← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62035: P Susanna

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01 [ai]ܟܬܒܐ ܕܫܘܫܢ܂ ܀܀ܐܝܬ ܗܘܐ ܓܒܪܐ ܚܕ ܥܡܪ ܒܒܒܠ܂ ܫܡܗ ܝܘܝܩܝܡ܂
02 [ai]ܘܫܩܠ ܠܗ ܐܢܬܬܐ ܘܫܡܗ ܫܘܫܢ܂ ܒܪܬܗ ܕܗܠܢܐ܂ ܘܫܦܝܪܐ ܗܘܬ ܛܒ܂ ܘܕܚܠܐ ܡܢ ܡܪܝܐ܂
03 [ai]ܘܐܢܫ̈ܝܗ ܟܠܗܘܢ ܙܕܝܩܝܢ ܗܘܘ܂ ܘܐܠܦܘܗ ܠܒܪܬܗܘܢ ܟܠܗܘܢ ܦܘ̈ܩܕܢܘܗܝ ܕܡܘܫܐ܂
04 [ai]ܘܗܘ ܝܘܝܩܝܡ ܒܥܠܗ ܥܬܝܪ ܗܘܐ ܛܒ ܣܘܓܐܐ܂ ܐܝܬ ܗܘܐ ܠܗ ܦܪܕܝܣܐ ܚܕܪ ܒܝܬܗ܂ ܘܠܘܬܗ ܟܢܫܝܢ ܗܘܘ ܝܗܘܕ̈ܝܐ܂ ܡܛܠ ܕܡܝܬܪ ܗܘܐ ܡܢ ܟܠܗܘܢ ܒܙܒܢܐ ܗܘ܂
05 [ai]ܩܡܘ ܬܪ̈ܝܢ ܩܫܝܫ̈ܐ ܒܥܡܐ ܕܐܝܬܝܗܘܢ ܪ̈ܝܫܢܐ ܕܥܡܐ ܘܕܝ̈ܢܐ ܒܫܢܬܐ ܗܝ܂ ܕܥܠܝܗܘܢ ܡܠܠ ܐܠܗܐ܂ ܕܡܢܗܘܢ ܢܦܩ ܪܘܫܥܐ ܡܢ ܒܒܠ܂ ܡܢܗܘܢ ܡܢ ܩܫܝ̈ܫܐ ܘܡܢ ܕܝܢ̈ܐ܂ ܗܢܘܢ ܕܡܫܡܫܝܢ ܗܘܘ ܒܗܝܟܠܐ܂
06 [ai]ܗܢܘܢ ܗܠܝܢ ܐܬܝܢ ܗܘܘ ܐܡܝܢܐܝܬ ܠܒܝܬܗ ܕܝܘܝܩܝܡ܂ ܘܐܬܝܢ ܗܘܘ ܟܠ ܐܝܠܝܢ ܕܐܝܬ ܗܘܐ ܠܗܘܢ ܕܝܢܐ ܘܡܬܕܝܢܝܢ܂
07 [ai]ܘܗܘܐ ܕܟܕ ܐܙܠ ܟܘܠܗ ܥܡܐ ܒܦܠܓܗ ܕܝܘܡܐ܂ ܐܙܠܬ ܗܘܬ ܫܘܫܢ ܗܝ ܘܛܠܝ̈ܬܗ ܠܦܪܕܝܣܐ ܕܒܥܠܗ܂
08 [ai]ܘܚܙܝܢ ܗܘܘ ܠܗ ܟܠܝܘܡ ܗܢܘܢ ܩܫܝܫ̈ܐ܂ ܟܕ ܡܗܠܟܐ ܗܘܬ ܘܐܙܠܐ ܠܦܪܕܝܣܐ ܕܒܥܠܗ܂ ܘܪܓܘܗ
