← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62036: P Ezra

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܘܫܡܥܘ ܣܢ̈ܐܝ ܝܗܘܕܐ ܘܒܢܝܡܝܢ܃ ܕܒܢܝ ܫܒܝܬܐ ܒܢܿܝܢ ܗܝܟܠܐ ܠܡܪܝܐ ܐܠܗܐ ܕܐܝܣܪܝܠ܂
04:02 [ai]ܘܩܪܒܘ ܠܘܬ ܙܘܪܒܒܠ ܘܠܘܬ ܪ̈ܝܫܝ ܐܒܗ̈ܬܐ ܘܐܡܪܝܢ ܠܗܘܢ܂ ܢܒܢܐ ܐܦ ܚܢܢ ܥܡܟܘܢ܂ ܡܛܠ ܕܐܟܘܬܟܘܢ ܢܒܢܐ ܠܐܠܗܟܘܢ܂ ܘܠܗ ܗܘ ܕܒܚܝܢ ܚܢܢ ܗܪܟܐ ܡܢ ܝܘܡ̈ܬܗ ܕܣܪܚܕܘܡ ܡܠܟܐ ܕܐܬܘܪ ܕܐܣܩܢ ܠܗܪܟܐ܂
04:03 [ai]ܘܐܡܪܘ ܠܗܘܢ ܙܘܪܒܒܠ ܘܝܫܘܥ ܘܫܪܟܐ ܕܪ̈ܝܫܝ ܐܒܗ̈ܬܐ ܕܐܝܣܪܝܠ܂ ܕܠܐ ܠܟܘܢ ܘܠܢ ܠܡܒܢܐ ܒܝܬܐ ܠܐܠܗܢ܂ ܡܛܠ ܕܚܢܢ ܐܟܚܕ ܢܒܢܐ ܒܝܬܐ ܠܡܪܝܐ ܐܠܗܐ ܕܐܝܣܪܝܠ܂ ܐܝܟܿܢܐ ܕܦܩܕܢ ܟܘܪܫ܃ ܡܿܠܟܐ ܦܪܣܝܐ܀
04:04 [ai]ܘܗܘܘ ܥܡ̈ܡܐ ܕܐܪܥܐ ܡܪܦܝܢ ܐܝ̈ܕܝܗܘܢ ܕܥܡܐ ܕܝܗܘܕ܂ ܘܡܒܠܗܝܢ ܠܗܘܢ ܕܠܐ ܢܒܢܘܢ܂
04:05 [ai]ܘܐܿܓܪܝܢ ܥܠܝܗܘܢ ܡܠܘ̈ܟܐ ܕܢܒܛܠܘܢ ܡ̈ܠܟܝܗܘܢ܂ ܟܘܠ ܝܘܡ̈ܝ ܟܘܪܫ ܡܠܟܐ ܦܪܣܝܐ ܥܕ ܡܠܟܘܬ ܕܪܝܘܫ ܡܿܠܟܐ ܕܦܪܣ܂
04:06 [ai]ܘܒܡܠܟܘܬ ܐܚܫܝܪܫ ܡܿܠܟܐ ܒܪܝܫ ܡܠܟܘܬܗ܃ ܟܬܒ ܚܛܝܢܐ ܥܠ ܥܡܘܪ̈ܝܗܿ ܕܝܗܘܕ ܘܕܐܘܪܫܠܡ܂
04:07 [ai]ܒܝܘܡ̈ܝ ܐܪܛܚܫܫܬ܂ ܟܬܒ ܫܐܠ ܒܫܠܡ ܡܗܪܕܬ ܘܛܒܐܝܠ ܘܫܪܟܐ ܕܐܟܘܬܗ ܥܠ ܐܪܛܚܫܫܬ ܡܿܠܟܐ ܕܦܪܣ܂ ܘܟܬܒܐ ܕܐܓܪܬܐ ܟܬܝܒ ܐܪܡܐܝܬ ܘܡܬܬܪܓܡ ܐܪܡܐܝܬ܂
