← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62036: P Ezra

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܒܬܪ ܟܠܗܝܢ ܡ̈ܠܐ ܗܠܝܢ ܒܡܠܟܘܬܐ ܕܐܪܛܚܫܫܬ ܡܿܠܟܐ ܕܦܪܣ܂ ‍{‍ܥܙܪܝܐ‍}‍/ܥܙܪܐ#4#/ ܒܪ ܣܪܝܐ܂ ܒܪ ܥܙܪܝܐ ܒܪ ܚܠܩܝܐ܃
07:02 [ai]ܒܪ ܫܠܘܡ ܒܪ ܨܕܘܩ ܒܪ ܐܚܝܛܘܒ
07:03 [ai]ܒܪ ܐܡܪܝܐ ܒܪ ܥܙܪܝܐ ܒܪ ܡܪܝܘܬ
07:04 [ai]ܒܪ ܙܪܚܝܐ܂ ܒܪ ܥܕܝ ܒܪ ܒܩܝ
07:05 [ai]ܒܪ ܐܒܝܫܘܥ ܒܪ ܦܝܢܚܣ ܒܪ ܐܠܝܥܙܪ ܒܪ ܐܗܪܘܢ ܟܗܢܐ܀
07:06 [ai]ܪܫܐ ܗܘܐ ܥܙܪܐ ܕܣܠܩ ܡܢ ܒܒܠ܃ ܗܼܘ ܗܼܘܐ ܣܿܦܪܐ ܚܟܝܡܐ ܒܢܡܘܣܐ ܕܡܘܫܐ ܕܝܗܼܒ ܠܗ ܡܪܝܐ ܐܠܗܐ ܕܐܝܣܪܝܠ܂ ܘܝܼܗܒ ܠܗ ܡܿܠܟܐ ܡܘܗܒܬܐ ܕܐܝܟܢܐ ܕܨܿܒܐ ܢܗܠܟ ܒܢܡܘܣܗ ܕܡܪܝܐ܂
07:07 [ai]ܘܣܠܩܘ ܡܢ ܒܢ̈ܝ ܐܝܣܪܝܠ ܘܡܢ ܟܘܡܪ̈ܐ܃ ܘܠܘܝ̈ܐ ܗܠܝܢ ܡܫܡ̈ܫܢܐ܂ ܘܡܢ ܬܿܪ̈ܥܐ ܘܢ̈ܬܢܝܐ ܡܢ ܐܝܠܝܢ ܕܣܠܼܩܘ ܠܐܘܪܫܠܡ܂ ܒܫܢܬ ܫܒܥ ܠܐܪܛܚܫܫܬ ܡܿܠܟܐ܂
07:08 [ai]ܘܐܬܘ ܠܐܘܪܫܠܡ ܒܝܪܚܐ ܕܚܡܫܐ ܗܼܝ ܗܝ ܫܢܬ ܫܒܥ ܠܡܠܟܐ܂܀܂
07:09 [ai]ܡܛܠ ܕܒܝܪܚܐ ܩܕܡܝܐ ܫܿܪܝܘ ܠܡܣܩ ܡܢ ܒܒܠ܂ ܘܒܚܕ ܒܝܪܚܐ ܕܚܡܫܐ ܐܬܘ ܠܐܘܪܫܠܡ ܐܝܟ ܐܝܼܕܐ ܕܐܠܗܐ ܕܐܛܐܒܬ ܠܗܘܢ܂
07:10 [ai]ܡܛܠ ܕܥܙܪܐ ܐܬܩܢ ܠܒܗ ܠܡܥܒܕ ܢܡܘܣܗ ܕܡܪܝܐ ܘܠܡܥܒܕ ܘܠܡܠܦܘ ܒܐܝܣܪܐܝܠ ܢܡܘ̈ܣܐ ܘܕܝ̈ܢܐ܂
07:11 [ai]ܘܗܢܐ ܦܪܫܓܢܐ ܕܐܓܪܬܐ ܕܝܗܒ ܡܿܠܟܐ ܐܪܛܚܫܫܬ܂ ܠܥܙܪܐ ܟܘܡܪܐ ܣܿܦܪܐ ܕܦ̈ܬܓܡܐ ܘܦܘܩ̈ܕܢܘܗܝ ܕܡܪܝܐ ܘܢܡܘ̈ܣܘܗܝ ܥܠ ܟܠܗ ܐܝܣܪܝܠ܂
