← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62030: P Ruth

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܘܠܢܥܡܝ ܐܝܬ ܗܘܐ ܓܒܪܐ ܚܕ ܡܘܕܥܼܬܐ܃ ܡܢ ܫܪܒܬܗ ܕܐ‍{‍ܒ‍}‍‍<‍ܠ‍>‍ܝܡܠܟ ܒܥܠܗܿ܃ ܓܒܪܐ ܝܕܝܥܐ ܘܫܡܼܗ ܒܥܙ܀
02:02 [ai]ܘܐܡܪܬ ܪܥܘܬ ܡܘܐܒܝܬܐ ܠܢܥܡܝ ܚܡܬܗܿ ܐܿܙܠ ܠܚܩܠܐ ܘܐܠܩܘܛ ܠܩܛܐ ܒܬܪ ܦܥ̈ܠܐ ܕܡܿܢ ܕܐܫܟܚ ܪ̈ܚܼܡܐ ܒܥܝܢܘܗܝ܂ ܘܐܡܪܬ ܠܗܿ ܚܡܬܗܿ ܙܠܝ ܒܪܬܝ܀
02:03 [ai]ܘܐܙܠܬ ܪܥܘܬ ܠܡܠܩܛ ܠܩܛܐ ܒܬܪ ܚܨܘ̈ܕܐ܃ ܘܐܣܬܩܒܠܬ ܒܦܠܓܘܬܐ ܕܚܩܠܗ ܕܒܥܙ ܒܪ ܫܪܒܬܗ ܕܐ‍{‍ܒ‍}‍‍<‍ܠ‍>‍ܝܡܠܟ܀
02:04 [ai]ܘܗܐ ܒܥܙ ܐܿܬܐ ܡܢ ܒܝܬ ܠܚܡ܃ ܘܐܡܼܪ ܠܚܨܘܕ̈ܐ ܫܠܡܐ ܥܡܟܘܢ܃ ܐܿܡܪܝܢ ܠܗ ܡܪܝܐ ܢܒܪܟܟ܀
02:05 [ai]ܘܐܡܪ ܒܥܙ ܠܛܠܝܐ ܕܩܐܡ ܥܠ ܦܥ̈ܠܐ܃ ܡܐ ܛܒܗܿ ܕܥܠܝܡܬܐ ܗܕܐ܀
02:06 [ai]ܘܥܼܢܐ ܛܠܝܐܼ ܘܐܼܡܪ ܠܗ܃ ܐܢܬܬܐ ܗܝ ܡܘܐܒܝܬܐ܃ ܗܿܝ ܕܐܬܬ ܥܡ ܢܥܡܝ ܡܢ ܐܪܥܐ ܕܡܘܐܒ܀
02:07 [ai]ܘܐܡܪܐ ܐܠܩܘܛ ܠܩܛܐ ܒܬܪ ܚܨܘ̈ܕܐ܃ ܘܠܩܛܬ ܡܢ ܨܦܪܐ ܥܕܡܐ ܠܢܝܚܬܐ܀
02:08 [ai]ܘܐܼܡܪ ܒܥܙ ܠܪܥܘܬ܃ ܒܪܬܝ ܠܐ ܫܡܝܥ ܠܟܝ ܒܡܬܠܐ܃ ܕܒܚܩܠܐ ܕܠܐ ܕܝܠܟ ܠܐ ܬܠܩܘܛ ܡܛܠ ܗܢܐ ܩܘܝ ܘܗܘܝܬ ܬܢܢ ܥܡ ܛܠܝܬ̈ܝ܀
02:09 [ai]ܘܗܘܝܬܝ ܚܿܙܝܐ ܐܝܟܐ ܚܨܿܕܝܢ܃ ܘܗܼܘܝܬܝ ܐܿܙܠܐ ܒܬܪܗܘܢ܃ ܗܐ ܦܩܕܬ ܠܛܠܝ̈ܐ ܕܐܢܫ ܠܐ ܢܗܪܟܝ܂ ܘܐܢ ܙܗܢܬܝܼ ܙܠܝ ܘܐܫܬܝ ܡܢ ܡܐ̈ܢܐ ܕܡܿܠܝܢ ܛ̈ܠܝܐ܀
02:10 [ai]ܘܢܦܠܬ ܥܠ ܐܦܝ̈ܗܿ ܥܠ ܐܪܥܐ ܘܣܓܕܬ ܠܼܗ ܘܐܡܪܬ܃ ܡܛܠ ܕܐܫ̈ܟܚܬ ܪ̈ܚܼܡܐ ܒܥܝ̈ܢܝܟ ܠܡܕܥܢܝ ܕܐܟܣܢܝܬܐ ܐܢܐ܀
02:11 [ai]ܐܡܪ ܠܗܿ ܒܿܥܙ܃ ܡܬܐܡܪܘ ܐܬܐܡܪ ܠܝ ܡܕܡ ܕܥ̈ܒܕܬܝ ܥܡ ܚܡܬܟܝ ܡܢ ܒܬܪ ܕܡܼܝܬ ܒܥܠܟܝ܃ ܕܫܒܩܬܝ ܐܒܘܟ ܘܐܡܟܝ ܘܫܪܒܬܟܝ܃ ܘܐܼܬܝܬ ܠܥܡܐ ܕܠܐ ܝܿܕܥܐ ܗܼܘܝܬ ܡܢ ܐܬܡܠܝ ܘܡܢ ܡܢܬܡܠܝ܀
