← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62040: P Mt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܟܬܼܳܒܼܳܐ ܕܺܝܠܺܝܕܼܽܘܬܼܶܗ ܕܝܶܫܽܘܥ ܡܫܺܝܚܳܐ܃ ܒܪܶܗ ܕܕܼܰܘܺܝܕܼ܂ ܒܪܶܗ ܕܰܐܒܼܪܳܗܳܡ܀܀
01:02 [ai]ܐܰܒܼܪܳܗܳܡ ܐܰܘܠܶܕܼ ܠܺܐܝܣܚܳܩ܂ ܐܺܝܣܚܳܩ ܐܰܘܠܶܕܼ ܠܝܥܰܩܽܘܒܼ܂ ܝܥܰܩܽܘܒܼ ܐܰܘܠܶܕܼ ܠܺܝܗܽܘܕܼܳܐ ܘܠܰܐܚܰܘܗ̱ܝ̈܂
01:03 [ai]ܺܝܗܽܘܕܼܳܐ ܐܰܘܠܶܕܼ ܠܦܼܰܪܨ ܘܰܠܙܰܪܚ ܡܶܢ ܬܿܳܡܳܪ܂ ܦܿܰܪܨ ܐܰܘܠܶܕܼ ܠܚܶܨܪܳܘܢ܂ ܚܶܨܪܽܘܢ ܐܰܘܠܶܕܼ ܠܳܐܪܳܡ܂
01:04 [ai]ܐܳܪܳܡ ܐܰܘܠܶܕܼ ܠܥܰܡܺܝܢܳܕܼܳܒܼ܂ ܥܰܡܺܝܢܳܕܼܳܒܼ ܐܰܘܠܶܕܼ ܠܢܰܚܫܳܘܢ܂ ܢܰܚܫܽܘܢ ܐܰܘܠܶܕܼ ܠܣܰܠܡܳܘܢ܂
01:05 [ai]ܣܰܠܡܳܘܢ ܐܰܘܠܶܕܼ ܠܒܼܳܥܳܙ ܡܶܢ ܪܳܚܳܒܼ܂ ܒܿܳܥܳܙ ܐܰܘܠܶܕܼ ܠܥܽܘܒܼܺܝܕܼ ܡܶܢ ܪܳܥܽܘܬܼ܂ ܥܽܘܒܼܺܝܕܼ ܐܰܘܠܶܕܼ ܠܺܐܝܫܰܝ܂
01:06 [ai]ܐܺܝܫܰܝ ܐܰܘܠܶܕܼ ܠܕܼܰܘܺܝܕܼ ܡܰܠܟܿܳܐ܂ ܕܿܰܘܺܝܕܼ ܐܰܘܠܶܕܼ ܠܰܫܠܶܝܡܳܘܢ ܡܶܢ ܐܰܢ̱ܬܿܬܼܶܗ ܕܽܐܘܪܺܝܳܐ܂
01:07 [ai]ܫܠܶܝܡܽܘܢ ܐܰܘܠܶܕܼ ܠܰܪܚܰܒܼܥܰܡ܂ ܪܚܰܒܼܥܰܡ ܐܰܘܠܶܕܼ ܠܰܐܒܼܺܝܳܐ܂ ܐܰܒܼܺܝܳܐ ܐܰܘܠܶܕܼ ܠܳܐܣܳܐ܂
01:08 [ai]ܐܳܣܳܐ ܐܰܘܠܶܕܼ ܠܝܳܗܽܘܫܳܦܼܳܛ܂ ܝܳܗܽܘܫܳܦܼܳܛ ܐܰܘܠܶܕܼ ܠܝܽܘܪܳܡ܂ ܝܽܘܪܳܡ ܐܰܘܠܶܕܼ ܠܥܽܘܙܺܝܳܐ܂
01:09 [ai]ܥܽܘܙܺܝܳܐ ܐܰܘܠܶܕܼ ܠܝܽܘܬܼܳܡ܂ ܝܽܘܬܼܳܡ ܐܰܘܠܶܕܼ ܠܳܐܚܳܙ܂ ܐܳܚܳܙ ܐܰܘܠܶܕܼ ܠܚܶܙܰܩܝܳܐ܂
