← Back
The Comprehensive Aramaic Lexicon
← Return to the Text Browser
click on the file description for more information
62035: P Dan

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

001.00:00 [ai]‍<‍ܬܘܒ ܟܬܒܐ ܕܕܢܝܐܝܠ ܢܒܝܐ /ܢܒܝܘܬܗ ܕܕܢܝܐܝܠ#3# /ܢܒܝܘܬܗ ܕܕܢܝܐܝܠ ܢܒܝܐ#3# /ܬܘܒ ܢܒܝܘܬܗ ܕܕܢܝܐܝܠ#3#/‍>‍
001.01:01 [ai]ܒܫܢܬ ܬܠܬ ܕܡܠܟܘܬܗ ܕܝܘܝܩܝܡ ܡܿܠܟܐ ܕܝܗܘܕܐ ܐܬܼܐ ܢܒܘܟܕܢܨܪ ܡܿܠܟܐ ܕܒܒܠ ܠܐܘܪܫܠܡ ܘܚܕܪܗܿ܂
001.01:02 [ai]ܘܐܫܠܡܗܿ ܡܪܝܐ ܒܐܝܕܗ܂ ܘܠܝܘܝܩܝܡ ܡܿܠܟܐ ܕܝܗܘܕܐ ܘܠܡܐ̈ܢܐ ܕܒܝܬܗ ܕܡܪܝܐ܂ ܘܡܢ ܡܐ̈ܢܐ ܕܒܝܬܗ ܕܡܪܝܐ ܐܘܒܠ ܐܢܘܢ ܠܐܪܥܐ ܕܣܢܥܪ ܠܒܝܬ ܦܬܟܪܗ܂ ܘܡܐ̈ܢܐ ܐܥܠ ܠܒܝܬ ܓܙܐ ܕܦܬܟܪܗ܀
001.01:03 [ai]ܘܐܡܼܪ ܡܿܠܟܐ ܠܐܫܦܙ ܪܒ ܡܗܝ̈ܡܢܐ ܕܢܝܬܐ ܡܢ ܒܢ̈ܝ ܐܝܣܪܝܠ ܘܡܢ ܙܪܥ ܡ̈ܠܟܘܬܐ ܘܡܢ ܦܪ̈ܬܘܝܐ܂
001.01:04 [ai]ܛ̈ܠܝܐ ܕܡܘܡܐ ܠܝܬ ܒܗܘܢ܂ ܐܝܠܝܢ ܕܫܦܝܪܝܢ ܒܚܙܘܗܘܢ ܘܣܟܘܠܬܢܝܢ ܒܚܟܡܬܐ܂ ܘܝܕܥ̈ܝ ܝܕܥܬܐ ܘܡܬܒܝܢ̈ܝ ܒܡܕܥܐ ܐܝܠܝܢ ܕܡܼܨܝܢ ܒܚܝܠܐ ܠܡܩܡ ܒܗܝܟܠܐ ܕܡܿܠܟܐ ܠܡܫܡܫܘܬܗ ܘܠܡܠܦܘ ܐܢܘܢ ܣܼܦܪܐ ܘܠܫܢܐ ܕܟ̈ܠܕܝܐ܂
001.01:05 [ai]ܘܐܩܝܡ ܠܗܘܢ ܡܿܠܟܐ ܩܝܡܬܐ ܕܝܘܡܐ ܡܢ ܦܛܒܓܐ ܕܡܿܠܟܐ ܘܡܢ ܚܡܪܐ ܕܫܿܬܐ܂ ܘܠܡܿܪܒܝܘ ܐܢܘܢ ܫ̈ܢܝܢ ܬܠܬ܂ ܘܗܝܕܝܢ ܢܩܘܡܘܢ ܩܕܡ ܡܿܠܟܐ܂
001.01:06 [ai]ܘܗܘܘ ܒܗܘܢ ܡܢ ܒܢ̈ܝ ܝܗܘܕܐ/ܫܒܝܬܐ ܕܝܗܘܕ#2#/܂ ܕܢܝܐܝܠ ܘܚܿܢܢܝܐ܂ ܘܡܝܫܐܝܠ ܘܥܿܙܪܝܐ܂
001.01:07 [ai]ܘܫܿܡܝ ܠܗܘܢ ܪܒ ܡܗܝ̈ܡܢܐ ܫܡ̈ܗܐ܂ ܩܼܪܐ ܠܕܢܝܐܝܠ ܒܠܛܫܨܪ܂ ܘܠܚܢܢܝܐ ܫܕܪܟ܂ ܘܠܡܝܫܐܝܠ ܡܝܫܟ܂ ܘܠܥܿܙܪܝܐ ܥܒܕܢܿܓܘ܂
001.01:08 [ai]ܘܣܡ ܕܢܝܐܝܠ ܒܪܥܝܢܗ ܕܠܐ ܢܐܟܘܠ ܡܢ ܦܛܒܓܐ ܕܡܿܠܟܐ ܘܠܐ ܢܫܬܐ ܡܢ ܚܡܪܐ ܕܫܿܬܐ܂ ܘܒܼܥܐ ܡܢ ܪܒ ܡܗܝ̈ܡܢܐ ܕܠܐ ܢܘܟܠܝܘܗܝ܂
001.01:09 [ai]ܘܝܗܼܒ ܐܠܗܐ ܛܝܒܘܬܐ ܘܪ̈ܚܡܐ ܠܕܢܝܐܝܠ ܩܕܡ ܪܒ ܡܗܝ̈ܡܢܐ܂
001.01:10 [ai]ܘܐܡܼܪ ܪܒ ܡܗܝ̈ܡܢܐ ܠܕܢܝܐܝܠ܂ ܕܚܿܠ ܐܢܐ ܡܢ ܡܪܝ ܡܿܠܟܐ ܕܦܩܕ ܥܠ ܡܐܟܘܠܬܟܘܢ ܘܥܠ ܡܫܬܝܟܘܢ܂ ܕܠܡܐ ܢܚܙܐ ܐ̈ܦܝܟܘܢ ܡܟܐܪ̈ܢ ܡܢ ܕ̈ܛܠܝܐ ܒܢ̈ܝ ܫܢܟܘܢ ܘܢܦܣܘܩ ܪܝܫܝ ܡܿܠܟܐ܂
001.01:11 [ai]ܘܐܡܼܪ ܕܢܝܐܝܠ ܠܡܢܨܪ܂ ܗܿܘ ܕܐܫܠܛܗ ܪܒ ܡܗ̈ܝܡܢܐ ܥܠ ܕܢܝܐܝܠ ܘܥܠ ܚܢܢܝܐ܂ ܘܥܠ ܡܝܫܐܝܠ ܘܥܠ ܥܿܙܪܝܐ܂
001.01:12 [ai]ܢܣܿܐ ܐܢܘܢ ܠܥܒܼ̈ܕܝܟ ܝܘ̈ܡܝܢ ܥܣܪܐ܂ ܘܢܬܠܘܢ ܠܢ ܙܪ̈ܥܘܢܐ ܠܡܐܟܠ ܘܡ̈ܝܐ ܠܡܫܬܐ܂
001.01:13 [ai]ܘܬܚܙܐ ܫܝܘܬܢ ܘܫܝܘܬܐ ܕ̈ܛܠܝܐ ܕܐܟܠܝܢ ܡܢ ܦܛܒܓܐ ܕܡܿܠܟܐ܂ ܘܐܝܟ ܕܚܿܙܐ ܐܢܬ ܗܟܢܐ ܥܒܕ ܥܡ ܥܒܼ̈ܕܝܟ܂
001.01:14 [ai]ܘܐܫܬܡܥ ܠܡܠܬܗܘܢ ܗܕܐ܂ ܘܢܣܿܝ ܐܢܘܢ ܝܘܡ̈ܝܢ ܥܣܪܐ܂
001.01:15 [ai]ܘܡܢ ܒܬܪ ܥܣܪܐ ܝܘ̈ܡܝܢ ܚܼܙܐ ܐ̈ܦܝܗܘܢ ܫܦܝܪ̈ܢ ܘܫܡܝܢ ܒܣܪܗܘܢ ܛܒ ܡܢ ܕܛܠܝ̈ܐ ܟܠܗܘܢ ܕܐܟܠܝܢ ܡܢ ܦܛܒܓܐ ܕܡܿܠܟܐ܂
001.01:16 [ai]ܘܡܢܨܪ ܢܿܣܒ ܗܘܐ ܠܗ ܫܩܠܗܘܢ ܘܚܡܪܐ ܕܡܫܬܝܗܘܢ܂ ܘܝܿܗܒ ܗܘܐ ܠܗܘܢ ܙܪ̈ܥܘܢܐ ܠܡܐܟܠ ܘܡ̈ܝܐ ܠܡܫܬܐ܂
001.01:17 [ai]ܘܠܛܠܝ̈ܐ ܗܠܝܢ ܐܪ̈ܒܥܬܝܗܘܢ ܝܗܼܒ ܠܗܘܢ ܐܠܗܐ ܐܝܕܥܬܐ ܘܣܘܟܠܐ/ܘܣܘܟܠܬܢܘܬܐ#3#/ ܒܟܠ ܣܦܼܪ ܘܚܟܡܐ܂ ܘܕܢܝܐܝܠ ܡܬܒܝܢ ܗܘܐ ܒܟܘܠ ܚ̈ܙܘܝܢ/ܚܙܘ̈ܢܝܢ#3#/ ܘܚ̈ܠܡܝܢ܀
001.01:18 [ai]ܘܡܢ ܒܬܪ ܕܫܿܠܡܘ ܝܘܡ̈ܬܐ ܕܦܼܩܕ ܡܿܠܟܐ ܐܝܬܝ ܐܢܘܢ ܪܒ ܡܗܝ̈ܡܢܐ ܩܕܡ ܢܒܘܟܕܢܨܪ ܡܿܠܟܐ܂
001.01:19 [ai]ܘܡܠܠ ܥܡܗܘܢ ܡܿܠܟܐ ܘܠܐ ܐܫܟܚ ܒܟܠܗܘܢ ܐܝܟ ܕܢܝܐܝܠ ܘܚܿܢܢܝܐ܂ ܘܡܝܫܐܝܠ ܘܥܿܙܪܝܐ܂ ܘܩܡܘ ܩܕܡ ܡܿܠܟܐ܂
001.01:20 [ai]ܘܟܠ ܡܠܐ ܕܚܟܡܬܐ ܘܕܣܘܟܠܐ ܕܫܐܿܠ ܐܢܘܢ ܡܿܠܟܐ܂ ܐܫܟܚ ܐܢܘܢ ܝܬܝܪܝܢ ܥܣܪ ܡܢ̈ܘܢ܂ ܥܠ ܟܠ ܚܿܪ̈ܫܐ ܘܐܫ̈ܘܦܐ ܕܐܝܬ ܒܡܠܟܘܬܗ܂
001.01:21 [ai]ܘܗܘܼܐ ܕܢܝܐܝܠ ܥܕܡܐ ܠܫܢܬ ܚܕܐ ܕܟܘܪܫ ܡܿܠܟܐ܂
001.02:01 [ai]ܒܫܢܬ ܬܪܬܝܢ ܕܡܠܟܘܬܗ ܕܢܒܘܟܕܢܨܪ ܚܠܼܡ ܢܒܘܟܕܢܨܪ ܚܠܡܐ ܘܐܫܬܢܝܬ ܪܘܚܗ܂ ܘܫܢܬܗ ܗܘܬ ܥܠܘܗܝ܂
001.02:02 [ai]ܘܐܡܼܪ ܡܿܠܟܐ ܠܡܩܪܐ ܠܚܿܪ̈ܫܐ ܘܠܐܫ̈ܘܦܐ ܘܠܡܓܘܫ̈ܐ ܘܠܟ̈ܠܕܝܐ ܠܡܚܘܝܘ ܠܡܿܠܟܐ ܚܠܡܗ܂ ܘܐܬܘ ܘܩܡܘ ܩܕܡ ܡܿܠܟܐ܂
001.02:03 [ai]ܘܐܡܼܪ ܠܗܘܢ ܡܠܟܐ܂ ܚܠܡܐ ܚܙܝܬ܂ ܘܐܫܬܢܝܬ ܪܘܚܝ ܠܡܕܥܗ ܠܚܠܡܐ܂
001.02:04 [ai]ܘܡܠܠܘ ܟ̈ܠܕܝܐ ܩܕܡ ܡܿܠܟܐ ܐܪܡܐܝܬ ܘܐܡܪܝܢ܂ ܡܿܠܟܐ ܠܥܠܡ ܚܝܝ܂ ܐܡܼܪ ܚܠܡܐ ܠܥܒܼ̈ܕܝܟ ܘܦܫܪܗ ܚܢܢ ܢܚܘܐ܀
001.02:05 [ai]ܥܢܼܐ ܡܿܠܟܐ ܘܐܡܼܪ ܠܟ̈ܠܕܝܐ܂ ܫܪܝܪܐ ܗܝ ܡܠܬܐ ܕܐܡܪܬ܂ ܕܐܠܐ ܬܚܘܘܢܢܝ ܚܠܡܐ ܘܦܫܪܗ ܗܕܡ ܗܕܡ ܬܬܦܣܩܘܢ܂ ܘܒܬ̈ܝܟܘܢ ܢܬܒܙܘܢ܂
001.02:06 [ai]ܐܢ ܕܝܢ ܚܠܡܐ ܘܦܫܪܗ ܬܚܘܘܢܢܝ ܡܘܗ̈ܒܬܐ ܘܥܘܬܪܐ ܘܐܝܩܪܐ ܣܓܝܐܐ ܬܩܒܿܠܘܢ ܡܢܝ܂ ܒܠܚܘܕ ܚܠܡܐ ܘܦܫܪܗ ܚܘܐܘܢܝ܂
001.02:07 [ai]ܥܢܘ ܬܘܒ ܘܐܡܪܝܢ ܠܗ܂ ܡܿܠܟܐ ܚܠܡܐ ܢܐܡܪ ܠܥܒ̈ܕܘܗܝ ܘܦܫܪܗ ܚܢܢ ܢܚܿܘܐ܀
001.02:08 [ai]ܥܢܼܐ ܡܠܟܐ ܘܐܡܼܪ܂ ܫܪܝܪܐܝܬ ܝܕܥܿ ܐܢܐ ܕܙܒܢܐ ܗܘ ܫܐܿܠܝܢ ܐܢܬܘܢ܂ ܡܛܠ ܕܚܙܝܬܘܢ ܕܫܪܝܪܐ ܗܝ ܡܠܬܝ܂
001.02:09 [ai]ܕܐܢ ܚܠܡܐ ܠܐ ܬܚܘܘܢܢܝ ܚܕܐ ܗܝ ܕܬܟܘܢ܂ ܘܡܠܬܐ ܟܕܒܬܐ ܘܣܪܝܩܬܐ ܐܬܪܥܝܬܘܢ ܠܡܐܡܪ ܩܕܡܝ ܥܕ ܙܒܢܐ/ܕܙܒܢܐ#3#/ ܢܥܒܪ܂ ܐܠܐ ܚܠܡܐ ܐܡܪܘ ܠܝ ܕܐܕܥ ܕܐܦ ܦܫܪܗ ܡܚܘܝܢ ܐܢܬܘܢ ܠܝ܂
001.02:10 [ai]ܥܢܘ ܟ̈ܠܕܝܐ ܘܐܡܪܝܢ ܩܕܡ ܡܿܠܟܐ܂ ܠܝܬ ܐܢܫ ܥܠ ܐܪܥܐ ܕܡܠܬ ܡܿܠܟܐ ܡܫܟܚ ܠܡܚܘܝܘ܂ ܐܦ ܠܐ ܡܢ ܡܬܘܡ ܡܠܟ ܪܒ ܘܫܠܝܛ ܡܠܬܐ ܐܝܟ/ܕܐܝܟ#3#/ ܗܕܐ ܫܐܿܠ ܠܟܠ ܚܿܪܫ ܘܐܫܘܦ ܘܟܠܕܝ܂
001.02:11 [ai]ܘܡܠܬܐ ܕܡܿܠܟܐ ܫܐܿܠ ܝܩܝܪܐ ܗܝ܂ ܘܐܢܫ ܠܝܬ ܕܢܚܘܝܗܿ ܩܕܡ ܡܿܠܟܐ܂ ܐܠܐ ܐܢ ܐ̈ܠܗܝܢ ܕܠܝܬ ܡܥܡܪܗܘܢ ܥܡ ܒܢ̈ܝ ܒܣܪܐ܀
001.02:12 [ai]ܗܝܕܝܢ ܡܿܠܟܐ ܐܬܚܿܡܬ ܪܘܪܒܐܝܬ ܘܒܪܘܓܙܐ ܣܓܝܐܐ/ܪܒܐ#3#/ ܐܡܼܪ ܠܡܘܒܕܘ ܠܟܠܗܘܢ ܚ̈ܟܝܡܐ ܕܒܒܠ܂
001.02:13 [ai]ܘܦܘܩܕܢܐ ܢܦܩܼ ܘܚܟܝ̈ܡܐ ܡܬܩܿܛܠܝܢ܂ ܘܒܥܘ ܕܢܩܛܠܘܢ ܠܕܢܝܐܝܠ ܘܠܚܒܪ̈ܘܗܝ܂
001.02:14 [ai]ܗܝܕܝܢ ܕܢܝܐܝܠ ܐܬܪܥܝ ܘܐܬܡܠܟ ܘܐܡܼܪ ܠܐܪܝܘܟ ܪܒ ܕܚܫ̈ܐ ܕܡܿܠܟܐ܂ ܗܿܘ ܕܢܦܩ ܠܡܩܿܛܠܘ ܠܚ̈ܟܝܡܐ ܕܒܒܠ܂
001.02:15 [ai]ܥܠ ܡܢܐ ܗܢܐ ܦܘܩܕܢܐ ܡܚܨܦ ܡܢ ܩܕܡ ܡܿܠܟܐ܂ ܘܓܠܗܿ ܡܠܬܐ ܐܪܝܘܟ ܠܕܢܝܐܝܠ܂
001.02:16 [ai]ܘܕܢܝܐܝܠ ܒܥܼܐ ܡܢ ܡܿܠܟܐ ܕܙܒܢܐ ܢܬܠ ܠܗ ܘܦܫܪܐ ܠܡܿܠܟܐ ܢܘܕܥ/ܢܚܘܐ#3#/܀
001.02:17 [ai]ܗܝܕܝܢ ܕܢܝܐܝܠ ܠܒܝܬܗ ܐܙܼܠ ܘܠܚܢܿܢܝܐ ܘܠܡܝܫܐܝܠ ܘܠܥܙܪܝܐ ܚܒܪ̈ܘܗܝ ܡܠܬܐ ܗܕܐ ܓܠܼܐ܂
001.02:18 [ai]ܕܢܒܥܘܢ ܪ̈ܚܡܐ ܡܢ ܩܕܡ ܐܠܗܐ ܕܫܡܝܐ ܥܠ ܐܪܙܐ ܗܢܐ܂ ܕܠܐ ܢܐܒܕܘܢ ܕܢܝܐܝܠ ܘܚܒܪ̈ܘܗܝ ܥܡ ܫܪܟܐ ܕܚܟܝ̈ܡܐ ܕܒܒܠ܀
001.02:19 [ai]ܗܝܕܝܢ ܠܕܢܝܐܝܠ ܒܚܙܘܐ ܕܠܠܝܐ ܐܪܙܐ ܐܬܓܠܝ܂ ܘܕܢܝܐܝܠ ܒܪܟ ܠܐܠܗܐ ܕܫܡܝܐ܂
001.02:20 [ai]ܥܢܼܐ ܕܢܝܐܝܠ ܘܐܡܼܪ܂ ܢܗܘܐ ܫܡܗ ܕܡܪܝܐ/ܕܐܠܗܐ#2#/ ܡܒܪܟ܂ ܡܢ ܥܠܡ ܘܥܕܡܐ ܠܥܠܡ܂ ܕܚܟܡܬܐ ܘܓܢܒܪܘܬܐ ܕܝܠܗ ܗܝ܂
001.02:21 [ai]ܘܗܼܘ ܡܚܿܠܦ ܙܒ̈ܢܐ ܘܥ̈ܕܢܐ܂ ܡܥܒܪ ܡ̈ܠܟܝܢ ܘܡܩܝܡ ܡ̈ܠܟܝܢ܂ ܝܗܿܒ ܚܟܡܬܐ ܠܚ̈ܟܝܡܐ ܘܡܕܥܐ ܠܝܕ̈ܥܝ ܣܘܟܠܐ܂
001.02:22 [ai]ܘܗܼܘ ܓܠܐ ܥܡܝܩ̈ܬܐ ܘܟܣ̈ܝܬܐ܂ ܘܝܿܕܥ ܡܐ ܕܒܚܫܘܟܐ܂ ܘܢܗܝܪܐ ܥܡܗ ܗܘ܂
001.02:23 [ai]ܠܟ ܐܠܗܐ ܕܐ̈ܒܗܝ ܡܘܕܐ ܐܢܐ ܘܡܫܒܚ ܐܢܐ܂ ܕܚܟܡܬܐ ܘܓܢܒܪܘܬܐ ܝܗܒܬ ܠܝ܂ ܘܗܫܐ ܐܘܕܥܬܢܝ ܕܒܥܝܢ ܡܢܟ܂ ܘܡܠܬ ܡܿܠܟܐ ܐܘܕܥܬܢܝ܀
001.02:24 [ai]ܘܒܗܿ ܒܫܥܬܐ ܥܠ ܕܢܝܐܝܠ ܠܘܬ ܐܪܝܘܟ܂ ܗܘܿ ܕܦܩܼܕ ܠܗ ܡܿܠܟܐ ܠܡܩܿܛܠܘ ܠܚ̈ܟܝܡܐ ܕܒܒܠ܂ ܘܐܙܠܼ ܘܗܟܢܐ ܐܡܼܪ ܠܗ܂ ܠܚܟܝ̈ܡܐ ܕܒܒܠ ܠܐ ܬܘܒܕ܂ ܐܠܐ ܐܥܠܝܢܝ ܩܕܡ ܡܠܟܐ ܘܦܫܪܐ ܠܡܿܠܟܐ ܐܚܿܘܐ܀܀
001.02:25 [ai]ܗܝܕܝܢ ܐܪܝܘܟ ܚܦܝܛܐܝܬ ܐܥܠܗ ܠܕܢܝܐܝܠ ܩܕܡ ܡܿܠܟܐ܂ ܘܐܡܼܪ ܠܗ܂ ܐܫܟܚܬ ܓܒܪܐ ܡܢ ܒ̈ܢܝ ܫܒܝܬܐ ܕܝܗܘܕ ܕܦܫܪܐ ܠܡܿܠܟܐ ܢܘܕܥ܂
001.02:26 [ai]ܥܢܼܐ ܡܿܠܟܐ ܘܐܡܼܪ ܠܕܢܝܐܝܠ ܕܫܡܗ ܒܠܛܫܨܪ ܡܫܟܚ ܐܢܬ ܠܡܚܘܝܘܬܢܝ ܚܠܡܐ ܕܚܙܝܬ ܘܦܫܪܗ܂
001.02:27 [ai]ܥܢܼܐ ܕܢܝܐܝܠ ܘܐܡܼܪ ܩܕܡ ܡܿܠܟܐ ܐܪܙܐ ܕܡܿܠܟܐ ܫܐܿܠ܂ ܠܐ ܚܟܝ̈ܡܐ ܘܠܐ ܡܓܘܫ̈ܐ ܘܠܐ ܚܿܪ̈ܫܐ ܘܠܐ ܐܫ̈ܘܦܐ ܡܫܟܚܝܢ ܠܡܚܘܝܘ ܡܿܠܟܐ܂
001.02:28 [ai]ܐܠܐ ܐܝܬ ܐܠܗܐ ܒܫܡܝܐ/ܕܫܡܝܐ#3#/ ܓܠܐ ܐܪ̈ܙܐ ܕܢܘܕܥ ܠܡܿܠܟܐ ܢܒܘܟܕܢܨܪ ܡܐ ܕܢܗܘܐ ܒܝ̈ܘܡܬܐ ܐܚܪ̈ܝܐ܂ ܚܠܡܟ ܘܚܙܘܐ ܕܪܝܫܟ ܕܥܠ ܡܫܟܒܟ ܗܢܐ ܗܘ܂
001.02:29 [ai]ܐܢܬ ܡܿܠܟܐ ܡܚ̈ܫܒܬܟ ܥܠ ܠܒܟ ܣܠܩ ܥܠ ܡܐ ܕܢܗܘܐ ܒܐܚܪܝܬܐ܂ ܘܓܠܐ ܐܪ̈ܙܐ ܐܘܕܥܟ ܡܐ ܕܢܗܘܐ܂
001.02:30 [ai]ܘܐܢܐ ܠܐ ܗܘܐ ܡܛܠ ܕܐܝܬ ܒܝ ܚܟܡܬܐ ܝܬܝܪ ܡܢ ܟܠܗܘܢ ܚ̈ܝܐ ܐܬܓܠܝ ܠܝ ܐܪܙܐ ܗܢܐ܂ ܐܠܐ ܡܛܠ ܕܦܫܪܐ ܢܬܝܕܥ ܠܡܿܠܟܐ ܘܡܕܡ ܕܐܬܚܫܒܬ ܒܠܒܟ ܬܕܥ܀܀
001.02:31 [ai]ܐܢܬ ‍<‍ܕܝܢ#3#‍>‍ ܡܿܠܟܐ ܚܿܙܐ ܗܘܝܬ ܘܗܐ ܨܠܡܐ ܚܕ ܪܒܐ ܕܛܒ܂ ܙܝܘܗ ܝܬܝܪ ܘܩܐܿܡ ܠܩܘܒܠܟ܂ ܚܙܘܗ ܕܚܝܠ܂
001.02:32 [ai]ܪܝܫܗ ܕܕܗܒܐ ܛܒܐ܂ ܚܕܝܗ ܘܕܪ̈ܥܘܗܝ ܕܣܐܡܐ܂ ܟܪܣܗ ܘܥܛܡ̈ܬܗ ܕܢܚܫܐ܂
001.02:33 [ai]ܫܩ̈ܘܗܝ ܕܦܪܙܠܐ܂ ܪ̈ܓܠܘܗܝ ܡܢܗܝܢ ܕܦܪܙܠܐ ܘܡܢܗܝܢ ܕܚܨܦܐ܂
001.02:34 [ai]ܘܚܙܝܬ ܕܐܬܓܙܪܬ ܟܐܦܐ ܕܠܐ ܒܐ̈ܝܕܝܢ ܘܡܚܬܗ ܠܨܠܡܐ ܥܠ ܪ̈ܓܠܘܗܝ ܕܦܪܙܠܐ ܘܕܚܨܦܐ ܘܕܩܩܬ ܐܢܝܢ ܛܒ܂
