← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62036: P Ezra

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


08:01 [ai]ܘܗܠܝܢ ܫܡ̈ܗܐ ܕܪ̈ܫܐ ܕܐܒܗ̈ܝܗܘܢ ܕܐܫܬܪܒܘ ܘܣܠܩܘ ܥܡܝ ܒܡܿܠܟܘܬ ܐܪܛܚܫܫܬ ܡܿܠܟܐ ܡܢ ܒܒܠ܂
08:02 [ai]ܡܢ ܒܢ̈ܝ ܦܝܢܚܣ ܓܪܫܘܡ܂ ܡܢ ܒܢ̈ܝ ‍{‍ܬܪܡ‍}‍/ܬܡܪ#4#/ ܕܢܝܐܝܠ܂ ܡܢ ܒܢ̈ܝ ܕܘܝܕ ܚܛܘܫ܂
08:03 [ai]ܡܢ ܒܢ̈ܝ ܫܟܢܝܐ ܘܡܢ ܒܢ̈ܝ ܦܪܥܫ ܙܟܪܝܐ܂ ܘܥܡܗ ܐܫܬܪܒܘ ܕܟܪ̈ܐ ܡܐܐ ܘܚܡܫܝܢ܂
08:04 [ai]ܡܢ ܒܢ̈ܝ ܫܘܠܛܢ ܡܘܐܒ܃ ܐܠܝܐ ܘܚܢܢܝ ܒܪ ܙܪܚܝܐ܂ ܘܥܡܗ ܡܐܬܝܢ ܕܟܪ̈ܐ܂
08:05 [ai]ܡܢ ܒܢ̈ܝ ܫܟܢܝܐ ‍<‍ܓܕܘ#4#‍>‍ ܒܪ ܝܚܙܝܐܝܠ܂ ܘܥܡܗ ܬܠܬܡܐܐ ܕܟܪ̈ܐ܂
08:06 [ai]ܡܢ ܒܢ̈ܝ ܥܙܘܢ܂ ܥܒܼܕܘ ܒܪ ܝܘܢܬܢ܂ ܘܥܡܗ ܚܡܫܝܢ ܕܟܪ̈ܐ܂
08:07 [ai]ܡܢ ܒܢ̈ܝ ܥܝܠܡ ܐܫܥܝܐ ܒܪ ܢܬܢܝܐ܂ ܘܥܡܗ ܫܒܥܝܢ ܕܟܪ̈ܐ܂
08:08 [ai]ܡܢ ܒܢ̈ܝ ܫܒܛܝܐ܂ ܙܟܪܝܐ ܒܪ ܡܝܟܐܝܠ܂ ܘܥܡܗ ܬܡܢܐܝܢ ܕܟܪ̈ܐ܂
08:09 [ai]ܡܢ ܒܢ̈ܝ ܝܘܐܒ܂ ܥܘܒܕܝܐ ܒܪ ܢܚܐܝܠ܂ ܘܥܡܗ ܡܐܬܝܢ ܘܬܡܢܬܥܣܪ ܕܟܪ̈ܐ܂
08:10 [ai]ܡܢ ܒܢ̈ܝ ܣܠܡܘܬ ܒܪ ܝܘܣܦܝܐ ܘܥܡܗ ܡܐܬܝܢ ܘܫܬܝܢ ܕܟܪ̈ܐ܂
08:11 [ai]ܡܢ ܒܢ̈ܝ ܒܒܝ ܙܟܪܝܐ ܒܪ ܒܒܝ܂ ܘܥܡܗ ܥܣܪܝܢ ܘܬܡܢܝܐ ܕܟܪ̈ܐ܂
