The Comprehensive Aramaic Lexicon

22:01 [ai]	ܘܐܡܪ ܕܘܝܕ ܕܗܿܢܘ ܒܝܬܗ ܕܡܪܝܐ ܐܠܗܐ܂ ܘܗܢܐ ܗܘ ܡܕܒܚܐ ܕܥܠܘ̈ܬܐ ܕܐܝܣܪܝܠ/ܒܐܝܣܪܝܠ#3#/܂
22:02 [ai]	ܘܐܡܪ ܕܘܝܕ ܠܡܟܢܫܘ ܠܟܠܗܘܢ ܓܝܘܪ̈ܐ ܕܐܝܬ ܗܘܘ ܒܐܪܥܐ ܕܐܝܣܪܝܠ܂ ܘܢܥܒܕܘܢ ܡܢܗܘܢ ܦܣܘ̈ܠܐ ܘܢܦܣܩܘܢ ܟܐܦ̈ܐ ܠܒܝܬܗ ܕܡܪܝܐ܂
22:03 [ai]	ܘܠܡܥܒܕ ܡܢܗܘܢ ܩܝܢ̈ܝܐ ܥܿܒ̈ܕܝ ܦܪܙܠܐ܃ ܠܡܥܒܕ ܦܕ̈ܘܥܐ ܘܐܟܣ̈ܝܕܐ ܘܡܘܟ̈ܠܐ ܕܦܪܙܠܐ ܬܩܢ ܕܘܝܕ ܘܢܚܫܐ ܣܓܝܐܐ ܕܠܝܬ ܠܗ ܡܬܩܠܐ܂
22:04 [ai]	ܘܩܝܣ̈ܐ ܕܐܪܙܐ ܕܠܝܬ ܠܗܘܢ ܡܢܝܢܐ܂ ܡܛܠ ܕܐܝܬܝܘ ܨܘܪ̈ܝܐ ܘܨܝܕܢ̈ܝܐ ܩܝ̈ܣܐ ܕܐܪܙܐ܂ ܣܘܓܐܐ ܕܛܒ ܠܕܘܝܕ܂
22:05 [ai]	ܘܐܡܪ ܕܘܝܕ܂ ܫܠܝܡܘܢ ܒܪܝ܂ ܥܕܡܐ ܠܗܫܐ ܛܠܝܐ ܗܘ ܙܥܘܪܐ܂ ܘܥܠܘܗܝ ܗܘ ܐܡܝܪ ܒܟܬܒܐ ܕܢܒܢܐ ܒܝܬܐ ܠܡܪܝܐ܂ ܕܢܘܪܒܝܘܗܝ ܠܥܠ ܠܫܡܐ/ܠܫܡܝܐ#2#/܂ ܘܠܪܒܘܬܐ ܘܠܬܫܒܘܚܬܐ ܠܟܠܗܝܢ ܡܕܝܢ̈ܬܐ܂ ܐܛܝܒ ܠܗ ܐܢܐ ܟܘܠ ܡܕܡ ܕܡܬܒܥܐ ܠܗ ܡܢ ܚܝ̈ܝ܂ ܘܛܝܒ ܕܘܝܕ ܟܠܘ ܡܕܡ ܕܡܬܒܥܐ ܗܘܐ ܠܗ ܠܒܝܬܐ܂ ܘܡܕܡ ܠܐ ܚܣܪ܂
22:06 [ai]	ܘܩܪܐ ܠܫܠܝܡܘܢ ܒܪܗ ܘܐܡܪ ܠܗ܂ ܐܢܬ ܬܒܢܐ ܒܝܬܐ ܠܡܪܝܐ ܐܠܗܐ ܡܪܐ ܡܪ̈ܘܬܐ ܕܐܝܣܪܝܠ܂
