← Back
The Comprehensive Aramaic Lexicon
← Return to the Text Browser
click on the file description for more information
62039: P 2Ch

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


31:01 [ai]ܘܟܕ ܫܠܡܘ ܗܠܝܢ ܟܠܗܝܢ܃ ܢܦܩܘ ܟܘܠܗ \ܥܡܐ ܕܐܝܣܪܝܠ /ܐܝܣܪܝܠ#3#/ ܕܐܫܬܟܚܘ ܠܩܘܪ̈ܝܐ/ܒܩܘܪ̈ܝܐ#3#/ ܕܒܝܬ ܝܗܘܕܐ܂ ܘܬܒܪܘ ܩܝ̈ܡܬܐ ܘܬܒܪܘ ܢܡܪ̈ܐ܂ ܘܥܩܪܘ ܒܘܡܣ̈ܐ ܘܥܩܪܘ ܥ̈ܠܘܬܐ ܕܐܝܬ ܒܝܗܘܕܐ܃ ܘܒܒܢܝܡܝܢ ܘܒܐܦܪܝܡ܂ ܘܒܡܢܫܐ܂ ܥܕܡܐ ܠܐܝܟܐ ܕܗܦܟܘ ܐܝܣܪܝܠ܃ ܘܐܬܘ ܟܠܗܘܢ ܠܝܪܬܘܬܗܘܢ܂ ܘܥܠܘ ܒܫܠܡܐ ܠܩܘܪ̈ܝܗܘܢ܂
31:02 [ai]ܘܐܩܝܡ ܚܙܩܝܐ ܡܛܪܬܐ ܕܟܗ̈ܢܐ܂ ܘܕܠܘ̈ܝܐ܂ ܥܠ ܡܛܪ̈ܬܗܘܢ܂ ܓܒܪܐ ܐܝܟ ܦܘܠܚܢܗ܂ ܠܟܗ̈ܢܐ ܘܠܠܘ̈ܝܐ܂ ܘܠܥ̈ܠܘܬܐ ܘܠܫܠܡ̈ܐ ܠܡܫܡܫܘ ܘܠܡܘܕܝܘ ܘܠܡܫܒܚܘ ܒܬܪܥܐ ܕܡܪܝܐ܂
31:03 [ai]ܘܝܗܒ ܡܠܟܐ ܡܢ ܢܟܣ̈ܘܗܝ ܥܠܘ̈ܬܐ/ܡܕܐܬܐ#3#/ ܕܬܘܪ̈ܐ ܕܨܦܪܐ ܘܕܪܡܫܐ܂ ܘܥܠܘ̈ܬܐ ܕܫܒ̈ܐ ܘܕܪܝܫ ܝܪ̈ܚܐ ܘܕܥ̈ܐܕܐ܂ ܘܐܡܪ ܠܥܡܐ܂ ܐܝܟܢܐ ܕܟܬܝܒ ܒܢܡܘܣܗ ܕܡܪܝܐ܂
31:04 [ai]ܘܐܡܪ܂ ܠܐܝܣܪܝܠ ܕܥܿܡܪܝܢ ܒܐܘܪܫܠܡ܂ ܠܡܬܠ ܙܕܩܐ ܕܟܗ̈ܢܐ ܘܕܠܘ̈ܝܐ܂ ܡܛܠ ܕܚܝܠ/ܕܢܚܝܠ#3#/ ܐܢܘܢ ܒܢܡܘܣܗ ܕܡܪܝܐ܂
31:05 [ai]ܘܟܕ ܣܓܝ ܦܬܓܡܐ ܥܠ/ܣܓܝ ܒܝܕ#3#/ ܐܝܣܪܝܠ܂ ܡܝܬܝܢ ܗܘܘ ܪ̈ܫܝܬܐ ܕܥܒܘܪܐ ܘܕܚܡܪܐ ܘܕܡܫܚܐ܂ ܘܡܢ ܚܝܘ̈ܬܗܘܢ ܘܡܢ ܥ̈ܠܠܬܐ ܕܚܩܠܐ܂ ܘܚܕ ܡܢ ܥܣܪܐ ܡܝܬܝܢ ܗܘܘ ܣܓܝ܂
