← Back
The Comprehensive Aramaic Lexicon
← Return to the Text Browser
click on the file description for more information
62042: P Lk

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


15:01 [ai]ܡܶܬܼܩܰܪܒܼܺܝܢ ܗ̱ܘܰܘ ܕܶܝܢ ܠܘܳܬܼܶܗ ܡܳܟܼܣܶܐ̈ ܘܚܰܛܳܝܶܐ̈ ܕܢܶܫܡܥܽܘܢܳܝܗ̱ܝ܂
15:02 [ai]ܘܣܳܦܼܪ̈ܶܐ ܘܰܦܼܪ̈ܺܝܫܶܐ ܪܳܛܢܺܝܢ ܗ̱ܘܰܘ܂ ܘܳܐܡܪܺܝܢ܂ ܗܳܢܳܐ ܠܚܰܛܳܝܶܐ̈ ܡܩܰܒܿܶܠ܂ ܘܳܐܟܼܶܠ ܥܰܡܗܽܘܢ܀
15:03 [ai]ܘܶܐܡܰܪ ܠܗܽܘܢ ܝܶܫܽܘܥ ܡܰܬܼܠܳܐ ܗܳܢܳܐ܂
15:04 [ai]ܡܰܢܽܘ ܡܶܢܟܼܽܘܢ ܓܰܒܼܪܳܐ ܕܺܐܝܬܼ ܠܶܗ ܡܳܐܐ ܥܶܪ̈ܒܺܝܢ܃ ܘܶܐܢ ܢܺܐܒܼܰܕܼ ܚܰܕܼ ܡܶܢܗܽܘܢ܃ ܠܳܐ ܫܳܒܼܶܩ ܬܶܫܥܺܝܢ ܘܬܼܶܫܥܳܐ ܒܕܰܒܼܪܳܐ܃ ܘܳܐܙܶܠ ܒܿܳܥܶܐ ܠܗܰܘ ܕܶܐܒܼܰܕܼ ܥܕܼܰܡܳܐ ܕܢܶܫܟܿܚܺܝܘܗ̱ܝ܃
15:05 [ai]ܘܡܳܐ ܕܶܐܫܟܿܚܶܗ܂ ܚܳܕܼܶܐ ܘܫܳܩܶܠ ܠܶܗ ܥܰܠ ܟܰܬܼܦܿܳܬܼܶܗ̈܂
15:06 [ai]ܘܳܐܬܼܶܐ ܠܒܼܰܝܬܿܶܗ܂ ܘܩܳܪܶܐ ܠܪ̈ܳܚܡܰܘܗ̱ܝ ܘܠܰܫܒܼܳܒܼܰܘܗ̱ܝ̈܂ ܘܳܐܡܰܪ ܠܗܽܘܢ܂ ܚܕܼܰܘ ܥܰܡܝ ܕܶܐܫܟܿܚܶܬܼ ܥܶܪܒܿܝ ܕܿܰܐܒܺܝܕܼ ܗܘܳܐ܂
15:07 [ai]ܐܳܡܰܪ ܐ̱ܢܳܐ ܠܟܼܽܘܢ܃ ܕܗܳܟܼܰܢܳܐ ܬܶܗܘܶܐ ܚܰܕܼܽܘܬܼܳܐ ܒܰܫܡܰܝܳܐ ܥܰܠ ܚܰܕܼ ܚܰܛܳܝܳܐ ܕܬܳܐܶܒܼ܃ ܐܰܘ ܥܰܠ ܬܶܫܥܺܝܢ ܘܬܼܶܫܥܳܐ ܙܰܕܿܺܝܩܺܝܢ̈ ܕܠܳܐ ܡܶܬܼܒܿܰܥܝܳܐ ܠܗܽܘܢ ܬܝܳܒܿܽܘܬܼܳܐ܀