22:08 [ai]	ܡܛܠ ܕܫܕܪ ܥܠܝ \ܒܐܝܕܐ ܕܢܒܝܐ /ܒܢܒ̈ܝܐ#3#/ ܘܐܡܪ ܠܝ܂ ܕܡܐ ܣܓܝܐܐ ܐܫܕܬ܂ ܘܩܐܪ̈ܣܐ ܪ̈ܘܪܒܐ ܥܒܕܬ܂ ܐܢܬ ܠܐ ܬܒܢܐ ܒܝܬܐ ܠܫܡܝ܂ ܡܛܠ ܕܕܡܐ ܣܓܝܐܐ ܐܫܕܬ ܥܠ ܐܪܥܐ ܩܕܡܝ܂
22:09 [ai]	ܒܪܐ ܕܝܢ ܕܡܬܝܠܕ ܠܟ ܗܘ ܢܗܘܐ ‍<‍ܠܟ#3#‍>‍ ܓܒܪܐ ܕܢܝܚܐ ܘܐܢܝܚ ܠܗ܂ ܡܢ ܟܠܗܘܢ ܒܥܠܕܒܒ̈ܘܗܝ ܕܚܕܝܪܝܢ ܠܗ܂ ܘܫܠܝܡܘܢ ܢܗܘܐ ܫܡܗ܂ ܘܫܠܡܐ ܘܢܝܚܐ ܢܗܘܐ \ܥܠ ܟܠܗ /ܠܟܠܗ#3#/ ܐܝܣܪܝܠ ܒܝܘܡ̈ܬܗ܂
22:10 [ai]	ܘܗܘ ܢܒܢܐ ܒܝܬܐ ܠܫܡܝ܂ ܘܗܘ ܢܗܘܐ ܠܝ ܐܝܟ ܒܪܐ܂ ܘܐܢܐ ܐܗܘܐ ܠܗ ܐܝܟ ܐܒܐ܂ ܘܐܬܩܢ ܟܘܪܣܝܐ ܕܡܠܟܘܬܗ ܥܠ ܐܝܣܪܝܠ ܠܥܠܡ ܥܠܡܝܢ܂
22:11 [ai]	ܘܐܦ ܗܫܐ ܒܪܝ ܢܗܘܐ ܡܪܝܐ ܥܡܟ ܘܬܟܫܪ܂ ܘܬܒܢܐ ܒܝܬܐ ܕܡܪܝܐ ܐܗܠܟ܂ ܐܝܟܢܐ ܕܐܿܡܪ ܠܟ܂
22:12 [ai]	ܘܗܘ ܢܬܠ ܠܟ ܚܟܡܬܐ ܘܢܒܝܘܬܐ܂ ܘܢܦܩܕܟ ܥܠ ܐܝܣܪܝܠ ܘܬܛܪ ܢܡܘܣ̈ܘܗܝ/ܦܘܩ̈ܕܢܘܗܝ ܘܢܡܘܣ̈ܘܗܝ#3#/ ܕܡܪܝܐ܂ ܐܠܗܟ܂ ܐܝܟܢܐ ܕܦܩܕܢܝ܂
22:13 [ai]	ܘܗܝܕܝܢ ܬܟܫܪ܂ ܘܐܢ ܗܘ ܕܬܛܪ/ܕܬܟܫܪ#3#/ ܘܬܥܒܕ ܦܘܩ̈ܕܢܐ ܗܠܝܢ ܘܢܡܘ̈ܣܐ ܘܕܝܼܢ̈ܐ ܐܝܟܢܐ ܕܦܩܕ ܡܪܝܐ ܠܡܘܫܐ ܠܡܠܦܘ ܠܐܝܣܪܝܠ܂ ܗܝܕܝܢ ܐܬܥܫܢ ܘܐܬܓܒܪ܂ ܘܠܐ ܬܕܚܠ ܘܐܦܠܐ/ܘܠܐ#2#/ ܬܙܘܥ܂