31:06 [ai]ܘܒܢ̈ܝ ܐܝܣܪܝܠ ܘܝܗܘܕܐ ܕܝܿܬܒܝܢ/ܝܿܬܒܝܢ#3#/ ܗܘܘ ܒܩܘܪ̈ܝܐ ܕܝܗܘܕܐ܃ ܘܐܦ ܗܢܘܢ ܡܝܬܝܢ ܗܘܘ ܚܕ ܡܢ ܥܣܪܐ ܡܥܣܪ̈ܐ܂ ܡܝܬܝܢ ܗܘܘ ܘܡܩܪܒܝܢ/ܘܡܩܕܫܝܢ#3#/ ܗܘܘ ܠܡܪܝܐ ܐܠܗܗܘܢ܂ ܡܝܬܝܢ ܗܘܘ ܪ̈ܫܝܬܐ ܥܠ ܪ̈ܫܝܬܐ܂ ܕܥܒܘܪܐ ܘܕܚܡܪܐ ܘܕܡܫܚܐ ܘܡܢ ܚܝܘ̈ܬܗܘܢ ܘܡܢ ܥ̈ܠܠܬܐ ܕܚܩܠܐ܂ ܘܚܕ ܡܢ ܥܣܪܐ ܡܝܬܝܢ ܗܘܘ܂ ܘܡܩܕܫܝܢ ܗܘܘ ܠܡܪܝܐ ܐܠܗܗܘܢ܂
31:07 [ai]ܘܒܝܪܚܐ ܕܬܠܬܐ܃ ܐܫܬܟܚܬ ܪܫܝܬܐ \ܣܘܓܐܐ ܕܛܒ /ܣܓܝܐܐ ܛܒ#3#/܂ ܘܒܝܪܚܐ ܕܫܒܥܐ
31:08 [ai]ܢܣܒ ܚܙܩܝܐ ܘܦܠܓܗܿ ܠܟܗ̈ܢܐ ܘܠܠܘ̈ܝܐ܂ ܘܚܙܐ ܚܙܩܝܐ ܘܪ̈ܘܪܒܢܐ ܠܪܫܝܬܐ ܗܿܝ ܕܟܗ̈ܢܐ/ܕܗܟܢܐ#3#/ ܕܣܓܝܬ/ܣܓܝܬ#3#/ ܛܒ܃ ܘܒܪܟܘ ܠܡܪܝܐ ܘܨܠܝܘ ܥܠ ܐܝܣܪܝܠ܂
31:09 [ai]ܘܨܠܝ ܚܙܩܝܐ ܥܠ ܟܗ̈ܢܐ ܘܥܠ ܠܘ̈ܝܐ܂ ܥܠ ܪܫܝܬܐ ܕܣܓܝܬ/ܕܗܟܢܐ ܣܓܝܬ#3#/܂
31:10 [ai]ܘܐܡܪ/ܘܩܪܐ#3#/ ܠܗ ܠܥܙܪܝܐ ܟܗܢܐ ܪܒܐ ܡܢ ܕܒܝܬ ܨܕܘܩ ܘܐܡܪ ܠܗ܂ ܫܪܝܐ ܗܝ ܠܟܘܢ ܪܫܝܬܐ ܗܕܐ ܠܡܐܟܠ܃ ܡܛܠ ܕܠܒܝܬܗ ܕܡܪܝܐ ܥܠܬ܂ ܐܟܘܠܘ ܘܣܒܥܘ܂ ܘܕܝܿܬܪ ܡܢܗܿ ܗܒܘ ܠܡܣ̈ܟܢܐ ܘܠܒܿܝ̈ܫܐ܂ ܡܛܠ ܕܡܪܝܐ ܒܪܟ ܠܥܡܗ܂ ܘܝܗܒ ܠܗܘܢ ܗܢܐ ܣܘܓܐܐ܂ ܘܕܝܿܬܪ/ܘܕܝܬܝܪ#3#/ ܝܗܒܘ ܠܥܡܐ ܕܐܝܣܪܝܠ ܟܠܗ܂
31:11 [ai]ܘܐܡܪ ܚܙܩܝܐ ܠܡܛܝܒܘ ܕܪ̈ܐ ܒܒܝܬܗ/ܕܒܝܬܗ#3#/ ܕܡܪܝܐ܂ ܘܛܝܒܘ
31:12 [ai]ܘܐܝܬܝܘ ܪܫܝܬܐ܂ ܚܕ ܡܢ ܥܣܪ̈ܐ܂ ܘܩܘܕ̈ܫܐ ܒܗܝܡܢܘܬܐ܂ ܘܥܠܝܗܘܢ ܐܝܬ ܗܘܘ ܫܠܝ̈ܛܐ܂ ܟܢܥܝܐ ܠܘܝܐ܂ ܘܫܡܥܝ ܐܚܘܗܝ ܬܢܝܢܐ܂
31:13 [ai]ܘܢܚܐܝܠ ܘܥܘܙܝܐ܂ ܘܢܚܬ ܘܥܫܐܝܠ܂ ܘܝܪܡܘܬ ܘܝܘܙܒܪ܂ ܘܐܠܝܠ ܘܣܡܟܝܐ܂ ܘܡܬܚ ܘܒܢܝܐ܂ ܘܫܡܥܝܐ ܐܚܘܗܝ܂ ܗܠܝܢ ܟܠܗܘܢ ܫܠܝܛܝܢ ܗܘܘ ܥܠ/ܡܢ#3#/ ܐܝܕܐ ܕܟܢܥܝܐ܂ ܐܝܟ ܫܘܠܛܢܐ ܕܚܙܩܝܐ ܡܠܟܐ܂ ܘܥܙܪܝܐ ܪܒܝܬܗ ܕܡܪܝܐ܂
