The Comprehensive Aramaic Lexicon

06:01 [ai]	ܒܳܬܼܰܪ ܗܳܠܶܝܢ܃ ܐܶܙܰܠ ܝܶܫܽܘܥ ܠܥܶܒܼܪܳܐ ܕܝܰܡܳܐ ܕܰܓܼܠܺܝܠܳܐ܂ ܕܛܺܒܼܶܪܺܝܳܘܣ܂
06:02 [ai]	ܘܶܐܙܰܠܘ ܒܳܬܼܪܶܗ ܟܶܢܫܶܐ̈ ܣܰܓܿܺܝܶܐܐ̈܂ ܡܶܛܽܠ ܕܚܳܙܶܝܢ ܗ̱ܘܰܘ ܐܳܬܼܘܳܬܼܳܐ̈ ܕܥܳܒܼܶܕܼ ܒܰܟܼܪ̈ܺܝܗܶܐ܂
06:03 [ai]	ܘܰܣܠܶܩ ܝܶܫܽܘܥ ܠܛܽܘܪܳܐ܃ ܘܬܼܰܡܳܢ ܝܳܬܼܶܒܼ ܗ̱ܘܳܐ܂ ܥܰܡ ܬܰܠܡܺܝܕܼܰܘܗ̱ܝ̈܀
06:04 [ai]	ܩܰܪܺܝܒܼ ܗ̱ܘܳܐ ܕܶܝܢ ܥܰܕܼܥܺܕܼܳܐ ܕܦܶܨܚܳܐ ܕܺܝܗܽܘܕܼܳܝܶܐ̈܀
06:05 [ai]	ܘܰܐܪܺܝܡ ܥܰܝܢܰܘܗ̱ܝ̈ ܝܶܫܽܘܥ܃ ܘܰܚܙܳܐ ܟܶܢܫܳܐ ܣܰܓܿܺܝܳܐܐ ܕܳܐܬܼܶܐ ܠܘܳܬܼܶܗ܂ ܘܶܐܡܰܪ ܠܦܼܺܝܠܺܝܦܿܳܘܣ܂ ܐܰܝܡܶܟܿܳܐ ܢܶܙܒܿܶܢ ܠܰܚܡܳܐ ܕܢܶܐܟܼܠܽܘܢ ܗܳܠܶܝܢ܂
06:06 [ai]	ܗܳܕܼܶܐ ܕܶܝܢ܂ ܐܶܡܰܪ ܟܰܕܼ ܡܢܰܣܶܐ ܠܶܗ܂ ܗܽܘ ܓܶܝܪ ܝܳܕܼܰܥ ܗ̱ܘܳܐ ܡܳܢܳܐ ܥܬܼܺܝܕܼ ܠܡܶܥܒܿܰܕܼ܂
06:07 [ai]	ܐܳܡܰܪ ܠܶܗ ܦܼܺܝܠܺܝܦܿܳܘܣ܂ ܕܡܰܐܬܼܶܝܢ ܕܺܝܢܳܪ̈ܺܝܢ ܠܰܚܡܳܐ܂ ܠܳܐ ܣܳܦܼܶܩ ܠܗܽܘܢ܃ ܟܰܕܼ ܩܰܠܺܝܠ ܩܰܠܺܝܠ ܚܰܕܼ ܚܰܕܼ ܡܶܢܗܽܘܢ ܢܶܣܰܒܼ܂
06:08 [ai]	ܐܳܡܰܪ ܠܶܗ ܚܰܕܼ ܡܶܢ ܬܰܠܡܺܝܕܼܰܘܗ̱ܝ̈܂ ܐܰܢܕܿܪܶܐܘܳܣ ܐܰܚܽܘܗ̱ܝ ܕܫܶܡܥܽܘܢ ܟܺܐܦܼܳܐ܂
06:09 [ai]	ܐܺܝܬܼ ܬܢܳܢ ܛܰܠܝܳܐ ܚܰܕܼ܃ ܕܺܐܝܬܼ ܥܠܰܘܗ̱ܝ ܚܰܡܶܫ ܓܿܪ̈ܺܝܨܳܢ ܕܿܰܣܥܳܪ̈ܶܐ܂ ܘܰܬܼܪ̈ܶܝܢ ܢܽܘܢܺܝܢ̈܂ ܐܶܠܳܐ ܗܳܠܶܝܢ ܡܳܢܳܐ ܐܶܢܽܘܢ ܠܗܳܠܶܝܢ ܟܽܠܗܽܘܢ܂
