← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62034: P Esth

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܘܒܝܪܚܐ ܕܬܪ̈ܥܣܪ ܕܗܼܘ ܐܕܪ܂ ܒܬܠ̈ܬܥܣܪ̈ܐ ܟܕ ܡܛܝ ܙܒܢܐ ܕܦܬܓܡܐ ܕܡܠܟܐ ܘܦܘܩܕܢܗ ܠܡܬܥܒܕܘ ܠܒܥܠܕ̈ܒܒܝܗܘܢ ܐܫܬܚܠܦܬܼ ܥܒܝܕܬܼܐ܃ ܕܢܫܬܿܠܛܘܢ ܝܘܕ̈ܝܐ ܒܣ̈ܢܐܝܗܘܢ܂
09:02 [ai]ܘܐܬܟܢܫܘ ܝܘܕ̈ܝܐ ܒܩܘܪ̈ܝܗܘܢ܂ ܘܒܟܠܗܝܢ ܡܕ̈ܝܢܬܐ ܕܡܠܟܐ ܐܚܫܝܪܫ܂ ܕܢܘܫܛܘܢ ܐܝܕܐ ܒܥܒܿܕ̈ܝ ܒܝ̈ܫܬܗܘܢ܂ ܘܐܢܫ ܠܐ ܩܼܡ ܩܕܡܝܗܘܢ܂ ܡܛܠ ܕܢܦܠܬ ܕܚܠܬܗܘܢ ܥܠ ܟܠܗܘܢ ܥܡܡ̈ܐ܂
09:03 [ai]ܘܟܠܗܘܢ ܪܘܪ̈ܒܢܐ ܕܡܕ̈ܝܢܬܐ ܘܪܒܝ ܚܝ̈ܠܐ܂ ܘܡܪ̈ܘܬܐ܃ ܘܥܿܒܕ̈ܝ ܥܒܿܕܐ ܕܡܠܟܐ܂ ܡܝܩܪܝܢ ܠܝܘܕ̈ܝܐ܂ ܡܛܠ ܕܢܦܠܬ ܕܚܠܬܐ ܕܡܠܟܐ ܥܠܝܗܘܢ܂
09:04 [ai]ܡܛܠ ܕܝܪܒ ܡܘܪܕܟܝ ܠܘܬ ܡܠܟܐ܂ ܘܫܡܗ ܐܙܿܠ ܗܘܐ ܒܟܠܗܝܢ ܡܠܟ̈ܘܬܐ ܡܛܠ ܕܓܿܒܪܐ ܡܘܪܕܟܼܝ ܐܙܠ ܗܘܐ ܘܝܿܪܒ܂
09:05 [ai]ܘܡܚܼܘ ܝܘܕ̈ܝܐ ܒܟܼܠܗܘܢ ܒܥܠܕ̈ܒܒܝܗܘܢ ܡܚܘܬܼܐ ܕܚܪܒܐ܂ ܘܕܩܛܠܐ ܘܕܐܒܕܢܐ܂ ܘܥܼܒܕܘ ܒܣ̈ܢܐܝܗܘܢ ܐܝܟ ܨܒܝܢܗܘܢ܂
09:06 [ai]ܒܫܘܫܢ ܒܝܪܬܐ܂ ܩܛܠܘ ܝܘܕ̈ܝܐ ܚܡ̈ܫܡܐܐ ܓܿܒܪ̈ܝܢ܂
09:07 [ai]ܘܠܫܦܿܝܪܘܬܼ ܘܠܕܠܟܼܘܢ ܘܠܐܣܦܩܬ܂
09:08 [ai]ܘܠܦܪܛܠܛ܂ ܘܠܕܠܝܐ ܘܠܕܝܪܐ܂
