← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62032: P Eccl

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܠܟܠ ܡܕܡ ܙܒܢܐ ܘܙܒܢܐ ܠܟܠ ܨܒܘ ܬܚܝܬ ܫܡܫܐ܂
03:02 [ai]ܙܒܢܐ ܠܡܐܠܕ ܘܙܒܢܐ ܠܡܡܬ܂ ܙܒܢܐ ܠܡܨܒ ܘܙܒܢܐ ܠܡܥܩܪ ܢܨܝܒܐ܂
03:03 [ai]ܙܒܢܐ ܠܡܩܛܠ ܘܙܒܢܐ ܠܡܚܝܘ܂ ܙܒܢܐ ܠܡܣܬܪ ܘܙܒܢܐ ܠܡܒܢܐ܂
03:04 [ai]ܙܒܢܐ ܠܡܒܟܐ ܘܙܒܢܐ ܠܡܓܚܟ܂ ܙܒܢܐ ܠܡܼܪܩܕܘ ܘܙܒܢܐ ܠܡܿܪܩܕܘ܂
03:05 [ai]ܙܒܢܐ ܠܡܪܡܝܘ ܟܐ̈ܦܐ ܘܙܒܢܐ ܠܡܟܢܫܘ ܟܐ̈ܦܐ܂ ܙܒܢܐ ܠܡܥܦܩ ܘܙܒܢܐ ܠܡܬܪܚܩܘ/ܠܡܪܚܩܘ#3#/ ܡܢ ܥܦܘܩܝܐ܂
03:06 [ai]ܙܒܢܐ ܠܡܘܒܕܘ ܘܙܒܢܐ ܠܡܒܥܐ܂ ܙܒܢܐ ܠܡܩܛܪ ܘܙܒܢܐ ܠܡܫܪܐ܂
03:07 [ai]ܙܒܢܐ ܠܡܨܪܐ ܘܙܒܢܐ ܠܡܚܛ܂ ܙܒܢܐ ܠܡܫܬܩ ܘܙܒܢܐ ܠܡܡܠܠܘ܂
03:08 [ai]ܙܒܢܐ ܠܡܪܚܡ ܘܙܒܢܐ ܠܡܣܢܐ܂ ܙܒܢܐ ܕܩܪܒܐ ܘܙܒܢܐ ܕܫܠܡܐ܂
03:09 [ai]ܡܢܐ ܝܘܬܪܢ ܠܒܪ ܐܢܫܐ ܒܥܒܕܐ ܕܗܘ ܥܡܠ ܬܚܝܬ ܫܡܫܐ܂
03:10 [ai]ܚܙܝܬ ܥܢܝܢܐ ܕܝܗܒ ܡܪܝܐ ܠܒܢ̈ܝ ܐܢܫܐ ܠܡܬܥܢܝܘ ܒܗ܂
03:11 [ai]ܟܘܠ ܕܥܒܕ ܕܫܦܝܪ/ܫܦܝܪ#3#/ ܒܙܒܢܗ܂ ܘܐܦ/ܘܝܬ#3#/ ܥܡܠܐ/ܥܠܡܐ#3#/ ܝܗܒ ܒܠܒܗܘܢ܂ ܐܝܟ ܕܠܐ ܢܫܟܚ ܐܢܫܐ ܥܒܕܐ ܕܥܒܕ ܡܪܝܐ܂ ܡܢ ܪܫܝܬܐ ܘܥܕܡܐ ܠܐܚܪܝܬܐ/ܠܐܚܪܬܐ#2#/܂
03:12 [ai]ܘܝܕܥܬ ܕܠܝܬ ܕܛܒ ܒܗܘܢ܂ ܐܠܐ ܠܡܚܕܐ ܘܠܡܥܒܕ ܕܛܒ ܒܚܝ̈ܝܗܘܢ܂
