← Back
The Comprehensive Aramaic Lexicon
← Return to the Text Browser
click on the file description for more information
62032: P Eccl

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܐܝܬ ܒܝܫܬܐ ܕܚܙܝܬ ܬܚܝܬ ܫܡܫܐ܂ ܘܣܓܝܐܐ ܗܝ ܥܠ ܒܢ̈ܝ ܐܢܫܐ܂
06:02 [ai]ܓܒܪܐ ܕܢܬܠ ܠܗ ܐܠܗܐ ܥܘܬܪܐ ܘܢܟܣ̈ܐ ܘܐܝܩܪܐ܂ ܘܠܐ ܚܣܝܪ ܠܢܦܫܗ ܡܕܡ ܡܢ ܟܠ ܡܐ ܕܪܐܓ܂ ܘܠܐ ܐܫܠܛܗ ܐܠܗܐ ܠܡܐܟܠ ܡܢܗ܂ ܐܠܐ ܓܒܪ ܢܘܟܪܝ ܢܐܟܠܝܘܗܝ ܡܢ ܒܬܪܗ܂ ܗܢܐ ܗܒܠܐ ܘܟܪܝܘܬܗ/ܘܟܪܝܗܘܬܐ#3#/ ܗܝ܂
06:03 [ai]ܐܢ ܢܘܠܕ ܓܒܪܐ ܡܐܐ܂ ܘܫ̈ܢܝܢ ܣ̈ܓܝܐܢ ܢܚܐ܂ ܘܢܣܓܘܢ ܝܘܡ̈ܬܐ ܕܫ̈ܢܘܗܝ܂ ܘܢܦܫܗ ܠܐ ܬܣܒܥ ܡܢ ܛܒ̈ܬܐ܂ ܘܐܦ ܩܒܘܪܬܐ ܠܐ ܬܗܘܐ ܠܗ܂ ܐܡܪܬ ܕܛܒ ܗܘ ܡܢܗ ܝܚܛܐ܂
06:04 [ai]ܡܛܠ ܕܒܗܒܠܐ ܐܬܐ ܘܒܚܫܘܟܐ ܢܐܙܠ܂ ܘܒܚܫܘܟܐ ܫܡܗ ܢܬܟܣܐ܂
06:05 [ai]\ܐܦ ܫܡܫܐ /ܘܫܡܫܐ#3#/ ܠܐ ܚܙܐ ܘܠܐ ܝܕܥ܂ ܢܝܚ ܠܗܢܐ ܛܒ ܡܢ ܕܠܗܢܐ܂
06:06 [ai]ܘܐܠܘ ܚܝܐ ܐܠܦ ܫ̈ܢܝܢ ܕܬܪ̈ܬܝܢ ܙܒ̈ܢܝܢ ܘܛܒܬܐ ܠܐ ܚܙܐ܂ ܕܠܡܐ ܠܐ ܗܘܐ ܠܚܕ ܐܬܪܐ ܐܙܠ ܟܘܠܐ܂
06:07 [ai]ܟܠ ܕܥܡܠ ܐܢܫܐ ܒܦܘܡܗ܂ ܘܢܦܫܗ ܠܐ ܡܠܝܐ܂
06:08 [ai]ܡܛܠ ܕܐܝܬ ܝܘܬܪܢܐ ܠܚܟܝܡܐ ܡܢ ܕܠܣܟܠܐ܂ ܠܡܢܐ ܕܡܣܟܢܐ ܝܕܥ ܠܡܐܙܠ ܠܚ̈ܝܐ܂
06:09 [ai]ܛܒ ܚܙܘܐ ܕܥܝ̈ܢܐ ܡܢ ܗܠܟܬܐ ܕܢܦܫܐ܂ ܘܐܦ ܗܕܐ/ܗܢܐ#3#/ ܗܒܠܐ ܘܛܘܪܦܐ ܕܢܦܫܐ/ܕܪܘܚܐ#3#/܂
06:10 [ai]ܡܕܡ ܕܗܘܐ \ܡܢ ܩܕܝܡ /ܡܢܕܪܝܫ#3#/ ܐܬܩܪܝ ܫܡܗ܂ ܘܐܬܝܕܥ ܕܗܘ ܒܪܢܫܐ܂ ܘܠܐ/ܕܠܐ#3#/ ܡܫܟܚ ܠܡܕܢ ܥܡ ܡܿܢ ܕܬܩܝܦ ܡܢܗ܂
06:11 [ai]ܡܛܠ ܕܐܝܬ ܦܬܓܡ̈ܐ ܣ̈ܓܝܐܐ ܕܡܣܓܝܢ ܗܒܠܐ܂ ܡܢܐ ܝܘܬܪܢܐ ‍<‍ܐܝܬ#3#‍>‍ ܠܒܪܢܫܐ܂
06:12 [ai]ܡܛܠ ܕܡܢܘ ܝܕܥ ܡܢܐ ܛܒ ܠܒܪܢܫܐ ܒܚ̈ܝܘܗܝ܂ ܡ̈ܢܝܢ ܝܘܡ̈ܝ ܚ̈ܝܝ ܗܒܠܗ܂ ܘܥܒܪ ܐܢܘܢ ܐܝܟ ܛܠܠܐ܂ ܡܢܘ ܢܚܘܐ ܠܒܪܢܫܐ ܡܢܐ ܢܗܘܐ ܡܢ ܒܬܪܗ ܬܚܝܬ ܫܡܫܐ܂

next chapter