001.02:35 [ai]ܘܐܬܕܩܩܘ ܐܟܚܕܐ܂ ܦܪܙܠܐ/ܕܦܪܙܠܐ#3#/ ܘܢܚܫܐ ܘܚܨܦܐ܂ ܘܣܐܡܐ ܘܕܗܒܐ܂ ܘܗܘܘ ܐܝܟ ܥܘܪܐ ܕܡܢ ܐܕܪܐ ܕܩܝܛܐ܂ ܘܢܣܒܬ ܐܢܘܢ ܪܘܚܐ ܬܩܝܦܬܐ ܘܐܬܪ ܠܐ ܐܫܬܟܚ ܠܗܘܢ܂ ܘܟܐܦܐ ܕܡܚܬܗ ܠܨܠܡܐ ܗܘܬ ܠܛܘܪܐ ܪܒܐ܂ ܘܡܠܬ ܡܢܗܿ ܟܠܗܿ ܐܪܥܐ܂
001.02:36 [ai]ܗܢܘ ܚܠܡܐ܂ ܘܦܫܪܗ ܐܡܼܪ ܩܕܡ ܡܿܠܟܐ܂
001.02:37 [ai]ܐܢܬ ܡܿܠܟܐ ܡܠܟ ܡ̈ܠܟܐ܂ ܐܠܗܐ ܡܪܝܡܐ ܡܠܟܘܬܐ ܚܣܝܢܬܐ ܘܐܝܩܪܐ ܝܗܼܒ ܠܟ܂
001.02:38 [ai]ܘܟܠ ܐܬܪ ܕܥܡܪܝܢ ܒܗ ܒ̈ܢܝ ܐܢܫܐ܂ ܘܦܪܚܬܐ ܕܫܡܝܐ ܘܚܝܘܬܐ ܕܕܒܪܐ/ܕܒܪܐ#3#/ܕܐܪܥܐ#3#/ ܝܗܼܒ ܒܐ̈ܝܕܝܟ܂ ܘܐܫܠܛܟ ܥܠ ܟܠܗܘܢ܂ ܐܢܬ ܗܘ ܪܝܫܐ ܕܕܗܒܐ܂
001.02:39 [ai]ܘܒܬܪܟ ܬܩܘܡ ܡܠܟܘܬܐ ܐܚܪܬܐ ܕܡܟܝܟܐ ܡܢܟ܂ ܘܡܠܟܘܬܐ ܐܚܪܬܐ ܕܬܠܬ ܕܐܝܬܝܗܿ ܢܚܫܐ܂ ܬܫܠܛ/ܬܫܬܠܛ#3#/ ܒܟܠܗܿ ܐܪܥܐ܂
001.02:40 [ai]ܘܡܠܟܘܬܐ ܐܪܒܝܥܝܬܐ ܬܗܘܐ ܚܣܝܢܐ ܐܝܟ ܦܪܙܠܐ ܘܐܝܟ ܕܦܪܙܠܐ ܐܿܪܫ ܘܡܿܕܩ/ܘܡܕܩܩ#3#/ ܟܠ ܗܟܢܐ ܐܦ ܗܼܝ ܬܫܚܘܩ ܘܬܟܒܘܫ ܟܠ܂
001.02:41 [ai]ܘܕܚܙܝܬ ܪ̈ܓܠܐ ܘܨܒܥ̈ܬܐ ܕܡܢܗܝܢ/ܡܢܗܝܢ#3#/ ܕܚܨܦܐ ܕܦܚܪܐ ܘܡܢܗܝܢ ܕܦܪܙܠܐ܂ ܡܠܟܘܬܐ ܬܗܘܐ ܦܠܝܓܐ܂ ܘܡܢ ܥܩܪܐ ܕܦܪܙܠܐ ܢܗܘܐ ܒܗܿ܂ ܐܝܟܢܐ ܕܚܙܝܬ ܦܪܙܠܐ ܕܡܚܠܛ ܒܚܨܦܐ ܕܛܝܢܐ܂
001.02:42 [ai]ܘܨܒ̈ܥܬܐ ܕܪ̈ܓܠܐ ܕܚܙܝܬ ܕܡܢܗܝܢ ܕܦܪܙܠܐ ܘܡܢܗܝܢ ܕܚܨܦܐ܂ ܡܢܗܿ ܡܢ ܡܠܟܘܬܐ ܬܗܘܐ ܥܫܝܢܐ ܘܡܢܗܿ ܬܗܘܐ ܬܒܝܪܐܿ
001.02:43 [ai]ܘܕܚܙܝܬ ܦܪܙܠܐ ܕܡܚܠܛ ܒܚܨܦܐ ܕܛܝܢܐ ܗܟܢܐ ܢܬܚܿܠܛܘܢ ܒܙܪܥ ܐܢܫܐ܂ ܘܠܐ ܢܗܘܘܢ ܕܒܩܝܢ ܚܕ ܠܚܕ ܐܝܟ ܦܪܙܠܐ ܕܠܐ ܡܬܚܠܛ ܥܡ ܛܝܢܐ܂
001.02:44 [ai]ܘܒܝ̈ܘܡܬܗܘܢ ܕܡ̈ܠܟܐ ܗܿܢܘܢ ܢܩܝܡ \ܐܠܗ ܫܡܝܐ ܡܠܟܘܬܐ ܕܠܥܠܡܝܢ ܠܐ /ܐܠܗܐ ܡܠܟܘܬܐ ܒܫܡܝܐ ܠܥܠܡܝܢ ܕܠܐ#3#/ ܬܬܚܒܠ܂ ܘܡܠܟܘܬܐ ܠܥܡܐ ܐܚܪܢܐ ܠܐ ܬܫܒܘܩ܂ ܐܠܐ ܬܕܩܩ/ܬܕܩ#3#/ ܘܬܣܝܦ ܟܠܗܝܢ ܡ̈ܠܟܘܬܐ ܗܠܝܢ܂ ܘܗܝ ܬܩܘܡ ܠܥܠܡܝܢ܂
001.02:45 [ai]ܐܝܟܢܐ ܕܚܙܝܬ ܕܡܢ ܛܘܪܐ ܐܬܓܙܪܬ ܟܐܦܐ ܕܠܐ ܒܐ̈ܝܕܝܢ ܘܕܩܩܬ ܦܪܙܠܐ ܘܢܚܫܐ ܘܚܨܦܐ ܘܣܐܡܐ ܘܕܗܒܐ܂ ܐܠܗܐ ܪܒܐ ܐܘܕܥܟ ܡܐ ܕܢܗܘܐ ܒܝ̈ܘܡܬܐ ܐܚܪ̈ܝܐ܂ ܫܪܝܪ ܚܠܡܐ ܘܡܗܝܡܢ ܦܫܪܗ܀܀
001.02:46 [ai]ܗܝܕܝܢ ܢܒܘܟܕܢܨܪ ܡܿܠܟܐ ܢܦܠ ܥܠ ܐ̈ܦܘܗܝ ܠܕܢܝܐܝܠ ܣܓܕ܂ ܘܒܣ̈ܡܝܢ ܘܩܘܪ̈ܒܢܝܢ ܐܡܼܪ ܠܡܩܪܒܘ ܠܗ܂
001.02:47 [ai]ܥܢܼܐ ܡܿܠܟܐ ܘܐܡܼܪ ܠܕܢܝܐܝܠ܂ ܒܩܘܫܬܐ ܐܠܗܟܘܢ ܗܘܝܘ ܐܠܗ ܐ̈ܠܗܝܢ ܘܡܪܐ ܡ̈ܠܟܝܢ ܘܓܠܐ ܐܪ̈ܙܝܢ܂ ܕܐܫܟܚܬ ܠܡܓܠܐ ܪܐܙܐ ܗܢܐ܀
001.02:48 [ai]ܗܝܕܝܢ ܡܿܠܟܐ ܐܘܪܒ ܠܕܢܝܐܝܠ܂ ܘܡܘܗ̈ܒܬܐ ܣ̈ܓܝܐܬܐ ܝܗܼܒ ܠܗ܂ ܘܐܫܠܛܗ ܥܠ ܟܠܗܿ ܐܪܥܐ ܕܒܒܠ܂ ܘܐܩܝܡܗ ܪܝܫܐ ܥܠ ܟܠܗܘܢ ܪ̈ܒܝ ܚܝ̈ܠܐ ܘܥܠ ܟܠܗܘܢ ܚܟܝ̈ܡܐ ܕܒܒܠ܂
001.02:49 [ai]ܘܕܢܝܐܝܠ ܒܥܼܐ ܡܢ ܡܿܠܟܐ ܘܐܫܠܛ ܥܠ ܥܒܿܕܐ ܕܡܕܝܢܬ ܒܒܠ ܠܫܕܪܟ ܡܝܫܟ ܘܥܒܕܢܿܓܘ܂ ܘܕܢܝܐܝܠ ܗܘܼܐ ܒܬܪܥܐ ܕܡܿܠܟܐ܀
001.03:01 [ai]\ܢܒܘܟܕܢܨܪ /ܒܫܢܬ ܬܡܢܥܣܪ̈ܐ ܕܡܠܟܘܬܗ ܕܢܒܘܟܕܢܨܪ ܡܠܟܐ#3#/ ܡܿܠܟܐ ܥܒܼܕ ܨܠܡܐ ܚܕ ܕܕܗܒܐ܂ ܪܘܡܗ ܐܡ̈ܝܢ ܫܬܝܢ ܘܦܬܝܗ ܐܡ̈ܝܢ ܫܬ܂ ܘܐܩܝܡܗ ܒܦܩܥܬ ܕܘܪܐ ܒܐܪܥܐ ܕܒܒܠ܂
001.03:02 [ai]ܘܢܒܘܟܕܢܨܪ ܡܿܠܟܐ ܫܕܪ ܠܡܟܢܫܘ ܠܪ̈ܒܝ ܚܝ̈ܠܐ ܘܠܡܪ̈ܘܬܐ ܘܠܫ̈ܠܝܛܢܐ܂ ܘܠܐܪ̈ܓܕܝܐ ܘܠܓܪ̈ܒܕܝܐ܂ ܘܠܬܪ̈ܒܕܝܐ ܘܠܬܦܬ̈ܝܐ ܘܠܟܠ ܫܘܠܛܢ ܡܕܝܢ̈ܬܐ ܠܡܐܬܐ ܠܥܐܕܐ ܕܨܠܡܐ ܚܕܬܐ ܕܐܩܝܡ ܢܒܘܟܕܢܨܪ ܡܿܠܟܐ܂
001.03:03 [ai]ܗܝܕܝܢ ܐܬܟܢܫܘ ܟܠܗܘܢ ܪ̈ܒܝ ܚܝ̈ܠܐ܂ ܘܡܪ̈ܘܬܐ ܘܫ̈ܠܝܛܢܐ/ܘܫ̈ܘܠܛܢܐ#3#/܂ ܘܐܪ̈ܓܕܝܐ ܘܓܪ̈ܒܕܝܐ܂ ܘܬܪ̈ܒܕܝܐ ܘܬܦܬ̈ܝܐ܂ ܘܟܠ ܫܘܠܛܢ ܡܕܝ̈ܢܬܐ܂ ܘܐܬܘ ܠܥܐܕܐ ܕܨܠܡܐ ܚܕܬܐ ܕܐܩܝܡ ܢܒܘܟܕܢܨܪ ܡܿܠܟܐ܂ ܘܩܝܡܝܢ ܗܘܘ ܠܘܩܒܠ ܨܠܡܐ ܕܐܩܝܡ ܢܒܘܟܕܢܨܪ ܡܿܠܟܐ܂
001.03:04 [ai]ܘܟܪܘܙܐ ܩܼܪܐ ܒܚܝܠ ܘܐܡܼܪ܂ ܠܟܘܢ ܐܡܪܝܢ ܥܡ̈ܡܐ ܘܐ̈ܡܘܬܐ ܘܠܫ̈ܢܐ܂
001.03:05 [ai]ܒܫܥܬܐ ܕܫܡܥܝܢ ܐܢܬܘܢ ܩܠ ܩܪܢܐ ܘܡܫܪܘܩܝܬܐ ܘܩܝܬܪܐ ܘܟܢܪܐ ܘܨܦܘܢܝܐ/ܘܨܘ̈ܦܢܝܐ#3#/ܘܨܘܦܘܢܝܐ#3#/ ܘܟܠ ܙܢ̈ܝ ܙܡܪܐ ܬܦܠܘܢ ܘܬܣܓܕܘܢ ܠܨܠܡܐ ܕܕܗܒܐ/ܪܒܐ#3#/ ܕܐܩܝܡ ܢܒܘܟܕܢܨܪ ܡܿܠܟܐ܂
001.03:06 [ai]ܘܡܿܢ ܕܠܐ ܢܦܿܠ ܘܢܣܓܘܕ܂ ܒܗܿ ܒܫܥܬܐ ܢܫܬܕܐ ܒܓܘ ܐܬܘܢܐ ܕܢܘܪܐ ܝܩܕܬܐ܂
001.03:07 [ai]ܘܒܫܥܬܐ ܕܫܡܥܝܢ ܗܘܘ ܥܡ̈ܡܐ ܩܠ ܩܪܢܐ ܘܡܫܪܘܩܝܬܐ ܘܩܝܬܪܐ ܘܟܢܪܐ ܘܨܦܘܢܝܐ/ܘܨܘ̈ܦܘܢܝܐ#3#/ ܘܟܠ ܙܢ̈ܝ ܙܡܪܐ ܢܦܿܠܝܢ ܗܘܘ ܟܠܗܘܢ ܥܡ̈ܡܐ ܘܐ̈ܡܘܬܐ ܘܠܫ̈ܢܐ܂ ܘܣܓܕܝܢ ‍<‍ܗܘܘ#3#‍>‍ ܠܨܠܡܐ ܕܕܗܒܐ ܕܐܩܝܡ ܢܒܘܟܕܢܨܪ ܡܿܠܟܐ܂
001.03:08 [ai]ܘܒܗܿ ܒܫܥܬܐ ܩܼܪܒܘ ܓܒܪ̈ܐ ܟ̈ܠܕܝܐ ܘܐܟܠܘ ܩܪ̈ܨܝܗܘܢ ܕܝܗ̈ܘܕܝܐ܂
001.03:09 [ai]ܘܐܡܪܝܢ ܠܢܒܘܟܕܢܨܪ ܡܿܠܟܐ܂ ܡܿܠܟܐ ܠܥܠܡ ܚܝܝ܂
001.03:10 [ai]ܐܢܬ ܡܿܠܟܐ ܦܩܕܬ ܕܟܠܢܫ ܕܢܫܡܥ ܩܠ ܩܪܢܐ ܘܡܫܪܘܩܝܬܐ ܘܩܝܬܪܐ ܘܟܢܪܐ ܘܨܦܘܢܝܐ/ܘܨܘ̈ܦܢܝܐ#3#/ܘܨܘܦܘܢܝܐ#3#/ ܘܟܠ ܙܢܝ̈ ܙܡܪܐ ܢܦܿܠ ܘܢܣܓܘܕ ܠܨܠܡܐ ܕܕܗܒܐ ܕܐܩܝܡܬ܂
001.03:11 [ai]ܘܡܿܢ ܕܠܐ ܢܿܦܠ ܘܢܣܓܘܕ܂ ‍<‍ܒܗܿ ܒܫܥܬܐ#3#‍>‍ ܢܫܬܕܐ ܒܓܘ/ܠܓܘ#3#/ ܐܬܘܢܐ ܕܢܘܪܐ ܝܩܕܬܐ܂
001.03:12 [ai]ܐܝܬ ܬܢܢ ܓܒܪ̈ܐ ܝܗ̈ܘܕܝܐ ܕܐܩܝܡܬ ܐܢܘܢ ܥܠ ܨܒ̈ܘܬܐ ܕܡܕܝܢܬ ܒܒܠ ܫܕܪܟ ܡܝܫܟ ܘܥܒܕܢܿܓܘ ܓܒܪ̈ܐ ܗܿܢܘܢ ܠܐ ܚܫܒܘܟ ܡܿܠܟܐ ܘܠܐܠܗܟ ܠܐ ܦܠܚܿܝܢ ܘܠܨܠܡܐ ܕܕܗܒܐ ܕܐܩܝܡܬ ܠܐ ܣܓܕܝܢ܀
001.03:13 [ai]ܗܝܕܝܢ ܢܒܘܟܕܢܨܪ ܡܿܠܟܐ ܒܪܘܓܙܐ ܘܒܚܡܬܐ ܐܡܼܪ ܠܡܝܬܝܘ ܠܫܕܪܟ ܡܝܫܟ ܘܥܒܕܢܿܓܘ܂ ܘܐܝܬܝܘ ܐܢܘܢ ܩܕܡ ܡܿܠܟܐ܂
001.03:14 [ai]ܥܢܼܐ ܢܒܘܟܕܢܨܪ ܡܿܠܟܐ ܘܐܡܼܪ ܠܗܘܢ܂ ܒܩܘܫܬܐ ܫܕܪܟ ܡܝܫܟ ܘܥܒܕܢܿܓܘ ܠܐܠܗܝ ܠܐ ܦܠܚܿܝܢ ܐܢܬܘܢ ܘܠܨܠܡܐ ܕܕܗܒܐ ܕܐܩܝܡܬ ܠܐ ܣܓܕܝܢ ܐܢܬܘܢ܂
001.03:15 [ai]ܗܫܐ ܐܢ ܥܬܝܕܝܢ ܐܢܬܘܢ ܕܒܫܥܬܐ ܕܬܫܡܥܘܢ ܩܠ ܩܪܢܐ ܘܡܫܪܘܩܝܬܐ ܘܩܝܬܪܐ ܘܟܢܪܐ ܘܨܦܘܢܝܐ/ܘܨܘ̈ܦܢܝܐ#3#/ܘܨܘܦܘܢܝܐ#3#/ ܘܟܠ ܙ̈ܢܝ ܙܡܪܐ ܬܦܠܘܢ ܘܬܣܓܕܘܢ ܠܨܠܡܐ ܕܥܒܕܬ ܘܐܠܐ ܬܣܓܕܘܢ ܒܗܿ ܒܫܥܬܐ ܬܫܬܕܘܢ ܠܓܘ/ܒܓܘ#3#/ ܐܬܘܢܐ ܕܢܘܪܐ ܝܩܕܬܐ܂ ܘܡܢܼܘ ܐܠܗܟܘܢ ܕܢܦܨܝܟܘܢ ܡܢ ܐ̈ܝܕܝ܀
001.03:16 [ai]ܥܢܘ ܫܕܪܟ ܡܝܫܟ ܘܥܒܕܢܓܘ ܘܐܡܪܝܢ ‍<‍ܠܗ#3#‍>‍ ܠܢܒܘܟܕܢܨܪ ܡܿܠܟܐ܂ ܠܐ ܚܫܚܝܢܢ ܥܠ ܗܕܐ ܡܠܬܐ ܦܬܓܡܐ ܠܡܬܒܘܬܟ܂
001.03:17 [ai]ܡܛܠ ܕܐܝܬܘܗܝ ܐܠܗܢ ‍<‍ܗܿܘ#3#‍>‍ ܕܚܢܢ ܦܠܚܝܢ ܠܗ ܕܗܘ ܡܼܨܐ ܒܚܝܠܐ ܠܡܦܨܝܘܬܢ ܡܢ ܐܬܘܢܐ ܕܢܘܪܐ ܝܩܕܬܐ ܘܡܢ ܐ̈ܝܕܝܟ ܡܿܠܟܐ ܢܫܘܙܒܢ܂
001.03:18 [ai]ܬܗܘܐ ܕܝܢ ܝܕܥܿ ܡܿܠܟܐ ܕܠܐܠܗܟ ܠܐ ܦܠܚܿܝܢܢ܂ ܘܠܨܠܡܐ ܕܕܗܒܐ ܕܐܩܝܡܬ ܠܐ ܣܓܕܝܢ ܚܢܢ܀܀
001.03:19 [ai]ܗܝܕܝܢ ܢܒܘܟܕܢܨܪ ܡܿܠܟܐ ܐܬܡܠܝ ܚܡܬܐ܂ ܘܙܝܘܐ ܕܐ̈ܦܘܗܝ ܐܫܬܢܝ܂ ܥܠ ܫܕܪܟ ܡܿܝܫܟ ܘܥܒܕܢܿܓܘ ܘܐܡܼܪ ܠܡܫܓܪ ܐܬܘܢܐ ܚܕ ܒܫܒܥܐ ܥܠ ܡܐ ܕܡܫܬܼܓܪ ܗܘܐ܂
001.03:20 [ai]ܘܠܓܒܪ̈ܐ ܕܥܫܝܢܝܢ ܒܚܝܠܐ ܐܡܼܪ ܕܢܦܟܪܘܢ ܐܢܘܢ ܠܫܕܪܟ ܡܝܫܟ ܘܥܒܕܢܿܓܘ ܘܠܡܪܡܝܘ ܐܢܘܢ \ܒܓܘ ܐܬܘܢܐ /ܒܐܬܘܢܐ#3#/ ܕܢܘܪܐ ܝܩܕܬܐ܂
001.03:21 [ai]ܗܝܕܝܢ ܓܒܪ̈ܐ ܗܿܢܘܢ ܦܟܿܪܘ ܐܢܘܢ ܒܫܪ̈ܒܠܝܗܘܢ ܘܒܦܛܫܝ̈ܗܘܢ ܘܒܢܚ̈ܬܝܗܘܢ ܘܒܩܘܒ̈ܥܝܗܘܢ܂ ܘܐܪܡܝܘ ܐܢܘܢ ܒܓܘ ܐܬܘܢܐ ܕܢܘܪܐ ܝܩܕܬܐ܂
001.03:22 [ai]ܡܛܠ ܕܡܠܬ ܡܿܠܟܐ ܣܪܗܒܬ܂ ܘܐܬܘܢܐ ܫܓܝܪ ܗܘܐ ܝܬܝܪܐܝܬ܂ ܘܓܒܪ̈ܐ/ܘܠܓܒܪ̈ܐ#3#/ ܗܿܢܘܢ ܕܐܟܠܘ ܩܪ̈ܨܝܗܘܢ ܕܫܕܪܟ ܡܝܫܟ ܘܥܒܕܢܿܓܘ ܩܛܠܬ ܐܢܘܢ ܫܠܗܒܝܬܐ ܕܢܘܪܐ ܝܩܕܬܐ܂
001.03:23 [ai]ܘܓܒܪ̈ܐ ܗܿܢܘܢ ܬܠܬܝܗܘܢ ܫܕܪܟ ܡܝܫܟ ܘܥܒܕܢܿܓܘ ܢܦܠܘ ܡܨܥܬ/ܒܡܨܥܬ#3#/ ܐܬܘܢܐ ܕܢܘܪܐ ܝܩܕܬܐ ܟܕ ܦܟܝܪܝܢ܂
001.03:24 [ai]ܘܩܡܘ ܗܘܘ ܘܡܗܠܟܝܢ ܒܦܟܪ̈ܝܗܘܢ ܡܨܥܬ/ܒܡܨܥܬ#3#/ ܫܠܗܒܝܬܐ ܕܢܘܪܐ܂ ܘܡܫܒܚܝܢ ܗܘܘ ܠܐܠܗܐ ܘܡܒܪܟܝܢ ܗܘܘ ܠܡܪܝܐ܂
001.03:25 [ai]‍<‍ܨܠܘܬܐ ܕܚܢܢܝܐ ܘܕܚܒܪ̈ܘܗܝ /ܨܠܘܬܐ ܕܒܝܬ ܚܢܢܝܐ#3# /ܨܠܘܬܐ ܕܥܙܪܝܐ ܘܕܚܒܪ̈ܘܗܝ#3# /ܨܠܘܬܐ ܕܥܙܪܝܐ#3#/‍>‍ ܘܩܡ ܥܙܪܝܐ ܘܦܬܚ ܦܘܡܗ ܠܡܒܪܟܘ ܡܨܥܬ/ܒܡܨܥܬ#3#/ ܢܘܪܐ ܘܦܬܚ ܦܘܡܗ ܘܨܿܠܝ ܘܐܡܼܪ ܗܟܢܐ܂
001.03:26 [ai]ܡܒܪܟ ܐܢܬ ܡܪܝܐ ܐܠܗܐ ܕܐ̈ܒܗܬܢ ‍<‍ܘܡܫܒܚܬ#3#‍>‍܂ ܘܡܪܡܪܡ ܘܡܫܒܚ ܫܡܟ ܠܥܠܡ܂܀
001.03:27 [ai]ܡܛܠ ܕܙܕܝܩ ܐܢܬ ܒܟܠ ܡܐ ܕܥܒܕܬ ܠܢ܂ ܘܟܠܗܘܢ ܥܒ̈ܕܝܟ ܒܩܘܫܬܐ ܘܬܪ̈ܝܨܢ ܐܘܪ̈ܚܬܟ܂ ܘܟܠܗܘܢ ܕܝܢ̈ܝܟ ܡܗܝܡܢܝܢ܂
001.03:28 [ai]ܡܛܠ ܕܒܕܝܢܐ ܗܘ/ܗܿܘ#1##2#/ ܕܩܘܫܬܐ ܥܒܕܬ ܠܢ ܒܟܘܠ ܡܐ ܕܐܝܬܝܬ ܥܠܝܢ ܘܥܠ ܡܕܝܢܬܐ ܩܕܝܫܬܐ ܕܐܒ̈ܗܝܢ ܥܠ ܐܘܪܫܠܡ܂ ܡܛܠ ܕܒܟܐܢܘܬܐ ܐܝܬܝܬ ܥܠܝܢ ܟܠܗܝܢ ܗܠܝܢ܂ ܡܛܠ ܚ̈ܘܒܝܢ ‍<‍ܘܚ̈ܛܗܝܢ#3#‍>‍
001.03:29 [ai]ܕܚܛܝܢ ܘܐܪܫܥܢ ܩܕܡܝܟ܂ ܘܐܪܚܩܢ ܡܢܟ ܘܥܒܪܢ ܥܠ ܡܐܡܪܟ܀ ܘܚܛܝܢ ܠܟ ܒܟܠ܂
001.03:30 [ai]ܘܠܦܘܩ̈ܕܢܝܟ ܠܐ ܫܡܥܢ ܘܠܐ ܢܛܪܢ܂ ܘܠܐ ܥܒܕܢ ܐܝܟ ܡܕܡ ܕܦܩܿܕܬܢ ܕܢܛܐܒ ܠܢ܂
001.03:31 [ai]ܘܟܘܠ ܡܕܡ ܕܐܝܬܝܬ ܥܠܝܢ ܘܟܠܡܕܡ ܕܥܒܕܬ ܠܢ ܒܕܝܢܐ ܗܘ/ܗܿܘ#1##2#/ ܟܐܢܐ ܥܒܕܬ ܠܢ܂
001.03:32 [ai]ܘܐܫܠܡܬܢ ܒܐܝܕܐ ܕܒ̈ܥܠܕܒܒܝܢ ܥܿܘ̈ܠܐ ܕܪ̈ܚܝܩܝܢ ܡܢܟ܂ ܘܠܡܪܘܬܐ ܕܡܠܟܘܬܐ ܪܫܝܥܬܐ ܕܒܝܫܐ ܡܢ ܟܠܗܝܢ ܡ̈ܠܟܘܬܐ ܕܐܪܥܐ܂
001.03:33 [ai]ܘܗܫܐ ܡܪܝܐ ܠܝܬ ܠܢ ܡܦܬܚ ܦܘܡܐ ܩܕܡܝܟ ܡܛܠ ܒܗܬܬܐ ܘܚܣܕܐ ܕܗܘܐ ܠܥܒ̈ܕܝܟ ܘܠܕܚ̈ܠܝܟ܂
001.03:34 [ai]ܠܐ ܬܫܠܡܢ ܥܕܡܐ ܠܚܪܬܐ ܡܛܠ ܫܡܟ܂ ܘܠܐ ܬܒܿܛܠ ܕܝܬܩܐ ܕܝܠܟ܂
001.03:35 [ai]ܘܠܐ ܬܪܚܩ \ܪ̈ܚܡܝܟ ܘܛܝܒܘܬܟ /ܪ̈ܚܡܐ ܕܛܝܒܘ̈ܬܟ#3#/ ܡܢܢ܂ ܡܛܘܠ ܐܒܪܗܡ ܪܚܿܡܟ܂ ܘܡܛܘܠ ܐܝܣܚܩ ܥܒܕܟ ܘܡܛܘܠ ܐܝܣܪܝܠ ܩܕܝܫܟ܂
