← Back
The Comprehensive Aramaic Lexicon
← Return to the Text Browser
click on the file description for more information
62042: P Lk

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


05:01 [ai]ܗܘܳܐ ܕܶܝܢ܂ ܟܰܕܼ ܟܢܰܫ ܥܠܰܘܗ̱ܝ ܟܶܢܫܳܐ ܠܡܶܫܡܰܥ ܡܶܠܬܼܳܐ ܕܰܐܠܳܗܳܐ܃ ܘܗܽܘ ܩܳܐܶܡ ܗ̱ܘܳܐ ܥܰܠ ܝܰܕܼ ܝܰܡܬܼܳܐ ܕܓܼܶܢܶܣܰܪ܂
05:02 [ai]ܚܙܳܐ ܣܦܼܺܝܢܶܐ̈ ܬܿܰܪ̈ܬܿܶܝܢ܂ ܕܩܳܝ̈ܡܳܢ ܥܰܠ ܓܶܢ̱ܒܼ ܝܰܡܬܼܳܐ܂ ܘܨܰܝܳܕܼܶܐ̈ ܕܰܣܠܶܩܘ ܡܶܢܗܶܝܢ܂ ܘܰܡܫܺܝܓܼܺܝܢ ܡܨܺܝܕܼܳܬܼܗܽܘܢ̈܂
05:03 [ai]ܘܰܚܕܼܳܐ ܡܶܢܗܶܝܢ܂ ܕܫܶܡܥܽܘܢ ܗܘܳܬܼ ܟܺܐܦܼܳܐ܂ ܘܰܣܠܶܩ ܝܶܫܽܘܥ ܺܝܬܼܶܒܼ ܒܿܳܗ܂ ܘܶܐܡܰܪ ܕܢܶܕܼܒܿܪܽܘܢܳܗ ܩܰܠܺܝܠ ܡܶܢ ܝܰܒܼܫܳܐ ܠܡܰܝܳܐ̈܂ ܘܝܳܬܼܶܒܼ ܗ̱ܘܳܐ܂ ܘܡܰܠܶܦܼ ܡܶܢ ܣܦܼܺܝܢ̱ܬܳܐ ܠܟܼܶܢܫܳܐ܀
05:04 [ai]ܘܟܼܰܕܼ ܫܬܼܶܩ ܡܶܢ ܡܰܡܠ̱ܠܶܗ܃ ܐܶܡܰܪ ܠܫܶܡܥܽܘܢ܂ ܕܒܰܪܘ ܠܥܽܘܡܩܳܐ܃ ܘܰܐܪܡܰܘ ܡܨܺܝܕܼܬܿܟܼܽܘܢ ܠܨܰܝܕܿܳܐ܀
05:05 [ai]ܥܢܳܐ ܫܶܡܥܽܘܢ܂ ܘܶܐܡܰܪ ܠܶܗ܂ ܪܰܒܺܝ܃ ܠܺܠܝܳܐ ܟܽܠܶܗ ܠܺܐܝܢ ܘܡܶܕܶܡ ܠܳܐ ܐܶܚܰܕܼܢ܃ ܥܰܠ ܡܶܠܬܼܳܟܼ ܕܶܝܢ܂ ܪܳܡܶܐ ܐ̱ܢܳܐ ܡܨܺܝܕܼܬܳܐ ܿ܀ܿ܀ܿ
