← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62037: P Neh

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܗܝܿܕܝܢ ܟܕ ܐܫܬܡܥܬ ܡܠܬܐ ܠܣܡܒܠܝܛ ܘܠܛܘܒܝܐ܂ ܘܠܓܫܘܡ ܥܪܒܝܐ܂ ܘܠܫܪܟܐ ܕܒܥ̈ܠܕܒܒܝܢ ܕܒܢܝܢܝܗܝ ܠܫܘܪܐ܂ ܘܠܐ ܒܗ ܬܘܪܥܬܐ ܘܥܕܡܐ ܠܗ ܠܙܒܢܐ ܗܿܘ ܦܪ̈ܘܣܬܕܐ ܕܬܪ̈ܥܐ ܥܕܟܝܠ ܠܐ ܐܩܝܡܝܢ܂
06:02 [ai]ܘܫܕܪܘ ܠܘܬܝ ܣܡܒܠܝܛ ܘܓܫܘܡ ܘܐܡܿܪܝܢ ܠܝ܂ ܬܐ ܢܐܙܠ ܐܟܚܕܐ ܘܢܫܪܐ ܐܝܟ ܓܝܣܐ ܒܦܩܥܬܐ܂ ܕܐܝܢܘ܂ ܘܗܼܢܘܢ ܡܬܪܥܝܢ ܗܘܘ ܠܡܥܒܕ ܠܝ ܒܝܼܫܬܐ܂
06:03 [ai]ܘܫܿܕܪܬ ܠܘܬܗܘܢ ܡܠܐܟܐ ܘܐܡܿܪܬ ܠܗܘܢ܂ ܥܿܒܕܐ ܪܒܐ ܥܿܒܕ ܐܢܐ ܘܠܐ ܡܫܟܚ ܐܢܐ ܠܡܚܬ܂ ܕܠܡܐ ܢܒܛܠ ܟܕ ܐܪܦܐ ܘܐܚܘܬ ܠܘܬܟܘܢ܂
06:04 [ai]ܘܫܿܕܪܘ ܠܘܬܝ ܐܝܟ ܦܬܓܡܐ ܗܢܐ ܐܪܒܥ ܙܒ̈ܢܝܢ܂ ܘܐܬܝܿܒܼܬ ܐܢܘܢ ܐܝܟ ܦܬܓܡܐ ܗܢܐ܂
06:05 [ai]ܘܫܕܪܘ ܠܘܬܝ ܣܡܒܠܝܛ ܐܝܟ ܦܬܓܡܐ ܗܢܐ ܒܙܒܢܬܐ ܚܡܝܫܝܬܐ ܠܥܠܝܡܗ܂ ܘܐܓܪܬܐ ܒܐܝܼܕܗ܂
06:06 [ai]ܘܟܬܝܒ ܒܗܿ܂ ܒܥܡܡ̈ܐ ܐܫܬܡܥ ܘܓܫܘܡ ܐܡܿܪ ܐܢܬ܂ ܘܝܗܘ̈ܕܝܐ ܡܬܪܥܝܢ ܠܡܡܪܕ܂ ܡܛܠ ܗܢܐ ܐܢܬ ܒܿܢܐ ܫܘܪܐ܂ ܘܐܢܬ ܗܘܐ ܠܗܘܢ ܡܿܠܟܐ܂ ܐܝܟ ܦܬܓܡ̈ܐ ܗܠܝܢ܂
06:07 [ai]ܐܦ ܢܒ̈ܝܐ ܐܩܝܡܬ ܠܡܬܢܒܝܘ ܥܠܝܟ ܒܐܘܪܫܠܡ܂ ܘܐܡܿܪܝܢ ܕܗܐ ܐܡܠܟ ܥܙܪܐ ܒܝܗܘܕ܂ ܘܡܟܝܠ ܐܫܬܡܥ ܠܡܿܠܟܐ ܐܝܟ ܡ̈ܠܐ ܗܠܝܢ܂ ܡܟܝܠ ܬܘ ܢܬܡܠܟ ܐܟܚܕܐ܂
06:08 [ai]ܘܫܿܕܪܬ ܠܘܬܗ ܘܐܡܿܪܬ ܠܗ܂ ܠܐ ܫܦܝܪ ܕܢܗ̈ܘܝܢ ܐܝܟ ܡ̈ܠܐ ܗܠܝܢ܃ ܕܐܢܬ ܐܡܿܪ܂ ܡܛܠ ܕܡܢ ܠܒܟ ܐܢܬ ܐܡܿܪ ܠܗܝܢ܂
06:09 [ai]ܡܛܠ ܕܟܘܠܗܘܢ ܡܕܚܠܝܢ ܠܢ ܘܐܡܿܪܝܢ܂ ܡܬܪ̈ܦܢ ܐܝܕܝ̈ܗܘܢ ܡܢ ܥܒܝܕܬܐ ܘܐܡܿܪܝܢ ܠܢ ܕܠܐ ܬܥܒܕܘܢ܂ ܡܟܝܠ ܐܥܫܢ ܐܝ̈ܕܝ܂
