← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


30:01 [ai]ܡ̈ܠܘܗܝ ܕܐܓܘܪ ܒܪ ܝܩܝ܂ ܕܩܒܠ ܢܒܝܘܬܐ ܘܐܬܡܨܝ ܚܝܠܐ܂ ܘܐܡܪ ܠܐܬܠܝܐܝܠ܂
30:02 [ai]ܡܛܠ ܕܚܣܝܪ ܗܘ ܪ̈ܥܝܢܝ ܘܠܝܬ ܒܝ ܣܘܟܠܐ ܕܒܢ̈ܝ ܐܢܫܐ܃
30:03 [ai]ܘܠܐ ܝܕܥܬ ܚܟܡܬܐ܂ ܘܠܐ ܝܠܦܬ ܝܕܥܬܐ ܕܩܕܝܫ̈ܐ܂
30:04 [ai]ܐܡܪ ܠܝ ܡܢܘ ܣܠܩ ܠܫܡܝܐ ܘܢܚܬ܂ ܘܡܢܘ ܐܚܕ/ܐܚܝܕ#2#/ ܪܘܚܐ ܒܚ̈ܘܦܢܘܗܝ܂ ܘܡܢܘ/ܘܡܿܢ#3#/ ܨܪ ܡ̈ܝܐ ܒܫܘܫܦܐ܂ ܘܡܢܘ ܐܩܝܡ ܟܠܗܘܢ ܥܒܪ̈ܝܗܿ ܕܐܪܥܐ܂ ܐܝܢܘ ܫܡܗ ܘܐܝܢܘ/ܐܘ ܐܝܢܘ#3#/ ܫܡܐ ܕܒܪܗ ܐܢ ܝܕܥ ܐܢܬ܂
30:05 [ai]ܟܠܗܘܢ ܡܐܡܪ̈ܘܗܝ ܕܐܠܗܐ ܓܒܝ̈ܢ܂ ܘܡܣܝܥ ܠܐܝܠܝܢ ܕܬܟܝܠܝܢ ܥܠܘܗܝ܂
30:06 [ai]ܠܐ ܬܘܣܦ ܥܠ ܡ̈ܠܘܗܝ܂ ܕܠܐ ܢܟܣܟ ܘܬܬܟܕܒ܂
30:07 [ai]ܬܪ̈ܬܝܢ ܫܐܠܬ ܡܢܟ܂ ܠܐ ܬܟܠܐ ܡܢܝ ܥܕܠܐ ܐܡܘܬ܂
30:08 [ai]ܐܪܚܩ ܡܢܝ ܣܪܝܩܘܬܐ ܘܡܡܠܠܐ ܟܕܒܐ܂ ܘܡܣܟܢܘܬܐ ܘܥܘܬܪܐ ܠܐ ܬܬܠ ܠܝ܂ ܗܒ ܠܝ ܥܘܡܪܐ ܡܣܬܝ܂
30:09 [ai]ܕܠܐ ܐܣܒܥ ܘܐܟܕܒ܂ ܘܐܡܪ ܡܢܘ ܡܪܝܐ܂ ܘܕܠܐ ܐܬܡܣܟܢ ܘܐܓܢܘܒ܂ ܘܐܡܐ ܒܫܡܗ ܕܐܠܗܝ܂
30:10 [ai]ܠܐ ܬܫܠܡ ܥܒܼܕܐ ܠܡܪ̈ܘܗܝ܂ ܕܠܐ ܢܠܘܛܟ ܘܬܬܚܝܒ܂
30:11 [ai]ܠܕܪܐ ܕܐ̈ܒܗܘܗܝ ܢܨܚܐ܂ ܘܠܐܡܗ ܠܐ ܢܒܪܟ܂
30:12 [ai]ܕܪܐ ܕܕܟܐ ܒܥܝܢ̈ܝ ܢܦܫܗ܂ ܘܡܢ ܨܐܬܗ ܠܐ ܐܬܬܫܝܓ
30:13 [ai]ܕܪܐ ܡܐ ܕܪ̈ܡܢ ܥܝ̈ܢܘܗܝ ܘܬܡܪ̈ܘܗܝ ܡܫܩܠ܂
30:14 [ai]ܕܪܐ ܕܣܦܣܪ̈ܐ ܐ̈ܢܝܢ ܫܢ̈ܘܗܝ܂ ܘܣܟܝܢܝ̈ܬܐ ܢܝ̈ܒܘܗܝ܂ ܠܡܐܟܠ ܡܣ̈ܟܢܐ ܕܐܪܥܐ ܘܒܝܿܫ̈ܐ ܕܒܢܝܢܫܐ܂
30:15 [ai]ܠܥܠܘܩܐ ܬܠܬ ܗ̈ܘܝ ܠܗ ܒܢ̈ܢ ܚܒܝ̈ܒܢ܂ ܬܠܬ ܐܢܝ̈ܢ ܕܠܐ ܣܒ̈ܥܢ܂ ܘܕܐܪܒܥ ܠܐ ܐܡܪܐ ܟܕܘ܂
30:16 [ai]ܫܝܘܠ ܘܐܚܕܬ ܪ̈ܚܡܝܗܿ܂ ܘܐܪܥܐ ܠܐ ܣܒܥܐ ܡ̈ܝܐ܂ ܘܢܘܪܐ ܠܐ ܐܡܪܐ ܟܕܘ܂