05:06 [ai]ܘܟܼܰܕܼ ܗܳܕܼܶܐ ܥܒܼܰܕܼܘ܃ ܚܒܼܰܫܘ ܢܽܘܢܶܐ̈ ܣܰܓܿܺܝܶܐܐ̈ ܕܛܳܒܼ܂ ܘܡܶܨܛܰܪܝܳܐ ܗ̱ܘܳܬܼ ܡܨܺܝܕܼܬܿܗܽܘܢ܂
05:07 [ai]ܘܰܪܡܰܙܘ ܠܚܰܒܼܪ̈ܰܝܗܽܘܢ ܕܒܰܣܦܼܺܝܢ̱ܬܳܐ ܐ̱ܚܪܺܬܼܳܐ܃ ܕܢܺܐܬܼܽܘܢ ܢܥܰܕܿܪܽܘܢ ܐܶܢܽܘܢ܂ ܘܟܼܰܕܼ ܐܶܬܼܰܘ܃ ܡܠܰܘ ܐܶܢܶܝܢ̈ ܣܦܼܺܝܢܶܐ̈ ܬܿܰܪ̈ܬܿܰܝܗܶܝܢ܂ ܐܰܝܟܼ ܕܿܩܰܪ̈ܺܝܒܼܳܢ ܗ̱ܘܰܝ̈ ܠܡܶܛܒܿܰܥ܀
05:08 [ai]ܟܰܕܼ ܚܙܳܐ ܕܶܝܢ ܫܶܡܥܽܘܢ ܟܺܐܦܼܳܐ܃ ܢܦܼܰܠ ܩܕܼܳܡ ܪ̈ܶܓܼܠܰܘܗ̱ܝ ܕܝܶܫܽܘܥ܂ ܘܶܐܡܰܪ ܠܶܗ܂ ܒܿܳܥܶܐ ܐ̱ܢܳܐ ܡܶܢܳܟܼ ܡܳܪܝ܃ ܦܪܽܘܩ ܠܳܟܼ ܡܶܢܝ܂ ܕܓܰܒܼܪܳܐ ܐ̱ܢܳܐ ܚܰܛܳܝܳܐ܂
05:09 [ai]ܬܶܡܗܳܐ ܓܶܝܪ ܐܰܚܕܿܶܗ ܗ̱ܘܳܐ܂ ܘܰܠܟܼܽܠܗܽܘܢ ܕܥܰܡܶܗ܃ ܥܰܠ ܨܰܝܕܿܳܐ ܗܰܘ ܕܢܽܘܢܶܐ̈ ܕܨܳܕܼܘ܂
05:10 [ai]ܗܳܟܼܘܳܬܼ ܕܶܝܢ ܐܳܦܼ ܠܝܰܥܩܽܘܒܼ܂ ܘܰܠܝܽܘܚܰܢܳܢ܂ ܒܢܰܝ ܙܰܒܼܕܼܰܝ܃ ܕܺܐܝܬܼܰܝܗܽܘܢ ܗ̱ܘܰܘ ܫܰܘܬܿܳܦܼܶܐ̈ ܕܫܶܡܥܽܘܢ܀ ܐܶܡܰܪ ܕܶܝܢ ܝܶܫܽܘܥ ܠܫܶܡܥܽܘܢ܂ ܠܳܐ ܬܶܕܼܚܰܠ܂ ܡܶܢ ܗܳܫܳܐ ܒܢܰܝ ܐ̱ܢܳܫܳܐ ܬܶܗܘܶܐ ܨܳܐܶܕܼ ܠܚܰܝ̈ܶܐ܂
05:11 [ai]ܘܩܰܪܶܒܼܘ ܐܶܢܶܝܢ̈ ܣܦܼܺܝܢܶܐ̈ ܠܰܐܪܥܳܐ܂ ܘܰܫܒܼܰܩܘ ܟܽܠ ܡܶܕܶܡ܂ ܘܶܐܬܼܰܘ ܒܳܬܼܪܶܗ܀