09 [ai]ܘܐܬܗܦܟ ܡܕܥܗܘܢ܂ ܘܐܪܟܢܘ ܥܝܢ̈ܝܗܘܢ ܕܠܐ ܢܚܘܪܘܢ ܒܫܡܝܐ܂ ܘܠܐ ܢܬܕܟܪܘܢ ܬܘܒ ܥܡ ܙܕܝ̈ܩܐ܂
10 [ai]ܘܪܓܘܗ ܬܪ̈ܝܗܘܢ ܠܡܗܘܐ ܥܡܗ܂ ܐܝܟ ܐܘܪܚܐ ܕܢܫ̈ܐ܂ ܘܠܐ ܓܠܘ ܡܚܘܬܗܘܢ ܚܕ ܠܚܕ܂
11 [ai]ܡܛܠ ܕܨܒܝܢ ܗܘܘ ܠܡܗܘܐ ܥܡܗ ܒܛܘܫܝܐ܂
12 [ai]ܘܢܛܪܝܢ ܗܘܘ ܠܗ ܟܠܝܘܡ ܚܦܝܛܐܝܬ ܠܡܚܙܝܗ܂
13 [ai]ܘܐܡܪ ܚܕ ܠܚܒܪܗ܂ ܢܐܙܠ ܠܢ ܡܟܐ܂ ܡܛܠ ܕܥܕܢܐ܂ ܗܘܐ ܠܗ ܕܫܪܘܬܐ܂
14 [ai]ܘܢܦܩܘ ܠܡܐܙܠ ܐܟܚܕܐ܂ ܘܓܢܒܘ ܢܦܫܗܘܢ ܚܕ ܡܢ ܚܕ܂ ܘܥܛܦܘ ܬܪ̈ܝܗܘܢ ܟܕ ܠܐ ܝܕܥܝܢ܂ ܘܐܬܘ ܬܪ̈ܝܗܘܢ ܐܪܥܘ ܚܕ ܠܚܕ ܬܡܢ܂ ܘܟܕ ܒܗܬܘ ܠܗܘܢ ܒܡܕܡ ܕܥܒܕܘ ܚܕ ܠܚܕ ܒܢܟܠܐ܂ ܝܬܒܘ ܘܓܠܘ ܚܕ ܠܚܕ ܪܓܬܗܘܢ ܦܩܪܬܐ ܘܡܘܒܕܢܝܬܐ܂ ܕܐܝܟܢܐ ܪܓܘܗ ܠܡܠܝܬ ܢܟܦܘܬܐ܂ ܘܡܢ ܗܝܕܝܢ ܢܛܪܝܢ ܗܘܘ ܠܗܘܢ ܥܕܢܐ܂ ܕܢܫܟܚܘܢܗ ܒܠܚܘܕܝܗ ܘܢܨܥܪܘܢܗ ܠܫܘܝܬ ܕܘܟܪܢܐ ܛܒܐ܂
15 [ai]ܘܗܘܐ ܕܟܕ ܢܛܪܝܢ ܠܗ܂ ܚܙܐܘܗ ܟܕ ܐܙܠܐ ܐܝܟ ܟܠܝܘܡ܂ ܐܝܟ ܕܐܬܡܠܝ ܘܐܝܟ ܕܡܢܬܡܠܝ܂ ܟܕ ܐܝܬ ܗ̈ܘܝ ܥܡܗ ܛܠܝܬ̈ܗ ܬܪܬܝܢ܂ ܘܐܬܪܓܪܓܬ ܠܡܣܚܐ ܬܡܢ ܒܦܪ̈ܕܝܣܐ܂ ܡܛܠ ܕܚܘܡܐ ܗܘܐ܂ ܘܐܙܠܘ ܗܢܘܢ ܩܫܝܫ̈ܐ ܘܟܡܢܘ ܬܡܢ ܒܦܪܕܝܣܐ܂
16 [ai]ܘܐܢܫ ܐܚܪܝܢ ܠܝܬ ܗܘܐ ܒܗ ܒܦܪܕܝܣܐ܂ ܐܠܐ ܐܢ ܬܪ̈ܝܗܘܢ ܗܢܘܢ ܩܫܝ̈ܫܐ܂
17 [ai]ܘܐܡܪܬ ܫܘܫܢ ܠܛܠܝܬܗ܂ ܙ̈ܠܝܢ ܐܝ̈ܬܝܢ ܠܝ ܡܫܚܐ ܘܙܡܡܐ܂ ܘܬܪ̈ܥܐ ܕܦܪܕܝܣܐ ܐܚ̈ܘܕܝܢ ܥܕܡܐ ܕܐܣܚܐ܂
