← Back
The Comprehensive Aramaic Lexicon
← Return to the Text Browser
click on the file description for more information
62042: P Lk

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


13:01 [ai]ܒܗܰܘ ܕܶܝܢ ܙܰܒܼܢܳܐ܂ ܐܶܬܼܰܘ ܐ̱ܢܳܫܺܝܢ̈ ܐܶܡܰܪܘ ܠܶܗ܂ ܥܰܠ ܓܠܺܝܠܳܝܶܐ̈܃ ܗܳܢܽܘܢ ܕܦܼܺܝܠܰܛܳܘܣ ܚܠܰܛ ܕܶܡܗܽܘܢ ܥܰܡ ܕܶܒܼܚܰܝܗܽܘܢ̈܂
13:02 [ai]ܘܰܥܢܳܐ ܝܶܫܽܘܥ܂ ܘܶܐܡܰܪ ܠܗܽܘܢ܂ ܣܳܒܼܪܺܝܢ ܐܢ̱ܬܿܽܘܢ܃ ܕܗܳܠܶܝܢ ܓܠܺܝܠܳܝܶܐ̈܃ ܚܰܛܳܝܺܝܢ̈ ܗ̱ܘܰܘ܂ ܝܰܬܿܺܝܪ ܡܶܢ ܟܽܠܗܽܘܢ ܓܠܺܝܠܳܝܶܐ̈܂ ܕܗܳܟܼܰܢܳܐ ܗܘܳܐ ܐܶܢܽܘܢ܃
13:03 [ai]ܠܳܐ܂ ܐܳܡܰܪ ܐ̱ܢܳܐ ܠܟܼܽܘܢ ܕܶܝܢ܃ ܕܳܐܦܼ ܟܽܠܟܼܽܘܢ ܐܶܠܳܐ ܬܬܼܽܘܒܼܽܘܢ܂ ܗܳܟܼܰܢܳܐ ܬܺܐܒܼܕܿܽܘܢ܂
13:04 [ai]ܐܰܘ ܗܳܢܽܘܢ ܬܡܳܢܬܿܰܥܣܰܪ ܕܰܢܦܼܰܠ ܥܠܰܝܗܽܘܢ ܡܰܓܼܕܠܳܐ ܒܫܺܝܠܽܘܚܳܐ ܘܩܰܛܶܠ ܐܶܢܽܘܢ܃ ܣܳܒܼܪܺܝܢ ܐܢ̱ܬܿܽܘܢ܃ ܕܚܰܛܳܝܺܝܢ̈ ܗ̱ܘܰܘ ܝܰܬܿܺܝܪ ܡܶܢ ܟܽܠܗܽܘܢ ܒܢܰܝܢܳܫܳܐ ܕܥܳܡܪܺܝܢ ܒܽܐܘܪܺܫܠܶܡ܃
13:05 [ai]ܠܳܐ܂ ܐܳܡܰܪ ܐ̱ܢܳܐ ܠܟܼܽܘܢ ܕܶܝܢ܃ ܕܶܐܠܳܐ ܬܬܼܽܘܒܼܽܘܢ܂ ܟܽܠܟܼܽܘܢ ܐܰܟܼܘܳܬܼܗܽܘܢ ܬܺܐܒܼܕܿܽܘܢ܀܀
13:06 [ai]ܘܶܐܡܰܪ ܡܰܬܼܠܳܐ ܗܳܢܳܐ܂ ܬܿܺܬܳܐ ܐܺܝܬܼ ܗ̱ܘܳܬܼ ܠܐ̱ܢܳܫ܂ ܕܰܢܨܺܝܒܼܳܐ ܒܟܰܪܡܶܗ܂ ܘܶܐܬܼܳܐ ܒܥܳܐ ܒܿܳܗ ܦܿܺܐܪ̈ܶܐ܂ ܘܠܳܐ ܐܶܫܟܿܰܚ܂