06:10 [ai]	ܐܳܡܰܪ ܠܗܽܘܢ ܝܶܫܽܘܥ܂ ܥܒܼܶܕܼܘ ܐ̱ܢܳܫܳܐ ܟܽܠܗܽܘܢ ܕܢܶܣܬܿܰܡܟܿܽܘܢ܂ ܥܶܣܒܿܳܐ ܕܶܝܢ ܣܰܓܿܺܝ ܗ̱ܘܳܐ ܒܿܳܗ ܒܕܽܘܟܿܬܼܳܐ ܗܳܝ܂ ܘܶܐܣܬܿܡܶܟܼܘ ܓܿܰܒܼܪ̈ܶܐ ܒܡܶܢܝܳܢܳܐ܂ ܚܰܡܫܳܐ ܐܰܠܦܼܺܝܢ̈܂
06:11 [ai]	ܘܰܫܩܰܠ ܝܶܫܽܘܥ ܠܰܚܡܳܐ܃ ܘܒܼܰܪܶܟܼ܂ ܘܦܼܰܠܶܓܼ ܠܗܳܢܽܘܢ ܕܰܣܡܺܝܟܼܺܝܢ܂ ܘܗܳܟܼܰܢܳܐ ܐܳܦܼ ܡܶܢ ܢܽܘܢܶܐ̈܂ ܟܡܳܐ ܕܰܨܒܼܰܘ܂
06:12 [ai]	ܘܟܼܰܕܼ ܣܒܼܰܥܘ܂ ܐܶܡܰܪ ܠܬܼܰܠܡܺܝܕܼܰܘܗ̱ܝ̈܂ ܟܰܢܶܫܘ ܩܨܳܝܶܐ̈ ܕܺܝܬܼܰܪܘ܂ ܕܠܳܐ ܢܺܐܒܼܰܕܼ ܡܶܕܶܡ܂
06:13 [ai]	ܘܟܼܰܢܶܫܘ ܘܰܡܠܰܘ ܬܿܪ̈ܶܥܣܰܪ ܩܽܘܦܼܺܝܢܺܝܢ̈ ܩܨܳܝܶܐ̈܃ ܐܰܝܠܶܝܢ ܕܺܝܬܼܰܪܘ ܠܗܳܢܽܘܢ ܕܶܐܟܼܰܠܘ ܡܶܢ ܚܰܡܫܳܐ ܠܰܚܡܺܝܢ̈ ܕܿܰܣܥܳܪ̈ܶܐ܀
06:14 [ai]	ܗܳܢܽܘܢ ܕܶܝܢ ܐ̱ܢܳܫܳܐ܂ ܕܰܚܙܰܘ ܐܳܬܼܳܐ ܕܰܥܒܼܰܕܼ ܝܶܫܽܘܥ܃ ܐܳܡܪܺܝܢ ܗ̱ܘܰܘ܂ ܫܰܪܺܝܪܳܐܺܝܬܼ܂ ܗܳܢܰܘ ܢܒܼܺܝܳܐ ܕܳܐܬܼܶܐ ܠܥܳܠܡܳܐ܂
06:15 [ai]	ܝܶܫܽܘܥ ܕܶܝܢ ܺܝܕܼܰܥ܂ ܕܰܥܬܼܺܝܕܼܺܝܢ ܕܢܺܐܬܼܽܘܢ ܢܶܚܛܦܼܽܘܢܳܝܗ̱ܝ܂ ܘܢܶܥܒܿܕܼܽܘܢܳܝܗ̱ܝ ܡܰܠܟܿܳܐ܂ ܘܫܰܢܺܝ ܠܶܗ ܠܛܽܘܪܳܐ܂ ܗܽܘ ܒܰܠܚܽܘܕܼܰܘܗ̱ܝ ܿ܀ܿ܀ܿ
06:16 [ai]	ܘܟܼܰܕܼ ܗܘܳܐ ܪܰܡܫܳܐ܃ ܢܚܶܬܼܘ ܬܰܠܡܺܝܕܼܰܘܗ̱ܝ̈ ܠܝܰܡܳܐ܂