18 [ai]ܘܥܒܕ ܐܝܟ ܕܦܩܕܬ ܐ̈ܢܝܢ܂ ܘܐܚܕ ܬܪܥܐ ܕܦܪܕܝܣܐ܂ ܘܐܙܠ ܕܢܝܬܝܢ ܡܕܡ ܕܐܬܦܩܕ܂ ܘܠܐ ܚܙ̈ܝ ܐܢܘܢ ܠܗܢܘܢ ܩܫܝ̈ܫܐ ܕܛܫܝܢ ܗܘܘ ܬܡܢ܂
19 [ai]ܘܟܕ ܢܦܩ ܛܠܝܬ̈ܗ ܕܫܘܫܢ܂ ܪܗܛܘ ܥܠܝܗ ܗܢܘܢ ܩܫܝܫ̈ܐ܂ ܘܐܡܪܘ ܠܗ܂
20 [ai]ܗܐ ܬܪ̈ܥܐ ܕܦܪܕܝܣܐ ܐܚܝܕܝܢ ܐܢܘܢ ܘܐܢܫ ܠܝܬ ܕܚܙܐ ܠܢ܂ ܐܠܐ ܡܛܠ ܕܡܪܓ ܪܓܢܟܝ܂ ܕܡܟ ܥܡܢ܂
21 [ai]ܘܐܢܕܝܢ ܠܐ ܨܒܝܐ ܐܢܬ ܠܡܕܡܟ ܥܡܢ܂ ܡܣܗܕܝܢܢ ܥܠܝܟܝ ܫܘܩܪܐ܂ ܕܕܡܟ ܠܘܬܟܝ ܥܠܝܡܐ ܚܕ܂ ܕܡܛܠ ܗܢܐ ܫܕܪܬ ܐ̈ܢܝܢ ܠܛܠܝ̈ܬܟܝ ܡܢ ܠܘܬܟܝ܂
22 [ai]ܘܐܬܪܥܝܬ ܫܘܫܢ ܘܐܡܪܬ܂ ܐܘܠܨܢܐ ܗܘ ܠܝ ܡܢ ܟܘܠ ܓܒܝ̈ܢ܂ ܐܢ ܓܝܪ ܗܕܐ ܐܥܒܕ܂ ܡܘܬܐ ܗܘ ܠܝ ܡܢ ܩܕܡ ܐܠܗܐ ܥܠ ܕܨܥܪܬ ܬܫܘܝܬܗ ܕܝܘܝܩܝܡ ܒܥܠܝ܂ ܘܐܢ ܠܐ ܐܥܒܕ ܡܘܬܐ ܒܝܫܐ ܡܢ ܐܝ̈ܕܝܗܘܢ ܐܩܒܠ܂ ܥܡ ܫܡܐ ܒܝܫܐ ܕܠܐ ܝܐܝܐ ܠܚܐܪܘܬܝ܂ ܘܒܗܬܬܐ ܐܫܒܘܩ ܠܟܠܗ ܫܪܒܬܝ܂ ܡܢ ܣܗܕܘܬܐ ܕܫܘܩܪܐ ܕܓܒܪ̈ܐ ܥܘ̈ܠܐ܂ ܕܡܘܣܦܝܢ ܥܠܝ ܬܒܪܗ ܘܥܠ ܒܝܫܘܬܗ ܕܐܝܣܪܝܠ܂ ܒܒܙܚܐ ܒܝܬ ܥܡܡ̈ܐ ܢܘܟܪ̈ܝܐ܂
23 [ai]ܐܠܐ ܦܩܚ ܠܝ ܕܐܡܘܬ ܡܢ ܐܝܕ̈ܝܟܘܢ ܒܥܘܠܐ ܘܠܐ ܐܚܛܐ ܩܘܕܡܬ ܡܪܝܐ܂ ܗܘ ܕܡܕܡ ܠܐ ܛܥܐ ܠܗ܂ ܟܕ ܡܗܝܡܢܐ ܐܢܐ ܒܗ܂ ܕܐܦ ܡܢ ܐܝܕ̈ܝܟܘܢ ܢܦܨܝܢܝ܂
24 [ai]ܘܩܥܬ ܒܩܠܐ ܪܡܐ ܫܘܫܢ܂ ܥܠ ܐܘܠܨܢܗ ܕܡܢ ܐܝ̈ܕܝ ܓܒܪ̈ܐ ܦܩܪ̈ܐ܂ ܘܩܥܘ ܐܦ ܗܢܘܢ ܩܫܝ̈ܫܐ ܠܩܘܒܠܗ܂
