← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62040: P Mt

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


28:01 [ai]ܒܪܰܡܫܳܐ ܕܶܝܢ ܒܫܰܒܿܬܼܳܐ܂ ܕܢܳܓܼܰܗ ܚܰܕܼ ܒܫܰܒܿܳܐ܃ ܐܶܬܼܳܬܼ ܡܰܪܝܰܡ ܡܰܓܼܕܿܠܳܝܬܳܐ܂ ܘܡܰܪܝܰܡ ܐ̱ܚܪܺܬܼܳܐ܂ ܕܢܶܚܙܝܳܢ̈ ܩܰܒܼܪܳܐ܂
28:02 [ai]ܘܗܳܐ ܙܰܘܥܳܐ ܪܰܒܿܳܐ ܗܘܳܐ܂ ܡܰܠܰܐܟܼܳܐ ܓܶܝܪ ܕܡܳܪܝܳܐ܂ ܢܚܶܬܼ ܡܶܢ ܫܡܰܝܳܐ܃ ܘܰܩܪܶܒܼ ܥܰܓܿܶܠ ܟܺܐܦܼܳܐ ܡܶܢ ܬܰܪܥܳܐ܂ ܘܝܳܬܼܶܒܼ ܗ̱ܘܳܐ ܥܠܶܝܗ܂
28:03 [ai]ܐܺܝܬܼܰܘܗ̱ܝ ܗ̱ܘܳܐ ܕܶܝܢ ܚܶܙܘܶܗ܂ ܐܰܝܟܼ ܒܰܪܩܳܐ܂ ܘܰܠܒܼܽܘܫܶܗ ܚܶܘܳܪ ܗ̱ܘܳܐ܂ ܐܰܝܟܼ ܬܰܠܓܿܳܐ܂
28:04 [ai]ܘܡܶܢ ܕܶܚܠܬܼܶܗ܂ ܐܶܬܿܬܿܙܺܝܥܘ ܐܰܝܠܶܝܢ ܕܢܳܛܪܺܝܢ ܗ̱ܘܰܘ܂ ܘܰܗܘܰܘ ܐܰܝܟܼ ܡܺܝܬܼܶܐ̈܀
28:05 [ai]ܥܢܳܐ ܕܶܝܢ ܡܰܠܰܐܟܼܳܐ܂ ܘܶܐܡܰܪ ܠܢܶܫܶܐ̈܂ ܐܰܢ̱ܬܿܶܝܢ ܠܳܐ ܬܶܕܼܚܠܳܢ̈܂ ܝܳܕܼܰܥ ܐ̱ܢܳܐ ܓܶܝܪ܂ ܕܰܠܝܶܫܽܘܥ ܕܶܐܙܕܿܩܶܦܼ܂ ܒܿܳܥܝܳܢ ܐܢ̱ܬܿܶܝܢ܂
28:06 [ai]ܠܳܐ ܗܘܳܐ ܬܢܳܢ܂ ܩܳܡ ܠܶܗ ܓܶܝܪ܂ ܐܰܝܟܿܰܢܳܐ ܕܶܐܡܰܪ܂ ܬܳܐܝܶܝܢ ܚܙܳܝܶܝܢ ܕܽܘܟܿܬܼܳܐ܂ ܕܣܺܝܡ ܗ̱ܘܳܐ ܒܿܳܗ ܡܳܪܰܢ܃
28:07 [ai]ܘܙܶܠܶܝܢ ܒܰܥܓܼܰܠ܂ ܐܶܡܰܪܶܝܢ ܠܬܼܰܠܡܺܝܕܼܰܘܗ̱ܝ̈܂ ܕܩܳܡ ܡܶܢ ܒܶܝܬܼ ܡܺܝܬܼܶܐ̈܃ ܘܗܳܐ ܩܳܕܼܶܡ ܠܟܼܽܘܢ܂ ܠܰܓܼܠܺܝܠܳܐ܃ ܬܰܡܳܢ ܬܶܚܙܽܘܢܳܝܗ̱ܝ܂ ܗܳܐ ܐܶܡܪܶܬܼ ܠܟܼܶܝܢ܀
28:08 [ai]ܘܶܐܙܰܠ ܥܓܼܰܠ ܡܶܢ ܩܰܒܼܪܳܐ܂ ܒܕܶܚܠܬܼܳܐ܂ ܘܰܒܚܰܕܼܽܘܬܼܳܐ ܪܰܒܿܬܼܳܐ܂ ܘܪܳܗܛܳܢ ܕܿܢܺܐܡܪ̈ܳܢ ܠܬܼܰܠܡܺܝܕܼܰܘܗ̱ܝ̈܀
28:09 [ai]ܘܗܳܐ ܝܶܫܽܘܥ ܦܓܼܰܥ ܒܗܶܝܢ܂ ܘܶܐܡܰܪ ܠܗܶܝܢ܂ ܫܠܳܡ ܠܟܼܶܝܢ܂ ܗܶܢܶܝܢ ܕܶܝܢ ܩܪܶܒܼ܂ ܐܶܚܰܕܼ ܪ̈ܶܓܼܠܰܘܗ̱ܝ܂ ܘܰܣܓܼܶܕܼܶܝܢ ܠܶܗ܀
