← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62034: P Esth

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܘܒܠܠܝܐ ܗܘܿ ܦܪܕܬ ܫܢܬܗ ܕܡܠܟܐ܂ ܘܐܡܼܪ ܠܡܥܠܘ ܣܦܪ ܥܘܗܕ̈ܢܐ ܕܡ̈ܠܐ ܕܝܘܡ̈ܬܼܐ ܘܗܘܼܘ ܩܿܪܝܢ ܩܪ̈ܝ ܩܕܡ ܡܠܟܿܐ܂
06:02 [ai]ܘܐܫܬܿܟܿܚ ܕܟܬܝܼܒ ܕܚܘܝ ܡܘܪܕܟܝ ܥܠ ܒܓܬܢ ܘܬܪܫ ܬܪ̈ܝܢ ܡܗܝܡ̈ܢܐ ܕܡܠܟܐ ܢܿܛܪ̈ܝ ܬܪܥܐ܂ ܕܒܥܼܘ ܕܢܘܫܛܘܢ ܐܝܕ̈ܝܗܘܢ ܥܠ ܡܠܟܐ ܐܚܫܝܪܫ܂
06:03 [ai]ܘܐܡܼܪ ܡܠܟܐ ܡܢܐ ܐܬܼܥܒܕ ܐܝܩܪܐ ܘܪܒܘܬܐ ܠܡܘܪܕܟܝ ܥܠ ܗܕܐ܂ ܐܡܿܪܝܢ ܠܗ ܥܒܼܕ̈ܘܗܝ ܠܡܠܟܐ ܘܡܫܡ̈ܫܢܘܗܝ܂ ܠܐ ܐܬܥܼܒܕ ܠܗ ܡܕܡ܂
06:04 [ai]ܘܐܡܼܪ ܡܠܟܐ ܡܢܘ ܒܕܪܬܐ܂ ܘܗܡܢ ܐܬܼܐ ܠܒܝܬ ܡܿܠܟܐ ܠܕܪܬܐ ܒܪܝܬܐ܂ ܕܢܼܐܡܪ ܠܡܠܟܐ ܕܢܬܠܐ ܠܡܘܪܕܟܼܝ ܥܠ ܩܝܣܐ ܕܐܬܩܢ ܠܗ܂
06:05 [ai]ܘܐܡܿܪܝܢ ܠܗ ܥܠܝ̈ܡܘܗܝ ܠܡܠܟܐ܂ ܗܐ ܗܡܢ ܩܼܐܡ ܒܕܪܬܐ܂ ܘܐܡܼܪ ܡܿܠܟܐ܂ ܢܥܘܼܠ܂
06:06 [ai]ܘܥܼܠ ܗܡܢ ܘܐܡܼܪ ܠܗ ܡܠܟܐ܂ ܡܢܐ ܘܿܠܐ ܠܡܥܒܕ ܠܓܒܪܐ܃ ܕܡܠܟܐ ܨܿܒܐ ܒܐܝܼܩܪܗ܂ ܘܐܡܼܪ ܗܡܢ ܒܠܒܗ܂ ܠܡܢܘ ܨܿܒܐ ܡܠܟܐ ܠܡܥܒܕ ܐܝܩܪܐ ܝܬܝܪ ܡܼܢ ܕܝܠܝ܂
06:07 [ai]ܘܐܡܪ ܗܡܢ ܠܡܠܟܐ ܠܓܒܪܐ ܕܡܿܠܟܐ ܨܿܒܐ ܒܐܝܩܪܗ܂
