← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62039: P 2Ch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܘܡܢܐ ܐܢܘܢ ܫܠܝܡܘܢ܂ ܫܒܥ̈ܝܢ ܐ̈ܠܦܝܢ ܓܒܪ̈ܝܢ ܫܿܩ̈ܠܝ ܩܘ̈ܦܐ܂ ܘܬܡܢܐܝܢ ܐܠܦ̈ܝܢ ܓܒܪ̈ܐ ܦܣܘ̈ܠܐ ܒܛܘܪܐ܂ ܘܫܠܝܛܝܢ ܥܠܝܗܘܢ ܬܠܬܐ ܐ̈ܠܦܝܢ ܘܫܬܡܐܐ܂
02:02 [ai]ܘܫܕܪ ܫܠܝܡܘܢ ܠܘܬ ܚܝܪܡ ܡܠܟܐ ܕܨܘܪ܂ ܘܐܡܪ ܠܗ܂ ܐܝܟܢܐ ܕܥܒܕܬ ܥܡ ܕܘܝܕ ܐܒܝ ܚܣܕܐ ܪܿܒܐ܂ ܘܫܕܪܬ ܠܗ ܐܪ̈ܙܐ ܠܡܒܢܐ ܠܗ ܒܝܬܐ ܠܡܬܒ ܒܗ܂
02:03 [ai]ܘܗܐ ܐܢܐ ܒܢܿܐ ‍<‍ܐܢܐ#3#‍>‍ ܒܝܬܐ ܠܫܡܗ ܕܡܪܝܐ ܐܠܗܝ܂ ܠܡܩܕܫܘ ܠܗ ܘܠܡܩܪܒܘ ܩܕܡܘܗܝ ܩܛܪ̈ܘܩܐ ܕܒܣ̈ܡܐ ܘܠܡܢܗܪܘ ܫܪ̈ܓܐ ܐܡܝܢܐܝܬ ܘܕܒ̈ܚܐ ܠܡܩܪܒܘ ܒܨܦܪܐ ܘܒܪܡܫܐ܂ ܘܒܫܒ̈ܐ ܘܒܪܝܫ ܝܪ̈ܚܐ܂ ܘܒܥܐ̈ܕܐ ܕܡܪܝܐ ܐܠܗܢ ܠܥܠܡ܂ ܗܕܐ ܓܙܪ ܥܠ ܟܠܗ ܐܝܣܪܝܠ܂
02:04 [ai]ܘܒܝܬܐ ܕܐܢܐ ܒܢܿܐ ‍<‍ܐܢܐ#3#‍>‍ ܪܒ ܗܘ ܛܒ܂ ܡܛܠ ܕܪܒ ܗܘ ܓܝܪ ܡܪܝܐ ܐܠܗܢ ܡܢ ܟܠܗܘܢ ܡܠܟ̈ܐ܂
02:05 [ai]ܘܡܢܘ ܐܝܬ ܒܗ ܚܝܠܐ ܠܡܒܢܐ ܠܗ ܒܝܬܐ܂ ܡܛܠ ܕܫܡܝܐ ܘܫܡ̈ܝ ܫܡܝܐ ܠܐ ܡܣܝܒܪܝܢ ܠܗ܂ ܘܡܢܐ ܚܫܝܒ ܐܢܐ ܕܐܒܢܐ ܠܗ ܒܝܬܐ܃ ܐܘ ܕܐܣܩ ܠܗ ܩܛܪ̈ܘܩܐ ܕܒܣ̈ܡܐ܂
