← Back
The Comprehensive Aramaic Lexicon
← Return to the Text Browser
click on the file description for more information
62038: P 1Ch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


17:01 [ai]ܘܗܘܐ ܕܟܕ ܝܬܒ ܕܘܝܕ ܒܒܝܬܗ܃ ܘܐܡܪ ܕܘܝܕ ܠܢܬܢ ܢܒܝܐ܂ ܚܙܝ ܕܐܢܐ ܝܿܬܒ ܒܒܝܬܐ ܕܡܛܠܠ ܒܩܪ̈ܝܬܐ ܕܐܪܙܐ܂ ܘܩܒܘܬܗ ܕܡܪܝܐ ܫܪܝܐ ܒܓܘ ܡܫܟܢܐ ܕܣܥܪܐ܂
17:02 [ai]ܘܐܡܪ ܢܬܢ ܠܕܘܝܕ܂ ܟܠ ܡܐ ܕܒܠܒܟ ܙܠ ܘܥܒܕ܂ ܡܛܠ ܕܡܪܝܐ ܥܡܟ܂
17:03 [ai]ܘܗܘܐ ܒܠܠܝܐ ܗܿܘ܃ ܘܡܠܬܗ ܕܡܪܝܐ ܗܘܬ ܥܠ ܢܬܢ ܢܒܝܐ ܘܐܡܪ ܠܗ܂
17:04 [ai]ܙܠ ܘܗܟܢܐ ܬܐܡܪ ܠܥܒܼܕܝ ܕܘܝܕ܂ ܗܟܢܐ/ܕܗܟܢܐ#3#/ ܐܡܿܪ ܡܪܝܐ܂ ܐܢܬ ܠܐ ܬܒܢܐ ܠܝ ܒܝܬܐ ܠܡܬܒ ܒܗ܂
17:05 [ai]ܡܛܠ ܕܠܐ ܝܬܒܬ ܒܒܝܬܐ ܡܢ ܝܘܡܐ ܕܐܣܩܬ ܠܐܝܣܪܝܠ ܡܢ \ܐܪܥܐ ܕܡܨܪܝܢ /ܡܨܪܝܢ#3#/ ܘܥܕܡܐ ܠܝܘܡܢܐ܂ ܘܗܘܝܬ ܡܫܢܐ ܡܢ ܡܫܟܢܐ ܠܡܫܟܢܐ܃
17:06 [ai]ܗܐ ܟܡܐ ܕܡܗܠܟ ܗܘܝܬ ܒܟܠܗܘܢ ܒ̈ܢܝ ܐܝܣܪܝܠ܂ ܕܠܡܐ ܡܠܬܐ ܐܡܪܬ ܠܚܕ ܡܢ ܕܝ̈ܢܐ ܕܒܢ̈ܝ ܐܝܣܪܝܠ܂ ܕܦܩܕܬ ܠܡܕܢ ܠܥܡܝ ܐܝܣܪܝܠ܂ ܘܐܡܪܬ ܠܗܘܢ ܕܠܡܢܐ ܠܐ ܒܢܝܬܘܢ/ܒܢܝܢ ܐܢܬܘܢ#3#/ ܠܝ ܒܝܬܐ ܕܡܛܠܠ ܒܐܪ̈ܙܐ܃
17:07 [ai]ܐܦ ܗܫܐ ܗܟܢܐ ܬܐܡܪ ܠܥܒܼܕܝ ܕܘܝܕ܂ ܗܟܢܐ ܐܡܿܪ ܡܪܝܐ ܚܝܠܬܢܐ܂ ܐܢܐ ܕܒܪܬܟ ܡܢ ܕܝܪܐ ܡܢ ܒܣܬܪ/ܒܬܪ#3#/ ܥܢܐ܃ ܠܡܗܘܐ ܡܠܟܐ ܥܠ ܐܝܣܪܝܠ ܥܡܝ܂
17:08 [ai]ܘܗܘܝܬ ܥܡܟ ܒܟܠ ܐܬܪ ܕܐܙܠܬ ܘܐܘܒܕܬ ܠܟܠܗܘܢ ܒܥܠܕ̈ܒܒܝܟ ܡܢ ܩܕܡܝܟ܂ ܘܥܒܕܬ ܠܟ ܫܡܐ ܪܒܐ ܐܝܟ ܫܡܐ ܕܪ̈ܘܪܒܢܐ ܕܐܝܬ ܒܐܪܥܐ܂
