← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62038: P 1Ch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


23:01 [ai]ܘܕܘܝܕ ܩܫ ܘܣܒܥ ܝܘܡ̈ܬܗ܂ ܘܐܩܝܡ ܠܫܠܝܡܘܢ ܒܪܗ ܒܡܠܟܘܬܐ ܥܠ ܐܝܣܪܝܠ܂
23:02 [ai]ܘܟܢܫ ܟܠܗܘܢ ܩܫܝ̈ܫܐ ܕܟܗ̈ܢܐ ܘܕܠܘ̈ܝܐ܂
23:03 [ai]ܘܐܬܡܢܝܘ ܠܘ̈ܝܐ ܡܢ ܒܪ ܬܠܬܝܢ ܫܢ̈ܝܢ ܘܠܥܠ܂ ܘܗܘܐ ܡܢܝܢܐ ܕܓܒܪ̈ܐ ܠܪܝܫ ܐܢܫ ܬܠܬܝܢ ܘܬܡܢܝܐ ܐ̈ܠܦܝܢ܂
23:04 [ai]ܘܐܩܝܡ ܡܢܗܘܢ ܕܘܝܕ ܫܠܝ̈ܛܐ ܥܠ ܥܒܝ̈ܕܬܐ ܕܒܝܬܗ ܕܡܪܝܐ ܥܣܪܝܢ ܘܐܪ̈ܒܥܐ ܓܒܪ̈ܝܢ/ܐ̈ܠܦܝܢ#3#/ ܥܠ ܐܠܦ܂ ܘܕܝ̈ܢܐ ܘܣܿܦܪ̈ܐ ܫܬܐ ܫܬܐ ܓܒܪ̈ܝܢ ܥܠ ܡܐܬܐ܂ ܕܢܗܘܘܢ ܚܿܙܝܢ ܒܢܝܢܐ܂ ܘܩܿܝܡܝܢ ܘܪܗܿܛܝܢ ܒܚܝܠܗܘܢ ܘܒܡܪ̈ܗܛܝܗܘܢ ܘܒܥܒܝ̈ܕܬܗܘܢ ܘܒܚܘܫ̈ܒܢܝܗܘܢ ܘܒܢܟܣ̈ܝܗܘܢ ܘܒܙܕ̈ܩܬܐ܂ ܕܢܗܘܘܢ ܡܦܪܢܣܝܢ ܠܡܣܟ̈ܢܐ/ܡܣܟ̈ܢܐ#3#/܂ ܘܐܩܝܡ ܕܘܝܕ ܥܠ ܡܣܟ̈ܢܐ ܘܥܠ ܒܿܝ̈ܫܐ ܡܦܪ̈ܢܣܢܐ ܘܩܝܘ̈ܡܐ܂ ܕܢܗܘܘܢ ܙܝܿܢܝܢ ܘܡܦܪܢܣܝܢ ܡܣܟ̈ܢܐ܂ ܚܕ ܥܣܪܐ܂ ܘܡܕܡ ܠܐ ܡܚܣܪܝܢ ܠܗܘܢ
23:06 [ai]ܘܐܩܝܡ ܐܢܘܢ ܕܘܝܕ ܠܟܘܠܗܘܢ ܒܫܘܠܛܢ̈ܝܗܘܢ܂ ܠܒܢ̈ܘܗܝ ܕܠܘܝ܂ ܓܪܫܘܢ ܘܩܗܬ ܘܡܪܪܝ܂
23:07 [ai]ܠܓܪܫܘܢ ܠܥܕܢ ܘܫܡܥܝ
23:08 [ai]ܒܢܘ̈ܗܝ ܕܠܥܕܢ ܩܫܝܫܗ ܢܚܢܐܝܠ ܝܘܬܡ ܝܘܐܝܠ܂ ܬܠܬܐ
23:09 [ai]ܒܢ̈ܘܗܝ ܕܫܡܥܝܐ܂ ܣܠܡܘܬ ܘܚܙܐܝܠ ܘܐܪܢ܂ ܬܠܬܐ܂ ܗܠܝܢ ܪ̈ܫܝ ܐܒܗ̈ܬܐ ܕܫܡܥܝ܂