06:17 [ai]	ܘܺܝܬܼܶܒܼܘ ܒܰܣܦܼܺܝܢ̱ܬܳܐ܂ ܘܳܐܬܼܶܝܢ ܗ̱ܘܰܘ ܠܥܶܒܼܪܳܐ ܠܰܟܼܦܼܰܪܢܰܚܽܘܡ܂ ܘܚܶܫܟܿܰܬܼ ܗ̱ܘܳܬܼ ܠܳܗ܂ ܘܠܳܐ ܐܰܬܿܺܝ ܗ̱ܘܳܐ ܠܘܳܬܼܗܽܘܢ ܝܶܫܽܘܥ܂
06:18 [ai]	ܝܰܡܳܐ ܕܶܝܢ ܐܶܙܕܿܩܶܦܼ ܗ̱ܘܳܐ ܥܠܰܝܗܽܘܢ܂ ܡܶܛܽܠ ܕܪܽܘܚܳܐ ܪܰܒܿܬܼܳܐ ܢܶܫܒܿܰܬܼ ܗ̱ܘܳܬܼ܂
06:19 [ai]	ܘܰܕܼܒܼܰܪܘ ܐܰܝܟܼ ܐܶܣܛܕܼܰܘܳܬܼܳܐ̈ ܥܶܣܪܺܝܢ ܘܚܰܡܫܳܐ܂ ܐܰܘ ܬܠܳܬܼܺܝܢ܂ ܘܰܚܙܰܘ ܠܝܶܫܽܘܥ ܟܰܕܼ ܡܗܰܠܶܟܼ ܥܰܠ ܝܰܡܬܼܳܐ܂ ܘܟܼܰܕܼ ܩܪܶܒܼ ܠܘܳܬܼ ܣܦܼܺܝܢ̱ܬܿܗܽܘܢ܂ ܕܚܶܠܘ܂
06:20 [ai]	ܗܽܘ ܕܶܝܢ ܝܶܫܽܘܥ ܐܶܡܰܪ ܠܗܽܘܢ܂ ܐܶܢܳܐ ܐ̱ܢܳܐ ܠܳܐ ܬܶܕܼܚܠܽܘܢ܂
06:21 [ai]	ܘܰܨܒܼܰܘ ܗ̱ܘܰܘ ܕܰܢܩܰܒܿܠܽܘܢܳܝܗ̱ܝ ܒܰܣܦܼܺܝܢ̱ܬܳܐ܂ ܘܒܼܳܗ ܒܫܳܥܬܼܳܐ ܣܦܼܺܝܢ̱ܬܳܐ ܗܳܝ ܗܘܳܬܼ ܠܘܳܬܼ ܐܰܪܥܳܐ܂ ܗܳܝ ܕܳܐܙܺܠ̱ܝܢ ܗ̱ܘܰܘ ܠܳܗ܀
06:22 [ai]	ܘܰܠܝܰܘܡܳܐ ܕܒܳܬܼܪܶܗ܃ ܗܰܘ ܟܶܢܫܳܐ ܕܩܳܐܶܡ ܗ̱ܘܳܐ ܒܥܶܒܼܪܳܐ ܕܝܰܡܳܐ܃ ܚܙܰܘ ܕܰܣܦܼܺܝܢ̱ܬܳܐ ܐ̱ܚܪܺܬܼܳܐ ܠܰܝܬܿ ܗ̱ܘܳܐ ܬܰܡܳܢ܂ ܐܶܠܳܐ ܐܶܢ ܗܳܝ ܕܰܣܠܶܩܘ ܠܳܗ ܬܰܠܡܺܝܕܼܶܐ̈܂ ܘܰܕܼܠܳܐ ܥܰܠ ܗ̱ܘܳܐ ܥܰܡܗܽܘܢ ܝܶܫܽܘܥ ܥܰܡ ܬܰܠܡܺܝܕܼܰܘܗ̱ܝ̈ ܠܰܣܦܼܺܝܢ̱ܬܳܐ܂
06:23 [ai]	ܐܶܬܼܰܝ̈ ܗ̱ܘܰܝ̈ ܕܶܝܢ ܐܶܠܦܼܶܐ̈ ܐ̱ܚܪ̈ܳܢܝܳܬܼܳܐ ܡܶܢ ܛܒܼܶܪܺܝܳܘܣ܃ ܥܰܠ ܓܶܢ̱ܒܼ ܕܽܘܟܿܬܼܳܐ ܗܳܝ ܕܶܐܟܼܰܠܘ ܒܿܳܗ ܠܰܚܡܳܐ܂ ܟܰܕܼ ܒܰܪܶܟܼ ܝܶܫܽܘܥ܂