13:07 [ai]ܘܶܐܡܰܪ ܠܦܼܰܠܳܚܳܐ܂ ܗܳܐ ܬܠܳܬܼ ܫܢܺܝܢ̈ ܐܳܬܼܶܐ ܐ̱ܢܳܐ ܒܿܳܥܶܐ ܐ̱ܢܳܐ ܦܿܺܐܪ̈ܶܐ ܒܬܺܬܳܐ ܗܳܕܼܶܐ܂ ܘܠܳܐ ܡܶܫܟܿܰܚ ܐ̱ܢܳܐ܂ ܦܣܽܘܩܶܝܗ܂ ܠܡܳܢܳܐ ܡܒܼܰܛܠܳܐ ܐܰܪܥܳܐ܂
13:08 [ai]ܐܳܡܰܪ ܠܶܗ ܦܰܠܳܚܳܐ܂ ܡܳܪܝ܃ ܫܒܼܽܘܩܶܝܗ܂ ܐܳܦܼ ܗܳܕܼܶܐ ܫܰܢ̱ܬܳܐ܂ ܥܰܕܼ ܐܶܦܼܠܚܺܝܗ ܘܶܐܙܰܒܿܠܶܗ܀
13:09 [ai]ܘܶܐܢ ܥܶܒܼܕܿܰܬܼ ܦܿܺܐܪ̈ܶܐ܃ ܘܶܐܠܳܐ ܠܡܰܢܚܰܝ܂ ܬܶܦܼܣܩܺܝܗ ܿ܀ܿ܀ܿ
13:10 [ai]ܟܰܕܼ ܕܶܝܢ ܡܰܠܶܦܼ ܝܶܫܽܘܥ ܒܫܰܒܿܬܼܳܐ ܒܰܚܕܼܳܐ ܡܶܢ ܟܢܽܘܫܳܬܼܳܐ̈܃
13:11 [ai]ܐܺܝܬܼ ܗ̱ܘܳܬܼ ܬܰܡܳܢ ܐܰܢ̱ܬܿܬܼܳܐ܃ ܕܺܐܝܬܼ ܗ̱ܘܳܬܼ ܠܳܗ ܪܽܘܚܳܐ ܕܟܽܘܪܗܳܢܳܐ܂ ܫܢܺܝܢ̈ ܬܿܡܳܢܰܥܶܣܪ̈ܶܐ܂ ܘܰܟܼܦܼܺܝܦܼܳܐ ܗܘܳܬܼ܂ ܘܠܳܐ ܡܶܫܟܿܚܳܐ ܗ̱ܘܳܬܼ ܕܬܶܬܼܦܿܫܶܛ ܠܰܓܼܡܳܪ܂
13:12 [ai]ܚܙܳܗ ܕܶܝܢ ܝܶܫܽܘܥ܂ ܘܰܩܪܳܗ܂ ܘܶܐܡܰܪ ܠܳܗ܂ ܐܰܢ̱ܬܿܬܼܳܐ܂ ܫܰܪܝܰܬܿܝ ܡܶܢ ܟܽܘܪܗܳܢܶܟܼܝ܂
13:13 [ai]ܘܣܳܡ ܐܺܝܕܼܶܗ ܥܠܶܝܗ܃ ܘܡܶܚܕܼܳܐ ܐܶܬܼܦܿܰܫܛܰܬܼ܂ ܘܫܰܒܿܚܰܬܼ ܠܰܐܠܳܗܳܐ܂
13:14 [ai]ܥܢܳܐ ܕܶܝܢ ܪܰܒܿ ܟܢܽܘܫܬܳܐ ܟܰܕܼ ܡܶܬܼܚܰܡܰܬܼ܂ ܥܰܠ ܕܰܐܣܺܝ ܒܫܰܒܿܬܼܳܐ ܝܶܫܽܘܥ܂ ܘܶܐܡܰܪ ܠܟܼܶܢܫܶܐ̈܂ ܫܬܳܐ ܐܶܢܽܘܢ ܝܰܘܡܺܝܢ̈ ܕܰܒܼܗܽܘܢ ܘܳܠܶܐ ܠܡܶܦܼܠܰܚ܂ ܒܗܽܘܢ ܗܘܰܝܬܿܽܘܢ ܐܳܬܼܶܝܢ ܡܶܬܼܰܐܣܶܝܢ܂ ܘܠܳܐ ܒܝܰܘܡܳܐ ܕܫܰܒܿܬܼܳܐ܀