001.03:36 [ai]ܕܡܠܟܬ ܠܗܘܢ ܕܬܣܓܐ ܙܪܥܗܘܢ ܐܝܟ ܟܘ̈ܟܒܐ ܕܒܫܡܝܐ ܘܐܝܟ ܚܿܠܐ ܕܥܠ ܣܦܬܗ ܕܝܡܐ܂
001.03:37 [ai]ܡܛܠ ܕܗܫܐ ܡܪܝܐ ܐܬܡܿܟܟܢ ܡܢ ܟܠܗܘܢ ܥܡ̈ܡܐ܂ ܘܚܢܢ ܡܒܕܪܝܢܢ ܝܘܡܢܐ ܒܟܠܗܿ ܐܪܥܐ܂ ܡܛܠ ܚ̈ܘܒܝܢ ܘܚ̈ܛܗܝܢ܂
001.03:38 [ai]ܘܠܐ ܐܝܬ ܒܙܒܢܐ ܗܢܐ ܠܐ ܪܝܫܐ ܘܠܐ ܫܠܝܛܐ܂ ܘܠܐ ܢܒܝܐ ܘܠܐ ܡܕܒܪܢܐ܂ ܘܠܐ ܡܕܒܚܐ ܘܠܐ ܕܒܚ̈ܐ ܘܠܐ ܩܘܪ̈ܒܢܐ܂ ܘܠܐ ܕܘܟܬܐ ܕܢܣܩ ܒܣ̈ܡܐ ܐܘ/ܘܠܐ#3#/ ܕܒܚܬܐ ܘܢܫܟܚ ܚܢܢܐ ܘܪ̈ܚܡܐ܂
001.03:39 [ai]ܐܠܐ ܒܠܒܐ ܫܚܝܩܐ ܘܒܪܘܚܐ ܡܟܝܟܬܐ ܗܐ ܐܬܩܪܒܢ ܠܝܩܕܢܐ ܕܢܘܪܐ܂
001.03:40 [ai]ܟܕ ܒܥܿܝܢܢ ܕܝܬܝܪ/ܝܬܝܪ#3#/ ܡܢ ܬܘܪ̈ܐ ܘܕܟܪ̈ܐ ܘܐܡܪ̈ܐ ܫܡ̈ܝܢܐ ܣ̈ܓܝܐܐ ܗܟܢܐ ܢܗܘܐ ܩܘܪܒܢܐ ܕܢܦܫܢ ܝܘܡܢܐ܂ ܘܠܐ ܢܒܗܬܘܢ ܥܒܼ̈ܕܝܟ܂ ܡܛܠ ܕܠܐ ܒܗܬܝܢ ܐܝܠܝܢ ܕܬܟܝܠܝܢ ܥܠܝܟ܂
001.03:41 [ai]ܐܦ ܗܫܐ ܚܢܢ ܐܬܝܢ ܒܬܪܟ ܒܠܒܐ ܫܠܡܐ܂ ܘܕܚܼܠܢ ܡܢܟ ܘܐ̈ܦܝܟ ܒܥܝܢ ܚܢܢ܂
001.03:42 [ai]ܡܪܝܐ ܠܐ ܬܒܗܬܢ܂ ܐܠܐ ܥܒܕ ܥܡܢ ܐܝܟ ܣܘܓܐܐ ܕܛܝ̈ܒܘܬܟ ܘܕܪ̈ܚܡܝܟ ܣܓ̈ܝܐܐ܂
001.03:43 [ai]ܘܦܘܪܩܝܢ ܐܝܟ ܣܘܓܐܐ ܕܬܕܡܪ̈ܬܟ܂ ܘܗܒ ܬܫܒܘܚܬܐ ܠܫܡܟ ܡܪܝܐ ܡܛܠ ܫܡܟ ܪܒܐ܂
001.03:44 [ai]ܘܢܒܗܬܘܢ ܟܠܗܘܢ ܐܝܠܝܢ ܕܐܡܪܝܢ ܒܝܫܬܐ ܥܠ ܥܒܼ̈ܕܝܟ܂ ܘܢܒܗܬܘܢ ܒܟܘܠܗܿ ܓܢܒܪܘܬܗܘܢ܂ ܘܚܝܠܗܘܢ ܢܫܬܒܩ ‍<‍ܡܢܗܘܢ#3#‍>‍܂
001.03:45 [ai]ܘܢܕܥܘܢ ܕܐܢܬ ܗܘ ܚܕ ܐܠܗܐ ܒܠܚܘܕܝܟ܂ ܘܡܫܒܚ ܐܢܬ ܒܟܠܗܘܢ ܥܿܒ̈ܕܝܟ܂
001.03:46 [ai]ܘܠܐ ܫܠܝܢ ܗܘܘ ܗܿܢܘܢ ܕܡܘܩܕܝܢ ܗܘܘ ܐܬܘܢܐ ܕܢܘܪܐ܂ ܘܫܕܝܢ ܗܘܘ ܒܗ ܢܦܛܐ ܘܙܒܬܐ ܘܟܒܪܝܬܐ܂ ܘܩܢ̈ܝܐ ܘܫܒܝܫ̈ܬܐ܂
001.03:47 [ai]ܘܝܗܒܬ ܩܠܐ ܫܠܗܒܝܬܐ ܕܢܘܪܐ܂ ܘܣܠܩܬ ܠܥܠ ܡܢ ܐܬܘܢܐ ‍<‍ܕܢܘܪܐ#3#‍>‍ ܐܪ̈ܒܥܝܢ ܘܬܫܥ ܐ̈ܡܝܢ܂
001.03:48 [ai]ܘܗܘܬ ܡܘܩܕܐ ܘܡܘܒܕܐ ܢܘܪܐ ܠܟܠ ܡܿܢ ܕܡܫܟܚܐ ܚܕܪ̈ܘܗܝ ܕܐܬܘܢܐ܂ ܡܢ ܟ̈ܠܕܝܐ ܘܐ̈ܟܠܝ ܩܪܨܐ܂
001.03:49 [ai]ܡܠܐܟܐ ܕܝܢ ܕܛܠܐ/ܕܡܪܝܐ#3#/ ܢܚܼܬ ܥܡ ܚܢܢܝܐ ܘܥܿܙܪܝܐ ܘܡܝܫܐܝܠ ܠܓܘ ܐܬܘܢܐ ܕܢܘܪܐ ܘܕܚܩܗܿ ܠܫܠܗܒܝܬܐ ܕܢܘܪܐ ܡܢ ܐܬܘܢܐ܂
001.03:50 [ai]ܘܥܒܼܕ ܒܡܨܥܬܗ ܕܐܬܘܢܐ ܐܝܟ ܪܘܚܐ ܕܛܠܐ ܘܠܐ ܩܪܒܬ ܠܗܘܢ ܢܘܪܐ ܐܦܠܐ ܩܠܝܠ܂ ܘܠܐ ܐܟܪܝܬ ܠܗܘܢ ܘܠܐ ܐܠܨܬ ܐܢܘܢ܀
001.03:51 [ai]ܗܝܕܝܢ ܬܠܬܝܗܘܢ ܡܢ/ܐܝܟ ܕܡܢ#3#/ ܚܕ ܦܘܡܐ ܡܫܒܚܝܢ ܗܘܘ ܘܡܒܪܟܝܢ ܠܐܠܗܐ ܡܢ ܓܘ ܐܬܘܢܐ ܕܢܘܪܐ ܘܐܡܪܝܢ ‍<‍ܬܫܒܘܚܬܐ#3# /ܬܫܒܘܚܬܐ ܗܕܐ#3#/‍>‍܂
001.03:52 [ai]ܡܒܪܟ ܐܢܬ ܡܪܝܐ ܐܠܗܐ ܕܐ̈ܒܗܬܢ܂ ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ܂܀܀ ܡܒܪܟ/ܘܡܒܪܟ ܗܘ#3#/ ܫܡܐ ܕܬܫܒܘܚܬܟ ܩܕܝܫܐ܂ ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ܂܀
001.03:53 [ai]ܡܒܪܟ ܐܢܬ ܒܗܝܟܠܐ ܕܩܘܕܫܟ܂ ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ܂܀
001.03:54 [ai]ܡܒܪܟ ܐܢܬ ܕܚܿܙܐ ܐܢܬ ܬܗ̈ܘܡܐ ܘܝܬܿܒ ܐܢܬ ܥܠ ܟܪ̈ܘܒܐ܂ ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ܂܀
001.03:55 [ai]ܡܒܪܟ ܐܢܬ ܥܠ ܟܘܪܣܝ ܡܠܟܘܬܟ܂ ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ܂܀
001.03:56 [ai]ܡܒܪܟ ܐܢܬ ܒܐܪܩܝܥܐ ܕܫܡܝܐ܂ ܡܫܒܚ ܐܢܬ ܘܡܪܡܪܡ ܐܢܬ ܠܥܠܡ܂܀
001.03:57 [ai]ܒܪܟܘ ܟܘܠܗܘܢ ܥܿܒ̈ܕܘܗܝ ܕܡܪܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:59 [ai]ܒܪܟܘ ܫܡܝܐ ܕܡܪܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:58 [ai]ܒܪܟܘ ܟܠܗܘܢ ܡܠܐ̈ܟܘܗܝ ܕܡܪܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:61 [ai]ܒܪܟܘ ܟܘܠܗܘܢ ܚܝ̈ܠܘܬܗ ܕܡܪܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:60 [ai]ܒܪܟܘ ܡ̈ܝܐ ܕܠܥܠ ܡܢ ܫܡܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀ ܒܪܟܘ ܟܘܠܗܘܢ ܕܚ̈ܠܘܗܝ ܕܡܪܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:62 [ai]ܒܪܟܘ ܫܡܫܐ ܘܣܗܪܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:63 [ai]ܒܪܟܘ ‍<‍ܟܘܠܗܘܢ#1##2#‍>‍ ܟܘܟ̈ܒܐ ܕܒܫܡܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:64 [ai]ܒܪܟܘ ܡܛܪܐ ܘܛܠܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:65 [ai]ܒܪܟܘ ܡ̈ܝܐ ܘܪ̈ܘܚܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:66 [ai]ܒܪܟܘ ܢܘܪܐ ܘܚܘܡܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀ ܒܪܝܟܝܢ ܟܠܗܝܢ ܢܫܡ̈ܬܐ ܕܙܕܝܩ̈ܐ ܠܡܪܝܐ܂ ܫܒܚܝܗܝ ܘܪܡܪܡܘܗܝ ܠܥܠܡ܂܀
001.03:71 [ai]ܒܪܟܘ ܠܝ̈ܠܘܬܐ ܘܐܝܡ̈ܡܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:72 [ai]ܒܪܟܘ ܢܘܗܪܐ ܘܚܫܘܟܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:69 [ai]ܒܪܟܘ ܩܘܪܫܐ ܘܚܘܡܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂ ܒܪܟܘ ܩܝܛܐ ܘܣܬܘܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:70 [ai]ܒܪܟܘ ܬܠܓܐ ܘܐܓܠܝܕܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:73 [ai]ܒܪܟܘ ܒܪ̈ܩܐ ܘܥܢ̈ܢܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:74 [ai]ܒܪܟܝ ‍<‍ܟܠܗܿ#3#‍>‍ ܐܪܥܐ ‍<‍ܕܡܪܝܐ#1##2#‍>‍ ܠܡܪܝܐ܂ ܫܒܚܝܘܗܝ ܘܪܡܪܡܝܘܗܝ ܠܥܠܡ܂܀
001.03:75 [ai]ܒܪܟܘ ܛܘܪ̈ܐ ܘܪ̈ܡܬܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:76 [ai]ܒܪܟܘ ܟܠܗܘܢ ܥܘܦܝ̈ܢܐ ܕܐܪܥܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀ ܒܪܟܘ ܟܠ ܕܨܡܿܚ ܥܠ ܐܪܥܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:78 [ai]ܒܪܟܘ ܝܡ̈ܡܐ ܘܢܗܪ̈ܘܬܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:77 [ai]ܒܪܟܘ ܡܒ̈ܘܥܐ ܘܟܠܗܝܢ ܥܝܢ̈ܬܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:79 [ai]ܒܪܟܘ ܢܘ̈ܢܐ ܘܟܠ ܕܪܚܿܫ ܒܡ̈ܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:80 [ai]ܒܪܟܝ ܟܠܗܿ ܦܪܚܬܐ ܕܫܡܝܐ ܠܡܪܝܐ܂ ܫܒܚܝܘܗܝ ܘܪܡܪܡܝܘܗܝ ܠܥܠܡ܂܀
001.03:81 [ai]ܒܪܟܝ ܟܠܗܿ ܚܝܘܬܐ ܘܒܥܝܪܐ ܠܡܪܝܐ܂ ܫܒܚܝܘܗܝ ܘܪܡܪܡܝܘܗܝ ܠܥܠܡ܂ ܒܪܟܘ ܟܠ ܕܪܚܿܫ ܥܠ ܐܪܥܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:82 [ai]ܒܪܟܘ ܟܠܗܘܢ ܒܢܝܢ̈ܫܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:83 [ai]ܒܪܟܘ ܟܠܗܘܢ ܕܒܝܬ ܐܝܣܪܝܠ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:84 [ai]ܒܪܟܘ ܟܠܗܘܢ ܟܗ̈ܢܘܗܝ ܕܡܪܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:85 [ai]ܒܪܟܘ ܟܘܠܗܘܢ ܥܒܼ̈ܕܘܗܝ ܕܡܪܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:86 [ai]ܒܿܪ̈ܟܝܢ ܟܠܗܝܢ ܢܦܫܬ̈ܐ ܘܪ̈ܘܚܬܐ ܕܙܕܝܩ̈ܐ ܠܡܪܝܐ܂ ܫܒܚܝ̈ܗܝ ܘܪܡܪܡܝܗܝ ܠܥܠܡ܂܀
001.03:87 [ai]ܒܪܟܘ ܬܡ̈ܝܡܐ ܘܡܟܝ̈ܟܝ ܠܒܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀ ‍<‍ܒܪܟܘ ܟܠܗܘܢ ܣܗ̈ܕܘܗܝ ܕܡܪܝܐ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܀#1##2#‍>‍
001.03:88 [ai]ܒܪܟܘ ܚܿܢܢܝܐ ܘܥܙܪܝܐ ܘܡܝܫܐܝܠ ܠܡܪܝܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀ ܡܛܠ ܕܫܘܙܒܢ ܡܢ ܡܘܬܐ܂ ܘܡܢ ܐ̈ܝܕܝ ܫܝܘܠ ܐܚܝܢ܂ ܘܦܨܝܢ ܡܢ ܫܠܗܒܝܬܐ ܕܝܩܕܐ܂ ܘܡܢ ܡܨܥܬ ܢܘܪܐ ܐܦܩܢ܂
001.03:89 [ai]ܐܘܕܘ ܠܡܪܝܐ ܕܒܣܝܡ ܗܼܘ ܘܠܥܠܡ ܛܝܒܘܬܗ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀
001.03:90 [ai]ܒܪܟܘ ܟܠܗܘܢ ܕܚ̈ܠܘܗܝ ܕܐܠܗܐ ܠܐܠܗܐ ܕܐ̈ܠܗܐ܂ ܫܒܚܘܗܝ ܘܪܡܪܡܘܗܝ ܠܥܠܡ܂܀ ܐܘܕܘ ܠܡܪܝܐ ܕܛܒ ܗܘ ܘܠܥܠܡ ܗܝ ܛܝܒܘܬܗ ‍<‍ܫܒܚܘܗܝ#3#‍>‍܂܀
001.03:24x [ai]ܗܝܕܝܢ ܢܒܘܟܕܢܨܪ ܡܿܠܟܐ ܬܘܗ ܘܩܡ ܒܕܚܠܬܐ ܪܒܬܐ܂ ܘܥܼܢܐ ܘܐܡܼܪ ܠܪ̈ܘܪܒܢܘܗܝ܂ ܠܐ ܓܒܪ̈ܐ ܬܠܬܐ ܐܪܡܝܢ ܒܓܘ ܐܬܘܢܐ ܕܢܘܪܐ ܝܩܕܬܐ ܟܕ ܦܟܝܪܝܢ܂ ܥܢܘ ܘܐܡܪܝܢ ܠܡܿܠܟܐ܂ ܐܝܢ ܒܩܘܫܬܐ ܡܿܠܟܐ܂
001.03:25x [ai]ܥܢܼܐ ܡܿܠܟܐ ܘܐܡܼܪ܂ ܗܐ ܚܙܐ ܐܢܐ ܓܒܪ̈ܐ ‍<‍ܐܪ̈ܒܥܐ#3#‍>‍ ܟܕ ܫܪܝܢ ܘܡܗܠܟܝܢ ܒܓܘ ܢܘܪܐ/ܐܬܘܢܐ#3#/ ܘܚܒܠܐ ܠܝܬ ܒܗܘܢ܂ ܘܚܙܘܗ ܕܪܒܝܥܝܐ ܕܡܿܐ ܠܒܪ ܐ̈ܠܗܝܢ܂
001.03:26x [ai]ܗܝܕܝܢ ܩܼܪܒ ܢܒܘܟܕܢܨܪ ܡܿܠܟܐ ܠܬܪܥܐ ܕܐܬܘܢܐ ܕܢܘܪܐ ܝܩܕܬܐ܂ ܘܥܼܢܐ ܘܐܡܼܪ܂ ܫܕܪܟ ܡܝܫܟ ܘܥܒܕܢܿܓܘ ܥܒܼ̈ܕܘܗܝ ܕܐܠܗܐ ܡܪܝܡܐ ܦܘܩܘ ܬܘ܂ ܗܝܕܝܢ ܢܦܼܩܘ ܫܕܪܟ ܡܝܫܟ ܘܥܒܕܢܿܓܘ ܡܢ ܓܘ ܐܬܘܢܐ ܕܢܘܪܐ܂
001.03:27x [ai]ܘܐܬܟܢܫܘ ܥܡ̈ܡܐ ܟܠܗܘܢ܂ ܘܪ̈ܒܝ ܚܝ̈ܠܐ ܘܫ̈ܠܝܛܢܐ ܘܡܪ̈ܘܬܐ܂ ܘܪ̈ܘܪܒܢܐ ܕܡܿܠܟܐ܂ ܘܚܿܙܝܢ ܗܘܘ ܠܓܒܪ̈ܐ ܗܿܢܘܢ ܕܠܐ ܐܫܬܠܛܬ ܢܘܪܐ ܒܒܣܪܗܘܢ܂ ܘܣܥܪܐ ܕܪܫܗܘܢ ܠܐ ܐܬܚܪܟ܂ ܘܫܪ̈ܒܠܝܗܘܢ ܠܐ ܝܩܕܘ܂ ܘܪܝܚܐ ܕܢܘܪܐ ܠܐ ܥܼܕܐ ܒܗܘܢ܂
