← Back
The Comprehensive Aramaic Lexicon
← Return to the Text Browser
click on the file description for more information
62038: P 1Ch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܘܦܠܫ̈ܬܝܐ ܡܬܟܬܫܝܢ ܗܘܘ ܥܡ ܐܝܣܪܝܠ܂ ܘܥܪܩܘ ܓܒܪ̈ܐ ܕܐܝܣܪܝܠ ܡܢ ܦܠܫ̈ܬܝܐ܂ ܘܢܦܠܘ ܩܛܝ̈ܠܐ ܣܓ̈ܝܐܐ ܒܛܘܪܐ ܕܓܠܒܘܥ܂
10:02 [ai]ܘܐܕܪܟܘ/ܘܐܕܪܘ#2#/ ܦܠܫ̈ܬܝܐ ܠܫܐܘܠ ܘܠܒܢ̈ܘܗܝ܂ ܘܚܪܒܘ ܦܠܫ̈ܬܝܐ ܠܝܘܢܬܢ ܘܠܝܫܘܝ ܘܠܡܠܟܝܫܘܥ ܒܢܘ̈ܗܝ ܕܫܐܘܠ܂
10:03 [ai]ܘܥܫܢ ܩܪܒܐ ܥܠ ܫܐܘܠ܂ ܘܐܫܟܚܘܗܝ ܐܢܫܐ ܩܫ̈ܬܐ ܕܐܘܡܢܝܢ ܛܒ ܠܡܫܕܐ ܒܩܫܬܐ܂ ܘܟܕ ܚܙܐ ܐܢܘܢ ܫܐܘܠ ܕܚܠ ܛܒ ܡܢ ܩܕܡܝܗܘܢ܂
10:04 [ai]ܘܐܡܪ ܫܐܘܠ ܠܫܿܩܠ ܡܐܢ̈ܘܗܝ܂ ܫܡܘܛ ܚܪܒܟ ܘܕܩܘܪܝܢܝ ܒܗܿ܂ ܥܕܠܐ ܢܐܬܘܢ ܥܘܪ̈ܠܐ ܗܠܝܢ ܘܢܩܛܠܘܢܢܝ ܘܢܫܬܢܕܘܢ/ܘܢܫܬܕܘܢ#3#/ ܒܝ܂ ܘܠܐ ܨܒܐ ܫܿܩܠ ܡܐܢ̈ܘܗܝ ܡܛܠ ܕܕܚܠ ‍<‍ܗܘܐ#3#‍>‍ ܛܒܿ ܘܫܡܛ ܫܐܘܠ܃ ܣܝܦܗ ܘܢܦܠ ܥܠܘܗܝ܂
10:05 [ai]ܘܚܙܐ ܫܿܩܠ ܡܐܢ̈ܘܗܝ ܕܡܝܬ ܠܗ ܫܐܘܠ܂ ܘܢܦܠ ܐܦ ܗܘ ܥܠ ܣܝܦܗ ܘܡܝܬ ܥܡܗ܂
10:06 [ai]ܘܡܝܬ ܫܐܘܠ ܘܬܠܬܐ ܒܢ̈ܘܗܝ ܘܫܿܩܠ ܡܐܢ̈ܘܗܝ܂ ܘܟܠܗܘܢ ܓܢܒܪ̈ܘܗܝ ܡܝܬܘ ‍<‍ܐܟܚܕܐ#3#‍>‍ ܒܝܘܡܐ ܗܿܘ ܐܟܚܕܐ܂