25 [ai]ܘܪܗܛ ܚܕ ܡܢܗܘܢ ܘܦܬܚ ܬܪ̈ܥܐ ܕܦܪܕܝܣܐ܂
26 [ai]ܘܗܘܐ ܕܟܕ ܐܫܬܡܥ ܩܠܐ ܗܢܐ ܒܦܪܕܝܣܐ܂ ܒ̈ܢܝ ܒܝܬܗ ܕܫܘܫܢ܂ ܪܗܛܘ ܥܠܘ ܒܥܓܠ ܕܢܚܙܘܢ ܡܢܐ ܓܕܫܗ܂ ܘܟܕ ܟܢܫܬ ܟܘܠܗ ܐܢܫܘܬܗ ܕܫܘܫܢ܂ ܫܪܝܘ ܗܢܘܢ ܩܫܝ̈ܫܐ ܕܢܣܗܕܘܢ ܥܠܝܗ ܥܘܠܐ܂ ܕܗܟܢܐ ܟܕ ܥܒܪܝܢܢ ܠܒܪ ܡܢ ܦܪܕܝܣܐ܂ ܐܕܝܩܢܢ ܕܢܚܙܐ ܦܪܕܝܣܐ܂ ܘܚܙܝܢ ܠܫܘܫܢ ܟܕ ܕܡܝܟ ܥܡܗ ܥܠܝܡܐ ܚܕ܂ ܘܪܗܛܢ ܠܡܐܚܕ ܐܢܘܢ܂ ܘܠܐ ܐܬܡܨܝܢ ܠܡܐܚܕܗ ܠܗܘ ܥܠܝܡܐ܂ ܡܛܠ ܕܥܫܝܢ ܗܘܐ ܡܢܢ܂
27 [ai]ܟܕ ܫܡܥܘ ܡ̈ܠܝܗܘܢ ܕܩ̈ܫܝܫܐ ܟܠܗ ܐܢܫܘܬܗ ܕܫܘܫܢ܂ ܒܗܬܘ ܥܠ ܡܕܡ ܕܐܡܪܘ ܕܥܒܕܬ܂
28 [ai]ܘܗܘܐ ܠܝܘܡܐ ܐܚܪܢܐ܂ ܐܬܟܢܫ ܥܡܐ ܟܠܗ ܠܘܬ ܝܘܝܩܝܡ ܒܥܠܗ܂ ܕܢܥܩܒܘܢ ܥܠܝܗ ܥܠ ܫܘܫܢ܂ ܐܢ ܫܪܝܪܐܝܬ ܥܒܕܬ ܛܢܦܘܬܐ ܗܕܐ܂ ܘܨܥܪܬ ܬܫܘܝܬܗ ܕܝܘܝܩܝܡ ܒܥܠܗ ܬܡܘܬ ܘܐܬܘ ܐܦ ܩܫܝܫ̈ܐ ܗܢܘܢ ܬܪ̈ܝܗܘܢ ܕܢܥܫܩܘܢܗ܂ ‍{‍‍{‍ܝܡ‍}‍‍}‍ ܥܘܠܐܝܬ܂
29 [ai]ܘܐܡܪܘ ܩܕܡ ܥܡܐ ܟܠܗ܂ ܫܕܪܘ ܒܬܪ ܫܘܫܢ ܒܪܬܗ ܕܗܠܩܢܐ܂ ܐܢܬܬܗ ܕܝܘܝܩܝܡ܂ ܘܫܕܪܘ ܒܬܪܗ܂
30 [ai]ܘܐܬܬ ܗܝ܂ ܘܟܠܗ ܫܪܒܬܗ܂ ܘܟܠܗܘܢ ܝܕܘ̈ܥܝܗ ܘܪ̈ܚܡܝܗ܂ ܘܩܡܬ ܡܨܥܬ ܟܘܠܗ ܟܢܫܐ ܕܥܡܐ܂
31 [ai]ܘܐܢܬܬܐ ܫܦܝܪܐ ܗܘܬ ܒܚܙܘܐ ܛܒ܂ ܘܡܟܝܟܐ ܝܬܝܪ ܡܢ ܟܠܗܝܢ ܢܫܐ܂ ܘܢܟܦܐ ܗܘܬ ܛܒ ܬܟܣܝܬܗ܂
32 [ai]ܘܟܕ ܚܙܐܘܗ ܗܢܘܢ ܪ̈ܫܝܥܐ܂ ܦܩܕܘ ܕܢܓܠܘܢܗ ܬܚܦܝܬܗ܂ ܕܐܦܢ ܒܚܙܬܐ ܢܣܒܥܘܢܗ ܠܫܘܦܪܗ܂
