← Back
The Comprehensive Aramaic Lexicon
← Return to the Text Browser
click on the file description for more information
62042: P Lk

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܐܶܡܰܪ ܠܗܽܘܢ ܕܶܝܢ ܐܳܦܼ ܡܰܬܼܠܳܐ܂ ܕܰܒܼܟܼܽܠ ܥܶܕܳܢ ܢܨܰܠܽܘܢ܂ ܘܠܳܐ ܬܶܡܰܐܢ ܠܗܽܘܢ܂
18:02 [ai]ܕܰܝܳܢܳܐ ܚܰܕܼ ܐܺܝܬܼ ܗ̱ܘܳܐ ܒܰܡܕܼܺܝܢ̱ܬܳܐ ܚܕܼܳܐ܃ ܕܡܶܢ ܐܰܠܳܗܳܐ܂ ܠܳܐ ܕܳܚܶܠ ܗ̱ܘܳܐ܂ ܘܡܶܢ ܒܢܰܝܢܳܫܳܐ܂ ܠܳܐ ܡܶܬܼܟܿܰܚܰܕܼ ܗ̱ܘܳܐ܂
18:03 [ai]ܐܰܪܡܰܠܬܳܐ ܕܶܝܢ ܚܕܼܳܐ ܐܺܝܬܼ ܗ̱ܘܳܬܼ ܒܰܡܕܼܺܝܢ̱ܬܳܐ ܗܳܝ܂ ܘܳܐܬܼܝܳܐ ܗ̱ܘܳܬܼ ܠܘܳܬܼܶܗ܂ ܘܳܐܡܪܳܐ܂ ܬܒܼܰܥܰܝܢܝ ܡܶܢ ܒܥܶܠ ܕܺܝܢܝ܂
18:04 [ai]ܘܠܳܐ ܨܳܒܼܶܐ ܗ̱ܘܳܐ܂ ܙܰܒܼܢܳܐ ܣܰܓܿܺܝܳܐܐ܂ ܒܳܬܼܰܪܟܿܶܢ ܕܶܝܢ܂ ܐܶܡܰܪ ܒܢܰܦܼܫܶܗ܂ ܐܶܢ ܡܶܢ ܐܰܠܳܗܳܐ ܠܳܐ ܕܳܚܶܠ ܐ̱ܢܳܐ܃ ܘܡܶܢ ܒܢܰܝܢܳܫܳܐ ܠܳܐ ܡܶܬܼܟܿܰܚܰܕܼ ܐ̱ܢܳܐ܃
18:05 [ai]ܐܳܦܼܶܢ ܡܶܛܽܠ ܕܡܰܠܶܐܝܳܐ ܠܺܝ ܗܳܕܼܶܐ ܐܰܪܡܰܠܬܳܐ܃ ܐܶܬܼܒܥܺܝܗ܂ ܕܠܳܐ ܒܟܽܠ ܥܶܕܳܢ ܬܶܗܘܶܐ ܐܳܬܼܝܳܐ ܡܰܗܪܳܐ ܠܺܝ܂
18:06 [ai]ܘܶܐܡܰܪ ܡܳܪܰܢ܂ ܫܡܰܥܘ ܡܳܢܳܐ ܐܶܡܰܪ ܕܰܝܳܢܳܐ ܕܥܰܘܠܳܐ܃