06:24 [ai]	ܘܟܼܰܕܼ ܚܙܳܐ ܗܰܘ ܟܶܢܫܳܐ ܕܠܳܐ ܗܘܳܐ ܬܰܡܳܢ ܝܶܫܽܘܥ܂ ܐܳܦܼܠܳܐ ܬܰܠܡܺܝܕܼܰܘܗ̱ܝ̈܃ ܣܠܶܩܘ ܠܗܳܠܶܝܢ ܐܶܠܦܼܶܐ̈܂ ܘܶܐܬܼܰܘ ܠܰܟܼܦܼܰܪܢܰܚܽܘܡ܂ ܘܒܼܳܥܶܝܢ ܗ̱ܘܰܘ ܠܶܗ ܠܝܶܫܽܘܥ܂
06:25 [ai]	ܘܟܼܰܕܼ ܐܶܫܟܿܚܽܘܗ̱ܝ ܒܥܶܒܼܪܳܐ ܕܝܰܡܳܐ܂ ܐܳܡܪܺܝܢ ܠܶܗ܂ ܪܰܒܰܢ܃ ܐܶܡܰܬܼܝ ܐܶܬܼܰܝܬܿ ܠܗܳܪܟܿܳܐ܂
06:26 [ai]	ܥܢܳܐ ܝܶܫܽܘܥ܂ ܘܶܐܡܰܪ ܠܗܽܘܢ܂ ܐܰܡܺܝܢ ܐܰܡܺܝܢ ܐܳܡܰܪ ܐ̱ܢܳܐ ܠܟܼܽܘܢ܃ ܕܒܳܥܶܝܢ ܐܢ̱ܬܿܽܘܢ ܠܺܝ܃ ܠܳܐ ܗ̱ܘܳܐ ܡܶܛܽܠ ܕܰܚܙܰܝܬܿܽܘܢ ܐܳܬܼܘܳܬܼܳܐ̈܂ ܐܶܠܳܐ ܕܶܐܟܼܰܠܬܿܽܘܢ ܠܰܚܡܳܐ ܘܰܣܒܼܰܥܬܿܽܘܢ܂
06:27 [ai]	ܠܳܐ ܬܶܦܼܠܚܽܘܢ ܡܶܐܟܼܽܘܠܬܳܐ ܕܳܐܒܼܕܿܳܐ܂ ܐܶܠܳܐ ܡܶܐܟܼܽܘܠܬܳܐ ܕܰܡܩܰܘܝܳܐ ܠܚܰܝ̈ܶܐ ܕܰܠܥܳܠܰܡ܂ ܐܰܝܕܼܳܐ ܕܰܒܼܪܶܗ ܕܐ̱ܢܳܫܳܐ ܢܶܬܿܶܠ ܠܟܼܽܘܢ܂ ܠܗܳܢܳܐ ܓܶܝܪ ܐܰܒܼܳܐ ܚܬܼܰܡ ܐܰܠܳܗܳܐ܂
06:28 [ai]	ܐܳܡܪܺܝܢ ܠܶܗ܂ ܡܳܢܳܐ ܢܶܥܒܿܶܕܼ ܕܢܶܦܼܠܽܘܚ ܥܒܼܳܕܼܶܐ̈ ܕܰܐܠܳܗܳܐ܂
06:29 [ai]	ܥܢܳܐ ܝܶܫܽܘܥ܂ ܘܶܐܡܰܪ ܠܗܽܘܢ܂ ܗܳܢܰܘ ܥܒܼܳܕܼܳܐ ܕܰܐܠܳܗܳܐ܂ ܕܰܬܼܗܰܝܡܢܽܘܢ ܒܡܰܢ ܕܗܽܘ ܫܰܕܿܰܪ܀
06:30 [ai]	ܐܳܡܪܺܝܢ ܠܶܗ܂ ܡܳܢܳܐ ܐܳܬܼܳܐ ܥܳܒܼܶܕܼ ܐܰܢ̱ܬܿ܃ ܕܢܶܚܙܶܐ ܘܰܢܗܰܝܡܶܢ ܒܳܟܼ܂ ܡܳܢܳܐ ܣܳܥܰܪ ܐܰܢ̱ܬܿ܂