15:08 [ai]ܐܰܘ ܐܰܝܕܼܳܐ ܗ̱ܝ ܐܰܢ̱ܬܿܬܼܳܐ ܕܺܐܝܬܼ ܠܳܗ ܥܶܣܪܳܐ ܙܽܘܙܺܝܢ̈܂ ܘܬܼܰܘܒܿܶܕܼ ܚܰܕܼ ܡܶܢܗܽܘܢ܃ ܘܠܳܐ ܡܰܢܗܪܳܐ ܫܪܳܓܼܳܐ ܘܚܳܡܳܐ ܒܰܝܬܳܐ܃ ܘܒܼܳܥܝܳܐ ܠܶܗ ܒܛܺܝܠܳܐܺܝܬܼ܂ ܥܕܼܰܡܳܐ ܕܬܶܫܟܿܚܺܝܘܗ̱ܝ܂
15:09 [ai]ܘܡܳܐ ܕܶܐܫܟܿܰܚܬܼܶܗ܃ ܩܳܪܝܳܐ ܠܪ̈ܳܚܡܳܬܼܳܗ ܘܠܰܫܒܼܳܒܼܳܬܼܳܗ̈܂ ܘܳܐܡܪܳܐ ܠܗܶܝܢ܂ ܚܕܼܳܝܶܝܢ̈ ܥܰܡܝ܂ ܕܶܐܫܟܿܚܶܬܼ ܙܽܘܙܝ ܕܿܰܐܒܺܝܕܼ ܗ̱ܘܳܐ܂
15:10 [ai]ܐܳܡܰܪ ܐ̱ܢܳܐ ܠܟܼܽܘܢ܃ ܕܗܳܟܼܰܢܳܐ ܬܶܗܘܶܐ ܚܰܕܼܽܘܬܼܳܐ ܩܕܼܳܡ ܡܰܠܰܐܟܼܰܘܗ̱ܝ̈ ܕܰܐܠܳܗܳܐ܃ ܥܰܠ ܚܰܕܼ ܚܰܛܳܝܳܐ ܕܬܳܐܶܒܼ܀
15:11 [ai]ܘܶܐܡܰܪ ܗ̱ܘܳܐ ܠܗܽܘܢ ܬܽܘܒܼ ܝܶܫܽܘܥ܂ ܠܓܼܰܒܼܪܳܐ ܚܰܕܼ ܐܺܝܬܼ ܗ̱ܘܳܐ ܠܶܗ ܒܢܰܝܳܐ ܬܿܪ̈ܶܝܢ܂
15:12 [ai]ܘܶܐܡܰܪ ܠܶܗ ܒܪܶܗ ܙܥܽܘܪܳܐ܂ ܐܳܒܼܝ܃ ܗܰܒܼ ܠܺܝ ܦܳܠܓܿܽܘܬܼܳܐ ܕܡܳܛܝܳܐ ܠܺܝ ܡܶܢ ܒܰܝܬܿܳܟܼ܂ ܘܦܼܰܠܶܓܼ ܠܗܽܘܢ ܩܶܢܝܳܢܶܗ܂
15:13 [ai]ܘܡܶܢ ܒܳܬܼܰܪ ܝܰܘܡܳܬܼܳܐ̈ ܩܰܠܺܝܠ܃ ܟܰܢܶܫ ܗܰܘ ܒܪܶܗ ܙܥܽܘܪܳܐ ܟܽܠ ܡܶܕܶܡ ܕܰܡܛܳܝܗ̱ܝ܂ ܘܶܐܙܰܠ ܠܰܐܬܼܪܳܐ ܪܰܚܺܝܩܳܐ܂ ܘܬܼܰܡܳܢ ܒܰܕܿܰܪ ܩܶܢܝܳܢܶܗ܂ ܟܰܕܼ ܚܳܝܶܐ ܦܰܪܳܚܳܐܺܝܬܼ܂
15:14 [ai]ܘܟܼܰܕܼ ܓܰܡܰܪ ܟܽܠ ܡܶܕܶܡ ܕܺܐܝܬܼ ܗ̱ܘܳܐ ܠܶܗ܃ ܗܘܳܐ ܟܰܦܼܢܳܐ ܪܰܒܿܳܐ ܒܰܐܬܼܪܳܐ ܗܰܘ܂ ܘܫܰܪܺܝ ܚܳܣܰܪ ܠܶܗ܂
15:15 [ai]ܘܶܐܙܰܠ ܢܩܶܦܼ ܠܶܗ ܠܚܰܕܼ ܡܶܢ ܒܢܰܝ ܡܕܼܺܝܢ̱ܬܳܐ ܕܰܐܬܼܪܳܐ ܗܰܘ܂ ܘܗܽܘ ܫܰܕܿܪܶܗ ܠܰܩܪܺܝܬܼܳܐ܂ ܠܡܶܪܥܳܐ ܚܙܺܝܪ̈ܶܐ܂
