← Back
The Comprehensive Aramaic Lexicon
← Return to the Text Browser
click on the file description for more information
62037: P Neh

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


13:01 [ai]ܒܗ ܒܝܘܡܐ ܗܿܘ܃ ܐܬܩܪܝ ܟܬܒܐ ܕܢܡܘܣܐ ܕܡܘܫܐ ܒܐܕܢܝ̈ ܥܡܐ܂ ܘܐܫܬܟܚ ܕܟܬܝܒ ܒܗ܂ ܕܠܐ ܢܥܠܘܢ ܥܡܘܢܝ̈ܐ ܘܡܘܐܒܝ̈ܐ ܠܟܢܘܫܬܗ ܕܡܪܝܐ܂ ܥܕܡܐ ܠܥܠܡ܂
13:02 [ai]ܡܛܠ ܕܠܐ ܐܪܥܘ ܠܒܢ̈ܝ ܐܝܣܪܝܠ ܒܠܚܡܐ ܘܒܡܝ̈ܐ܂ ܘܐܓܪܘ ܠܗܘܢ ܠܒܠܥܡ ܠܡܠܛ ܐܢܘܢ܂ ܘܐܗܦܟ ܐܠܗܢ ܠܘ̈ܛܬܗ ܠܒܘܪ̈ܟܬܐ܀
13:03 [ai]ܗܝܿܕܝܢ ܟܕ ܫܡܼܥܘ ܡ̈ܠܐ ܕܢܡܘܣܐ ܐܬܦܪܫܘ ܟܠܗܘܢ ܥܪ̈ܘܒܐ ܡܢ ܐܝܣܪܐܝܠ܂
13:04 [ai]ܘܐܼܬܐ ܐܠܝܫܒ ܟܘܡܪܐ܂
13:05 [ai]ܘܒܼܢܐ ܠܗ ܬܡܢ ܕܪܬܐ ܚܕܐ ܪܒܬܐ܂ ܘܬܡܢ ܡܢ ܠܩܘܕܡܝܢ ܣܝܡܿܝܢ ܗܘܘ ܩܘܪ̈ܒܢܐ܂ ܘܠܒܘܢܬܐ ܘܡܐ̈ܢܐ ܕܡܥܣܪ̈ܐ ܕܥܒܘܪܐ ܘܕܚܡܼܪܐ ܘܕܡܫܚܐ܂ ܒܩܘܪ̈ܝܐ ܕܠܘ̈ܝܐ ܘܕܡܫܡ̈ܫܢܐ ܘܕܬܪ̈ܥܐ ܘܪ̈ܝܫܝܬܐ ܕܟܗ̈ܢܐ܂
13:06 [ai]ܘܒܟܠܗܝܢ ܗܠܝܢ ܠܐ ܗܘܝܬ ܒܐܘܪܫܠܡ܂ ܡܛܠ ܕܒܫܢܬ ܬܠܬܝܢ ܘܬܪ̈ܬܝܢ ܠܐܪܛܚܫܫܬ ܡܿܠܟܐ ܕܒܒܠ ܐܿܬܝܬ ܠܘܬ ܡܿܠܟܐ܂ ܘܒܚܪܬܐ ܕܝܘܡ̈ܬܐ ܐܫܬܐܠܬ ܡܢ ܡܿܠܟܐ܂
13:07 [ai]ܘܐܬܿܝܬ ܠܐܘܪܫܠܡ܂ ܘܐܣܿܬܟܠܬ ܒܝܫܬܐ ܕܥܼܒܕ ܐܠܝܫܒ ܠܛܘܒܝܐ܂ ܕܥܼܒܕ ܠܗ ܒܝܬܐ ܒܕܪܬܐ ܕܡܪܝܐ܂
