← Back
The Comprehensive Aramaic Lexicon
← Return to the Text Browser
click on the file description for more information
62038: P 1Ch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


15:01 [ai]ܘܒܢܐ ܗܘܐ ܠܗ ܐ̈ܦܕܢܐ ܒܩܘܪ̈ܝܐ ܕܕܘܝܕ܂ ܘܒܢܐ ܗܘܐ ܕܘܟܬܐ ܠܩܒܘܬܐ ܕܡܪܝܐ ܘܠܡܐ̈ܢܝ ܡܫܟܢܐ܂
15:02 [ai]ܗܝܕܝܢ ܐܡܪ ܗܘܐ ܕܘܝܕ ܠܠܘ̈ܝܐ܃ ܠܡܫܩܠ ܠܩܒܘܬܐ ܕܡܪܝܐ ܘܠܡܐ̈ܢܝ ܡܫܟܢܐ܂ ܡܛܠ ܕܠܗܘܢ ܠܠܘ̈ܝܐ ܓܒܐ ܡܪܝܐ܃ ܠܡܫܡܫܘ ܘܠܡܫܩܠ ܩܒܘܬܗ ܕܡܪܝܐ ‍<‍ܚܝܠܬܢܐ#3#‍>‍܃ ܘܠܡܫܡܫܘܬܗ ܠܥܠܡ܂
15:03 [ai]ܘܟܢܫ ܕܘܝܕ ܠܟܠܗ ܐܝܣܪܝܠ ܠܐܘܪܫܠܡ܃ \ܠܡܣܩܘܬܗܿ ܠܩܒܘܬܗ /ܠܡܣܩܘ ܩܒܘܬܗ#3#/ ܕܡܪܝܐ ܠܕܘܟܬܐ ܕܒܢܐ ܠܗܿ܂
15:04 [ai]ܘܟܢܫ ܕܘܝܕ ܠܒܢ̈ܘܗܝ ܕܐܗܪܘܢ ܘܠܠܘ̈ܝܐ܂
15:05 [ai]ܘܐܡܪ ܠܗܘܢ܂ ܘܠܒܢ̈ܘܗܝ ܕܩܗܬ ܠܐܘܪܝܠ ܩܫܝܫܐ܂ ܘܠܐ̈ܚܘܗܝ ܡܐܐ ܘܥܣܪ̈ܝܢ܂
15:06 [ai]ܘܠܒܢܘ̈ܗܝ ܕܡܪܪܝ܂ ܥܫܐܝܠ ܩܫܝܫܐ܃ ܘܠܐ̈ܚܘܗܝ ܡܐܬܝܢ ܘܥܣܪ̈ܝܢ܂
15:07 [ai]ܠܒ̈ܢܘܗܝ ܕܓܪܫܘܢ܃ ܝܘܐܝܠ ܩܫܝܫܐ܃ ܘܐܚ̈ܘܗܝ ܡܐܐ ܘܬܠܬܝܢ܂
15:08 [ai]ܠܒ̈ܢܘܗܝ ܕܐܠܝܨܦܢ܃ ܫܡܥܝܐ ܩܫܝܫܐ܃ ܘܐܚ̈ܘܗܝ ܡ̈ܐܬܝܢ܂
15:09 [ai]ܠܒ̈ܢܘܗܝ ܕܚܒܪܘܢ܂ ܐܠܝܒ ܩܫܝܫܐ܃ ܘܐ̈ܚܘܗܝ ܬܡܢܐܝܢ
15:10 [ai]ܠܒ̈ܢܘܗܝ ܕܥܘܙܝܠ܂ ܥܡܝܢܕܒ ܩܫܝܫܐ܃ ܘܐܚ̈ܘܗܝ ܡܐܐ ܘܬܪ̈ܥܣܪ܂
15:11 [ai]ܘܩܪܐ ܕܘܝܕ ܠܨܕܘܩ ܟܗܢܐ ܘܠܐܒܝܬܪ ܘܠܠܘ̈ܝܐ܃ ܘܠܐܘܪܝܠ ܘܠܠܥܣܐ܃ ܘܠܐܘܝܠ ܘܠܥܫܝܐ܃ ܘܠܫܥܝܐ ܘܠܐܘܪܝܠ ܘܠܥܡܝܢܕܒ܂