02:06 [ai]ܡܟܝܠ ܫܕܪ ܠܝ ܓܒܪܐ ܚܕ ܚܟܝܡܐ ܕܢܥܒܕ ܒܕܗܒܐ ܘܒܣܐܡܐ/ܘܒܟܣܦܐ#3#/܂ ܘܒܢܚܫܐ/ܘܢܚܫܐ#3#/ ܘܒܦܪܙܠܐ/ܘܦܪܙܠܐ#3#/܂ ܘܒܐܪܓܘܢܐ/ܘܐܪܓܘܢܐ#3#/ ܘܒܒܘܨܐ ܘܒܣܣܓܘܢܐ/ܘܣܣܓܘܢܐ#3#/ ܘܒܬܟܠܬܐ܂ ܘܕܝܿܕܥ ܠܡܪܡܝܘ ܐܩܠܝ̈ܕܐ ܥܡ ܚܟܝ̈ܡܐ ܕܐܝܬ ܒܝܗܘܕܐ ܘܒܐܘܪܫܠܡ ܕܐܬܩܢ ܕܘܝܕ ܐܒܝ܂
02:07 [ai]ܘܫܕܪ ܠܝ ܩܝܣ̈ܐ ܕܐܪܙܐ ܘܕܩܛܪܘܩܐ/ܘܕܩܛܪ̈ܩܐ#3#/ ܘܕܐܫܟܪܥܐ ܡܢ ܠܒܢܢ܂ ܡܛܠ ܕܐܢܐ ܝܕܥܿܢܐ܂ ܕܥܒܼ̈ܕܝܟ ܝܕܥܿܝܢ ܠܡܦܣܩ ܐܪ̈ܙܐ ܡܢ ܠܒܢܢ܂ ܘܗܐ ܥܒܼ̈ܕܝ ܥܡ ܥܒܼܕ̈ܝܟ܂
02:08 [ai]ܢܗܘܘܢ ܡܝܬܝܢ ܠܝ ܩܝܣ̈ܐ ܣܓܝ܂ ܡܛܠ ܕܒܝܬܐ ܕܒܿܢܐ ܐܢܐ ܪܒ ܗܘ ܛܒ܂ ܘܕܬܡܗܐ/ܘܕܬܕܡܘܪܬܐ#3#/ ܗܘ܂
02:09 [ai]ܘܐܢܐ ܡܝܬܐ ܐܢܐ ܢܓܪ̈ܐ ܕܐܘܡ̈ܢܝܢ܂ ܘܐܢܐ ܝܗܿܒ ܐܢܐ ܚ̈ܛܐ ܣܝܒܪܬܐ ܠܥܒܼܕ̈ܝܟ܂ ܟܘܪ̈ܐ ܥܣܪܝܢ ܐ̈ܠܦܝܢ܂ ܘܣܥܪ̈ܐ ܟܘܪ̈ܐ ܥܣܪܝܢ ܐ̈ܠܦܝܢ ܘܚܡܪܐ ܪ̈ܒܥܐ ܥܣܪܝܢ ܐ̈ܠܦܝܢ܂ ܘܡܫܚܐ ܪ̈ܒܥܐ ܥܣܪܝܢ ܐ̈ܠܦܝܢ܂
02:10 [ai]ܘܐܡܪ ܚܝܪܡ ܡܠܟܐ ܕܨܘܪ ܒܟܬܒܐ܃ ܘܫܕܪ ܠܘܬ ܫܠܝܡܘܢ ܘܐܡܪ ܠܗ܂ ܡܛܠ ܕܪܚܡ ܡܪܝܐ ܠܥܡܗ/ܥܠ ܥܡܗ#3#/ ܐܩܝܡܟ ܥܠܝܗܘܢ ܡܠܟܐ܂
02:11 [ai]ܘܐܡܪ ܚܝܪܡ܂ ܒܪܝܟ ܗܘ ܡܪܐ ܡܪ̈ܘܬܐ ܕܐܝܣܪܝܠ ܕܒܪܐ ܫܡܝܐ ܘܐܪܥܐ܂ ܘܝܗܒ ܠܕܘܝܕ ܒܪܐ ܚܟܝܡܐ܂ ܡܫܬܘܕܥ/ܡܣܬܟܠ#3#/ ܘܡܬܒܝܢ܂ ܘܗܘܬ ܡܢ ܪܥܝܢܗ ܠܡܒܢܐ ܒܝܬܐ ܠܡܪܝܐ܂ ܘܒܝܬܐ ܠܡܠܟܘܬܗ܂
