← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62034: P Esth

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


01:01 [ai]ܘܗܼܘܐ ܒܝܘ̈ܡܘܗܝ ܕܐܚܫܝܪܫ ܗܿܘ ܒܪܗ ܕܐܚܫܝܪܫ ܕܐܡܠܟ ܡܢ ܗܘܕ܂ ܘܥܕܡܐ ܠܟܘܫ܂ ܥܠ ܡ̈ܐܐ ܘܥܣܪ̈ܝܢ ܡܕ̈ܝܢܢ܂
01:02 [ai]ܒܝܘ̈ܡܬܼܐ ܗܿܢܘܢ܂ ܟܕ ܝܿܬܼܒ ܗܘܐ ܡܠܟܐ ܐܚܫܝܪܫ ܥܠ ܟܿܘܪܣܝܐ ܕܡܠܟܘܬܗ܃ ܕܒܫܘܫܢ ܒܝܪܿܬܐ܂
01:03 [ai]ܒܫܢܬܼ ܬܠܬ ܕܡܠܟܘܬܗ܃ ܥܒܿܕ ܡܫܬܝܐ ܪܒܐ ܠܟܠܗܘܢ ܪܒܪ̈ܒܢܘܗܝ ܘܥܒܕ̈ܘܗܝ܂ ܚܝܠܐ ܦܪܣܝ̈ܐ ܘܡܕ̈ܝܐ ܘܦܪ̈ܬܘܝܐ ܘܪܒܪ̈ܒܢܐ ܕܡܠܟܐ ܩܕܡܘܗܝ܂ ܘܪܒܪ̈ܒܢܐ ܕܡܕ̈ܝܢܬܐ܂
01:04 [ai]ܟܕ ܚܘܝ ܥܘܬܪܐ ܘܐܝܩܪܐ ܕܡܠܟܘܬܗ ܘܐܝܩܪܐ ܕܬܫܒܘܚܬܐ ܕܪܒܘܬܗ ܝܘܡ̈ܬܐ ܣܓܝ̈ܐܐ܂ ܡ̈ܐܐ ܘܬܡ̈ܢܝܢ ܝܘܡ̈ܝܢ܂
01:05 [ai]ܘܟܼܕ ܫܼܠܡܘ ܝܘܡ̈ܬܼܐ ܗܿܢܘܢ ܥܒܼܕ ܡܠܟܐ ܠܟܼܠ ܥܡܐ ܕܐܫܬܟܚ ܒܫܘܫܢ ܒܝܪܬܐ܂ ܡܼܢ ܙܥܘܪܐ ܘܥܕܡܐ ܠܪܒܐ܂ ܡܼܫܬܝܐ ܫܒܥܐ ܝܘܡ̈ܝܢ ܒܕܪܬ ܓܢܬ ܒܝܬܘܢܐ ܕܡܠܟܐ܂
01:06 [ai]ܘܢܓܝܕ̈ܢ܂ ܘܐ̈ܠܐ ܕܥܡܪ ܟܘܒܐ܂ ܘܬܼܟܼܠܬܼܐ܂ ܘܡܬܝ̈ܚܢ ܒܚܒ̈ܠܐ ܕܒܘܨܐ ܘܕܐܪܓܘܢܐ ܥܠ ܓܿܝܓ̈ܠܐ ܕܟܿܣܦܐ܂ ܘܥܠ ܥܡܘܕܐ ܕܐܫܟܪܥܐ܂ ܘܥܪ̈ܣܬܐ ܕܕܗܒܐ ܘܕܣܐܡܐ܂ ܪ̈ܡܝܢ ܥܠ ܪ̈ܨܝܦܬܐ ܕܫܝܫܐ ܘܬܫܘ̈ܝܬܐ ܕܒܘܨܐ ܘܕܫܪܝܐ܂
01:07 [ai]ܘܡܫܘܝܢ ܒܡܐܢ̈ܐ ܕܕܗܒܐ܂ ܘܡܐܢ̈ܐ ܡܼܢ ܡܐܢ̈ܐ ܦܪܝܫܝܢ܂ ܘܚܡܪܐ ܕܡܠܟܘܬܐ ܣܓܝ܂ ܐܝܟܿ ܐܝܼܕܐ ܕܡܠܟܐ܂