08:12 [ai]ܡܢ ܒܢ̈ܝ ܥܙܓܪ܂ ܝܘܚܢܢ ܒܪ ܙܟܪܝܐ܂ ܘܥܡܗ ܡܐܐ ܘܥܣܪܐ ܕܟܪ̈ܐ
08:13 [ai]ܡܢ ܒܢ̈ܝ ܐܪܢܩܘܡ ܐܚܕܝܐ܂ ܘܗܠܝܢ ܫܡܗ̈ܝܗܘܢ܂ ܐܠܝܦܠܛ܂ ܢܥܐܝܠ܂ ܫܡܥܝܐ܂ ܘܥܡܗܘܢ ܫܬܝܢ ܕܟܪ̈ܐ܂
08:14 [ai]ܡܢ ܒܢ̈ܝ ܒܓܘܝ܂ ܥܘܬܝ ܘܙܟܘܪ܂ ܘܥܡܗܘܢ ܫܬܝܢ ܕܟܪ̈ܐ܂
08:15 [ai]ܘܟܢܫܬ ܐܢܘܢ ܠܢܗܪܐ ܕܐܿܬܐ ܠܗܘܐ܂ ܘܫܪܝܢ ܬܡܢ ܝܘܡ̈ܬܐ ܬܠܬܐ܂ ܘܐܣܿܬܟܠܬ ܒܥܡܐ ܘܒܟܘܡܪ̈ܐ ܡܢ ܒܢ̈ܝ ܠܘܝ܂ ܘܠܐ ܐܫܟܚܿܬ ܬܡܢ܂
08:16 [ai]ܘܫܠܚܿܬ ܠܠܥܙܪ ܘܠܐܪܢܝܐ ܘܠܫܡܥܝܐ ܘܠܐܢܬܢ ܘܠܝܪܒ ܘܠܐܠܝܬܢ ܘܠܢܬܢ ܘܠܙܟܪܝܐ ܘܠܡܫܠܘܡ ܪ̈ܫܐ ܘܠܝܘܢܕܒ ܘܠܐܠܝܬܢ܂ ܗܠܝܢ ܟܘܠܗܘܢ ܪ̈ܫܐ܂
08:17 [ai]ܘܦܩܿܕܬ ܐܢܘܢ ܠܘܬ ܐܿܕܝ ܪܝܫܐ ܕܝܠܗܘܢ ܕܒܟܣܦܝܐ ܐܬܪܐ܂ ܘܣܿܡܬ ܒܦܘܡܗܘܢ ܦܬܓܡܐ ܠܡܡܠܠܘ ܥܡ ܗܕܝ ܐܚܘܢ ܕܫܪܝܢ ܗܘܘ ܒܟܣܦܝܐ ܐܬܪܐ ܠܡܝܬܝܘ ܠܢ ܡܫܡ̈ܫܢܐ ܠܒܝܬܐ ܕܐܠܗܢ܂
08:18 [ai]ܘܐܝܬܝܘ ܠܢ ܐܝܟ ܐܝܕܐ ܕܐܠܗܐ ܕܐܛܐܒܬ ܥܠܝܢ܃ ܠܓܒܪܐ ܚܕ ܚܟܝܡܐ ܡܢ ܒܢ̈ܝ ܡܚܠܝ ܒܪ ܠܘܝ ܒܪ ܐܝܣܪܐܝܠ܂ ܘܫܪܝܐ ܘܐܚ̈ܘܗܝ ܘܒܢܘ̈ܗܝ ܬܪܥܣܪ܂
08:19 [ai]ܘܚܫܒܝܐ ܘܥܡܗ ܐܫܥܝܐ ܡܢ ܒܢ̈ܝ ܡܪܪܝ܂ ܘܐܚ̈ܘܗܝ ܘܒܢܘ̈ܗܝ ܥܣܪܝܢ܂
08:20 [ai]ܡܢ ܓܒܪ̈ܐ ܕܝܗܼܒ ܕܘܝܕ ܠܦܘܠܚܢܐ ܕܠܘܝ̈ܐ܂ ܕܝܗܒܝܢ ܡܐܬܝܢ ܘܥܣܪܝܢ ܟܠܗܘܢ ܐܬܩܪܝܘ ܒܫܡ̈ܗܝܗܘܢ܂