06:08 [ai]ܢܝܬܘܢ ܠܒܘ̈ܫܐ ܕܡܠܟܘܬܐ ܕܠܒܼܫ ܡܠܟܐ܂ ܘܣܘܣܝܐ ܕܪܟܼܒ ܥܠܘܗܝ ܡܠܟܐ܂ ܟܕ ܐܬܬܣܝܡ ܬܣܝܡ ܬܓܼܐ ܕܡܠܟܘܼܬܼܐ ܒܪܝܫܗ܂
06:09 [ai]ܘܢܬܝܼܗܒ ܠܒܘܫܐ ܘܣܘܣܝܐ ܠܚܕ ܡܼܢ ܚܐܪ̈ܐ ܕܡܠܟܐ ܦܪܬܘ̈ܝܐ܂ ܘܢܠܼܒܫܝܘܗܝ ܠܓܒܪܐ ܕܡܠܟܐ ܨܿܒܐ ܒܐܝܩܪܗ܂ ܘܢܪܟܼܒܘܢܗ ܥܠ ܣܘܣܝܐ ܘܢܚܕܪܘܢܗ ܒܫܘ̈ܩܐ ܘܢܩܼܪܘܢ ܩܼܕܡܘܗܝ ܗܟܢܐ ܢܬܼܥܒܕ ܠܓܒܪܐ ܕܡܠܟܐ ܨܿܒܐ ܒܐܝܩܪܗ܂
06:10 [ai]ܘܐܡܼܪ ܡܠܟܐ ܠܗܡܢ ܒܥܓܠ ܣܒ ܠܒܘܫܐ܂ ܘܕܒܼܪ ܣܘܣܝܐ ܐܝܟܼ ܕܐܡܼܪܬ܂ ܘܥܒܕ ܗܟܢܐ ܠܡܘܪܕܟܝ ܝܘܕܝܐ܂ ܕܝܿܬܼܒ ܒܬܪܥܐ ܕܡܠܟܐ܂ ܘܠܐ ܬܼܒܨܪ ܡܠܬܐ ܡܼܢ ܟܠ ܡܕܡ ܕܐܡܼܪܬ
06:11 [ai]ܘܢܣܒ ܗܡܢ ܠܒܘ̈ܫܐ܂ ܘܕܒܪ ܣܘܣܝܐ ܘܠܒܼܫܗ ܠܡܘܪܕܟܼܝ ܘܐܟܪܟܗ ܒܫܘ̈ܩܐ ܕܡܕܝܢܬܐ܂ ܘܩܿܪܐ ܩܕܡܘܗܝ܂ ܗܟܼܢܐ ܢܬܥܼܒܕ ܠܓܼܒܪܐ ܕܡܠܟܐ ܨܿܒܐ ܒܐܝܩܪܗ܂
06:12 [ai]ܘܐܬܼܐ ܡܘܪܕܟܼܝ ܠܬܼܪܥܐ ܕܡܠܟܐ܂ ܘܗܡܢ ܐܙܼܠ ܠܒܼܝܬܗ ܟܕ ܐܒܼܝܠ ܘܡܚܦܝ ܪܝܫܗ܂
06:13 [ai]ܘܐܫܬܥܝ ܗܡܢ ܠܙܪܫ ܐܢܬܿܬܼܗ ܟܠܡܕܡ ܕܓܕܫ ܠܗ܂ ܘܐܡܿܪܝܢ ܠܗ ܪ̈ܚܿܡܘܗܝ ܘܙܪܫ ܐܢܬܿܬܼܗ܂ ܐܢ ܡܼܢ ܙܪܥܐ ܗܘ ܕܝܘܕܝܐ ܡܘܪܕܟܼܝ ܘܫܪܝܬ ܠܡܦܼܠ ܩܕܡܘܗܝ܂ ܕܠܐ ܡܨܐ ܐܢܬ ܚܝܠܗ܂ ܐܠܐ ܬܼܘܒ ܢܿܦܠ ܐܢܬ ܩܕܡܘܗܝ܂
06:14 [ai]ܘܟܕ ܗܘ ܡܡܠܠ ܥܡܗܘܢ ܡܛܝܘ ܪ̈ܗܛܐ ܕܡܠܟܐ܂ ܘܣܪܗܒܘܗܝ ܠܗܡܢ ܠܡܫܬܝܐ ܕܥܒܕܬ ܐܣܬܝܪ܀

next chapter