05:12 [ai]ܘܟܼܰܕܼ ܗܘܳܐ ܝܶܫܽܘܥ ܒܰܚܕܼܳܐ ܡܶܢ ܡܕܼܺܝܢܳܬܼܳܐ̈܃ ܐܶܬܼܳܐ ܓܰܒܼܪܳܐ ܕܰܡܠܶܐ ܟܽܠܶܗ ܓܰܪܒܼܳܐ܂ ܚܙܳܐ ܠܝܶܫܽܘܥ܃ ܘܰܢܦܼܰܠ ܥܰܠ ܐܰܦܿܰܘܗ̱ܝ̈܂ ܘܒܼܳܥܶܐ ܗ̱ܘܳܐ ܡܶܢܶܗ܂ ܘܶܐܡܰܪ ܠܶܗ܂ ܡܳܪܝ܃ ܐܶܢ ܨܳܒܼܶܐ ܐܰܢ̱ܬܿ܂ ܡܶܫܟܿܰܚ ܐܰܢ̱ܬܿ ܠܰܡܕܼܰܟܿܳܝܽܘܬܼܝ܂
05:13 [ai]ܘܰܦܼܫܰܛ ܐܺܝܕܼܶܗ ܝܶܫܽܘܥ܂ ܩܪܶܒܼ ܠܶܗ܂ ܘܶܐܡܰܪ ܠܶܗ܂ ܨܳܒܼܶܐ ܐ̱ܢܳܐ܂ ܐܶܬܿܕܿܰܟܿܳܐ܂ ܘܒܼܰܪ ܫܳܥܬܼܶܗ ܐܶܙܰܠ ܡܶܢܶܗ ܓܰܪܒܼܶܗ܂ ܘܶܐܬܿܕܰܟܿܺܝ܂
05:14 [ai]ܘܦܼܰܩܕܼܶܗ܂ ܕܰܠܐ̱ܢܳܫ ܠܳܐ ܬܺܐܡܰܪ܂ ܐܶܠܳܐ ܙܶܠ܂ ܚܰܘܳܐ ܢܰܦܼܫܳܟܼ ܠܟܼܳܗܢܶܐ̈܂ ܘܩܰܪܶܒܼ ܚܠܳܦܼ ܬܰܕܼܟܿܺܝܬܼܳܟܼ܃ ܐܰܝܟܿܰܢܳܐ ܕܦܰܩܶܕܼ ܡܽܘܫܶܐ܂ ܠܣܳܗܕܿܽܘܬܼܗܽܘܢ܀
05:15 [ai]ܘܰܢܦܼܰܩ ܥܠܰܘܗ̱ܝ ܛܶܒܿܳܐ ܝܰܬܿܺܝܪܳܐܺܝܬܼ܂ ܘܡܶܬܼܟܿܰܢܰܫ ܗ̱ܘܳܐ ܥܰܡܳܐ ܣܰܓܿܺܝܳܐܐ܂ ܠܡܶܫܡܰܥ ܡܶܢܶܗ܃ ܘܰܠܡܶܬܼܰܐܣܳܝܽܘ ܡܶܢ ܟܿܽܘܪ̈ܗܳܢܰܝܗܽܘܢ܀
05:16 [ai]ܗܽܘ ܕܶܝܢ ܡܫܰܢܶܐ ܗ̱ܘܳܐ ܠܕܼܰܒܼܪܳܐ܂ ܘܰܡܨܰܠܶܐ܀
05:17 [ai]ܘܰܗܘܳܐ ܒܚܰܕܼ ܡܶܢ ܝܰܘܡܳܬܼܳܐ̈܂ ܟܰܕܼ ܡܰܠܶܦܼ ܗ̱ܘܳܐ ܝܶܫܽܘܥ܃ ܝܳܬܼܒܺܝܢ ܗ̱ܘܰܘ ܦܿܪ̈ܺܝܫܶܐ ܘܡܰܠܦܼܰܝ̈ ܢܳܡܽܘܣܳܐ܃ ܕܶܐܬܼܰܘ ܗ̱ܘܰܘ ܡܶܢ ܟܽܠ ܩܽܘܪ̈ܝܳܐ ܕܰܓܼܠܺܝܠܳܐ ܘܕܼܺܝܗܽܘܕܼ ܘܕܼܽܐܘܪܺܫܠܶܡ܂ ܘܚܰܝܠܳܐ ܕܡܳܪܝܳܐ܂ ܐܺܝܬܼܰܘܗ̱ܝ ܗ̱ܘܳܐ ܠܡܰܐܣܳܝܽܘܬܼܗܽܘܢ܀