33 [ai]ܒܟܝܢ ܗܘܘ ܕܝܢ ܟܠܗܘܢ ܕܚܙܝܢ ܗܘܘ ܠܗ ܥܡ ܟܠܗ ܐܢܫܘܬܗ܂
34 [ai]ܘܟܕ ܟܢܫܐ ܣܓܝܐܐ ܚܕܝܪ ܗܘܐ ܠܗ܂ ܥܠܘ ܗܢܘܢ ܩܫܝܫ̈ܐ ܬܪ̈ܝܗܘܢ܂ ܘܐܣܗܕܘ ܥܠܝܗ ܫܘܩܪܐ܂ ܘܣܡܘ ܐܝܕ̈ܝܗܘܢ ܥܠ ܪܝܫܗ ܕܫܘܫܢ܂ ܘܐܡܪܝܢ܂ ܕܗܕܐ ܥܡ ܥܠܝܡܐ ܚܕ ܚܙܝܢܗ ܟܕ ܕܡܟܐ܂
35 [ai]ܘܗܝ ܫܘܫܢ ܟܕ ܡܪܝܪܐ ܢܦܫܗ܂ ܥܠ ܡܕܡ ܕܓܕܫܗ܂ ܫܩܠܬ ܥ̈ܝܢܝܗ܂ ܠܫܡܝܐ ܠܘܬ ܡܪܝܐ܂ ܡܛܠ ܕܠܒܗ ܣܝܡ ܗܘܐ ܠܘܬ ܐܠܗܐ܂
36 [ai]ܘܐܡܪܘ ܗܢܘܢ ܩܫܝܫ̈ܐ ܬܪ̈ܝܗܘܢ ܕܟܕ ܡܗܠܟܝܢܢ ܐܬܡܠܝ ܠܒܪ ܡܢ ܦܪܕܝܣܐ܂ ܐܬܬ ܫܘܫܢ ܘܬܪ̈ܬܝܢ ܛܠܝ̈ܬܗ ܥܡܗ܂ ܘܥܠܝܢ ܠܦܪܕܝܣܐ܂ ܘܫܕܪܬ ܐ̈ܢܝܢ ܠܐܡܗ̈ܬܗ܂ ܘܐܚܕܬ ܬܪ̈ܥܐ ܕܦܪܕܝܣܐ܂
37 [ai]ܘܐܬܐ ܠܘܬܗ ܥܠܝܡܐ ܚܕ ܗܘ ܕܡܛܫܝ ܗܘܐ ܠܗ ܘܕܡܟ ܥܡܗ܂
38 [ai]ܚܢܢ ܕܝܢ ܥܠܢ ܗܘ̈ܝܢ ܠܢ ܠܓܘ ܦܪܕܝܣܐ܂ ܘܚ̈ܙܝܢ ܫܘܩܪܐ ܘܪܗܛܢ ܥܠܝܗܘܢ
39 [ai]ܘܐܫܟ̈ܚܢ ܐܢܘܢ ܟܕ ܕܡ̈ܟܝܢ܂ ܠܗܘ ܕܝܢ ܥܠܝܡܐ ܠܐ ܐܫܟܚܢ ܠܡܐܚܕܗ܂ ܡܛܠ ܕܥܫܝܢ ܗܘܐ ܡܢܢ܂ ܘܦܬܚ ܬܪ̈ܥܐ ܕܦܪܕܝܣܐ ܘܥܪܩ܂
40 [ai]ܠܗܕܐ ܕܝܢ ܐܚܕܢܗ܂ ܘܫܐܠܢܗ ܕܡܢܘ ܗܘ ܥܠܝܡܐ ܕܕܡܝܟ ܗܘܐ ܥܡܟܝ܂ ܘܠܐ ܨܒܬ ܕܬܘܕܐ ܠܢ ܥܠܘܗܝ ܡܢܘ܂ ܗܠܝܢ ܡܣܗܕܝܢܢ ܥܠܝܗ ܩܕܡܝܟܘܢ
41 [ai]ܘܗܝܡܢܬ ܐܢܘܢ ܟܘܠܗ ܟܢܘܫܬܐ ܐܝܟ ܕܠܩܫܝ̈ܫܐ ܕܥܡܐ܂ ܘܐܝܟ ܕܠܕܝ̈ܢܐ܂ ܘܚܝܒܘܗ ܠܫܘܫܢ ܠܡܘܬܐ܂ ܐܝܟܢܐ ܕܢܕܚ̈ܠܢ ܟܘܠܗܝܢ ܢܫ̈ܐ܂ ܘܬܘܒ ܠܐ ܢܥ̈ܒܕܢ ܐܝܟ ܒܗܬܬܐ ܗܕܐ ܠܗܝܢ ܘܠܫܪܒܬܗܝܢ܂