15:16 [ai]ܘܡܶܬܼܪܰܓܼܪܰܓܼ ܗ̱ܘܳܐ ܠܡܶܡܠܳܐ ܟܰܪܣܶܗ ܡܶܢ ܚܰܪ̈ܽܘܒܼܶܐ ܗܳܢܽܘܢ܂ ܕܳܐܟܼܠܺܝܢ ܗ̱ܘܰܘ ܚܙܺܝܪ̈ܶܐ܂ ܘܠܳܐ ܐ̱ܢܳܫ ܝܳܗܶܒܼ ܗ̱ܘܳܐ ܠܶܗ܂
15:17 [ai]ܘܟܼܰܕܼ ܐܶܬܼܳܐ ܠܘܳܬܼ ܢܰܦܼܫܶܗ܂ ܐܶܡܰܪ܂ ܟܡܳܐ ܗܳܫܳܐ ܐܰܓܼܺܝܪ̈ܶܐ ܐܺܝܬܼ ܒܶܝܬܼ ܐܳܒܼܝ ܕܝܰܬܿܺܝܪ ܠܗܽܘܢ ܠܰܚܡܳܐ܃ ܘܶܐܢܳܐ ܗܳܪܟܿܳܐ܂ ܠܟܼܰܦܼܢܝ ܐܳܒܼܶܕܼ ܐ̱ܢܳܐ܂
15:18 [ai]ܐܶܩܽܘܡ ܐܺܙܰܠ ܠܘܳܬܼ ܐܳܒܼܝ܂ ܘܺܐܡܰܪ ܠܶܗ܂ ܐܳܒܼܝ܃ ܚܛܺܝܬܼ ܒܰܫܡܰܝܳܐ ܘܰܩܕܼܳܡܰܝܟܿ܂
15:19 [ai]ܘܠܳܐ ܡܶܟܿܺܝܠ ܫܳܘܶܐ ܐ̱ܢܳܐ ܕܰܒܼܪܳܟܼ ܐܶܬܼܩܪܶܐ܂ ܥܒܼܶܕܼܰܝܢܝ ܐܰܝܟܼ ܚܰܕܼ ܡܶܢ ܐܰܓܼܺܝܪ̈ܰܝܟܿ܂
15:20 [ai]ܘܩܳܡ ܐܶܬܼܳܐ ܠܘܳܬܼ ܐܰܒܼܽܘܗ̱ܝ܂ ܘܥܰܕܼ ܗܽܘ ܪܰܚܺܝܩ܃ ܚܙܳܝܗ̱ܝ ܐܰܒܼܽܘܗ̱ܝ܂ ܘܶܐܬܼܪܰܚܰܡ ܥܠܰܘܗ̱ܝ܂ ܘܰܪܗܶܛ ܢܦܼܰܠ ܥܰܠ ܨܰܘܪܶܗ܂ ܘܢܰܫܩܶܗ܂
15:21 [ai]ܘܶܐܡܰܪ ܠܶܗ ܒܪܶܗ܂ ܐܳܒܼܝ܃ ܚܛܺܝܬܼ ܒܰܫܡܰܝܳܐ ܘܰܩܕܼܳܡܰܝܟܿ܂ ܘܠܳܐ ܫܳܘܶܐ ܐ̱ܢܳܐ ܕܰܒܼܪܳܟܼ ܐܶܬܼܩܪܶܐ܂
15:22 [ai]ܐܶܡܰܪ ܕܶܝܢ ܐܰܒܼܽܘܗ̱ܝ ܠܥܰܒܼܕܿܰܘܗ̱ܝ̈܂ ܐܰܦܿܶܩܘ ܐܶܣܛܠܳܐ ܪܺܫܳܝܬܳܐ܂ ܐܰܠܒܿܶܫܽܘܗ̱ܝ܂ ܘܣܺܝܡܘ ܥܶܙܶܩܬܼܳܐ ܒܺܐܝܕܼܶܗ܂ ܘܰܐܣܶܐܢܽܘܗ̱ܝ ܡܣܳܢܶܐ̈܂
15:23 [ai]ܘܰܐܝܬܰܘ ܩܛܽܘܠܘ ܬܰܘܪܳܐ ܕܦܶܛܡܳܐ܂ ܘܢܶܐܟܼܽܘܠ ܘܢܶܬܼܒܿܰܣܰܡ܂
