← Back
The Comprehensive Aramaic Lexicon
← Return to the Text Browser
click on the file description for more information
62042: P Lk

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


23:01 [ai]ܘܩܳܡܘ ܟܽܠܶܗ ܟܶܢܫܗܽܘܢ܃ ܘܰܐܝܬܿܝܽܘܗ̱ܝ ܠܘܳܬܼ ܦܿܺܝܠܰܛܳܘܣ܀
23:02 [ai]ܘܫܰܪܺܝܘ ܐܳܟܼܠܺܝܢ ܩܰܪ̈ܨܰܘܗ̱ܝ܂ ܘܳܐܡܪܺܝܢ܂ ܠܗܳܢܳܐ ܐܶܫܟܿܰܚܢ ܕܡܰܛܥܶܐ ܥܰܡܰܢ܂ ܘܟܼܳܠܶܐ ܕܰܟܼܣܶܦܼ ܪܺܫܳܐ ܠܩܶܣܰܪ ܠܳܐ ܢܶܬܿܶܠ܂ ܘܳܐܡܰܪ ܥܰܠ ܢܰܦܼܫܶܗ܂ ܕܡܰܠܟܿܳܐ ܗ̱ܘ ܡܫܺܝܚܳܐ܀
23:03 [ai]ܦܿܺܝܠܰܛܳܘܣ ܕܶܝܢ ܫܰܐܠܶܗ܂ ܘܶܐܡܰܪ ܠܶܗ܂ ܐܰܢ̱ܬܿ ܗ̱ܽܘ ܡܰܠܟܿܳܐ ܕܺܝܗܽܘܕܼܳܝܶܐ̈܂ ܐܳܡܰܪ ܠܶܗ܂ ܐܰܢ̱ܬܿ ܐܶܡܰܪܬܿ܀
23:04 [ai]ܘܶܐܡܰܪ ܦܿܺܝܠܰܛܳܘܣ ܠܪ̈ܰܒܰܝ ܟܳܗܢܶܐ̈܂ ܘܰܠܟܼܶܢܫܳܐ܂ ܐܶܢܳܐ ܡܶܕܶܡ ܥܶܠܬܼܳܐ܂ ܠܳܐ ܡܶܫܟܿܰܚ ܐ̱ܢܳܐ ܥܰܠ ܓܰܒܼܪܳܐ ܗܳܢܳܐ܂
23:05 [ai]ܗܶܢܽܘܢ ܕܶܝܢ ܡܰܙܥܩܺܝܢ ܗ̱ܘܰܘ܂ ܘܳܐܡܪܺܝܢ܂ ܕܫܰܓܼܫܶܗ ܠܥܰܡܰܢ܂ ܟܰܕܼ ܡܰܠܶܦܼ ܒܟܽܠܳܗ ܺܝܗܽܘܕܼ܂ ܘܫܰܪܺܝ ܡܶܢ ܓܠܺܝܠܳܐ܂ ܘܰܥܕܼܰܡܳܐ ܠܗܳܪܟܿܳܐ ܿ܀ܿ܀ܿ
23:06 [ai]ܦܿܺܝܠܰܛܳܘܣ ܕܶܝܢ ܟܰܕܼ ܫܡܰܥ ܫܡܳܐ ܕܰܓܼܠܺܝܠܳܐ܃ ܫܰܐܶܠ܂ ܕܶܐܢ ܓܰܒܼܪܳܐ ܗܽܘ ܓܠܺܝܠܳܝܳܐ܂
