← Back
The Comprehensive Aramaic Lexicon
← Return to the Text Browser
click on the file description for more information
62038: P 1Ch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


19:01 [ai]ܘܗܘܐ ܡܢ ܒܬܪ ܗܠܝܢ܃ ܘܡܝܬ ܢܚܫ ܡܠܟܐ ܕܒ̈ܢܝ ܥܡܘܢ܂ ܘܐܡܠܟ ܚܢܘܢ ܒܪܗ ܒܬܪܗ܂
19:02 [ai]ܘܐܡܪ ܕܘܝܕ ܡܥܒܕ ܐܥܒܕ ܚܣܕܐ/ܛܝܒܘܬܐ#3#/ ܥܡ/ܥܠ#3#/ ܚܢܘܢ ܒܪ ܢܚܫ܂ ܐܝܟܢܐ ܕܥܒܕ ܐܒܘܗܝ ܥܡܝ ܚܣܕܐ܂ ܘܫܕܪ ܕܘܝܕ ܐܝܙ̈ܓܕܐ ܠܡܒܝܐܘܬܗ ܥܠ ܐܒܘܗܝ܂ ܘܐܬܘ ܥܒܼܕ̈ܘܗܝ ܕܕܘܝܕ ܠܐܪܥܐ ܕܒ̈ܢܝ ܥܡܘܢ ܠܘܬ ܚܢܘܢ ܠܡܒܝܐܘܬܗ ‍<‍ܥܠ ܐܒܘܗܝ#3#‍>‍܂
19:03 [ai]ܘܐܡܿܪܝܢ ܪܘܪ̈ܒܢܐ ܕܒ̈ܢܝ ܥܡܘܢ ܠܚܢܘܢ ܡܪܗܘܢ܂ ܡܝܩܪܘ ܡܝܩܪ ܗܘܐ ܕܘܝܕ ܠܐܒܘܟ ܒܚܝܘ̈ܗܝ܂ ܡܛܠ ܕܗܐ ܫܕܪ ܠܟ ܡܒܝܐ̈ܢܐ܂ ܡܛܠ ܕܠܡܓܫ ܡܕܝܢܬܐ܃ ܘܠܡܕܥ ܡܦܩ̈ܢܐ ܘܡܥ̈ܠܢܐ܃ ܫܕܪ ܕܘܝܕ ܥܒܼܕ̈ܘܗܝ/ܠܥܒܼܕ̈ܘܗܝ#3#/ ܠܘܬܢ܂
19:04 [ai]ܘܕܒܪ ܚܢܘܢ ܠܥܒܼܕ̈ܘܗܝ ܕܕܘܝܕ܂ ܘܓܪܥ ܦܠܓܘܬ ܕܩܢܝ̈ܗܘܢ ܘܦܠܓܘܬ ܪ̈ܫܝܗܘܢ܂ ܘܩܕܕ ܟܘܬܝ̈ܢܝܬܗܘܢ ܥܕܡܐ ܠܟܢܘܬܫܪ̈ܝܗܘܢ ܘܫܕܪ ܐܢܘܢ܂
19:05 [ai]ܘܚܘܝܘ ܠܕܘܝܕ܂ ܘܫܕܪ ܠܐܘܪܥܗܘܢ \ܕܓܒܪ̈ܐ܂ ܡܛܠ ܕܒܗܝܬܝܢ ܗܘܘ /ܡܛܠ ܕܗܘܘ ܓܒܪ̈ܐ ܒܗ̈ܝܬܝܢ#3#/ ܛܒ܂ ܘܐܡܪ ܠܗܘܢ ܡܠܟܐ ܬܒܘ ܒܐܝܪܝܚܘ܃ ܥܕܡܐ ܠܐܝܟܐ ܕܢܐܥܘܢ ܕܩܢܝ̈ܟܘܢ ܘܬܗܦܟܘܢ܂