17:09 [ai]ܘܐܨܘܒ ܕܘܟܬܐ ܠܥܡܝ ܐܝܣܪܝܠ܂ ܘܐܫܪܝܘܗܝ܃ ܘܢܬܒ ܒܕܘܟܬܗ܂ ܘܠܐ ܢܙܘܥ ܬܘܒ܂ ܘܠܐ ܢܘܣܦܘܢ ‍<‍ܬܘܒ#3#‍>‍ ܒ̈ܢܝ ܥܘܼܠܐ ܠܡܓܠܝܘܬܗ ܐܝܟ ܕܒܩܕܡܝܬܐ܃
17:10 [ai]ܡܢ ܝܘܡܐ ܕܥܒܕܬܟ/ܕܦܩܕܬܟ#3#/ ܕܝܿܢܐ ܥܠ ܥܡܝ ܐܝܣܪܝܠ܂ ܘܐܢܝܚܬ ܠܟ ܡܢ ܟܠܗܘܢ ܒܥ̈ܠܕܒܒܝܟ܂ ܘܚܘܝܟ ܡܪܝܐ܃ ܕܡܠܟܘܬܐ ܩܝܡܐ ܗܝ ܠܟ ܥܕܡܐ ܠܥܠܡ܀
17:11 [ai]ܘܟܕ ܢܫܠܡܘܢ ܝܘ̈ܡܝ ܚܝ̈ܝܟ܂ ܘܬܐܙܠ ܘܬܬܟܢܫ ܠܘܬ ܐܒܗ̈ܝܟ܃ ܐܩܝܡ ܙܪܥܟ ܡܢ ܒܬܪܟ ܕܢܿܦܩ ܡܢ ܚܨܟ܃ ܘܐܬܩܢܝܗܿ ܠܡܠܟܘܬܗ܂
17:12 [ai]ܘܗܘ ܢܒܢܐ ‍<‍ܠܝ#3#‍>‍ ܒܝܬܐ ܠܫܡܝ܂ ܘܐܬܩܢ ܟܘܪܣܝܐ ܕܡܠܟܘܬܗ ܠܥܠܡ܂
17:13 [ai]ܐܢܐ ܐܗܘܐ ܠܗ ܠܐܒܐ܂ ܘܗܘ ܢܗܘܐ ܠܝ ܠܒܪܐ܂ ܘܛܝܒ̈ܘܬܝ ܠܐ ܢܥܒܪ̈ܢ ܡܢ ܠܘܬܗ܃ ܐܝܟ ܕܐܥܒܪܬ ܡܢ ܫܐܘܠ ܕܗܘܐ ܡܢ ܩܕܡܝܟ܂
17:14 [ai]ܘܐܫܠܛܝܘܗܝ ܒܒܝܬܝ ܘܒܡܠܟܘܬܝ ܠܥܠܡ ܥܠܡܝܢ܂ ܘܟܘܪܣܝܐ ܕܡܠܟܘܬܗ ܢܗܘܐ ܡܛܝܒ ܠܗ ܠܥܠܡ܂
17:15 [ai]ܥܠ ܟܠܗܘܢ ܦܬܓ̈ܡܐ ܗܠܝܢ܂ ܘܥܠ ܟܠܗ ܚܙܘܐ ܗܢܐ܃ ܗܟܢܐ ܡܠܠ ܢܬܢ ܢܒܝܐ ܥܡ ܕܘܝܕ܂
17:16 [ai]ܘܐܬܐ ܡܠܟܐ ܕܘܝܕ ܘܝܬܒ ܩܕܡ ܡܪܝܐ܂ ܘܐܡܪ܂ ܡܢܐ ܚܫܝܒ ܐܢܐ ܩܕܡܝܟ ܡܪܐ ܡܪ̈ܘܬܐ܃ ܘܡܿܢܘ ܒܝܬܝ܃ ܕܡܛܝܬܢܝ ܥܕܡܐ ܠܗܪܟܐ܂
17:17 [ai]ܘܙܥܘܪܝܐ ܗܝ ܗܕܐ ܒܥܝܢ̈ܝܟ ܡܪܐ ܡܪ̈ܘܬܐ܃ ܕܡܠܠܬ ܥܠ ܒܝܬܗ ܕܥܒܼܕܟ ܡܢ ܠܩܘܕܡܝܢ܂ ܘܟܠܗܘܢ ܒܢܝܢܫܐ ܕܥܿܒܕܝܢ ܕܚܠܬܟ ܒܟܠܗ ܠܒܗܘܢ܂ ܡܦܩ ܐܢܬ ܠܗܘܢ ܡܢ ܚܫܘܟܐ ܠܢܗܝܪܐ ܡܪܐ ܡܪ̈ܘܬܐ܂
17:18 [ai]ܘܡܢܐ ܢܫܬܒܗܪ ܬܘܒ ܕܘܝܕ ܥܒܼܕܟ ܠܡܡܠܠܘ ܩܕܡܝܟ܂ ܠܟ ܓܠܝܢ ܥܿܒ̈ܕܘܗܝ ܕܥܒܼܕܟ ܡܪܐ ܡܪ̈ܘܬܐ܃