23:07 [ai]ܘܟܼܰܕܼ ܺܝܕܼܰܥ ܕܡܶܢ ܬܚܶܝܬܼ ܫܽܘܠܛܳܢܳܐ ܗܽܘ ܕܗܶܪܳܘܕܼܶܣ܃ ܫܰܕܿܪܶܗ ܠܘܳܬܼܶܗ ܕܗܶܪܳܘܕܼܶܣ܂ ܡܶܛܽܠ ܕܒܽܐܘܪܺܫܠܶܡ ܗ̱ܘܳܐ ܒܗܳܢܽܘܢ ܝܰܘܡܳܬܼܳܐ̈܂
23:08 [ai]ܗܶܪܳܘܕܼܶܣ ܕܶܝܢ ܟܰܕܼ ܚܙܳܝܗ̱ܝ ܠܝܶܫܽܘܥ܂ ܚܕܼܺܝ ܛܳܒܼ܂ ܨܳܒܼܶܐ ܗ̱ܘܳܐ ܓܶܝܪ ܠܡܶܚܙܝܶܗ ܡܶܢ ܙܰܒܼܢܳܐ ܣܰܓܿܺܝܳܐܐ܂ ܡܶܛܽܠ ܕܫܳܡܰܥ ܗ̱ܘܳܐ ܥܠܰܘܗ̱ܝ ܣܰܓܿܺܝܳܐܬܼܳܐ̈܂ ܘܡܰܣܒܰܪ ܗ̱ܘܳܐ܂ ܕܿܡܶܕܶܡ ܐܳܬܼܳܐ ܢܶܚܙܶܐ ܡܶܢܶܗ܂
23:09 [ai]ܘܡܶܠܶܐ̈ ܣܰܓܿܺܝܳܐܬܼܳܐ̈ ܡܫܰܐܶܠ ܗ̱ܘܳܐ ܠܶܗ܂ ܝܶܫܽܘܥ ܕܶܝܢ܂ ܡܶܕܶܡ ܦܶܬܼܓܼܳܡܳܐ ܠܳܐ ܐܰܬܼܺܝܒܼܶܗ܀
23:10 [ai]ܩܳܝܡܺܝܢ ܗ̱ܘܰܘ ܕܶܝܢ܂ ܪ̈ܰܒܰܝ ܟܳܗܢܶܐ̈ ܘܣܳܦܼܪ̈ܶܐ܂ ܘܥܰܙܺܝܙܳܐܺܝܬܼ ܐܳܟܼܠܺܝܢ ܗ̱ܘܰܘ ܩܰܪ̈ܨܰܘܗ̱ܝ܂
23:11 [ai]ܗܶܪܳܘܕܼܶܣ ܕܶܝܢ ܫܳܛܶܗ܂ ܗܽܘ ܘܦܼܳܠܚܰܘܗ̱ܝ̈܂ ܘܟܼܰܕܼ ܡܒܼܰܙܰܚ܃ ܐܰܠܒܿܫܶܗ ܢܰܚܬܿܶܐ̈ ܕܰܙܚܽܘܪܺܝܬܼܳܐ܂ ܘܫܰܕܿܪܶܗ ܠܘܳܬܼ ܦܿܺܝܠܰܛܳܘܣ܂
23:12 [ai]ܘܰܒܗܰܘ ܝܰܘܡܳܐ܂ ܗܘܰܘ ܪ̈ܳܚܡܶܐ ܦܿܺܝܠܰܛܳܘܣ ܘܗܶܪܳܘܕܼܶܣ ܥܰܡ ܚܕܼܳܕܼܶܐ̈܂ ܒܥܶܠܕܿܒܼܳܒܼܽܘܬܼܳܐ ܗܘܳܬܼ ܓܶܝܪ ܡܶܢ ܩܕܼܺܝܡ ܒܰܝܢܳܬܼܗܽܘܢ܀
23:13 [ai]ܩܪܳܐ ܕܶܝܢ ܦܿܺܝܠܰܛܳܘܣ ܠܪ̈ܰܒܰܝ ܟܳܗܢܶܐ̈ ܘܠܰܐܪ̈ܟܼܽܘܢܶܐ ܘܰܠܥܰܡܳܐ܂
23:14 [ai]ܘܶܐܡܰܪ ܠܗܽܘܢ܂ ܩܰܪܶܒܼܬܿܽܘܢ ܠܺܝ ܓܰܒܼܪܳܐ ܗܳܢܳܐ܂ ܐܰܝܟܼ ܡܰܗܦܿܶܟܼ ܥܰܡܟܼܽܘܢ܂ ܘܗܳܐ ܐܶܢܳܐ ܥܰܩܶܒܼܬܿܶܗ ܠܥܺܢܰܝܟܿܽܘܢ̈܂ ܘܥܶܠܬܼܳܐ ܡܶܕܶܡ ܠܳܐ ܐܶܫܟܿܚܶܬܼ ܒܓܰܒܼܪܳܐ ܗܳܢܳܐ܂ ܡܶܢ ܟܽܠ ܕܡܰܪܫܶܝܢ ܐܢ̱ܬܿܽܘܢ ܒܶܗ܂
