The Comprehensive Aramaic Lexicon

04:01 [ai]	ܐܝܟܢܐ ܡܣܬܠܐ ܕܗܒܐ ܛܒܐ ܘܫܢܐ ܨܘܒܥܐ ܫܦܝܪܐ܃ ܘܡܫ̈ܬܕܝܢ ܟܐ̈ܦܐ ܕܩܘܕܫܐ ܒܪܝܫ ܟܠܗܘܢ ܫܘ̈ܩܐ܀
04:02 [ai]	ܒ̈ܢܝ ܨܗܝܘܢ ܝܩܝܪ̈ܐ ܕܡܝܬܪܝܢ ܗܘܘ ܡܢ ܟܐ̈ܦܐ ܛܒ̈ܬܐ܃ ܐܝܟܢܐ ܐܬܚܫܒܘ ܐܝܟ ܡ̈ܐܢܐ ܕܚܨܦܐ ܥܒܕ ܐܝ̈ܕܝܐ ܕܦܚܪܐ܀
04:03 [ai]	ܓ̈ܠܝ ܐܝܟ ܝܪ̈ܘܪܐ ܬܕܝ̈ܗܝܢ܂ ܘܐܝܢܩ ܓܪ̈ܝܗܝܢ܂ ܗܘܬ ܒܪܬ ܥܡܝ ܠܡܚܘܬܐ ܕܠܝܬ ܠܗܿ ܐܣܝܘܬܐ܂ ܘܐܝܟ ܢܥܡܐ ܒܡܕܒܪܐ܀
04:04 [ai]	ܕܒܩ ܠܫܢܗ ܕܝܠܘܕܐ ܠܫ̈ܡܝ ܚܟܗ ܒܨܗܝܐ܂ ܛ̈ܠܝܐ ܫܐܠܘ ܠܚܡܐ ܘܠܝܬ ܕܩܨܐ ܝܗܒ ܠܗܘܢ܀
04:05 [ai]	ܗܢܘܢ ܕܐܟܠܝܢ ܗܘܘ ܦܘܢ̈ܩܐ ܗܐ ܣܝܡܝܢ ܒܫܘ̈ܩܐ ܕܐܬܪܒܝܘ ܥܠ ܙܚܘܪ̈ܝܬܐ ܗܐ ܕܡܟܝܢ ܒܩܩ̈ܠܬܐ܀
04:06 [ai]	ܘܣܓܝ ܥܘܠܗܿ ܕܒܪܬ ܥܡܝ ܡܢ ܚܛܝܬܗܿ ܕܣܕܘܡ܂ ܕܐܬܗܦܟܬ ܡܢ ܫܠܝܐ ܘܠܐ ܠܐ̈ܝ ܒܗܿ ܐܝ̈ܕܝܐ܀
04:07 [ai]	ܕܟܝܘ ܢܙܝܪ̈ܝܗܿ ܡܢ ܬܠܓܐ ܘܚܘܪܘ ܡܢ ܚܠܒܐ ܒܡܪ̈ܥܝܬܗܘܢ܂ ܣܡܩܘ ܓܪ̈ܡܝܗܘܢ ܡܢ ܣܪܕܘܢ ܘܡܢ ܣܦܝܠܐ ܓܘܫܡܗܘܢ܀
04:08 [ai]	ܚܫܟ ܡܢ ܫܘܚܪ̈ܐ ܚܙܘܗܘܢ܃ ܘܠܐ ܐܬܝܕܥܘ ܒܫܘ̈ܩܐ ܩܦܘܕ ܡܫܟܗܘܢ ܥܠ ܓܪ̈ܡܝܗܘܢ ܝܒܫ ܘܗܘܐ ܐܝܟ ܩܝܣܐ܀
04:09 [ai]	ܛܒܝܢ ܗܘܘ ܩܛܝ̈ܠܝ ܚܪܒܐ ܡܢ ܩܛܝ̈ܠܝ ܟܦܢܐ܂ ܕܕܒܘ ܐܝܟ ܗܢܘܢ ܕܡܡܚܝܢ ܘܫܕܝܢ ܒܚܩܠܐ܀
04:10 [ai]	ܐܝ̈ܕܝ ܢܫ̈ܐ ܡܪ̈ܚܡܢܝܬܐ ܒܫܠ ܒ̈ܢܝܗܝܢ܂ ܘܗܘܘ ܠܗܝܢ ܠܡܐܟܘܠܬܐ ܒܬܒܪܗܿ ܕܒܪܬ ܥܡܝ܀
04:11 [ai]	ܫܡܠܝ ܡܪܝܐ ܚܡܬܗ ܘܐܫܕ ܚܡܬܐ ܕܪܘܓܙܗ܂ ܘܫܒܩ ܢܘܪܐ ܒܨܗܝܘܢ \ܘܫܠܗܒܝܬܐ#1#/ ܐܟܠܬ ܫܬܐ̈ܣܝܗܿ܀