001.03:28x [ai]ܥܢܼܐ ܢܒܘܟܕܢܨܪ ܡܿܠܟܐ ܘܐܡܼܪ܂ ܡܒܪܟ ܗܘ ܐܠܗܗܘܢ ܕܫܕܪܟ ܡܝܫܟ ܘܥܒܕܢܿܓܘ܂ ܕܫܕܪ ܡܠܐܟܗ ܘܦܨܿܝ ܠܥܒܼ̈ܕܘܗܝ ܕܐܬܬܟܠܘ ܥܠܘܗܝ܂ ܘܡܠܬ ܡܿܠܟܐ ܐܣܠܝܘ܂ ܘܝܗܒܘ ܓܘܫܡܗܘܢ ܕܠܐ ܢܦܠܚܘܢ ܘܠܐ ܢܣܓܕܘܢ ܠܟܠ ܐܠܗ܂ ܐܠܐ ܐܢ ܠܐܠܗܗܘܢ܂
001.03:29x [ai]ܘܗܟܢܐ ܦܩܿܕ ܐܢܐ ܕܟܠ ܥܡ̈ܡܐ ܘܐ̈ܡܘܬܐ ܘܠܫ̈ܢܐ ܕܢܓܕܦ ܥܠ ܐܠܗܗܘܢ ܕܫܕܪܟ ܡܝܫܟ ܘܥܒܕܢܿܓܘ܂ ܗܕܡ ܗܕܡ ܢܬܦܣܿܩܘܢ܂ ܘܒܬ̈ܝܗܘܢ ܢܬܒܙܘܢ܂ ܡܛܠ ܕܠܝܬ ܐܠܗ ܐܚܪܝܢ ܕܡܫܟܚ ܠܡܫܘܙܒܘ ܗܟܢܐ܂
001.03:30x [ai]ܗܝܕܝܢ ܐܘܪܒ ܡܿܠܟܐ ܠܫܕܪܟ ܡܝܫܟ ܘܥܒܕܢܿܓܘ ܥܠ ܐܬܪܐ ܕܒܒܠ܂܀
001.03:31x [ai]ܢܒܘܟܕܢܨܪ ܡܿܠܟܐ ܟܬܼܒ ܠܟܠ ܥܡ̈ܡܐ ܘܐ̈ܡܘܬܐ ܘܠܫ̈ܢܐ ܕܥܡܪܝܢ ܒܟܠܗܿ ܐܪܥܐ܂ ܫܝܢܐ ܢܣܓܐ ܠܟܘܢ܂
001.03:32x [ai]ܐ̈ܬܘܬܐ ܘܬܕܡܪ̈ܬܐ ܕܥܒܼܕ ܐܠܗܐ ܡܪܝܡܐ ܫܦܼܪ ܩܕܡܝ ܠܡܚܘܝܘ܂
001.03:33x [ai]ܐܬ̈ܘܬܗ ܟܡܐ ܪ̈ܘܪܒܢ܂ ܘܬܕܡܪ̈ܬܗ ܟܡܐ ܥܫ̈ܝܢܢ܂ ܡܠܟܘܬܗ ܡܠܟܘܬ ܥܠܡܝܢ܂ ܘܫܘܠܛܢܗ ܠܕܪܕܪ̈ܝܢ܀܂
001.04:01 [ai]ܐܢܐ ܢܒܘܟܕܢܨܪ ܫܠܼܐ ܗܘܝܬ ܒܒܝܬܝ ܘܢܝܚ ܒܗܝܟܠܝ܂
001.04:02 [ai]ܘܚܠܡܐ ܚܙܝܬ ܘܐܬܕܠܚܬ܂ ܘܚ̈ܙܘܐ ܕܪܝܫܝ ܕܠܚܘܢܝ܂
001.04:03 [ai]ܘܐܢܐ ܦܩܕܬ ܠܡܥܠܘ ܩܕܡܝ ܠܟܠܗܘܢ ܚܟܝ̈ܡܐ ܕܒܒܠ܂ ܕܦܫܪܐ ܕܚܠܡܐ ܢܚܘܘܢܢܝ܂
001.04:04 [ai]ܘܥܠܘ ܩܕܡܝ ܚܪ̈ܫܐ ܘܐܫ̈ܘܦܐ ܘܟ̈ܠܕܝܐ ܘܡܓܘܫ̈ܐ܂ ܘܐܡܪܬܗ ܠܚܠܡܐ ܩܕܡܝܗܘܢ܂ ܘܦܫܪܗ ܠܐ ܐܘܕܥܘܢܝ܂
001.04:05 [ai]ܥܕܡܐ ܕܥܠ ܩܕܡܝ ܕܢܝܐܝܠ ܗܢܐ ܕܫܡܗ ܒܠܛܫܨܪ ܥܠ ܫܡ ܐܠܗܝ ܕܪܘܚ ܐܠܗ̈ܝܢ ܩܕܝܫ̈ܝܢ ܐܝܬ ܒܗ܂ ܘܚܠܡܐ ܩܕܡܘܗܝ ܐܡܪܬ܂
001.04:06 [ai]ܒܠܛܫܨܪ ܪܒ ܚܟܝܡ̈ܐ܂ ܕܐܢܐ ܝܿܕܥ ܐܢܐ ܕܪܘܚ ܐܠܗ̈ܝܢ ܩܕܝܫ̈ܝܢ ܐܝܬ ܒܟ܂ ܘܟܠ ܪܐܙ ܠܐ ܐܬܟܣܝ ܡܢܟ܂ ܒܚܙܘܐ ܕܚܠܡܝ ܚܿܙܐ ܐܢܐ ܚܙܘܐ ܕܪܫܝ܂ ܘܦܫܪܗ ܐܢܬ ܐܡܼܪ ܠܝ܂
001.04:07 [ai]ܚܿܙܐ ܗܘܝܬ ܒܡܫܟܒܝ ܐܝܠܢܐ ܡܨܥܬ ܐܪܥܐ܂ ܪܘܡܗ ܣܓܝ܂
001.04:08 [ai]ܘܐܬܬܪܝܡ ܐܝܠܢܐ ܘܥܼܫܢ ܘܪܘܡܗ ܡܛܐ ܥܕܡܐ ܠܫܡܝܐ܂ ܘܚܙܘܗ ܠܟܠ ܣܘ̈ܦܝܗܿ ܕܐܪܥܐ܂
001.04:09 [ai]ܛܪ̈ܦܘܗܝ ܫܦܝܪܝܢ ܘܐܒܗ ܣܿܓܝ܂ ܘܡܐܟܘܠܬܐ ܠܟܠ ܒܣܪ ܐܝܬ ܒܗ܂ ܬܚܘܬܘܗܝ ܥܡܪ̈ܢ ܟܠܗܝܢ ܚܝܘ̈ܬܐ ܕܒܪܐ܂ ܘܒܣܘ̈ܟܘܗܝ ܫܟܝܢ ܟܠܗ ܥܘܦܐ ܕܫܡܝܐ܂ ܘܡܢܗ ܡܬܬܪܣܐ ܗܘܐ ܟܠ ܒܣܪ܂
001.04:10 [ai]ܚܿܙܐ ܗܘܝܬ ܒܚܙܘܐ ܕܪܫܝ ܕܥܠ ܡܫܟܒܝ܂ ܥܝܪܐ ܘܩܕܝܫܐ ܕܢܚܼܬ ܡܢ ܫܡܝܐ܂
001.04:11 [ai]ܘܩܼܪܐ ܒܚܝܠ ܘܗܟܢܐ ܐܡܼܪ܂ ܦܣܘܩܘ ܐܝܠܢܐ܂ ܘܦܫܿܚܘ ܣܘ̈ܟܘܗܝ܂ ܘܐܬܪܘ ܛܪ̈ܦܘܗܝ ܘܒܿܕܪܘ ܐܒܗ܂ ܢܦܪ̈ܩܢ ܚܝܘ̈ܬܐ ܡܢ ܬܚܘܬܘܗܝ܂ ܘܥܘܦܐ ܕܫܡܝܐ ܡܢ ܣܘ̈ܟܘܗܝ܂
001.04:12 [ai]ܥܩܪ ܫܪ̈ܫܘܗܝ ܕܝܢ ܒܐܪܥܐ ܫܒܘܩܘ܂ ܒܐܣܪ ܦܪܙܠܐ ܘܢܚܫܐ ܒܬܕܐܐ ܕܒܪܐ܂ ܘܡܢ ܛܠܐ ܕܫܡܝܐ ܢܨܛܿܒܥ܂ ܘܥܡ ܚܝܘܬ ܒܪܐ ܡܥܡܪܗ ܒܥܣܒܐ ܕܐܪܥܐ܂
001.04:13 [ai]ܘܠܒܗ ܡܢ ܒܢܝܢ̈ܫܐ ܢܫܿܢܐ܂ ܘܠܒܐ ܕܚܝܘܬܐ ܢܬܝܗܒ ܠܗ܂ ܘܫܒܥܐ ܥܕ̈ܢܝܢ ܢܬܚܠܦܘܢ ܥܠܘܗܝ܂
001.04:14 [ai]ܒܦܘܩܕܢ ܥܝܪܐ ܦܬܓܡܐ ܘܒܡܐܡܪ ܩܕܝܫܐ ܫܐܠܬܐ܂ ܕܢܕܥܘܢ ܚ̈ܝܐ ܕܫܠܝܛ ܗܘ ‍<‍ܐܠܗܐ#2#‍>‍ ܡܪܝܡܐ ܒܡܠܟܘܬܐ ܕܐܢܫܐ܂ ܕܠܡܿܢ ܕܨܿܒܐ ܢܬܠܝܗܿ ܘܠܫܦܠ ܐܢ̈ܫܝܢ ܢܩܝܡ ܥܠܝܗܿ܂
001.04:15 [ai]ܗܢܐ ܚܠܡܐ ܚܙܝܬ ܐܢܐ ܢܒܘܟܕܢܨܪ ܡܿܠܟܐ܂ ܘܐܢܬ ܒܠܛܫܨܪ ܦܫܪܗ ܐܡܼܪ ܠܝ܂ ܡܛܠ ܕܟܠܗܘܢ ܚܟ̈ܝܡܐ ܕܡܠܟܘܬܝ܂ ܠܐ ܡܫܟܚܝܢ ܠܡܘܕܥܘܬܢܝ/ܠܡܚܘܝܘܬܢܝ#3#/܂ ܘܐܢܬ ܕܢܝܐܝܠ ܡܫܟܚ ܐܢܬ܂ ܡܛܠ ܕܪܘܚ ܐܠܗ̈ܝܢ ܩܕܝ̈ܫܝܢ ܐܝܬ ܒܟ܀܂
001.04:16 [ai]ܗܝܕܝܢ ܕܢܝܐܝܠ ܕܫܡܗ ܒܠܛܫܨܪ ܬܡܗ ܐܝܟ ܫܥܐ ܚܕܐ܂ ܘܡܚ̈ܫܒܬܗ ܕܠܚܝ̈ܗܝ܂ ܥܢܼܐ ܡܿܠܟܐ ܘܐܡܼܪ܂ ܒܠܛܫܨܪ ܚܠܡܐ ܘܦܫܪܗ ܠܐ ܢܕܠܚܘܢܟ܀ ܥܼܢܐ ܕܢܝܐܝܠ ܘܐܡܼܪ܂ ܡܪܝ ܚܠܡܐ ܠܣܢܐ̈ܝܟ ܘܦܫܪܗ ܠܒܥܠܕܒ̈ܒܝܟ܂
001.04:17 [ai]ܐܝܠܢܐ ܕܚܼܙܝܬ ܕܪܒܼܐ ܘܥܫܼܢ܂ ܘܪܘܡܗ ܡܛܼܐ ܥܕܡܐ ܠܫܡܝܐ܂ ܘܚܙܘܗ ܠܟܠ ܣܘ̈ܦܝܗܿ ܕܐܪܥܐ܂
001.04:18 [ai]ܛܪ̈ܦܘܗܝ ܫܦܝܪܝܢ ܘܐܒܗ ܣܓܝ܂ ܘܡܐܟܘܠܬܐ ܠܟܠ ܒܣܪ ܐܝܬ ܒܗ܂ ܬܚܘܬܘܗܝ ܥܡܪ̈ܢ ܟܠܗܝܢ ܚܝܘ̈ܬܐ ܕܕܒܪܐ/ܕܒܪܐ#1##2#/܂ ܘܒܣܘ̈ܟܘܗܝ ܫܟܝܢ ܟܠܗ ܥܘܦܐ ܕܫܡܝܐ܂ ܘܡܢܗ ܡܬܬܪܣܐ ܗܘܐ ܟܠ ܒܣܪ܂
001.04:19 [ai]ܐܢܬ ܗܘ ܡܿܠܟܐ ܕܥܫܢܬ ܘܝܪܒܬ܂ ܘܪܒܝܬ ܡܛܝܬ ‍<‍ܥܕܡܐ#1##2#‍>‍ ܠܫܡܝܐ܂ ܘܫܘܠܛܢܟ ܠܟܠ ܣܘ̈ܦܝܗܿ ܕܐܪܥܐ܂
001.04:20 [ai]ܘܕܚܙܿܐ ܡܿܠܟܐ ܠܥܝܪܐ ܘܩܕܝܫܐ ܕܢܚܼܬ ܡܢ ܫܡܝܐ܂ ܘܩܼܪܐ ܒܚܝܠ ܘܐܡܼܪ܂ ܦܣܘܩܘ ܐܝܠܢܐ ܘܚܒܠܘܗܝ܂ ܥܩܪ ܫܪ̈ܫܘܗܝ ܕܝܢ ܒܐܪܥܐ ܫܒܘܩܘ܂ ܒܐܣܪ ܦܪܙܠܐ ܘܢܚܫܐ ܒܬܕܐܐ ܕܒܪܐ܂ ܘܡܢ ܛܠܐ ܕܫܡܝܐ ܢܨܛܿܒܥ܂ ܘܥܡ ܚܝܘܬ ܒܪܐ ܡܥܡܪܗ ܒܥܣܒܐ ܕܐܪܥܐ܂ ܘܠܒܗ ܡܢ ܒܢܝܢ̈ܫܐ ܢܫܿܢܐ܂ ܘܠܒܐ ܕܚܝܘܬܐ ܢܬܝܗܒ ܠܗ܂ ܥܕܡܐ ܕܫܒܥܐ ܥ̈ܕܢܝܢ ܢܬܚܠܦܘܢ ܥܠܘܗܝ܂
001.04:21 [ai]ܗܿܢܘ ܦܫܪܐ ܡܿܠܟܐ܂ ܓܙܝܪܬ ܡܪܝܡܐ ܡܛܬ ܥܠ ܡܪܝ ܡܿܠܟܐ܂
001.04:22 [ai]ܘܡܢ ܐܢܫܐ ܪܕܦܝܢ ܠܟ܂ ܘܥܡ ܚܝܘܬ ܒܪܐ ܢܗܘܐ ܡܥܡܪܟ܂ ܘܥܣܒܐ ܐܝܟ ܬܘܪܐ ܢܘܟܠܘܢܟ܂ ܘܡܢ ܛܠܐ ܕܫܡܝܐ ܬܨܛܿܒܥ܂ ܘܫܒܥܐ ܥܕ̈ܢܝܢ ܢܬܚܠܦܘܢ ܥܠܝܟ܂ ܥܕܡܐ ܕܬܕܥ ܕܫܠܝܛ ܗܘ ܡܪܝܡܐ ܒܡܠܟܘܬܐ ܕܐܢܫܐ܂ ܕܠܡܿܢ ܕܨܿܒܐ ܢܬܠܝܗܿ ܘܠܫܦܠ ܐܢܫ̈ܝܢ ܢܩܝܡ ܥܠܝܗܿ܂܀
001.04:23 [ai]ܘܕܐܡܼܪ ܠܡܫܒܩ ܥܩܪ ܫܪ̈ܫܘܗܝ ܕܐܝܠܢܐ܂ ܡܠܟܘܬܟ ܠܟ ܩܝܡܐ܂ ܡܐ ܕܝܕܥܬ ܕܫܘܠܛܢܐ ܡܢ ܫܡܝܐ ܗܘ܂
001.04:24 [ai]ܡܛܠ ܗܢܐ ܡܠܼܟܝ ܢܫܦܪ ܥܠܝܟ܂ ܘܚܛܗ̈ܝܟ ܒܙܕܩ̈ܬܐ ܦܪܘܩ/ܦܪܘܥ#3#/܂ ܘܥܘܠܘܬܟ ܒܡܪܚܡܢܘܬܐ ܕܡܚ̈ܝܠܐ܂ ܥܕܡܐ ܕܢܪܚܩ ܡܢܟ ܣܟ̈ܠܘܬܟ܂
001.04:25 [ai]ܗܠܝܢ ܟܠܗܝܢ ܡ̈ܛܝ ܥܠ ܢܒܘܟܕܢܨܪ ܡܿܠܟܐ܀
001.04:26 [ai]ܘܡܢ ܒܬܪ ܬܪܥܣܪ ܝܪ̈ܚܝܢ܂ ܥܠ ܗܝܟܠ ܡܠܟܘܬܗ ܕܒܒܒܠ ܡܗܠܟ ܗܘܐ ܢܒܘܟܕܢܨܪ ܡܿܠܟܐ܂
001.04:27 [ai]ܘܥܢܼܐ ܘܐܡܼܪ܂ ܠܐ ܗܘܬ ܗܕܐ ܒܒܠ ܪܒܬܐ ܕܐܢܐ ܒܢܝܬܗܿ ܠܒܝܬ ܡܠܟܘܬܝ܂ ܘܠܐܘܚܕܢܝ ܥܫܝܢܐ ܘܠܐܝܩܪܝ܂
001.04:28 [ai]ܘܥܕ ܡܠܬܐ ܒܦܘܡܗ ܕܡܿܠܟܐ܂ ܩܠܐ ܐܬܼܐ ܡܢ ܫܡܝܐ܂ ܠܟ ܐܡܿܪܝܢ ܢܒܘܟܕܢܨܪ ܡܿܠܟܐ܂ ܡܿܠܟܘܬܟ ܥܒܪܬ ܡܢܟ܂
001.04:29 [ai]ܘܡܢ ܐܢܫܐ ܪܕܦܝܢ ܠܟ܂ ܘܥܡ ܚܝܘܬ ܒܪܐ ܢܗܘܐ ܡܥܡܪܟ܂ ܘܥܣܒܐ ܐܝܟ ܬܘܪܐ ܢܘܟܠܘܢܟ܂ ܘܡܢ ܛܠܐ ܕܫܡܝܐ ܬܨܛܿܒܥ܂ ܘܫܒܥܐ ܥܕ̈ܢܝܢ ܢܬܚܠܦܘܢ ܥܠܝܟ܂ ܥܕܡܐ ܕܬܕܥ ܕܫܠܝܛ ܗܘ ܐܠܗܐ ܡܪܝܡܐ ܒܡܠܟܘܬܐ ܕܐܢܫܐ܂ ܕܠܡܿܢ ܕܨܒܿܐ ܢܬܠܝܗܿ܂ ܘܠܫܦܠ ܐܢ̈ܫܝܢ ܢܩܝܡ ܥܠܝܗܿ܂
001.04:30 [ai]ܒܗܿ ܒܫܥܬܐ܂ ܡܠܬܐ ܫܠܡܬ ܥܠ ܢܒܘܟܕܢܨܪ ܡܿܠܟܐ܂ ܘܡܢ ܒܢܝܢ̈ܫܐ ܐܬܪܕܦ܂ ܘܥܣܒܐ ܐܝܟ ܬܘܪܐ ܐܟܼܠ܂ ܘܡܢ ܛܠܐ ܕܫܡܝܐ ܐܨܛܒܥ܂ ܥܕܡܐ ܕܣܥܪܗ ܪܒܼܐ ܐܝܟ ܕܢܫܪܐ܂ ܘܛܦܪ̈ܘܗܝ ܐܝܟ ܕܥܘܦܐ܂܀܂
001.04:31 [ai]ܘܟܕ ܫܠܡܼܘ ܝܘܡ̈ܬܐ܂ ܐܢܐ ܢܒܘܟܕܢܨܪ܂ ܥ̈ܝܢܝ ܠܫܡܝܐ ܫܩܠܬ܂ ܘܡܕܥܝ ܬܒ ܥܠܝ܂ ܘܠܡܪܝܡܐ ܒܪܟܬ܂ ܘܠܚܝ ܥܠܡ̈ܐ ܫܒܿܚܬ ܘܗܿܕܪܬ܂ ܕܫܘܠܛܢܗ ܫܘܠܛܢ ܥܠܡ܂ ܘܡܠܟܘܬܗ ܠܕܪܕܪ̈ܝܢ܂
001.04:32 [ai]ܘܟܠܗܘܢ ܥܡܘܪ̈ܝܗܿ ܕܐܪܥܐ܂ ܐܝܟ ܠܐ ܡܕܡ ܚܫܝܒܝܢ ܩܕܡܘܗܝ܂ ܘܟܠ ܡܐ ܕܨܿܒܐ ܥܿܒܕ ܒܚܝ̈ܠܝ ܫܡܝܐ܂ ܘܒܥܡܘܪ̈ܝܗܿ ܕܐܪܥܐ܂ ܘܠܝܬ ܕܢܪܫܐ ܒܐܝܕܗ ܘܢܐܡܪ ܠܗ ܡܢܐ ܥܿܒܕ ܐܢܬ܂܀
001.04:33 [ai]ܒܗ ܒܙܒܢܐ ‍<‍ܗܿܘ#3#‍>‍ ܡܕܥܝ ܦܼܢܐ ܥܠܝ܂ ܘܪ̈ܘܪܒܢܝ ܘܪ̈ܒܝ ܚܝ̈ܠܝ ܒܥܐܘܢܝ܂ ܘܥܠ ܡܠܟܘܬܝ ܬܩܢܬ܂ ܘܪܒܘܬܐ ܝܬܝܪܬܐ ܐܬܬܘܣܦܬ ܠܝ܂܀
001.04:34 [ai]ܡܟܝܠ ܐܢܐ ܢܒܘܟܕܢܨܪ܂ ܡܫܒܚ ܘܡܪܡܪܡ ܘܡܗܕܪ ܠܡܿܠܟܐ ܕܫܡܝܐ܂ ܕܟܘܠܗܘܢ ܥܒܿܕܘ̈ܗܝ ܒܩܘܫܬܐ/ܩܘܫܬܐ#3#/܂ ܘܐܘܪ̈ܚܬܗ ܕܝܼܢܐ܂ ܘܠܐܝܠܝܢ ܕܡܗܠܟܝܢ ܒܓܐܝܘܬܐ܂ ܡܫܟܚ ܕܢܡܿܟܟ܂܀
001.05:01 [ai]ܒܠܛܫܨܪ ܡܿܠܟܐ܂ ܥܒܼܕ ܠܚܡܐ ܪܒܐ ܠܐܠܦ ܪ̈ܘܪܒܢܘܗܝ܂ ܘܠܘܩܒܠ ܐܠܦܐ ܚܡܪܐ ܫܿܬܐ ܗܘܐ܂
001.05:02 [ai]ܘܐܡܼܪ ܒܠܛܫܨܪ ܒܛܥܡ ܚܡܪܗ܂ ܠܡܝܬܝܘ ܡܐ̈ܢܐ ܕܕܗܒܐ ܘܕܣܐܡܐ/ܘܡܐ̈ܢܐ ܕܣܐܡܐ#2#/܂ ܕܐܦܩ ܢܒܘܟܕܢܨܪ ܐܒܘܗܝ ܡܢ ܗܝܟܠܐ ‍<‍ܕܐܠܗܐ#2#‍>‍ ܕܒܐܘܪܫܠܡ܂ ܕܢܫܬܘܢ ܒܗܘܢ ܡܿܠܟܐ ܘܪ̈ܘܪܒܢܘܗܝ ܘܢܫܘ̈ܗܝ ܘܕܪ̈ܘܟܬܗ܂
001.05:03 [ai]ܗܝܕܝܢ ܐܝܬܝܘ ܡܐ̈ܢܐ ܕܕܗܒܐ ܕܐܦܩ ܡܢ ܗܝܟܠܐ ܕܐܠܗܐ ܕܒܐܘܪܫܠܡ܂ ܘܐܫܬܝܘ ܒܗܘܢ ܡܠܿܟܐ ܘܪ̈ܘܪܒܢܘܗܝ܂ ܘܢܫܘ̈ܗܝ ܘܕܪ̈ܘܟܬܗ܂
001.05:04 [ai]ܐܫܬܝܘ ܚܡܪܐ܂ ܘܫܿܒܚܘ ܠܐܠܗ̈ܐ ܕܕܗܒܐ ܘܕܣܐܡܐ ܘܕܢܚܫܐ ܘܕܦܪܙܠܐ ܘܕܩܝܣܐ ܘܕܟܐܦܐ܂
001.05:05 [ai]ܘܒܗܿ ܒܫܥܬܐ܂ ܢܦܼܩ ܨܒܥ̈ܬܐ ܕܐܝܕܐ ܕܐܢܫܐ܂ ܘܟ̈ܬܒܢ ܠܘܩܒܠ ܫܪܓܐ܂ ܥܠ ܟܠܫܐ ܕܐܣܬܐ ܕܒܗܝܟܠܐ ܕܡܠܟܐ܂ ܘܡܿܠܟܐ ܚܼܙܐ ܦܣܬܐ ܕܐܝܕܐ ‍<‍ܕܐܢܫܐ#2#‍>‍ ܕܟܬܿܒܐ܂
001.05:06 [ai]ܗܿܝܕܝܢ ܡܿܠܟܐ ܙܝܘܗ ܫܢܼܐ܂ ܘܪܥܝܢܗ ܐܬܕܠܚ܂ ܘܩܛܪ̈ܝ ܚܨܗ ܐܫܬܪܝܘ܂ ܘܒܘܪ̈ܟܘܗܝ ܚܕܐ ܠܚܕܐ ܢܩܼܫ܂
001.05:07 [ai]ܘܩܼܪܐ ܡܿܠܟܐ ܒܚܝܠ ‍<‍ܘܐܡܪ#3#‍>‍ ܠܡܥܠܘ ܠܐܫܘ̈ܦܐ ܘܠܟ̈ܠܕܝܐ܂ ܘܠܡܓ̈ܘܫܐ ܘܠܚܟܝ̈ܡܐ܀܀ ܥܢܼܐ ܡܿܠܟܐ ܘܐܡܼܪ ܠܚܟܝ̈ܡܐ ܕܒܒܠ܂ ܟܠܢܫ ܕܢܩܪܐ ܟܬܒܐ ܗܢܐ ܘܦܫܪܗ ܢܚܘܝܢܝ܂ ܐܪ̈ܓܘܢܐ ܢܠܒܼܫ܂ ܘܗܡܢܝܟܐ ܕܕܗܒܐ ܒܨܘܪܗ܂ ܘܬܘܠܬܐ ܒܡܠܟܘܬܐ ܢܫܠܛ܂
001.05:08 [ai]ܗܝܕܝܢ ܥܐܿܠܝܢ ܗܘܘ ܚܟܝ̈ܡܐ ܕܡܿܠܟܐ܂ ܘܠܐ ܡܫܟܚܝܢ ܗܘܘ ܟܬܒܐ ܠܡܩܪܐ܂ ܘܦܫܪܗ ܠܡܘܕܥܘ ܠܡܿܠܟܐ܂
001.05:09 [ai]ܗܝܕܝܢ ܡܿܠܟܐ ܒܠܛܫܨܪ ܣܓܝ ܐܬܕܠܚ܂ ܘܙܘܝܗ ܐܫܬܢܝ܂ ܘܪ̈ܘܪܒܢܘܗܝ ܡܬܒܠܗܝܢ ܗܘܘ܂
001.05:10 [ai]ܘܡܠܟܬܐ ܡܛܠ ܡ̈ܠܝ ܡܿܠܟܐ ܘܪ̈ܘܪܒܢܘܗܝ܂ ܠܒܝܬ ܡܫܬܝܐ ܥܠܬ܂ ܥܢܬ ܘܐܡܿܪܐ ܠܡܿܠܟܐ܂ ܡܿܠܟܐ ܠܥܠܡ ܚܝܝ܂ ܪ̈ܥܝܢܝܟ ܠܐ ܢܕܠܚܘܢܟ܂ ܘܙܝܘ̈ܝܟ ܠܐ ܢܫܬܢܘܢ܂