08:21 [ai]ܘܩܿܪܝܬ ܘܦܩܿܕܬ ܐܢܘܢ ܥܠ ܢܗܪ ܗܘܐ ܠܡܬܥܢܝܘ ܩܕܡ ܐܠܗܢ܂ ܘܠܡܒܥܐ ܡܢܗ܂ ܐܘܪܚ ܬܪܝܨܐ܂ ܠܢ ܘܠܛܦܠܢ ܘܠܟܠܗ ܩܢܝܢܢ܂
08:22 [ai]ܡܛܠ ܕܒܿܗܬܬ ܕܐܫܐܠ ܡܢ ܡܿܠܟܐ ܚܝ̈ܠܐ ܘܦܪ̈ܫܐ ܕܢܥܕܪܘܢܢ ܡܢ ܒܥܠܕܒ̈ܒܝܢ ܒܐܘܪܚܐ܂ ܡܛܠ ܕܐܡܪ̈ܢ ܗ̈ܘܝܢ ܠܡܿܠܟܐ܂ ܕܐܝܼܕܐ ܕܐܠܗܐ ܗܿܘܝܐ ܥܡ ܟܠ ܕܒܥܿܝܢ ܠܗ ܠܛܒ܂ ܘܥܘܫܢܗ ܘܚܡܬܗ ܥܠ ܟܠ ܡܿܢ ܕܫܒܿܩܝܢ ܠܗ܂
08:23 [ai]ܘܢܨܘܡ ܘܢܒܥܐ ܡܢ ܐܠܗܢ ܥܠ ܗܕܐ܃ ܘܡܫܬܡܥ ܠܢ܂
08:24 [ai]ܘܓܒܿܝܬ ܡܢ ܩܫܝ̈ܫܝ ܟܘܡܪ̈ܐ ܬܪܥܣܪ܂ ܘܠܫܪܒܝܐ ܘܠܚܫܒܝܐ܂ ܘܥܡܗܘܢ ܡܢ ܐܚܝ̈ܗܘܢ ܥܣܪܐ܂
08:25 [ai]ܘܡܿܢܝܬ ܠܗܘܢ ܟܣܦܐ ܘܕܗܒܐ܂ ܘܡܐ̈ܢܐ܂ ܪܫܝܬܐ ܠܒܝܬܐ ܕܐܠܗܢ܂ ܕܝܗܼܒ ܡܿܠܟܐ ܘܚܐܪ̈ܘܗܝ ܘܪ̈ܘܪܒܢܘܗܝ܂ ܘܟܠܗ ܐܝܣܪܝܠ ܕܐܫܬܟܚ ܬܡܢ܂
08:26 [ai]ܘܡܢܿܝܬ ܥܠܝܗܘܢ ܟܣܦܐ ܟܟܪ̈ܐ ܡܐܐ ܘܚܡܫܝܢ܂ ܘܡܐ̈ܢܝ ܟܣܦܐ ܡܐܐ܂ ܘܕܗܒܐ ܡܐܐ ܟܟܪ̈ܝܢ܂
08:27 [ai]ܘܦ̈ܛܩܐ ܕܕܗܒܐ ܥܣܪ̈ܝܢ܂ ܘܕܪ̈ܝܟܘܢܐ ܐܠܦ܂ ܘܡܐ̈ܢܝ ܢܚܫܐ ܩܘܪܢܬܝܢܐ/ܩܘܪܝܢܬܝܐ#4#/ ܛܿܒܐ ܕܫܦܝܪܝܢ ܐܝܟ ܕܗܒܐ܂
08:28 [ai]ܘܐܿܡܪܬ ܠܗܘܢ܂ ܐܢܬܘܢ ܩܕܝܫܝܢ ܘܡܐ̈ܢܐ ܩܕܝܫܝܢ܂ ܘܟܣܦܐ ܘܕܗܒܐ܂ ܩܘܪܒܢܐ ܠܡܪܝܐ ܐܠܗܐ ܕܐܒܗ̈ܝܟܘܢ܂
08:29 [ai]ܐܙܕܗܪܘ ܘܛܪܘ ܥܕܡܐ ܕܬܫܠܡܘܢܗ ܩܕܡ ܪ̈ܒܝ ܟܘܡܪ̈ܐ ܘܠܘܝ̈ܐ܂ ܘܪ̈ܝܫܝ ܐܒܗ̈ܐ ܕܐܝܣܪܝܠ܂ ܒܐܘܪܫܠܡ ܒܗܝܟܠܐ ܕܒܝܬ ܡܪܝܐ܂