01:08 [ai]ܘܡܫܬܝܐ ܒܢܡܘܣܐ ܘܠܝܬ ܕܐܿܠܨ܂ ܡܛܠܕܗܟܢܐ ܦܩܕ ܡܠܟܐ܂ ܠܟܠ ܕܪܒ ܒܒܝܬܗ܂ ܕܢܥܒܕܘܢ ܨܒܝܢܐ ܕܟܠܢܫ܂
01:09 [ai]ܘܫܬܝ ܡܠܟܬܐ ܐܒܕܬ ܡܫܬܝܐ ܪܒܐ ܠܟܼܠܗܝܢ ܢܫ̈ܐ ܒܝܬ ܡܠܟܘܬܗ ܕܡܠܟܐ ܐܚܫܝܪܫ܂
01:10 [ai]ܘܒܝܘܡܐ ܫܒܝܥܝܐ ܟܕ ܫܦܪ ܠܒܗ ܕܡܠܟܐ ܒܚܡܪܐ܂ ܐܡܼܪ ܠܡܗܝ̈ܡܢܐ ܠܒܙܬܐ ܘܠܪܚܒܘܢܐ ܘܠܒܓܬܐ܂ ܘܠܐܓܒܘܬܐ ܘܠܬܪܫ ܘܠܙܬܪ ܘܠܒܪܟܫ ܫܒ̈ܥܐ ܡܗ̈ܝܡܢܐ ܕܡܫܡܫܝܢ ܩܕܡ ܡܠܟܐ ܐܚܫܝܪܫ܂
01:11 [ai]ܠܡܿܥܠܘ ܠܘܫܬܝ ܡܠܟܬܐ ܩܕܡ ܡܠܟܐ ܒܬܓܐ ܕܡܠܟܘܬܗܿ ܠܡܚܘܝܘ ܠܥܡ̈ܡܐ ܘܠܪܒܪ̈ܒܿܢܐ ܫܘܦܪܗܿ ܡܛܠܕܫܦܝܪ ܗܘܐ ܚܙܘܗܿ܂
01:12 [ai]ܘܠܐ ܨܒܬ ܘܫܬܝ ܡܠܟܬܐ ܠܡܥܠ ܒܦܬܓܡܐ ܕܫܕܪ ܥܠܝܗܿ ܡܠܟܐ ܒܐܝܕܐ ܕܡܗܝ̈ܡܢܐ܂ ܘܪܓܙ ܡܠܟܐ ܛܒ܂ ܘܚܡܬܗ ܡܬܓܘܙܠܐ ܗܘܬ܂
01:13 [ai]ܘܐܡܼܪ ܡܠܟܐ ܠܚܟܝ̈ܡܐ ܒܢ̈ܝ ܝܕ̈ܥܝ ܙܒ̈ܢܐ܂ ܡܛܠܕܗܟܢܐ ܗܘܐ ܢܡܘܼܣܗ ܕܡܠܟܐ܂ ܐܡܿܪ ܗܘܐ ܩܕܡ ܟܠ ܕܝܕ̈ܥܝܢ ܗܘܘ ܢܡܘ̈ܣܐ ܘܕ̈ܝܢܐ܂
01:14 [ai]ܘܠܕܩܪܝܒܝܢ ܠܗ܂ ܒܪܢܫܝ܂ ܘܐܫܬܪ܂ ܘܐܪܡܘܬ܂ ܘܪܡܘܣ܂ ܘܬܪܫܝܫ܂ ܘܡܣܪܝܐ܂ ܘܡܥܘܟܢ ܪܘܪ̈ܒܢܐ ܕܦܪܣ ܘܕܡܕܝ܂ ܕܝܿܬܒܝܢ ܩܕܡ ܡܠܟܐ܂ ܘܡܬܚܙܝܢ ܩܕܡܘܗܝ ܒܬܪܥܐ ܕܡܠܟܘܬܐ܂
01:15 [ai]ܐܡܪܘ܂ ܡܢܐ ܘܿܠܐ ܠܡܥܼܒܕ ܠܗܿ ܠܡܠܟܬܐ ܘܫܬܝ ܥܠ ܕܠܐ ܥܒܕܬ ܡܠܬܗ ܕܡܠܟܐ ܐܚܫܝܪܫ܂ ܕܫܠܼܚ ܒܐܝܕܐ ܕܡܗܝܡ̈ܢܐ܂