13:08 [ai]ܘܐܬܐܒܫ ܠܝ ܛܒ܂ ܘܫܿܕܝܬ ܟܠܗܘܢ ܡܐܢ̈ܐ ܕܒܝܬܗ ܕܛܘܒܝܐ ܒܫܘܩܐ܃ ܠܒܪ ܡܢ ܕܪܬܐ܂
13:09 [ai]ܘܐܡܿܪܬ ܘܕܟܝܘ ܕܪܬܐ܂ ܘܐܗܿܦܟܬ ܠܬܡܢ ܡܐ̈ܢܝ ܒܝܬܗ ܕܡܪܝܐ܂ ܘܩܘܪ̈ܒܢܐ ܘܠܒܘܢܬܐ܂
13:10 [ai]ܘܝܿܕܥܬ ܕܡܢܿܬܐ ܕܠܘ̈ܝܐ ܠܐ ܡܬܝܗܒܐ܂ ܘܥܪܩܘ ܓܒܪ ܠܚܩܠܗ܂ ܠܘ̈ܝܐ ܘܡܫܡ̈ܫܢܐ܂ ܘܥܿܒ̈ܕܝ ܥܒܝ̈ܕܬܐ܂
13:11 [ai]ܘܐܢܐ ܕܢܬ܂ ܥܡ ܪ̈ܫܐ ܘܐܡܿܪܬ ܠܗܘܢ܂ ܡܛܠ ܡܢܐ ܫܒܝܩ ܒܝܬܗ ܕܡܪܝܐ܂ ܘܟܢܿܫܬ ܐܢܘܢ ܘܐܩܿܝܡܬ ܐܢܘܢ ܥܠ ܩܝܡܗܘܢ܂
13:12 [ai]ܘܟܠܗܘܢ ܝܗܘ̈ܕܝܐ ܐܝܬܝܘ ܡܥܣܪ̈ܐ܂ ܕܥܒܘܪܐ ܘܕܚܡܼܪܐ ܘܕܡܫܚܐ ܠܐܘܨܪ̈ܐ܂
13:13 [ai]ܘܐܫܿܠܛܬ ܥܠ ܐܘܨܪ̈ܐ ܠܫܠܡܝܐ ܟܘܡܪܐ܂ ܘܠܨܕܘܩ ܣܿܦܪܐ܂ ܘܠܦܪܝܐ ܒܪ ܠܘ̈ܝܐ܂ ܘܥܡܗܘܢ ܚܢܢ ܒܪ ܙܟܘܪ ܒܪ ܡܬܢܝܐ ܡܛܠ ܕܫܪ̈ܝܪܐ ܐܬܚܫܒܘ܂ ܘܦܨܬܗܘܢ ܣܠܩܬ ܠܡܗܘܐ ܪܝܫܐ ܠܐܚ̈ܝܗܘܢ܂
13:14 [ai]ܐܬܕܟܪ ܠܝ ܐܠܗܝ ܡܛܠ ܗܕܐ ܘܠܐ ܬܥܒܪ ܛܝܒܘܬܝ ܕܥܒܕܬ ܒܒܝܬ ܐܠܗܝ ܘܒܢܛܘܪ̈ܬܗ܀
13:15 [ai]ܒܝܘܡ̈ܬܐ ܗܿܢܘܢ ܚܙܿܝܬ ܒܝܗܘܕ ܐܘܪ̈ܚܬܐ ܕܪ̈ܕܝܢ ܒܫܒܬܐ܂ ܘܡܝ̈ܬܝܢ ܛܥ̈ܢܐ ܫܩܝܠܝܢ ܥܠ ܚܡܿܪ̈ܐ܂ ܘܐܦ ܚܡܪܐ ܘܥܢ̈ܒܐ ܘܬܐܢ̈ܐ ܘܛܥ̈ܢܐ ܡܥܠܝܢ ܠܐܘܪܫܠܡ ܒܝܘܡܐ ܕܫܒܬܐ܂ ܘܐܣܗܕܬ ܒܗܘܢ܂ ܕܠܐ ܬܙܒܢܘܢ ܨܝܼܕܐ܂