15:12 [ai]ܘܐܡܪ ܠܗܘܢ܂ ܐܢܬܘܢ ܪ̈ܫܝ ܐܒ̈ܗܬܐ ܕܠܘ̈ܝܐ܃ ܐܬܩܕܫܘ ܐܢܬܘܢ ܘܐܚ̈ܝܟܘܢ܃ ܕܬܣܩܘܢ ܠܩܒܘܬܐ ܕܡܪܝܐ ܐܠܗܐ ܕܐܝܣܪܝܠ܃ ܠܕܘܟܬܐ ܕܒܢܝܐ ܗܘܬ ܠܗܿ ܡܢ ܠܘܩܕܡ܂
15:13 [ai]ܕܠܐ ܢܬܪܘܥ ܒܢ/ܡܢ#3#/ ܡܪܝܐ ܐܠܗܢ܃ ܡܛܠ ܕܠܐ ܬܒܥܢܝܗܝ ܐܝܟ ܕܝܢܐ܂
15:14 [ai]ܘܐܬܩܕܫܘ ܟܗ̈ܢܐ ܘܠܘ̈ܝܐ ܠܡܣܩܘ ܠܩܒܘܬܗ ܕܡܪܝܐ ܐܠܗܐ ܕܐܝܣܪܝܠ܃
15:15 [ai]ܘܫܩܠܘ ܠܘ̈ܝܐ ܠܩܒܘܬܗ ܕܡܪܝܐ܃ ܐܝܟܢܐ ܕܦܩܕ ܡܘܫܐ ܒܡܠܬܗ ܕܡܪܝܐ܂ ܘܫܩܠܘ ܗܢܘܢ ܒܟ̈ܬܦܬܗܘܢ܂
15:16 [ai]ܘܐܡܪ ܕܘܝܕ ܠܩܫܝܫܐ ܕܠܘ̈ܝܐ ܠܡܩܡܘ ܠܐܚ̈ܝܗܘܢ ܠܐܝܠܝܢ ܕܡܫܡܫܝܢ/ܕܚܝܝܢ#3#/܃ ܘܡܫܒܚܝܢ ܒܡܐ̈ܢܝ ܬܫܒ̈ܚܬܐ܃ ܒܝܒ̈ܠܐ/ܒܦ̈ܠܓܐ#3#/ ܘܒܟܢܪ̈ܐ ܘܒܨ̈ܨܠܐ܃ ܕܢܗܘܘܢ ܡܫܡܥܝܢ ܠܡܪܡܘ ܩܠܗܘܢ ܒܚܕܘܬܐ܂
15:17 [ai]ܘܐܩܝܡܘ ܠܘ̈ܝܐ/ܠܠܘ̈ܝܐ#2#/܃ ܠܗܡܢ ܒܪ ܝܘܐܝܠ܂ ܘܡܢ ܐܚ̈ܘܗܝ ܠܐܣܦ ܒܪ ܒܪܟܝܐ܂ ܘܡܢ ܒ̈ܢܝ ܡܪܪܝ ܐܚܘܗܘܢ܃ ܐܬܢ ܒܪ ܩܝܫܗܘ܂
15:18 [ai]ܘܥܡܗܘܢ ܐܚܘܗܘܢ ܬܢܝܢܐ܂ ܙܟܪܝܐ ܒܪ ܢܥܐܝܠ܂ ܘܝܘܚܐܝܠ ܘܐܠܝܒ ܘܒܢܝܐ ܘܐܣܐ ܘܡܬܝܬܐ܂ ܘܐܠܝܦܠܗܘ ܘܡܩܝܗܘ܂ ܘܥܘܒܪ ܐܕܘܡ ܘܝܥܘܐܝܠ܂ ܗܠܝܢ ܟܠܗܘܢ ܕܩܿܝܡܝܢ ܥܠ ܬܪ̈ܥܐ
15:19 [ai]ܘܡܫܒܚܝܢ܂ ܗܡܢ܂ ܘܐܣܦ܂ ܘܐܬܢ܂ ܗܠܝܢ ܟܠܗܘܢ ܡܫܒܚܝܢ/ܕܡܫܒܚܝܢ#3#/ ܒܬܫܒ̈ܚܬܐ ܕܡܐ̈ܢܝ ܢܚܫܐ ܠܡܫܡܫܘ܂
15:20 [ai]ܥܙܪܝܐ܂ ܥܙܐܝܠ܃ ܘܝܘܚܐܝܠ܂ ܘܥܢܝ܂ ܘܐܠܝܒ܂ ܘܡܥܣܝܐ܂ ܘܒܢܝܐ܂ ܘܕܡܫܒܚܝܢ ܒܬܫ̈ܒܚܬܐ܃
15:21 [ai]ܡܬܝܬܐ ܘܡܩܝܗܘ܂ ܘܥܘܒܪ ܐܕܘܡ܂ ܘܥܘܙܝܠ܂ ܘܥܘܙܝܐ܂ ܗܠܝܢ ܡܫܡܫܝܢ/ܡܫܒܚܝܢ#3#/ ܒܟܢܪ̈ܐ/ܩܕܡ ܡܪܝܐ#3#/ ܟܠܝܘܡ ܒܝܘܡ܂ ܒܫ̈ܥܝܢ ܬܠܬ܃ ܘܒܫܬ ܘܒܬܫܥ܂