23:15 [ai]ܐܶܠܳܐ ܐܳܦܼܠܳܐ ܗܶܪܳܘܕܼܶܣ܂ ܫܰܕܿܰܪܬܿܶܗ ܓܶܝܪ ܠܘܳܬܼܶܗ܂ ܘܗܳܐ܂ ܠܳܐ ܡܶܕܶܡ ܕܫܳܘܶܐ ܠܡܰܘܬܳܐ ܣܥܺܝܪ ܠܶܗ܂
23:16 [ai]ܐܶܪܕܿܶܝܘܗ̱ܝ ܗܳܟܼܺܝܠ܂ ܘܶܐܫܒܿܩܺܝܘܗ̱ܝ܀
23:17 [ai]ܥܝܳܕܼܳܐ ܓܶܝܪ ܐܺܝܬܼ ܗ̱ܘܳܐ܂ ܕܢܶܫܪܶܐ ܠܗܽܘܢ ܚܰܕܼ ܒܥܰܕܼܥܺܕܼܳܐ܂
23:18 [ai]ܩܥܰܘ ܕܶܝܢ ܟܽܠܶܗ ܟܶܢܫܳܐ܂ ܘܳܐܡܪܺܝܢ܂ ܫܩܽܘܠܳܝܗ̱ܝ ܠܗܳܢܳܐ܂ ܘܰܫܪܺܝ ܠܰܢ ܠܒܼܰܪ ܐܰܒܿܰܐ܂
23:19 [ai]ܗܰܘ ܐܰܝܢܳܐ ܕܡܶܛܽܠ ܐܶܣܛܰܣܺܝܣ ܕܰܗܘܳܬܼ ܒܰܡܕܼܺܝܢ̱ܬܳܐ ܘܩܶܛܠܳܐ܂ ܪܡܶܐ ܗ̱ܘܳܐ ܒܶܝܬܼ ܐܰܣܺܝܪ̈ܶܐ܀
23:20 [ai]ܬܽܘܒܼ ܕܶܝܢ ܡܰܠܶܠ ܥܰܡܗܽܘܢ ܦܿܺܝܠܰܛܳܘܣ܃ ܟܰܕܼ ܨܳܒܼܶܐ ܕܢܶܫܪܶܐ ܠܝܶܫܽܘܥ܂
23:21 [ai]ܗܶܢܽܘܢ ܕܶܝܢ ܩܳܥܶܝܢ ܗ̱ܘܰܘ܂ ܘܳܐܡܪܺܝܢ܂ ܙܩܽܘܦܼܳܝܗ̱ܝ܂ ܙܩܽܘܦܼܳܝܗ̱ܝ܀
23:22 [ai]ܗܽܘ ܕܶܝܢ ܕܰܬܼܠܳܬܼ ܙܰܒܼܢܺܝܢ̈܂ ܐܶܡܰܪ ܠܗܽܘܢ܂ ܡܳܢܳܐ ܓܶܝܪ ܕܒܺܝܫ ܥܒܼܰܕܼ ܗܳܢܳܐ܂ ܡܶܕܶܡ ܥܶܠܬܼܳܐ ܕܫܳܘܝܳܐ ܠܡܰܘܬܳܐ܂ ܠܳܐ ܐܶܫܟܿܚܶܬܼ ܒܶܗ܂ ܐܶܪܕܿܶܝܘܗ̱ܝ ܗܳܟܼܺܝܠ܂ ܘܶܐܫܒܿܩܺܝܘܗ̱ܝ܂
23:23 [ai]ܗܶܢܽܘܢ ܕܶܝܢ܂ ܬܿܳܟܼܒܺܝܢ ܗ̱ܘܰܘ ܒܩܳܠܳܐ ܪܳܡܳܐ܂ ܘܫܳܐܠܺܝܢ ܗ̱ܘܰܘ ܠܶܗ ܕܢܶܙܩܦܼܽܘܢܳܝܗ̱ܝ܂ ܘܰܥܫܶܢ ܗ̱ܘܳܐ ܩܳܠܗܽܘܢ ܕܺܝܠܗܽܘܢ ܘܰܕܼܪ̈ܰܒܰܝ ܟܳܗܢܶܐ̈܀