13:16 [ai]ܘܠܐ ܬܝܬܘܢ ܢܘ̈ܢܐ܂ ܘܠܐ ܬܙܒܢܘܢ ܘܠܐ ܬܙܒܢܘܢ ܒܫܒܬܐ ܠܒܢ̈ܝ ܝܗܘܕܐ ܒܐܘܪܫܠܡ܂
13:17 [ai]ܘܕܢܿܬ ܥܡ ܪ̈ܫܐ ܕܝܗܘܕܐ܂ ܘܐܡܿܪܬ ܠܗܘܢ܂ ܡܛܘܠ ܡܢܐ ܦܬܓܡܐ ܗܢܐ ܒܝܼܫܐ ܥܒܿܕܝܢ ܐܢܬܘܢ܂ ܘܡܚܠܝܢ ܐܢܬܘܢ ܝܘܡܐ ܕܫܒܬܐ܃
13:18 [ai]ܗܟܢܐ ܥܒܕܘ ܐܒ̈ܗܝܟܘܢ܂ ܘܐܝܬܝ ܐܠܗܐ ܥܠܝܢ ܟܠܗܿ ܒܝܼܫܬܐ ܗܕܐ܂ ܥܠ ܩܪܝܬܐ ܗܕܐ܂ ܘܐܢܬܘܢ ܡܘܣܦܝܢ ܚܡܬܐ ܘܪܘܓܙܐ ܥܠ ܐܝܣܪܐܝܠ ܕܐܢܬܘܢ ܡܚܠܝܢ ܝܘܡܐ ܕܫܒܬܐ܂
13:19 [ai]ܗܝܿܕܝܢ ܟܕ ܐܬܦܬܚܘ ܬܪ̈ܥܐ ܕܐܘܪܫܠܡ ܩܕܡ ܫܒܬܐ ܐܡܿܪܬ ܕܢܬܬܚܕܘܢ ܬܪ̈ܥܐ܂ ܘܐܡܿܪܬ ܕܠܐ ܢܬܦܬܚܘܢ ܬܪ̈ܥܐ ܥܕܡܐ ܠܒܬܪ ܫܒܬܐ܂ ܘܡܢ ܛܠܝ̈ܝ ܐܩܝܿܡܬ ܥܠ ܬܪ̈ܥܐ܂ ܕܠܐ ܢܥܘܠ ܛܥܢܐ ܒܝܘܡܐ ܕܫܒܬܐ܂
13:20 [ai]ܘܒܬܘ ܬܓܪ̈ܐ ܘܙܒ̈ܢܝ ܙܒܢܐ ܠܒܪ ܡܢ ܐܘܪܫܠܡ ܝܘܡܐ ܘܬܪܝܢ܂
13:21 [ai]ܘܣܗܿܕܬ ܒܗܘܢ ܘܐܡܿܪܬ ܠܗܘܢ܂ ܡܛܠ ܡܢܐ ܐܢܬܘܢ ܠܐ ܥܐܿܠܝܢ ܐܢܬܘܢ ܥܕ ܩܿܝܡ ܝܘܡܐ ܒܬܪܥܐ ܕܫܘܼܪܐ܂ ܐܢ ܬܣܠܘܢ ܡܠܬܐ ܗܕܐ܂ ܐܘܫܛ ܐܝܼܕܐ ܥܠܝܟܘܢ܂ ܘܡܢܗ ܡܢ ܙܒܢܐ ܗܿܘ ܠܐ ܥܠܘ ܒܫܒܬܐ܂
13:22 [ai]ܘܐܡܿܪܬ ܠܠܘ̈ܝܐ ܕܢܗܘܘܢ ܡܕܟܝܢ ܘܥܐܿܠܝܢ ܢܿܛܘܪ̈ܐ ܘܬܪ̈ܥܐ ܠܡܩܕܫܘ ܠܝܘܡܐ ܕܫܒܬܐ܂ ܐܦ ܗܕܐ ܐܬܕܟܪ ܠܝ ܐܠܗܝ܂ ܘܚܘܣ ܥܠܝ ܐܝܟ ܣܘܓܐܬ ܪ̈ܚܡܝܟ܂
13:23 [ai]ܐܦ ܒܝܘܡ̈ܬܐ ܗܿܢܘܢ ܚܙܿܝܬ ܝܗܘܕܝ̈ܐ ܕܐܘܬܒܘ ܢܫ̈ܐ ܢܘܟܪ̈ܝܬܐ܂ ܐܫܕܘ̈ܕܝܬܐ ܐܦ ܥܡܘ̈ܢܝܬܐ ܘܡܘ̈ܐܒܝܬܐ܂
