܠܐ ܡܩܒܠ ܡܟܣܢܘܬܐ ܘܩܫܐ ܩܕܠܗ܂ ܒܥܓܠ ܢܬܬܒܪ/ܢܬܒܪ#3#/ ܘܠܐ ܬܗܘܐ ܠܗ ܐܣܝܘܬܐ܂
29:02 [ai]	ܒܣܘܓܐܐ ܕܙܕܝܩ̈ܐ ܣܓܐ ܥܡܐ܂ ܘܒܫܘܠܛܢܐ ܕܥܘ̈ܠܐ ܢܬܬܢܚ ܥܡܐ܂
29:03 [ai]	ܓܒܪܐ ܕܪܚܡ ܚܟܡܬܐ ܢܚܕܐ ܠܐܒܘܗܝ܂ ܘܕܪܥܐ ܒܙܢܝܘܬܐ ܢܘܒܕ ܩܢܝܢܗ܂
29:04 [ai]	ܡܠܟܐ ܒܕܝܢܐ ܡܩܝܡ ܐܪܥܐ܂ \ܘܓܒܪܐ ܥܘܠܐ /ܘܥܘܠܐ#3#/ ܡܚܣܪ ܠܗܿ܂
29:05 [ai]	ܓܒܪܐ ܕܡܬܦܠܓ ܥܠ ܚܒܪܗ܂ ܡܨܝܕܬܐ ܦܪܣ ܥܠ ܗ̈ܠܟܬܗ܂
29:06 [ai]	ܓܒܪܐ ܒܝܫܐ ܒܥܘܼܠܗ ܡܬܬܨܝܕ܂ ܘܙܕܝܩܐ ܢܫܒܚ/ܢܫܬܒܚ#3#/ ܘܢܚܕܐ܂
29:07 [ai]	ܙܕܝܩܐ ܓܝܪ ܝܕܥ ܕܝܢܐ ܕܡܣ̈ܟܢܐ܂ ܘܥܘܠܐ ܠܐ ܡܣܬܟܠ ܝܕܥܬܐ܂
29:08 [ai]	ܓܒܪ̈ܐ ܡܡܝ̈ܩܢܐ ܡܘܩܕܝܢ/ܡܘܒܕܝܢ#3#/ ܟܪ̈ܟܐ܂ ܘܚܟܝ̈ܡܐ ܡܗܦܟܝܢ ܪܘܓܙܐ܂
29:09 [ai]	ܓܒܪܐ ܚܟܝܡܐ ܕܐܿܢ ܥܡ ܓܒܪܐ ܣܟܠܐ܂ ܘܪܓܙ ܘܓܚܟ ܘܠܐ ܡܬܬܦܝܪ/ܡܬܬܒܪ#3#/܂
29:10 [ai]	ܓܒܪ̈ܐ ܐܫ̈ܕܝ ܕܡܐ ܣܢܝܢ ܠܚܣܝܐ܂ ܘܙܕܝܩ̈ܐ ܪ̈ܚܡܝܢ ܠܗ܂
29:11 [ai]	ܚܡܬܗ ܟܠܗܿ ܡܦܩ ܣܟܠܐ܂ ܘܚܟܝܡܐ ܒܪܥܝܢܗ ܡܬܚܫܒ܂
29:12 [ai]	ܫܠܝܛܐ ܕܫܡܥ ܡܠܬܐ ܕܓܠܬܐ܂ ܟܠܗܘܢ ܦ̈ܠܚܘܗܝ ܥܘܠܝܢ ܐܢܘܢ܂
29:13 [ai]	ܡܣܟܢܐ ܘܡܟܐܒܐ ܦܓܥܘ ܚܕ ܒܚܕ܂ ܘܡܪܝܐ ܡܢܗܪ ܥܝ̈ܢܐ ܕܬܪ̈ܝܗܘܢ܂
29:14 [ai]	ܡܠܟܐ ܕܕܐܿܢ ܒܩܘܫܬܐ܂ ܟܘܪܣܝܗ ܒܕܝܢܐ ܢܬܩܢ܂