06:31 [ai]	ܐܰܒܼܳܗܰܝܢ̈ ܡܰܢ̱ܢܳܐ ܐܶܟܼܰܠܘ ܒܡܰܕܼܒܪܳܐ܂ ܐܰܝܟܿܰܢܳܐ ܕܰܟܼܬܼܺܝܒܼ܂ ܕܠܰܚܡܳܐ ܡܶܢ ܫܡܰܝܳܐ܂ ܝܰܗ̱ܒܼ ܠܗܽܘܢ ܠܡܶܐܟܼܰܠ܂
06:32 [ai]	ܐܳܡܰܪ ܠܗܽܘܢ ܝܶܫܽܘܥ܂ ܐܰܡܺܝܢ ܐܰܡܺܝܢ ܐܳܡܰܪ ܐ̱ܢܳܐ ܠܟܼܽܘܢ܃ ܕܠܳܐ ܗ̱ܘܳܐ ܡܽܘܫܶܐ ܝܰܗ̱ܒܼ ܠܟܼܽܘܢ ܠܰܚܡܳܐ ܡܶܢ ܫܡܰܝܳܐ܂ ܐܶܠܳܐ ܐܳܒܼܝ ܝܳܗܶܒܼ ܠܟܼܽܘܢ ܠܰܚܡܳܐ ܕܩܽܘܫܬܳܐ ܡܶܢ ܫܡܰܝܳܐ܂
06:33 [ai]	ܠܰܚܡܶܗ ܓܶܝܪ ܕܰܐܠܳܗܳܐ ܐܺܝܬܼܰܘܗ̱ܝ܃ ܗܰܘ ܕܰܢܚܶܬܼ ܡܶܢ ܫܡܰܝܳܐ܂ ܘܝܳܗܶܒܼ ܚܰܝ̈ܶܐ ܠܥܳܠܡܳܐ܂
06:34 [ai]	ܐܳܡܪܺܝܢ ܠܶܗ܂ ܡܳܪܰܢ܃ ܒܟܽܠܙܒܼܰܢ ܗܰܒܼ ܠܰܢ ܠܰܚܡܳܐ ܗܳܢܳܐ܀
06:35 [ai]	ܐܳܡܰܪ ܠܗܽܘܢ ܝܶܫܽܘܥ܂ ܐܶܢܳܐ ܐ̱ܢܳܐ ܠܰܚܡܳܐ ܕܚܰܝ̈ܶܐ܀ ܡܰܢ ܕܳܐܬܼܶܐ ܠܘܳܬܼܝ ܠܳܐ ܢܶܟܼܦܿܰܢ܂ ܘܡܰܢ ܕܰܡܗܰܝܡܶܢ ܒܺܝ܂ ܠܳܐ ܢܶܨܗܶܐ ܠܥܳܠܰܡ܂
06:36 [ai]	ܐܶܠܳܐ ܐܶܡܪܶܬܼ ܠܟܼܽܘܢ܃ ܕܰܚܙܰܝܬܿܽܘܢܳܢܝ ܘܠܳܐ ܡܗܰܝܡܢܺܝܢ ܐܢ̱ܬܿܽܘܢ܂
06:37 [ai]	ܟܽܠ ܕܝܰܗ̱ܒܼ ܠܺܝ ܐܳܒܼܝ܂ ܠܘܳܬܼܝ ܢܺܐܬܼܶܐ܂ ܘܡܰܢ ܕܰܠܘܳܬܼܝ ܢܺܐܬܼܶܐ܂ ܠܳܐ ܐܰܦܿܩܶܗ ܠܒܼܰܪ܂
06:38 [ai]	ܕܢܶܚܬܿܶܬܼ ܡܶܢ ܫܡܰܝܳܐ܂ ܠܳܐ ܗ̱ܘܳܐ ܕܶܐܥܒܿܶܕܼ ܨܶܒܼܝܳܢܝ܂ ܐܶܠܳܐ ܕܶܐܥܒܿܶܕܼ