30:17 [ai]ܥܝܢܐ ܕܓܚܟܐ ܥܠ ܐܒܘܗܿ ܘܫܝܛܐ ܣܝܒܘܬܐ ܕܐܡܗܿ܂ ܢܚܨܘܢܗܿ ܥܘܪ̈ܒܐ ܕܢܚܠܐ܂ ܘܢܐܟܠܘܢܗܿ ܒܢ̈ܝ ܢܫܪܐ܀
30:18 [ai]ܬܠܬ ܐ̈ܢܝܢ ܕܟܣ̈ܝܢ ܡܢܝ܂ ܘܕܐܪ̈ܒܥ ܠܐ ܝܕܥܬ ܐ̈ܢܝܢ܂
30:19 [ai]ܐܘܪܚܐ ܕܢܫܪܐ ܒܫܡܝܐ܂ ܘܐܘܪܚܐ ܕܚܘܝܐ ܥܠ ܫܘܥܐ܂ ܘܐܘܪܚܐ ܕܐܠܦܐ ܒܠܒܗ ܕܝܡܐ܂ ܘܐܘܪܚܐ ܕܓܒܪܐ ܒܥܠܝܡܘܬܗ܂
30:20 [ai]ܗܟܢܐ ܗܝ ܐܘܪܚܗܿ ܕܐܢܬܬܐ ܓܝܪܬܐ܂ ܐܟܠܐ ܘܡܟܦܪܐ ܦܘܡܗܿ܂ ܘܐܡܪܐ ܡܕܡ ܠܐ ܥܒܕܬ܂
30:21 [ai]ܬܚܝܬ ܬܠܬ ܙܝܥܐ ܐܪܥܐ܂ ܘܬܚܝܬ ܐܪ̈ܒܥ ܠܐ ܡܫܟܚܐ ܠܡܣܝܒܪܘ܂
30:22 [ai]ܬܚܝܬ ܥܒܼܕܐ ܟܕ ܢܡܠܟ܂ ܘܬܚܝܬ ܣܟܠܐ ܕܣܒܥ ܠܚܡܐ܂
30:23 [ai]ܘܬܚܝܬ ܣܢܘܐܬܐ ܕܗܘܝܐ ܠܓܒܪܐ܂ ܘܬܚܝܬ ܐܡܬܐ ܕܡܦܩܐ ܠܡܪܬܗܿ܂
30:24 [ai]ܐܪ̈ܒܥ ܐ̈ܢܝܢ ܕܙܥܘܪ̈ܝܢ ܒܐܪܥܐ܂ ܘܗ̈ܢܝܢ ܚ̈ܟܝܡܢ ܡܢ ܚ̈ܟܝܡܐ܂
30:25 [ai]ܫ̈ܘܫܡܢܐ ܕܚܝܠܐ ܠܝܬ ܒܗܘܢ܂ ܘܡܛܝܒܝܢ ܡܢ ܩܝܛܐ ܠܚܡܗܘܢ܂
30:26 [ai]ܘܚܓ̈ܣܐ ܕܒܨܝܪܝܢ ܒܚܝܠܐ܂ ܘܥܒܕܝܢ ܠܗܘܢ ܒܬ̈ܐ ܒܫ̈ܘܥܐ܂
30:27 [ai]ܘܩܡ̈ܨܐ ܕܡܠܟܘ ܠܝܬ ܠܗܘܢ܂ ܘܡܬܟܢܫܝܢ ܟܠܗܘܢ ܐܝܟ ܚܕܐ܂
30:28 [ai]ܘܐܡܩܬܐ ܕܡܣܒܟܐ ܒܐܝ̈ܕܝܗܿ܂ ܘܥܡܪܐ ܒܒ̈ܬܐ ܕܡ̈ܠܟܐ܂
30:29 [ai]ܬܠܬ ܐ̈ܢܝܢ ܕܬܪ̈ܝܨܢ ܗ̈ܠܟܬܗܝܢ܂ ܘܕܐܪ̈ܒܥ ܫܦܝܪ ܡܗ̈ܠܟܢ܂
30:30 [ai]ܓܘܪܝܐ ܕܐܪܝܐ ܓܢܒܪ ܗܘ ܡܢ ܟܠܗܿ ܒܥܝܪܐ܂ ܘܠܐ ܕܚܠ ܘܠܐ ܗܦܟ ܡܢ ܟܘܠܗܿ ܒܥܝܪܐ܂
30:31 [ai]ܘܐܒܟܐ ܕܡܙܕܪܟܠ ܒܝܢ̈ܬ ܬܪ̈ܢܓܠܬܐ܂ ܘܬܝܫܐ ܕܐܙܠ ܒܪܝܫ ܓܙܪܐ܂ ܘܡܠܟܐ ܕܡܡܠܠ ܒܝܬ ܥܡ̈ܡܐ܂
30:32 [ai]ܠܐ ܬܪܓ/ܬܬܪܓܪܓ#3#/ ܕܠܐ ܬܨܛܥܪ܂ ܘܠܐ ܬܘܫܛ ܐܝܕܟ ܠܦܘܡܟ ܒܥܬܐ܂
30:33 [ai]ܡܢ ܫܘܡܢܗ ܕܚܠܒܐ ܢܦܩܐ ܚܐܘܬܐ܂ ܘܐܢ ܬܟܒܘܫ ܐܝܕܟ ܥܠ ܚܛܬܐ ܢܦܘܩ ܕܡܐ܂ ܗܟܢܐ ܡܢ ܚܪܝܢܐ ܕܐ̈ܦܐ ܢܦܩ ܕܝܢܐ܂

next chapter