19:06 [ai]ܘܚܙܘ ܒ̈ܢܝ ܥܡܘܢ ܕܐܣܟܠܘ ܒܥܒܼܕ̈ܘܗܝ ܕܕܘܝܕ܂ ܘܫܕܪ ܚܢܘܢ ܘܒ̈ܢܝ ܥܡܘܢ܂ ܠܡܐܓܪ ܠܗܘܢ ܒܐܠܦ ܟܟܪ̈ܝܢ ܕܟܣܦܐ/ܟܣܦܐ#3#/ ܡܢ ܐܪܡ ܢܗܪ̈ܝܢ܂ ܘܡܢ ܚܪܢ ܘܡܢ ܢܨܝܒܝܢ ܘܡܢ ܐܕܘܡ ܙܘܓ̈ܐ ܘܦܪ̈ܫܐ܂
19:07 [ai]ܘܐܓܪܘ ܠܗܘܢ܂ ܬܠܬܝܢ ܘܬܪܝܢ ܐܠܦ̈ܝܢ ܦܪ̈ܫܝܢ/ܙܘ̈ܓܐ ܘܦܪ̈ܫܐ ܕܐܓܪܘ#3#/܂ ܘܠܡܠܟܐ ܕܚܪܢ ܘܠܡܠܟܐ ܕܐܕܘܡ܂ ܘܠܡܠܟܐ ܕܐܪܡ ܢܗܪ̈ܝܢ ܘܠܡܠܟܐ ܕܢܨܝܒܝܢ܂ ܘܠܚܝ̈ܠܘܬܗܘܢ܂ ܘܐܬܘ ܘܫܪܘ ܩܕܡ ܡܕܐܒܐ܂ ܘܒ̈ܢܝ ܥܡܘܢ܂ ܐܬܟܢܫܘ ܡܢ ܩܘܪ̈ܝܗܘܢ ܘܐܬܘ ܠܩܪܒܐ܂
19:08 [ai]ܘܫܡܥ ܕܘܝܕ܂ ܘܫܕܪ ܠܝܘܐܒ ܘܠܟܠ ܚܝܠܘ̈ܬܐ ܕܓܢܒܪ̈ܐ܂
19:09 [ai]ܘܢܦܩܘ ܒ̈ܢܝ ܥܡܘܢ ܘܥܒܕܘ ܩܪܒܐ ܩܕܡ ܬܪܥܐ܂ ܘܗܠܝܢ ‍<‍ܬ̈ܠܬܐ#3#‍>‍ ܡܠܟ̈ܐ ܗܢܘܢ ܘܚܝܠܘ̈ܬܗܘܢ ܫܪܝܢ ܗܘܘ ܒܠܚܘܕܝܗܘܢ ܒܚܩ̈ܠܬܐ܂
19:10 [ai]ܘܚܙܐ ܝܘܐܒ ܕܥܫܢ ܥܠܘܗܝ ܩܪܒܐ ܡܢ ܩܕܡܘܗܝ/ܩܘܕܡܘܗܝ#3#/ ܘܡܢ ܒܣܬܪܗ܃ ܘܓܒܐ ܠܗ ܡܢ ܟܠܗܘܢ ܓܢܒܪ̈ܐ ܕܐܝܣܪܝܠ܂ ܘܥܒܕܘ ܩܪܒܐ ܠܘܩܒܠ ܐܕܘܡ܂
19:11 [ai]ܘܫܪܟܐ ܕܥܡܐ ܐܫܠܡ ܠܐܒܝܫܝ ܐܚܘܗܝ܂ ܘܣܕܪ ܠܘܩܒܠ ܒ̈ܢܝ ܥܡܘܢ܂