13:15 [ai]ܝܶܫܽܘܥ ܕܶܝܢ ܥܢܳܐ܂ ܘܶܐܡܰܪ ܠܶܗ܂ ܢܳܣܶܒܼ ܒܰܐܦܿܶܐ̈܃ ܚܰܕܼ ܚܰܕܼ ܡܶܢܟܼܽܘܢ ܒܫܰܒܿܬܼܳܐ܃ ܠܳܐ ܫܳܪܶܐ ܬܰܘܪܶܗ ܐܰܘ ܚܡܳܪܶܗ ܡܶܢ ܐܽܘܪܝܳܐ܃ ܘܳܐܙܶܠ ܡܰܫܩܶܐ܂
13:16 [ai]ܗܳܕܼܶܐ ܕܶܝܢ ܕܒܰܪܬܼܶܗ ܗ̱ܺܝ ܕܰܐܒܼܪܳܗܳܡ܃ ܘܰܐܣܪܳܗ ܐܳܟܼܶܠܩܰܪܨܳܐ ܗܳܐ ܬܿܡܳܢܰܥܶܣܪ̈ܶܐ ܫܢܺܝܢ̈܃ ܠܳܐ ܘܳܠܶܐ ܗ̱ܘܳܐ ܕܬܶܫܬܿܪܶܐ ܡܶܢ ܗܳܢܳܐ ܐܰܣܽܘܪܝܳܐ܃ ܒܝܰܘܡܳܐ ܕܫܰܒܿܬܼܳܐ܃
13:17 [ai]ܘܟܼܰܕܼ ܗܳܠܶܝܢ ܐܳܡܰܪ ܗ̱ܘܳܐ܃ ܒܳܗܬܿܺܝܢ ܗ̱ܘܰܘ ܟܽܠܗܽܘܢ ܐܰܝܠܶܝܢ ܕܩܳܝܡܺܝܢ ܗ̱ܘܰܘ ܠܩܽܘܒܼܠܶܗ܂ ܘܟܼܽܠܶܗ ܥܰܡܳܐ܂ ܚܳܕܼܶܐ ܗ̱ܘܳܐ ܒܟܽܠܗܶܝܢ ܬܡܺܝܗܳܬܼܳܐ̈ ܕܗܳܘܝܳܢ̈ ܗ̱ܘܰܝ̈ ܒܺܐܝܕܼܶܗ܀
13:18 [ai]ܐܶܡܰܪ ܗ̱ܘܳܐ ܕܶܝܢ ܝܶܫܽܘܥ܂ ܠܡܳܢܳܐ ܕܳܡܝܳܐ ܡܰܠܟܿܽܘܬܼܳܐ ܕܰܐܠܳܗܳܐ܂ ܘܰܠܡܳܢܳܐ ܐܶܕܰܡܺܝܗ܂
13:19 [ai]ܕܳܡܝܳܐ ܠܰܦܼܪܶܕܿܬܳܐ ܕܿܚܰܪܕܠܳܐ܃ ܗܳܝ ܕܰܢܣܰܒܼ ܓܰܒܼܪܳܐ ܐܰܪܡܝܳܗ ܒܓܰܢܬܼܶܗ܂ ܘܰܪܒܼܳܬܼ ܘܰܗܘܳܬܼ ܐܺܝܠܳܢܳܐ ܪܰܒܿܳܐ܂ ܘܦܼܳܪܰܚܬܼܳܐ ܕܰܫܡܰܝܳܐ ܐܰܩܢܰܬܼ ܒܣܰܘܟܿܶܝܗ̈܀
13:20 [ai]ܬܽܘܒܼ ܐܶܡܰܪ ܝܶܫܽܘܥ܂ ܠܡܳܢܳܐ ܐܶܕܰܡܺܝܗ ܠܡܰܠܟܿܽܘܬܼܳܐ ܕܰܐܠܳܗܳܐ܂
13:21 [ai]ܕܳܡܝܳܐ ܠܰܚܡܺܝܪܳܐ ܕܢܶܣܒܿܰܬܼ ܐܰܢ̱ܬܿܬܼܳܐ܂ ܛܶܡܪܰܬܼ ܒܩܰܡܚܳܐ ܕܰܬܼܠܳܬܼ ܣܳܐܺܝܢ̈܃ ܥܕܼܰܡܳܐ ܕܟܽܠܶܗ ܚܡܰܥ܀܀
13:22 [ai]ܘܪܳܕܼܶܐ ܗ̱ܘܳܐ ܒܩܽܘܪ̈ܝܳܐ ܘܒܼܰܡܕܼܺܝܢܳܬܼܳܐ̈܂ ܟܰܕܼ ܡܰܠܶܦܼ܃ ܘܳܐܙܶܠ ܠܽܐܘܪܺܫܠܶܡ܀