04:12 [ai]	ܘܠܐ ܗܝܡܢܘ ܡ̈ܠܟܐ ܕܐܪܥܐ ܘܟܠܗܘܢ ܥܡܘܪ̈ܝܗܿ ܕܬܒܝܠ܃ ܕܐܬܐ ܘܥܐܠ ܒܥܠܕܒܒܐ ܘܐܠܘܨܐ ܒܬܪ̈ܥܝܗܿ ܕܐܘܪܫܠܡ܀
04:13 [ai]	ܡܛܠ ܚ̈ܛܗܐ ܕܢܒ̈ܝܝܗܿ ܘܥܘܠܐ ܕܟܗ̈ܢܝܗܿ ܕܐܫܕܘ ܒܓܘܗܿ ܕܡܐ ܕܙܕܝ̈ܩܐ܀
04:14 [ai]	ܢܕܘ ܪܘܪ̈ܒܢܝܗܿ ܒܫܘ̈ܩܝܗܿ ܘܐܬܦܠܦܠܘ ܒܕܡܐ ܘܠܐ ܐܫܟܚܘ ܕܢܩܪܒܘܢ ܠܠܒܘܫ̈ܝܗܘܢ܀
04:15 [ai]	ܦܪܘܫܘ ܡܢܗܘܢ ܘܛܡ̈ܐܐ ܩܪܘ ܐܢܘܢ܂ ܥܒܪܘ ܥܒܪܘ ܘܠܐ ܬܬܩܪܒܘܢ ܠܗܘܢ܂ ܡܛܠ ܕܐܪܓܙܘ ܐܦ ܐܬܛܪܦܘ܂ ܐܡܪܘ ܒܝܬ ܥܡ̈ܡܐ ܕܬܘܒ ܠܐ ܢܘܣܦܘܢ ܠܡܥܡܪ܀
04:16 [ai]	ܥܕ ܩܝܡܝܢ ܚܢܢ ܚܫܟ ܥܝܢ̈ܝܢ ܡܢ ܥܘܕܪܢܢ܂ ܣܪܝܩܐܝܬ ܕܩܘ ܕܘ̈ܩܝܢ ܠܘܬ ܥܡܐ ܕܠܐ ܦܪܩ܀
04:17 [ai]	ܦܪܨܘܦܗ ܕܡܪܝܐ ܦܠܓ ܐܢܘܢ܂ ܘܠܐ ܢܘܣܦ ܠܡܚܪ ܒܗܘܢ܂ ܒܐ̈ܦܝ ܟܗ̈ܢܐ ܠܐ ܢܣܒܘ܂ ܘܥܠ ܣ̈ܒܐ ܠܐ ܪܚܡܘ܀
04:18 [ai]	ܨܕܘ ܠܕܕܩܕܩܝܢ܂ ܠܕܡܗܠܟܝܢ ܒܫܘ̈ܩܐ܂ ܩܪܒ ܩܨܢ ܡܠܘ ܝܘ̈ܡܝܢ܂ ܡܛܠ ܕܐܬܐ ܥܕܢܢ܀
04:19 [ai]	ܩܠܝܠܢ ܗܘܘ ܪ̈ܕܘܦܝܢ ܡܢ ܢܫܪ̈ܝ ܫܡܝܐ܂ ܥܠ ܛܘܪ̈ܐ ܪܕܦܘܢ ܘܒܡܕܒܪܐ ܐܬܟܡܢܘ ܠܢ܀
04:20 [ai]	ܪܘܚܐ ܕܐ̈ܦܝܢ ܡܫܝܚܗ ܕܡܪܝܐ ܐܬܬܚܕ ܒܓܘܡܨܗܘܢ ܗܘ ܕܐܡܪܢ ܕܒܛܠܠܗ ܢܚܐ ܒܝܬ ܥܡ̈ܡܐ܀
04:21 [ai]	ܕܘܨܝ ܘܚܕܝ ܒܪܬ ܐܕܘܡ ܕܝܬܒܐ ܒܐܪܥܐ ܕܥܘܨ܂ ܐܦ ܠܟܝ ܢܡܛܐ ܟܣܐ ܘܬܪܘܝܢ ܘܬܬܛܪܦܝܢ܀
04:22 [ai]	ܓܡܪܘ ܚ̈ܛܗܝܟܝ ܒܪܬ ܨܗܝܘܢ ܬܘܒ ܠܐ ܢܘܣܦ ܠܡܓܠܝܘܬܟܝ܂ ܐܬܦܩܕܘ ܚܘܒ̈ܝܟܝ ܒܪܬ ܐܕܘܡ ܐܬܓܠܝܘ ܚ̈ܛܗܝܟܝ܀

next chapter