08:30 [ai]ܘܩܿܒܠܘ ܟܘܡܪ̈ܐ ܘܠܘܝ̈ܐ ܥܠܝܗܘܢ ܕܢܫܠܡܘܢ ܒܡܬܩܠܐ ܟܣܦܐ ܘܕܗܒܐ ܘܡܐ̈ܢܐ ܠܡܥܠܘ ܠܐܘܪܫܠܡ ܠܒܝܬܐ ܕܐܠܗܢ܂
08:31 [ai]ܘܫܩܠܢ ܡܢ ܢܗܪ ܗܘܐ ܒܬܪܥܣܪܐ ܒܝܪܚܐ ܩܕܡܝܐ ܠܡܐܙܠ ܠܐܘܪܫܠܡ܂ ܘܐܝܼܕܐ ܕܐܠܗܐ ܗܘܬ ܥܠܝܢ ܘܦܪܩܢ ܡܢ ܐܝܼܕܐ ܕܒ̈ܥܠܕܒܒܝܢ܂ ܘܐܦ ܡܢ ܕܘܩ̈ܐ ܕܐܝܬ ܒܐܘܪܚܐ܃
08:32 [ai]ܘܐܿܬܝܢ ܠܐܘܪܫܠܡ܂ ܘܝ̈ܬܒܢ ܬܡܢ ܝܘܡ̈ܬܐ ܬܠܬܐ܂
08:33 [ai]ܘܒܝܘܡܐ ܕܐܪܒܥܐ܃ ܬܩܠܢ ܟܣܦܐ ܘܕܗܒܐ܃ ܘܡܐ̈ܢܐ ܒܒܝܬܐ ܕܐܠܗܢ܂ ܘܐܫܠܡܢ ܐܢܘܢ ܠܡܪܡܘܬ ܒܪ ܐܘܪܝܐ ܟܗܢܐ܂ ܘܥܡܗ ܠܥܙܪ ܒܪ ܦܝܢܚܣ܂ ܘܥܡܗܘܢ ܝܗܘܙܒܪ ܒܪ ܝܫܘܥ܂ ܘܝܘܕܥܝܐ ܒܪ ܒܓܘܝ ܠܘܝ̈ܐ
08:34 [ai]ܒܡܢܝܢܐ ܒܡܬܩܠܐ ܠܟܠ ܡܕܡ܂ ܘܐܬܟܬܒ ܟܠܗ ܡܬܩܠܐ ܒܙܒܢܐ ܗܿܘ܀܂܂
08:35 [ai]ܘܗܠܝܢ ܐܝܠܝܢ ܕܐܬܘ ܡܢ ܫܒܝܐ ܡܢ ܒܢ̈ܝ ܓܠܘܬܐ܂ ܘܩܿܪܒܘ ܥܠܘ̈ܬܐ ܠܐܠܗܐ ܕܐܝܣܪܝܠ ܬܘܪ̈ܐ ܬܪܥܣܪ܂ ܥܠ ܟܘܠܗ ܐܝܣܪܐܝܠ ܕܟܪ̈ܐ ܬܫܥܝܢ ܘܫܬܐ܂ ܐܡܪ̈ܐ ܫܒܥܝܢ ܘܫܒܥܐ܂ ܨܦܪ̈ܝܐ ܠܫܘܒܩܢ ܚܛܗ̈ܐ ܬܪܥܣܪ܂ ܗܠܝܢ ܟܘܠܗܝܢ ܥܠܘ̈ܬܐ ܠܡܪܝܐ܂
08:36 [ai]ܘܝܼܗܒ ܕܝܛܓܡܐ ܕܡܿܠܟܐ ܠܪ̈ܘܪܒܢܝ ܡܿܠܟܐ܂ ܘܠܫ̈ܠܝܛܝ ܥܒܪܐ ܕܢܗܪܐ ܘܡܝܩܪܝܢ ܗܘܘ ܠܥܡܐ ܘܠܒܝܬܗ ܕܐܠܗܐ܂

next chapter