← Back
The Comprehensive Aramaic Lexicon
← Return to the Text Browser
click on the file description for more information
62038: P 1Ch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


21:01 [ai]ܘܩܡ ܣܛܢܐ ܠܐܝܣܪܐܝܠ܂ ܘܣܪܗܒ ܠܕܘܝܕ ܠܡܡܢܐ ܠܐܝܣܪܝܠ܂
21:02 [ai]ܘܐܡܪ ܕܘܝܕ ܠܝܘܐܒ ܒܪ ܨܘܪܝܐ ܘܠܪ̈ܘܪܒܢܘܗܝ ܕܐܡܐ܂ ܙܠܘ ܘܡܢܘ ܠܥܡܐ ܕܐܝܣܪܝܠ܂ ܡܢ ܒܪ ܫܒܥ ܘܥܕܡܐ ܠܕܢ܂ ܘܬܘ ܠܘܬܝ ܘܐܕܥ ܡܢܝܢܗ ܕܥܡܐ܂
21:03 [ai]ܘܐܡܪ ܝܘܐܒ ܠܕܘܝܕ ܡܠܟܐ܂ ܢܘܣܦ ܡܪܝܐ ܐܠܗܟ ܥܠ ܥܡܗ܂ ܐܟܘܬܗܘܢ ܘܐܟܘܬܗܘܢ ܡܐܐ ܙܒܢ̈ܝܢ܂ ܘܥܝܢ̈ܘܗܝ ܕܡܪܝ ܡܠܟܐ ܢܚ̈ܙܝܢ܂ ܡܛܠ ܕܟܠܗܘܢ ܥܒܕ̈ܘܗܝ ܐܢܘܢ܂ ܘܡܪܢ ܡܠܟܐ ܠܡܿܢܘ ܐܨܛܒܝ ܒܗܿ ܒܡܠܬܐ ܗܕܐ܂
21:04 [ai]ܘܡܠܬܗ ܕܡܠܟܐ ܥܫܢܬ ܥܠ ܝܘܐܒ܂ ܘܢܦܩ ܝܘܐܒ ܘܗܠܟ ܒܟܠܗ ܐܝܣܪܝܠ܂ ܘܗܦܟ ܐܬܐ ܠܐܘܪܫܠܡ܂
21:05 [ai]ܘܝܗܒ ܝܘܐܒ ܡܢܝܢܐ ܘܚܘܫܒܢܐ ܕܥܡܐ ܠܕܘܝܕ܂ ܘܗܘܐ ܚܘܫܒܢܐ ܕܒ̈ܢܝ ܐܝܣܪܝܠ ܐܠܦ ܐ̈ܠܦܝܢ ܘܡܐܐ ܐ̈ܠܦܝܢ \ܓܒܪ̈ܐ ܪ̈ܓܠܝܐ /ܪ̈ܓܠܝܝܢ#3#/ ܫܿܡ̈ܛܝ ܣܝܦܐ܂ ܘܫܒܛܐ ܕܒܝܬ ܝܗܘܕܐ܃ ܗܘܘ ܒܡܢܝܢܐ ܐܪܒܥܡܐܐ ܘܫܒܥܝܢ ܐ̈ܠܦܝܢ܂ ܓܒܪ̈ܐ ܫܿܡ̈ܛܝ/ܫ̈ܠܦܝ#3#/ ܣܝܦܐ܂
21:06 [ai]ܘܠܘ̈ܝܐ ܘܟܗ̈ܢܐ܂ ܘܫܒܛܐ ܕܒܝܬ ܒܢܝܡܝܢ ܠܐ ܐܬܡܢܝ ܥܡܗܘܢ܂ ܡܛܠ ܕܐܣܠܝ ܝܘܐܒ ܡܠܬܗ ܕܡܠܟܐ܂ ܘܠܐ ܨܒܐ ܝܘܐܒ ܠܡܡܢܐ ܐܢܘܢ܂
