← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62036: P Ezra

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


01:01 [ai]ܒܫܢܬ ܚܕܐ ܠܟܘܪܫ ܡܠܟܐ ܕܦܪܣ܃ ܠܫܘܠܡ ܦܬܓܡܗ ܕܡܪܝܐ ܡܢ ܦܬܓܡܗ ܕܐܪܡܝܐ ܢܒܝܐ܃ ܐܥܝܪ ܡܪܝܐ ܪܘܚܗ ܕܡܿܠܟܐ ܕܦܪܣ܃ ܘܐܥܒܪ ܩܠܐ ܒܟܠܗܿ ܡܠܟܘܬܗ ܘܐܦ ܒܟܬܒܐ ܐܡܼܪ܂
01:02 [ai]ܗܟܢܐ ܐܡܿܪ ܟܘܪܫ ܡܿܠܟܐ ܕܦܪܣ܂ ܡܠܟܘ̈ܬܐ ܕܐܪܥܐ ܝܗܒ ܠܝ ܡܪܝܐ ܐܠܗܐ ܕܫܡܝܐ܂ ܘܦܩܕ ܥܠܝ ܠܡܒܢܐ ܠܗ ܒܝܬܐ ܒܐܘܪܫܠܡ ܩܪܝܬܐ ܕܒܝܗܘܕ܂
01:03 [ai]ܡܢܘ ܐܝܬ/ܕܐܝܬ#4#/ ܒܟܘܢ ܡܢ ܟܠܗ ܥܡܗ ܘܗܘ ܐܠܗܗ ܥܡܗ܃ ܢܣܩ ܠܐܘܪܫܠܡ ܕܒܝܗܘܕ܂ ܘܢܒܢܐ ܒܝܬܐ ܠܡܪܝܐ ܐܠܗܐ ܕܐܝܣܪܐܝܠ܃ ܗܿܘ ܐܠܗܐ ܕܒܐܘܪܫܠܡ܂
01:04 [ai]ܟܠ ܕܝܬܪ/ܕܝܬܝܪ#4#/ ܡܢ ܟܠ ܐܬܪ̈ܘܬܐ ܕܗܘܐ ܬܘܬܒܐ ܬܡܢ܃ ܢܫܩܠܘܢܗ ܐܢ̈ܫܝ ܐܬܪܗ ܒܟܣܦܐ ܘܒܕܗܒܐ܂ ܘܒܩܢܝܢܐ ܘܒܒܥܝܪܐ ܥܡ ܦܘܪܫܢܐ ܠܒܝܬܐ ܕܐܠܗܐ ܕܒܐܘܪܫܠܡ܂
01:05 [ai]ܘܩܡܘ ܪ̈ܝܫܝ ܐܒܗ̈ܬܐ ܕܝܗܘܕܐ ܘܕܒܢܝܡܝܢ܃ ܘܟܘܡܪ̈ܐ ܘܠܘ̈ܝܐ ܘܟܠ ܕܐܥܝܪ ܐܠܗܐ ܪܘܚܗ ܠܡܣܩ ܠܡܒܢܐ ܒܝܬܐ ܠܡܪܝܐ ܐܠܗܐ ܕܒܐܘܪܫܠܡ܂
01:06 [ai]ܘܟܠ ܕܚܕܪ̈ܝܗܘܢ ܐܚܕܘ ܒܐܝܕ̈ܝܗܘܢ܂ ܒܡ̈ܐܢܝ ܟܣܦܐ ܘܕܗܒܐ܂ ܘܩܢܝ̈ܢܐ ܘܒܥܝܪ̈ܐ܂ ܘܡܘܗ̈ܒܬܐ ܕܛܒ ‍<‍ܡܢ#4#‍>‍ ܐܝܠܝܢ ܕܐܨܛܒܝܘ܂
01:07 [ai]ܘܡܿܠܟܐ ܟܘܪܫ ܐܦܩ ܡ̈ܐܢܝ ܒܝܬܐ/ܒܝܬܗ#4#/ ܕܡܪܝܐ܃ ܕܐܦܩ ܗܘܐ ܢܒܘܟܕܢܨܪ ܡܿܠܟܐ ܕܒܒܠ ܡܢ ܐܘܪܫܠܡ܃ ܘܝܗܼܒ ܗܘܐ ܐܢܘܢ ܒܝܬ ܐܠܗܘܬܗ܂
01:08 [ai]ܘܐܦܩ ܐܢܘܢ ܟܘܪܫ ܡܿܠܟܐ ܕܦܪܣ܃ ܥܠ ܐܝܕܐ ܕܡܗܕܪܬ ܓܙܒܪܐ܂ ܘܐܫܠܡ ܐܢܘܢ ܠܫܫܡܨܪ ܪܒܐ ܕܝܗܘܕܐ܂
01:09 [ai]ܘܗܠܝܢ ܡܢܝ̈ܢܗܘܢ܂ ܐܓܢ̈ܐ ܕܕܗܒܐ ܬܠܬܝܢ܂ ܘܐܓܢ̈ܐ ܕܟܣܦܐ ܐܠܦ܂ ܐܣ̈ܛܠܐ ܥܣܪܝܢ ܘܬܫܥ܂
01:10 [ai]ܦ̈ܛܩܐ ܕܟܣܦܐ ܐܥ̈ܝܦܐ ܐܪ̈ܒܥܡܐܐ ܘܥܣܪܐ܂ ܬܘܒ ܦܛܩ̈ܐ ܕܕܗܒܐ ܬܠܬܝܢ܂ ܘܡ̈ܐܢܐ ܐܚܪ̈ܢܐ ܐܠܦ܂
01:11 [ai]ܟܘܠ ܡ̈ܐܢܐ ܕܕܗܒܐ ܘܕܣܐܡܐ ܚܡܫܐ ܐܠܦ̈ܝܢ ܘܐܪ̈ܒܥܡܐܐ܂ ܟܠܗܘܢ ܐܣܩ ܐܢܘܢ ܫܫܡܨܪ ܥܡ ܡܣܩܢܐ ܕܫܒܝܬܐ ܕܣܠܩܬ ܡܢ ܒܒܠ ܠܐܘܪܫܠܡ܀

next chapter