05:18 [ai]ܘܐ̱ܢܳܫܳܐ̈ ܐܰܝܬܿܺܝܘ ܒܥܰܪܣܳܐ ܓܰܒܼܪܳܐ ܚܰܕܼ܂ ܡܫܰܪܝܳܐ܂ ܘܒܼܳܥܶܝܢ ܗ̱ܘܰܘ ܕܢܰܥܠܽܘܢ܂ ܢܣܺܝܡܽܘܢܳܝܗ̱ܝ ܩܕܼܳܡܰܘܗ̱ܝ܂
05:19 [ai]ܘܟܼܰܕܼ ܠܳܐ ܐܶܫܟܿܰܚܘ ܕܰܐܝܟܿܰܢܳܐ ܢܰܥܠܽܘܢܳܝܗ̱ܝ܃ ܡܶܛܽܠ ܣܽܘܓܼܳܐܐ ܕܥܰܡܳܐ܃ ܣܠܶܩܘ ܠܗܽܘܢ ܠܶܐܓܿܳܪܳܐ܃ ܘܫܰܒܿܽܘܗ̱ܝ ܥܰܡ ܥܰܪܣܶܗ܂ ܡܶܢ ܬܰܛܠܺܝܠܳܐ ܠܰܡܨܰܥܬܼܳܐ܂ ܩܕܼܳܡܰܘܗ̱ܝ ܕܝܶܫܽܘܥ܀
05:20 [ai]ܟܰܕܼ ܚܙܳܐ ܕܶܝܢ ܝܶܫܽܘܥ ܗܰܝܡܳܢܽܘܬܼܗܽܘܢ܂ ܐܶܡܰܪ ܠܗܰܘ ܡܫܰܪܝܳܐ܂ ܓܰܒܼܪܳܐ܂ ܫܒܼܺܝܩܺܝܢ ܠܳܟܼ ܚܛܳܗܰܝܟܿ̈܂
05:21 [ai]ܘܫܰܪܺܝܘ ܣܳܦܼܪ̈ܶܐ ܘܰܦܼܪ̈ܺܝܫܶܐ ܡܶܬܼܚܰܫܒܼܺܝܢ܂ ܘܳܐܡܪܺܝܢ܂ ܡܰܢܽܘ ܗܳܢܳܐ ܕܰܡܡܰܠܶܠ ܓܽܘܕܿܳܦܼܳܐ܂ ܡܰܢܽܘ ܡܶܫܟܿܰܚ ܠܡܶܫܒܿܰܩ ܚܛܳܗܶܐ̈܃ ܐܶܠܳܐ ܐܶܢ ܐܰܠܳܗܳܐ ܒܰܠܚܽܘܕܼ܂
05:22 [ai]ܝܶܫܽܘܥ ܕܶܝܢ ܺܝܕܼܰܥ ܡܰܚܫܒܼܳܬܼܗܽܘܢ̈܃ ܘܰܥܢܳܐ܂ ܘܶܐܡܰܪ ܠܗܽܘܢ܂ ܡܳܢܳܐ ܡܶܬܼܚܰܫܒܼܺܝܢ ܐܢ̱ܬܿܽܘܢ ܒܿܠܶܒܟܽܘܢ܂
05:23 [ai]ܐܰܝܕܼܳܐ ܦܫܺܝܩܳܐ ܠܡܺܐܡܰܪ܂ ܕܰܫܒܼܺܝܩܺܝܢ ܠܳܟܼ ܚܛܳܗܰܝܟܿ̈܃ ܐܰܘ ܠܡܺܐܡܰܪ܂ ܩܽܘܡ ܗܰܠܶܟܼ܂
05:24 [ai]ܕܬܶܕܿܥܽܘܢ ܕܶܝܢ ܕܫܰܠܺܝܛ ܗ̱ܽܘ ܒܪܶܗ ܕܐ̱ܢܳܫܳܐ܂ ܒܰܐܪܥܳܐ ܕܢܶܫܒܿܽܘܩ ܚܛܳܗܶܐ̈܃ ܐܳܡܰܪ ܠܰܡܫܰܪܝܳܐ܂ ܠܳܟܼ ܐܳܡܰܪ ܐ̱ܢܳܐ܂ ܩܽܘܡ܂ ܫܩܽܘܠ ܥܰܪܣܳܟܼ܂ ܘܙܶܠ ܠܒܼܰܝܬܿܳܟܼ܂
