← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62037: P Neh

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܘܗܝܿܕܝܢ ܒܝܪܚ ܢܝܣܢ ܒܫܢܬ ܥܣܪܝܢ ܠܐܪܛܚܫܫܬ ܡܿܠܟܐ ܚܡܼܪܐ ܡܫܩܐ ܗܿܘܝܬ ܩܕܡ ܡܠܟܐ܂ ܘܫܿܩܠܬ ܚܡܪܐ ܘܝܗܿܒܬ ܠܡܿܠܟܐ܂ ܘܠܐ ܗܘܿܝܬ ܒܝܫ ܩܕܡܘܗܝ܂
02:02 [ai]ܘܐܼܡܪ ܠܝ ܡܿܠܟܐ܂ ܡܛܠ ܡܢܐ ܐܦ̈ܝܟ ܒܝ̈ܫܢ܂ ܘܐܢܬ ܠܐ ܗܼܘܝܬ ܟܪܝܗ܂ ܠܝܬ ܗܢܐ܂ ܐܠܐ ܐܢ ܒܝܫܘܬ ܠܒܐ܂ ܘܕܚܿܠܬ ܣܓܿܝ ܛܒ܂
02:03 [ai]ܘܐܡܿܪܬ ܠܡܿܠܟܐ܂ ܡܿܠܟܐ ܠܥܠܡ ܚܝܝ܂ ܡܛܠ ܡܢܐ ܠܐ ܢܒܐ̈ܫܢ ܐܦ̈ܝ܂ ܕܡܕܝܢܬܐ ܕܒܝܬ ܡܠܟܘܬܐ ܕܐܒܗ̈ܝ ܚܪܒܐ ܘܬܪ̈ܥܝܗܿ ܡܘܩܕܝܢ ܒܢܘܪܐ܂
02:04 [ai]ܘܐܼܡܪ ܠܝ ܡܿܠܟܐ܂ ܡܛܠ ܗܕܐ ܒܥܝܬ܂ ܘܨܿܠܝܬ ܩܕܡ ܐܠܗܐ ܕܫܡܝܐ܂
02:05 [ai]ܘܐܡܿܪܬ ܠܡܠܟܐ܂ ܐܢ ܥܠ ܡܿܠܟܐ \ܫܦܝܪ܂ ܐܢܐ ܐܢܐ /ܛܒ܂ ܘܐܢ ܫܿܦܪ ܐܢܐ#4#/ ܥܒܕܟ ܩܕܡܝܟ ܬܫܕܪܢܝ ܠܝܗܘܕ ܡܕܝܢܬܗ ܕܕܘܝܕ ܠܒܝܬ ܩܒܘܪܐ ܕܐܒ̈ܗܝ ܘܐܒܢܝܗܿ܂
02:06 [ai]ܘܐܼܡܪ ܠܝ ܡܿܠܟܐ܂ ܫܛܝܐ܂ ܥܕ ܐܡܬܝ ܐܿܙܠ ܐܢܬ ܘܐܿܬܐ܂ ܘܫܦܼܪ ܩܕܡ ܡܿܠܟܐ ܘܫܕܪܢܝ܂ ܘܝܗܒ ܠܝ ܙܒܢܐ܂
02:07 [ai]ܘܐܡܿܪܬ ܠܡܿܠܟܐ܂ ܐܢ ܥܠ ܡܿܠܟܐ ܫܦܝܪ ܢܟ̈ܬܒܢ ܠܝ ܐܓܪ̈ܬܐ ܠܘܬ ܫܠܝ̈ܛܐ ܕܒܥܒܪ ܢܗܪܐ ܕܢܥܕܪܘܢܢܝ ܥܕܡܐ ܕܐܿܙܠ ܠܝܗܘܕ܂
02:08 [ai]ܘܐܓܪܬܐ ܠܘܬ ܐܣܦ ܢܛܿܪ ܦܪܕܝܣܐ ܕܡܿܠܟܐ܂ ܕܢܬܠ ܠܝ ܩܝ̈ܣܐ ܠܡܥܒܕ ܬܪ̈ܥܝ ܒܝܬܐ܂ ܘܕܒ̈ܬܐ ܘܕܫܘܪܐ ܕܡܕܝܢܬܐ܂ ܘܠܒܝܬܐ ܕܥܐܿܠ ܐܢܐ ܠܗ܂ ܘܝܗܼܒ ܠܝ ܡܿܠܟܐ ܐܝܟ ܐܝܼܕܗ ܕܐܠܗܝ ܕܐܛܐܒܬ ܠܝ܂
02:09 [ai]ܘܐܿܬܝܬ ܠܘܬ ܫܠܝܛܐ ܕܒܥܒܪ ܢܗܪܐ ܘܝܗܿܒܬ ܠܗ ܐܓܪܬܐ ܕܡܿܠܟܐ܂ ܘܫܕܪ ܥܡܝ ܡܿܠܟܐ ܪ̈ܒܝ ܚܝ̈ܠܐ ܘܦܪ̈ܫܐ܂
02:10 [ai]ܘܫܼܡܥ ܣܡܒܠܝܛ ܚܘܪܢܝܐ ܘܛܘܒܝܐ ܓܒܪ̈ܐ ܥܡܘ̈ܢܝܐ܂ ܘܐܬܐܒܫܬ ܠܗܘܢ ܒܝܫܐܝܬ ܥܠ ܕܐܼܬܐ ܒܪܢܫܐ ܠܡܒܥܐ ܛܿܒܬܐ ܥܠ ܒܢ̈ܝ ܐܝܣܪܝܠ܂