001.05:11 [ai]ܐܝܬ ܓܒܪܐ ܒܡܠܟܘܬܟ ܕܪܘܚ ܐܠܗ̈ܝܢ ܩܕܝ̈ܫܝܢ ܐܝܬ ܒܗ܂ ܘܒܝܘܡ̈ܝ ܐܒܘܟ ܢܗܝܪܘܬܐ ܘܣܘܟܠܐ ܘܚܟܡܬܐ ܣܓܝܐܬܐ ܐܝܟ ܚܟܡܬ ܐܠܗ̈ܝܢ ܐܫܬܟܚܬ ܒܗ܂ ܘܡܿܠܟܐ ܢܒܘܟܕܢܨܪ ܐܒܘܟ ܪܒ ܚܪ̈ܫܐ ܘܐܫܘ̈ܦܐ ܘܡܓܘ̈ܫܐ ܘܟ̈ܠܕܝܐ ܐܩܝܡܗ܂
001.05:12 [ai]ܡܛܘܠ ܕܪܘܚܐ ܘܡܕܥܐ ܘܣܘܟܠܐ ܝܬܝܪܐ ܐܫܬܟܚ ܒܗ܀ ܦܫܿܪ ܚܠܡ̈ܝܢ ܘܐܚܿܕ ܐܘܚ̈ܕܢ ܘܫܿܪܐ ܩܛܪ̈ܝܢ܂ ܕܢܝܐܝܠ ܕܡܿܠܟܐ ܫܡܝ ܫܡܗ ܒܠܛܫܨܪ܂ ܡܟܝܠ ܕܢܝܐܝܠ ܢܬܩܪܐ ܘܦܫܪܐ ܢܚܿܘܐ܂܀܂
001.05:13 [ai]ܗܝܕܝܢ ܕܢܝܐܝܠ ܥܠ ܩܕܡ ܡܠܟܐ܂ ܥܢܼܐ ܡܿܠܟܐ ܘܐܡܼܪ ܠܕܢܝܐܝܠ܂ ܐܢܬ ܗܘ ܕܢܝܐܝܠ ܡܢ ܒ̈ܢܝ ܫܒܝܬܐ ܕܝܗܘܕ܂ ܕܐܝܬܝ ܐܒܝ ܡܿܠܟܐ ܡܢ ܝܗܘܕ܂
001.05:14 [ai]ܫܡܥܬ ܥܠܝܟ ܕܪܘܚ ܐܠܗ̈ܝܢ ܩܕܝ̈ܫܝܢ ܐܝܬ ܒܟ܂ ܘܢܗܝܪܘܬܐ ܘܣܘܟܠܐ ܘܚܟܡܬܐ ܝܬܝܪܬܐ ܐܫܬܟܚܬ ܒܟ܂
001.05:15 [ai]ܘܐܥܠܘ/ܘܥܠܘ#3#/ ܩܕܡܝ ܐܫܘ̈ܦܐ ‍<‍ܘܟ̈ܠܕܝܐ#3#‍>‍ ܕܟܬܒܐ ܗܢܐ ܢܩܪܘܢ ܘܦܫܪܗ ܢܚܘܘܢܢܝ/ܢܘܕܥܘܢܢܝ#1##2#/܂ ܘܠܐ ܐܫܟܚܘ ܦܫܪܗܿ ܕܡܠܬܐ ܠܡܘܕܥܘܬܢܝ܂
001.05:16 [ai]ܘܐܢܐ ܫܡܥܬ ܥܠܝܟ ܕܡܫܟܚ ܐܢܬ ܦܫܪ̈ܝܢ ܠܡܦܫܪ ܘܩܛܪ̈ܝܢ ܠܡܫܪܐ܂ ܐܢ ܬܫܟܚ ܟܬܒܐ ܗܢܐ ܠܡܩܪܐ ܘܦܫܪܗ ܠܡܘܕܥܘܬܢܝ܂ ܐܪ̈ܓܘܢܐ ܬܠܒܫ܂ ܘܗܡܢܝܟܐ ܕܕܗܒܐ ܒܨܘܪܟ܂ ܘܬܘܠܬܐ ܒܡܠܟܘܬܐ ܬܫܠܛ/ܬܫܬܠܛ#3#/܀܂
001.05:17 [ai]ܗܝܕܝܢ ܥܢܼܐ ܕܢܝܐܝܠ ܘܐܡܼܪ ܠܡܿܠܟܐ܂ ܡܘܗ̈ܒܬܟ ܠܟ/ܠܐ#2#/ ܢܗܘܝ̈ܢ܂ ܘܐܝܩܪ ܒܝܬܟ ܠܐܚܪ̈ܢܝܢ ܗܒ܂ ܒܪܡ ܟܬܒܐ ܐܢܐ ܐܩܪܐ ܠܡܿܠܟܐ܂ ܘܦܫܪܗ ܐܚܘܝܘܗܝ܀܂
001.05:18 [ai]ܐܢܬ ܡܿܠܟܐ ܐܠܗܐ ܡܪܝܡܐ ܡܠܟܘܬܐ ܘܪܒܘܬܐ ܘܐܝܩܪܐ ܘܫܘܒܚܐ ܝܗܼܒ ܠܢܒܘܟܕܢܨܪ ܐܒܘܟ܂
001.05:19 [ai]ܘܡܢ ܪܒܘܬܐ ܕܝܗܼܒ ܠܗ ܟܠܗܘܢ ܥܡܡ̈ܐ ܘܐܡܘ̈ܬܐ ܘܠܫܢ̈ܐ ܙܝܿܥܝܢ ܗܘܘ ܘܕܚܠܝܢ ܡܢ ܩܕܡܘܗܝ܂ ܐܝܠܝܢ ܕܨܿܒܐ ܗܘܐ ܩܿܛܠ܂ ܘܐܝܠܝܢ/ܘܠܐܝܠܝܢ#3#/ ܕܨܿܒܐ ܗܘܐ ܡܿܚܐ ܘܕܨܿܒܐ ܡܪܝܡ ܘܕܨܿܒܐ ܡܡܿܟܟ܂
001.05:20 [ai]ܘܟܕ ܐܬܬܪܝܡ ܠܒܗ ܘܪܘܚܗ ܥܫܢܬ ܠܡܥܠܝܘ ܢܼܚܬ ܡܢ ܟܘܪܣܝܐ ܕܡܿܠܟܘܬܗ܂ ܘܐܝܩܪܗ ܥܒܼܪ ܡܢܗ܂
001.05:21 [ai]ܘܡܢ ܒܢܝܢ̈ܫܐ ܐܬܪܕܦ܂ ܘܠܒܗ ܥܡ ܕܚܝܘ̈ܬܐ ܐܫܬܘܝ܂ ܘܥܡ ܥܪ̈ܕܐ ܡܥܡܪܗ܂ ܘܥܣܒܐ ܐܝܟ ܬܘܪܐ ܐܘܟܠܘܗܝ܂ ܘܡܢ ܛܠܐ ܕܫܡܝܐ ܓܘܫܡܗ ܐܨܛܒܥ܂ ܥܕܡܐ ܕܣܥܪܗ ܪܒܼܐ ܐܝܟ ܕܢܫܪܐ܂ ܘܛܦܪ̈ܘܗܝ ܐܝܟ ܕܥܘܦܐ ܥܕܡܐ ܕܝܼܕܥ ܕܫܠܝܛ ܗܘ ܐܠܗܐ ܡܪܝܡܐ ܒܡܠܟܘܬܐ ܕܐܢܫܐ܂ ܕܠܡܿܢ ܕܨܿܒܐ ܢܬܠܝܗܿ ܘܠܫܦܠ ܐܢ̈ܫܝܢ ܢܩܝܡ ܥܠܝܗܿ܂
001.05:22 [ai]ܘܐܢܬ ܒܪܗ ܒܠܛܫܨܪ ܠܐ ܐܡܟܬ ܠܒܟ ܟܕ ܗܠܝܢ ܟܠܗܝܢ ܝܕܥܬ܂
001.05:23 [ai]ܘܥܠ ܡܪܐ ܫܡܝܐ ܐܬܬܪܝܡܬ܂ ܘܠܡܐ̈ܢܐ ܕܒܝܬܗ ܐܝܬܝܘ ܩܕܡܝܟ܂ ܘܐܢܬ ܘܪ̈ܘܪܒܢܝܟ ܘܢܫ̈ܝܟ ܘܕܪ̈ܘܟܬܟ ܚܡܪܐ ܐܫܬܝܬܘܢ ܒܗܘܢ ܕܠܐܠܗ̈ܐ ܕܕܗܒܐ ܘܕܣܐܡܐ ܘܕܢܚܫܐ ܘܕܦܪܙܠܐ ܘܕܩܝܣܐ ܘܕܟܐܦܐ ܕܠܐ ܚܿܙܝܢ ܘܠܐ ܫܡܿܥܝܢ ܘܠܐ ܝܕܿܥܝܢ ܫܒܚܬ܂ ܘܠܐܠܗܐ ܕܢܫܡܬܟ ܒܐܝܕ̈ܘܗܝ ܘܟܠܗܝܢ ܐܘܪ̈ܚܬܟ ܠܗ ܠܐ ܫܒܚܬ ܘܠܐ ܝܩܪܬ܂
001.05:24 [ai]ܗܝܕܝܢ ܡܢ ܩܕܡܘܗܝ ܐܫܬܠܚܬ ܦܣܬ ܐܝܕܐ܂
001.05:25 [ai]ܘܟܬܒܐ ܗܢܐ ܪܫܡܬ܂ ܘܟܬܒܐ ܗܢܐ ܪܫܝܡ/ܕܪܫܝܡ#3#/ ܡܢܐ ܡܢܐ ܬܩܠ ܘܦܪܣܝܢ܂
001.05:26 [ai]ܗܿܢܘ ܦܫܪܗܿ ܕܡܠܬܐ܂ ܡܢܐ ܡܢܗܿ ܐܠܗܐ ܠܡܿܠܟܘܬܟ ܘܐܫܠܡܗܿ܂
001.05:27 [ai]ܬܩܠ ܬܩܝܠ ܐܢܬ ܒܡܣܐܬܐ ܘܐܫܬܟܚܬ ܚܣܝܪ܂
001.05:28 [ai]ܦܪܣ ܦܪܝܣܐ ܗܝ ܡܿܠܟܘܬܟ ܘܝܗܝܒܐ ܗܝ ܠܡܕܝ ܘܠܦܪܣ܀܂
001.05:29 [ai]ܗܝܕܝܢ ܐܡܼܪ ܡܿܠܟܐ ܒܠܛܫܨܪ ܘܐܠܒܫܘܗܝ ܠܕܢܝܐܝܠ ܐܪ̈ܓܘܢܐ܂ ܘܗܡܢܝܟܐ ܕܕܗܒܐ ܒܨܘܪܗ܂ ܘܐܟܪܙܘ ܥܠܘܗܝ ܕܢܗܘܐ ܫܠܝܛ ܬܘܠܬܐ ܒܡܠܟܘܬܐ܂
001.05:30 [ai]ܒܗ ܒܠܠܝܐ ܩܛܝܠ ܒܠܛܫܨܪ ܡܿܠܟܐ ܟܠܕܝܐ܂܀܀
001.06:01 [ai]ܘܕܪܝܘܫ ܡܕܝܐ ܩܿܒܠ ܡܠܟܘܬܐ ܐܝܟ ܒܪ ܫܢ̈ܝܢ ܫܬܝܢ ܘܬܪܬܝܢ܂
001.06:02 [ai]ܘܫܦܼܪ ܩܕܡ ܕܪܝܘܫ܂ ܘܐܩܝܡ ܒܡܠܟܘܬܗ ܪ̈ܒܝ ܚܝ̈ܠܐ ܡܐܐ ܘܥܣܪܝܢ ܕܢܗܘܘܢ ܒܟܠܗܿ ܡܠܟܘܬܗ܂
001.06:03 [ai]ܘܠܥܠ ܡܢܗܘܢ ܫܠܝܛܝܢ ܬܠܬܐ܂ ܘܕܢܝܐܝܠ ܚܕ ܡܢܗܘܢ ܕܢܗܘܘܢ ܪ̈ܒܝ ܚܝ̈ܠܐ ܗܠܝܢ ܝܗܒܝܢ ܠܗܘܢ ܚܘܫܒܢܐ ܘܠܡܿܠܟܐ ܠܐ ܢܗܘܘܢ ܡܗܪܝܢ܂
001.06:04 [ai]ܗܝܕܝܢ ܕܢܝܐܝܠ ܡܝܬܪ ܗܘܐ ܡܢ ܟܠܗܘܢ܂ ܡܛܠ ܕܪܘܚܐ ܝܬܝܪܬܐ ܐܝܬ ‍<‍ܗܘܬ#3#‍>‍ ܒܗ܂ ܘܡܿܠܟܐ ܐܬܚܫܒ ܠܡܩܡܘܬܗ ܥܠ ܟܠܗܿ ܡܠܟܘܬܗ܂
001.06:05 [ai]ܗܝܕܝܢ ܫܠܝ̈ܛܢܐ ܘܪ̈ܒܝ ܚܝ̈ܠܐ ܒܥܝܢ ܗܘܘ ܥܠܬܐ ܕܢܫܟܚܘܢ ܥܠ ܕܢܝܐܝܠ ܡܢ ܨܒܘܬ ܡܠܟܘܬܐ ܘܟܠ ܣܟܠܘ ܘܥܠܐ ܠܐ ܐܫܟܚܘ ܒܬܪܗ܂ ܡܛܠ ܕܡܗܝܡܢ ܗܘܐ ܒܐܠܗܗ܂ ܘܣܘܪܚܢܐ ܘܣܟܠܘܬܐ ܠܐ ܐܫܟܚܘ ܥܠܘܗܝ܂
001.06:06 [ai]ܘܐܡܿܪܝܢ ܓܒܪ̈ܐ ܗܿܢܘܢ܂ ܠܐ ܡܫܟܚܝܢܢ ܥܠ ܕܢܝܐܝܠ ܗܢܐ ܥܠܬܐ ܐܠܐ ܐܢ ܐܫܟܚܢ ܥܠܘܗܝ ܒܕܝܢܼܐ ܕܐܠܗܗ܂
001.06:07 [ai]ܗܝܕܝܢ/ܒܬܪ ܗܠܝܢ#3#/ ܩܼܪܒܘ ܫ̈ܠܝܛܢܐ ܘܪ̈ܒܝ ܚܝ̈ܠܐ ܠܘܬ ܡܿܠܟܐ ܘܐܡܿܪܝܢ ܠܗ ܕܪܝܘܫ ܡܿܠܟܐ ܠܥܠܡ ܚܝܝ܂
001.06:08 [ai]ܐܬܚܫܿܒܘ ܟܠܗܘܢ ܫܠܝ̈ܛܝ ܡܠܟܘܬܐ ܘܪ̈ܘܪܒܢܐ ܘܪ̈ܒܝ ܚܝ̈ܠܐ ܘܡܪ̈ܘܬܐ ܠܡܩܡܘ ܩܝܡܐ ܕܡܿܠܟܐ/ܠܡܿܠܟܐ#3#/ ܘܠܡܫܪܘ ܐܣܪܐ܂ ܕܟܠ ܐܢܫ ܕܢܒܥܐ ܒܥܘ ܡܢ ܟܘܠ ܐܠܗ ܘܐܢܫ ܥܕܡܐ ܠܝܘܡ̈ܝܢ ܬܠܬܝܢ܂ ܐܠܐ ܐܢ ܡܢܟ ܡܿܠܟܐ܂ ܢܫܬܕܐ ܒܓܘܒܐ ܕܐܪ̈ܝܘܬܐ܂
001.06:09 [ai]ܡܟܝܠ ܡܿܠܟܐ ܬܦܩܘܕ ܦܘܩܕܢܐ ܗܢܐ ܘܬܟܬܘܒ ܟܬܒܐ܂ ܕܠܐ ܢܫܢܿܐ ܒܢܡܘܣ ܡܕܝ ܘܦܪܣ ܘܠܐ ܢܬܚܿܠܦ܂
001.06:10 [ai]ܗܝܕܝܢ ܕܪܝܘܫ ܡܿܠܟܐ ܪܫܼܡ ܟܬܒܐ ܘܦܩܼܕ ܦܘܩܕܢܐ܂
001.06:11 [ai]ܘܟܕ ܝܕܥܼ ܕܢܝܐܝܠ ܕܐܬܪܫܡ ܟܬܒܐ ܥܠ ܠܗ ܠܒܝܬܗ܂ ܘܟ̈ܘܐ ܦܬܝ̈ܚܢ ܗܘ̈ܝ܂ ܠܥܠܝܬܗ/ܠܒܝܬܗ#3#/ ܠܘܩܒܠ ܐܘܪܫܠܡ܂ ܘܬܠܬ ܙܒ̈ܢܝܢ ܒܝܘܡܐ ܒܪܟ ܗܘܐ ܥܠ ܒܘܪ̈ܟܘܗܝ܂ ܘܡܨܿܠܐ ܘܡܘܕܐ ܩܕܡ ܐܠܗܗ܂ ܐܝܟܢܐ ܕܥܿܒܕ ܗܘܐ ܡܢ ܩܕܝܡ܂
001.06:12 [ai]ܗܝܕܝܢ ܓܒܪ̈ܐ ܗܿܢܘܢ ܢܛܪܘ ܘܐܫܟܚܘܗܝ ܠܕܢܝܐܝܠ ܟܕ ܒܿܥܐ ܘܡܬܚܿܢܢ ܩܕܡ ܐܠܗܗ܂
001.06:13 [ai]ܗܝܕܝܢ ܩܼܪܒܘ ܘܐܡܿܪܝܢ ܩܕܡ ܡܿܠܟܐ܂ ܡܿܠܟܐ ܠܥܠܡ ܚܝܝ܂ ܠܐ ܦܣܩܐ ܦܣܩܬ ܡܿܠܟܐ ܘܪܫܡܬ ܕܟܠܢܫ ܕܢܒܥܐ ܒܥܘ ܡܢ ܟܠ ܐܠܗ ܘܐܢܫ ܥܕܡܐ ܠܬܠܬܝܢ ܝܘ̈ܡܝܢ ܐܠܐ ܐܢ ܡܢܟ ܡܿܠܟܐ ܢܫܬܕܐ ܒܓܘܒܐ ܕܐܪ̈ܝܘܬܐ܂ ܥܼܢܐ ܡܿܠܟܐ ܘܐܡܼܪ܂ ܒܩܘܫܬܐ ܗܝ ܡܠܬܐ܂ ܐܝܟ \ܢܡܘܣ ܡܕܝ /ܢܡܘܣܐ ܕܡܕܝ#3#/ ܘܦܪܣ ܕܠܐ ܥܿܒܪ܂
001.06:14 [ai]ܗܝܕܝܢ ܥܢܘ ܘܐܡܿܪܝܢ ܩܕܡ ܡܿܠܟܐ܂ ܕܢܝܐܝܠ ܡܢ ܒ̈ܢܝ ܫܒܝܬܐ ܕܝܗܘܕ ܠܐ ܐܩܝܡ ܥܠܝܟ ܘܥܠ ܦܣܩܐ ܕܦܣܩܬ܂ ܘܙܒ̈ܢܝܢ ܬܠܬ ܒܿܥܐ ܒܥܘܬܗ܂܀
001.06:15 [ai]ܗܝܕܝܢ ܡܿܠܟܐ ܟܕ ܡܠܬܐ ܗܕܐ ܫܡܼܥ ܣܓܝ ܟܪܝܬ ܠܗ܂ ܘܣܡ ܒܪܥܝܢܗ ܕܢܦܨܝܘܗܝ ܠܕܢܝܐܝܠ܂ ܘܥܕܡܐ ܠܡܥܪ̈ܒܝ ܫܡܫܐ ܡܬܟܬܫ ܗܘܐ ܕܢܦܨܝܘܗܝ܂
001.06:16 [ai]ܗܝܕܝܢ ܓܒܪ̈ܐ ܗܿܢܘܢ ܐܪܝܒܘ ܥܠ ܡܿܠܟܐ ܘܐܡܿܪܝܢ ܠܗ܂ ܕܥ ܡܿܠܟܐ ܕܢܡܘܣܐ ܐܝܬ ܠܡܕܝ ܘܠܦܪܣ܂ ܕܟܠ ܦܣܩ ܘܩܝܡ ܕܢܩܝܡ ܡܿܠܟܐ ܠܐ ܢܫܿܢܐ܂
001.06:17 [ai]ܗܝܕܝܢ ܐܡܼܪ ܡܿܠܟܐ ܘܐܝܬܝܘܗܝ ܠܕܢܝܐܝܠ ܘܐܪܡܝܘܗܝ ܒܓܘܒܐ ܕܐܪ̈ܝܘܬܐ܀ ܥܢܼܐ ܡܿܠܟܐ ܘܐܡܼܪ ܠܕܢܝܐܝܠ܂ ܐܠܗܟ ܕܐܢܬ ܦܠܚ ‍<‍ܐܢܬ#3#‍>‍ ܠܗ ܐܡܝܢܐܝܬ ܗܘ ܢܫܘܙܒܟ܂
001.06:18 [ai]ܘܐܝܬܝܘ ܟܐܦܐ ܚܕܐ ‍<‍ܪܒܬܐ#1##2#‍>‍ ܘܣܡܘ ܥܠ ܦܘܡܗ ܕܓܘܒܐ܂ ܘܚܬܡܗ ܡܿܠܟܐ ܒܥܙܩܬܗ ܘܒܥܙܩܬ ܪ̈ܘܪܒܢܘܗܝ܂ ܕܠܐ ܬܫܿܢܐ ܨܒܘ ܒܕܢܝܐܝܠ܀
001.06:19 [ai]ܗܝܕܝܢ ܐܙܼܠ ܡܿܠܟܐ ܠܗܝܟܠܗ/ܠܒܝܬܗ#3#/ ܘܒܬ ܛܘܬ܂ ܘܡܐܟܘܠܬܐ ܠܐ ܐܥܠܘ ܩܕܡܘܗܝ܂ ܘܫܢܬܗ ܦܪܕܬ ܡܢܗ܂
001.06:20 [ai]ܗܝܕܝܢ ܡܿܠܟܐ ܒܨܦܪܐ/ܒܫܦܪܐ#3#/ ܩܡ ܡܣܪܗܒܐܝܬ ܘܒܥܓܠ ܠܓܘܒܐ ܕܐܪ̈ܝܘܬܐ ܐܙܼܠ܂
001.06:21 [ai]ܘܟܕ ܩܼܪܒ ܠܓܘܒܐ ܠܕܢܝܐܝܠ ܒܩܠܐ ܪܡܐ/ܪܒܐ#3#/ ܩܼܪܐ܂ ܥܢܼܐ ܡܿܠܟܐ ܘܐܡܼܪ ܠܕܢܝܐܝܠ܂ ܕܢܝܐܝܠ ܥܼܒܕܗ ܕܐܠܗܐ ܚܝܐ܂ ܐܠܗܟ ܕܐܢܬ ܦܠܚ ‍<‍ܐܢܬ#3#‍>‍ ܠܗ ܐܡܝܢܐܝܬ ܐܫܟܚ ܦܨܝܟ ܡܢ ܐܪ̈ܝܘܬܐ/ܦܘܡܗܘܢ ܕܐܪ̈ܝܘܬܐ#3#/܂
001.06:22 [ai]ܗܝܕܝܢ ܕܢܝܐܝܠ ܥܡ ܡܿܠܟܐ ܡܠܠ ܘܐܡܼܪ ‍<‍ܠܗ#3#‍>‍ ܡܿܠܟܐ ܠܥܠܡ ܚܝܝ܂
001.06:23 [ai]ܐܠܗܝ ܫܿܕܪ ܡܠܐܟܗ ܘܣܿܟܪ ܦܘܡܗܘܢ ܕܐܪ̈ܝܘܬܐ ܘܠܐ ܚܒܠܘܢܝ܂ ܡܛܠ ܕܙܟܘܬܐ ܩܕܡܘܗܝ ܐܫܬܟܚܬ ܠܝ܂ ܘܐܦ ܩܕܡܝܟ ܡܿܠܟܐ ܣܟܠܘ ܠܐ ܥܿܒܕܬ܂
001.06:24 [ai]ܗܝܕܝܢ ܥܠ ܡܿܠܟܐ ܣܿܓܝ ܫܦܼܪ ܥܠܘܗܝ/ܩܕܡܘܗܝ#3#/܂ ܘܐܡܼܪ ܠܡܣܩܘܬܗ ܠܕܢܝܐܝܠ ܡܢ ܓܘܒܐ܂ ܘܐܣܩܘܗܝ ܠܕܢܝܐܝܠ ܡܢ ܓܘܒܐ ܘܡܕܡ ܚܒܿܠܐ ܠܐ ܐܫܬܟܚ/ܐܫܟܚܘ#3#/ ܒܗ܂ ܡܛܠ ܕܡܗܝܡܢ ܗܘܐ ܒܐܠܗܗ/ܐܠܗܗ#2#/܂
001.06:25 [ai]ܘܐܡܼܪ ܡܿܠܟܐ ܐܝܬܘ ܐܢܘܢ ܠܓܒܪ̈ܐ ܗܿܢܘܢ ܕܐܟܠܘ ܩܪ̈ܨܘܗܝ ܕܕܢܝܐܝܠ ܘܐܪܡܘ ܐܢܘܢ ܒܓܘܒܐ ܕܐܪ̈ܝܘܬܐ܂ ܠܗܘܢ ܘܠܢܫ̈ܝܗܘܢ ܘܠܒܢܝܗܘܢ܂ ܘܐܪܡܝܘ ܐܢܘܢ ܒܓܘܒܐ܂ ܘܠܐ ܡܛܘ ܐܫܬܗ ܕܓܘܒܐ ܘܫܠܛܘ/ܘܐܫܬܠܛܘ#3#/ ܒܗܘܢ ܐܪ̈ܝܘܬܐ܂ ܘܟܠ ܓܪ̈ܡܝܗܘܢ ܕܩܿܩܘ܀
001.06:26 [ai]ܗܝܕܝܢ ܕܪܝܘܫ ܡܿܠܟܐ ܟܬܒ ܠܟܠܗܘܢ ܥܡܡ̈ܐ ܘܐܡ̈ܘܬܐ ܘܠܫ̈ܢܐ ܕܥܡܿܪܝܢ ܒܟܠܗܿ ܐܪܥܐ܂ ܫܠܡܐ ܢܣܓܐ ܠܟܘܢ܂
001.06:27 [ai]ܡܢ ܩܕܡܝ ܐܬܬܣܝܡ ܢܡܘܣܐ܂ ܕܒܟܠ/ܟܠ#3#/ ܫܘܠܛܢ ܡܿܠܟܘܬܝ ܢܗܘܘܢ ܙܝܿܥܝܢ ܘܕܚܿܠܝܢ ܡܢ ܩܕܡ ܐܠܗܗ ܕܕܢܝܐܝܠ܂ ܕܗܘܝܘ ܐܠܗܐ ܚܝܿܐ ܘܩܝܡ ܠܥܠܡܝܢ܂ ܘܡܠܟܘܬܗ ܠܐ ܡܬܚܒܠܐ܂ ܘܫܘܠܛܢܗ ܥܕܡܐ ܠܣܘܦܐ܂
001.06:28 [ai]ܦܪܩ ܘܡܫܘܙܒ ܘܡܿܦܨܐ ܘܥܿܒܕ ܐܬܘ̈ܬܐ ܘܬܕܡܪ̈ܬܐ ܒܫܡܝܐ ܘܒܐܪܥܐܿ ܕܫܘܙܒ ܠܕܢܝܐܝܠ ܡܢ ܐܪ̈ܝܘܬܐ܂
001.06:29 [ai]ܘܕܢܝܐܝܠ ܝܪܼܒ ܒܡܠܟܘܬܗ ܕܕܪܝܘܫ ܘܒܡܠܟܘܬܗ ܕܟܘܪܫ ܦܪܣܝܐ܂