06:39 [ai]	ܗܳܢܰܘ ܕܶܝܢ ܨܶܒܼܝܳܢܶܗ ܕܡܰܢ ܕܫܰܕܿܪܰܢܝ܃ ܕܟܽܠ ܕܝܰܗ̱ܒܼ ܠܺܝ܂ ܠܳܐ ܐܰܘܒܿܶܕܼ ܡܶܢܶܗ܂ ܐܶܠܳܐ ܐܰܩܺܝܡܺܝܘܗ̱ܝ ܒܝܰܘܡܳܐ ܐ̱ܚܪܳܝܳܐ܂
06:40 [ai]	ܗܳܢܰܘ ܓܶܝܪ ܨܶܒܼܝܳܢܶܗ ܕܳܐܒܼܝ܂ ܕܟܽܠ ܕܚܳܙܶܐ ܠܰܒܼܪܳܐ ܘܰܡܗܰܝܡܶܢ ܒܶܗ܃ ܢܶܗܘܽܘܢ ܠܶܗ ܚܰܝ̈ܶܐ ܕܰܠܥܳܠܰܡ܂ ܘܶܐܢܳܐ ܐܰܩܺܝܡܺܝܘܗ̱ܝ ܒܝܰܘܡܳܐ ܐ̱ܚܪܳܝܳܐ܀
06:41 [ai]	ܺܝܗܽܘܕܼܳܝܶܐ̈ ܕܶܝܢ ܪܳܛܢܺܝܢ ܗ̱ܘܰܘ ܥܠܰܘܗ̱ܝ܃ ܕܶܐܡܰܪ ܕܶܐܢܳܐ ܐ̱ܢܳܐ ܠܰܚܡܳܐ ܕܢܶܚܬܿܶܬܼ ܡܶܢ ܫܡܰܝܳܐ܂
06:42 [ai]	ܘܳܐܡܪܺܝܢ ܗ̱ܘܰܘ܂ ܠܳܐ ܗ̱ܘܳܐ ܗܳܢܳܐ ܝܶܫܽܘܥ܂ ܒܪܶܗ ܕܝܰܘܣܶܦܼ܂ ܗܰܘ ܕܰܚܢܰܢ ܝܳܕܼܥܺܝܢ ܠܰܐܒܼܽܘܗ̱ܝ ܘܠܶܐܡܶܗ܂ ܘܰܐܝܟܿܰܢܳܐ ܐܳܡܰܪ ܗܳܢܳܐ ܕܡܶܢ ܫܡܰܝܳܐ ܢܶܚܬܿܶܬܼ܀
06:43 [ai]	ܥܢܳܐ ܝܶܫܽܘܥ܂ ܘܶܐܡܰܪ ܠܗܽܘܢ܂ ܠܳܐ ܬܶܪܛܢܽܘܢ ܚܰܕܼ ܥܰܡ ܚܰܕܼ܂
06:44 [ai]	ܠܳܐ ܐ̱ܢܳܫ ܡܶܫܟܿܰܚ ܕܢܺܐܬܼܶܐ ܠܘܳܬܼܝ܃ ܐܶܠܳܐ ܐܶܢ ܢܰܓܼܕܿܶܗ ܐܰܒܼܳܐ ܕܫܰܕܿܪܰܢܝ܂ ܘܶܐܢܳܐ ܐܰܩܺܝܡܺܝܘܗ̱ܝ܂ ܒܝܰܘܡܳܐ ܐ̱ܚܪܳܝܳܐ܂
06:45 [ai]	ܟܬܼܺܝܒܼ ܓܶܝܪ ܒܰܢܒܼܺܝܳܐ܃ ܕܢܶܗܘܽܘܢ ܟܽܠܗܽܘܢ ܡܰܠܦܼܶܐ̈ ܕܰܐܠܳܗܳܐ܂ ܟܽܠ ܡܰܢ ܕܫܳܡܰܥ ܗܳܟܼܺܝܠ ܡܶܢ ܐܰܒܼܳܐ ܘܝܳܠܶܦܼ ܡܶܢܶܗ܂ ܐܳܬܼܶܐ ܠܘܳܬܼܝ܂
06:46 [ai]	ܠܳܐ ܗ̱ܘܳܐ ܕܚܳܙܶܐ ܐ̱ܢܳܫ ܠܰܐܒܼܳܐ܂ ܐܶܠܳܐ ܡܰܢ ܕܡܶܢ ܐܰܠܳܗܳܐ ܐܺܝܬܼܰܘܗ̱ܝ܂ ܗܰܘ ܗ̱ܽܘ ܚܳܙܶܐ ܠܰܐܒܼܳܐ܀