21:07 [ai]ܘܐܬܒܐܫ/ܘܐܬܐܒܫ#2#/ ܦܬܓܡܐ ܒܥܝ̈ܢܝ ܡܪܝܐ܃ ܥܠ ܕܡܢܐ ܕܘܝܕ ܠܐܝܣܪܝܠ܂
21:08 [ai]ܘܐܡܪ ܕܘܝܕ ܠܡܪܝܐ܂ ܚܛܝܬ ܛܒ ܒܡܕܡ ܕܥܒܕܬ ܒܦܬܓܡܐ/ܦܬܓܡܐ#3#/ ܗܢܐ܂ ܘܐܦ ܗܫܐ ܐܥܒܪ ܚܘܒ̈ܘܗܝ ܕܥܒܕܟ܂ ܡܛܠ ܕܐܣܟܠܬ ܛܒ܂
21:09 [ai]ܘܩܕܡ ܕܘܝܕ ܒܨܦܪܐ܂ ܘܡܠܬܗ ܕܡܪܝܐ ܗܘܬ ܥܠ ܓܕ ܢܒܝܐ ܘܐܡܪ ܠܗ܂
21:10 [ai]ܙܠ ܘܐܡܪ ܠܕܘܝܕ܂ ܗܟܢܐ ܐܡܿܪ ܡܪܝܐ܂ ܬܠܬ ܒܝ̈ܫܢ ܡܝܬܐ ܐܢܐ ܥܠܝܟ܂ ܓܒܝ ܠܟ ܚܕܐ ܡܢܗܝܢ ܘܐܥܒܕ ܠܟ܂
21:11 [ai]ܘܐܬܐ ܓܕ ܢܒܝܐ ܠܘܬ ܕܘܝܕ ܘܐܡܪ ܠܗ܂ ܗܟܢܐ ܐܡܿܪ ܡܪܝܐ܂ ܩܒܠ ܠܟ
21:12 [ai]ܐܘ ܬܠܬ ܫܢ̈ܝܢ ܟܦܢܐ ܒܐܪܥܟ܂ ܐܘ ܬܠܬܐ ܝܪ̈ܚܝܢ ܬܬܡܣܪ/ܕܬܬܡܣܪ#3#/ ܩܕܡ ܒܥܠܕܒܒܟ܂ ܘܗܘ ܢܗܘܐ ܪܕܿܦ ܠܟ܂ ܘܗܘ ܢܗܘܐ ܫܠܝܛ ܒܟ܂ ܐܘ ܬܠܬܐ ܝܘܡ̈ܝܢ ܚܪܒܗ ܕܡܪܝܐ ܒܐܝܣܪܝܠ܂ ܘܐܦ ܗܫܐ ܕܥ ܘܚܙܝ ܡܢܐ ܝܗܿܒ ܐܢܬ ܦܬܓܡܐ \ܠܘܬ ܡܿܢ /ܠܡܿܢ#2#/ ܕܫܕܪܢܝ ܠܘܬܟ܂
21:13 [ai]ܘܐܡܪ ܕܘܝܕ ܠܓܕ܂ ܥܩܬ ܠܝ ܛܒ܂ ܢܫܬܠܡ/ܦܩܚ ܠܢ ܕܢܫܬܠܡ#3#/ ܒܐܝܕ̈ܘܗܝ ܕܡܪܝܐ ܕܣܓܝܐ̈ܝܢ ܪ̈ܚܡܘܗܝ ܛܒ܂ ܘܒܐܝܕܐ ܕܒܢܝܢ̈ܫܐ ܠܐ ܢܫܬܠܡ܂
21:14 [ai]ܘܝܗܒ ܡܪܝܐ ܡܘܬܢܐ ܒܐܝܣܪܝܠ܂ ܘܢܦܠܘ ܡܢ ܐܝܣܪܐܝܠ ܫܒܥ̈ܝܢ ܐ̈ܠܦܝܢ ܓܒܪ̈ܐ܂