04:08 [ai]ܐܪܚܘܡ ܒܥܠ ܛܓܡܐ ܘܫܡܫܝ ܣܿܦܪܐ܃ ܟܬܒ ܐܓܪܬܐ ܗܕܐ ܥܠ ܐܘܪܫܠܡ ܠܐܪܛܚܫܫܬ ܡܿܠܟܐ ܐܝܟ ܢܡܘܣܐ܂
04:09 [ai]ܗܝܿܕܝܢ ܐܪܚܘܡ ܒܥܠ ܛܓܡܐ ܘܫܡܫܝ ܣܿܦܪܐ ܘܫܪܟܐ ܕܐܟܘܬܗܘܢ ܕܝ̈ܢܐ ܘܐܣܦܪ̈ܝܐ ܛܪ̈ܦܠܝܐ ܘܐܦܪ̈ܣܝܐ܂ ܐܪ̈ܟܝܐ ܒܒ̈ܠܝܐ܂ ܫܘܫܢ̈ܟܝܐ ܕܗ̈ܝܐ ܥܠܝܡ̈ܝܐ܂
04:10 [ai]ܘܫܪܟܐ ܕܐܡ̈ܘܬܐ ܕܫܒܐ ܐܣܦܝܪ ܪܒܐ ܘܝܩܝܪܐ܃ ܘܐܘܬܒ ܐܢܘܢ ܒܩܘܪ̈ܝܐ ܕܫܡܪ̈ܝܐ܃ ܘܫܪܟܐ ܕܥܒܪ ܢܗܪܐ ܐܝܟ ܥܢܬ܂
04:11 [ai]ܘܗܢܐ ܦܪܫܓܢܐ ܕܐܓܪܬܐ ܕܫܕܪܘ ܥܠܘܗܝ ܥܠ ܐܪܛܚܫܫܬ ܡܿܠܟܐ܀܂܂ ܥܒܼ̈ܕܝܟ ܐܢ̈ܫܝ ܥܒܪ ܢܗܪܐ ܘܟܢܥܬ/ܘܐܟܥܢܬ#4#/ܘܐܟܢܥܬ#5#/܂
04:12 [ai]ܝܕܝܥ ܢܗܘܐ ܠܡܿܠܟܐ ܕܝܗܘ̈ܕܝܐ ܕܣܠܩܘ ܡܢ ܠܘܬܟ ܥܠܝܢ ܐܬܘ܂ ܠܐܘܪܫܠܡ ܩܪܝܬܐ ܡܪܘܕܬܐ ܘܒܝܫܬܐ ܒܢܿܝܢ܂ ܘܫܘܪ̈ܝܗܿ ܫܟܠܠܘ܂ ܘܫܬܐ̈ܣܝܗܿ ܫܪܪܘ܂
04:13 [ai]ܗܟܢܐ ܢܗܘܐ ܝܿܕܥ ܡܿܠܟܐ܂ ܕܐܢ ܗܘ ܕܩܪܝܬܐ ܗܿܝ ܬܬܒܢܐ ܘܫܘܪ̈ܝܗܿ ܢܫܬܟܠܠܘܢ܂ ܡܢܬܐ ܠܝܬ ܠܟ܂ ܘܦܪܘܣ ܠܐ ܝܗܿܒܝܢ܂ ܠܟ ܐܦ ܗܝ ܡ̈ܠܟܝܢ ܬܙܝܥ܂
04:14 [ai]ܘܡܟܝܠ ܕܡܢ ܡܠܚܐ ܕܗܝܟܠܐ ܡܠܚܢ܂ ܨܥܪܐ ܕܡܠܟܐ ܠܐ ܘܿܠܐ ܠܢ ܠܡܚܙܐ܂ ܡܛܠ ܗܢܐ ܫܕܪܢ ܘܐܿܘܕܥܢ܂
04:15 [ai]ܕܬܩܪܐ ܟܬܒ ܥܘܗ̈ܕܢܐ ܕܐܒܗ̈ܝܟ ܘܬܫܟܚ ܒܣܦܪ ܥܘܗ̈ܕܢܐ ܘܬܕܥ ܕܡܕܝܢܬܐ ܗܕܐ ܡܕܝܢܬܐ ܗܝ ܡܪܘܕܬܐ ܘܡܗܪܬ ܡ̈ܠܟܐ ܘܡ̈ܕܝܢܬܐ܂ ܘܬܟ̈ܬܘܫܐ ܪ̈ܘܪܒܐ ܥܒܝܕܝܢ ܒܓܘܗܿ ܡܢ ܝܘܡ̈ܬ ܥܠܡܐ܂ ܡܛܠ ܗܢܐ ܡܕܝܢܬܐ ܗܝ ܕܚܪܒܬ