06:47 [ai]	ܐܰܡܺܝܢ ܐܰܡܺܝܢ ܐܳܡܰܪ ܐ̱ܢܳܐ ܠܟܼܽܘܢ܃ ܕܡܰܢ ܕܰܡܗܰܝܡܶܢ ܒܺܝ܂ ܐܺܝܬܼ ܠܶܗ ܚܰܝ̈ܶܐ ܕܰܠܥܳܠܰܡ܀
06:48 [ai]	ܐܶܢܳܐ ܐ̱ܢܳܐ ܠܰܚܡܳܐ ܕܚܰܝ̈ܶܐ܂
06:49 [ai]	ܐܰܒܼܳܗܰܝܟܿܽܘܢ̈ ܐܶܟܼܰܠܘ ܡܰܢ̱ܢܳܐ ܒܡܰܕܼܒܪܳܐ܂ ܘܡܺܝܬܼܘ܂
06:50 [ai]	ܗܳܢܰܘ ܕܶܝܢ ܠܰܚܡܳܐ ܕܰܢܚܶܬܼ ܡܶܢ ܫܡܰܝܳܐ܃ ܕܢܶܐܟܼܽܘܠ ܐ̱ܢܳܫ ܡܶܢܶܗ܂ ܘܠܳܐ ܢܡܽܘܬܼ܂
06:51 [ai]	ܐܶܢܳܐ ܐ̱ܢܳܐ ܠܰܚܡܳܐ ܚܰܝܳܐ܂ ܕܡܶܢ ܫܡܰܝܳܐ ܢܶܚܬܿܶܬܼ܂ ܘܶܐܢ ܐ̱ܢܳܫ ܢܶܐܟܼܽܘܠ ܡܶܢ ܗܳܢܳܐ ܠܰܚܡܳܐ ܢܺܚܶܐ ܠܥܳܠܰܡ܂ ܘܠܰܚܡܳܐ ܐܰܝܢܳܐ ܕܶܐܢܳܐ ܐܶܬܿܶܠ܃ ܦܰܓܼܪܝ ܗ̱ܽܘ܂ ܕܥܰܠ ܐܰܦܿܰܝ̈ ܚܰܝܰܘܗ̱ܝ̈ ܕܥܳܠܡܳܐ ܝܳܗܶܒܼ ܐ̱ܢܳܐ܀
06:52 [ai]	ܢܳܨܶܝܢ ܗ̱ܘܰܘ ܕܶܝܢ ܺܝܗܽܘܕܼܳܝܶܐ̈ ܚܰܕܼ ܥܰܡ ܚܰܕܼ܂ ܘܳܐܡܪܺܝܢ܂ ܐܰܝܟܿܰܢܳܐ ܡܶܫܟܿܰܚ ܗܳܢܳܐ ܦܰܓܼܪܶܗ ܕܢܶܬܿܶܠ ܠܰܢ ܠܡܶܐܟܼܰܠ܂
06:53 [ai]	ܘܶܐܡܰܪ ܠܗܽܘܢ ܝܶܫܽܘܥ܂ ܐܰܡܺܝܢ ܐܰܡܺܝܢ ܐܳܡܰܪ ܐ̱ܢܳܐ ܠܟܼܽܘܢ܃ ܕܶܐܠܳܐ ܬܶܐܟܼܠܽܘܢ ܦܰܓܼܪܶܗ ܕܰܒܼܪܶܗ ܕܐ̱ܢܳܫܳܐ܂ ܘܬܼܶܫܬܿܽܘܢ ܕܡܶܗ܃ ܠܰܝܬܿ ܠܟܼܽܘܢ ܚܰܝ̈ܶܐ ܒܰܩܢܽܘܡܟܼܽܘܢ܂
06:54 [ai]	ܡܰܢ ܕܳܐܟܼܶܠ ܕܶܝܢ ܡܶܢ ܦܰܓܼܪܝ܂ ܘܫܳܬܼܶܐ ܡܶܢ ܕܶܡܝ܃ ܐܺܝܬܼ ܠܶܗ ܚܰܝ̈ܶܐ ܕܰܠܥܳܠܰܡ܂ ܘܶܐܢܳܐ ܐܰܩܺܝܡܺܝܘܗ̱ܝ ܒܝܰܘܡܳܐ ܐ̱ܚܪܳܝܳܐ܀