13:23 [ai]ܫܰܐܠܶܗ ܕܶܝܢ ܐ̱ܢܳܫ܂ ܕܶܐܢ ܙܥܽܘܪ̈ܺܝܢ ܐܶܢܽܘܢ ܐܰܝܠܶܝܢ ܕܚܳܐܶܝܢ܀
13:24 [ai]ܝܶܫܽܘܥ ܕܶܝܢ ܐܶܡܰܪ ܠܗܽܘܢ܂ ܐܶܬܼܟܿܰܬ̱ܿܫܘ ܠܡܶܥܰܠ ܒܬܰܪܥܳܐ ܐܰܠܺܝܨܳܐ܂ ܐܳܡܰܪ ܐ̱ܢܳܐ ܠܟܼܽܘܢ ܓܶܝܪ܃ ܕܣܰܓܿܺܝܶܐܐ̈ ܢܶܒܼܥܽܘܢ ܠܡܶܥܰܠ܂ ܘܠܳܐ ܢܶܫܟܿܚܽܘܢ܂
13:25 [ai]ܡܶܢ ܫܳܥܬܼܳܐ ܕܰܢܩܽܘܡ ܡܳܪܶܐ ܒܰܝܬܳܐ܂ ܘܢܶܐܚܽܘܕܼ ܬܰܪܥܳܐ܂ ܘܬܼܶܗܘܽܘܢ ܩܳܝܡܺܝܢ ܠܒܼܰܪ܂ ܘܢܳܩܫܺܝܢ ܒܬܰܪܥܳܐ܂ ܘܰܬܼܫܰܪܽܘܢ ܠܡܺܐܡܰܪ܂ ܡܳܪܰܢ ܡܳܪܰܢ܂ ܦܬܼܰܚ ܠܰܢ܂ ܘܢܶܥܢܶܐ ܗܽܘ܂ ܘܢܺܐܡܰܪ܂ ܐܳܡܰܪ ܐ̱ܢܳܐ ܠܟܼܽܘܢ܂ ܕܠܳܐ ܝܳܕܼܰܥ ܐ̱ܢܳܐ ܠܟܼܽܘܢ܂ ܐܰܝܡܶܟܿܳܐ ܐܰܢ̱ܬܿܽܘܢ܂
13:26 [ai]ܘܰܬܼܫܰܪܽܘܢ ܠܡܺܐܡܰܪ܂ ܩܕܼܳܡܰܝܟܿ ܐܶܟܼܰܠܢ܂ ܘܶܐܫܬܿܺܝܢ܂ ܘܰܒܫܽܘܩܰܝܢ̈ ܐܰܠܶܦܼܬܿ܂
13:27 [ai]ܘܢܺܐܡܰܪ ܠܟܼܽܘܢ܃ ܕܠܳܐ ܝܳܕܼܰܥ ܐ̱ܢܳܐ ܠܟܼܽܘܢ܂ ܐܰܝܡܶܟܿܳܐ ܐܰܢ̱ܬܿܽܘܢ܂ ܦܪܽܘܩܘ ܠܟܼܽܘܢ ܡܶܢܝ ܦܳܠܚܰܝ̈ ܫܽܘܩܪܳܐ܀
13:28 [ai]ܬܰܡܳܢ ܢܶܗܘܶܐ ܒܶܟܼܝܳܐ܂ ܘܚܽܘܪܳܩ ܫܶܢܶܐ̈܂ ܟܰܕܼ ܬܶܚܙܽܘܢ ܠܰܐܒܼܪܳܗܳܡ ܘܠܺܐܝܣܚܳܩ ܘܰܠܝܰܥܩܽܘܒܼ܃ ܘܰܠܟܼܽܠܗܽܘܢ ܢܒܼܺܝܶܐ̈ ܒܡܰܠܟܿܽܘܬܼܳܐ ܕܰܐܠܳܗܳܐ܂ ܐܰܢ̱ܬܿܽܘܢ ܕܶܝܢ ܬܶܗܘܽܘܢ ܡܰܦܿܩܺܝܢ ܠܒܼܰܪ܂
13:29 [ai]ܘܢܺܐܬܼܽܘܢ ܡܶܢ ܡܰܕܼܢܚܳܐ ܘܡܶܢ ܡܰܥܪܒܼܳܐ܃ ܘܡܶܢ ܬܰܝܡܢܳܐ ܘܡܶܢ ܓܰܪܒܼܝܳܐ܃ ܘܢܶܣܬܿܰܡܟܿܽܘܢ ܒܡܰܠܟܿܽܘܬܼܳܐ ܕܰܐܠܳܗܳܐ܀