01:10 [ai]ܚܶܙܰܩܝܳܐ ܐܰܘܠܶܕܼ ܠܰܡܢܰܫܶܐ܂ ܡܢܰܫܶܐ ܐܰܘܠܶܕܼ ܠܰܐܡܽܘܢ܂ ܐܰܡܽܘܢ ܐܰܘܠܶܕܼ ܠܝܽܘܫܺܝܳܐ܂
01:11 [ai]ܝܽܘܫܺܝܳܐ ܐܰܘܠܶܕܼ ܠܝܽܘܟܼܰܢܝܳܐ ܘܠܰܐܚܰܘܗ̱ܝ̈ ܒܓܳܠܽܘܬܼܳܐ ܕܒܼܳܒܼܶܠ܂
01:12 [ai]ܡܶܢ ܒܳܬܼܰܪ ܓܳܠܽܘܬܼܳܐ ܕܶܝܢ ܕܒܼܳܒܼܶܠ܃ ܝܽܘܟܼܰܢܝܳܐ ܐܰܘܠܶܕܼ ܠܫܶܠܰܬܼܺܐܝܠ܂ ܫܶܠܰܬܼܺܐܝܠ ܐܰܘܠܶܕܼ ܠܙܽܘܪܒܿܳܒܼܶܠ܂
01:13 [ai]ܙܽܘܪܒܿܳܒܼܶܠ ܐܰܘܠܶܕܼ ܠܰܐܒܼܺܝܽܘܕܼ܂ ܐܰܒܼܺܝܽܘܕܼ ܐܰܘܠܶܕܼ ܠܶܐܠܝܳܩܺܝܡ܂ ܐܶܠܝܳܩܺܝܡ ܐܰܘܠܶܕܼ ܠܥܳܙܽܘܪ܂
01:14 [ai]ܥܳܙܽܘܪ ܐܰܘܠܶܕܼ ܠܙܳܕܼܽܘܩ܂ ܙܳܕܼܽܘܩ ܐܰܘܠܶܕܼ ܠܰܐܟܼܺܝܢ܂ ܐܰܟܼܺܝܢ ܐܰܘܠܶܕܼ ܠܶܐܠܺܝܽܘܕܼ܂
01:15 [ai]ܐܶܠܺܝܽܘܕ ܐܰܘܠܶܕܼ ܠܶܐܠܺܝܥܳܙܳܪ܂ ܐܶܠܺܝܥܳܙܳܪ ܐܰܘܠܶܕܼ ܠܡܳܬܼܳܢ܂ ܡܳܬܼܳܢ ܐܰܘܠܶܕܼ ܠܝܥܰܩܽܘܒܼ܂
01:16 [ai]ܝܥܰܩܽܘܒܼ ܐܰܘܠܶܕܼ ܠܝܰܘܣܶܦܼ ܓܰܒܼܪܳܗ ܕܡܰܪܝܰܡ܃ ܕܡܶܢܳܗ ܐܶܬܼܺܝܠܶܕܼ ܝܶܫܽܘܥ ܕܡܶܬܼܩܪܶܐ ܡܫܺܝܚܳܐ܀
01:17 [ai]ܟܽܠܗܶܝܢ ܗܳܟܼܺܝܠ ܫܰܪ̈ܒܿܳܬܼܳܐ ܡܶܢ ܐܰܒܼܪܳܗܳܡ ܥܕܼܰܡܳܐ ܠܕܼܰܘܺܝܕܼ܃ ܫܰܪ̈ܒܿܳܬܼܳܐ ܐܰܪ̈ܒܿܰܥܶܣܪܶܐ܂ ܘܡܶܢ ܕܿܰܘܺܝܕܼ ܥܕܼܰܡܳܐ ܠܓܼܳܠܽܘܬܼܳܐ ܕܒܼܳܒܼܶܠ܃ ܫܰܪ̈ܒܿܳܬܼܳܐ ܐܰܪ̈ܒܿܰܥܶܣܪܶܐ܂ ܘܡܶܢ ܓܳܠܽܘܬܼܳܐ ܕܒܼܳܒܼܶܠ ܥܕܼܰܡܳܐ ܠܰܡܫܺܝܚܳܐ܃ ܫܰܪ̈ܒܿܳܬܼܳܐ ܐܰܪ̈ܒܿܰܥܶܣܪܶܐ܀܀