18:07 [ai]ܐܰܠܳܗܳܐ ܕܶܝܢ܃ ܠܳܐ ܝܰܬܿܺܝܪܳܐܺܝܬܼ ܢܶܥܒܿܶܕܼ ܬܒܼܰܥܬܼܳܐ ܠܰܓܼܒܼܰܘܗ̱ܝ̈܃ ܕܩܳܪܶܝܢ ܠܶܗ ܒܺܐܝܡܳܡܳܐ ܘܰܒܠܺܠܝܳܐ܃ ܘܡܰܓܿܰܪ ܪܽܘܚܶܗ ܥܠܰܝܗܽܘܢ܃
18:08 [ai]ܐܳܡܰܪ ܐ̱ܢܳܐ ܠܟܼܽܘܢ܂ ܕܢܶܥܒܿܶܕܼ ܬܒܼܰܥܬܼܗܽܘܢ ܒܰܥܓܼܰܠ܂ ܒܪܰܡ ܢܺܐܬܼܶܐ ܒܪܶܗ ܕܐ̱ܢܳܫܳܐ܃ ܘܢܶܫܟܿܰܚ ܟܰܝ ܗܰܝܡܳܢܽܘܬܼܳܐ ܥܰܠ ܐܰܪܥܳܐ܀
18:09 [ai]ܘܶܐܡܰܪ ܗ̱ܘܳܐ ܡܰܬܼܠܳܐ ܗܳܢܳܐ܃ ܠܽܘܩܒܼܰܠ ܐ̱ܢܳܫܳܐ̈܂ ܐܰܝܠܶܝܢ ܕܰܬܼܟܼܺܝܠܺܝܢ ܥܰܠ ܢܰܦܼܫܗܽܘܢ ܕܺܐܝܬܼܰܝܗܽܘܢ ܙܰܕܿܺܝܩܶܐ̈܂ ܘܒܼܳܣܶܝܢ ܥܰܠ ܟܽܠܢܳܫ܂
18:10 [ai]ܬܿܪ̈ܶܝܢ ܓܿܰܒܼܪ̈ܺܝܢ ܣܠܶܩܘ ܠܗܰܝܟܠܳܐ܂ ܠܰܡܨܰܠܳܝܽܘ܂ ܚܰܕܼ ܦܪܺܝܫܳܐ܂ ܘܰܐ̱ܚܪܺܢܳܐ ܡܳܟܼܣܳܐ܂
18:11 [ai]ܘܗܰܘ ܦܪܺܝܫܳܐ܂ ܩܳܐܶܡ ܗ̱ܘܳܐ ܒܰܝܢܰܘܗ̱ܝ ܠܢܰܦܼܫܶܗ܃ ܘܗܳܠܶܝܢ ܡܨܰܠܶܐ ܗ̱ܘܳܐ܂ ܐܰܠܳܗܳܐ܂ ܡܰܘܕܿܶܐ ܐ̱ܢܳܐ ܠܳܟܼ܂ ܕܠܳܐ ܗ̱ܘܺܝܬܼ ܐܰܝܟܼ ܫܰܪܟܿܳܐ ܕܐ̱ܢܳܫܳܐ̈܂ ܚܳܛܽܘܦܼܶܐ̈ ܘܥܳܠܽܘܒܼܶܐ̈ ܘܓܼܰܝܳܪ̈ܶܐ܂ ܘܠܳܐ ܐܰܝܟܼ ܗܳܢܳܐ ܡܳܟܼܣܳܐ܂
18:12 [ai]ܐܶܠܳܐ ܨܳܐܶܡ ܐ̱ܢܳܐ ܬܿܪ̈ܶܝܢ ܒܫܰܒܿܬܼܳܐ܂ ܘܰܡܥܰܣܰܪ ܐ̱ܢܳܐ ܟܽܠ ܡܶܕܶܡ ܕܩܳܢܶܐ ܐ̱ܢܳܐ܂