19:12 [ai]ܘܐܡܪ ܠܗ܂ ܐܢܗܘ ܕܢܬܩܦ ܡܢܝ ܐܕܘܡ܂ ܬܐܬܐ ܬܦܨܝܢܝ܂ ܘܐܢ ܒ̈ܢܝ ܥܡܘܢ ܢܬܩܦܘܢ܃ ܡܢܟ ܐܬܐ ܘܐܦܨܝܟ ܡܢܗܘܢ܂
19:13 [ai]ܬܩܦ ܘܐܬܬܩܦ܂ ܘܢܬܟܬܫ ܥܠ ܐܦ̈ܝ ܥܡܢ܂ ܘܥܠ ܐܦ̈ܝ ܩܘܪ̈ܝܐ ܕܐܠܗܢ܂ ܘܡܪܝܐ ܢܥܒܕ ܡܕܡ ܕܫܦܝܪ ܒܥܝܢ̈ܘܗܝ܂
19:14 [ai]ܘܩܪܒ ܝܘܐܒ ܘܥܡܐ ܕܐܝܬ ܥܡܗ ܠܡܬܟܬܫܘ ܥܡ ܐܕܘܡ̈ܝܐ ܘܥܪܩܘ ܡܢ ܩܕܡܘܗܝ܂
19:15 [ai]ܘܒ̈ܢܝ ܥܡܘܢ ܚܙܘ ܕܥܪܩܘ ܐܕܘܡ̈ܝܐ܃ ܘܥܪܩܘ ܐܦ ܗܢܘܢ ܡܢ ܩܕܡ ܐܒܝܫܝ ܐܚܘܗܝ܂ ܘܐܬܘ ܠܩܪܝܬܐ܂ ܘܗܦܟ ܝܘܐܒ ܠܐܘܪܫܠܡ܂
19:16 [ai]ܘܚܙܘ ܐܕܘ̈ܡܝܐ ܕܐܬܬܒܪܘ ܩܕܡ ܒ̈ܢܝ ܐܝܣܪܝܠ܃ ܘܫܕܪܘ ܐܝܙ̈ܓܕܐ ܘܐܦܩܘ ܠܐܕܘܡ̈ܝܐ ܕܐܝܬ ܡܢ ܥܒܪ ܢܗܪܐ܂ ܘܐܬܘ ܠܚܝܠܡ܂ ܘܫܘܒܟ ܪܒ ܚܝܠܗ ܕܗܕܪܥܙܪ ܩܕܡܝܗܘܢ܂
19:17 [ai]ܘܚܘܝܘ ܠܕܘܝܕ܂ ܘܟܢܫ ܠܟܠܗ ܐܝܣܪܝܠ ܘܐܬܐ ܥܠܝܗܘܢ܂ ܘܣܕܪ ܕܘܝܕ ܠܘܩܒܠ ܐܕܘܡ̈ܝܐ ܩܪܒܐ܂ ܘܐܬܟܬܫܘ ܥܡܗܘܢ܂
19:18 [ai]ܘܥܪܩܘ ܐܕܘ̈ܡܝܐ ܡܢ ܩܕܡ ܒ̈ܢܝ ܐܝܣܪܝܠ܂ ܘܚܪܒ ܕܘܝܕ ܒܐܕܘܡ̈ܝܐ܂ ܫܒܥܐ ܐ̈ܠܦܝܢ ܙܘ̈ܓܝܢ܂ ܘܐܪ̈ܒܥܐ/ܘܐܪ̈ܒܥܝܢ#3#/ ܐ̈ܠܦܝܢ ܓܒܪ̈ܐ ܪ̈ܓܠܝܐ܂ ܘܫܘܒܟ ܪܒ ܚܝܠܗ ܕܗܕܪܥܙܪ ܐܬܩܛܠ ܬܡܢ܂
19:19 [ai]ܘܚܙܘ ܥܒ̈ܕܘܗܝ ܕܗܕܪܥܙܪ ܕܐܬܬܒܪܘ ܩܕܡ ܒ̈ܢܝ ܐܝܣܪܝܠ܂ ܘܐܫܠܡܘ/ܘܫܠܡܘ#3#/ ܠܕܘܝܕ ܘܦܠܚܘܗܝ܂ ܘܠܐ ܨܒܘ ܐܕܘ̈ܡܝܐ ܠܡܥܕܪܘ ܬܘܒ ܠܒ̈ܢܝ ܥܡܘܢ܂

next chapter