17:19 [ai]ܡܛܠ ܕܝܕܥ ܐܢܬ ܡܢܐ ܐܝܬ ܒܠܒܗ ܕܥܒܼܕܟ܃ ܥܒܕܬ ܠܗ ܟܠܗܝܢ ܪ̈ܘܪܒܬܐ ܗܠܝܢ ܠܡܘܕܥܘ/ܠܡܘܪܒܘ#3#/ ܠܥܒܼܕܟ܂
17:20 [ai]ܡܛܠ ܗܢܐ ܝܕܥܬ/ܝܿܕܥ ܐܢܬ#3#/ ܡܪܐ ܡܪ̈ܘܬܐ܃ ܡܛܠ ܕܠܝܬ ܐܟܘܬܟ܂ ܘܠܝܬ ܐܠܗ/ܐܠܗܐ#3#/ ܐܠܐ ܐܢ/#3#/ ܐܢܬ܂ ܐܝܟ ܟܠ ܡܐ ܕܫܡܥܢ ܒܐ̈ܕܢܝܢ܂
17:21 [ai]ܘܡܿܢܘ ܐܝܬ ‍<‍ܠܟ#3#‍>‍ ܐܝܟ ܥܡܟ ܐܝܣܪܝܠ ܥܡܐ ܚܕ ܒܐܪܥܐ܃ ܕܐܬܓܠܝܬ ܡܢ ܫܡܝܐ ܘܦܪܩܬ ܐܢܘܢ܃ ܘܡܛܠܬܗܘܢ ܥܒܕܬ ܢܣ̈ܝܘܢܐ ܪ̈ܘܪܒܐ ܘܕ̈ܚܝܠܐ܃ ܘܡܚ̈ܘܬܐ ܪ̈ܘܪܒܬܐ ܥܠ ܡܨܪ̈ܝܐ܃ ܥܕܡܐ ܠܐܝܟܐ ܕܐܦܩܬ ܐܢܘܢ ܡܢ ܒܝܢܬܗܘܢ܃
17:22 [ai]ܘܐܬܩܢܬ ܠܟ ܠܥܡܟ ܐܝܣܪܝܠ܃ ܠܡܗܘܐ ܠܟ ܥܡܐ ܥܕܡܐ ܠܥܠܡ ܥܠܡܝܢ܂ ܘܐܢܬ ܡܪܝܐ ܗܘܝܬ ܠܗܘܢ ܐܠܗܐ܂
17:23 [ai]ܡܟܝܠ ܡܪܝܐ܃ ܡܠܬܐ ܕܐܡܪܬ ܥܠ ܥܒܼܕܟ ܘܥܠ ܒ̈ܢܝ ܒܝܬܗ܃ ܩܝܡ ܠܥܠܡ܃ ܘܥܒܕ ܐܝܟܢܐ ܕܐܡܪܬ܂
17:24 [ai]ܘܢܫܬܪܪܘܢ ܥܿܒ̈ܕܝܟ ܠܥܠܡ܂ ܘܢܫܬܒܚ ܫܡܟ ‍<‍ܠܥܠܡ#3#‍>‍ ܒܓܘ ܥܠܡܐ܂ ܘܢܗܘܘܢ ܐ܂ܡܪܝܢ܃ ܡܪܝܐ ܚܝܠܬܢܐ ܡܪܐ ܡܪ̈ܘܬܐ ܐܠܗܐ ܕܐܝܣܪܝܠ܂ ܘܒܝܬܗ ܕܕܘܝܕ ܥܒܼܕܟ܃ ܢܗܘܐ ܡܬܩܢ ܩܕܡܝܟ ܠܥܠܡ܂
17:25 [ai]ܡܛܠ ܕܐܢܬ ܐܠܗܝ ܓܠܝܬ ܪܐܙܐ ܠܥܒܼܕܟ܂ ܘܐܡܪܬ ܠܗ܂ ܕܒܝܬܐ ܒܢܝ ܠܝ܂ ܡܛܠ ܗܢܐ ܣܕܪ ܥܒܼܕܟ ܒܠܒܗ܂ ܠܡܨܠܝܘ ܩܕܡܝܟ܂ ܨܠܘܬܐ ܗܕܐ܂
17:26 [ai]ܡܟܝܠ ܡܪܝܐ ܐܢܬ ܗܘ ܐܠܗܝ܂ ܘܟܠ ܡ̈ܠܝܟ ܬܪ̈ܝܨܬܐ܂ ܐܝܠܝܢ/ܐܢܝ̈ܢ#3#/ ܕܡܠܠܬ \ܠܥܒܼܕܟ ܛܒ̈ܬܐ /ܥܡܟ ܛܒܿܬܐ#3#/ ܐܢ̈ܝܢ/ܗܠܝܢ#3#/܂
17:27 [ai]ܘܡܟܝܠ ܐܬܓܠܝ ܠܡܒܪܟܘ ܠܒܝܬܗ/ܒܝܬܗ#3#/ ܕܥܒܼܕܟ܂ ܕܢܗܘܐ ܩܕܡܝܟ ܠܥܠܡ ܥܠܡܝܢ܂ ܡܛܠ ܕܐܢܬ ܗܘ ܡܪܝܐ ܡܪܐ ܡܪ̈ܘܬܐ ܡܠܠܬ܂ ܘܡܢ ܒܘܪܟܬܟ ܡܬܒܪܟܝܢ ܒܬܝ̈ܗܘܢ ܕܙܕܝ̈ܩܐ ܠܥܠܡ܂

next chapter