The Comprehensive Aramaic Lexicon

04:01 [ai]	ܗܝܿܕܝܢ ܟܕ ܫܡܼܥ ܣܡܒܠܝܛ ܘܛܘܒܝܐ܃ ܘܥܪ̈ܒܝܐ ܘܥܡܘ̈ܢܝܐ ܘܐܫܕܘ̈ܕܝܐ ܕܐܬܝܗܒ ܙܒܢܐ ܠܫܘܪܐ ܕܐܘܪܫܠܡ ܠܡܬܒܢܝܘ܃ ܘܫܿܪܝ ܬܘܪ̈ܥܬܐ ܠܡܣܬܟܪܘ܃ ܟܪܝܬ ܠܗܘܢ ܛܒ܂
04:02 [ai]	ܘܐܬܚܫܒܘ ܟܠܗܘܢ ܐܟܚܕܐ ܠܡܐܬܐ ܠܡܬܟܬܫܘ ܒܐܘܪܫܠܡ ܘܠܡܥܒܕ ܠܗܘܢ ܬܘܩܠܬܐ܂
04:03 [ai]	ܘܨܿܠܝܢ ܩܕܡ ܐܠܗܐ ܕܢܩܝܡ ܥܠܝܢ ܢܿܛܘܪܐ ܒܐܝܡܡܐ ܘܒܠܠܝܐ ܡܢ ܩܕܡܝܗܘܢ܂
04:04 [ai]	ܘܐܡܿܪܝܢ ܝܗܘ̈ܕܝܐ܂ ܒܨܪ ܠܗ ܚܝܠܐ ܡܢ ܩܘܦ̈ܝܐ ܘܥܦܪܐ ܣܿܓܝ ܛܒ܂ ܘܚܢܢ ܠܐ ܡܫܟܚܝܢ ܚܢܢ ܠܡܒܢܐ ܫܘܪܐ
04:05 [ai]	ܘܐܡܿܪܝܢ ܣܢܐ̈ܝܢ ܕܠܐ ܢܕܥܘܢ ܘܠܐ ܢܚܙܘܢ ܥܕܡܐ ܕܢܦܠ ܥܠܝܗܘܢ ܘܢܩܿܛܠ ܐܢܘܢ܂ ܘܢܿܒܛܠ ܥܿܒܕܗܘܢ܂
04:06 [ai]	ܘܐܬܘ ܝܗܘ̈ܕܝܐ ܕܝܿܬܒܝܢ ܠܘܬܗܘܢ ܘܐܡܪܝܢ ܠܢ܂ ܗܐ ܡܟܝܠ ܥܣܪ ܙܒ̈ܢܝܢ ܐܬܘ ܠܡܬܟܬܫܘ ܥܡܟܘܢ ܡܢ ܟܘܠܗܘܢ ܐܬܪ̈ܘܬܐ ܐܝܠܝܢ ܕܫܼܕܝܢ ܗܘܘ ܒܗܘܢ܂
04:07 [ai]	ܘܐܬܘ ܘܩܡܘ ܡܢ ܒܣܬܪ ܫܘܪܐ ܠܡܬܟܬܫܘ ܥܡܟܘܢ ܒܓܐܪ̈ܝܗܘܢ܂ ܘܦܠܓܘܗܝ ܠܚܝܠܐ ܒܚܝܠܐ ܠܛܘܗܡ̈ܐ ܥܡ ܣܝ̈ܦܝܗܘܢ ܘܪ̈ܘܡܚܐ ܘܩܫܬܬܐ܂
04:08 [ai]	ܘܕܚܿܠܬ ܘܩܡܬ ܘܐܡܪܬ ܠܪ̈ܘܪܒܢܐ ܘܠܫܠܝ̈ܛܢܐ ܘܠܫܪܟܐ ܕܥܡܐ܂ ܠܐ ܬܕܚܠܘܢ ܡܢ ܩܕܡܝܗܘܢ܂ ܠܡܪܝܐ ܪܒܐ ܘܕܚܝܠܐ ܐܬܕܟܪܘ܂ ܘܐܬܟܬܫܘ ܥܠ ܐ̈ܦܝ ܐܚܝ̈ܟܘܢ܂ ܘܥܠ ܐܦܝ̈ ܒܢܝܟܘܢ ܘܒܢ̈ܬܟܘܢ܂