10:07 [ai]ܘܚܙܘ ܟܠ ܐܢܫܐ ܕܐܝܣܪܝܠ ܕܐܝܬ ܒܥܒܪܐ ܕܦܩܥܬܐ܂ ܘܕܐܝܬ ܒܥܒܪܐ ܕܝܘܪܕܢܢ܃ ܕܥܪܩ ܠܗ ܥܡܐ ܕܐܝܣܪܝܠ܃ ܘܕܐܬܩܛܠ ܫܐܘܠ ܘܒܢ̈ܘܗܝ܃ ܘܫܒܩܘ ܩܘܪ̈ܝܐ ܘܥܪܩܘ܂ ܘܐܬܘ/ܘܐܙܠܘ#3#/ ܦܠܫ̈ܬܝܐ ܘܥܡܪܘ ܒܗܝܢ܂
10:08 [ai]ܘܗܘܐ ܡܢ ܒܬܪ ܝܘܡܐ ܐܬܘ ܦܠܫ̈ܬܝܐ ܠܡܚܠܨܘ ܩܛ̈ܝܠܐ܂ ܘܐܫܟܚܘ ܠܫܐܘܠ ܘܠܬܠܬܐ ܒܢܘ̈ܗܝ܂ ܩܛܝܠܝܢ ܘܪܡܝܢ ܒܛܘܪܐ ܕܓܠܒܘܥ܂
10:09 [ai]ܘܫܩܠܘ ܪ̈ܫܝܗܘܢ ܘܫܠܚܘ ܡܐܢ̈ܝܗܘܢ܂ ܘܫܕܪܘ ܠܐܪܥܐ ܕܦܠܫ̈ܬܝܐ܂ ܠܩܘܪ̈ܝܐ ܘܠܡܕ̈ܝܢܬܐ ܘܠܟܪ̈ܟܐ܂ ܠܡܣܒܪܘ ܒܝܬ ܦܬܟܪ̈ܝܗܘܢ ܘܒܥܡܗܘܢ/ܘܠܥܡܗܘܢ#3#/܂
10:10 [ai]ܘܣܡܘ ܡܐܢ̈ܝܗܘܢ ܘܙܝܢܗܘܢ ܒܝܬ ܦܬܟܪ̈ܝܗܘܢ܂ ܘܦܓܪ̈ܝܗܘܢ ܬܠܘ ܒܫܘܪܐ ܕܒܝܬ ܝܫܢ܂
10:11 [ai]ܘܫܡܥܘ ܝܬܒ̈ܝ ܝܒܝܫ ܕܓܠܥܕ ܡܕܡ ܕܥܒܕܘ ܦܠܫ̈ܬܝܐ ܠܫܐܘܠ܂
10:12 [ai]ܘܩܡܘ ܟܠ ܓܒܪ ܡܪܐ ܚܝܠܐ ܘܐܙܠܘ ܟܘܠܗ ܠܠܝܐ ܘܢܣܒܘ ܦܓܪܗ ܕܫܐܘܠ ܘܦܓܪ̈ܐ ܕܒܢ̈ܘܗܝ ܡܢ ܫܘܪܐ ܕܒܝܬ ܝܫܢ܂ ܘܐܝܬܝܘ ܠܝܒܝܫ܂ ܘܐܘܩܕܘ ܐܢܘܢ ܬܡܢ܂ ܘܢܣܒܘ ܓܪ̈ܡܝܗܘܢ ܛܡܪܘ ܬܚܝܬ ܒܛܡܬܐ ܕܒܝܒܝܫ܂ ܘܨܡܘ ܫܒܥܐ ܝܘܡ̈ܝܢ܂
10:13 [ai]ܘܡܝܬ ܫܐܘܠ ܥܠ ܕܟܕܒ ܟܕܒܘܬܐ ܒܡܪܝܐ ܘܡܕܡ ܕܦܩܕܗ ܠܐ ܢܛܪ܃ ܘܐܦ ‍<‍ܫܐܘܠ#3#‍>‍ ܫܐܠ ܒܙܟܘܪ̈ܐ
10:14 [ai]ܘܒܡܪܝܐ ܐܠܗܗ ܠܐ ܫܐܠ܂ ܘܐܬܝܗܒܬ ‍<‍ܠܗܿ#3#‍>‍ ܡܠܟܘܬܗ ܠܕܘܝܕ ܒܪ ܐܝܫܝ܂

next chapter