← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62039: P 2Ch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


19:01 [ai]ܘܗܦܟ ܝܗܘܫܦܛ ‍<‍ܡܠܟܐ#3#‍>‍ ܠܐ̈ܦܝ ܪܡܫܐ ܠܒܝܬܗ ܒܫܠܡܐ ܠܐܘܪܫܠܡ܂
19:02 [ai]ܘܢܦܩ ܠܐܘܪܥܗ ܒܪ ܚܢܢ ܚܙܝܐ܃ ܘܐܡܪ ܠܡܠܟܐ ܝܗܘܫܦܛ܂ ܠܡܥܕܪܘ ܠܪܫܝܥܐ ܐܙܠܬ܂ ܘܠܣ̈ܢܐܘܗܝ ܕܡܪܝܐ ܪܚܡܬ܃ ܡܛܘܠ ܗܢܐ ܪܓܙ ܡܪܝܐ ܥܠܝܟ܂
19:03 [ai]ܐܠܐ ܡܗܝܡܢ ܐܢܐ ܕܦܬܓ̈ܡܐ ܛܒ̈ܐ ܐܫܬܡܥܘ ܡܢܟ܂ ܡܛܠ ܕܕܡܐ ܙܟܝܐ ܠܐ ܐܫܕܬ ܒܐܪܥܐ܂ ܘܐܬܩܢܬ ܠܒܟ ܠܡܨܠܝܘ ܩܕܡ ܡܪܝܐ ܒܩܘܫܬܐ܂
19:04 [ai]ܘܝܬܒ ܝܗܘܫܦܛ ܒܐܘܪܫܠܡ܂ ܘܗܦܟ ܘܢܦܩ ܡܢ ܒܪܫܒܥ ܡܕܝܢܬܐ܂ ܘܡܛܝ ܠܛܘܪܐ ܕܐܦܪܝܡ܂ ܘܐܗܦܟ ܐܢܘܢ ܠܡܕܚܠ ܩܕܡ ܡܪܝܐ ܐܠܗܐ ܕܐܒܗ̈ܬܗܘܢ܂
19:05 [ai]ܘܐܩܝܡ ܕܝ̈ܢܐ ܒܐܪܥܐ܃ ܒܟܠܗܝܢ ܩܘܪ̈ܝܐ ܕܝܗܘܕܐ ܥܫܝ̈ܢܬܐ ܘܒܩܘܪ̈ܝܐ/ܘܩܘܪ̈ܝܐ#3#/ ܓܢܒܪ̈ܬܐ܂
19:06 [ai]ܘܐܡܪ ܠܕܝ̈ܢܐ܂ ܚܙܘ ܡܢܐ \ܥܿܒܕܝܢ ܐܢܬܘܢ܂ /ܐܢܬܘܢ ܥܿܒܕܝܢ ܡܛܠ#3#/ ܕܠܐ ܗܘܐ ܠܒܢ̈ܝ ܐܢܫܐ ܕܝܿܢܝܢ ܐܢܬܘܢ ܐܠܐ ܠܡܪܝܐ ܐܠܗܢ܂ ܘܐܬܥܫܢܘ ܘܕܘܢܘ ܕܝܼܢܐ ܕܩܘܫܬܐ܂ ܘܢܗܘܐ ܡܪܝܐ ܥܡܟܘܢ ܠܥܠܡ܂
19:07 [ai]ܘܛܪܘ ܘܥܒܕܘ ܡܛܠ ܕܠܝܬ ܩܕܡ ܡܪܝܐ ܐܠܗܢ ܥܘܼܠܐ ܘܡܣܒ ܒܐ̈ܦܐ ܘܩܘܒܠܐ ܕܫܘܚܕܐ܂
19:08 [ai]ܘܐܦ ܒܐܘܪܫܠܡ ܐܩܝܡ ܝܗܘܫܦܛ ܡܢ ܠܘ̈ܝܐ ܘܡܢ ܟܗ̈ܢܐ܃ ܘܡܢ ܪ̈ܝܫܐ ܕܐܒܗ̈ܬܐ ܕܒܢ̈ܝ ܐܝܣܪܝܠ ܠܕܝܼܢܐ ܕܡܪܝܐ܂ ܘܗܦܟ ܠܐܘܪܫܠܡ܂
19:09 [ai]ܘܦܩܕ ܐܢܘܢ ܘܐܡܪ ܠܗܘܢ܂ ܗܟܢܐ ܬܥܒܕܘܢ ܠܕܚܠܬܗ ܕܡܪܝܐ ܒܗܝܡܢܘܬܐ ܘܒܠܒܐ ܫܠܡܐ܃
19:10 [ai]ܟܠ ܕܝܼܢܐ ܕܐܬܐ ܠܘܬܟܘܢ ܡܢ ܐܚܝ̈ܟܘܢ ܕܝܬܿܒܝܢ ܒܩܘܪ̈ܝܟܘܢ܂ ܒܝܬ ܕܡܐ ܠܕܡܐ܃ ܘܒܝܬ ܢܡܘܣܐ ܠܦܘܩܕܢܐ ܘܠܕܝܼܢܐ܃ ܘܬܙܗܪܘܢ ܐܢܘܢ ܕܠܐ ܢܚܘܒܘܢ ܩܕܡ ܡܪܝܐ܃ ܘܢܪܓܙ ܥܠܝܗܘܢ ܘܥܠ ܐܚܝ̈ܗܘܢ܂ ܗܟܢܐ ܬܥܒܕܘܢ ܘܠܐ ܬܚܘܒܘܢ܂
19:11 [ai]ܘܗܐ ܐܩܝܡܬ ܥܠܝܟܘܢ ܟܗ̈ܢܐ܃ ܕܢܕܘܢܘܢ ܕܝܼܢܐ ܕܩܘܫܬܐ ܘܕܝܼܢܐ ܕܗܝܡܢܘܬܐ ܐܝܟ ܦܘܩܕܢܗ ܕܡܪܝܐ܂ ܘܙܟܪܝܐ ܒܪ ܫܡܥܝܐ܂ ܚܘܝ ܠܟܠܗܘܢ ܕܒܝܬ ܝܗܘܕܐ܃ ܟܘܠܗܘܢ ܦܘܩܕ̈ܢܘܗܝ ܕܡܠܟܐ܂ ܘܚܘܝ ܠܣܿܦܪ̈ܐ ܘܠܠܘ̈ܝܐ/ܘܠܘ̈ܝܐ#3#/܃ ܘܟܠ ܡܕܡ ܩܕܡܝܗܘܢ ܬܢܝ/ܬܢܝ#3#/܂ ܘܐܡܪ ܠܗܘܢ܂ ܐܬܥܫܢܘ ܘܥܒܕܘ܂ ܘܢܗܘܐ ܡܪܝܐ ܒܥܕܪܟܘܢ/ܒܥܘܕܪܢܟܘܢ#2#/ ܠܥܠܡ܂

next chapter