13:24 [ai]ܘܒ̈ܢܝܗܝܢ ܡܡܠܠܝܢ ܦܠܓܐ ܐܫܕܘܕܐܝܬ܂ ܘܦܠܓܐ ܠܐ ܚܟܿܡܝܢ ܠܡܡܠܠܘ ܝܗܘܕܐܝܬ܂ ܐܠܐ ܐܝܟ ܠܫܢܐ ܕܥܡܡ̈ܐ܂
13:25 [ai]ܘܕܢܬ ܥܡܗܘܢ ܘܠܛܿܬ ܐܢܘܢ܂ ܘܩܿܛܠܬ ܡܢܗܘܢ ܓܒܪ̈ܐ ܘܛܡܿܪܬ ܐܢܘܢ ܘܐܘܡܿܝܬ ܐܢܘܢ ܒܐܠܗܐ܂ ܕܠܐ ܬܬܠܘܢ ܒܢ̈ܬܟܘܢ ܠܒܢ̈ܝܗܘܢ܂ ܘܠܐ ܬܣܒܘܢ ܡܢ ܒܢ̈ܬܗܘܢ ܠܒܢܝܟܘܢ܂ ܘܝ ܠܟܘܢ܂
13:26 [ai]ܡܛܠ ܗܠܝܢ ܗܘ ܚܛܼܐ ܫܠܝܡܘܢ ܡܿܠܟܐ ܕܐܝܣܪܝܠ܂ ܗܿܘ ܕܒܥܡ̈ܡܐ ܣܓܝ̈ܐܐ ܠܐ ܗܼܘܐ ܡܿܠܟܐ ܐܟܘܬܗ܂ ܘܪܚܝܡ ܗܘܐ ܥܠ ܐܠܗܗ܂ ܘܝܗܒܗ ܐܠܗܐ ܡܿܠܟܐ ܥܠ ܟܘܠܗ ܐܝܣܪܐܝܠ܂ ܘܐܦ ܠܗ ܐܚܛܝ ܢܫ̈ܐ ܢܘܟܪ̈ܝܬܐ܂
13:27 [ai]ܘܠܟܘܢ ܐܫܬܡܥ ܥܡܐ/ܦܬܓܡܐ#4#/ ܘܥܒܼܕܬܘܢ ܗܕܐ ܒܝܼܫܬܐ ܪܒܬܐ ܠܡܟܕܒܘ ܒܐܠܗܢ܂ ܘܠܡܘܬܒܘ ܢܫ̈ܐ ܢܘܟܪ̈ܝܬܐ܂
13:28 [ai]ܘܡܢ ܒ̈ܢܝ ܝܘܝܕܥ ܒܪ ܐܠܝܫܒ ܟܘܡܪܐ ܪܒܐ ܗܼܘܐ ܚܬܢܐ ܠܣܡܒܠܝܛ ܚܘܪܢܝܐ܂ ܘܐܦܪܩܬܗ ܡܢ ܠܘܬܝ܂
13:29 [ai]ܐܬܕܟܪ ܠܗܘܢ ܐܠܗܝ ܥܠ ܫܪܟܐ ܕܟܘܡܪܘܬܐ ܘܥܠ ܫܪܟܐ ܕܟܘܡܪ̈ܐ ܘܕ̈ܠܘܝܐ܂
13:30 [ai]ܘܕܟܝܼܬ ܐܢܘܢ ܡܢ ܟܘܠܗܘܢ ܥܡܡ̈ܐ܂ ܘܐܩܝܡܬ ܐܢܘܢ ܒܢܛܘܪ̈ܬܗܘܢ ܠܟܘܡܪ̈ܐ ܘܠܠܘ̈ܝܐ ܐܢܫ ܒܥܿܒܕܗ܂
13:31 [ai]ܘܠܩܘܪ̈ܒܢܐ ܘܠܩܘ̈ܕܫܐ ܒܙܒܢܗܘܢ ܘܒܥܐ̈ܕܝܗܘܢ ܘܒܒܘܟܪ̈ܐ܂ ܐܬܕܟܪ ܠܝ ܐܠܗܝ ܗܕܐ ܛܝܒܘ܂

next chapter