09:09 [ai]ܘܠܦܝܣܘܬ܂ ܘܠܕܝܣܝ܂ ܘܠܐܕܪܝ܂ ܘܠܙܘܬ܂
09:10 [ai]ܥܣܪܐ ܒܢ̈ܘܗܝ ܕܗܡܢ ܐܓܿܓܿܝܐ܂ ܒܥܠܕܒܒܐ ܕܝܘܕ̈ܝܐ ܩܛܠܘ܂ ܘܠܒܙܬܐ ܠܐ ܐܘܫܛܘ ܐܝܕ̈ܝܗܘܢ܂
09:11 [ai]ܒܗܿܘ ܝܘܡܐ ܘܥܠ ܡܢܝܢܐ ܕܩܛܝ̈ܠܐ ܒܫܘܫܢ ܒܝܪܬܐ ܩܕܡ ܡܠܟܐ܂
09:12 [ai]ܘܐܡܪ ܠܐܣܬܝܪ ܡܠܟܬܐ ܒܫܘܫܢ ܒܝܪܬܐ ܩܼܛܠܘ ܝܘܕ̈ܝܐ ܘܐܘܒܕܘ ܚܡܫ̈ܡܐܐ ܓܒܪ̈ܝܢ܂ ܘܠܥܣܪ ܒܢ̈ܘܗܝ ܕܗܡܢ܂ ܘܒܫܪܟܐ ܕܡܕ̈ܝܢܬܐ ܡܢܐ ܥܒܼܕܘ܂ ܡܢܐܗܝ ܫܐܠܬܼܟܼܝ ܢܬܥܼܒܕ ܠܟܝ܂ ܘܡܢܐܗܝ ܒܥܘܬܼܟܼܝ ܢܬܝܗܒ ܠܟܝ܂
09:13 [ai]ܘܐܡܪܬ ܐܣܬܝܪ܂ ܢܬܝܗܒ ܡܚܪ ܠܝܘܕ̈ܝܐ ܕܢܥܼܒܕܘܢ ܐܝܟܼ ܕܝܘܡܢܐ ܘܠܥܣܪܐ ܒܢ̈ܘܗܝ ܕܗܡܢ ܢܬܠܘܢ ܐܢܘܢ ܥܠ ܩܝܣܐ܂
09:14 [ai]ܘܐܡܼܪ ܡܠܟܐ ܢܥܒܼܕܘܢ ܗܟܼܢܐ܂ ܘܐܬܦܼܩܕ ܦܘܩܕܢܐ ܒܫܘܫܢ܂ ܘܠܥܣܪ̈ܐ ܒܢܘ̈ܗܝ ܕܗܡܢ ܬܠܼܘ ܥܠ ܩܝܣܐ܂
09:15 [ai]ܘܐܬܼܟܢܫܘ ܝܘܕ̈ܝܐ ܕܒܫܘܫܢ ܐܦ ܒܐܪܒܥܣܪ̈ܐ ܒܗ ܒܝܪܚܐ܂ ܘܩܛܠܘ ܒܫܘܫܢ ܬܠ̈ܬܡܐܐ ܓܒܪ̈ܝܢ܂ ܘܠܒܙܬܐ ܠܐ ܐܘܫܛܘ ܐܝܕ̈ܝܗܘܢ܂
09:16 [ai]ܘܫܪܟܿܐ ܕܝܘܕ̈ܝܐ ܕܒܡܕܝܢܬܐ ܕܡܠܟܐ ܐܬܼܟܢܫܘ ܘܩܡܘ ܠܢܦܫܗܘܢ ܘܐܬܬܢܝܚܘ ܡܼܢ ܒܥܠܕܒܒܝ̈ܗܘܢ ܘܩܛܠܘ ܡܢ ܣܢ̈ܐܝܗܘܢ ܫܒܥ̈ܝܢ ܘܚܡ̈ܫܐ ܐܠܦ̈ܝܢ܂ ܘܠܒܙܬܐ ܠܐ ܐܘܫܛܘ ܐܝܕ̈ܝܗܘܢ
09:17 [ai]ܒܬܠܬ ܥܣܪ̈ܐ ܒܝܪܚܐ ܐܕܪ ܘܐܬܬܢܝܚܼܘ ܒܐܪܒܥܣܪ̈ܐ ܒܗ ܒܝܪܚܐ܂