001.07:01 [ai]ܒܫܢܬ ܚܕܐ ܠܒܠܛܫܨܪ/ܕܒܠܛܫܨܪ#3#/ ܡܿܠܟܐ ܕܒܒܠ ܕܢܝܐܝܠ ܚܠܡܐ ܚܼܙܐ܂ ܘܚܙ̈ܘܝ ܪܫܗ ܕܥܠ ܡܫܟܒܗ܂ ܗܝܕܝܢ ܚܠܡܐ ܟܬܼܒ܂ ܘܪܝܫ ܡ̈ܠܘܗܝ ܐܡܼܪ܀
001.07:02 [ai]ܥܼܢܐ ܕܢܝܐܝܠ ܘܐܡܼܪ܂ ܚܿܙܐ ܗܘܝܬ ܒܚܙܘܐ ܕܠܠܝܐ܂ ܘܗܐ ܐܪܒܥ ܪ̈ܘܚܝ ܫܡܝܐ ܡܓܝܚ̈ܢ ܠܝܡܐ ܪܒܐ܂
001.07:03 [ai]ܘܐܪܒܥ ܚܝ̈ܘܢ ܪ̈ܘܪܒܢ ܣ̈ܠܩܢ ܡܢ ܝܡܐ܂ ܘܡ̈ܫܓܢܝܢ ܚܕܐ ܡܢ ܚܕܐ܂
001.07:04 [ai]‍<‍ܡܠܟܘܬܐ ܕܒ̈ܒܠܝܐ‍>‍ ܩܕܡܝܬܐ ܐܝܟ ܐܪܝܐ܂ ܘܓ̈ܦܐ ܕܢܫܪܐ ܐܝܬ ܠܗܿ܂ ܚܿܙܐ ܗܘܝܬ ܕܐܬܡܪܛܘ ܓ̈ܦܝܗܿ ܘܐܬܬܪܝܡܬ ܡܢ ܐܪܥܐ ܘܥܠ ܪ̈ܓܠܝܗܿ ܐܝܟ ܐܢܫܐ ܩܡܬ܂ ܘܠܒܐ ܕܐܢܫܐ ܐܬܝܗܒ ܠܗܿ܀ ‍<‍ܡܠܟܘܬܐ ܕܡܕ̈ܝܐ‍>‍
001.07:05 [ai]ܘܚܝܘܬܐ ܕܬܪܬܝܢ ܕܡܿܝܐ ܠܕܐܒܐ ܘܠܚܕ ܣܛܪ ܩܡܬ܂ ܘܬܠܬ ܐ̈ܠܥܝܢ ܒܦܘܡܗܿ ܒܝܬ ܫ̈ܢܝܗܿ܂ ܘܗܟܢܐ ܐܡܪܝܢ ܠܗܿ܂ ܩܘܡܝ ܐܟܘܠܝ ܒܣܪܐ ܣܓܝܐܐ܂
001.07:06 [ai]‍<‍ܡܠܟܘܬܐ ܕܦܪ̈ܣܝܐ‍>‍ ܒܬܪ ܗܠܝܢ ܚܿܙܐ ܗܘܝܬ ܚܝܘܬܐ ܐܚܪܬܐ ܐܝܟ ܢܡܪܐ܂ ܘܐܝܬ ܠܗܿ ܓ̈ܦܐ ܐܪܒܥܐ ܕܦܪܚܬܐ/ܕܚܝܘܬܐ#2#/ ܥܠ ܓܒܝ̈ܗܿ܂ ܘܐܪܒܥܐ ܪ̈ܫܝܢ ܐܝܬ ܠܗܿ ܠܚܝܘܬܐ ܗܿܝ܂ ܘܫܘܠܛܢܐ ܐܬܝܗܒ ܠܗܿ܂
001.07:07 [ai]‍<‍ܡܠܟܘܬܐ ܕܝܘ̈ܢܝܐ‍>‍ ܒܬܪ ܗܠܝܢ ܚܿܙܐ ܗܘܝܬ ܒܚܙܘܐ ܕܠܠܝܐ ܚܝܘܬܐ ܪܒܝܥܝܬܐ܂ ܕܚܝܠܐ ܘܥܫܝܢܐ ܘܬܩܝܦܐ ܝܬܝܪܐܝܬ܂ ܘܫܢ̈ܐ ܪ̈ܘܪܒܬܐ ܕܦܪܙܠܐ ܐܝܬ ܠܗܿ܂ ܐܿܟܠܐ ܘܡܿܕܩܐ܂ ܘܡܕܡ ܕܡܘܬܪܐ ܒܪ̈ܓܠܝܗܿ ܕܝܫܿܐ/ܡܕܝܫܐ#3#/܂ ܘܗܝ ܡܫܓܢܝܐ ‍<‍ܗܝ#3#‍>‍ ܡܢ ܟܠܗܝܢ ܚܝܘ̈ܬܐ ܕܩܕܡܝܗܿ܂ ܘܩܪ̈ܢܬܐ ܥܣܪ ܐܝܬ ܠܗܿ܂
001.07:08 [ai]ܘܡܣܬܟܠ ܗܘܝܬ ܒܩܪ̈ܢܬܗܿ ‍<‍ܐܢܛܝܟܘܣ ܐܦܝܦܢܝܘܣ#3#‍>‍܂ ܘܩܪܢܐ ܚܕܐ ܙܥܘܪܬܐ ܣܠܩܬ ܡܢ ܒܝܢܬܗܝܢ܂ ܘܬܠܬ ܡܢ ܩܪ̈ܢܬܐ ܩܕܡ̈ܝܬܐ ܐܬܥܩܪ ܡܢ ܩܕܡܝܗܿ܂ ‍<‍ܐܢܛܝܟܘܣ/#3#/‍>‍ ܘܥܝ̈ܢܐ ܐܝܟ ܥܝܢ̈ܝ ܒܪܢܫܐ ܒܩܪܢܐ ܗܿܝ܂ ܘܦܘܡܗܿ ܡܡܠܠ ܪ̈ܘܪܒܬܐ܂
001.07:09 [ai]ܚܿܙܐ ܗܘܝܬ ܟܘܪ̈ܣܘܬܐ ܐܬܬܣܝܡܘ ܘܥܬܝܩ ܝܘܡ̈ܬܐ ܝܬܼܒ܂ ܠܒܘܫܗ ܐܝܟ ܬܠܓܐ ܚܘܿܪܐ܂ ܘܣܥܪܐ ܕܪܫܗ ܐܝܟ ܥܡܪܐ ܕܟܝܐ܂ ܟܘܪܣܝܗ ܫܠܗܒܝܬܐ ܕܢܘܪܐ܂ ܘܓܝ̈ܓܠܘܗܝ ܕܢܘܪܐ ܝܩܕܬܐ܂
001.07:10 [ai]ܢܗܪܐ ܕܢܘܪܐ ܪܕܐ ܘܢܦܿܩ ܡܢ ܩܕܡܘܗܝ܂ ܐܠܦ ܐܠܦܝ̈ܢ ܡܫܡܫܝܢ ܠܗ܂ ܘܪܒܘ ܪ̈ܒܘܢ ܩܝܡܝܢ ܩܕܡܘܗܝ/ܩܘܕܡܘܗܝ#3#/܂ ܕܝܢܿܐ ܝܬܒ܂ ܘܣܼܦܪ̈ܐ ܐܬܦܬܚܘ܂
001.07:11 [ai]ܚܿܙܐ ܗܘܝܬ ܕܐܬܩܛܠܬ ܚܝܘܬܐ ܗܿܝ܂ ܘܐܒܕ ܓܘܫܡܗܿ܂ ܘܐܬܝܗܒܬ ܠܝܩܕܢܐ ܕܢܘܪܐ܂
001.07:12 [ai]ܘܫܪܟܗܝܢ ܕܚܝ̈ܘܬܐ ܐܫܬܩܠ ܡܢ ܫܘܠܛܢܗܝܢ܂ ܘܢܘܓܪܐ ܘܚܝ̈ܐ/ܕܚܝ̈ܐ#3#/ ܐܬܝܗܒ ܠܗܝܢ ܥܕ ܙܒܢ ܘܥܕܢ܂
001.07:13 [ai]ܚܿܙܐ ܗܘܝܬ ܥܠ ܥ̈ܢܢܝ ܫܡܝܐ ܐܝܟ ܒܪ ܐܢܫ̈ܝܢ ܐܬܼܐ܂ ܘܡܛܼܐ ܥܕܡܐ ܠܥܬܝܩ ܝܘܡ̈ܬܐ܂ ܘܩܕܡܘܗܝ ܩܪܒܘܗܝ܂
001.07:14 [ai]ܘܠܗ ܝܗܼܒ ܫܘܠܛܢܐ ܘܡܠܟܘܬܐ ܘܐܝܩܪܐ܂ ܕܟܠܗܘܢ ܥܡ̈ܡܐ ܘܐܡ̈ܘܬܐ ܘܠܫ̈ܢܐ ܠܗ ܢܦܠܚܘܢ ܫܘܠܛܢܗ ܫܘܠܛܢ ܥܠܡ ܘܠܐ ܥܒܿܪ܂ ܘܡܠܟܘܬܗ ܠܐ ܡܬܚܿܒܠܐ܂
001.07:15 [ai]ܐܬܟܪܝܬ ܪܘܚܝ ܐܢܐ ܕܢܝܐܝܠ ܒܓܘ ܡܫܟܒܝ܂ ܘܚ̈ܙܘܝ/ܘܚܙܘܢܝ#3#/ ܪܫܝ ܕܠܚܼܘܢܝ܂
001.07:16 [ai]ܘܩܪܒܬ ܠܘܬ ܚܕ ܡܢ ܡܫܡ̈ܫܢܐ܂ ܘܥܠ ܫܪܪܐ ܥܩܿܒܬܗ ܥܠ ܗܠܝܢ ܟܠܗܝܢ܂ ܘܐܡܼܪ ܠܝ ܒܫܪܪܐ܂ ܘܦܫܪ ܡ̈ܠܝ ܐܘܕܥܢܝ܂
001.07:17 [ai]ܘܐܡܼܪ ܠܝ܂ ܗܠܝܢ ܚܝ̈ܘܬܐ ܪ̈ܘܪܒܬܐ ܐܪܒܥ ܕܚܿܙܝܬ ܐܪܒܥܐ ܡ̈ܠܟܝܢ ܢܩܘܡܘܢ ܡܢ ܐܪܥܐ
001.07:18 [ai]ܘܢܩܿܒܠܘܢ ܡܠܟܘܬܐ ܩ̈ܕܝܫܐ ܕܡܪܝܡܐ ܘܢܐܪܬܘܢܗܿ ܠܡܠܟܘܬܐ ܠܥܠܡ ܘܠܥܠܡ ܥܠܡܝܢ܀
001.07:19 [ai]ܗܝܕܝܢ ܨܒܝܬ ܠܡܥܩܒܘ ܥܠ ܚܝܘܬܐ ܐܪܒܝܥܝܬܐ ܕܡܫܓܢܝܐ ܗܘܬ ܡܢ ܟܠܗܝܢ ‍<‍ܚ̈ܝܘܬܐ#3#‍>‍ ܘܕܚܝܠܐ ܪܘܪܒܐܝܬ܂ ܫܢ̈ܝܗܿ ܕܦܪܙܠܐ ܘܛܦܪ̈ܝܗܿ ܕܢܚܫܐ܂ ܐܟܠܐ ܘܡܿܕܩܐ܂ ܘܡܕܡ ܘܡܘܬܪܐ ܒܪ̈ܓܠܝܗܿ ܕܝܫܿܐ܂
001.07:20 [ai]ܘܥܠ ܩܪ̈ܢܬܐ ܥܣܪ ܕܒܪܝܫܗܿ܂ ܘܥܠ ܐܚܪܬܐ ܕܣܠܩܼܬ ܡܢ ܒܝܢܬܗܝܢ ܘܢܦܼܠ ܡܢ ܩܕܡܝܗܿ ܬܠܬ܂ ܘܩܪܢܐ ܗܿܝ ܥܝ̈ܢܐ ܐܝܬ ܠܗܿ܂ ܘܦܘܡܗܿ ܡܡܠܠ ܪ̈ܘܪܒܢ܂ ܘܚܙܘܗܿ ܪܒ ܡܢ ܕܚܒܪ̈ܬܗܿ܂
001.07:21 [ai]‍<‍ܐܢܛܝܟܘܣ‍>‍ ܚܿܙܐ ܗܘܝܬ ܩܪܢܐ ܗܿܝ ܥܿܒܕܐ ܩܪܒܐ ܥܡ ܩܕܝ̈ܫܐ ܘܡܨܿܝܐ ܚܝܠܗܘܢ܂
001.07:22 [ai]ܥܕܡܐ ܕܐܼܬܐ ܥܬܝܩ ܝܘܡ̈ܬܐ ܘܕܝܼܢܐ ܝܗܼܒ ܠܩܕܝܫ̈ܐ ܕܡܪܝܡܐ܂ ܘܙܒܢܐ ܡܼܛܐ ܘܡܠܟܘܬܐ ܝܪܬܘ ܩܕܝ̈ܫܐ܂
001.07:23 [ai]ܘܗܟܢܐ ܐܡܼܪ ܠܝ܂ ܚܝܘܬܐ ܪܒܝܥܝܬܐ ܡܠܟܘܬܐ ܪܒܝܥܝܬܐ ܬܗܘܐ ܒܐܪܥܐ܂ ܘܬܬܝܬܪ ܥܠ ‍<‍ܟܠܗܝܢ#1##2#‍>‍ ܡܠܟ̈ܘܬܐ܂ ܘܬܐܟܘܠ ܐܪܥܐ ܟܘܠܗܿ܂ ܘܬܕܘܫܝܗܿ ܘܬܕܩܝܗܿ/ܘܬܕܘܩܝܗܿ#3#/܂
001.07:24 [ai]ܘܩܪ̈ܢܬܐ ܥܣܪ ܡܢ ܡܠܟܘܬܐ ܥܣܪܐ ܡ̈ܠܟܿܝܢ ܢܩܘܡܘܢ܂ ܘܐܚܪܢܐ ܢܩܘܡ ܒܬܪܗܘܢ ܘܗܘ ܢܬܝܬܪ ܡܢ ܩܕܡ̈ܝܐ܂ ܘܬܠܬܐ ܡܿܠܟ̈ܝܢ ܢܡܿܟܟ܂
001.07:25 [ai]ܘܡ̈ܠܐ ܥܠ ܡܪܝܡܐ ܢܡܠܠ܂ ܘܥܠ ܩܕܝ̈ܫܐ ܕܡܪܝܡܐ ܢܟܠܐ܂ ܘܢܣܼܒܪ ܠܡܚܿܠܦܘ ܙܒ̈ܢܐ ܘܢܡܘ̈ܣܐ܂ ܘܢܬܝܗܒܘܢ ܒܐܝܕܗ ܥܕ ܥܕܢ ܥܕ̈ܢܝܢ ܘܦܠܓܘܬ ܥܕܢ܂
001.07:26 [ai]ܘܕܝܿܢܐ ܝܬܼܒ܂ ܘܫܘܠܛܢܗ ܫܩܼܠܘ ܡܢܗ܂ ܕܢܚܒܠܘܢܗ ܘܢܘܒܕܘܢܗ ܥܕܡܐ ܠܣܘܦܐ
001.07:27 [ai]ܕܡܠܟܘܬܐ܂ ܘܫܘܠܛܢܐ ܘܪܒܘܬܐ ܘܡܠܟܘܬܐ ܕܬܚܝܬ ܫܡܝܐ ܐܬܝܗܒܬ ܠܥܡܐ ܩܕܝܫܐ ܕܡܪܝܡܐ܂ ܡܠܟܘܬܗ ܡܠܟܘܬ ܥܠܡ܂ ܘܟܠ ܫܘ̈ܠܛܢܝܢ ܠܗ ܢܦܠܚܘܢ ܘܢܫܬܡܥܘܢ܀
001.07:28 [ai]ܥܕܡܐ ܠܗܪܟܐ ܣܘܦܗܿ ܕܡܠܬܐ܂ ܐܢܐ ܕܢܝܐܝܠ ܣܓܝ ܪ̈ܥܝܢܝ ܕܠܚܘܢܝ܂ ܘܙܝܘ̈ܝ ܐܫܬܢܝܘ ܥܠܝ܂ ܘܡܠܬܐ ܒܠܒܝ ܢܛܪܬ܀
001.08:01 [ai]ܒܫܢܬ ܬܠܬ ܕܡܠܟܘܬܗ ܕܒܠܛܫܨܪ ܡܿܠܟܐ ܚܙܘܐ ܐܬܚܙܝ ܠܝ ܐܢܐ ܕܢܝܐܝܠ ܡܢ ܒܬܪ ܚܙܘܐ ܩܕܡܝܐ ܕܐܬܚܙܝ ܠܝ܂
001.08:02 [ai]ܚܙܝܬ ܒܚܠܡܝ ܕܒܫܘܫܢ ܗܘܝܬ ܒܝܪܬܐ ܕܒܥܝܠܡ ܡܕܝܢܬܐ܂ ܘܚܙܝܬ ܒܚܠܡܝ ܕܩܐܿܡ ܐܢܐ ܥܠ ܐܒܘܠ ܐܘܠܝ܀
001.08:03 [ai]‍<‍ܕܪܝܘܫ ܡܕܝܐ#2#‍>‍ ܘܐܪܝܡܬ ܥ̈ܝܢܝ ܘܚܙܝܬ ܘܗܐ ܕܟܪܐ ܚܕ ܩܐܿܡ ܩܕܡ ܐܒܘܠ܂ ܘܐܝܬ ܠܗ ܩܪ̈ܢܬܐ܂ ܘܩܪ̈ܢܬܗ ܪ̈ܡܢ܂ ܘܚܕܐ ܪܡܐ ܡܢ ܚܒܪܬܗܿ܂ ܘܗܿܝ ܪܡܬܐ ܐܚܪܝܬ ܝܥܬ/ܝܥܬܝ#2#/܂
001.08:04 [ai]ܘܚܙܝܬ ܕܟܪܐ ܡܕܩܪ ܠܡܥܪܒܐ ܘܠܓܪܒܝܐ ܘܠܬܝܡܢܐ܂ ܘܟܠܗܝܢ ܚܝܘ̈ܬܐ ܠܐ ܩܝ̈ܡܢ ܩܕܡܘܗܝ܂ ܘܠܝܬ ܕܡܫܬܘܙܒ ܡܢ ܐܝܕ̈ܘܗܝ܂ ܘܥܒܼܕ ܐܝܟ ܕܨܒܐ ܘܐܬܪܝܡ܂
001.08:05 [ai]ܘܐܢܐ ܡܬܒܝܢ ܗܘܝܬ܀ ‍<‍ܨܦܪܝܐ ܕܥ̈ܙܐ ܐܠܟܣܢܕܪܘܣ ܒܪ ܦܝܠܝܦܘܣ‍>‍ ܘܨܦܪܝܐ ܕܥ̈ܙܐ ܐܬܼܐ ܡܢ ܡܥܪܒܐ ܥܠ ܐ̈ܦܝ ܟܠܗܿ ܐܪܥܐ܂ ܘܠܐ ܢܿܟܐ ܗܘܐ ܒܐܪܥܐ܂ ܘܨܦܪܝܐ ܩܪܢܐ ܡܬܚܙܝܐ ܒܝܬ ܥ̈ܝܢܘܗܝ܂
001.08:06 [ai]ܘܐܬܼܐ ܘܡܛܼܐ ܥܕܡܐ ܠܕܟܪܐ ܗܿܘ ܕܐܝܬ ܠܗ ܩܪ̈ܢܬܐ ܕܚܙܝܬ ܕܩܐܿܡ ܩܕܡ ܐܒܘܠ܂ ܘܪܗܼܛ ܥܠܘܗܝ ܒܚܐܦܗ܂
001.08:07 [ai]ܘܡܛܝܗܝ ܠܕܟܪܐ ܘܐܬܡܪܡܪ ܥܠܘܗܝ܂ ܘܡܚܝܗܝ ܠܕܟܪܐ ܘܬܒܪ ܠܬܪ̈ܬܝܗܝܢ ܩܪ̈ܢܬܗ܂ ‍<‍ܕܟܪܐ ܕܪܝܘܫ ܡܕܝܐ‍>‍ ܘܠܐ ܗܼܘܐ ܒܗ ܚܝܠܐ ܒܕܟܪܐ ‍<‍ܗܿܘ#3#‍>‍ ܠܡܩܡ ܩܕܡܘܗܝ܂ ܘܐܪܡܝܗ ܥܠ ܐܪܥܐ ܘܕܫܗ܂ ܘܠܐ ܗܼܘܐ ܕܡܦܨܐ ܠܗ ܠܕܟܪܐ ܡܢ ܐܝܕ̈ܘܗܝ ܕܨܦܪܝܐ ܕܥ̈ܙܐ܂
001.08:08 [ai]ܘܨܦܪܝܐ ܕܥ̈ܙܐ ܪܒܼܐ ܣܓܝ܂ ܘܟܕ ܥܫܼܢ ܐܬܬܒܪܬ ܩܪܢܗ ܪܒܬܐ/ܪܡܬܐ#3#/܂ ‍<‍ܡܘܬܗ ܕܐܠܟܣܢܕܪܣ ܒܪ ܦܝܠܝܦܘܣ‍>‍ ‍<‍ܡܩܕܘܢܝܐ#3#‍>‍ ܘܣܠܼܩ ܕܡ̈ܬܚܙܝܢ ܐܪܒܥ ܡܢ ܬܚܘܬܝܗܿ ܠܐܪܒܥ ܪ̈ܘܚܝ ܫܡܝܐ܂
001.08:09 [ai]‍<‍ܐܢܛܝܟܘܣ ܐܦܝܦܢܘܣ/ܐܦܝܦܢܝܘܣ#3#/܂ ܐܪ̈ܒܥܐ ܥܒܼܕ̈ܘܗܝ ܕܐܠܟܣܢܕܪܘܣ ܒܪ ܦܝܠܝܦܘܣ ܕܐܡܠܟܘ ‍<‍ܡܢ#3#‍>‍ \ܒܬܪ ܡܘܬܗ /ܒܬܪܗ#2#/‍>‍ ܘܡܢ ܚܕܐ ܡܢܗܝܢ ܢܦܩܬ ܩܪܢܐ ܚܕܐ ܙܥܘܪܬܐ ܘܪܒܬ ܝܬܝܪܐܝܬ ܠܬܝܡܢܐ ܘܠܡܕܢܚܐ܂
001.08:10 [ai]ܘܪܒܬ ܥܕܡܐ ܠܚ̈ܝܠܐ ܕܫܡܝܐ܂ ܘܐܦܠܬ ܥܠ ܐܪܥܐ܂ ܘܡܢ ܚܝ̈ܠܐ ܘܡܢ ܟܘܟܒ̈ܐ ܘܕܫܬ ܐܢܘܢ
001.08:11 [ai]ܘܥܕܡܐ ܠܪ̈ܒܝ ܚܝ̈ܠܐ ܡܛܬ܂ ܘܡܢܗ ܐܪܝܡ ܐܡܝܢܘܬܐ ܘܫܼܪܐ ܡܬܩܢ ܡܩܕܫܗ܂
001.08:12 [ai]ܘܚܝܠܐ ܐܬܝܗܒ ܥܠ ܐܡܝܢܘܬܐ ܒܚܘܒ̈ܐ܂ ܘܐܫܬܕܝ ܩܘܕܫܐ ܥܠ ܐܪܥܐ ܘܥܒܼܪ/ܘܥܒܕ#3#/ ܘܐܨܠܚ܂
001.08:13 [ai]ܘܫܡܥܬ ܚܕ/ܠܚܕ#3#/ ܩܕܝܫܐ ܕܡܡܠܠ܂ ܘܐܡܿܪ ܚܕ ܩܕܝܫܐ ܠܦܠܘܡܢܝ ܕܡܡܠܠ ܥܕܡܐ ܠܐܡܬܝ ܚܙܘܐ ܕܐܡܝܢܘܬܐ ܘܥܼܘܠܐ ܘܚܒܠܐ ܢܫܬܠܡ ܘܩܘܕܫܐ ܘܚܝܠܐ ܢܬܕܝܫ/ܢܬܩܕܫ#1##2#/܂
001.08:14 [ai]ܘܐܡܼܪ ܠܗ ܥܕ ܪܡܫ ܨܦܪ ܬܪܝܢ ܐ̈ܠܦܝܢ ܘܬܠܬܡܐܐ ܘܢܙܼܟܐ ܙܕܩܐ܂
001.08:15 [ai]ܘܟܕ ܚܙܝܬ ܐܢܐ ܕܢܝܐܝܠ ܚܙܘܐ/ܠܚܙܘܐ#3#/ ‍<‍ܗܢܐ#1##2#‍>‍ ܒܥܝܬ ܠܡܣܬܟܠܘ܂ ܘܗܐ ܩܐܿܡ ܠܘܩܒܠܝ ܐܝܟ ܚܙܘܐ ܕܓܒܪܐ܂
001.08:16 [ai]ܘܫܡܥܬ ܩܠܐ ܕܐܢܫܐ ܡܢ ܒܝܢܬ ܐܘܠܝ ܕܩܪܐ ܘܐܡܪ ܓܒܪܝܐܝܠ ܣܿܟܠ ܠܗܢܐ ܚܙܘܐ ܗܢܐ܂
001.08:17 [ai]ܘܐܼܬܐ ܠܘܬܝ ܐܬܪ ܕܩܐܿܡ ܐܢܐ܂ ܘܟܕ ܐܬܼܐ ܕܚܠܬ ܘܢܦܠܬ ܥܠ ܐ̈ܦܝ܂ ܘܐܡܼܪ ܠܝ܂ ܐܣܬܟܠ ܒܪܢܫܐ܂ ܡܛܠ ܕܠܥܕܢ ܣܘܦܐ ܚܙܘܐ ܗܢܐ܂
001.08:18 [ai]ܘܟܕ ܡܡܠܠ ܥܡܝ ܐܬܓܿܪܓܚܬ ܥܠ ܐ̈ܦܝ ܥܠ ܐܪܥܐ܂ ܘܩܼܪܒ ܠܝ ܘܐܩܝܡܢܝ ܥܠ ܩܝܡܝ܂
001.08:19 [ai]ܘܐܡܼܪ ܠܝ܂ ܗܐ ܐܢܐ ܡܚܘܐ ܐܢܐ ܠܟ ܡܐ ܕܢܗܘܐ ܒܣܘܦ ܪܘܓܙܐ ܒܙܒܢ ܣܘܦܐ܂
001.08:20 [ai]‍<‍ܕܪܝܘܫ/ܕܕܪܝܘܫ#3#/ ܡܕܝܐ‍>‍ ܕܟܪܐ ܕܚܙܝܬ ܕܐܝܬ ܠܗ ܩܪ̈ܢܬܐ ܡܿܠܟ ܡܕܝ ܘܦܪܣ܂
001.08:21 [ai]‍<‍ܐܠܟܣܢܕܪܘܣ‍>‍ ܘܨܦܪܝܐ ܕܥ̈ܙܐ ܡܿܠܟܐ ܕܝܘܢ̈ܝܐ܂ ܘܩܪܢܐ ܪܒܬܐ/ܪܡܬܐ#3#/ ܕܐܝܬ/ܐܝܬ#3#/ ܒܝܬ ܥܝܢܘ̈ܗܝ ܗܘܝܘ ܡܿܠܟܐ ܩܕܡܝܐ܂
001.08:22 [ai]ܘܕܐܬܬܒܪܬ ܘܩܡ ܐܪܒܥ ‍<‍ܡܢ#3#‍>‍ ܬܚܘܬܝܗܿ ܐܪܒܥܐ ܡ̈ܠܟܝܢ ܡܢ ܥܡܐ ܢܩܘܡܘܢ܂ ܘܠܐ ܒܚܝܠܗܘܢ܂