22:14 [ai]	ܘܟܠܡܕܡ ܗܐ ܐܢܐ ܛܝܒܬ ܠܟ܂ ܟܠܡܕܡ ܕܡܬܒܥܐ ܠܒܢܝܢܐ ܕܒܝܬܗ/ܠܒܝܬܗ#3#/ ܕܡܪܝܐ܂ ܛܝܒܬ ܠܟ ܟܟܪ̈ܐ ܕܕܗܒܐ܂ ܡܐܐ ܐܠ̈ܦܝܢ܂ ܛܝܒܬ ܠܟ ܣܐܡܐ ܒܡܢܝܢܐ/ܡܢܝܢܐ#1##2#/ ܐܠܦ ܐܠܦ̈ܝܢ ܟܟܪ̈ܝܢ܂ ܘܢܚܫܐ ܘܦܪܙܠܐ ܛܝܒܬ ܠܟ܂ \ܕܠܐ ܐܝܬ /ܕܠܝܬ#3#/ ܠܗ ܡܢܝܢܐ܂ ܘܟܠ ܒ̈ܢܝ ܐܢܫܐ ܕܡܗܠܟܝܢ ܥܠ ܐܪܥܐ܂ ܠܐ ܝܿܕܥܝܢ ܠܡܚܫܒ ܣܟܐ ܕܠܝܛܪ̈ܘܗܝ܂ ܡܛܠ ܕܣܓܝ/ܕܣܓܝܐܐ#3#/ ܗܘ܂ ܘܩܝ̈ܣܐ ܘܟܐܦ̈ܐ ܛܝܒܬ ܠܟ܂ ܘܥܠܝܗܝܢ ܬܘܣܦ܂
22:15 [ai]	ܘܐܣܓܐ ܥܿܒ̈ܕܝ ܥܒܝ̈ܕܬܐ ܦܣܘ̈ܠܐ ܘܐܪ̈ܕܟܠܐ ܘܢܓܪ̈ܐ ܕܩܝܣܐ܂
22:16 [ai]	ܘܥܿܒ̈ܕܝ ܕܗܒܐ ܘܥܿܒ̈ܕܝ ܣܐܡܐ܂ ܘܥܿܒ̈ܕܝ ܢܚܫܐ ܘܥܿܒ̈ܕܝ ܦܪܙܠܐ ܕܠܐ/ܘܠܐ#3#/ ܐܝܬ ܠܗܘܢ ܡܢܝܢܐ܂ ܘܐܫܬܪܪ ܘܥܒܼܕ ܘܢܗܘܐ ܡܪܝܐ ܒܥܘܕܪܢܟ܂
22:17 [ai]	ܘܦܩܕ ܕܘܝܕ ܠܟܘܠܗܘܢ ܩܫܝ̈ܫܐ ܕܐܝܣܪܝܠ ܘܐܡܪ ܠܗܘܢ܂ ܥܕܪܘ ܠܫܠܝܡܘܢ ܒܪܝ܂
22:18 [ai]	ܡܛܠ ܕܗܐ ܡܪܝܐ ܐܠܗܟܘܢ ܥܡܟܘܢ ܘܡܥܕܪ ܠܟܘܢ ܘܡܣܝܥ ܠܟܘܢ ܡܢ ܟܘܠܗܘܢ ܚܕܪ̈ܝܟܘܢ܂ ܘܗܐ ܐܫܠܡ ܩܕܡܝܟܘܢ ܟܠܗܘܢ ܥܡܘܪ̈ܝܗܿ ܕܐܪܥܐ܂ ܘܬܬܟܒܫ ܐܪܥܐ ܩܕܡ ܡܪܝܐ ܘܩܕܡ ܥܡܗ܂
22:19 [ai]	ܘܐܦ ܗܫܐ ܐܬܩܢܘ ܠܒܟܘܢ ܘܢܦܫܟܘܢ ܠܡܨܠܝܘ ܩܕܡ ܡܪܝܐ ܐܠܗܟܘܢ܂ ܘܩܘܡܘ ܘܒܢܘ ܡܩܕܫܐ ܕܡܪܝܐ/ܠܡܪܝܐ#2#/ ܐܠܗܐ܂ ܘܐܥܠܘ ܠܬܡܢ ܩܒܘܬܐ܃ ܕܒܗܿ ܣܝܡܐ ܕܝܬܩܐ ܕܡܪܝܐ ܐܠܗܢ܂ ܘܡܐ̈ܢܝ ܩܘܕܫܐ ܕܡܪܝܐ ܐܠܗܢ܂ ܘܒܢܘ ܒܝܬܐ ܡܛܠ ܫܡܗ ܪܒܐ܂ ܕܐܬܩܪܝ ܥܠܝܢ܀

next chapter