02:11 [ai]ܘܐܿܬܝܬ ܠܐܘܪܫܠܡ ܘܗܘܿܝܬ ܬܡܢ ܝܘܡ̈ܬܐ ܬܠܬܐ܂
02:12 [ai]ܘܩܡܿܬ ܒܠܠܝܐ ܐܢܐ ܘܓܒܪ̈ܐ ܗܿܢܘܢ ܕܐܝܬ ܗܘܘ ܥܡܝ܂ ܘܠܐ ܚܘܝܿܬ ܠܐܢܫ ܡܕܡ ܕܐܪܡܝ ܐܠܗܝ ܒܠܒܝ ܠܡܥܒܕ ܠܐܘܪܫܠܡ܂ ܘܒܥܝܪܐ ܠܝܬ ܗܘܐ ܥܡܝ܂ ܐܠܐ ܐܢ ܒܥܝܪܐ ܕܪܟܝܒ ܗܿܘܝܬ ܥܠܝܗܿ܂
02:13 [ai]ܘܢܦܿܩܬ ܒܬܪܥܐ ܕܢܚܠܐ ܒܠܠܝܐ܂ ܠܐ̈ܦܝ ܥܝܢ ܬܢܝܢ ܘܠܬܪܥܐ ܕܐܣܦܘܬ܂ ܘܗܿܘܝܬ ܣܿܟܪ ܒܫܘܪ̈ܝܗܿ ܕܐܘܪܫܠܡ ܕܡܬܪܥܝܢ ܗܘܘ܂ ܘܬܪ̈ܥܐ ܝܩܝܕܝܢ ܗܘܘ ܒܢܘܪܐ܂
02:14 [ai]ܘܥܿܒܪܬ ܥܠ ܬܪܥܐ ܕܢܚܠܐ ܘܠܐܡܐ ܕܡܿܠܟܐ܂ ܘܠܝܬ ܗܘܐ ܐܬܪܐ ܠܒܥܝܪܐ ܠܡܥܒܪ ܬܡܢ܂
02:15 [ai]ܘܗܿܘܝܬ ܣܿܠܩ ܒܢܚܠܐ ܒܠܠܝܐ܂ ܘܗܿܘܝܬ ܣܿܟܪ ܒܫܘܪܐ ܘܐܿܬܐ ܘܥܿܠܬ ܒܬܪܥ ܢܚܠܐ ܘܗܿܦܟܬ܂
02:16 [ai]ܘܫ̈ܠܝܛܐ ܠܐ ܝܕܥܘ ܠܐܝܿܟܐ ܐܙܿܠܬ ܘܡܢܐ ܥܿܒܕ ܐܢܐ܂ ܘܠܝܗ̈ܘܕܝܐ ܘܠܟܗ̈ܢܐ ܘܠܫ̈ܠܝܛܢܐ ܘܠܣܿܦܪ̈ܐ ܘܠܫܪܟܐ ܕܥܒ̈ܕܝ ܥܒ̈ܝܕܬܐ ܥܕܡܐ ܠܗܫܐ ܠܐ ܚܿܘܝܬ܂
02:17 [ai]ܘܐܡܿܪܬ ܠܗܘܢ܂ ܐܢܬܘܢ ܚܿܙܝܢ ܒܝܫܼ̈ܬܐ ܕܚܢܢ ܒܗܝܢ܂ ܕܗܐ ܐܘܪܫܠܡ ܚܪܒܐ ܘܬܪ̈ܥܝܗܿ ܝܩܝܕܝܢ ܒܢܘܪܐ܂ ܬܘ ܢܒܢܐ ܫܘܼܪܐ ܕܐܘܪܫܠܡ܂ ܘܠܐ ܢܗܘܐ ܡܟܝܠ ܚܣܕܐ܂
02:18 [ai]ܘܓܠܝܬ ܠܗܘܢ ܐܝܼܕܐ ܕܐܠܗܝ ܕܗܘܬ ܥܡܝ ܠܛܒ܂ ܐܦ ܡ̈ܠܝ ܡܿܠܟܐ ܕܐܬܐܡܪ ܠܝ܂ ܘܐܡܪܝܢ ܩܝܡܝܢܢ ܘܒܢܝܢ܂ ܘܥܫܢܘ ܐܝܕܝ̈ܗܘܢ ܠܡܥܒܕ ܕܛܒ܂
02:19 [ai]ܘܫܼܡܥ ܣܡܒܠܝܛ ܚܘܪܢܝܐ܂ ܘܛܘܒܝܐ ܓܒܪܐ ܥܡܘܢܝܐ܂ ܘܓܫܘܡ ܥܪܒܝܐ܂ ܘܓܚܟܘ ܥܠܝܢ܂ ܘܡܝܩܘ ܒܢ ܘܐܡܿܪܝܢ܂ ܡܢܐ ܗܝ ܡܠܬܐ ܗܕܐ ܕܥܒܿܕܝܢ ܐܢܬܘܢ܂ ܕܠܡܐ ܥܠ ܡܿܠܟܐ ܐܢܬܘܢ ܡܿܪܕܝܢ܂
02:20 [ai]ܘܐܬܿܝܒܬ ܐܢܘܢ ܦܬܓܡܐ ܘܐܡܿܪܬ ܠܗܘܢ܂ ܐܠܗܐ ܕܫܡܝܐ ܗܼܘ ܦܪܩܢ܂ ܘܚܢܢ ܥܿܒܕܝܢ ܘܩܿܝܡܝܢ ܘܒܢܝܢ܂ ܘܠܟܘܢ ܠܝܬ ܠܟܘܢ ܙܕܩܐ ܘܕܘܟܪܢܐ ܘܡܿܢܬܐ ܒܐܘܪܫܠܡ܂

next chapter