21:15 [ai]ܘܫܕܪ ܡܪܝܐ ܡܠܐܟܐ/ܠܡܠܐܟܐ#2#/ ܠܐܘܪܫܠܡ ܠܡܚܒܠܘܬܗܿ܂ ܘܟܕ ܡܚܒܠ ܠܗܿ܃ ܚܙܝܗܝ ܡܪܝܐ ܘܐܬܒܝܐ ܡܢ ܒܝܫܬܐ ܘܐܡܪ ܠܡܠܐܟܐ ܕܡܚܒܠ܂ ܣܓܝ ܚܒܠܬ܂ ܡܟܝܠ ܩܦܘܣ ܐܝܕܟ܂ ܘܡܠܐܟܗ ܕܡܪܝܐ ܫܪܐ ܗܘܐ ܠܘܬ ܐܕܪܗ ܕܐܪܢ ܝܒܘܣܝܐ܂
21:16 [ai]ܘܐܪܝܡ ܕܘܝܕ ܥܝܢ̈ܘܗܝ ܘܚܙܐ ܠܡܠܐܟܗ/ܡܠܐܟܗ#3#/ ܕܡܪܝܐ ܩܐܿܡ ܒܝܬ ܫܡܝܐ ܠܐܪܥܐ܂ ܘܣܝܦܗ ܫܡܝܛ ܘܐܚܝܕ ܒܐܝܕܗ܂ ܘܩܐܿܡ ܠܥܠ ܡܢ ܐܘܪܫܠܡ܂ ܘܢܦܠ ܕܘܝܕ ܘܩܫܝ̈ܫܐ ܕܐܝܬ ܗܘܘ ܐܡܗ܂ ܡܟܣܝܢ/ܕܡܟܣܝܢ#3#/ ܗܘܘ ܣܩ̈ܐ܂ ܘܢܦܠܘ ܥܠ ܐܦܝ̈ܗܘܢ܂
21:17 [ai]ܘܐܡܪ ܕܘܝܕ ܠܡܪܝܐ܂ ܐܢܐ ܗܘ ܕܐܡܪܬ ܕܐܡܢܐ ܠܥܡܐ/ܥܡܐ#3#/܂ ܘܐܢܐ ܗܘ ܚܛܝܬ ܘܛܒ ܪܒܐ ܗܝ ܣܟܠܘܬܐ ܕܐܣܟܠܬ܂ ܗܠܝܢ ܕܝܢ ܥܢܐ ܬܡܝ̈ܡܬܐ ܡܢܐ ܥܒܕܘ܂ ܡܪܝܐ ܐܠܗܝ܂ ܬܗܘܐ ܠܗܿ ܐܝܕܟ ܒܝ ܘܒܒܝܬ ܐܒܝ܂ ܘܡܢ ܥܡܐ ܢܬܟܠܐ ܡܘܬܢܐ܂
21:18 [ai]ܘܡܠܐܟܗ ܕܡܪܝܐ ܐܡܪ ܠܓܕ ܢܒܝܐ܂ ܣܩ ܐܡܪ ܠܕܘܝܕ܂ ܣܿܠܩ ܒܿܢܐ ܡܕܒܚܐ ܠܡܪܝܐ ܒܐܕܪܗ ܕܐܪܢ ܝܒܘܣܝܐ܂
21:19 [ai]ܘܣܠܩ ܕܘܝܕ ܐܝܟ ܦܬܓܡܗ ܕܓܕ܂ ܕܐܡܪ ܒܫܡܗ ܕܡܪܝܐ܂
21:20 [ai]ܘܚܙܐ ܕܘܝܕ ܠܡܠܐܟܐ ܕܡܚܒܠ ܒܥܡܐ ܕܩܦܣ ܐܝܕܗ܂ ܘܠܐ ܚܒܠ ܬܘܒ܂
21:21 [ai]ܘܐܬܐ ܕܘܝܕ ܠܘܬ ܐܪܢ܂ ܘܐܬܦܢܝ ܐܪܢ ܘܚܙܐ \ܠܡܠܟܐ ܕܘܝܕ /ܠܕܘܝܕ#3#/܂ ܘܣܓܕ ܠܕܘܝܕ ܥܠ ܐܦܘ̈ܗܝ \ܥܕܡܐ ܠܐܪܥܐ /ܥܠ ܐܪܥܐ#3#/܂ ܘܢܦܩ ܐܪܢ ܡܢ ܐܕܪܗ܂
21:22 [ai]ܘܐܡܪ ܕܘܝܕ ܠܐܪܢ܂ ܗܒ ܠܝ ܕܘܟܬܐ ܕܐܕܪܐ ܗܢܐ܂ ܘܐܒܢܐ ܒܗܿ ܡܕܒܚܐ ܠܡܪܝܐ܂ ܒܟܣܦܐ ܘܒܕܡ̈ܝܐ ܛܒ̈ܐ ܗܒܝܗܿ ܠܝ܂ ܘܢܬܟܠܐ ܡܘܬܢܐ ܡܢ ܥܡܐ܂