23:24 [ai]ܦܿܺܝܠܰܛܳܘܣ ܕܶܝܢ ܦܩܰܕܼ ܕܬܶܗܘܶܐ ܫܶܐܠܰܬܼܗܽܘܢ܂
23:25 [ai]ܘܰܫܪܳܐ ܠܗܽܘܢ ܠܗܰܘ ܕܡܶܛܽܠ ܐܶܣܛܰܣܺܝܣ ܘܩܶܛܠܳܐ ܪܡܶܐ ܗ̱ܘܳܐ ܒܶܝܬܼ ܐܰܣܺܝܪ̈ܶܐ܂ ܗܰܘ ܕܰܫܶܐܠܘ܂ ܠܝܶܫܽܘܥ ܕܶܝܢ ܐܰܫܠܶܡ ܠܨܶܒܼܝܳܢܗܽܘܢ܀
23:26 [ai]ܘܟܼܰܕܼ ܡܰܘܒܿܠܺܝܢ ܠܶܗ܃ ܐܶܚܰܕܼܘ ܠܫܶܡܥܽܘܢ ܩܽܘܪܺܝܢܳܝܳܐ ܕܳܐܬܼܶܐ ܡܶܢ ܩܪܺܝܬܼܳܐ܃ ܘܣܳܡܘ ܥܠܰܘܗ̱ܝ ܙܩܺܝܦܼܳܐ ܕܢܶܛܥܰܢ ܒܳܬܼܪܶܗ ܕܝܶܫܽܘܥ܂
23:27 [ai]ܘܳܐܬܼܶܐ ܗ̱ܘܳܐ ܒܳܬܼܪܶܗ ܣܽܘܓܼܳܐܐ ܕܥܰܡܳܐ܂ ܘܢܶܫܶܐ̈ ܐܰܝܠܶܝܢ ܕܿܡܰܪ̈ܩܕܼܳܢ ܗ̱ܘܰܝ̈܂ ܘܳܐܠܝܳܢ̈ ܥܠܰܘܗ̱ܝ܂
23:28 [ai]ܘܶܐܬܼܦܿܢܺܝ ܝܶܫܽܘܥ ܠܘܳܬܼܗܶܝܢ ܘܶܐܡܰܪ܂ ܒܢܳܬܼ ܐܽܘܪܺܫܠܶܡ܂ ܠܳܐ ܬܶܒܼܟܿܝܳܢ̈ ܥܠܰܝ܂ ܒܪܰܡ ܥܰܠ ܢܰܦܼܫܟܼܶܝܢ ܒܟܳܝܶܝܢ̈܂ ܘܥܰܠ ܒܢܰܝܟܿܶܝܢ܂
23:29 [ai]ܕܗܳܐ ܐܳܬܼܶܝܢ ܝܰܘܡܳܬܼܳܐ̈ ܕܰܒܼܗܽܘܢ ܢܺܐܡܪܽܘܢ܃ ܛܽܘܒܼܰܝܗܶܝܢ̈ ܠܥܰܩܪ̈ܳܬܼܳܐ܂ ܘܰܠܟܼܰܪ̈ܣܳܬܼܳܐ ܕܠܳܐ ܺܝܠܶܕܼ܃ ܘܠܰܬܿܕܼܰܝܳܐ̈ ܕܠܳܐ ܐܰܝܢܶܩܘ܂
23:30 [ai]ܗܳܝܕܶܝܢ ܬܫܰܪܽܘܢ ܠܡܺܐܡܰܪ ܠܛܽܘܪ̈ܶܐ܂ ܕܦܶܠܘ ܥܠܰܝܢ܂ ܘܰܠܪ̈ܳܡܳܬܼܳܐ܂ ܕܟܰܣܳܝܶܢܳܢ̈܂
23:31 [ai]ܕܶܐܢ ܒܩܰܝܣܳܐ ܪܰܛܺܝܒܼܳܐ ܗܳܠܶܝܢ ܥܳܒܼܕܺܝܢ܃ ܒܝܰܒܺܝܫܳܐ ܡܳܢܳܐ ܢܶܗܘܶܐ܂
23:32 [ai]ܘܳܐܬܼܶܝܢ ܗ̱ܘܰܘ ܥܰܡܶܗ ܬܿܪ̈ܶܝܢ ܚܪ̈ܳܢܺܝܢ܂ ܥܳܒܼܕܿܰܝ̈ ܒܺܝܫܳܬܼܳܐ̈܂ ܕܢܶܬܼܩܰܛܠܽܘܢ܀