18:13 [ai]ܗܰܘ ܕܶܝܢ ܡܳܟܼܣܳܐ ܩܳܐܶܡ ܗ̱ܘܳܐ ܡܶܢ ܪܽܘܚܩܳܐ܃ ܘܠܳܐ ܨܳܒܼܶܐ ܗ̱ܘܳܐ܂ ܐܳܦܼ ܠܳܐ ܥܰܝܢܰܘܗ̱ܝ̈ ܢܪܺܝܡ ܠܰܫܡܰܝܳܐ܂ ܐܶܠܳܐ ܛܳܪܶܦܼ ܗ̱ܘܳܐ ܥܰܠ ܚܰܕܼܝܶܗ܂ ܘܳܐܡܰܪ܂ ܐܰܠܳܗܳܐ ܚܽܘܢܰܝܢܝ܂ ܠܚܰܛܳܝܳܐ܂
18:14 [ai]ܐܳܡܰܪ ܐ̱ܢܳܐ ܠܟܼܽܘܢ܃ ܕܰܢܚܶܬܼ ܗܳܢܳܐ ܡܙܰܕܿܰܩ ܠܒܼܰܝܬܿܶܗ܂ ܝܰܬܿܺܝܪ ܡܶܢ ܗܰܘ ܦܪܺܝܫܳܐ܂ ܟܽܠ ܐ̱ܢܳܫ ܓܶܝܪ ܕܰܢܪܺܝܡ ܢܰܦܼܫܶܗ܂ ܢܶܬܼܡܰܟܿܰܟܼ܂ ܘܟܼܽܠ ܕܢܰܡܶܟܼ ܢܰܦܼܫܶܗ܂ ܢܶܬܿܬܿܪܺܝܡ܀܀
18:15 [ai]ܩܰܪܶܒܼܘ ܗ̱ܘܰܘ ܠܶܗ ܕܶܝܢ ܐܳܦܼ ܝܰܠܽܘܕܼܶܐ̈܂ ܕܢܶܩܪܽܘܒܼ ܠܗܽܘܢ܂ ܘܰܚܙܰܘ ܐܶܢܽܘܢ ܬܰܠܡܺܝܕܼܰܘܗ̱ܝ̈܂ ܘܰܟܼܰܐܘ ܒܗܽܘܢ܂
18:16 [ai]ܗܽܘ ܕܶܝܢ ܝܶܫܽܘܥ ܩܪܳܐ ܐܶܢܽܘܢ܂ ܘܶܐܡܰܪ ܠܗܽܘܢ܂ ܫܒܼܽܘܩܘ ܛܠܳܝܶܐ̈ ܐܳܬܼܶܝܢ ܠܘܳܬܼܝ܂ ܘܠܳܐ ܬܶܟܼܠܽܘܢ ܐܶܢܽܘܢ܂ ܕܕܼܰܐܝܠܶܝܢ ܓܶܝܪ܂ ܕܰܐܝܟܼ ܗܳܠܶܝܢ ܐܶܢܽܘܢ܃ ܕܺܝܠܗܽܘܢ ܗܺܝ ܡܰܠܟܿܽܘܬܼܳܐ ܕܰܫܡܰܝܳܐ܀
18:17 [ai]ܐܰܡܺܝܢ ܐܳܡܰܪ ܐ̱ܢܳܐ ܠܟܼܽܘܢ܃ ܕܡܰܢ ܕܠܳܐ ܢܩܰܒܿܶܠ ܡܰܠܟܿܽܘܬܼܳܐ ܕܰܐܠܳܗܳܐ܂ ܐܰܝܟܼ ܛܰܠܝܳܐ܂ ܠܳܐ ܢܶܥܽܘܠ ܠܳܗ܀܀
18:18 [ai]ܘܫܰܐܠܶܗ ܚܰܕܼ ܡܶܢ ܪ̈ܺܫܳܢܶܐ܂ ܘܶܐܡܰܪ ܠܶܗ܂ ܡܰܠܦܼܳܢܳܐ ܛܳܒܼܳܐ܃ ܡܳܢܳܐ ܐܶܥܒܿܶܕܼ܂ ܕܺܐܪܰܬܼ ܚܰܝ̈ܶܐ ܕܰܠܥܳܠܰܡ܂
18:19 [ai]ܐܳܡܰܪ ܠܶܗ ܝܶܫܽܘܥ܂ ܡܳܢܳܐ ܩܳܪܶܐ ܐܰܢ̱ܬܿ ܠܺܝ ܛܳܒܼܳܐ܂ ܠܰܝܬܿ ܛܳܒܼܳܐ܂ ܐܶܠܳܐ ܐܶܢ ܚܰܕܼ܂ ܐܰܠܳܗܳܐ܂