07:12 [ai]ܐܪܛܚܫܫܬ ܡܿܠܟܐ ܡܠܟ ܡܠܟ̈ܐ܃ ܠܥܙܪܐ ܟܘܡܪܐ ܣܿܦܪܐ܂ ܣܦܪ ܢܡܘܣܐ ܕܐܠܗ ܫܡܝܐ܃ ܫܿܠܡ
07:13 [ai]ܐܢܐ ܦܩܕܬ ܘܣܿܡܬ ܢܡܘܣܐ܂ ܕܟܠ ܡܿܢ ܕܨܿܒܐ ܒܡܠܟܘܬܝ ܡܢ ܥܡܐ ܕܐܝܣܪܝܠ܂ ܘܡܢ ܟܘܡܪ̈ܐ ܘܡܢ ܠܘܝ̈ܐ ܕܢܐܙܠܘܢ ܥܡܟ ܢܐܙܠܘܢ܂
07:14 [ai]ܐܢܐ ܦܩܕܬ ܘܣܿܡܬ ܢܡܘܣܐ ܘܫܿܕܪܬ ܡܢ ܩܪ̈ܝܒܝ ܠܡܫܐܠܘ ܥܠ ܝܗܘܕ ܘܥܠ ܐܘܪܫܠܡ ܘܐܦ ܠܡܫܐܠܘ ܥܠ ܢܡܘܣܐ ܕܐܠܗܟ ܕܒܐܝ̈ܕܝܟ܃
07:15 [ai]ܠܡܘܒܠܘ ܟܣܦܐ ܘܕܗܒܐ ܕܡܿܠܟܐ܃ ܕܐܢܐ ܡܢ ܨܒܘܬ ܪܥܝܢܝ ܩܿܪܒܬ ܠܒܝܬܐ ܕܡܪܝܐ ܕܒܐܘܪܫܠܡ ܡܫܟܢܐ ܗܿܘ܂
07:16 [ai]ܕܟܘܠ ܟܣܦܐ ܘܕܗܒܐ ܕܐܫܬܟܚ ܒܟܠ ܡܕܝܢܬ ܒܒܠ ܥܡܟ ܢܐܙܠ܂ ܘܟܘܡܪ̈ܐ ܘܠܘܝ̈ܐ ܘܐܝܠܝܢ ܕܨܿܒܝܢ ܠܡܐܙܠ ܥܡܟ ܢܐܙܠܘܢ ܠܒܝܬܐ ܕܐܠܗܐ ܕܒܐܘܪܫܠܡ܂
07:17 [ai]ܘܡܟܝܠ ܝܨܝܦܐܝܬ ܬܙܒܢ ܒܟܣܦܐ ܗܢܐ܃ ܬܘܪ̈ܐ ܘܕܟܪ̈ܐ ܘܐܡܪ̈ܐ ܩܘܪ̈ܒܢܝܗܘܢ ܘܢܘܩܝܗܘܢ܂ ܘܬܩܪܒ ܐܢܘܢ ܥܠ ܡܕܒܚܐ ܕܐܠܗܟܘܢ ܕܒܐܘܪܫܠܡ܂
07:18 [ai]ܘܡܕܡ ܕܫܦܝܪ ܠܟ ܘܠܐ̈ܚܝܟ ܒܫܪܟܐ ܕܟܣܦܐ ܗܢܐ ܠܡܥܒܕ ܐܝܟ ܨܒܝܢܗ ܕܐܠܗܟܘܢ ܬܥܒܕܘܢ܂
07:19 [ai]ܘܡܐ̈ܢܐ ܕܡܬܝܗܒܝܢ ܠܟ ܠܦܘܠܚܢܐ ܕܒܝܬܗ ܕܐܠܗܟ܂ ܐܫܠܡ ܐܠܗܐ ܕܒܐܘܪܫܠܡ܂
07:20 [ai]ܘܫܪܟܐ ܕܡܐ̈ܢܐ ܕܡܬܒܥܝܢ ܠܟ ܠܬܫܡܫܬܐ ܕܒܝܬ ܐܠܗܟ܂ ܬܣܒ ܘܬܬܠ ܡܢ ܒܝܬ ܓܙܗ ܕܡܿܠܟܐ܂