001.08:23 [ai]ܘܒܣܘܦ ܡܠܟܘܬܗܘܢ ܡܐ ܕܫܠܡܼܘ ܚܘ̈ܒܐ܂ ܢܩܘܡ ܡܿܠܟܐ ܬܩܝܦ ܐ̈ܦܐ ܘܡܣܿܬܟܠ ܐܘܚ̈ܕܢ
001.08:24 [ai]ܘܬܩܝܦ ܚܝܠܗ܂ ܘܠܐ ܒܚܝܠܐ ܕܢܦܫܗ܂ ܘܬܕܡܪ̈ܬܐ ܢܚܿܒܠ ܘܢܨܠܚ܂ ܘܢܥܒܪ ܘܢܚܿܒܠ ܥܫܝ̈ܢܐ ܘܥܡܐ ܕܩܕܝܫ̈ܐ/ܩܕܝܫܐ#3#/܂
001.08:25 [ai]ܘܒܐܘܚܕܢܗ ܢܨܠܚ ܢܟܠܐ ܒܐܝܕܗ܂ ܘܠܒܗ ܢܬܬܪܝܡ܂ ܘܒܫܠܝܐ ܢܚܿܒܠ ܣܓܝܐ̈ܐ܂ ܘܥܠ ܫܠܝܛ ܫܠܝ̈ܛܢܐ ܢܩܘܡ܂ ܘܒܡܐܚܕ ܐܝܕܐ ܢܬܬܒܪ܂
001.08:26 [ai]ܘܚܙܘܐ ܕܨܦܪܐ ܘܕܪܡܫܐ ܕܐܬܐܡܪ ܩܘܫܬܐ ܗܘ܂ ܘܐܢܬ ܕܝܢ ܕܢܝܐܝܠ ܟܣܝܘܗܝ ܠܚܙܘܐ ܗܢܐ܂ ܡܛܠ ܕܠܝܘܡ̈ܬܐ ܗܘ ܣܓܝܐ̈ܐ܂
001.08:27 [ai]ܘܐܢܐ ܕܢܝܐܝܠ ܙܥܬ ܘܐܬܕܠܚܬ ܝܘܡ̈ܬܐ ‍<‍ܣܓܝ̈ܐܐ#3#‍>‍܂ ܘܩܡܬ ܘܣܥܪܬ ܥܒ̈ܝܕܬܐ ܕܡܿܠܟܐ܂ ܘܐܬܕܡܪܬ ܒܚܙܘܐ ܘܠܝܬ ܕܡܬܒܝܢ܀
001.09:01 [ai]ܒܫܢܬ ܚܕܐ ܕܕܪܝܘܫ ܒܪ ܐܚܫܝܪܫ ܡܢ ܙܪܥܐ ܕܡܕ̈ܝܐ ܕܐܡܠܟ ܒܡܠܟܘܬܐ ܕܟܠܕ̈ܝܐ܂
001.09:02 [ai]ܒܫܢܬ ܚܕܐ ܕܡܠܟܘܬܗ ܐܢܐ ܕܢܝܐܝܠ ܐܬܒܝܢܬ ܒܣܦܪܐ ܒܡܢܝܢ ܫܢܝ̈ܐ܂ ܚܙܝܬ ܕܗܘܐ ܦܬܓܡܗ ܕܡܪܝܐ ܕܐܡܼܪ ܐܪܡܝܐ ܢܒܝܐ ܟܕ ܫܠܼܡ ܠܚܘܪܒܗܿ ܕܐܘܪܫܠܡ ܫܒܥܝܢ ܫܢ̈ܝܢ܂
001.09:03 [ai]ܐܿܪܝܡܬ ܐ̈ܦܝ ܩܕܡ ܡܪܝܐ ܐܠܗܐ ܠܡܒܥܐ ܒܨܠܘܬܐ ܘܒܬܟܫܦܬܐ ܘܒܨܘܡܐ ܘܒܣܩܐ ܘܒܩܛܡܐ܂
001.09:04 [ai]ܘܨܿܠܝܬ ܩܕܡ ܡܪܝܐ ܐܠܗܝ ܘܐܘܕܝܬ ܘܐܡܪܬ܂ ܒܒܥܘ ܡܪܝܐ ܐܠܗܐ܂ ܪܒܐ ܘܕܚܝܠܐ ܢܛܿܪ ܩܝܡܐ ܘܛܝܒܘܬܐ ܠܪ̈ܚܡܘܗܝ ܘܠܐܝܠܝܢ ܕܢܛܿܪܝܢ ܦܘܩܕ̈ܢܘܗܝ܂
001.09:05 [ai]ܚܛܝܢ ܘܐܣܟܠܢ ܘܐܪܫܥܢ ܘܡܪܕܢ܂ ܘܣܛܝܢ ܡܢ ܦܘܩ̈ܕܢܝܟ ܘܡܢ ܕܝ̈ܢܼܝܟ܂
001.09:06 [ai]ܘܠܐ ܫܡܥܢ ܠܥܒܼ̈ܕܝܟ ܢܒ̈ܝܐ ܕܡܠܠܘ ܒܫܡܟ ܥܠ ܡ̈ܠܟܝܢ ܘܥܠ ܪ̈ܘܪܒܢܝܢ ܘܥܠ ܐܒܗ̈ܝܢ ܘܥܠ ܟܠܗ ܥܡܐ ܕܐܪܥܐ܂
001.09:07 [ai]ܕܝܠܟ ܡܪܝܐ ܙܟܘܬܐ ܘܕܝܠܢ ܒܗܬܬ ܐ̈ܦܐ ܐܝܟ ܕܝܘܡܢܐ܂ ܠܐܢܫ̈ܝ ܝܗܘܕܐ ܘܠܥܡܘܪ̈ܝܗܿ ܕܐܘܪܫܠܡ܂ ܘܠܟܠܗ ܐܝܣܪܝܠ ܕܩܪܝܒܝܢ ܘܕܪܚܝܩܝܢ ܒܟܘܠ ܐܪ̈ܥܬܐ ܕܒܕܪܬ ܐܢܘܢ ܠܬܡܢ/ܬܡܢ#2#/ ܒܥܼܘܠܗܘܢ ܕܐܥܠܝܘ ܒܟ܂
001.09:08 [ai]ܡܪܝܐ ܕܝܠܢ ܒܗܬܬ ܐ̈ܦܐ ܠܡܿܠܟ̈ܝܢ ܘܠܪ̈ܘܪܒܢܝܢ ܘܠܐܒ̈ܗܝܢ܂ ܥܠ ܕܚܛܝܢ ܠܟ܂
001.09:09 [ai]ܕܡܪܝܐ ܐܠܗܐ ܪ̈ܚܡܐ ܘܫܘܒܩܢ ܚܛܗ̈ܐ ܕܡܪܕܢ ܒܗ܂
001.09:10 [ai]ܘܠܐ ܫܡܥܢ ܒܩܠܗ ܕܡܪܝܐ ܐܠܗܢ ܠܡܗܿܠܟܘ ܒܢܡܘܣܗ ܕܝܗܼܒ ܩܕܡܝܢ ܒܝܕ ܥܒܼܕ̈ܘܗܝ ܢܒ̈ܝܐ܂
001.09:11 [ai]ܘܟܠܗ ܐܝܣܪܝܠ ܥܒܼܪܘ ܥܠ ܢܡܘܣܟ܂ ܘܣܛܘ ܘܠܐ ܫܡܥܘ ܒܩܠܟ܂ ܘܐܝܬܝܬ ܥܠܝܗܘܢ ܠܘܛ̈ܬܐ ܘܡܘܡ̈ܬܐ ܕܟܬ̈ܝܒܢ ܒܢܡܘܣܗ ܕܡܘܫܐ ܥܒܼܕܗ ܕܐܠܗܐ܂ ܥܠ ܕܚܛܝܢ ܩܕܡܘܗܝ܂
001.09:12 [ai]ܘܐܩܝܡ ܡܠܘ̈ܗܝ ܕܡܠܠ ܥܠܝܢ ܘܥܠ ܕܝ̈ܢܝܢ ܕܕܢܘܢ ܠܡܝܬܝܘ ܥܠܝܢ ܒܝܫܬܐ ܪܒܬܐ ܕܠܐ ܐܬܥܒܕܬ ܐܟܘܬܗܿ ܬܚܝܬ ܫܡܝܐ ܐܝܟ ܕܐܬܥܒܕܬ ܒܐܘܪܫܠܡ܂
001.09:13 [ai]ܐܝܟ ܕܟܬܝܒ ܒܢܡܘܣܐ ܕܡܘܫܐ܂ ܟܘܠܗܿ ܒܝܫܬܐ ܗܕܐ ܐܬܬ ܥܠܝܢ ܘܠܐ ܨܠܝܢ ܩܕܡ ܡܪܝܐ ܐܠܗܢ ܕܢܬܘܒ ܡܢ ܥܘܼܠܢ܂ ܘܢܣܬܟܠ ܗܝܡܢܘܬܟ/ܒܗܝܡܢܘܬܟ#3#/܂
001.09:14 [ai]ܘܐܥܝܪ ܡܪܝܐ ܒܝܫܬܐ ܘܐܝܬܝܗܿ ܥܠܝܢ܂ ܡܛܠ ܕܙܕܝܩ ܗܘ ܡܪܝܐ ܐܠܗܢ ܒܟܠܗܘܢ ܥܿܒ̈ܕܘܗܝ ܕܥܼܒܕ ܘܠܐ ܫܡܥܢ ܒܩܠܗ܂
001.09:15 [ai]ܡܟܝܠ ܡܪܝܐ ܐܠܗܢ ܕܐܦܼܩܬ ‍<‍ܠܢ#3#‍>‍ ܠܥܡܟ ܡܢ ܐܪܥܐ ܕܡܨܪܝܢ܂ ܒܐܝܕܐ ܥܫܝܢܬܐ ܘܥܒܕܬ ܠܟ ܫܡܐ ܐܝܟ ܕܝܘܡܢܐ ܚܛܝܢ ܘܐܪܫܥܢ܂
001.09:16 [ai]ܡܪܝܐ ܐܝܟ ܟܠܗܿ ܙܕܝܩܘܬܟ ܕܥܒܕܬ ܥܡܢ܂ ܢܗܦܘܟ ܪܘܓܙܟ ܘܚܡܬܟ ܡܢ ܡܕܝܢܬܟ ܐܘܪܫܠܡ ܘܡܢ ܛܘܪܟ ܩܕܝܫܐ܂ ܡܛܠ ܕܒܚ̈ܛܗܝܢ ܘܒܥܘܼܠܐ ܕܐܒ̈ܗܝܢ ܥܡܟ ܐܬܒܕܪ ܒܟܠ ܐܬܪ܂ ܗܘܬ ܐܘܪܫܠܡ ܚܣܕܐ ܠܟܠܗܘܢ ܥܡܡ̈ܐ܀
001.09:17 [ai]ܡܟܝܠ ܫܡܼܥ ܐܠܗܐ ܒܨܠܘܬܗ ܕܥܒܼܕܟ ܘܒܬܟܫܦܬܢ ܘܐܢܗܪ ܐ̈ܦܝܟ ܒܡܩܕܫܟ ܕܚܼܪܒ ܡܛܠ ܫܡܟ ܡܪܝܐ܂
001.09:18 [ai]ܐܪܟܢ \ܐܠܗܝ ܐܕܢܟ /ܐܕܢܟ ܡܪܝܐ ܐܠܗܝ#3#/ ܘܫܼܡܥ ܘܦܬܼܚ ܥ̈ܝܢܝܟ ܘܚܙܝ܂ ܚܪ̈ܒܬܢ ܘܨܕ̈ܝܬܢ ܘܡܕܝܢܬܐ ܕܐܬܩܪܝ ܫܡܟ ܥܠܝܗܿ܂ ܠܐ ܗܘܐ ܓܝܪ ܥܠ ܙܕܝܩܘܬܢ/ܙܕܝܩܘܬܐ ܕܝܠܢ#3#/ ܬܟܝܠܝܢܢ ܘܡܨܠܝܢ ܚܢܢ ܩܕܡܝܟ܂ ܐܠܐ ܥܠ ܪ̈ܚܡܝܟ ܣܓܝ̈ܐܐ܂
001.09:19 [ai]ܡܪܝܐ ܫܡܼܥ܂ ܡܪܝܐ ܚܣܢ܂ ܡܪܝܐ ܨܘܬ ܘܥܒܕ ܘܠܐ ܬܘܚܪ ܡܛܠ ܫܡܟ ܐܠܗܝ܂ ܡܛܠ ܕܫܡܟ ‍<‍ܡܪܝܐ#3#‍>‍ ܐܬܩܪܝ ܥܠ ܡܕܝܢܬܟ ܘܥܠ ܥܡܟ܂
001.09:20 [ai]ܘܥܕ ܐܢܐ ܡܨܠܐ ܘܡܘܕܐ ܚܘ̈ܒܝ ܘܚܘ̈ܒܝ ܥܡܝ ܝܣܪܝܠ ܘܪܡܿܐ ܐܢܐ ܬܟܫܦܬܝ ܩܕܡ ܡܪܝܐ ܐܠܗܐ ܥܠ ܛܘܪܗ ܩܕܝܫܐ ܕܐܠܗܝ܂
001.09:21 [ai]ܘܥܕ ܐܢܐ ܡܡܠܠ ܒܨܠܘܬܐ ܘܓܒܪܐ ܓܒܪܝܐܝܠ ܕܚܙܝܬ ܒܚܙܘܐ ܡܢ ܩܕܝܡ܂ ܦܼܪܚ ܡܦܪܚ ܘܛܣ ܘܐܬܼܐ ܡܢ ܫܡܝܐ܂ ܘܩܼܪܒ ܠܘܬܝ ܒܙܒܢܐ ܕܩܘܪܒܢܐ ܕܪܡܫܐ܂
001.09:22 [ai]ܘܐܬܼܐ ܘܡܠܠ ܥܡܝ ܘܐܡܼܪ ܠܝ܂ ܕܢܝܐܝܠ ܗܫܐ ܢܦܩܬ ܕܐܠܦܟ ܕܬܣܬܟܠ/ܕܬܫܬܘܙܝܒ#3#/܂
001.09:23 [ai]ܒܪܝܫ ܨܠܘܬܟ ܢܦܼܩ ܦܬܓܡܐ/ܦܘܩܕܢܐ#3#/܂ ܘܐܢܐ ܐܬܝܬ ܠܡܚܘܝܘܬܟ ܡܛܠ ܕܪܓܝܓ ܐܢܬ܂ ܐܬܒܝܢ ܒܦܬܓܡܐ ܘܐܣܬܟܠ ܒܚܙܘܐ܂
001.09:24 [ai]ܫܒܥܝܢ ܫܒܘ̈ܥܝܢ ܢܬܬܢܝܚܘܢ ܥܠ ܥܡܟ܂ ܘܥܠ ܩܪܝܬܐ/ܡܕܝܢܬܐ#3#/ ܕܩܘܕܫܟ܂ ܘܠܡܫܠܡ ܚܘܒ̈ܐ ܘܠܡܓܡܪ ܚܛܗ̈ܐ܂ ܠܫܘܒܩܢ ܥܘܼܠܐ܂ ܘܠܡܝܬܝܘ ܙܕܩܐ ܕܡܢ ܥܠܡܐ܂ ܘܠܡܫܠܡ ܚܙܘܐ ܘܢܒ̈ܝܐ܂ ܘܠܡܫܝܚܐ ܩܕܘܫ ܩܘܕ̈ܫܝܢ܂
001.09:25 [ai]ܘܬܕܥ ܘܬܣܬܟܠ ܡܢ ܡܦܩܢܗܿ ܕܡܠܬܐ ܠܡܗܦܟ ܘܠܡܒܢܝܘ ܠܐܘܪܫܠܡ܂ ܘܠܡܐܬܐ ܡܫܝܚܐ ܡܿܠܟܐ܂ ܫܒܘ̈ܥܐ ܫܒܥܐ܂ ܘܫܒܘ̈ܥܐ ܫܬܝܢ ܘܬܪܝܢ܂ ܢܗܦܘܟ ܘܢܒܢܐ ܠܐܘܪܫܠܡ ܫܘܩ̈ܝܗܿ ܘܦܠܛܘ̈ܬܗܿ ܠܫܘܠܡ ܙܒܢܐ܂
001.09:26 [ai]ܘܒܬܪ ܫܒܘ̈ܥܐ ܫܬܝܢ ܘܬܪܝܢ܂ ܢܬܩܛܠ ܡܫܝܚܐ ܘܠܐ ܐܝܬ ܠܗܿ܂ ܘܩܪܝܬܐ ܕܩܘܕܫܐ ܬܬܚܒܠ ܥܡ/ܥܠ#3#/ ܡܿܠܟܐ ܕܐܿܬܐ܂ ܘܚܪܬܗܿ ܒܓܪܘܦܝܐ܂ ܘܥܕܡܐ ܠܚܪܬܐ ܕܩܪܒܐ ܕܦܣܝ̈ܩܬܐ ܕܚܒܿܠܐ܂
001.09:27 [ai]ܘܢܥܿܫܢ ܕܝܬܩܐ ܠܣܓܝܐ̈ܐ܂ ܫܒܘܥܐ ܚܕ ܘܦܠܓܘܬ ܫܒܘܥܐ܂ ܘܢܒܿܛܠ ܕܒܚܬܐ ܘܩܘܪ̈ܒܢܐ܂ ܘܥܠ ܟܢ̈ܦܝܗܿ ܕܛܢܦܘܬܐ ܚܒܿܠܐ܂ ܥܕܡܐ ܠܓܡܘܪܝܐ ܕܦܣܝ̈ܩܬܐ܂ ܬܬܢܝܚ ܥܠ ܚܒܿܠܐ܀܀
001.10:01 [ai]ܒܫܢܬ ܬܠܬ ܕܟܘܪܫ ܡܿܠܟܐ ܕܦܪܣ ܦܬܓܡܐ ܐܬܓܠܝ ܠܕܢܝܐܝܠ ܕܐܬܩܪܝ ܫܡܗ ܒܠܛܫܨܪ܂ ܘܫܪܝܪ ܦܬܓܡܐ܂ ܘܒܚܝܠܐ ܪܒܐ ܡܬܒܝܢ ܦܬܓܡܐ/ܒܦܬܓܡܐ#3#/܂ ܘܐܣܬܟܠ ܒܗ ܒܚܙܘܐ܂
001.10:02 [ai]ܒܝܘܡ̈ܬܐ ܗܢܘܢ ܐܢܐ ܕܢܝܐܝܠ ܗܘܝܬ ܝܬܿܒ ܒܐܒܠܐ ܬܠܬܐ ܫܒܘ̈ܥܝܢ ܕܝܘܡ̈ܝܢ܂
001.10:03 [ai]ܠܚܡܐ ܕܪܓܬܐ ܠܐ ܐܟܠܬ܂ ܘܒܣܪܐ ܘܚܡܪܐ ܠܐ ܥܠ ܠܦܘܡܝ܂ ܘܡܫܚܐ ܠܐ ܡܫܚܬ܂ ܥܕܡܐ ܕܫܠܼܡܘ ܬܠܬܐ ܫܒܘ̈ܥܝܢ ܕܝܘܡ̈ܝܢ܂
001.10:04 [ai]ܒܝܘܡ ܐܪܒܥܐ ܘܥܣܪܝܢ ܒܝܪܚܐ ܩܕܡܝܐ ܐܢܐ ܗܘܝܬ ܥܠ ܝܕ ܢܗܪܐ ܪܒܐ ܦܪܬ܂
001.10:05 [ai]ܘܐܪܝܡܬ ܥܝ̈ܢܝ ܘܚܙܝܬ ܘܗܐ ܓܒܪܐ ܚܕ ܕܠܒܝܫ ܠܒܘ̈ܫܝܢ ܕܐܝܩܪ܂ ܘܚܨܘ̈ܗܝ ܚܙܝܩܝܢ ܒܐܝܩܪ ܬܫܒܘܚܬܐ/ܕܬܫܒܘܚܬܐ#3#/܂
001.10:06 [ai]ܘܚܙܘܗ ܡܫܓܢܝ/ܡܫܢܝ#3#/ ܘܠܝܬ ‍<‍ܗܘܐ#3#‍>‍ ܠܗ ܕܡܘ܂ ܘܐ̈ܦܘܗܝ ܐܝܟ ܚܙܘܐ ܕܒܪܩܐ ܘܥܝܢ̈ܘܗܝ ܐܝܟ ܠܡܦܐܕ̈ܐ ܕܢܘܪܐ ܘܕܪ̈ܥܘܗܝ ܘܟܬ̈ܦܬܗ ܐܝܟ ܥܝܢܐ ܕܢܚܫܐ ܕܡܒܪܩ܂ ܘܩܠܐ ܕܦܬܓ̈ܡܘܗܝ ܐܝܟ ܩܠ ܚܝ̈ܠܝܢ ܣܓܝܐ̈ܝܢ܂
001.10:07 [ai]ܘܚܙܝܬ ܐܢܐ ܕܢܝܐܝܠ ܒܠܚܘܕܝ ܚܙܘܐ ܗܢܐ܂ ܘܓܒܪ̈ܐ ܕܗܘܘ ܥܡܝ ܠܐ ܚܙܘ܂ ܐܠܐ ܕܚܠܬܐ ܪܒܬܐ ܢܦܠܬ ܥܠܝܗܘܢ ܘܥܼܪܩܘ ܡܢ ܕܚܠܬܐ܂
001.10:08 [ai]ܘܐܢܐ ܒܠܚܘܕܝ ܐܫܬܚܪܬ ܘܚܙܝܬ ܚܙܘܐ ܗܢܐ ܪܒܐ܂ ܘܠܐ ܐܫܬܚܪ ܒܝ ܚܝܠܐ܂ ܘܓܘܝ ܐܬܗܦܟ ܠܡܬܚܒܠܘ/ܠܡܚܒܠܘ#3#/܂ ܘܠܐ ܗܘܐ ܒܝ ܚܝܠ܂
001.10:09 [ai]ܘܟܕ ܫܡܥܬ ܩܠܐ ܕܡ̈ܠܘܗܝ ܢܦܠܬ ܥܠ ܐ̈ܦܝ ܥܠ ܐܪܥܐ܂
001.10:10 [ai]ܘܗܐ ܐܝܕܐ ܩܪܒܬ ܠܝ ܘܐܩܝܡܬܢܝ ܥܠ ܒܘܪ̈ܟܝ ܘܥܠ ܦܣܬ ܐܝ̈ܕܝ܂
001.10:11 [ai]ܘܐܡܼܪ ܠܝ܂ ܩܘܡ ܕܢܝܐܝܠ ܓܒܪܐ ܕܪܓܬܐ܂ ܘܐܣܬܟܠ ܒܦܬܓܡܐ ܕܡܡܠܠ ܐܢܐ ܥܡܟ܂ ܘܩܘܡ ܥܠ ܩܝܡܟ ܡܛܠ ܕܗܫܐ ܐܫܬܕܪܬ ܥܠܝܟ܂ ܘܟܕ ܡܡܠܠ ܥܡܝ ܡܠܬܐ ܗܕܐ ܩܐܿܡ ܗܘܝܬ ܘܪܐܿܬ܂
001.10:12 [ai]ܘܐܡܼܪ ܠܝܿ ܠܐ ܬܕܚܠ ܕܢܝܐܝܠ ܡܛܠ ܕܡܢ ܝܘܡܐ ܩܕܡܝܐ ܕܝܗܒܬ ܠܒܟ ܠܝܕܥܬܐ ܠܡܩܡ ܩܕܡ ܐܠܗܟ ܐܫܬܡܥ ܡ̈ܠܝܟ܂ ܘܐܢܐ ܐܬܝܬ ܒܡ̈ܠܝܟ܂
001.10:13 [ai]ܘܫܠܝܛܐ ܕܡܠܟܘܬܐ ܕܦܪܣ ܩܡ ܠܘܩܒܠܝ ܥܣܪܝܢ ܘܚܕ ܝܘܡ܂ ܘܗܐ ܡܝܟܐܝܠ ܚܕ ܡܢ ܪ̈ܘܪܒܢܐ ܩܕܡ̈ܝܐ ܐܬܼܐ ܠܡܥܕܪܘܬܢܝ܂ ܘܐܫܬܘܚܪܬ/ܘܐܫܬܟܚܬ#3#/ ܬܡܢ ܠܘܩܒܠ ܫܠܝܛܐ ܕܦܪܣ܂
001.10:14 [ai]ܘܐܢܐ ܐܬܝܬ ܠܡܚܘܝܘܬܟ ܡܕܡ ܕܓܕܫ ܠܥܡܟ ܒܚܪܬܐ ܕܝܘܡ̈ܬܐ ܡܛܠ ܕܬܘܒ ܚܙܘܐ ܠܣܘܦ ܝܘܡ̈ܬܐ܀
001.10:15 [ai]ܘܟܕ ܡܡܠܠ ܥܡܝ ܡ̈ܠܐ ܗܠܝܢ ܣܡܬ ܐ̈ܦܝ ܒܐܪܥܐ/ܥܠ ܐܪܥܐ#3#/ ܘܫܬܩܬ܂
001.10:16 [ai]ܘܗܐ ܐܝܟ ܕܡܘܬܐ ܕܐܢܫܐ ܩܼܪܒ ܠܣܦܘ̈ܬܝ܂ ܘܦܬܼܚ ܦܘܡܝ ܘܡܠܠܬ ܘܐܡܪܬ ܠܗܿܘ ܕܩܐܿܡ ܠܘܩܒܠܝ܂ ܡܪܝ ܒܚܙܘܐ ܐܬܗܦܟ ܓܘܝ ܥܠܝ ܘܠܐ ܐܫܟܚܬ ܠܡܩܡ܂
001.10:17 [ai]ܘܐܝܟܢܐ ܡܫܟܚ ܥܼܒܕܗ ܕܡܪܝ ܗܢܐ ܠܡܡܠܠܘ ܥܡ ܡܪܝ ܗܢܐ܂ ܕܗܐ ܠܝܬ ܒܝ ܚܝܠܐ܂ ܘܢܫܡܬܐ/ܕܢܫܡܬܐ#3#/ ܠܐ ܐܫܬܚܪܬ ܒܝ܂
001.10:18 [ai]ܘܐܘܣܦ ܩܼܪܒ ܠܝ ܐܝܟ ܚܙܘܐ ܕܐܢܫܐ ܘܚܝܠܢܝ܂
001.10:19 [ai]ܘܐܡܼܪ ܠܝ܂ ܠܐ ܬܕܚܠ ܓܒܪܐ ܕܪܓܬܐ܂ ܫܠܡ ܠܟ܂ ܐܬܚܝܠ ܘܐܬܥܫܢ܂ ܘܟܕ ܡܡܠܠ ܥܡܝ ܐܬܚܝܠܬ܂ ܘܐܡܪܬ ܢܡܠܠ ܡܪܝ ܡܛܠ ܕܐܬܚܝܿܠܬ܂
001.10:20 [ai]ܘܐܡܼܪ ܠܝ܂ ܝܿܕܥ ܐܢܬ ܠܡܢܐ ܐܬܝܬ ܠܘܬܟ܂ ܗܫܐ ܐܗܦܘܟ ܠܡܥܒܕ ܩܪܒܐ ܥܡ ܫܠܝܛܐ ܕܦܪܣ܂ ܘܐܢܐ ܢܦܩܬ ܘܗܐ ܫܠܝܛܐ ܕܝܘ̈ܢܝܐ ܐܬܼܐ܂
001.10:21 [ai]ܒܪܡ ܐܚܘܝܟ ܡܕܡ ܕܪܫܝܡ ܒܟܬܒܐ ܕܩܘܫܬܐ܂ ܘܠܝܬ ܕܡܿܥܕܪ ܗܘܐ ܠܝ ܒܗܠܝܢ ܟܠܗܝܢ ܐܠܐ ܐܢ ܡܝܟܐܝܠ ܫܠܝܛܟܘܢ
001.11:01 [ai]ܘܐܢܐ܀ ܒܫܢܬ ܚܕܐ ܕܕܪܝܘܫ ܡܕܝܐ ܩܡ ܠܡܚܝܠܘܬܢܝ ܘܠܡܥܫܢܘܬܢܝ܂