23:10 [ai]ܒܢܘ̈ܗܝ ܕܫܡܥܝ܂ ܢܚܬ܂ ܙܒܝܕܐ܂ ܝܥܘܫ ܒܪܝܥܐ܂ ܗܠܝܢ ܒܢ̈ܘܗܝ ܕܫܡܥܝ ܐܪܒܥܐ܂
23:11 [ai]ܘܗܘܐ ܢܚܬ ܩܫܝܫܗ܂ ܘܙܒܝܕܐ ܬܢܝܢܐ܂ ܘܝܥܘܫ ܘܒܪܝܥܐ܂ ܘܒܪܝܥܐ ܠܐ ܐܣܓܝ ܠܗ ܒܢ̈ܝܐ܂ ܘܗܘܐ ܠܒܝܬ ܐܒܘܗܘܢ ܠܫܪܒܬܐ/ܫܪܒܬܐ#3#/ ܚܕܐ
23:12 [ai]ܒܢ̈ܘܗܝ ܩܗܬ܂ ܥܡܪܡ ܘܝܨܗܪ܂ ܘܚܒܪܘܢ܂ ܘܥܙܘܐܝܠ܂ ܐܪ̈ܒܥܐ܂
23:13 [ai]ܒܢܘ̈ܗܝ ܕܥܡܪܡ܂ ܐܗܪܘܢ ܘܡܘܫܐ܂ ܘܐܬܓܒܝ ܐܗܪܘܢ ܠܡܫܡܫܘ ܒܩܕܘܫ ܩܘܕ̈ܫܐ܂ ܗܘ ܘܒܢ̈ܘܗܝ ܥܕܡܐ ܠܥܠܡ܂ ܠܡܩܪܒܘ ܩܕܡ ܡܪܝܐ ܩܛܪ̈ܘܩܐ ܕܒܣ̈ܡܐ܂ ܠܡܫܡܫܘܬܗ܂ ܘܠܡܒܪܟܘ ܒܫܡܗ ܥܕܡܐ ܠܥܠܡ܂
23:14 [ai]ܘܡܘܫܐ ܢܒܝܐ ܕܡܪܝܐ ܐܬܩܪܝ܂ ܡܢ ܫܒܛܐ ܕܒܝܬ ܠܘܝ܂
23:15 [ai]ܒܢ̈ܘܗܝ ܕܡܘܫܐ ܓܪܫܘܡ ܘܐܠܝܥܙܪ܃
23:16 [ai]ܒܢ̈ܘܗܝ ܕܓܪܫܘܡ܂ ܫܡܘܐܝܠ ܩܫܝܫܗ܂
23:17 [ai]ܘܗܘܘ ܒܢܘ̈ܗܝ ܕܐܠܝܥܙܪ܃ ܪܚܡܝܐ ܩܫܝܫܗ܂ ܘܠܐ ܗܘܘ ܠܐܠܝܥܙܪ ܒܢ̈ܝܐ ܐܚܪ̈ܢܐ܂ ܘܒܢ̈ܘܗܝ ܕܪܚܡܝܐ ܪܝܒܝ ܩܫܝܫܗ܂
23:18 [ai]ܘܒܢܘ̈ܗܝ ܕܝܨܗܪ܃ ܣܠܡܘܬ ܩܫܝܫܗ܂
23:19 [ai]ܘܒܢܘ̈ܗܝ ܕܚܒܪܘܒܡ ܝܘܕܐ ܩܫܝܫܗ܂ ܐܡܪܝܐ ܬܢܝܢܐ܂ ܢܚܙܐܝܠ ܬܠܝܬܝܐ܂ ܢܩܡܐܝܡ ܪܒܝܥܝܐ܂
23:20 [ai]ܒܢܘ̈ܗܝ ܕܥܙܐܝܠ ܡܝܟܐ ܩܫܝܫܗ܂ ܫܘܚ ܬܢܝܢܐ܂
23:21 [ai]ܒܢܘ̈ܗܝ ܕܡܪܪܝ܂ ܡܚܠܝ ܘܡܘܫܝ܂ ܒܢܘ̈ܗܝ ܕܡܚܠܝ܂ ܐܠܝܥܙܪ ܘܩܝܫ܂
23:22 [ai]ܘܡܝܬ ܐܠܝܥܙܪ܂ ܘܠܐ ܗܘܘ ܠܗ ܒܢ̈ܝܐ܂ ܐܠܐ ܒܢ̈ܬܐ܂ ܘܢܣܒܘ ܐܢܝ̈ܢ ܒܢܘ̈ܗܝ ܕܩܝܫ ܕܕܗܝܢ܂
23:23 [ai]ܒܢܘ̈ܗܝ ܕܡܘܫܝ܃ ܡܚܠܝ ܘܥܕܪ ܘܝܪܡܘܢ܂ ܬܠܬܐ܂