15:24 [ai]ܕܗܳܢܳܐ ܒܶܪܝ ܡܺܝܬܼܳܐ ܗܘܳܐ܂ ܘܰܚܝܳܐ܂ ܘܰܐܒܺܝܕܼܳܐ ܗܘܳܐ܂ ܘܶܐܫܬܿܟܼܰܚ܂ ܘܫܰܪܺܝܘ ܠܡܶܬܼܒܿܰܣܳܡܽܘ܂
15:25 [ai]ܗܰܘ ܕܶܝܢ ܒܪܶܗ ܩܰܫܺܝܫܳܐ܂ ܒܰܩܪܺܝܬܼܳܐ ܗ̱ܘܳܐ܂ ܘܟܼܰܕܼ ܐܶܬܼܳܐ܂ ܘܰܩܪܶܒܼ ܠܘܳܬܼ ܒܰܝܬܳܐ܃ ܫܡܰܥ ܩܳܠ ܙܡܳܪܳܐ ܕܣܰܓܿܺܝܶܐܐ̈܂
15:26 [ai]ܘܰܩܪܳܐ ܠܚܰܕܼ ܡܶܢ ܛܠܳܝܶܐ̈܂ ܘܫܰܐܠܶܗ܂ ܡܳܢܰܘ ܗܳܢܳܐ܂
15:27 [ai]ܐܳܡܰܪ ܠܶܗ܂ ܐܰܚܽܘܟܼ ܐܶܬܼܳܐ܂ ܘܰܩܛܰܠ ܐܰܒܼܽܘܟܼ ܬܰܘܪܳܐ ܕܦܶܛܡܳܐ܃ ܕܟܰܕܼ ܚܠܺܝܡ ܐܰܩܒܿܠܶܗ܂
15:28 [ai]ܘܰܪܓܼܶܙ܂ ܘܠܳܐ ܨܳܒܼܶܐ ܗ̱ܘܳܐ ܠܡܶܥܰܠ܂ ܘܰܢܦܼܰܩ ܐܰܒܼܽܘܗ̱ܝ ܒܥܳܐ ܡܶܢܶܗ܂
15:29 [ai]ܗܽܘ ܕܶܝܢ ܐܶܡܰܪ ܠܰܐܒܼܽܘܗ̱ܝ܂ ܗܳܐ ܟܡܳܐ ܫܢܺܝܢ̈܂ ܦܳܠܰܚ ܐ̱ܢܳܐ ܠܳܟܼ ܥܰܒܼܕܿܽܘܬܼܳܐ܂ ܘܠܳܐ ܡܶܡܬܼܽܘܡ ܥܶܒܼܪܶܬܼ ܦܽܘܩܕܳܢܳܟܼ܂ ܘܡܶܢ ܡܬܼܽܘܡ ܓܰܕܼܝܳܐ ܠܳܐ ܝܰܗ̱ܒܼܬܿ ܠܺܝ ܕܶܐܬܼܒܿܰܣܰܡ ܥܰܡ ܪ̈ܳܚܡܰܝ܂
15:30 [ai]ܠܗܳܢܳܐ ܕܶܝܢ ܒܪܳܟܼ܂ ܟܰܕܼ ܦܰܪܰܚ ܩܶܢܝܳܢܳܟܼ ܥܰܡ ܙܳܢܝܳܬܼܳܐ̈܂ ܘܶܐܬܼܳܐ܃ ܢܟܼܰܣܬܿ ܠܶܗ ܬܰܘܪܳܐ ܕܦܶܛܡܳܐ܂
15:31 [ai]ܐܳܡܰܪ ܠܶܗ ܐܰܒܼܽܘܗ̱ܝ܂ ܒܶܪܝ܃ ܐܰܢ̱ܬܿ ܒܟܽܠܙܒܼܰܢ ܥܰܡܝ ܐܰܢ̱ܬܿ܂ ܘܟܼܽܠܡܶܕܶܡ ܕܺܝܠܝ܂ ܕܺܝܠܳܟܼ ܗ̱ܽܘ܂
15:32 [ai]ܠܡܶܒܼܣܰܡ ܕܶܝܢ ܘܳܠܶܐ ܗ̱ܘܳܐ ܠܰܢ܂ ܘܰܠܡܶܚܕܿܳܐ܂ ܕܗܳܢܳܐ ܐܰܚܽܘܟܼ ܡܺܝܬܼܳܐ ܗܘܳܐ܂ ܘܰܚܝܳܐ܂ ܘܰܐܒܺܝܕܼܳܐ ܗܘܳܐ܂ ܘܶܐܫܬܿܟܼܰܚ ܿ܀ܿ܀ܿ

next chapter