02:12 [ai]ܘܐܦ ܗܫܐ ܫܕܪܬ ܠܟ ܓܒܪܐ ܚܟܝܡܐ܂ ܝܕܿܥ ܡܒܝܢܢܘܬܐ ܠܚܝܪܡ/ܘܚܝܪܡ#3#/ܕܚܝܪܡ ܐܒܝ#3#/܂
02:13 [ai]ܒܪ ܐܢܬܬܐ ܗܘܐ/ܗܘ#3#/ ܐܪܡܠܬܐ܂ ܡܢ ܒܝܬ/ܫܒܛܐ ܕܒܝܬ#3#/ ܕܢ܂ ܘܐܒܘܗܝ ܓܒܪܐ ܗܘܐ ܐܘܡܢܐ܂ ܝܕܿܥ ܠܡܥܒܕ ܒܕܗܒܐ ܘܒܟܣܦܐ ܘܒܢܚܫܐ ܘܒܦܪܙܠܐ܂ ܘܒܟܐ̈ܦܐ ܘܒܩܝ̈ܣܐ܂ ܘܒܐܪܓܘܢܐ ܘܒܬܟܠܬܐ ܘܒܒܘܨܐ܂ ܘܒܣܣܓܘܢܐ ܘܒܐܣܦܝܢܝܩܐ܂ ܠܡܥܒܕ ܩ̈ܠܝܕܐ ܠܬܪ̈ܥܐ܂ ܘܠܡܥܒܕ ܟܠ ܐܘܡܢܘ܂ ܕܐܬܝܗܒܬ ܠܗ ܡܢ/ܥܡ#3#/ ܩܕܡ ܡܪܝܐ܂ ܥܡ ܚܟܝ̈ܡܝܟ \ܘܥܡ ܚܟܝ̈ܡܘܗܝ /ܘܚܟܝ̈ܡܘܗܝ#3#/ ܕܡܪܢ ܕܘܝܕ ܐܒܘܟ܂
02:14 [ai]ܘܐܦ ܗܫܐ ܚܛ̈ܐ ܘܣܥܪ̈ܐ ܘܡܫܚܐ ܘܚܼܡܪܐ ܕܐܡܪ ܡܪܝ ܠܡܫܕܪܘ ܠܥܒܼܕ̈ܘܗܝ ܢܫܕܪ܂
02:15 [ai]ܘܚܢܢ ܢܦܣܘܩ ܐܪ̈ܙܐ ܡܢ ܠܒܢܢ܂ ܐܝܟ ܨܒܝܢܟ ܘܐܝܟ ܡܘܫ̈ܚܬܟ/ܡܘܫ̈ܚܬܟ#3#/܂ ܘܢܝܬܐ ܐܢܘܢ ܠܟ ܘܢܪܡܐ ܐܢܘܢ ܒܝܡܐ ܕܣܘܦ܂ ܘܐܢܬ ܬܣܩ ܐܢܘܢ ܠܐܘܪܫܠܡ܂
02:16 [ai]ܘܟܢܫ ܫܠܝܡܘܢ ܟܠ ܓܒܪ̈ܐ ܓܝܘܪ̈ܐ܂ ܕܗܘܘ ܒܐܪܥܐ ܕܐܝܣܪܝܠ ܒܬܪ ܡܢܝܢܐ ܕܡܢܐ ܐܢܘܢ ܕܘܝܕ ܐܒܘܗܝ܂ ܘܐܫܟܚ ܡܐܐ ܘܚܡܫܝܢ ܐ̈ܠܦܝܢ ܘܬܠܬܐ ܐܠܦܝ̈ܢ ܘܫܬܡܐܐ܂
02:17 [ai]ܘܥܒܕ ܡܢܗܘܢ ܡܠܟܐ ܫܠܝܡܘܢ ܫܒܥܝܢ ܐ̈ܠܦܝܢ ܫܿܩ̈ܠܝ ܩܘ̈ܦܐ܂ ܘܬܡܢܐܝܢ ܐ̈ܠܦܝܢ ܦܣܘ̈ܠܐ ܒܛܘܪܐ܂ ܘܬܠܬܐ ܐ̈ܠܦܝܢ ܘܫܬܡܐܐ ܩܝܘ̈ܡܐ ܕܡܥܒܕܝܢ ܠܥܡܐ܂

next chapter