18:20 [ai]ܦܽܘܩܕܳܢܶܐ̈ ܝܳܕܼܰܥ ܐܰܢ̱ܬܿ܂ ܠܳܐ ܬܶܩܛܽܘܠ܂ ܘܠܳܐ ܬܓܼܽܘܪ܂ ܘܠܳܐ ܬܶܓܼܢܽܘܒܼ܂ ܘܠܳܐ ܬܶܣܗܰܕܼ ܣܳܗܕܿܽܘܬܼܳܐ ܕܫܽܘܩܪܳܐ܂ ܝܰܩܰܪ ܠܰܐܒܼܽܘܟܼ܂ ܘܠܶܐܡܳܟܼ܂
18:21 [ai]ܐܳܡܰܪ ܠܶܗ܂ ܗܳܠܶܝܢ ܟܽܠܗܶܝܢ܂ ܢܶܛܪܶܬܼ ܐܶܢܶܝܢ̈܂ ܡܶܢ ܛܰܠܝܽܘܬܼܝ܂
18:22 [ai]ܟܰܕܼ ܫܡܰܥ ܕܶܝܢ ܗܳܠܶܝܢ ܝܶܫܽܘܥ܂ ܐܶܡܰܪ ܠܶܗ܂ ܚܕܼܳܐ ܚܰܣܺܝܪܳܐ ܠܳܟܼ܂ ܙܶܠ ܙܰܒܿܶܢ܂ ܟܽܠ ܡܶܕܶܡ ܕܺܐܝܬܼ ܠܳܟܼ܂ ܘܗܰܒܼ ܠܡܶܣܟܿܺܢܶܐ̈܂ ܘܬܼܶܗܘܶܐ ܠܳܟܼ ܣܺܝܡܬܼܳܐ ܒܰܫܡܰܝܳܐ܂ ܘܬܼܳܐ ܒܳܬܼܰܪܝ܀
18:23 [ai]ܗܽܘ ܕܶܝܢ ܟܰܕܼ ܫܡܰܥ ܗܳܠܶܝܢ܂ ܟܶܪܝܰܬܼ ܠܶܗ܂ ܥܰܬܿܺܝܪ ܗ̱ܘܳܐ ܓܶܝܪ ܛܳܒܼ܂
18:24 [ai]ܘܟܼܰܕܼ ܚܙܳܐ ܝܶܫܽܘܥ ܕܟܶܪܝܰܬܼ ܠܶܗ܂ ܐܶܡܰܪ܂ ܐܰܝܟܿܰܢܳܐ ܥܰܛܠܳܐ ܠܰܐܝܠܶܝܢ ܕܺܐܝܬܼ ܠܗܽܘܢ ܢܶܟܼܣܶܐ̈܃ ܕܢܶܥܠܽܘܢ ܠܡܰܠܟܿܽܘܬܼܶܗ ܕܰܐܠܳܗܳܐ܂
18:25 [ai]ܕܠܺܝܠܳܐ ܗ̱ܝ ܠܓܼܰܡܠܳܐ܂ ܕܒܰܚܪܽܘܪܳܐ ܕܰܡܚܰܛܳܐ ܢܶܥܽܘܠ܃ ܐܰܘ ܥܰܬܿܺܝܪܳܐ ܠܡܰܠܟܿܽܘܬܼܶܗ ܕܰܐܠܳܗܳܐ܂
18:26 [ai]ܐܳܡܪܺܝܢ ܠܶܗ ܐܰܝܠܶܝܢ ܕܰܫܡܰܥܘ܂ ܘܡܰܢܽܘ ܡܶܫܟܿܰܚ ܠܡܶܚܳܐ܂