001.11:02 [ai]ܡܟܝܠ ܒܩܘܫܬܐ ܐܚܘܝܟ܂ ܬܘܒ ܬܠܬܐ ܡܿܠܟ̈ܝܢ ܢܩܘܡܘܢ ܒܦܪܣ܂ ܘܪܒܝܥܝܐ ܢܥܬܪ ܥܘܬܪܐ ܪܒܐ ܝܬܝܪ ܡܢ ܟܠܗܘܢ܂ ܘܡܐ ܕܥܼܫܢ ܒܐܬܪܗ܂ ܢܥܝܪ ܟܘܠ ܡܠܟܘ̈ܬܗܘܢ ܕܝܘ̈ܢܝܐ܂
001.11:03 [ai]ܘܢܩܘܡ ܡܿܠܟܐ ܓܢܒܪܐ ܘܢܫܠܛ ܫܘܠܛܢ ܪܒ܂ ܘܢܥܒܕ ܐܝܟ ܨܒܝܢܗ܂
001.11:04 [ai]ܘܟܕ ܩܐܿܡ ܬܬܒܪ ܡܠܟܘܬܗ܂ ܘܬܬܒܕܪ ܠܐܪܒܥ ܪ̈ܘܚܝ ܫܡܝܐ܂ ܘܠܐ ܐܝܟ ܣܘܦܗ ܘܠܐ ܐܝܟ ܫܘܠܛܢܗ ܕܐܫܬܠܛ܂ ܐܠܐ ܬܬܥܩܪ ܡܠܟܘܬܗ ܘܠܝܬ ܐܚܪܝܢ ܠܒܪ ܡܢ ܗܠܝܢ܂
001.11:05 [ai]ܘܢܥܫܢ ܡܿܠܟܐ ܕܬܝܡܢܐ ܘܪ̈ܘܪܒܢܘܗܝ ܘܢܬܩܦ ܥܠܘܗܝ܂ ܘܢܫܠܛ ܫܘܠܛܢ ܪܒ܂
001.11:06 [ai]ܘܠܣܘܦ ܫܢ̈ܝܐ ܢܫܬܘܘܢ ܘܒܪܬ ܡܿܠܟܐ ܕܬܝܡܢܐ ܬܐܙܠ ܠܘܬ ܡܿܠܟܐ ܕܓܪܒܝܐ ܠܡܥܒܕ ܫܝܢܐ ܒܝܢܬܗܘܢ ܘܠܐ ܢܗܘܐ ܒܗܿ ܚܝܠ ܡܢ ܕܚܠܬܐ ܕܬܕܚܠ܂ ܘܬܫܬܠܡ ܗܝ ܘܡܝܬܝܢ̈ܝܗܿ܂ ܘܥ̈ܠܝܡܬܗܿ ܘܡܬܩ̈ܦܢܝܗܿ܂ ܒܙܒܢܐ ܗܿܘ܂
001.11:07 [ai]ܘܢܩܘܡ ܡܢ ܥܩܪܐ ܕܙܪܥܗ ܥܠ ܐܬܪܗ܀܂ ܘܢܐܬܐ ܒܚܝܠܐ܂ ܘܢܐܬܐ ܒܬܘܩܦܐ ܥܠ ܡܿܠܟܐ ܕܓܪܒܝܐ܂ ܘܢܥܒܪ ܒܗܘܢ ܘܢܬܩܦ܂
001.11:08 [ai]ܘܐܦ ܕܚܠܬܗܘܢ ܘܡܐ̈ܢܝ ܪܓܬܗܘܢ܂ ܟܣܦܐ ܘܕܗܒܐ ܘܫܒܝܬܐ ܢܚܬ ܠܡܨܪܝܢ܂ ܘܗܼܘ ܚܕ ܬܪܝܢ ܢܩܘܡ ܥܠ ܡܿܠܟܐ ܕܓܪܒܝܐ܂
001.11:09 [ai]ܘܢܥܘܠ ܒܬܩܘܦ ܡܿܠܟܐ ܕܬܝܡܢܐ܂ ܘܢܗܦܘܟ ܠܐܪܥܗ܂
001.11:10 [ai]ܘܒܢ̈ܘܗܝ ܢܬܓܪܘܢ ܘܢܟܢܫܘܢ ܚ̈ܝܠܝܢ ܣܓܝܐ̈ܝܢ ܘܢܥܠܘܢ ܥܠܘܗܝ܂ ܘܢܓܪܦܘܢ ܘܢܥܒܪܘܢ ܘܢܗܦܟܘܢ ܘܢܬܓܪܘܢ ܥܕܡܐ ܠܥܘܫܢܐ܂
001.11:11 [ai]ܘܢܬܡܪܡܪ ܡܿܠܟܐ ܕܬܝܡܢܐ܂ ܘܢܦܘܩ ܢܐܪܥܝܘܗܝ ܠܡܿܠܟܐ ܕܓܪܒܝܐ܂ ܘܢܩܝܡ ܚܝܠ ܪܒ܂ ܘܢܫܼܬܠܡ ܚܝܠܐ ܗܿܘ ܒܐܝܕܗ܂
001.11:12 [ai]ܘܢܘܒܕܝܘܗܝ ܠܚܝܠܐ ܘܢܬܪܝܡ ܠܒܗ܂ ܘܢܪܡܐ ܣܓܝܐ̈ܝܢ ܘܠܐ ܢܬܩܦ܂
001.11:13 [ai]ܘܢܗܦܘܟ ܡܿܠܟܐ ܕܓܪܒܝܐ ܘܢܩܝܡ ܚܝܠܐ ܕܣܓܝ ܡܢ ܩܕܡܝܐ܂ ܘܠܫܘܠܡ ܙܒܢܐ ܚܕ ܬܪܝܢ ܢܐܬܐ ܒܡܐܬܝܬܝܗ܂ ܒܚܝܠ ܣܓܝ܂ ܘܒܦܪ̈ܫܝܢ ܬܩܝܦܝܢ܂
001.11:14 [ai]ܘܒܙܒܢܐ ܗܘܿ܂ ܣܓܝܐ̈ܐ ܢܩܘܡܘܢ ܥܠ ܡܿܠܟܐ ܕܓܪܒܝܐ܂ ܘܒܢ̈ܝ ܥܘܼܠܐ ܥܡܟ ܢܬܪܝܡܘܢ ܠܡܩܡܘ ܚܙܘܐ ܘܢܣܬܚܦܘܢ܂
001.11:15 [ai]ܘܢܐܬܐ ܡܿܠܟܐ ܕܓܪܒܝܐ ܘܢܟܡܢ ‍<‍ܠܗܘܢ#2#‍>‍ ܟܡܐ̈ܢܐ܂ ܘܢܟܒܘܫ ܚܣ̈ܢܝܢ ܬܩܝ̈ܦܝܢ/ܣܓܝ̈ܐܝܢ#2#/܂ ܘܕܪܥܐ ܕܬܝܡܢܐ ܠܐ ܢܩܘܡ܂ ܡܛܠ ܕܠܝܬ ܒܗܘܢ ܚܝܠܐ ܠܡܩܡ܂ ܘܢܩܘܡܘܢ ܓܒ̈ܝܐ ܕܥܡܐ ܘܠܐ ܢܫܟܚܘܢ ܡܛܠ ܕܠܝܬ ܒܗܘܢ ܚܝܠܐ ܠܡܩܡ܂
001.11:16 [ai]ܘܢܥܒܕ ܗܿܘ ܕܐܿܬܐ ܥܠܘܗܝ ܐܝܟ ܨܒܝܢܗ ܘܠܝܬ ܕܢܩܘܡ ܩܕܡܘܗܝ܂ ܘܢܩܘܡ/ܘܢܥܘܠ#3#/ ܒܐܪܥܐ ܕܝܣܪܝܠ ܘܬܫܬܠܡ ܒܐܝ̈ܕܘܗܝ܂
001.11:17 [ai]ܘܢܣܝܡ ܐܦܘ̈ܗܝ ܠܡܥܠ ܒܬܩܘܦ ܟܠ ܡܠܟܘ̈ܬܐ܂ ܘܟܠ ܥܡܗ ܢܥܒܪ܂ ܘܒܪܬܐܢܫܐ ܬܬܝܗܒ ܠܗ ܠܡܚܒܠܘܬܗ܂ ܘܠܐ ܬܩܘܡ ܘܠܐ ܬܗܘܐ ܕܝܠܗ܂
001.11:18 [ai]ܘܢܿܗܦܟ ܐܦܘ̈ܗܝ ܥܠ ܓܙܪ̈ܬܐ ܕܝܡܐ܂ ܘܢܟܒܘܫ ܣܓܝܐ̈ܐ܂ ܘܢܒܿܛܠ ܫܠܝܛܐ ܕܡܚܿܣܕ ܗܘܐ ܠܗ܂ ܘܚܣܕܗ ܢܿܗܦܟ ܠܗ܂
001.11:19 [ai]ܘܢܣܝܡ ܐܦܘ̈ܗܝ ܥܠ ܬܘܩܦܗܿ ܕܐܪܥܐ܂ ܘܢܣܬܚܦ ܘܢܦܠ ܘܠܐ ܢܫܬܟܚ܂
001.11:20 [ai]ܘܢܩܘܡ ܥܠ ܡܬܩܢܗ ܡܥܒܪ ܫܘܠܛܢ ܘܗܕܪ ܡ̈ܠܟܘܢ ܘܒܝܘܡ̈ܬܐ ܙܥܘܪ̈ܐ ܢܬܬܒܪ܂ ܠܐ ܒܪܘܓܙܐ ܘܠܐ ܒܩܐܪܣܐ܂
001.11:21 [ai]ܘܢܩܘܡ ܥܠ ܐܬܪܗ ܚܠܫܐ܂ ܘܠܐ ܢܬܝܗܒ ܥܠܘܗܝ ܗܕܪ ܡܠܟܘ̈ܬܐ ܘܢܐܬܐ ܒܫܠܝܐ܂ ܘܢܐܚܘܕ ܡܠܟܘܬܐ ܒܫܪ̈ܥܬܐ܂
001.11:22 [ai]ܘܬܘܩܦܗܘܢ ܕܟܪ̈ܟܐ ܢܬܒܙܙ܂ ܘܢܬܬܒܪܘܢ ܡܢ ܩܕܡܘܗܝ܂ ܐܦ ܡܕܒܪ̈ܢܐ ܕܕܝܬܩܐ܂
001.11:23 [ai]ܘܡܢ ܐܝܠܝܢ ܕܡܫܬܘܬܦܝܢ ܠܗ ܢܥܒܕܘܢ ܥܠܘܗܝ ܢܟܠܐ ܘܢܣܩ ܘܢܬܩܦ ܒܥܡܐ ܙܥܘܪܐ܂
001.11:24 [ai]ܘܒܫܡܝܢ̈ܐ ܕܡܕ̈ܝܢܬܐ܂ ܘܢܥܒܕ ܡܕܡ ܕܠܐ ܥܼܒܕܘ ܐܒܗ̈ܘܗܝ ܘܐܒܗ̈ܐ ܕܐܒܗ̈ܘܗܝ܂ ܘܒܙܬܐ ܘܫܒܝܬܐ ܘܩܢܝܢܗܘܢ ܢܕܒܪ ܘܥܠ ܟܪ̈ܟܝܗܘܢ ܢܬܚܫܒ ܡܚ̈ܫܒܢ܂ ܘܥܕܡܐ ܠܙܒܢܐ
001.11:25 [ai]ܢܬܬܥܝܪ ܚܝܠܗ܂ ܘܠܒܗ ܥܠ ܡܿܠܟܐ ܕܬܝܡܢܐ܂ ܒܚܝܠ ܪܒ ܘܬܩܝܦ܂ ܘܡܿܠܟܐ ܕܬܝܡܢܐ ܢܬܓܪܓ/ܢܬܓܪܐ#3#/ ܠܩܪܒܐ ܒܚܝܠܐ ܪܒܐ܂ ܘܢܥܫܢ ܪܘܪܒܐܝܬ܂ ܘܠܐ ܢܩܘܡ܂ ܡܛܠ ܕܢܬܚܫܒܘܢ ܥܠܘܗܝ ܡܚ̈ܫܒܢ܂
001.11:26 [ai]ܘܐܟ̈ܠܝ ܦܛܒܓܗ ܢܬܒܪܘܢܗ܂ ܘܚܝܠܗ ܢܬܒܕܪ/ܢܬܒܙܙ#2#/܂ ܘܢܦܠܘܢ ܚܪ̈ܝܒܐ ܣܓܝܐ̈ܐ܂
001.11:27 [ai]ܘܬܪ̈ܝܗܘܢ ܡ̈ܠܟܐ ܗܠܝܢ ܠܒܗܘܢ ܠܒܝܫܬܐ ܘܥܠ ܚܕ ܦܬܘܪܐ ܢܟܠܐ ܢܡܠܠܘܢ ܘܠܐ ܢܨܠܚܘܢ܂ ܡܛܠ ܕܡܛܝ ܩܨܐ ܠܙܒܢܗ܂
001.11:28 [ai]ܘܢܗܦܘܟ ܠܐܪܥܗ ܒܚܝܠ ܣܓܝ܂ ܘܠܒܗ ܥܠ ܩܝܡܐ ܩܕܝܫܐ܂ ܘܢܥܒܕ
001.11:29 [ai]ܐܝܟ ܕܒܩܕܡܝܬܐ ܐܦ ܒܐܚܪܝܬܐ܂
001.11:30 [ai]ܘܢܐ̈ܬܝܢ ܥܠܘܗܝ ܡܫܪ̈ܝܬܐ ܕܟܬ̈ܝܐ ܘܢܬܒܪܘܢܗ܂ ܘܢܗܦܘܟ ܘܢܪܓܙ ܥܠ ܩܝܡܐ ܩܕܝܫܐ܂ ܘܢܬܒܝܢ ܒܐܝܠܝܢ ܕܫܒܼܩܘ ܩܝܡܐ ܩܕܝܫܐ܂
001.11:31 [ai]ܘܬܘܩܦܗܘܢ ܡܢܗܘܢ ܢܩܘܡ܂ ܘܢܛܢܦܘܢ ܡܩܕܫܐ ܥܫܝܢܐ ܘܢܥܒܪܘܢ ܩܘܪ̈ܒܢܐ܂ ܘܢܬܠܘܢ ܛܢܦܘܬܐ ܠܚܒܿܠܐ܂
001.11:32 [ai]ܘܐܝܠܝܢ ܕܡܥܠܝܢ ܥܠ ܩܝܡܐ ܢܚܿܝܒ ܐܢܘܢ ܘܥܡܐ ܕܝܿܕܥܝܢ ܕܚܠܬܐ ܢܬܩܦܘܢ܂
001.11:33 [ai]ܘܙܕܝܩ̈ܘܗܝ ܕܥܡܐ ܢܠܦܘܢ ܠܣܓܝܐ̈ܐ܂ ܘܢܬܬܩܠܘܢ ܒܚܪܒܐ ܘܒܢܘܪܐ܂ ܘܒܫܒܝܐ ܘܒܒܙܬܐ ܝܘܡ̈ܝܢ ܐܠܦ܂
001.11:34 [ai]ܘܡܐ ܕܐܣܬܚܦܘ ܢܬܥܕܪܘܢ ܥܘܕܪܢܐ ܩܠܝܠ܂ ܘܢܬܬܘܣܦܘܢ ܥܠܝܗܘܢ ܣܓܝ ܒܦܠܓܘܬܐ܂
001.11:35 [ai]ܘܡܢ ܚܟܝܡ̈ܐ ܢܣܬܿܚܦܘܢ ܠܡܒܚܪ ܒܗܘܢ ܘܠܡܬܒܝܢܘ ܥܕ ܥܕܢ ܩܨܐ܂ ܡܛܠ ܕܬܘܒ ܐܝܬ ܢܘܓܪܐ ܠܙܒܢܐ܂
001.11:36 [ai]ܘܢܥܒܕ ܡܿܠܟܐ ܐܝܟ ܨܒܝܢܗ܂ ܘܢܬܬܪܝܡ ܥܠ ܟܠ ܐܠܗ܂ ܘܥܠ ܐܠܗ ܐܠܗ̈ܝܢ ܢܡܠܠ ܪ̈ܘܪܒܢ܂ ܘܢܨܠܚ ܥܕ ܢܫܼܠܡ ܪܘܓܙܐ܂ ܡܛܠ ܕܦܣܝܩܬܐ ܐܬܥܒܕܬ܂
001.11:37 [ai]ܘܒܐܠܗܐ ܕܐܒܗ̈ܘܗܝ ܠܐ ܢܬܒܝܢ܂ ܘܥܠ ܪܓܬ ܢܫ̈ܐ ܘܥܠ ܟܠ ܐܠܗ ܠܐ ܢܬܚܫܒ܂ ܐܠܐ ܥܠ ܟܠ ܢܬܬܪܝܡ܂
001.11:38 [ai]ܘܠܐܠܗܐ ܥܫܝܢܐ ܥܠ ܡܬܩܢܗ ܢܝܩܪ܂ ܘܠܐܠܗܐ ܕܠܐ ܝܕܥܘ ܐܒܗ̈ܘܗܝ ܢܝܩܪ܂ ܒܕܗܒܐ ܘܒܟܣܦܐ/ܘܒܣܐܡܐ#1##2#/܂ ܘܒܚܘܡܪ̈ܐ ܛܒ̈ܬܐ܂ ܘܒܪܓܬܐ܂
001.11:39 [ai]ܘܢܥܒܪ ܠܟܪ̈ܟܐ ܥܫܝܢ̈ܐ ܥܠ ܐܠܗ̈ܐ ܢܘܟܪ̈ܝܐ܂ ܕܢܚܙܐ/ܘܢܚܙܐ#2#/ ܘܢܫܠܛ ܒܣܓܝܐ̈ܐ܂ ܘܐܪܥܐ ܢܦܠܓ ܒܕܡ̈ܝܐ܂
001.11:40 [ai]ܘܒܥܕܢ ܩܨܐ ܢܬܟܬܫ ܥܡܗ ܡܿܠܟܐ ܕܬܝܡܢܐ܂ ܘܢܬܬܙܝܥ ܥܠܘܗܝ ܡܿܠܟܐ ܕܓܪܒܝܐ܂ ܒܙܘ̈ܓܐ ܘܒܦܪ̈ܫܐ ܘܒܐ̈ܠܦܐ ܣܓܝܐ̈ܬܐ܂ ܘܢܥܘܠ ܒܐܪܥܐ܂
001.11:41 [ai]ܘܢܡܛܐ ܠܐܪܥܐ ܕܐܝܣܪܝܠ ܘܣܓ̈ܝܐܐ ܢܬܩܛܠܘܢ ܘܗܠܝܢ ܢܬܦܨܘܢ ܡܢ ܐܝܕ̈ܘܗܝ ܐܕܘܡ ܘܡܘܐܒ ܘܫܪܟܐ ܕܒ̈ܢܝ ܥܡܘܢ܂
001.11:42 [ai]ܘܢܘܫܛ ܐܝܕܗ ܒܐܬܪ̈ܘܬܐ܂ ܘܐܪܥܐ ܕܡܨܪܝܢ ܠܐ ܬܫܬܘܙܒ ܡܢ ܐܝܕ̈ܘܗܝ܂
001.11:43 [ai]ܘܢܫܠܛ ܒܝܬ ܓܙܐ ܕܕܗܒܐ ܘܕܣܐܡܐ܂ ܘܕܟܠ ܪܓܬ ܡܨܪܝܢ܂ ܘܠܘܒ̈ܝܐ ܘܟܘܫ̈ܝܐ ܢܗܘܘܢ ܒܥܘܕܪܢܗ܂
001.11:44 [ai]ܘܛܒܼ̈ܐ ܢܣܪܗܒܘܢܗ܂ ܡܢ ܡܕܢܚܐ ܘܡܢ ܓܪܒܝܐ܂ ܘܢܦܘܩ ܒܚܡܬܐ ܪܒܬܐ܂ ܠܡܚܪܒ/ܠܡܚܪܒܘ#1##2#/ ܘܠܡܘܒܕܘ ܠܣܓܝܐ̈ܐ܂
001.11:45 [ai]ܘܢܩܘܫ ܠܗ ܡܫܟܢܗ ܒܐܬܪܐ ܫܦܝܐ܂ ܒܝܬ/ܒܝܢܬ#2#/ ܝܡܐ ܠܛܘܪܐ܂ ܘܢܛܪ ܩܘܕܫܗ ܘܢܡܛܐ ܥܕܢ ܩܨܗ܂ ܘܠܐ ܢܗܘܐ ܠܗ ܡܥܕܪܢܐ܀܂
001.12:01 [ai]ܒܗ ܒܙܒܢܐ ܗܿܘ ܢܩܘܡ ܡܝܟܐܝܠ ܡܠܐܟܐ ܪܒܐ ܕܦܩܝܕ ܥܠ ܒܢ̈ܝ ܥܡܟ܂ ܘܢܗܘܐ ܙܒܢܐ ܕܐܘܠܨܢܐ ܕܠܐ ܗܼܘܐ ܐܟܘܬܗ ܡܢ ܝܘܡ̈ܬ ܥܠܡ̈ܐ܂ ܘܒܗ ܒܙܒܢܐ ܗܿܘ܂ ܢܫܬܘܙܒ ܡܢ ܒܢ̈ܝ ܥܡܟ ܟܠ ܕܢܫܬܟܚ ܕܟܬܝܒ ܒܣܼܦܪܐ܂
001.12:02 [ai]ܘܣܓܝܐ̈ܐ ܐܝܠܝܢ ܕܕܡܟܝܢ ܒܥܦܪܐ ܢܬܬܥܝܪܘܢ ܗܠܝܢ ܠܚܝ ܥ̈ܠܡܐ ܘܗܠܝܢ ܠܐܒܕܢܐ ܘܠܚܣܕܐ ܕܚܒܪ̈ܝܗܘܢ ܠܥܠܡ܂
001.12:03 [ai]ܘܥܿܒ̈ܕܝ ܛܿܒ̈ܬܐ ܘܣܟܘ̈ܠܬܢܐ ܢܢܗܪܘܢ ܐܝܟ ܢܘܗܪܗ ܕܪܩܝܥܐ܂ ܘܐܝܠܝܢ ܕܡܙܟܝܢ ܠܣܓܝ̈ܐܐ ܢܗܘܘܢ ܡܙܗܪܝܢ/ܘܡܢܗܪܝܢ#1##2#/ ܘܩܿܝܡܝܢ ܐܝܟ ܟܘܟ̈ܒܐ ܠܥܠܡ܂ ܘܠܥܠܡ ܥܠܡܝܢ܂
001.12:04 [ai]ܘܐܢܬ ܕܝܢ ܕܢܝܐܝܠ ܚܬܘܡ ܦܬܓܡ̈ܐ ܗܠܝܢ ܘܫܬܘܩ܂ ܘܚܬܘܡ ܣܼܦܪܐ ܗܢܐ ܥܕ ܥܕܢ ܩܨܐ܂ ܢܒܥܘܢ/ܕܢܒܥܘܢ#3#/ ܣܓܝܐ̈ܐ ܘܬܣܓܐ ܝܕܥܬܐ܂
001.12:05 [ai]ܘܚܙܝܬ ܐܢܐ ܕܢܝܐܝܠ ܘܗܐ ܬܪܝܢ ܐܚܪ̈ܢܝܢ ܩܝܡܝܢ܂ ܚܕ ܒܗܕܐ ܣܦܬܗ ܕܢܗܪܐ܂ ܘܚܕ ܒܗܿܝ܂
001.12:06 [ai]ܘܐܡܼܪܘ ܠܓܒܪܐ ܕܠܒܝܫ ܠܒܘ̈ܫܝܢ ܕܐܝܩܪ ܘܩܐܿܡ ܠܥܠ ܡܢ ܡ̈ܝܐ ܕܢܗܪܐ܂ ܥܕܡܐ ܠܐܡܬܝ ܩܨܐ ܗܢܐ܀܂܀܂
001.12:07 [ai]ܘܫܡܥܬ ܠܓܒܪܐ ܕܠܒܝܫ ܠܒܘܫ̈ܝܢ ܕܐܝܩܪ ܘܩܐܿܡ ܠܥܠ ܡܢ ܡ̈ܝܐ ܕܢܗܪܐ ܕܐܪܝܡ ܝܡܝܢܗ ܘܣܡܠܗ ܠܘܬ ܫܡܝܐ ܘܝܡܼܐ ܒܚܝ ܥܠܡ̈ܐ܂ ܕܠܥܕܢ ܥܕ̈ܢܝܢ ܘܦܠܓܘܬ ܥܕܢ܂ ܘܒܥܕܢ ܕܢܬܦܨܝ̈ܢ ܐܝ̈ܕܝܐ ܕܟܠ ܥܡܐ ܩܕܝܫܐ ܢܫܠܡ̈ܢ ܗܠܝܢ ܟܠܗܝܢ܂
001.12:08 [ai]ܘܐܢܐ ܕܢܝܐܝܠ ܫܡܥܬ ܘܠܐ ܐܫܬܘܕܥܬ/ܐܣܬܟܠܬ#3#/܂ ܘܐܡܪܬ܂ ܡܪܝ ܡܢܐ ܒܬܪ ܗܠܝܢ܂
001.12:09 [ai]ܘܐܡܼܪ ܠܝ܂ ܙܠ ܕܢܝܐܝܠ ܡܛܠ ܕܟܣܼܝܢ ܐܢܘܢ ܘܚܬܝܡܝܢ ܦܬܓܡ̈ܐ ܥܕ ܥܕܢ ܩܨܐ܂
001.12:10 [ai]ܢܬܓܒܘܢ ܘܢܬܚܘܪܘܢ ܘܢܬܒܚܪܘܢ ܣܓܝܐ̈ܐ܂ ܘܢܚܼܛܘܢ ܚܛ̈ܝܐ ܘܠܐ ܢܣܬܟܠܘܢ ܟܠܗܘܢ ܚܛ̈ܝܐ܂ ܥܿܒ̈ܕܝ ܛܿܒ̈ܬܐ ܕܝܢ ܢܣܬܟܠܘܢ܂
001.12:11 [ai]ܘܡܢ ܙܒܢܐ ܕܢܥܒܪ ܩܘܪܒܢܐ ܬܬܝܗܒ ܛܢܦܘܬܐ ܠܚܒܿܠܐ ܝܘܡ̈ܝܢ ܐܠܦ ܘܡܐ̈ܬܝܢ ܘܬܫܥܝܢ܂
001.12:12 [ai]ܛܘܒܘܗܝ ܠܡܿܢ ܕܢܣܿܟܐ ܕܢܡܛܐ ܠܝܘܡ̈ܝܢ ܐܠܦ ܘܬܠܬܡܐܐ܂ ܘܬܠܬܝܢ ܘܚܡܫܐ܂
001.12:13 [ai]ܘܐܢܬ ‍<‍ܕܝܢ#1##2#‍>‍ ܕܢܝܐܝܠ ܙܠ ܠܩܨܐ ܢܘܚ ܘܬܩܘܡ ܠܙܒܢܟ/ܬܬܢܚܡ#3#/ ܠܣܘܦ ܝܘܡ̈ܬܐ܂
001.99:99 [ai]‍<‍ܫܠܡ ܕܢܝܐܝܠ /ܫܠܡ ܠܡܟܬܒ ܕܢܝܐܝܠ ܢܒܝܐ#3# /ܫܠܡ ܟܬܒܐ ܕܕܢܝܐܝܠ#3# /ܫܠܡܬ ܢܒܝܘܬܗ ܕܕܢܝܐܝܠ ܕܐܬܢܒܝ ܒܐܪܥܐ ܕܒܒܠ#3# /ܫܠܡܬ ܢܒܝܘܬܗ ܕܕܢܝܐܝܠ ܢܒܝܐ ܕܐܬܢܒܝ ܒܐܪܥܐ ܕܒܒܝܠ#3#/‍>‍

next