09:18 [ai]ܘܥܼܒܕܘܗܝ ܝܘܡܐ ܕܡܫܬܝܐ ܘܕܚܕܘܬܐ܂
09:19 [ai]ܡܛܠܗܢܐ ܝܘܕ̈ܝܐ ܡܒܕܪ̈ܐ ܝܬܒ̈ܝ ܩܘܪ̈ܝܐ ܡܒܕܪ̈ܬܐ܂ ܥܿܒܕܝܢ ܒܐܪ̈ܒܥܣܝܐ ܒܐܕܪ ܚܕܘܬܐ܂ ܘܡܫܬܝܐ ܘܝܘܡܐ ܛܒܿܐ܂ ܘܡܫܕܪܝܢ ܡܼܢ̈ܘܬܐ ܓܿܒܪ ܠܚܒܪܗ܂
09:20 [ai]ܘܟܿܬܼܒ ܡܘܪܕܟܝ ܡ̈ܠܐ ܗܠܝܢ܂ ܘܫܕܪ ܐܓܿܪ̈ܬܼܐ ܠܟܠܗܘܢ ܝܘܕ̈ܝܐ ܕܒܟܼܠܗ̈ܝܢ ܡܕ̈ܝܢܬܐ ܕܡܠܟܐ ܐܚܫܝܪܫ܂ ܕܩܪ̈ܝܒܢ ܘܕܪ̈ܚܝܩܢ
09:21 [ai]ܕܢܩܒܠܘܢ ܥܠܝܗܘܢ ܕܢܗܼܘܘܢ ܥ̈ܒܕܝܢ ܒܐܪܒܥܣܪ̈ܐ ܘܒܿܟܼܣܐܐ ܒܐܕܪ ܟܠ ܫܢܐ ܒܫܢܐ܂
09:22 [ai]ܐܝܟ ܝܘܡ̈ܬܐ ܕܐܬܬܢܝܼܚܘ ܒܗܘܢ ܝܘܕ̈ܝܐ ܡܼܢ ܒܥܠܕ̈ܒܒܝܗܘܢ܂ ܝܪܚܐ ܕܐܫܬܚܠܦ ܡܼܢ ܕܘܘܢܐ ܠܚܕܘܬܐ܂ ܘܿܡܼܢ ܐܒܠܐ ܠܝܘܡܐ ܛܒܿܐ܂ ܕܢܥܼܒܕܘܢ ܐܢܘܢ ܠܝܘܡ̈ܬܐ ܕܡܫܬܝܐ ܘܕܚܕܘܬܼܐ܂ ܘܕܢܫܕܪܘܢ ܡܢܘ̈ܬܼܐ ܐܢܫ ܠܚܒܪܗ܂ ܘܡܘܗ̈ܒܬܐ ܠܒܝ̈ܫܐ܂
09:23 [ai]ܘܩܒܠܘ ܝܘܕ̈ܝܐ ܥܠܝܗܘܢ ܡܕܡ ܕܫܪܝܘ ܠܡܥܼܒܕ܂ ܘܡܕܡ ܕܟܬܼܒ ܡܘܪܕܟܼܝ܂
09:24 [ai]ܡܛܠ ܗܡܢ ܒܪ ܗܡܕܢ ܐܓܿܓܿܝܐ ܒܥܠܕܒܒܐ ܕܟܼܠܗܘܢ ܝܘܕ̈ܝܐ܂ ܕܐܬܚܼܫܒ ܥܠ ܝܘܕ̈ܝܐ ܕܢܘܒܕ ܐܢܘܢ܂ ܘܐܪܡܝ ܦ̈ܨܐ ܕܢܚܪܘܒ ܐܢܘܢ܂
09:25 [ai]ܘܡܐ ܕܥܿܐܠܐ ܗܘܬ ܐܣܬܝܪ ܩܕܡ ܡܠܟܐ ܐܡܿܪ ܗܘܐ ܣܿܦܪܐ ܢܗܦܟ̈ܢ ܡܚܫ̈ܒܬܐ ܒܝ̈ܫܬܐ ܥܠ ܪܝܫܗ ܕܡܿܢ ܐܬܚܫܒ܂ ܥܠ ܝܘܕ̈ܝܐ܂ ܘܢܬܠܘܢܝܗܝ ܘܠܒܢܘ̈ܗܝ ܥܠ ܩܝܣܐ܂