42 [ai]ܘܓܥܬ ܫܘܫܢ ܒܩܠܐ ܪܡܐ ܘܐܡܪܬ܂ ܐܠܗܐ ܕܐܝܬܘܗܝ ܝܕܘܥܐ܂ ܘܟܣ̈ܝܬܐ ܓ̈ܠܝܢ ܐܢ̈ܝܢ ܩܕܡܘܗܝ܂ ܗܘ ܕܝܕܥ ܕܥܬ̈ܝܕܢ ܥܕܠܐ ܢܗܘ̈ܝܢ܂
43 [ai]ܗܘ ܢܚܙܐ ܕܒܕܓܠܘܬܐ ܥܫܩܘܢ ܗܠܝܢ܂ ܘܗܐ ܡܝܬܐ ܐܢܐ܂ ܟܕ ܠܐ ܥܒܕܬ ܡܕܡ ܕܗܠܝܢ ܐܣܗܕܘ ܥܠܝ܂ ܐܠܐ ܥܠ ܗܕܐ ܕܠܐ ܥܒܕܬ ܠܗܘܢ ܨܒܝܢܐ ܕܡܕܡ ܕܫܐܠܘܢܝ܀
44 [ai]ܘܫܡܥ ܡܪܝܐ ܒܩܠܗ ܕܫܘܫܢ܂
45 [ai]ܘܟܕ ܢܦܩܐ ܠܡܡܬ܂ ܒܥܓܠ ܫܕܪ ܐܠܗܐ ܪܘܚܗ ܩܕܝܫܐ ܥܠ ܛܠܝܐ ܙܥܘܪܐ ܕܫܡܗ ܕܢܝܐܝܠ܂
46 [ai]ܘܩܥܐ ܒܩܠܐ ܪܡܐ ܘܐܡܪ܂ ܡܚܣܝ ܐܢܐ ܡܢ ܕܡܗ ܕܗܕܐ܂ ܡܛܠ ܕܙܟܝܐ ܗܝ ܡܢ ܗܕܐ ܛܢܦܘܬܐ܂
47 [ai]ܘܗܦܟܬ ܟܠܗ ܟܢܘܫܬܐ ܠܘܬܗ ܘܐܡܪܝܢ ܠܗ܂ ܡܢܐ ܗܝ ܡܠܬܐ ܗܕܐ ܕܡܠܠܬ܂
48 [ai]ܘܗܘ ܟܕ ܩܐܡ ܒܝܢܬܗܘܢ ܥܢܐ ܘܐܡܪ܂ ܗܟܢܐ ܣܟܠܝܢ ܐܢܬܘܢ ܒܢ̈ܝ ܐܝܣܪܐܝܠ܂ ܕܠܐ ܕܝܢܝܢ ܐܢܬܘܢ ܒܙܕܝܩܘܬܐ ܠܒܢ̈ܬ ܐܝܣܪܝܠ܂
49 [ai]ܗܦܘܟܘ ܠܟܘܢ ܠܒܝܬ ܕܝܢܐ܂ ܒܕܓܠܘܬܐ ܓܝܪ ܚܝܒܬܘܢܗ ܠܗܕܐ܂
50 [ai]ܘܗܦܟܬ ܟܠܗ ܟܢܘܫܬܐ ܠܒܝܬ ܕܝܢܐ܂ ܘܐܡܪܘ ܠܗ ܗܢܘܢ ܩܫܝܫ̈ܐ ܠܕܢܝܐܝܠ܂ ܬܐ ܬܒ ܒܝܢܬܢ ܘܐܡܪ ܠܢ܂ ܢܚܙܐ ܕܠܟ ܝܗܒ ܐܠܗܐ ܩܫܝܫܘܬܐ܂
51 [ai]ܘܐܡܪ ܕܢܝܐܝܠ ܠܟܠܗ ܟܢܘܫܬܐ܂ ܦܪܘܫܘ ܐܢܘܢ ܠܝ ܚܕ ܡܢ ܚܕ ܠܗܠܝܢ ܩܫܝܫ̈ܐ܂ ܘܗܝܕܝܢ ܐܕܘܢ ܐܢܘܢ ܐܝܟ ܕܝܗܒ ܠܝ ܐܠܗܐ܂ ܘܐܚܘܐ ܕܒܥܘܠܐ ܐܣܗܕܘ ܥܠ ܫܘܫܢ ܫܘܩܪܐ܂