02:12 [ai]ܢܦܪܥܟܝ ܡܪܝܐ ܐܠܗܐ ܕܐܝܣܪܝܠ܃ ܘܢܬܠ ܐܓܪܟܝ܀ ܗܘܿ ܕܐܼܬܝܬ ܠܡܣܬܬܪܘ ܬܚܝܬ ܟܢ̈ܦܘܗܝ܀
02:13 [ai]ܘܐܡܪܬ ܠܗ܃ ܡܛܠ ܕܐܫܟܿܚܬ ܪ̈ܚܡܐ ܒܥܝܢܝ̈ܟ ܡܪܝ܃ ܘܒܝܐܬܢܝ ܘܡܠܼܝܬ ܒܠܒܗܿ ܕܐܡܬܟ܃ ܘܐܢܐ ܐܗܘܐ ܐܝܟ ܚܕܐ ܡܢ ܐܡܗ̈ܬܟ܀
02:14 [ai]ܘܐܡܪ ܠܗܿ ܒܥܙ ܒܥܕܢܐ ܕܫܪܘܬܐ܃ ܩܪܘܒܝ ܘܐܟܘܠ ܥܡܝ ܠܚܡܐ܃ ܘܐܘܬܒܗܿ ܥܠ ܓܒ ܚܨܘ̈ܕܐ܃ ܘܝܗܼܒ ܠܗܿ ܫܚܬܝܬܐ܃ ܘܨܒܥ ܠܚܡܐ ܒܚ‍<‍ܠ‍>‍ܒܐ܃ ܘܐܪܡܝ ܦܬ̈ܐ ܕܦܪ̈ܝܟܬܐ܂ ܘܝܗܼܒ ܠܗܿ ܘܐܟܠܬ ܘܣܼܒܥܬ ܘܐܘܬܪܬ܀
02:15 [ai]ܘܩܡܬ ܠܡܠܩܛ܃ ܘܿܦܩܕ ܒܥܙ ܠܥܒܕܘ̈ܗܝ ܘܐܼܡܪ܃ ܬܠܩܘܛ ܡܢ ܒܝ̈ܢܬ ܟܦܐ ܘܠܐ ܬܗܪܘܢܗܿ܀
02:16 [ai]ܘܫܒܩܘܗܿ ܠܿܩܛܐ ܡܢ ܒܝ̈ܢܬ ܟ̈ܦܐ܂ ܘܠܐ ܐܗܪܘܗܿ܃
02:17 [ai]ܘܗܘܬ ܠܿܩܛܐ ܒܚܩܠܐ ܥܕܡܐ ܠܪܡܫܐ܃ ܘܚܒܛܬ ܐܢ̈ܝܢ܃ ܘܐܫܟܚܬ ܒܗܝܢ ܐܝܟ ܡܠܐ ܟܝܠܐ ܕܣܥܪ̈ܐ܀
02:18 [ai]ܘܫܩܠܬ ܐ̈ܢܝܢ ܘܥܼܠܬ ܠܡܕܝܢܬܐ܃ ܘܚܘܼܝܬ ܠܚܡܬܗܿ ܠܩܛܐ ܕܠܩܛܬ܃ ܘܝܗܒܬ ܠܗܿ ܡܢ ܗܘܿ ܡܐ ܕܠܥܣܬ ܘܐܘܬܪܬ܀
02:19 [ai]ܘܐܡܪܬ ܠܗܿ ܚܡܬܗܿ܃ ܐܝܿܟܐ ܠܿܩܛܐ ܗܼܘܝܬ ܝܘܡܢܐ܃ ܘܐܬܪ ܕܗܘܼܝܬ ܢܗܘܐ ܒܪܝܟ܃ ܘܗܿܘ ܡܿܢ ܕܐܫܟܚܬܝ ܪ̈ܚܼܡܐ ܒܥܝ̈ܢܘܗܝ܂ ܘܐܫܬܥܝܬ ܠܚܡܬܗܿ ܐܝܟܐ ܗܘܬ܃ ܘܐܿܡܪܐ ܠܗܿ܃ ܒܥܙ ܫܡܗ ܠܓܒܪܐ ܕܠܿܩܛܐ ܗܘܝܬ ܒܚܩܠܗ ܝܘܡܢܐ܀
02:20 [ai]ܘܐܡܼܪܬ ܢܥܡܝ ܠܟܠܬܗܿ܃ ܒܪܝܟ ܗܼܘ ܡܪܝܐ ܕܠܐ ܐܥܒܪ ܚܣܕܗ ܡܢ ܚܝ̈ܐ ܘܡܢ ܡܝ̈ܬܐ܂ ܘܐܡܪܬ ܠܗܿ ܢܥܡܝ܃ ܩܪܝܒܢ ܗܘ ܓܒܪܐ܃ ܘܡܢ ܬܒܥ ܥܝܪܬܢ ܗܘ܀
02:21 [ai]ܘܐܡܪܬ ܪܥܘܬ ܠܚܡܬܗܿ܃ ܘܐܼܡܪ ܠܝ ܬܘܒ ܕܕܼܒܩ ܠܥܒ̈ܕܝ ܥܕܡܐ ܕܢܓܡܪ ܚܨܕܐ ܟܠܗ܀
02:22 [ai]ܘܐܡܪܬ ܢܥܡܝ ܠܪܥܘܬ ܟܠܬܗ܃ ܛܘܒܝܟܝ ܒܪܬܝ ܕܕܒܼܩܬ ܠܥܠܝܡ̈ܬܗ܃ ܘܠܐ ܐܢܫ ܢܗܪܟܝ ܒܚܩܠܐ ܕܠܐ ܝܕܥܬܝ܀
02:23 [ai]ܐܠܐ ܢܩܦܬܝ ܠܐܡܗ̈ܬܗ ܕܒܥܙ ܠܡܠܩܛ܃ ܥܕܡܐ ܕܢܫܼܠܡ ܚܨܕܐ ܕܣܥܪ̈ܐ ܘܕܚܛ̈ܐ܀

next chapter