05:25 [ai]ܘܡܶܚܕܼܳܐ ܩܳܡ ܠܥܺܢܰܝܗܽܘܢ̈܂ ܘܰܫܩܰܠ ܥܰܪܣܶܗ ܘܶܐܙܰܠ ܠܒܼܰܝܬܿܶܗ܃ ܟܰܕܼ ܡܫܰܒܿܰܚ ܠܰܐܠܳܗܳܐ܀
05:26 [ai]ܘܬܼܶܡܗܳܐ ܐܶܚܰܕܼ ܠܟܼܽܠܢܳܫ܂ ܘܰܡܫܰܒܿܚܺܝܢ ܗ̱ܘܰܘ ܠܰܐܠܳܗܳܐ܂ ܘܶܐܬܼܡܠܺܝܘ ܕܶܚܠܬܼܳܐ܂ ܘܳܐܡܪܺܝܢ܂ ܕܰܚܙܰܝܢ ܝܰܘܡܳܢܳܐ ܬܿܶܕܼܡܪ̈ܳܬܼܳܐ܀
05:27 [ai]ܒܳܬܼܰܪ ܗܳܠܶܝܢ ܢܦܼܰܩ ܝܶܫܽܘܥ܃ ܘܰܚܙܳܐ ܡܳܟܼܣܳܐ ܕܰܫܡܶܗ ܠܶܘܺܝ܂ ܕܝܳܬܼܶܒܼ ܒܶܝܬܼ ܡܳܟܼܣܶܐ̈܂ ܘܶܐܡܰܪ ܠܶܗ܂ ܬܳܐ ܒܳܬܼܰܪܝ܂
05:28 [ai]ܘܰܫܒܼܰܩ ܟܽܠ ܡܶܕܶܡ܂ ܘܩܳܡ ܐܶܙܰܠ ܒܳܬܼܪܶܗ܀
05:29 [ai]ܘܰܥܒܼܰܕܼ ܠܶܗ ܠܶܘܺܝ ܒܒܼܰܝܬܿܶܗ ܩܽܘܒܿܳܠܳܐ ܪܰܒܿܳܐ܂ ܘܺܐܝܬܼ ܗ̱ܘܳܐ ܟܶܢܫܳܐ ܣܰܓܿܺܝܳܐܐ ܕܡܳܟܼܣܶܐ̈ ܘܕܼܰܐ̱ܚܪ̈ܳܢܶܐ܂ ܕܰܣܡܺܝܟܼܺܝܢ ܗܘܰܘ ܥܰܡܗܽܘܢ܂
05:30 [ai]ܘܪܳܛܢܺܝܢ ܗ̱ܘܰܘ ܣܳܦܼܪ̈ܶܐ ܘܰܦܼܪ̈ܺܝܫܶܐ܂ ܘܳܐܡܪܺܝܢ ܠܬܼܰܠܡܺܝܕܼܰܘܗ̱ܝ̈܂ ܠܡܳܢܳܐ ܥܰܡ ܡܳܟܼܣܶܐ̈ ܘܚܰܛܳܝܶܐ̈܂ ܐܳܟܼܠܺܝܢ ܐܢ̱ܬܿܽܘܢ ܘܫܳܬܼܶܝܢ܀
05:31 [ai]ܘܰܥܢܳܐ ܝܶܫܽܘܥ܂ ܘܶܐܡܰܪ ܠܗܽܘܢ܂ ܠܳܐ ܡܶܬܼܒܿܥܶܐ ܐܳܣܝܳܐ ܠܰܚܠܺܝܡܶܐ̈܃ ܐܶܠܳܐ ܠܰܐܝܠܶܝܢ ܕܒܺܝܫ ܒܺܝܫ ܥܒܼܺܝܕܼܺܝܢ܂
05:32 [ai]ܠܳܐ ܐܶܬܼܺܝܬܼ ܕܶܐܩܪܶܐ ܠܙܰܕܿܺܝܩܶܐ̈܃ ܐܶܠܳܐ ܠܚܰܛܳܝܶܐ̈ ܠܰܬܼܝܳܒܼܽܘܬܼܳܐ܂