52 [ai]ܘܦܪܫܬ ܐܢܘܢ ܟܢܘܫܬܐ ܚܕ ܡܢ ܚܕ܂ ܘܩܪܐ ܠܚܕ ܡܢܗܘܢ ܘܐܡܪ ܠܗ܂ ܓܒܪܐ ܐܢܬ ܕܥܬܩܬ ܒܝܘ̈ܡܬܐ ܒܝ̈ܫܐ܂ ܗܫܐ ܕܝܢ ܩܪܒܘ ܚܛܗ̈ܝܟ ܗܢܘܢ ܕܥܒܕ ܗܘܝܬ ܡܢ ܩܕܡ ܙܒܢܐ܂
53 [ai]ܕܕܐܢ ܗܘܝܬ ܕܝܢܐ ܕܥܘܠܐ܂ ܘܠܙܕܝܩ̈ܐ ܡܚܝܒ ܗܘܝܬ܂ ܘܡܘܒܕ ܗܘܝܬ ܠܡܟܝ̈ܟܐ܂ ܘܠܚܝܒ̈ܐ ܡܙܟܐ ܗܘܝܬ܂ ܘܠܙܟ̈ܝܐ ܡܚܝܒ ܗܘܝܬ܂
54 [ai]ܗܫܐ ܕܝܢ ܗܕܐ܂ ܐܡܪܘ ܠܝ ܩܕܡ ܟܠܗ ܟܢܘܫܬܐ ܗܕܐ܂ ܬܚܝܬ ܐܝܢܐ ܡܢ ܐܝ̈ܠܢܐ ܚܙܝܬ ܠܗܕܐ܂ ܘܠܗܘ ܥܠܝܡܐ ܟܕ ܕܡܟܝܢ ܐܟܚܕܐ܂ ܐܡܪ ܠܗ ܗܘ ܩܫܝܫܐ ܬܚܝܬ ܦܣܬܩܐ܂
55 [ai]ܐܡܪ ܠܗ ܕܢܝܐܝܠ ܗܕܐ ܕܝܢ ܕܥ ܕܐܢ ܒܫܪܪܐ ܕܓܠܬ ܒܪܝܫܟ ܣܠܩܐ܂ ܥܬܝܕ ܗܘ ܓܝܪ ܡܠܐܟܗ ܕܐܠܗܐ ܕܩܒܠ ܦܘܩܕܢܐ ܡܢ ܩܕܡ ܐܠܗܐ܂ ܕܢܨܪܝܟ ܡܢ ܪܝܫ ܠܪܝܫ܀
56 [ai]ܘܒܬܪܟܢ ܩܪܐ ܠܗܘ ܐܚܪܢܐ ܚܒܪܗ܂ ܘܐܡܪ ܠܗ ܘܐܦ ܠܗܘ܂ ܙܪܥܗ ܕܟܢܥܢ ܘܠܐ ܕܝܗܘܕܐ܂ ܫܘܦܪܗ ܗܘ ܕܗܕܐ ܫܥܒܕܟ ܘܪܓܬܗ ܗܦܟܬ ܠܒܟ܂
57 [ai]ܗܟܢܐ ܥܒܕܝܢ ܗܘܝܬܘܢ ܠܒܢ̈ܬ ܐܝܣܪܝܠ܂ ܘܗ̈ܢܝܢ ܥܒ̈ܕܢ܂ ܗ̈ܘܝ ܨܒܝ̈ܢܝܟܘܢ ܒܝܫ̈ܐ ܡܢ ܕܚܠܬܗܝܢ܂
58 [ai]ܐܢܬ ܕܝܢ ܐܡܪ ܠܝ ܩܕܡ ܟܠܗ ܟܢܘܫܬܐ ܗܕܐ܂ ܬܚܝܬ ܐܝܢܐ ܡܢ ܐܝ̈ܠܢܐ ܚܙܝܬܘܢ ܐܢܘܢ ܠܗܕܐ ܘܠܗܘ ܥܠܝܡܐ܂ ܕܕܡ̈ܟܝܢ ܐܟܚܕܐ ܥܢܐ ܘܐܡܪ ܩܕܡ ܟܠܗ ܟܢܘܫܬܐ܂ ܬܚܝܬ ܪܘܡܢܐ܂ ܘܩܥܬ ܟܠܗ ܟܢܘܫܬܐ ܒܩܠܐ ܪܡܐ ܐܟܚܕܐ܂ ܘܫܒܚܘ ܠܡܪܝܐ ܓܠܐ ܟܣܝ̈ܬܐ܂ ܘܝܗܒ ܠܙܟܝܐ ܐܝܟ ܙܟܝܘܬܗ܂ ܘܦܪܥ ܠܥܘ̈ܠܐ܂ ܘܝܗܒ ܐܘܪܚܗ ܒܪܫܗ܂