06:10 [ai]ܘܐܢܐ ܥܿܠܬ ܠܒܝܬ ܫܡܥܝܐ ܒܪ ܕܠܝܐ܃ ܒܪ ܡܗܛܒܐܝܠ܂ ܘܗܘ ܟܠܐ ܗܘܐ܂ ܘܐܡܼܪ ܠܝ ܬܐ ܢܬܘܥܕ ܠܒܝܬܗ ܕܡܪܝܐ ܠܓܘ ܗܝܟܠܐ ܘܢܐܚܘܕ ܬܪ̈ܥܐ ܕܗܝܟܠܐ ܡܛܠ ܕܐܿܬܝܢ ܠܡܩܛܠܟ܂ ܘܒܠܠܝܐ ܐܬܿܝܢ ܠܡܩܛܠܟ܂
06:11 [ai]ܘܐܡܿܪܬ܂ ܓܒܪܐ ܕܐܟܘܬܝ ܢܥܪܘܩ܂ ܚܣ ܠܝ ܕܐܥܪܘܩ ܘܐܥܘܠ ܠܗܝܟܠܐ܂
06:12 [ai]ܚܟܡ ܐܢܐ ܕܝܢ ܕܠܐ ܗܘܐ ܐܠܗܐ ܫܕܪܗ ܥܠܝ܂ ܘܐܦܠܐ ܒܝܕ ܢܒܝܐ ܐܬܐܡܪ ܠܝ ܕܩܿܛܠ ܠܝ ܛܘܒܝܐ ܘܣܡܒܠܝܛ ܘܚܒܪ̈ܘܗܝ܂ ܐܓܪܘ ܘܫܕܪܘܗܝ ܥܠܝ ܠܡܩܛܠܢܝ܂
06:13 [ai]ܡܛܠ ܕܐܓܝܪܐ ܗܘ܂ ܡܛܠ ܕܐܕܚܠ ܘܐܿܥܒܕ ܗܟܢܐ܂ ܘܐܚܿܛܐ ܘܐܗܿܘܐ ܠܗܘܢ ܠܫܡܐ ܒܝܫܼܐ܂ ܡܛܠ ܕܢܚܣܕܘܢܢܝ܂
06:14 [ai]ܐܬܕܟܪ ܐܠܗܝ ܠܛܘܒܝܐ ܘܠܣܡܒܠܝܛ ܘܠܚܒܪ̈ܘܗܝ ܐܝܟ ܥܿܒ̈ܕܝܗܘܢ ܗܠܝܢ ܣܢܝ̈ܐ܂ ܐܦ ܠܝܘܕܥܝܐ ܢܒܝܐ ܐܦ ܠܫܪܟܐ ܕܢܒܝ̈ܐ܃ ܕܗܘܘ ܡܕܚܠܝܢ ܠܝ ܡܢܗܘܢ܀
06:15 [ai]ܘܫܼܠܡ ܫܘܼܪܐ ܒܚܡܫܐ ܘܥܣܪܝܢ ܒܐܝܠܘܠ ܠܚܡܫܝܢ ܘܬܪܝܢ ܝܘܡ̈ܝܢ܂
06:16 [ai]ܗܝܿܕܝܢ ܟܕ ܫܡܥܼܘ ܟܠܗܘܢ ܒܥ̈ܠܕܒܒܝܢ܂ ܕܚܼܠܘ ܟܘܠܗܘܢ ܥܡܡ̈ܐ ܕܚܕܪܝܢ܂ ܘܙܥܿܘ ܛܒ ܡܢ ܩܕܡܝܢ܂ ܘܝܕܥܘ ܕܡܢ ܩܕܡ ܐܠܗܐ ܐܬܥܒܕܬ ܥܒܝܕܬܐ ܗܕܐ܃
06:17 [ai]ܐܦ ܒܝܘܡ̈ܬܐ ܗܿܢܘܢ܂ ܡܣܓܝܢ ܗܘܘ ܪ̈ܘܪܒܢܐ ܕܝܗܘ̈ܕܝܐ ܐܓܪ̈ܬܗܘܢ܂ ܘܐܙ̈ܠܢ ܗܘ̈ܝ ܠܘܬ ܛܘܒܝܐ܂ ܘܐܓܪ̈ܬܗ ܕܛܘܒܝܐ ܐܬ̈ܝܢ ܗܘ̈ܝ ܠܘܬܗܘܢ܂
06:18 [ai]ܡܛܠ ܕܣܓܝܐ̈ܐ ܗܘܘ ܒܝܗܘܕ ܐܢܫܐ ܕܝܡܘ ܠܗ ܕܠܐ ܢܗܪܘܢܗ܂ ܡܛܠ ܕܚܬܢܐ ܗܘܐ ܕܫܟܢܝܐ ܒܪ ܐܪܚ܂ ܘܝܘܚܢܢ ܒܪܗ܃ ܢܼܣܒ ܠܒܪܬ ܡܫܠܘܡ ܒܪ ܒܪܟܝܐ܂
06:19 [ai]ܐܦ ܡ̈ܠܘܗܝ ܛܒ̈ܬܐ ܐܡܿܪܝܢ ܗܘܘ ܩܕܡܝ܂ ܘܡܠܬܐ ܕܐܡܿܪ ܗܿܘܝܬ ܐܡܪܝܢ ܗܘܘ ܠܗ܂ ܘܐܓܪ̈ܬܐ ܡܫܿܕܪ ܗܘܐ ܗܼܘ ܛܘܒܝܐ ܠܡܕܚܠܘܬܢܝ܂

next chapter