09:26 [ai]ܡܛܠܗܢܐ ܩܪܐ ܐܢܘܢ ܠܝܘܡ̈ܬܐ ܗܿܢܘܢ ܦܘܪ̈ܝܐ܂ ܥܡ ܫܡ ܦܨܚܐ܂ ܡܛܠ ܡ̈ܠܐ ܕܐܓܪܬܐ ܗܕܐ܂ ܘܥܠ ܡܕܡ ܕܚܙܘ܂ ܘܥܠ ܡܕܡ ܕܓܼܕܫ ܠܗܘܢ܂
09:27 [ai]ܘܩܒܠܘ ܝܘܕ̈ܝܐ ܥܠܝܗܘܢ ܘܥܠ ܙܪܥܗܘܢ ܘܥܠ ܟܠ ܕܡܬܠܘܐ ܠܗܘܢ܂ ܕܠܐ ܢܒܛܠ܂ ܕܢܗܘܼܘܢ ܥܿܒܕܝܢ ܗܠܝܢ ܬܪ̈ܝܢ ܝܘܡ̈ܝܢ ܐܝܟ ܕܟܬܝܒܝܢ ܒܙܒܢܗܘܢ ܒܟܠ ܫܢܐ܂
09:28 [ai]ܘܝܘ̈ܡܬܐ ܗܠܝܢ ܡܬܕܟܼܪܝܢ ܘܡܬܥܒܕܝܢ ܒܟܠ ܫܪ̈ܒܬܐ ܘܡܕ̈ܝܢܬܐ܂ ܘܩܘܪ̈ܝܐ܂ ܘܝܘ̈ܡܬܐ ܕܦܘܪ̈ܝܐ ܗܠܝܢ ܠܐ ܢܥܼܒܪܘܢ ܡܼܢ ܓܘ ܝܘܕ̈ܝܐ܂ ܘܕܘܟܼܪܢܗܘܢ ܠܐ ܢܥܼܒܪ ܡܼܢ ܙܪܥܗܘܢ܂
09:29 [ai]ܘܟܬܒܬ ܐܣܬܝܪ ܡܠܟܬܐ ܒܪܬ ܐܒܝܚܠ ܘܡܘܪܕܟܝ ܝܘܕ̈ܝܐ ܟܠܗ̈ܝܢ ܫܪܝܪ̈ܬܐ ܕܢܫܪܘܢ ܐܓܿܪܬܐ ܗܕܐ ܕܦܘܪ̈ܝܐ܂
09:30 [ai]ܘܫܕܪܘ ܐܓܿܪ̈ܬܐ ܠܟܠܗܘܢ ܝܘܕ̈ܝܐ܂ ܠܡ̈ܐܐ ܘܥܣܪ̈ܝܢ ܘܫܒ̈ܥ ܡܕ̈ܝܢܢ ܕܒܡܠܟܘܬܗ ܕܐܚܫܝܪܫ ܡܠܟܐ܂ ܡ̈ܠܐ ܕܫܪܪܐ ܘܕܫܠܡܐ܂
09:31 [ai]ܕܢܫܼܪܘܢ ܝܘܡ̈ܬܐ ܕܦܘܪ̈ܝܐ ܗܠܝܢ ܒܙܒܢܗܘܢ ܐܝܟܼ ܕܐܫܪܘ ܥܠܝܗܘܢ ܡܘܪܕܟܝ ܝܘܕܝܐ܂ ܘܐܣܬܝܪ ܡܠܟܬܐ܂ ܐܝܟܼ ܕܐܫܼܪܘܢ ܗܢܼܘܢ ܥܠܝܗܘܢ ܘܥܠ ܒܢܝܗܘܢ܂ ܦܘܩܕܢܐ܂ ܘܨܘܡܗܘܢ܂ ܘܨܠܘܬܗܘܢ
09:32 [ai]ܘܡܐܡܪܗܿ ܕܐܣܬܝܪ ܐܫܼܪ ܥܠ ܡ̈ܠܐ ܗܠܝܢ ܕܦܘܪ̈ܝܐ܂ ܘܐܬܟܼܬܒ ܒܣܼܦܪܐ܀

next chapter