04:16 [ai]ܡܘܕܥܝܢܢ ܠܡܠܟܐ܂ ܕܐܢ ܗܿܝ ܡܕܝܢܬܐ ܬܬܒܢܐ ܘܫܘܪ̈ܝܗܿ ܢܬܬܪܝܡܘܢ܂ ܡܛܠ ܗܢܐ ܫܘܠܛܢܐ ܒܥܒܪ ܢܗܪܐ ܠܝܬ ܠܟ܂܂
04:17 [ai]ܘܡܠܟܐ ܫܠܚ ܦܬܓܡܐ ܠܘܬ ܐܪܚܘܡ ܒܥܠ ܛܓܡܐ ܘܠܘܬ ܫܡܫܝ ܣܦܪܐ ܘܠܘܬ ܫܪܟܐ ܕܐܟܘܬܗܘܢ ܕܝܬܒܝܢ ܒܫܡܪܝܢ ܘܫܪܟܐ ܕܝܬܒܝܢ ܒܥܒܪ ܢܗܪܐ ܫܠܡ \ܘܟܢܥܬ܂ /ܘܟܕ ܡܢܥܬ#1##2#/
04:18 [ai]ܐܓܪܬܐ ܕܫܕܪܬܘܢ ܠܘܬܝ ܫܪܝܪܐܝܬ ܩܪܘ ܩܕܡܝ܂
04:19 [ai]ܘܡܢ ܩܕܡܝ ܐܬܬܣܝܡ ܕܝܛܓܡܐ ܘܩܪܘ ܘܐܫܟܚܘ ܕܗܿܝ ܡܕܝܢܬܐ ܡܢ ܝܘܡ̈ܬ ܥܠܡܐ ܥܠ ܡ̈ܠܟܐ ܡܬܬܪܝܡܐ ܘܡܪܕܐ܂ ܘܬܟܬܘܫܐ ܪܒܐ ܐܬܥܒܕ ܒܓܘܗܿ܂
04:20 [ai]ܘܡ̈ܠܟܐ ܥܫܝ̈ܢܐ ܗܘܘ ܥܠ ܐܘܪܫܠܡ܂ ܘܫܠܝܛܝܢ ܒܟܠ ܥܒܪ ܢܗܪܐ܂ ܘܠܡ̈ܠܟܐ ܩܕܡ̈ܝܐ ܒܡܕܡ ܠܐ ܚܫܼܒܘ ܐܢܘܢ܂
04:21 [ai]ܡܟܝܠ ܣܝܡܘ ܢܡܘܣܐ ܠܡܒܛܠܘ ܠܓܒܪ̈ܐ ܗܿܢܘܢ܂ ܘܩܪܝܬܐ ܗܿܝ ܠܐ ܬܬܒܢܐ܂ ܥܕܡܐ ܕܡܢ ܩܕܡܝ ܢܗܘܐ ܦܘܩܕܢܐ܂
04:22 [ai]ܘܗܘܝܬܘܢ ܙܗܝܪܝܢ ܥܠ ܥܒܝܕܬܐ ܗܕܐ܂ ܕܠܡܐ ܕܝܢ ܬܣܓܐ ܗܪܬܐ ܠܡܗܪܘ ܠܡܿܠܟܐ܂
04:23 [ai]ܗܝܿܕܝܢ ܟܕ ܐܼܬܐ ܦܪܫܓܢܐ ܕܐܓܪܬܐ ܕܐܪܛܚܫܫܬ ܡܿܠܟܐ܃ ܩܪܐܘܗܝ ܩܕܡ ܐܪܚܘܡ ܒܥܠ ܛܓܡܐ ܘܫܡܫܝ ܣܿܦܪܐ܂ ܘܩܕܡ ܐܝܠܝܢ ܕܐܟܘܬܗܘܢ ܗܝܿܕܝܢ ܐܬܘ ܒܒܗܠܐ ܥܠ ܝܗܘ̈ܕܝܐ ܠܐܘܪܫܠܡ܂ ܘܒܿܛܠܘ ܐܢܘܢ ܒܚܝܠܐ ܥܫܝܢܐ܂
04:24 [ai]ܗܝܿܕܝܢ ܒܛܼܠܬ ܥܒܝܕܬܐ ܡܢ ܒܝܬܐ ܕܐܠܗܐ ܕܒܐܘܪܫܠܡ܂ ܘܗܘܬ ܒܛܠܐ ܥܕܡܐ ܠܫܢܬ ܬܪܬܝܢ \‍{‍ܠܫܢܬ ܕܪܝܘܫ‍}‍ /ܠܡܠܟܘܬܗ ܕܕܪܝܘܫ#4#/ ܡܿܠܟܐ ܦܪܣܝܐ܀

next chapter