28:10 [ai]ܗܳܝܕܶܝܢ ܐܶܡܰܪ ܠܗܶܝܢ ܝܶܫܽܘܥ܂ ܠܳܐ ܬܶܕܼܚܠܳܢ܂ ܐܶܠܳܐ ܙܶܠܶܝܢ ܐܶܡܰܪܶܝܢ ܠܰܐܚܰܝ̈܃ ܕܢܺܐܙܽܠ̱ܘܢ ܠܰܓܼܠܺܝܠܳܐ܂ ܘܬܼܰܡܳܢ ܢܶܚܙܽܘܢܳܢܝ܀
28:11 [ai]ܟܰܕܼ ܐܶܙܰܠܶܝܢ̈ ܕܶܝܢ܃ ܐܶܬܼܰܘ ܐ̱ܢܳܫܳܐ̈ ܡܶܢ ܩܶܣܛܽܘܢܳܪ̈ܶܐ ܗܳܢܽܘܢ ܠܰܡܕܼܺܝܢ̱ܬܳܐ܃ ܘܶܐܡܰܪܘ ܠܪ̈ܰܒܰܝ ܟܳܗܢܶܐ̈ ܟܽܠ ܡܶܕܶܡ ܕܰܗܘܳܐ܂
28:12 [ai]ܘܶܐܬܼܟܿܰܢܰܫܘ ܥܰܡ ܩܰܫܺܝܫܶܐ̈܂ ܘܰܢܣܰܒܼܘ ܡܶܠܟܿܳܐ܂ ܘܝܰܗ̱ܒܼܘ ܟܶܣܦܿܳܐ ܠܳܐ ܙܥܽܘܪ ܠܩܶܣܛܽܘܢܳܪ̈ܶܐ܂
28:13 [ai]ܘܳܐܡܪܺܝܢ ܠܗܽܘܢ܂ ܐܶܡܰܪܘ܃ ܕܬܰܠܡܺܝܕܼܰܘܗ̱ܝ̈ ܐܶܬܼܰܘ ܓܰܢܒܿܽܘܗ̱ܝ ܒܠܺܠܝܳܐ܂ ܟܰܕܼ ܕܰܡܟܿܺܝܢ ܚ̱ܢܰܢ܂
28:14 [ai]ܘܶܐܢ ܐܶܫܬܿܰܡܥܰܬܼ ܗܳܕܼܶܐ ܩܕܼܳܡ ܗܺܓܼܡܽܘܢܳܐ܃ ܚܢܰܢ ܡܦܿܺܝܣܺܝܢ ܚ̱ܢܰܢ ܠܶܗ܂ ܘܰܠܟܼܽܘܢ܂ ܕܠܳܐ ܨܶܦܼܬܼܳܐ ܥܳܒܼܕܺܝܢ ܚ̱ܢܰܢ܂
28:15 [ai]ܗܶܢܽܘܢ ܕܶܝܢ ܟܰܕܼ ܢܣܰܒܼܘ ܟܶܣܦܿܳܐ܂ ܥܒܼܰܕܼܘ ܐܰܝܟܼ ܕܰܐܠܶܦܼܘ ܐܶܢܽܘܢ܂ ܘܢܶܦܼܩܰܬܼ ܡܶܠܬܼܳܐ ܗܳܕܼܶܐ ܒܶܝܬܼ ܺܝܗܽܘܕܼܳܝܶܐ̈܂ ܥܕܼܰܡܳܐ ܠܝܰܘܡܳܢܳܐ܀܀
28:16 [ai]ܬܰܠܡܺܝܕܼܶܐ̈ ܕܶܝܢ ܚܕܼܰܥܣܰܪ܂ ܐܶܙܰܠܘ ܠܰܓܼܠܺܝܠܳܐ ܠܛܽܘܪܳܐ܂ ܐܰܝܟܿܳܐ ܕܘܰܥܶܕܼ ܐܶܢܽܘܢ ܝܶܫܽܘܥ܂
28:17 [ai]ܘܟܼܰܕܼ ܚܙܰܐܘܽܗ̱ܝ܂ ܣܓܼܶܕܼܘ ܠܶܗ܂ ܡܶܢܗܽܘܢ ܕܶܝܢ ܐܶܬܼܦܿܰܠܰܓܼܘ ܗ̱ܘܰܘ܂
28:18 [ai]ܘܰܩܪܶܒܼ ܝܶܫܽܘܥ܂ ܡܰܠܶܠ ܥܰܡܗܽܘܢ܂ ܘܶܐܡܰܪ ܠܗܽܘܢ܂ ܐܶܬܼܺܝܗܶܒܼ ܠܺܝ ܟܽܠ ܫܽܘܠܛܳܢ܂ ܒܰܫܡܰܝܳܐ ܘܒܼܰܐܪܥܳܐ܂ ܘܰܐܝܟܿܰܢܳܐ ܕܫܰܕܿܪܰܢܝ ܐܳܒܼܝ܂ ܡܫܰܕܿܰܪ ܐ̱ܢܳܐ ܠܟܼܽܘܢ܀
28:19 [ai]ܙܶܠܘ ܗܳܟܼܺܝܠ ܬܰܠܡܶܕܼܘ܂ ܟܽܠܗܽܘܢ ܥܰܡ̱ܡܶܐ̈܂ ܘܰܐܥܡܶܕܼܘ ܐܶܢܽܘܢ܂ ܒܫܶܡ ܐܰܒܼܳܐ ܘܰܒܪܳܐ܂ ܘܪܽܘܚܳܐ ܕܩܽܘܕܼܫܳܐ܂
28:20 [ai]ܘܰܐܠܶܦܼܘ ܐܶܢܽܘܢ܂ ܕܢܶܛܪܽܘܢ ܟܽܠ ܡܳܐ ܕܦܰܩܶܕܿܬܿܟܼܽܘܢ܂ ܘܗܳܐ ܐܶܢܳܐ ܥܰܡܟܼܽܘܢ ܐ̱ܢܳܐ ܟܽܠܗܽܘܢ ܝܰܘܡܳܬܼܳܐ̈܂ ܥܕܼܰܡܳܐ ܠܫܽܘܠܳܡܶܗ ܕܥܳܠܡܳܐ܂ ܐܰܡܺܝܢ