The Comprehensive Aramaic Lexicon

31:01 [ai]	ܡ̈ܠܘܗܝ ܕܡܘܐܝܠ ܡܠܟܐ ܢܒܝܐ܂ ܕܪܕܬܗ ܐܡܗ ܘܐܡܪܬ ܠܗ܃
31:02 [ai]	ܝܝ ܒܪܝ ܘܝܝ ܒܪ ܟܪܣܝ ܘܝܝ ܒܪ ܢܕܪ̈ܝ܂
31:03 [ai]	ܠܐ ܬܬܠ ܚܝܠܟ ܠܢܫ̈ܐ܂ ܘܐܘܪ̈ܚܬܟ/ܘܐܘܪ̈ܚܬܟ ܟܠܗܝܢ#3#/ ܠܡܐ̈ܟܠܬܐ ܕܡ̈ܠܟܐ܂
31:04 [ai]	ܡܢ ܡ̈ܠܟܐ ܡܘܐܝܠ ܐܙܕܗܪ܂ ܡܢ ܡ̈ܠܟܐ ܕܫ̈ܬܝܢ ܚܡܪܐ܂ ܘܡܢ ܫ̈ܠܝܛܢܐ ܕܫܬܝܢ ܫܟܪܐ܂
31:05 [ai]	ܕܠܐ ܬܫܬܐ ܘܬܛܥܐ ܠܡܒܕܩܢܐ܂ ܘܬܛܥܐ ܕܝܢܐ ܕܟܠܗܘܢ ܒܢ̈ܝ ܡܣ̈ܟܢܐ܀܀܂
31:06 [ai]	ܡܬܝܗܒ ܫܟܪܐ ܠܐ̈ܒܝܠܐ܂ ܘܚܡܪܐ ܠܡܪ̈ܝܪܝ ܢܦܫܐ܂
31:07 [ai]	ܕܢܫܬܘܢ ܘܢܛܥܘܢ ܟܐ̈ܒܝܗܘܢ܂ ܘܥܩ̈ܬܗܘܢ ܬܘܒ ܠܐ ܢܬܕܟܪܘܢ܂
31:08 [ai]	ܦܬܚ ܦܘܡܟ ܒܡܠܬܐ ܕܩܘܫܬܐ܂ ܘܕܘܢ ܠܟܠܗܘܢ ܒܢ̈ܝܐ ܥܘ̈ܠܐ܂
31:09 [ai]	ܦܬܚ ܦܘܡܟ ܒܕܝܢܐ ܙܕܝܩܐ܂ ܘܕܘܢ ܠܡܣ̈ܟܢܐ ܘܠܒܝܿܫ̈ܐ܂
31:10 [ai]	ܐܢܬܬܐ ܟܫܝܪܬܐ ܡܢܘ ܡܫܟܚ܂ ܝܩܝܪܐ ܗܝ ܓܝܪ ܡܢ ܟܐ̈ܦܐ ܛܒ̈ܬܐ ܕܕܡ̈ܝܢ ܠܝܬ ܠܗܝܢ܂
31:11 [ai]	ܘܬܟܝܠ ܥܠܝܗܿ ܠܒܗ ܕܒܥܠܗܿ܂ ܘܐܣܢܐ ܠܐ ܚܣܪ ܠܗܿ܂
31:12 [ai]	ܥܒܕܬ ܠܗ ܛܒ̈ܬܐ ܘܠܐ ܒܝܫܬ̈ܐ܂ ܟܠܗܘܢ ܝܘܡ̈ܬܐ ܕܚ̈ܝܘܗܝ܂
31:13 [ai]	ܒܥܬ ܥܡܪܐ ܘܟܬܢܐ܂ ܘܥܒܕ ܐ̈ܝܕܝܗܿ ܐܝܟ ܨܒܝܢܗܿ܂
31:14 [ai]	ܗܘܬ ܐܝܟ ܐܠܦܐ ܕܬܓܪܐ܂ ܕܡܢ ܪܘܚܩܐ ܐܬܝܐ ܬܐܓܘܪܬܗܿ܂
31:15 [ai]	ܘܩܡܬ ܒܠܠܝܐ܂ ܘܝܗܒܬ ܡܐܟܘܠܬܐ ܠܒܢ̈ܝ ܒܝܬܗܿ ܘܥܿܒܕܐ ܠܛܠܝ̈ܬܗܿ܂