59 [ai]ܐܡܪ ܠܗ ܕܢܝܐܝܠ܂ ܒܫܪܪܐ ܥܘܠܐ ܡܠܠܬ ܩܕܡ ܡܪܝܐ ܥܠ ܗܕܐ ܚܠܫܬܐ܂ ܘܨܒܝܬܘܢ ܠܡܐܫܕ ܕܡܐ ܙܟܝܐ܂ ܒܥܘܠܐ܂ ܗܫܐ ܕܝܢ ܒܫܬܟ ܒܪܫܟ ܣܠܩܐ܂ ܐܝܟ ܕܟܬܝܒ ܒܢܡܘܣܐ ܕܡܘܫܐ܂ ܗܐ ܓܝܪ ܡܠܐܟܗ ܕܐܠܗܐ ܐܫܬܠܚ ܥܠܝܟ܂ ܘܐܚܝܕ ܚܪܒܐ ܒܐܝܕܗ܂ ܕܢܨܪܝܟ ܡܢ ܪܝܫ ܠܪܝܫ܂ ܘܢܘܒܕ ܠܬܪ̈ܝܟܘܢ ܐܟܚܕܐ܂
60 [ai]ܘܥܢܬ ܟܠܗ ܟܢܘܫܬܐ ܒܩܠܐ ܪܡܐ ܘܐܡܪܬ ܐܟܚܕܐ܂ ܫܘܒܚܐ ܠܐܠܗܐ ܕܐܚܝ ܠܟܠ܂ ܕܗܝܡܢܘ ܒܫܡܗ܂
61 [ai]ܘܐܟܣ ܐܢܘܢ ܕܢܝܐܝܠ ܒܛܘܠܡܝܐ ܕܛܠܡܘ܂ ܘܩܡܬ ܥܠܝܗܘܢ ܟܘܠܗ ܟܢܘܫܬܐ܂
62 [ai]ܘܥܒܕܘ ܠܗܘܢ ܐܝܟ ܦܘܩܕܢܗ ܕܡܘܫܐ ܘܩܛܠܘ ܐܢܘܢ ܘܐܗܦܟ ܠܗܘܢ ܡܪܝܐ ܦܘܪܥܢܘܬܐ ܒܝܫܬܐ܂ ܐܝܟ ܕܫܘܝܢ܂ ܘܚܝܐ ܕܡܐ ܙܟܝܐ ܒܝܘܡܐ ܗܘ܂ ܀܀
63 [ai]ܗܠܩܢܐ ܕܝܢ ܘܐܢܬܬܗ܂ ܚܕܝܘ ܒܒܪܬܗܘܢ ܫܘܫܢ܂ ܐܢܬܬܗ ܕܝܘܝܩܝܡ܂ ܕܠܐ ܐܫܬܟܚ ܒܗ ܣܘܪܚܢܐ܂ ܘܫܒܚܘ ܠܐܠܗܐ ܟܘܠܗ ܥܡܐ܂ ܘܟܠܗ ܫܪܒܬܗ ܕܫܘܫܢ܂ ܕܐܫܬܩܠ ܫܡܐ ܕܣܘܪܚܢܐ ܡܢܗܘܢ
64 [ai]ܕܢܝܐܝܠ ܕܝܢ ܝܪܒ ܗܘܐ܂ ܘܛܐܒ ܩܕܡ ܟܠܗ ܫܪܒܬܗ ܕܫܘܫܢ܂ ܘܒܥ̈ܝܢܝ ܟܘܠܗ ܟܢܘܫܬܐ ܕܐܝܣܪܐܝܠ܂ ܘܒܟܠܙܒܢ ܥܒܕ ܗܘܐ ܕܝܢܐ ܘܙܕܝܩܘܬܐ܂ ܘܐܬܡܠܠ ܫܡܐ ܕܬܫܒܚ̈ܬܗ ܒܟܠܗ ܥܡܐ܂ ܥܡ ܟܣܝ̈ܬܐ ܘܣܬܝܪ̈ܬܐ ܕܐܬܒܕܩ ܠܗ܂ ܫܠܡ ܟܬܒܐ ܕܫܘܫܢ܂