18:27 [ai]ܝܶܫܽܘܥ ܕܶܝܢ ܐܶܡܰܪ܂ ܐܰܝܠܶܝܢ ܕܰܠܘܳܬܼ ܒܢܰܝ ܐ̱ܢܳܫܳܐ ܠܳܐ ܡܶܫܟܿܚܳܢ̈܃ ܠܘܳܬܼ ܐܰܠܳܗܳܐ ܡܶܫܟܿܚܳܢ̈ ܠܡܶܗܘܳܐ܂
18:28 [ai]ܐܳܡܰܪ ܠܶܗ ܫܶܡܥܽܘܢ ܟܺܐܦܼܳܐ܂ ܗܳܐ ܚܢܰܢ܂ ܫܒܼܰܩܢ ܟܽܠ ܡܶܕܶܡ܂ ܘܶܐܬܼܰܝܢ ܒܳܬܼܪܳܟܼ܂
18:29 [ai]ܐܳܡܰܪ ܠܶܗ ܝܶܫܽܘܥ܂ ܐܰܡܺܝܢ ܐܳܡܰܪ ܐ̱ܢܳܐ ܠܟܼܽܘܢ܃ ܕܠܰܝܬܿ ܐ̱ܢܳܫ ܕܫܳܒܼܶܩ ܒܳܬܿܶܐ̈܃ ܐܰܘ ܐܰܒܼܳܗܶܐ̈܃ ܐܰܘ ܐܰܚܶܐ̈܃ ܐܰܘ ܐܰܢ̱ܬܿܬܼܳܐ܃ ܐܰܘ ܒܢܰܝܳܐ܃ ܡܶܛܽܠ ܡܰܠܟܿܽܘܬܼܳܐ ܕܰܐܠܳܗܳܐ܃
18:30 [ai]ܘܠܳܐ ܢܩܰܒܿܶܠ ܒܰܐܥܦܼܶܐ̈ ܣܰܓܿܺܝܶܐܐ̈ ܒܗܳܢܳܐ ܙܰܒܼܢܳܐ܂ ܘܰܒܥܳܠܡܳܐ ܕܳܐܬܼܶܐ܂ ܚܰܝ̈ܶܐ ܕܰܠܥܳܠܰܡ܀
18:31 [ai]ܘܰܕܼܒܼܰܪ ܝܶܫܽܘܥ ܠܰܬܼܪܶܥܣܰܪܬܿܶܗ܂ ܘܶܐܡܰܪ ܠܗܽܘܢ܂ ܗܳܐ܂ ܣܳܠܩܺܝܢܰܢ ܠܽܐܘܪܺܫܠܶܡ܂ ܘܡܶܫܬܿܰܠܡܳܢ̈ ܟܽܠܗܶܝܢ ܕܰܟܼܬܼܺܝܒܼܳܢ̈ ܒܰܢܒܼܺܝܶܐ̈܂ ܥܰܠ ܒܪܶܗ ܕܐ̱ܢܳܫܳܐ܂
18:32 [ai]ܢܶܫܬܿܠܶܡ ܓܶܝܪ ܠܥܰܡ̱ܡܶܐ̈܃ ܘܰܢܒܼܰܙܚܽܘܢ ܒܶܗ܂ ܘܢܶܪܩܽܘܢ ܒܰܐܦܿܰܘܗ̱ܝ̈܂
18:33 [ai]ܘܰܢܢܰܓܿܕܼܽܘܢܳܝܗ̱ܝ܂ ܘܰܢܨܰܥܪܽܘܢܳܝܗ̱ܝ܂ ܘܢܶܩܛܠܽܘܢܳܝܗ̱ܝ܂ ܘܰܠܝܰܘܡܳܐ ܕܰܬܼܠܳܬܼܳܐ ܢܩܽܘܡ܀
18:34 [ai]ܗܶܢܽܘܢ ܕܶܝܢ ܚܕܼܳܐ ܡܶܢ ܗܳܠܶܝܢ ܠܳܐ ܐܶܣܬܿܰܟܿܰܠܘ܂ ܐܶܠܳܐ ܡܟܼܰܣܝܳܐ ܗ̱ܘܳܬܼ ܡܶܢܗܽܘܢ ܡܶܠܬܼܳܐ ܗܳܕܼܶܐ܃ ܘܠܳܐ ܝܳܕܼܥܺܝܢ ܗ̱ܘܰܘ ܗܳܠܶܝܢ ܕܡܶܬܼܡܰܠܠܳܢ̈ ܥܰܡܗܽܘܢ ܿ܀ܿ܀ܿ