29:15 [ai]	ܫܒܛܐ ܘܡܟܣܢܘܬܐ ܝܗܒܝܢ ܚܟܡܬܐ܂ ܘܛܠܝܐ ܕܠܐ ܪܕܐ ܡܒܗܬ ܠܐܡܗ/ܠܐܒܘܗܝ#1##2#/܂
29:16 [ai]	ܒܣܘܓܐܗܘܢ ܕܥܿܘܠ̈ܐ ܣܓܐ ܥܘܼܠܐ܂ ܘܙܕܝ̈ܩܐ ܢܚܕܘܢ ܒܡܦܘܠܬܗܘܢ܂
29:17 [ai]	ܪܕܝ ܒܪܟ ܘܢܢܝܚܟ܂ ܘܢܒܣܡ ܢܦܫܟ܂
29:18 [ai]	ܒܣܘܓܐܐ ܕܥܘ̈ܠܐ ܡܬܬܪܥ ܥܡܐ܂ ܘܕܢܛܪ ܢܡܘܣܐ ܛܘܒܘܗܝ܂
29:19 [ai]	ܒܡ̈ܠܐ ܠܐ ܡܬܪܕܐ ܥܒܼܕܐ܂ ܝܿܕܥ ܓܝܪ ܕܠܐ ܒܠܥ܂
29:20 [ai]	ܐܢ ܚܙܝܬ ܓܒܪܐ ܕܡܣܪܗܒ ܒܡ̈ܠܘܗܝ܂ ܕܥ ܕܛܒ ܗܘ ܡܢܗ ܣܟܠܐ܂
29:21 [ai]	ܕܡܬܦܢܩ ‍<‍ܛܠܝܐ#3#‍>‍ ܡܢ ܛܠܝܘܬܗ ܥܒܼܕܐ ܢܗܘܐ܂ ܘܒܐܚܪܝܬܗ ܢܬܬܢܚ܂
29:22 [ai]	ܓܒܪܐ ܚܡܬܢܐ ܡܓܪܓ ܕܝܢܐ܂ ܘܓܒܪܐ ܪܓܘܙܬܢܐ ܡܣܓܐ ܥܘܼܠܐ܂
29:23 [ai]	ܪܡܘܬܗ ܕܒܪ ܐܢܫܐ ܬܡܟܟܝܘܗܝ܂ ܘܡܟܝܟܘܬܗ ܬܣܓܐ ܠܗ ܐܝܩܪܐ܀
29:24 [ai]	ܕܦܠܓ ܥܡ ܓܢܒܐ ܣܢܐ ܢܦܫܗ܂ ܘܦܣܩܝܢ ܥܠܘܗܝ ܡܘ̈ܡܬܐ/ܡܘܗ̈ܒܬܐ#2#/ ܘܠܐ ܡܘܕܐ܂
29:25 [ai]	ܥܘܼܠܗ ܕܓܒܪܐ ܥܒܕ ܠܗ ܬܘܩܠܬܐ܂ ܘܕܬܟܝܠ ܥܠ ܡܪܝܐ ܢܥܫܢ܂
29:26 [ai]	ܣ̈ܓܝܐܐ ܕܒܥܝܢ ܐ̈ܦܝ ܫܠܝܛܐ܂ ܘܡܢ ܡܪܝܐ ܗܘ ‍<‍ܢܿܦܩ#3#‍>‍ ܕܝܢܗ ܕܓܒܪܐ܂
29:27 [ai]	ܛܡܐ ܗܘ ܠܙܕܝܩܐ ܓܒܪܐ ܥܘܠܐ܂ ܘܐܘܪܚܐ ܬܪܝܨܬܐ ܛܡܐܐ ܗܝ ܠܥܘ̈ܠܐ܀

next chapter