01:16 [ai]ܘܐܡܼܪ ܡܥܘܟܢ ܩܕܡ ܡܠܟܐ ܘܩܕܡ ܪܘܪ̈ܒܢܐ܂ ܠܐ ܗܘܐ ܥܠ ܡܠܟܐ ܒܠܚܘܕ ܒܣܪܬ ܘܫܬܝ ܡܠܟܬܐ܂ ܐܠܐ ܥܠ ܟܠܗܘܢ ܪܒܪ̈ܒܢܐ܂ ܘܥܠ ܟܠܗܘܢ ܥܡܡ̈ܐ ܕܒܟܠܗܝܢ ܡܕ̈ܝܢܬܐ ܕܡܠܟܐ ܐܚܫܝܪܫ܂
01:17 [ai]ܘܟܕ ܢܦܘܩ ܛܐܒܐ ܡܠܬܐ ܗܕܐ ܥܠ ܟܠܗܝܢ ܢܫ̈ܐ܃ ܢܗ̈ܘܝܢ ܫܝ̈ܛܢ ܘܒܣܪ̈ܢ ܓܒܪ̈ܝܗܝܢ ܒܥܝܢ̈ܝܗܝܢ܂ ܘܢܗ̈ܘܝܢ ܐܡܿܪ̈ܢ ܕܡܠܟܐ ܐܚܫܝܪܫ ܦܩܕ ܠܡܥܠܘ ܠܘܫܬܝ ܡܠܟܬܐ ܩܕܡܘܗܝ܃ ܘܠܐ ܥܼܠܬ܂
01:18 [ai]ܝܘܡܢܐ ܢܐܡܪܘܢ ܪܘܪ̈ܒܢܐ ܕܦܿܪܣ ܘܕܡܕܝ ܕܫܡܥܼܘ ܦܬܓܡܗܿ ܕܡܠܟܬܐ ܡܼܢ ܟܠܗܘܢ ܪܘܪ̈ܒܢܐ ܕܡܠܟܐ܂ ܘܟܠܗܿ ܒܣܝܪܘܬܐ ܘܪܘܓܙܐ܂
01:19 [ai]ܐܢ ܥܠ ܡܠܟܐ ܫܦܝܪ ܢܦܘܩ ܦܬܓܡܐ ܕܡܠܟܘܬܐ܂ ܡܼܢ ܩܕܡܘܗܝ ܘܢܬܼܟܬܒ ܒܢܡܘܣ ܡܕܝ ܘܦܪܣ ܕܠܐ ܥܿܒܪ܂ ܘܬܘܒ ܠܐ ܬܥܿܘܠ ܘܫܬܝ ܡܠܟܬܐ ܠܘܬ ܡܠܟܐ ܐܚܫܝܪܫ܂ ܘܡܠܟܘܬܗ ܢܬܠ ܡܠܟܐ ܠܚܒܪܬܗܿ ܕܛܒܐ ܡܢܗܿ
01:20 [ai]ܘܢܫܬܿܡܥ ܦܬܓܡܐ ܕܡܠܟܐ܂ ܘܢܥܿܒܕ ܒܟܠܗܿ ܡܠܟܘܬܐ܂ ܡܛܠ ܕܪܒܐܗܝ܂ ܘܟܠܗ̈ܝܢ ܢܫ̈ܐ ܢܥܒܕ̈ܢ ܐܝܩܪܐ ܠܓܒܪ̈ܝܗܝܢ܂ ܡܼܢ ܪܒܐ ܘܥܕܡܐ ܠܙܥܘܪܐ܂
01:21 [ai]ܘܫܦܪ ܦܬܓܡܐ ܗܢܐ ܒܥܝ̈ܢܘܗܝ ܕܡܠܟܐ ܘܕܪܒܪ̈ܒܢܘܗܝ܂ ܘܥܼܒܕ ܡܠܟܐ ܐܝܟ ܦܬܓܡܗ ܕܡܥܘܟܢ܂
01:22 [ai]ܘܫܕܪ ܐܓܪ̈ܬܐ ܠܟܠܗܝܢ ܡܕ̈ܝܢܬܗ ܕܡܠܟܐ܂ ܠܡܕܝܢܬܐ ܐܝܟ ܟܬܒܗܼ܂ ܘܠܥܡܐ ܐܝܟ ܠܫܢܗ܂ ܠܡܗܘܐ ܟܠ ܓܒܪ ܫܠܝܛ ܒܒܝܬܗ܂ ܘܡܡܠܠ ܐܝܟ ܠܫܢ ܥܡܗ܃

next chapter