18:35 [ai]ܘܟܼܰܕܼ ܩܰܪܺܝܒܼ ܠܺܐܝܪܺܝܚܽܘ܃ ܣܰܡܝܳܐ ܚܰܕܼ ܝܳܬܼܶܒܼ ܗ̱ܘܳܐ ܥܰܠ ܝܰܕܼ ܐܽܘܪܚܳܐ܂ ܘܚܳܕܼܰܪ܂
18:36 [ai]ܘܰܫܡܰܥ ܩܳܠ ܟܶܢܫܳܐ܂ ܕܥܳܒܼܰܪ܂ ܘܰܡܫܰܐܶܠ ܗ̱ܘܳܐ܂ ܕܡܰܢܽܘ ܗܳܢܳܐ܂
18:37 [ai]ܐܳܡܪܺܝܢ ܠܶܗ܂ ܝܶܫܽܘܥ ܢܳܨܪܳܝܳܐ ܥܳܒܼܰܪ܂
18:38 [ai]ܘܰܩܥܳܐ܂ ܘܶܐܡܰܪ܂ ܝܶܫܽܘܥ ܒܪܶܗ ܕܕܼܰܘܺܝܕܼ܃ ܐܶܬܼܪܰܚܰܡ ܥܠܰܝ܂
18:39 [ai]ܘܰܐܝܠܶܝܢ ܕܳܐܙܺܠ̱ܝܢ ܗ̱ܘܰܘ ܩܕܼܳܡܰܘܗ̱ܝ ܕܝܶܫܽܘܥ܃ ܟܳܐܶܝܢ ܗ̱ܘܰܘ ܒܶܗ܂ ܕܢܶܫܬܿܽܘܩ܂ ܗܽܘ ܕܶܝܢ ܝܰܬܿܺܝܪܳܐܺܝܬܼ ܩܳܥܶܐ ܗ̱ܘܳܐ܂ ܒܪܶܗ ܕܕܼܰܘܺܝܕܼ܃ ܐܶܬܼܪܰܚܰܡ ܥܠܰܝ܂
18:40 [ai]ܘܩܳܡ ܝܶܫܽܘܥ܂ ܘܰܦܼܩܰܕܼ ܕܢܰܝܬܿܽܘܢܳܝܗ̱ܝ ܠܘܳܬܼܶܗ܂ ܘܟܼܰܕܼ ܩܪܶܒܼ ܠܘܳܬܼܶܗ܃ ܫܰܐܠܶܗ܂
18:41 [ai]ܘܶܐܡܰܪ ܠܶܗ܂ ܡܳܢܳܐ ܨܳܒܼܶܐ ܐܰܢ̱ܬܿ ܐܶܥܒܿܶܕܼ ܠܳܟܼ܂ ܗܽܘ ܕܶܝܢ ܐܶܡܰܪ܂ ܡܳܪܝ܂ ܕܶܐܚܙܶܐ܂
18:42 [ai]ܘܝܶܫܽܘܥ ܐܶܡܰܪ ܠܶܗ܂ ܚܙܺܝ܂ ܗܰܝܡܳܢܽܘܬܼܳܟܼ ܐܰܚܝܰܬܼܳܟܼ܂
18:43 [ai]ܘܒܼܰܪ ܫܳܥܬܼܶܗ ܚܙܳܐ܂ ܘܳܐܬܼܶܐ ܗ̱ܘܳܐ ܒܳܬܼܪܶܗ܂ ܘܰܡܫܰܒܿܰܚ ܠܰܐܠܳܗܳܐ܂ ܘܟܼܽܠܶܗ ܥܰܡܳܐ ܕܰܚܙܳܐ܃ ܝܰܗ̱ܒܼ ܗ̱ܘܳܐ ܫܽܘܒܼܚܳܐ ܠܰܐܠܳܗܳܐ܀

next chapter