31:14 [ai]ܘܩܪܝܐ ܒܪ ܝܡܢܐ ܠܘܝܐ ܢܛܿܪ ܬܪܥܐ ܡܕܢܚܝܐ/ܕܡܕܢܚܐ#3#/ ܫܠܝܛ ܗܘܐ/ܗܘ#3#/ ܥܠ ܩܘܪ̈ܒܢܐ ܕܡܪܝܐ܂ ܘܥܠ ܩܕܘܫ ܩܘܕ̈ܫܐ܂
31:15 [ai]ܘܠܗ ܡܫܠܡܝܢ ܗܘܘ ܥܕܘܢ ܘܒܢܝܡܝܢ ܘܝܫܘܥ ܘܫܡܥܝܐ܂ ܘܐܡܪܝܐ ܘܫܟܢܝܐ܂ ܒܩܘܪ̈ܝܐ ܕܟܗ̈ܢܐ ܒܗܝܡܢܘܬܐ܂ ܠܡܬܠ ܠܐܚܝ̈ܗܘܢ ܦܠܓܘ̈ܬܐ܂ ܠܪܒܐ ܐܝܟ ܙܥܘܪܐ܂
31:16 [ai]ܠܒܪ ܡܢ ܕܙܿܕܩ ܠܕܟܪܐ ܡܢ ܒܪ ܬܠܬ/ܬܠܬܝܢ#2#/ ܫܢ̈ܝܢ ܘܠܥܠ܂ ܠܟܠ ܡܿܢ ܕܥܐܿܠ ܠܒܝܬܗ ܕܡܪܝܐ܂ ܚܘܫܒܢ/ܠܚܘܫܒܢ#3#/ ܝܘܡ ܒܝܘܡܗ܂ ܠܦܘܠܚܢܗܘܢ ܒܡܛܪ̈ܬܗܘܢ ܒܦܠܓܘ̈ܬܗܘܢ܂
31:17 [ai]ܘܡܫܚܐ ܘܚܿܡܪܐ ܡܬܝܗܒ ܠܟ̈ܗܢܐ ܘܠܠܘ̈ܝܐ ܠܒܝܬ ܐܒܗ̈ܝܗܘܢ܂ ܡܢ ܒܪ ܥܣܪܝܢ ܫܢ̈ܝܢ ܘܠܥܠ܂ ܒܡܛܪ̈ܬܗܘܢ ܒܦܠܓܘ̈ܬܗܘܢ܂
31:18 [ai]ܘܡܫܚܐ ܡܬܝܗܒ ‍<‍ܗܘܐ#3#‍>‍ ܠܢܦܛܪ̈ܝܗܘܢ ܘܠܢܫ̈ܝܗܘܢ ܘܠܒܢ̈ܝܗܘܢ ܘܠܒܢ̈ܬܗܘܢ܂ ܘܠܟܠ ܥܡܐ ܕܐܝܣܪܝܠ ܕܒܗܝܡܢܘܬܐ ܡܬܩܕܫܝܢ ܗܘܘ܂ ܡܛܠ ܕܩܕܝܫܝܢ ܗܘܘ
31:19 [ai]ܒܢܘ̈ܗܝ ܕܐܗܪܘܢ ܟܗܢܐ ܩܕܝܫ ܗܘܐ ܒܣܪܗܘܢ܂ ܘܠܘܬ ܢܫ̈ܐ ܠܐ ܡܬܩܪܒܝܢ ܗܘܘ܂ ܘܡܬܟܪܟܝܢ ܗܘܘ ܒܟܠ ܩܪܐ ܘܩܪܐ܂ ܓܒܪ̈ܐ ܐܝܠܝܢ ܕܝܕܝܥܝܢ/ܕܝܿܕܥܝܢ ܗܘܘ#2#/ ܫܡܗ̈ܝܗܘܢ܂ ܕܢܬܠܘܢ ܙܕܩܐ ܠܟܠ ܕܟܪܐ ܕܐܝܬ ܒܟܗ̈ܢܐ܂ ܘܠܟܠܗܝܢ ܫܪ̈ܒܬܐ ܕܠܘ̈ܝܐ܂
31:20 [ai]ܘܥܒܕ ܗܟܢܐ ܚܙܩܝܐ ܒܟܠܗ ܝܗܘܕܐ܂ ܘܥܒܕ ܕܛܒ ܘܕܫܦܝܪ/ܘܫܦܝܪ#3#/܂ ܘܗܠܟ ܒܩܘܫܬܐ ܩܕܡ ܡܪܝܐ
31:21 [ai]ܒܟܘܠܗܘܢ ܥܒܿܕ̈ܘܗܝ܃ ܕܫܪܝ ܗܘܐ ܠܡܥܒܕ ܒܒܝܬܗ ܕܡܪܝܐ܂ ܘܒܢܡܘܣܐ ܘܒܦܘܩܕܢܐ ܠܡܬܒܥ ܠܐܠܗܗ ܒܟܠܗ ܠܒܗ܂ ܘܥܒܕ ܘܐܟܫܪ܂

next chapter