← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62040: P Mt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܒܗܽܘܢ ܕܶܝܢ ܒܝܰܘܡܳܬܼܳܐ̈ ܗܳܢܽܘܢ܃ ܐܶܬܼܳܐ ܝܽܘܚܰܢܳܢ ܡܰܥܡܕܼܳܢܳܐ ܃ ܘܡܰܟܼܪܶܙ ܗ̱ܘܳܐ ܒܚܽܘܪܒܿܳܐ ܕܺܝܗܽܘܕܼ܃
03:02 [ai]ܘܳܐܡܰܪ ܬܽܘܒܼܘ܃ ܩܶܪܒܿܰܬܼ ܠܳܗ ܡܰܠܟܿܽܘܬܼܳܐ ܕܰܫܡܰܝܳܐ܀
03:03 [ai]ܗܳܢܰܘ ܓܶܝܪ ܗܰܘ ܕܰܐܡܺܝܪ ܒܝܰܕܼ ܐܶܫܰܥܝܳܐ ܢܒܼܺܝܳܐ܃ ܩܳܠܳܐ ܕܩܳܪܶܐ ܒܚܽܘܪܒܿܳܐ܃ ܛܰܝܶܒܼܘ ܐܽܘܪܚܶܗ ܕܡܳܪܝܳܐ܂ ܘܰܐܫܘܰܘ ܠܰܫܒܼܺܝܠܰܘܗ̱ܝ̈܀
03:04 [ai]ܗܽܘ ܕܶܝܢ ܝܽܘܚܰܢܳܢ܃ ܐܺܝܬܼܰܘܗ̱ܝ ܗ̱ܘܳܐ ܠܒܼܽܘܫܶܗ ܕܣܰܥܪܳܐ ܕܓܰܡܠܶܐ̈܂ ܘܶܐܣܳܪ ܚܰܨܶܐ̈ ܕܡܶܫܟܿܳܐ ܥܰܠ ܚܰܨܰܘܗ̱ܝ̈܂ ܘܡܶܐܟܼܽܘܠܬܿܶܗ ܩܰܡܨܶܐ̈܂ ܘܕܼܶܒܼܫܳܐ ܕܒܰܪܳܐ܀
03:05 [ai]ܗܳܝܕܶܝܢ ܢܳܦܼܩܳܐ ܗ̱ܘܳܬܼ ܠܘܳܬܼܶܗ ܐܽܘܪܺܫܠܶܡ܂ ܘܟܼܽܠܳܗ ܺܝܗܽܘܕܼ܂ ܘܟܼܽܠܶܗ ܐܰܬܼܪܳܐ ܕܿܰܚܕܼܳܪ̈ܰܝ ܝܽܘܪܕܿܢܳܢ܂
03:06 [ai]ܘܥܳܡܕܺܝܢ ܗ̱ܘܰܘ ܡܶܢܶܗ ܒܝܽܘܪܕܿܢܳܢ ܢܰܗܪܳܐ܃ ܟܰܕܼ ܡܰܘܕܶܝܢ ܒܰܚܛܳܗܰܝܗܽܘܢ̈܀
03:07 [ai]ܟܰܕܼ ܚܙܳܐ ܕܶܝܢ ܣܰܓܿܺܝܶܐܐ̈ ܡܶܢ ܦܿܪ̈ܺܝܫܶܐ ܘܡܶܢ ܙܰܕܿܽܘܩܳܝܶܐ̈܂ ܕܳܐܬܼܶܝܢ ܠܡܶܥܡܰܕܼ܃ ܐܶܡܰܪ ܠܗܽܘܢ܂ ܝܰܠܕܿܳܐ ܕܳܐܟܼܶܕܼܢܶܐ̈܃ ܡܰܢܽܘ ܚܰܘܺܝܟܼܽܘܢ ܠܡܶܥܪܰܩ ܡܶܢ ܪܽܘܓܼܙܳܐ ܕܳܐܬܼܶܐ܂
03:08 [ai]ܥܒܼܶܕܼܘ ܗܳܟܼܺܝܠ ܦܿܺܐܪ̈ܶܐ ܕܫܳܘܶܝܢ ܠܰܬܼܝܳܒܼܽܘܬܼܳܐ܂
03:09 [ai]ܘܠܳܐ ܬܰܣܒܿܪܽܘܢ ܘܬܼܺܐܡܪܽܘܢ ܒܢܰܦܼܫܟܼܽܘܢ܃ ܕܰܐܒܼܳܐ ܐܺܝܬܼ ܠܰܢ ܐܰܒܼܪܳܗܳܡ܂ ܐܳܡܰܪ ܐ̱ܢܳܐ ܠܟܼܽܘܢ ܓܶܝܪ܃ ܕܡܶܫܟܿܰܚ ܐܰܠܳܗܳܐ ܡܶܢ ܗܳܠܶܝܢ ܟܺܐܦܼܶܐ̈ ܠܰܡܩܳܡܽܘ ܒܢܰܝܳܐ ܠܰܐܒܼܪܳܗܳܡ܂