13:30 [ai]ܘܗܳܐ ܐܺܝܬܼ ܐ̱ܚܪ̈ܳܝܶܐ܂ ܕܢܶܗܘܽܘܢ ܩܰܕܼܡܳܝ̈ܶܐ܂ ܘܺܐܝܬܼ ܩܰܕܼܡܳܝ̈ܶܐ܂ ܕܢܶܗܘܽܘܢ ܐ̱ܚܪ̈ܳܝܶܐ܀
13:31 [ai]ܒܶܗ ܒܗܰܘ ܝܰܘܡܳܐ܃ ܩܪܶܒܼܘ ܐ̱ܢܳܫܳܐ ܡܶܢ ܦܿܪ̈ܺܝܫܶܐ܂ ܘܳܐܡܪܺܝܢ ܠܶܗ܂ ܦܽܘܩ ܙܶܠ ܠܳܟܼ ܡܶܟܿܳܐ܂ ܡܶܛܽܠ ܕܗܶܪܳܘܕܼܶܣ ܨܳܒܼܶܐ ܠܡܶܩܛܠܳܟܼ܂
13:32 [ai]ܐܳܡܰܪ ܠܗܽܘܢ ܝܶܫܽܘܥ܂ ܙܶܠܘ ܐܶܡܰܪܘ ܠܬܼܰܥܠܳܐ ܗܳܢܳܐ܃ ܕܗܳܐ ܡܰܦܿܶܩ ܐ̱ܢܳܐ ܫܺܐܕܼܶܐ̈܂ ܘܳܐܣܘܳܬܼܳܐ̈ ܥܳܒܼܶܕܼ ܐ̱ܢܳܐ܂ ܝܰܘܡܳܢܳܐ ܘܰܡܚܳܪ܂ ܘܰܠܝܰܘܡܳܐ ܕܰܬܼܠܳܬܼܳܐ ܡܶܫܬܿܰܡܠܶܐ ܐ̱ܢܳܐ܂
13:33 [ai]ܒܪܰܡ ܘܳܠܶܐ ܠܺܝ܂ ܕܝܰܘܡܳܢܳܐ ܘܰܡܚܳܪ ܐܶܣܥܽܘܪ܂ ܘܰܠܝܰܘܡܳܐ ܐ̱ܚܪܺܢܳܐ ܐܺܙܰܠ܂ ܡܶܛܽܠ ܕܠܳܐ ܡܶܫܟܿܚܳܐ ܕܰܢܒܼܺܝܳܐ ܢܺܐܒܼܰܕܼ ܠܒܼܰܪ ܡܶܢ ܐܽܘܪܺܫܠܶܡ܀
13:34 [ai]ܐܽܘܪܺܫܠܶܡ ܐܽܘܪܺܫܠܶܡ܃ ܩܳܛܠܰܬܼ ܢܒܼܺܝܶܐ̈܃ ܘܪܳܓܼܡܰܬܼ ܠܰܐܝܠܶܝܢ ܕܰܫܠܺܝܚܺܝܢ ܠܘܳܬܼܳܗ܃ ܟܡܳܐ ܙܰܒܼܢܺܝܢ̈ ܨܒܼܺܝܬܼ ܠܰܡܟܼܰܢܳܫܽܘ ܒܢܰܝܟܿܝ܃ ܐܰܝܟܼ ܬܿܰܪܢܳܓܼܽܘܠܬܳܐ ܕܟܳܢܫܳܐ ܦܿܰܪ̈ܽܘܓܼܶܝܗ ܬܚܶܝܬܼ ܓܶܦܼܶܝܗ̈܃ ܘܠܳܐ ܨܒܼܰܝܬܿܽܘܢ܂
13:35 [ai]ܗܳܐ ܡܶܫܬܿܒܼܶܩ ܠܟܼܽܘܢ ܒܰܝܬܿܟܼܽܘܢ܂ ܚܰܪܒܿܳܐ܂ ܐܳܡܰܪ ܐ̱ܢܳܐ ܠܟܼܽܘܢ ܓܶܝܪ܃ ܕܠܳܐ ܬܶܚܙܽܘܢܳܢܝ ܥܕܼܰܡܳܐ ܕܬܺܐܡܪܽܘܢ܂ ܒܪܺܝܟܼ ܗ̱ܽܘ ܕܳܐܬܼܶܐ ܒܰܫܡܶܗ ܕܡܳܪܝܳܐ܀܀

next chapter