07:21 [ai]ܐܢܐ ܐܪܛܚܫܫܬ ܡܿܠܟܐ ܣܿܡܬ ܢܡܘܣܐ܃ ܠܟܠܗܘܢ ܓܙܒܪ̈ܐ ܕܐܝܬ ܒܥܒܪ ܢܗܪܐ܂ ܕܟܘܠ ܡܕܡ ܕܢܫܐܠܟܘܢ ܥܙܪܐ ܟܘܡܪܐ ܣܿܦܪܐ ܣܦܼܪ ܢܡܘܣܐ ܕܐܠܗ ܫܡܝܐ ܚܦܝܛܐܝܬ ܬܥܒܕܘܢ
07:22 [ai]ܥܕܡܐ ܠܟܣܦܐ ܟܟܪ̈ܐ ܡܐܐ܂ ܥܕܡܐ ܠܚ̈ܛܐ ܟܘܪ̈ܐ ܡܐܐ܂ ܥܕܡܐ ܠܚܡܪܐ ܪ̈ܒܥܐ ܡܐܐ܂ ܥܕܡܐ ܠܡܫܚܐ ܪ̈ܒܥܐ ܡܐܐ܂ ܘܡܠܚܐ ܕܠܐ ܟܬܒ܂
07:23 [ai]ܘܟܠ ܡܕܡ ܒܦܛܩܐ ܢܬܝܗܒ܂ ܘܗܒܼܘ ܠܗ ܐܝܟ ܢܡܘܣܐ ܕܐܠܗܗ ܢܡܘܣܐ ܕܐܠܗ ܫܡܝܐ܂ ܢܣܒ ܘܢܥܒܕ ܘܠܐ ܢܗܘܐ ܪܘܓܙܐ ܥܠ ܡܠܟܘܬ ܡܿܠܟܐ ܘܒ̈ܢܘܗܝ܂
07:24 [ai]ܘܠܟܘܢ ܡܘܿܕܥܝܢܢ ܕܠܟܠ ܟܘܡܪ̈ܐ ܘܠܘܝ̈ܐ ܘܩܪ̈ܝܝ ܒܩܪ̈ܢܬܐ ܘܠܦ̈ܠܚܝ ܒܝܬ ܐܠܗܐ ܠܐ ܫܠܝܛ ܠܟܘܢ ܠܡܐܡܪ ܠܗܘܢ ܡܕܡ܂
07:25 [ai]ܘܐܢܬ ܥܙܪܐ ܣܿܦܪܐ܃ ܐܝܟ ܚܟܡܬܐ ܕܐܠܗܟ ܝܗܼܒ ܠܟ܃ ܥܒܕ ܪ̈ܘܪܒܢܝܢ ܘܕܿܝ̈ܢܝܢ܂ ܕܢܗܘܘܢ ܕܝܿܢܝܢ ܠܟܠܗ ܥܡܐ ܒܥܒܪ ܢܗܪܐ܂ ܠܟܠ ܝܕܥ̈ܝ ܢܡܘܣܐ ܕܐܠܗܟ܂ ܡܿܢ ܕܠܐ ܝܿܕܥ ܬܘܕܥܝܘܗܝ܂
07:26 [ai]ܘܟܘܠ ܕܠܐ ܢܗܘܐ ܥܿܒܕ ܢܡܘܣܐ ܕܐܠܗܟ ܘܢܡܘܣܗ ܕܡܿܠܟܐ܂ ܚܝܨܐܝܬ/ܝܨܝܦܐܝܬ#4#/ ܢܗܘܐ ܡܬܥܒܕ ܡܢܗ ܕܝܢܐ܂ ܐܢ ܠܡܘܬܐ ܘܐܢ ܠܚܝ̈ܐ܂ ܘܐܢ ܠܚܘܣܪܢܐ ܕܢܟ̈ܣܐ܂ ܘܐܢ ܠܒܝܬ ܐܣܝܪ̈ܐ܂
07:27 [ai]ܒܪܝܟ ܐܢܬ ܡܪܝܐ ܐܠܗܐ ܕܐܒ̈ܗܝܢ܃ ܕܝܗܼܒ ܡܠܬܐ ܗܕܐ ܒܠܒܐ ܕܡܿܠܟܐ ܠܡܫܒܚܘ ܒܝܬܐ ܕܡܪܝܐ ܕܒܐܘܪܫܠܡ܂
07:28 [ai]ܘܥܠܝ ܐܪܡܝ ܚܣܕܐ ܩܕܡ ܡܿܠܟܐ܂ ܘܩܕܡ ܟܠ ܪ̈ܘܪܒܢܝ ܡܿܠܟܐ ܓܢܒܪ̈ܐ܂ ܘܐܢܐ ܐܬܿܥܫܢܬ ܐܝܟܿܢܐ ܕܗܘܬ ܥܠܝ ܐܝܕܗ ܕܡܪܝܐ ܐܠܗܝ܂ ܘܓܒܿܝܬ ܡܢ ܐܝܣܪܐܝܠ ܐܢ̈ܫܐ ܪ̈ܫܐ ܕܢܣܩܘܢ ܥܡܝ܂

next chapter