03:10 [ai]ܗܳܐ ܕܶܝܢ ܢܳܪܓܼܳܐ ܣܺܝܡ ܥܰܠ ܥܶܩܳܪܳܐ ܕܺܐܝܠܳܢܶܐ̈܂ ܟܽܠ ܐܺܝܠܳܢܳܐ ܗܳܟܼܺܝܠ ܕܿܦܼܺܐܪ̈ܶܐ ܛܳܒܼܶܐ̈ ܠܳܐ ܥܳܒܼܶܕܼ܃ ܡܶܬܼܦܿܣܶܩ ܘܢܳܦܼܶܠ ܒܢܽܘܪܳܐ܀
03:11 [ai]ܐܶܢܳܐ ܡܰܥܡܶܕܼ ܐ̱ܢܳܐ ܠܟܼܽܘܢ ܒܡܰܝܳܐ̈ ܠܰܬܼܝܳܒܼܽܘܬܼܳܐ܂ ܗܰܘ ܕܶܝܢ ܕܒܳܬܼܰܪܝ ܐܳܬܼܶܐ܂ ܚܰܣܺܝܢ ܗ̱ܽܘ ܡܶܢܝ܂ ܗܰܘ ܕܠܳܐ ܫܳܘܶܐ ܐ̱ܢܳܐ ܡܣܳܢܰܘܗ̱ܝ̈ ܠܡܶܫܩܰܠ܂ ܗܽܘ ܡܰܥܡܶܕܼ ܠܟܼܽܘܢ ܒܪܽܘܚܳܐ ܕܩܽܘܕܼܫܳܐ܂ ܘܰܒܢܽܘܪܳܐ܀
03:12 [ai]ܗܰܘ ܕܪܰܦܼܫܳܐ ܒܺܐܝܕܼܶܗ܂ ܘܰܡܕܼܰܟܿܶܐ ܐܶܕܿܪ̈ܰܘܗ̱ܝ܂ ܘܚܶܛܶܐ̈ ܟܳܢܶܫ ܠܰܐܘܨܪ̈ܰܘܗ̱ܝ܃ ܘܬܼܶܒܼܢܳܐ ܡܰܘܩܶܕܼ ܒܢܽܘܪܳܐ ܕܠܳܐ ܕܳܥܟܿܳܐ܀܀
03:13 [ai]ܗܳܝܕܶܝܢ ܐܶܬܼܳܐ ܝܶܫܽܘܥ ܡܶܢ ܓܠܺܝܠܳܐ ܠܝܽܘܪܕܿܢܳܢ܃ ܠܘܳܬܼ ܝܽܘܚܰܢܳܢ܂ ܕܢܶܥܡܰܕܼ ܡܶܢܶܗ܀
03:14 [ai]ܗܽܘ ܕܶܝܢ ܝܽܘܚܰܢܳܢ܂ ܟܳܠܶܐ ܗ̱ܘܳܐ ܠܶܗ܂ ܘܳܐܡܰܪ܂ ܐܶܢܳܐ ܣܢܺܝܩ ܐ̱ܢܳܐ ܕܡܶܢܳܟܼ ܐܶܬܼܥܡܶܕܼ܃ ܘܰܐܢ̱ܬܿ܃ ܠܘܳܬܼܝ ܐܶܬܼܰܝܬܿ܂
03:15 [ai]ܗܽܘ ܕܶܝܢ ܝܶܫܽܘܥ ܥܢܳܐ܂ ܘܶܐܡܰܪ ܠܶܗ܂ ܫܒܼܽܘܩ ܗܳܫܳܐ܂ ܗܳܟܼܰܢܳܐ ܓܶܝܪ ܝܳܐܶܐ ܠܰܢ ܕܰܢܡܰܠܶܐ ܟܽܠܳܗ ܟܺܐܢܽܘܬܼܳܐ܂ ܘܗܳܝܕܶܝܢ ܫܰܒܼܩܶܗ܀
03:16 [ai]ܟܰܕܼ ܥܡܰܕܼ ܕܶܝܢ ܝܶܫܽܘܥ܃ ܡܶܚܕܼܳܐ܂ ܣܠܶܩ ܡܶܢ ܡܰܝܳܐ̈ ܘܶܐܬܼܦܬܼܰܚܘ ܠܶܗ ܫܡܰܝܳܐ܂ ܘܰܚܙܳܐ ܪܽܘܚܳܐ ܕܰܐܠܳܗܳܐ ܕܢܳܚܬܳܐ ܐܰܝܟܼ ܝܰܘܢܳܐ܂ ܘܶܐܬܼܳܬܼ ܥܠܰܘܗ̱ܝ܀
03:17 [ai]ܘܗܳܐ ܩܳܠܳܐ ܡܶܢ ܫܡܰܝܳܐ ܕܳܐܡܰܪ܂ ܗܳܢܰܘ ܒܶܪܝ ܚܰܒܺܝܒܼܳܐ܂ ܕܒܶܗ ܐܶܨܛܒܼܺܝܬܼ܀܀

next chapter