05:33 [ai]ܗܶܢܽܘܢ ܕܶܝܢ ܐܳܡܪܺܝܢ ܠܶܗ܂ ܠܡܳܢܳܐ ܬܰܠܡܺܝܕܼܰܘܗ̱ܝ̈ ܕܝܽܘܚܰܢܳܢ ܨܳܝܡܺܝܢ ܐܰܡܺܝܢܳܐܺܝܬܼ ܘܰܡܨܰܠܶܝܢ܂ ܐܳܦܼ ܕܿܰܦܼܪ̈ܺܝܫܶܐ܃ ܕܺܝܠܳܟܼ ܕܶܝܢ ܐܳܟܼܠܺܝܢ ܘܫܳܬܼܶܝܢ܂
05:34 [ai]ܗܽܘ ܕܶܝܢ ܐܶܡܰܪ ܠܗܽܘܢ܂ ܠܳܐ ܡܶܫܟܿܚܺܝܢ ܐܢ̱ܬܿܽܘܢ ܠܰܒܼܢܰܘܗ̱ܝ ܕܰܓܼܢܽܘܢܳܐ܃ ܟܡܳܐ ܕܚܰܬܼܢܳܐ ܥܰܡܗܽܘܢ܂ ܕܬܶܥܒܿܕܼܽܘܢ ܕܰܢܨܽܘܡܽܘܢ܂
05:35 [ai]ܢܺܐܬܼܽܘܢ ܕܶܝܢ ܝܰܘܡܳܬܼܳܐ̈܂ ܟܰܕܼ ܢܶܬܿܬܿܪܺܝܡ ܚܰܬܼܢܳܐ ܡܶܢܗܽܘܢ܃ ܗܳܝܕܶܝܢ ܢܨܽܘܡܽܘܢ ܒܗܳܢܽܘܢ ܝܰܘܡܳܬܼܳܐ̈܀
05:36 [ai]ܘܶܐܡܰܪ ܠܗܽܘܢ ܡܰܬܼܠܳܐ܂ ܕܠܳܐ ܐ̱ܢܳܫ ܩܳܐܶܕܼ ܐܽܘܪܩܰܥܬܼܳܐ ܡܶܢ ܡܳܐܢܳܐ ܚܰܕܼ̱ܬܼܳܐ܃ ܘܪܳܡܶܐ ܥܰܠ ܡܳܐܢܳܐ ܒܠܳܝܳܐ܂ ܕܠܳܐ ܠܚܰܕܼ̱ܬܼܳܐ ܩܳܐܶܕܼ܂ ܘܠܰܒܼܠܳܝܳܐ܂ ܠܳܐ ܫܳܠܡܳܐ ܐܽܘܪܩܰܥܬܼܳܐ ܕܡܶܢ ܚܰܕܼ̱ܬܼܳܐ܂
05:37 [ai]ܘܠܳܐ ܐ̱ܢܳܫ ܪܳܡܶܐ ܚܰܡܪܳܐ ܚܰܕܼ̱ܬܼܳܐ ܒܙܶܩܶܐ̈ ܒܠܳܝܳܬܼܳܐ̈܂ ܘܶܐܢ ܕܶܝܢ ܠܳܐ܃ ܡܒܼܰܙܰܥ ܚܰܡܪܳܐ ܚܰܕܼ̱ܬܼܳܐ ܠܙܶܩܶܐ̈܂ ܘܗܽܘ ܚܰܡܪܳܐ ܡܶܬܼܶܐܫܶܕܼ܃ ܘܙܶܩܶܐ̈ ܐܳܒܼܕܳܢ̈܂
05:38 [ai]ܐܶܠܳܐ ܚܰܡܪܳܐ ܚܰܕܼ̱ܬܼܳܐ ܒܙܶܩܶܐ̈ ܚܰܕܼ̱ܬܿܳܬܼܳܐ̈ ܪܳܡܶܝܢ܃ ܘܰܬܼܪ̈ܰܝܗܽܘܢ ܡܶܬܼܢܰܛܪܺܝܢ܂
05:39 [ai]ܘܠܳܐ ܐ̱ܢܳܫ ܫܳܬܼܶܐ ܚܰܡܪܳܐ ܥܰܬܿܺܝܩܳܐ܃ ܘܡܶܚܕܼܳܐ ܒܿܳܥܶܐ ܚܰܕܼ̱ܬܼܳܐ܂ ܐܳܡܰܪ ܓܶܝܪ܂ ܥܰܬܿܺܝܩܳܐ ܒܰܣܺܝܡ܀

next chapter