23:33 [ai]ܘܟܼܰܕܼ ܐܶܬܼܰܘ ܠܕܼܽܘܟܿܬܼܳܐ ܚܕܼܳܐ܂ ܕܡܶܬܼܩܰܪܝܳܐ ܩܰܪܩܰܦܼܬܼܳܐ܃ ܙܰܩܦܿܽܘܗ̱ܝ ܬܰܡܳܢ܂ ܘܰܠܗܳܢܽܘܢ ܥܳܒܼܕܿܰܝ̈ ܒܺܝܫܳܬܼܳܐ̈܃ ܚܰܕܼ ܡܶܢ ܝܰܡܺܝܢܶܗ܂ ܘܚܰܕܼ ܡܶܢ ܣܶܡܳܠܶܗ܀
23:34 [ai]ܗܽܘ ܕܶܝܢ ܝܶܫܽܘܥ ܐܶܡܰܪ ܗ̱ܘܳܐ܂ ܐܰܒܼܳܐ܂ ܫܒܼܽܘܩ ܠܗܽܘܢ܂ ܠܳܐ ܓܶܝܪ ܝܳܕܼܥܺܝܢ ܡܳܢܳܐ ܥܳܒܼܕܺܝܢ܀ ܘܦܼܰܠܶܓܼܘ ܢܰܚܬܰܘܗ̱ܝ̈܂ ܘܰܐܪܡܺܝܘ ܥܠܰܝܗܽܘܢ ܦܶܣܳܐ܂
23:35 [ai]ܩܳܐܶܡ ܗ̱ܘܳܐ ܕܶܝܢ ܥܰܡܳܐ܂ ܘܚܳܙܶܐ܂ ܘܰܡܡܰܝܩܺܝܢ ܗ̱ܘܰܘ ܒܶܗ ܐܳܦܼ ܐܰܪ̈ܟܼܽܘܢܶܐ܂ ܘܳܐܡܪܺܝܢ܂ ܠܰܐ̱ܚܪ̈ܳܢܶܐ ܐܰܚܺܝ܃ ܢܰܚܶܐ ܢܰܦܼܫܶܗ܂ ܐܶܢ ܗܽܘܝܽܘ ܡܫܺܝܚܳܐ ܓܰܒܼܝܶܗ ܕܰܐܠܳܗܳܐ܂
23:36 [ai]ܘܰܡܒܼܰܙܚܺܝܢ ܗ̱ܘܰܘ ܒܶܗ ܐܳܦܼ ܐܶܣܛܪ̈ܰܛܺܝܽܘܛܶܐ܃ ܟܰܕܼ ܩܳܪܒܺܝܢ ܠܘܳܬܼܶܗ܂ ܘܰܡܩܰܪܒܼܺܝܢ ܠܶܗ ܚܰܠܳܐ܂
23:37 [ai]ܘܳܐܡܪܺܝܢ ܠܶܗ܂ ܐܶܢ ܐܰܢ̱ܬܿ ܗ̱ܽܘ ܡܰܠܟܿܳܐ ܕܺܝܗܽܘܕܼܳܝܶܐ̈܂ ܐܰܚܳܐ ܢܰܦܼܫܳܟܼ܀
23:38 [ai]ܐܺܝܬܼ ܗ̱ܘܳܐ ܕܶܝܢ ܐܳܦܼ ܟܬܼܳܒܼܳܐ ܕܰܟܼܬܼܺܝܒܼ ܠܥܶܠ ܡܶܢܶܗ܃ ܝܰܘܢܳܐܺܝܬܼ܂ ܘܰܪܽܗ̱ܘܡܳܐܺܝܬܼ܂ ܘܥܶܒܼܪܳܐܺܝܬܼ܂ ܗܳܢܰܘ ܡܰܠܟܿܳܐ ܕܺܝܗܽܘܕܼܳܝܶܐ̈܀
23:39 [ai]ܚܰܕܼ ܕܶܝܢ ܡܶܢ ܗܳܢܽܘܢ ܥܳܒܼܕܿܰܝ̈ ܒܺܝܫܳܬܼܳܐ̈ ܕܰܨܠܺܝܒܼܺܝܢ ܗ̱ܘܰܘ ܥܰܡܶܗ܃ ܡܓܼܰܕܿܶܦܼ ܗ̱ܘܳܐ ܥܠܰܘܗ̱ܝ܂ ܘܳܐܡܰܪ܂ ܐܶܢ ܐܰܢ̱ܬܿ ܗ̱ܽܘ ܡܫܺܝܚܳܐ܃ ܦܰܨܳܐ ܢܰܦܼܫܳܟܼ܂ ܘܦܼܰܨܳܐ ܐܳܦܼ ܠܰܢ܂