31:16 [ai]	ܘܚܪܬ ܒܦܘܠܚܢܐ ܘܙܒܢܬܗ܂ ܘܡܢ ܦܐܪ̈ܐ ܕܐ̈ܝܕܝܗܿ ܢܨܒܬ ܟܪܡܐ܂
31:17 [ai]	ܘܐܣܪܬ ܚ̈ܨܝܗܿ ܒܥܘܫܢܐ ܘܫܪܪܬ ܕܪ̈ܥܝܗܿ܂
31:18 [ai]	ܘܛܥܡܬ ܕܛܒܐ ܗܝ ܬܐܓܘܪܬܗܿ܂ ܘܠܐ ܕܥܟ ܗܘܐ ܫܪܓܗܿ ܠܠܝܐ ܟܠܗ܂
31:19 [ai]	ܕܪ̈ܥܝܗܿ ܐܘܫܛܬ ܒܟܫܝܪܘܬܐ ܘܐ̈ܝܕܝܗܿ ܠܡܘܥܙܠܐ܃
31:20 [ai]	ܐ̈ܝܕܝܗܿ ܦܫܛܬ ܠܡ̈ܣܟܢܐ܂ ܘܕܪ̈ܥܝܗܿ ܐܘܫܛܬ ܠܒܝܿܫ̈ܐ܂
31:21 [ai]	ܘܠܐ ܕܚܠܝܢ ܗܘܘ ܒܢ̈ܝ ܒܝܬܗܿ ܡܢ ܬܠܓܐ܂ ܡܛܘܠ ܕܟܠܗܘܢ ܠܒܝܫ̈ܝܢ ܗܘܘ ܙܚܘܪ̈ܝܬܐ܂
31:22 [ai]	ܬܫܘܝܬܐ ܥܒܕܬ ܠܗܿ܂ ܘܢܚ̈ܬܐ ܕܒܘܨܐ ܘܕܐܪܓܘܢܐ܂
31:23 [ai]	ܝܕܝܥ ܗܘܐ ܒܥܠܗܿ ܒܝܢ̈ܬ/ܒܝܬ#3#/ ܡܕܝܢ̈ܬܐ܂ ܟܕ ܝܬܒ ܗܘܐ ܒܝܬ/ܒܝܢܬ#3#/ ܣ̈ܒܐ ܕܐܪܥܐ܂
31:24 [ai]	ܟܬܢܐ ܥܒܕܬ ܘܙܒܢܬ܂ ܘܐܣܪ ܚ̈ܨܐ ܝܗܒܬ ܠܟܢܥ̈ܢܝܐ܂
31:25 [ai]	ܥܘܫܢܐ ܘܗܕܪܐ ܠܒܘܫܗܿ܂ ܘܬܚܕܐ ܒܝܘܡܐ ܐܚܪܝܐ܂
31:26 [ai]	ܦܘܡܗܿ ܦܬܚܬ ܒܚܟܡܬܐ܂ ܘܢܡܘܣܐ ܕܪ̈ܚܡܐ ܥܠ ܠܫܢܗܿ܂
31:27 [ai]	ܘܓ̈ܠܝܢ ܐܘܪ̈ܚܬܐ ܕܒܝܬܗܿ܂ ܠܚܡܗܿ ܚܒܢܢܐܝܬ ܠܐ ܐܟܠܬ܂
31:28 [ai]	ܩܡܘ ܒܢܝܗܿ ܘܝܗܒܘ ܠܗܿ ܛܘܒܐ܂ ܘܒܥܠܗܿ ܫܒܚܗܿ܂
31:29 [ai]	ܘܣܘܓܐܐ ܕܒ̈ܢܬܗܿ ܩ̈ܢܝ ܥܘܬܪܐ܂ ܘܐܢܬܝ ܥܒܪܬܝ ܥܠ ܟܠܗܝܢ܂
31:30 [ai]	ܕܓܠܐ ܗܝ ܝܐܝܘܬܐ ܘܣܪܝܩ ܗܘ ܫܘܦܪܐ܂ ܘܐܢܬܬܐ ܕܕܚܠܐ ܡܢ ܡܪܝܐ ܗܝ ܬܫܬܒܚ܂
31:31 [ai]	ܗܒܘ ܠܗܿ ܡܢ ܦܐܪ̈ܐ ܕܐ̈ܝܕܝܗܿ܂ ܘܢܫܒܚܘܢܗܿ ܥܿܒ̈ܕܝܗܿ ܒܬܪܥܐ܂

next chapter