04:09 [ai]	ܗܝܿܕܝܢ ܟܕ ܫܡܼܥܘ ܒܥܠܕܒ̈ܒܝܢ ܕܐܬܝܕܥܼܬ ܠܢ ܡܠܬܐ ܘܒܿܛܠ ܡܪܝܐ ܡܘ̈ܠܟܢܝܗܘܢ܂ ܘܐܬܗܦܟܢ ܟܘܠܢ ܘܣܠܩܢ ܠܫܘܪܐ܂ ܘܥܿܒܕܝܢ ܗܿܘܝܢ ܟܠܢ܃ ܓܒܪ ܒܥܿܒܕܗ܂
04:10 [ai]	ܘܦܠܓܐ ܕܥܠܝܡ̈ܐ ܡܢ ܝܘܡܐ ܗܿܘ ܘܠܗܠ ܦܠܓܗܘܢ ܕܥܡܐ ܥܒܕܝܢ ܥܿܒܕܐ܂ ܘܦܠܓܗܘܢ ܐܚܝܕܝܢ ܪ̈ܘܡܚܐ ܘܣܟܪ̈ܐ ܘܩܫ̈ܬܬܐ ܘܫܪ̈ܝܢܐ܂ ܘܡܫܡ̈ܫܢܐ ܩܝܿܡܝܢ ܒܣܬܪ ܝܗܘ̈ܕܝܐ܂
04:11 [ai]	ܘܒܢܝܢ ܫܘܪܐ܂ ܘܕܫܩܝܠܝܢ ܒܩܘ̈ܦܐ ܫܩܝܠܝܢ܂ ܒܚܕܐ ܐܝܼܕܗ ܥܿܒܕ ܥܿܒܕܐ܂ ܘܒܚܕܐ ܫܩܝܠ ܙܝܢܐ܂
04:12 [ai]	ܘܐܪܕܟܠܐ ܐܚܝܕ ܓܒܪ ܣܝܦܐ ܘܩܐܿܡ ܘܒܿܢܐ܂ ܘܕܩܿܪܐ ܒܩܪܢܐ ܩܐܿܡ ܒܣܬܪܗ܂
04:13 [ai]	ܘܐܡܿܪܬ ܠܪ̈ܘܪܒܢܐ ܘܠܫܠܝ̈ܛܢܐ ܘܠܫܪܟܐ ܕܥܡܐ܂ ܥܒܝܕܬܐ ܣܓܝܐܐ ܘܐܪܘܝܚܐ܂ ܘܚܢܢ ܦܪܝܫܝܢ ܘܩܝܡܿܝܢܢ ܥܠ ܫܘܪܐ܂ ܘܦܪܝܩܝܢ ܚܢܢ ܓܒܪ ܡܢ ܐܚܘܗܝ܂
04:14 [ai]	ܘܒܕܘܟܬܐ ܕܝܢ ܕܫܡܿܥܝܬܘܢ ܩܠܐ ܕܩܪܢܐ܂ ܠܬܡܢ ܬܬܩܪܒܘܢ ܠܘܬܢ܂ ܘܐܠܗܢ ܢܬܟܬܫ ܥܠ ܐܿܦܝ̈ܢ܂
04:15 [ai]	ܘܚܢܢ ܢܗܘܐ ܥܿܒܕܝܢ ܒܥܿܒܕܢ ܘܦܠܓܢ ܢܗܘܘܢ ܐܚܝܕܝܢ ܪ̈ܘܡܚܐ܂ ܡܢ ܡܣ̈ܩܝ ܫܦܼܪܐ܂ ܥܕܡܐ ܕܢܦܿܩܝܢ ܟܘܟ̈ܒܐ܂
04:16 [ai]	ܐܦ ܒܗ ܒܙܒܢܐ ܗܿܘ ܐܡܿܪܬ ܠܥܡܐ ܕܓܒܪܐ ܘܛܠܝܗ ܢܗܘܘܢ ܒܝܬܝܢ ܒܓܘ ܫܘܩ̈ܐ ܕܐܘܪܫܠܡ܂ ܘܢܗܘܘܢ ܢܛܿܪܝܢ ܠܗܿ ܒܠܠܝܐ ܘܒܐܝܡܡܐ܂ ܘܢܗܘܘܢ ܥܒܿܕܝܢ ܥܿܒܕܐ܂
04:17 [ai]	ܘܐܢܐ ܘܐܚ̈ܝ ܘ̈ܛܠܝܝ ܘܐܢ̈ܫܐ ܢܿܛܘܪ̈ܐ ܕܒܬܪܝ ܠܐ ܫܿܠܚܝܢܢ ܢܚ̈ܬܝܢ ܝܪܚܐ ܕܝܘܡ̈ܬܐ܂ ܐܢܫ ܕܡܿܛܐ ܠܗ܂

next chapter