21:23 [ai]ܘܐܡܪ ܐܪܢ ܠܕܘܝܕ܂ ܣܒ ܠܟ ܡܪܝ ܡܠܟܐ܂ ܘܢܥܒܕ ܡܪܝ ܡܠܟܐ ܡܕܡ ܕܫܦܝܪ ܒܥܝܢ̈ܘܗܝ܂ ܘܐܢܐ ܝܗܿܒ ܐܢܐ ܬܘܪ̈ܐ ܠܥܠܬܐ܂ ܘܓܪܓܪܐ ܠܩܝܣ̈ܐ ܘܚ̈ܛܐ ܠܩܘܪܒܢܐ܂ ܘܟܠ ܡܕܡ ܕܡܬܒܥܐ ܐܢܐ ܝܿܗܒ ‍<‍ܐܢܐ#3#‍>‍܂
21:24 [ai]ܘܐܡܪ ܡܠܟܐ ܕܘܝܕ ܠܐܪܢ܂ ܚܣ ܠܝ܂ ܡܙܒܢ ܙܒܿܢ ܐܢܐ ܡܢܟ ܒܟܣܦܐ ܘܒܕܡ̈ܝܐ ܐܝܟ ܕܫܿܘܐ܂ ܡܛܠ ܕܠܐ ܢܣܿܒ ܐܢܐ ܕܝܠܟ ܘܡܣܩ ܐܢܐ ܠܡܪܝܐ ܥܠܬܐ ܕܡܓܢ܂
21:25 [ai]ܘܙܒܢ ܕܘܝܕ ܡܢ ܐܪܢ ܕܘܟܬܐ ܗܿܝ ܕܐܕܪܐ ܒܚܡܫܝܢ ܐܣܬܪ̈ܝܢ܂
21:26 [ai]ܘܒܢܐ ܕܘܝܕ ܬܡܢ ܡܕܒܚܐ ܠܡܪܝܐ܂ ܘܩܪܒ ܥܠܘ̈ܬܐ ܘܫܠܡ̈ܐ ܐܡܪ̈ܐ܂ ܘܨܠܝ ܩܕܡ ܡܪܝܐ ܘܥܢܝܗܘ܂ ܘܢܚܬܬ ܢܘܪܐ ܡܢ ܫܡܝܐ܂ ܘܐܟܠܬ ܥܠܘ̈ܬܐ ܕܐܝܬ ܗܘ̈ܝ ܥܠ ܡܕܒܚܐ܂
21:27 [ai]ܘܐܡܪ ܡܪܝܐ ܠܡܠܐܟܐ ܟܕ ܚܙܐ ܐܗܦܟ ܣܝܦܟ ܠܚܠܬܗ܂
21:28 [ai]ܒܙܒܢܐ ܗܿܘ܂ ܟܕ ܚܙܐ ܕܘܝܕ ܕܥܢܝܗܝ ܡܪܝܐ ܒܐܕܪܗ ܕܐܪܢ ܝܒܘܣܝܐ܂ ܘܕܒܚ ܬܡܢ ܕܒܚ̈ܐ ܪ̈ܘܪܒܐ܂
21:29 [ai]ܘܨܠܝ ܬܡܢ ܩܕܡ ܡܫܟܢܐ ܕܥܒܕ ܗܘܐ ܡܘܫܐ ܒܡܕܒܪܐ܂ ܒܡܦܩܢܐ ܕܒ̈ܢܝ ܐܝܣܪܐܝܠ ܡܢ ܡܨܪܝܢ܂
21:30 [ai]ܒܗ ܒܙܒܢܐ ܗܿܘ܃ ܕܚܠ ܗܘܐ ‍<‍ܛܒ#2#‍>‍ ܕܘܝܕ ܛܒ܂ ܘܠܐ ܡܫܟܚ ܗܘܐ ܠܡܐܙܠ ܠܡܨܠܝܘ ܩܕܡ ܡܪܝܐ܂ ܡܛܠ ܕܕܚܠ ܗܘܐ ܡܢ ܩܕܡ ܚܪܒܐ ܕܡܠܐܟܗ ܕܡܪܝܐ܂

next chapter