15:22 [ai]ܘܒܢܝܐ ܪܒܐ ܕܠܘ̈ܝܐ܃ ܫܩܿܠ ܟܠܝܘܡ ܒܡܛܠܐ/ܒܡܛܘܠܐ#3#/܂ ܡܛܠ ܕܕܘܟܬܐ ܡܬܩܢܐ ܗܘܬ ܠܗ܂
15:23 [ai]ܘܒܪܟܝܐ ܘܗܠܩܢܐ܃ ܣܿܥܪܝܢ ܗܘܘ ܠܩܒܘܬܐ/ܠܐܪܘܢܐ#3#/ ܡܕܡ ܕܡܬܒܥܐ ܠܗܿ܂
15:24 [ai]ܘܫܒܢܐ܂ ܘܝܘܫܦܛ܂ ܘܢܬܢܝܐܝܠ܂ ܘܥܡܫܝ ܘܙܟܪܝܐ܂ ܘܒܢܝܐ܂ ܘܐܠܝܥܙܪ܂ ܗܠܝܢ ܟܗ̈ܢܐ ܕܩܿܪܝܢ ܗܘܘ ܒܩܪ̈ܢܬܐ ܩܕܡ ܩܒܘܬܗ ܕܡܪܝܐ܂ ܘܥܘܒܪ ܐܕܘܡ ܘܐܚܝܐ܂ ܣܿܥܪܝܢ ܗܘܘ ܠܩܒܘܬܐ܂
15:25 [ai]ܘܗܘܐ ܕܘܝܕ ܘܩܫܝ̈ܫܐ ܕܐܝܣܪܝܠ ܘܪ̈ܘܪܒܢܐ ܕܐ̈ܠܦܐ܃ ܐܿܙܠܝܢ ܠܡܣܩܘ ܩܒܘܬܐ ܕܕܝܬܩܐ ܕܡܪܝܐ܃ ܡܢ ܒܝܬܗ ܕܥܘܒܪ ܐܕܘܡ܃ ܠܩܪܝܬܗ ܕܕܘܝܕ ܒܚܕܘܬܐ ܪܒܬܐ܂
15:26 [ai]ܘܗܘܐ ܕܟܕ ܥܿܕܪ ܡܪܝܐ ܠܠܘ̈ܝܐ ܕܫܩܝܠܝܢ ܩܒܘܬܐ ܕܐܝܬ ܒܗܿ ܕܝܬܩܐ ܕܡܪܝܐ܃ ܕܒܚܘ ܫܒܥܐ ܬܘܪ̈ܝܢ ܘܫܒܥܐ ܕܟܪ̈ܝܢ܂
15:27 [ai]ܘܕܘܝܕ ܠܒܝܫ ‍<‍ܗܘܐ#3#‍>‍ ܢܚ̈ܬܐ ܕܒܘܨܐ܂ ܘܟܠܗܘܢ ܠܘ̈ܝܐ ܕܫܩܝܠܝܢ ܩܒܘܬܐ/ܠܩܒܘܬܐ#3#/܃ ܠܒܝܫܝܢ ܐܦ ܗܢܘܢ ܢܚ̈ܬܐ ܕܒܘܨܐ܂ ܘܠܥܠ ܡܢ ܢܚ̈ܬܘܗܝ ܕܕܘܝܕ ܕܒܘܨܐ܃ ܠܒܝܫ ܗܘܐ ܦܕܬܐ ܕܒܘܨܐ܂
15:28 [ai]ܘܕܘܝܕ ܘܟܠܗܘܢ ܕܒܝܬ ܐܝܣܪܝܠ܃ ܡܣܩܝܢ ܠܩܒܘܬܐ ܕܐܝܬ ܒܗܿ ܕܝܬܩܐ ܕܡܪܝܐ܃ ܒܬܫܒ̈ܚܬܐ ܘܒܩܠܐ ܕܩܪ̈ܢܬܐ ܦܫܝ̈ܛܬܐ ܘܟܦܝ̈ܦܬܐ܂ ܘܡܥܫܢܝܢ/ܘܡܫܡܥܝܢ#3#/ ܩܠܗܘܢ ܥܕܡܐ ܠܡܪܘܡܐ܂
15:29 [ai]ܘܗܘܐ ܕܟܕ ܡܛܝܬ ܩܒܘܬܐ ܕܐܝܬ ܒܗܿ ܕܝܬܩܐ ܕܡܪܝܐ܂ ܘܥܠܬ ܘܡܛܬ/ܘܩܪܒܬ#3#/ ܠܕܘܟܬܗܿ ܠܩܪܝܬܗ ܕܕܘܝܕ܃ ܡܠܟܠ ܒܪܬ ܫܐܘܠ ܐܕܝܩܬ ܡܢ ܟܘܬܐ܃ ܘܚܙܬܗ ܠܡܠܟܐ ܕܘܝܕ ܕܚܿܕܐ/ܚܿܕܐ#3#/ ܘܡܫܬܥܐ/ܕܡܫܬܥܐ#3#/܃ ܘܐܫܝܛܬ/ܘܐܫܛܝܬ#3#/ ܥܠܘܗܝ ܒܠܒܗܿ܂

next chapter