23:40 [ai]ܘܰܟܼܐܳܐ ܒܶܗ ܚܰܒܼܪܶܗ܂ ܘܶܐܡܰܪ ܠܶܗ܂ ܐܳܦܼ ܠܳܐ ܡܶܢ ܐܰܠܳܗܳܐ ܕܳܚܶܠ ܐܰܢ̱ܬܿ܃ ܕܳܐܦܼ ܐܰܢ̱ܬܿ ܒܶܗ ܐܰܢ̱ܬܿ ܒܕܺܝܢܳܐ܃
23:41 [ai]ܘܰܚܢܰܢ ܟܺܐܢܳܐܺܝܬܼ܂ ܐܰܝܟܼ ܕܫܳܘܶܝܢ ܗ̱ܘܰܝܢ ܓܶܝܪ܂ ܘܰܐܝܟܼ ܕܰܥܒܼܰܕܼܢ ܐܶܬܼܦܪܰܥܢ܂ ܗܳܢܳܐ ܕܶܝܢ ܡܶܕܶܡ ܕܰܣܢܶܐ܂ ܠܳܐ ܥܒܼܺܝܕܼ ܠܶܗ܂
23:42 [ai]ܘܶܐܡܰܪ ܠܝܶܫܽܘܥ܃ ܐܶܬܿܕܿܰܟܼܪܰܝܢܝ ܡܳܪܝ܃ ܡܳܐ ܕܳܐܬܼܶܐ ܐܰܢ̱ܬܿ ܒܡܰܠܟܿܽܘܬܼܳܟܼ܂
23:43 [ai]ܐܳܡܰܪ ܠܶܗ ܝܶܫܽܘܥ܂ ܐܰܡܺܝܢ ܐܳܡܰܪ ܐ̱ܢܳܐ ܠܳܟܼ܃ ܕܝܰܘܡܳܢܳܐ ܥܰܡܝ ܬܶܗܘܶܐ ܒܦܰܪܕܿܰܝܣܳܐ܀
23:44 [ai]ܐܺܝܬܼ ܗ̱ܘܰܝ̈ ܕܶܝܢ ܐܰܝܟܼ ܫܳܥܶܐ̈ ܫܶܬܼ܂ ܘܰܗܘܳܐ ܚܶܫܽܘܟܼܳܐ ܥܰܠ ܟܽܠܳܗ ܐܰܪܥܳܐ܂ ܥܕܼܰܡܳܐ ܠܰܬܼܫܰܥ ܫܳܥܺܝܢ̈܂
23:45 [ai]ܘܫܶܡܫܳܐ ܚܫܶܟܼ܂ ܘܶܐܨܛܪ̈ܺܝ ܐܰܦܿܰܝ̈ ܬܰܪܥܳܐ ܕܗܰܝܟܠܳܐ܂ ܡܶܢ ܡܨܰܥܬܼܶܗ܀
23:46 [ai]ܘܰܩܥܳܐ ܝܶܫܽܘܥ ܒܩܳܠܳܐ ܪܳܡܳܐ܂ ܘܶܐܡܰܪ܂ ܐܳܒܼܝ܂ ܒܺܐܝܕܼܰܝܟܿ̈ ܣܳܐܶܡ ܐ̱ܢܳܐ ܪܽܘܚܝ܂ ܗܳܕܼܶܐ ܐܶܡܰܪ܂ ܘܰܫܠܶܡ܀
23:47 [ai]ܟܰܕܼ ܚܙܳܐ ܕܶܝܢ ܩܶܢܛܪܽܘܢܳܐ ܡܶܕܶܡ ܕܰܗܘܳܐ܃ ܫܰܒܿܰܚ ܠܰܐܠܳܗܳܐ܂ ܘܶܐܡܰܪ܂ ܫܰܪܺܝܪܳܐܺܝܬܼ ܗܳܢܳܐ ܓܰܒܼܪܳܐ܂ ܙܰܕܿܺܝܩܳܐ ܗ̱ܘܳܐ܀