23:24 [ai]ܗܠܝܢ ܒܢܘ̈ܗܝ ܕܠܘܝ ܠܒܝܬ ܐܒܗ̈ܝܗܘܢ܂ ܪ̈ܝܫܝ ܐܒܗ̈ܬܐ ܠܡܢܝܢܗܘܢ܂ ܒܡܢܝܢܐ ܕܫܡܗ̈ܝܗܘܢ ܠܪܝܫ ܐܢܫ܂ ܩܿܝܡ̈ܝ ܥܠ ܥܒܝ̈ܕܬܐ ܕܡܬܒ̈ܥܝܢ ܒܒܝܬܗ/ܕܒܝܬܗ#3#/ ܕܡܪܝܐ܂ ܡܢ ܒܪ ܥܣܪܝܢ ܫܢܝ̈ܝܢ ܘܠܥܠ܂
23:25 [ai]ܡܛܠ ܕܐܡܪ ܕܘܝܕ ܕܐܢܝܚ/ܐܢܝܚ#3#/ ܡܪܐ ܡܪ̈ܘܬܐ ܠܐܝܣܪܝܠ܂ ܥܡܗ܂ ܘܫܪܐ ܒܐܘܪܫܠܡ ܡܟܝܠ ܘܥܕܡܐ ܠܥܠܡ܂
23:26 [ai]ܘܐܦ ܠܘ̈ܝܐ ܗܿܢܘܢ ܢܫܩܠܘܢ ܡܫܟܢܐ ܘܟܠܗܘܢ ܡܐ̈ܢܝ ܥܒܝ̈ܕܬܗ܂
23:27 [ai]ܡܛܠ ܕܒܡ̈ܠܘܗܝ ܕܕܘܝܕ ܐܚܪ̈ܝܬܐ ܫܠܡ ܡܢܝܢܐ ܕܒ̈ܢܝ ܠܘܝ܂ ܡܢ ܒܪ ܥܣܪܝܢ ܫܢ̈ܝܢ ܘܠܥܠ܂
23:28 [ai]ܡܛܠ ܕܐܩܝܡ ܐܢܘܢ ܥܠ ܓܢܒ ܒ̈ܢܝ ܐܗܪܘܢ ܕܢܗܘܘܢ ܫܠܝܛܝܢ ܒܒܝܬܗ ܕܡܪܝܐ ܥܠ ܐܝܠܝܢ ܕܩܿܪܝܢ ܒܩܪ̈ܢܬܐ ܦܫܝ̈ܛܬܐ ܘܟܦܝ̈ܦܬܐ܂ ܘܥܠ ܦܪ̈ܕܣܩܐ ܕܚܡ̈ܠܝܢ ܒܗܘܢ ܡܐ̈ܢܝ ܩܘܕܫܐ ܕܡܪܝܐ܂
23:29 [ai]ܘܠܠܚܡܐ ܕܣܕܪ̈ܐ܂ ܘܠܢܫܝܦܐ ܘܠܟܡ̈ܝܣܐ ܦܛܝܪ̈ܐ܂ ܘܠܟܠ ܕܡܫܒܚܝܢ ܘܡܘܕܝܢ܂
23:30 [ai]ܕܢܗܘܘܢ ܩܿܝܡܝܢ ܒܟܘܠ ܨܦܪ ܘܨܦܪ܂ ܘܡܘܕܝܢ ܘܡܫܒܚܝܢ ܠܡܪܝܐ܂ ܘܐܦ ܒܟܠ ܪܡܫ ܘܪܡܫ܂
23:31 [ai]ܘܠܡܣܩܘ ܥܠܘ̈ܬܐ ܠܡܪܝܐ܂ ܒܫܒ̈ܐ ܘܒܪܝܫ ܝܪ̈ܚܐ ܘܒܥܐ̈ܕܐ܂ ܒܡܢܝܢܗܘܢ ܐܝܟ ܕܙܿܕܩ ܠܗܘܢ ܐܡܝܢܐܝܬ ܩܕܡ ܡܪܝܐ܂
23:32 [ai]ܢܗܘܘܢ ܢܿܛܪܝܢ ܡܛܪܬܐ ܕܡܐ̈ܢܝ ܡܫܟܢܐ܂ ܘܡܐ̈ܢܝ ܩܘܕܫܐ܂ ܘܢܗܘܘܢ ܢܿܛܪܝܢ ܡܛܪܬܐ ܕܒ̈ܢܝ ܐܗܪܘܢ ܐܚܝ̈ܗܘܢ܂ ܐܡܬܝ ܕܡܬܒܥܝܢ ܠܡܫܡܫܘ ܒܒܝܬܗ ܕܡܪܝܐ܂

next chapter