03:13 [ai]ܘܐܦ ܟܠ ܐܢܫ ܕܢܐܟܘܠ ܘܢܫܬܐ܂ ܘܢܚܙܐ ܛܒܬܐ ܒܟܠ ܥܡܠܗ܂ ܗܕܐ ܡܘܗܒܬܐ ܗܝ ܕܡܪܝܐ܂
03:14 [ai]ܝܕܥܬ ܕܟܠ/ܟܠ#3#/ ܕܥܒܕ ܡܪܝܐ ܗܘ ܢܗܘܐ ܠܥܠܡ܂ ܥܠܘܗܝ ܠܝܬ ܠܡܘܣܦܘ܂ ܘܡܢܗ ܠܝܬ ܠܡܒܨܪ/ܠܡܒܨܪܘ#3#/܂ ܘܡܪܝܐ ܥܒܕ ܕܢܕܚܠܘܢ ܡܢܗ/ܠܗ#3#/܂
03:15 [ai]ܡܐ ܕܗܘܐ ܡܢ ܟܕܘ ܐܝܬܘܗܝ܂ ܘܟܠ ܡܐ ܕܢܗܘܐ ܡܢ ܣܓܝ ܗܘܐ ܘܐܠܗܐ ܢܒܥܐ ܠܪܕܝܦܐ ܕܡܬܪܕܦ܂
03:16 [ai]ܘܬܘܒ ܚܙܝܬ ܬܚܝܬ ܫܡܫܐ܂ ܐܬܪ ܕܕܝܢܐ ܬܡܢ ܪܘܫܥܐ܂ ܘܐܬܪ ܕܙܕܩܐ ܬܡܢ ܥܘܠܐ܂
03:17 [ai]ܘܐܡܪܬ ܐܢܐ ܒܠܒܝ܂ ܝܬ ܙܕܝܩܐ ܘܝܬ ܪܫܝܥܐ ܐܠܗܐ ܕܐܢ ܡܛܠ ܕܙܒܢܐ ܠܟܠ ܨܒܘ ܘܠܟܠ ܥܒܕ ܬܡܢ܂
03:18 [ai]ܐܡܪܬ ܐܢܐ ܒܠܒܝ܂ ܥܠ ܡܡܠܠܐ ܕܒܢ̈ܝ ܐܢܫܐ ܕܒܪܐ ܐܢܘܢ ܐܠܗܐ܂ ܘܠܡܚܘܝܘ ܕܗܢܘܢ ܐܝܟ ܒܥܝܪܐ ܐܢܘܢ܂
03:19 [ai]ܠܗܘܢ ܡܛܐ ܓܕܫܐ ܕܒܢ̈ܝ ܐܢܫܐ ܘܓܕܫܐ ܕܒܥܝܪܐ܂ ܓܕܫܐ ܚܕ ܓܕܫ ܠܟܠܗܘܢ܂ ܐܝܟ ܡܘܬܗ ܕܗܢܐ ܗܟܢܐ ܡܐܬ ܐܦ ܗܢܐ ܘܚܕܐ ܪܘܚܐ ܠܟܠܗܘܢ܂ ܘܡܝܬܪܘܬܗ ܕܒܪܢܫܐ ܡܢ ܒܥܝܪܐ/ܕܒܥܝܪܐ#3#/ ܠܝܬ܂ ܡܛܠ ܕܟܠ ܡܕܡ ܗܒܠܐ܂
03:20 [ai]ܟܠ ܐܙܠ ܠܐܬܪܐ ܚܕ܂ ܟܠ ܗܘܐ ܡܢ ܥܦܪܐ܂ ܘܟܠ ܗܦܟ ܠܥܦܪܐ܂
03:21 [ai]ܘܡܢܘ ܝܕܥ ܐܢ ܪܘܚ ܒܢ̈ܝ ܐܢܫܐ ܣܠܩܐ ܠܥܠ܂ ܘܪܘܚ ܒܥܝܪܐ ܢܚܬܐ ܗܝ ܠܬܚܬ ܠܐܪܥܐ/ܒܐܪܥܐ#3#/܂
03:22 [ai]ܘܚܙܝܬ ܕܠܝܬ ܕܛܒ ܒܗܘܢ܂ ܐܠܐ ܕܢܚܕܐ ܐܢܫ ܒܥܒ̈ܕܘܗܝ܂ ܡܛܠ ܕܗܝ ܗܝ ܡܢܬܗ܂ ܡܛܠ ܕܡܢܘ ܢܝܬܝܘܗܝ ܠܡܚܙܐ ܒܟܠ ܕܢܗܘܐ ܡܢ ܒܬܪܗ܂

next chapter