23:48 [ai]ܘܟܼܽܠܗܽܘܢ ܟܶܢܫܶܐ̈܂ ܐܰܝܠܶܝܢ ܕܰܟܼܢܺܝܫܺܝܢ ܗ̱ܘܰܘ ܠܰܚܙܳܬܼܳܐ ܗܳܕܼܶܐ܃ ܟܰܕܼ ܚܙܰܘ ܡܶܕܶܡ ܕܰܗܘܳܐ܃ ܗܦܼܰܟܼܘ ܟܰܕܼ ܛܳܪܦܿܺܝܢ ܥܰܠ ܚܰܕܼܺܝܗܽܘܢ܂
23:49 [ai]ܘܩܳܝܡܺܝܢ ܗ̱ܘܰܘ ܡܶܢ ܪܽܘܚܩܳܐ܂ ܟܽܠܗܽܘܢ ܝܳܕܼܽܘܥܰܘܗ̱ܝ̈ ܕܝܶܫܽܘܥ܃ ܘܢܶܫܶܐ̈ ܐܰܝܠܶܝܢ ܕܶܐܬܼܰܝ̈ ܗ̱ܘܰܝ̈ ܥܰܡܶܗ ܡܶܢ ܓܠܺܝܠܳܐ܂ ܘܚܳܙܶܝܢ̈ ܗ̱ܘܰܘ ܗܳܠܶܝܢ܀
23:50 [ai]ܓܰܒܼܪܳܐ ܕܶܝܢ ܚܰܕܼ ܕܰܫܡܶܗ ܝܰܘܣܶܦܼ ܒܽܘܠܶܘܛܺܐ܃ ܡܶܢ ܪܳܡܬܼܳܐ ܡܕܼܺܝܢ̱ܬܳܐ ܕܺܝܗܽܘܕܼ܃ ܓܰܒܼܪܳܐ ܗܘܳܐ ܛܳܒܼܳܐ ܘܙܰܕܿܺܝܩܳܐ܂
23:51 [ai]ܗܳܢܳܐ ܠܳܐ ܫܳܠܶܡ ܗ̱ܘܳܐ ܠܨܶܒܼܝܳܢܗܽܘܢ ܘܰܠܣܽܘܥܪܳܢܗܽܘܢ܂ ܘܰܡܣܰܟܿܶܐ ܗ̱ܘܳܐ ܠܡܰܠܟܿܽܘܬܼܳܐ ܕܰܐܠܳܗܳܐ܀
23:52 [ai]ܗܳܢܳܐ܂ ܩܪܶܒܼ ܠܘܳܬܼ ܦܿܺܝܠܰܛܳܘܣ܂ ܘܰܫܐܶܠ ܦܰܓܼܪܶܗ ܕܝܶܫܽܘܥ܂
23:53 [ai]ܘܰܐܚܬܼܶܗ ܘܟܼܰܪܟܼܶܗ ܒܰܚܝܳܨܳܐ ܕܟܶܬܿܳܢܳܐ܃ ܘܣܳܡܶܗ ܒܒܼܶܝܬܼ ܩܒܼܽܘܪܳܐ ܢܩܺܝܪܳܐ܂ ܗܰܘ ܕܠܳܐ ܐ̱ܢܳܫ ܥܕܼܰܟܿܺܝܠ ܐܶܬܿܬܣܺܝܡ ܗ̱ܘܳܐ ܒܶܗ܂
23:54 [ai]ܘܝܰܘܡܳܐ ܥܪܽܘܒܼܬܳܐ ܗ̱ܘܳܬܼ܂ ܘܫܰܒܿܬܼܳܐ ܢܳܓܼܗܳܐ ܗ̱ܘܳܬܼ܀
23:55 [ai]ܩܰܪ̈ܺܝܒܼܳܢ ܗ̱ܘܰܝ̈ ܕܶܝܢ ܢܶܫܶܐ̈ ܗܳܠܶܝܢ ܕܶܐܬܼܰܝ̈ ܥܰܡܶܗ ܡܶܢ ܓܠܺܝܠܳܐ܃ ܘܰܚܙܰܝܳܝܗ̱ܝ̈ ܠܩܰܒܼܪܳܐ ܘܰܐܝܟܿܰܢܳܐ ܐܶܬܿܬܣܺܝܡ ܦܰܓܼܪܶܗ܀
23:56 [ai]ܘܰܗܦܼܰܟܼ ܛܰܝܶܒܼ ܗܶܪ̈ܽܘܡܶܐ ܘܒܼܶܣܡܶܐ̈܂ ܘܰܒܫܰܒܿܬܼܳܐ ܫܠܰܝ̈ ܐܰܝܟܼ ܕܰܦܼܩܺܝܕܼ ܿ܀ܿ܀ܿ

next chapter