01:18 [ai]ܝܰܠܕܿܶܗ ܕܶܝܢ ܕܝܶܫܽܘܥ ܡܫܺܝܚܳܐ ܗܳܟܼܰܢܳܐ ܗܘܳܐ܂ ܟܰܕܼ ܡܟܼܺܝܪܳܐ ܗ̱ܘܳܬܼ ܡܰܪܝܰܡ ܐܶܡܶܗ ܠܝܰܘܣܶܦܼ܃ ܥܰܕܼܠܳܐ ܢܶܫܬܰܘܬܿܦܼܽܘܢ܃ ܐܶܫܬܿܰܟܼܚܰܬܼ ܒܰܛܢܳܐ ܡܶܢ ܪܽܘܚܳܐ ܕܩܽܘܕܼܫܳܐ܀
01:19 [ai]ܝܰܘܣܶܦܼ ܕܶܝܢ ܒܰܥܠܳܗ ܟܺܐܢܳܐ ܗ̱ܘܳܐ܂ ܘܠܳܐ ܨܒܼܳܐ ܕܰܢܦܼܰܪܣܶܝܗ܂ ܘܶܐܬܼܪܰܥܺܝ ܗ̱ܘܳܐ܂ ܕܡܰܛܫܝܳܐܺܝܬܼ ܢܶܫܪܶܝܗ܂
01:20 [ai]ܟܰܕܼ ܗܳܠܶܝܢ ܕܶܝܢ ܐܶܬܼܪܰܥܺܝ܃ ܐܶܬܼܚܙܺܝ ܠܶܗ ܡܰܠܰܐܟܼܳܐ ܕܡܳܪܝܳܐ ܒܚܶܠܡܳܐ܂ ܘܶܐܡܰܪ ܠܶܗ܂ ܝܰܘܣܶܦܼ ܒܪܶܗ ܕܕܼܰܘܺܝܕܼ܃ ܠܳܐ ܬܶܕܼܚܰܠ ܠܡܶܣܰܒܼ ܠܡܰܪܝܰܡ ܐܰܢ̱ܬܿܬܼܳܟܼ܂ ܗܰܘ ܓܶܝܪ ܕܶܐܬܼܺܝܠܶܕܼ ܒܿܳܗ܃ ܡܶܢ ܪܽܘܚܳܐ ܗܽܘ ܕܩܽܘܕܼܫܳܐ܂
01:21 [ai]ܬܺܐܠܰܕܼ ܕܶܝܢ ܒܪܳܐ܃ ܘܬܼܶܩܪܶܐ ܫܡܶܗ ܝܶܫܽܘܥ܂ ܗܽܘ ܓܶܝܪ ܢܰܚܶܝܘܗ̱ܝ ܠܥܰܡܶܗ ܡܶܢ ܚܛܳܗܰܝܗܽܘܢ̈܂
01:22 [ai]ܗܳܕܼܶܐ ܕܶܝܢ ܟܽܠܳܗ ܕܰܗܘܳܬܼ܃ ܕܢܶܬܼܡܰܠܶܐ ܡܶܕܶܡ ܕܶܐܬܼܶܐܡܰܪ ܡܶܢ ܡܳܪܝܳܐ ܒܝܰܕܼ ܢܒܼܺܝܳܐ܃
01:23 [ai]ܕܗܳܐ ܒܬܽܘܠܬܳܐ ܬܶܒܼܛܰܢ ܘܬܼܺܐܠܰܕܼ ܒܪܳܐ܃ ܘܢܶܩܪܽܘܢ ܫܡܶܗ ܥܰܡܰܢܽܘܐܺܝܠ ܕܡܶܬܿܬܿܰܪܓܿܰܡ ܥܰܡܰܢ ܐܰܠܳܗܰܢ܂
01:24 [ai]ܟܰܕܼ ܩܳܡ ܕܶܝܢ ܝܰܘܣܶܦܼ ܡܶܢ ܫܶܢܬܼܶܗ܃ ܥܒܼܰܕܼ ܐܰܝܟܿܰܢܳܐ ܕܰܦܼܩܰܕܼ ܠܶܗ ܡܰܠܰܐܟܼܶܗ ܕܡܳܪܝܳܐ܂ ܘܕܼܰܒܼܪܳܗ ܠܰܐܢ̱ܬܿܬܼܶܗ܂
01:25 [ai]ܘܠܳܐ ܚܰܟܼܡܳܗ܃ ܥܕܼܰܡܳܐ ܕܺܝܠܶܕܼܬܼܶܗ ܠܰܒܼܪܳܗ ܒܽܘܟܼܪܳܐ܃ ܘܰܩܪܳܬܼ ܫܡܶܗ ܝܶܫܽܘܥ܀܀

next chapter