06:55 [ai]	ܦܰܓܼܪܝ ܓܶܝܪ܂ ܫܰܪܺܝܪܳܐܺܝܬܼ ܐܺܝܬܼܰܘܗ̱ܝ ܡܶܐܟܼܽܘܠܬܳܐ܂ ܘܕܼܶܡܝ܂ ܫܰܪܺܝܪܳܐܺܝܬܼ ܐܺܝܬܼܰܘܗ̱ܝ ܡܰܫܬܿܝܳܐ܂
06:56 [ai]	ܡܰܢ ܕܳܐܟܼܶܠ ܦܰܓܼܪܝ܂ ܘܫܳܬܼܶܐ ܕܶܡܝ܃ ܒܺܝ ܡܩܰܘܶܐ܂ ܘܶܐܢܳܐ ܒܶܗ܂
06:57 [ai]	ܐܰܝܟܿܰܢܳܐ ܕܫܰܕܿܪܰܢܝ ܐܰܒܼܳܐ ܚܰܝܳܐ܂ ܘܶܐܢܳܐ ܚܰܝ ܐ̱ܢܳܐ ܡܶܛܽܠ ܐܰܒܼܳܐ܂ ܘܡܰܢ ܕܢܶܐܟܼܠܰܢܝ܂ ܐܳܦܼ ܗܽܘ ܢܺܚܶܐ ܡܶܛܽܠܳܬܼܝ܂
06:58 [ai]	ܗܳܢܰܘ ܠܰܚܡܳܐ ܕܰܢܚܶܬܼ ܡܶܢ ܫܡܰܝܳܐ܂ ܠܳܐ ܗ̱ܘܳܐ ܐܰܝܟܼ ܕܶܐܟܼܰܠܘ ܐܰܒܼܳܗܰܝܟܿܽܘܢ̈ ܡܰܢ̱ܢܳܐ܂ ܘܡܺܝܬܼܘ܂ ܡܰܢ ܕܳܐܟܼܶܠ ܗܳܢܳܐ ܠܰܚܡܳܐ܂ ܢܺܚܶܐ ܠܥܳܠܰܡ܀܀
06:59 [ai]	ܗܳܠܶܝܢ ܐܶܡܰܪ ܒܰܟܼܢܽܘܫܬܳܐ܂ ܟܰܕܼ ܡܰܠܶܦܼ ܒܰܟܼܦܼܰܪܢܰܚܽܘܡ܂
06:60 [ai]	ܘܣܰܓܿܺܝܶܐܐ̈ ܕܰܫܡܰܥܘ ܡܶܢ ܬܰܠܡܺܝܕܼܰܘܗ̱ܝ̈܂ ܐܳܡܪܺܝܢ܂ ܩܰܫܝܳܐ ܗ̱ܝ ܡܶܠܬܼܳܐ ܗܳܕܼܶܐ܂ ܡܰܢܽܘ ܡܶܫܟܿܰܚ ܠܡܶܫܡܥܳܗ ܿ܀ܿ܀ܿ
06:61 [ai]	ܝܶܫܽܘܥ ܕܶܝܢ܂ ܺܝܕܼܰܥ ܒܢܰܦܼܫܶܗ ܕܪܳܛܢܺܝܢ ܥܰܠ ܗܳܕܼܶܐ ܬܰܠܡܺܝܕܼܰܘܗ̱ܝ̈܂ ܘܶܐܡܰܪ ܠܗܽܘܢ܂ ܗܳܕܼܶܐ ܡܰܟܼܫܠܳܐ ܠܟܼܽܘܢ܂
06:62 [ai]	ܐܶܢ ܬܶܚܙܽܘܢ ܗܳܟܼܺܝܠ ܠܰܒܼܪܶܗ ܕܐ̱ܢܳܫܳܐ ܕܣܳܠܶܩ ܠܰܐܬܼܰܪ ܕܺܐܝܬܼܰܘܗ̱ܝ ܗ̱ܘܳܐ ܡܶܢ ܩܕܼܺܝܡ܀
06:63 [ai]	ܪܽܘܚܳܐ ܗ̱ܝ ܕܡܰܚܝܳܐ܂ ܦܰܓܼܪܳܐ܂ ܠܳܐ ܡܰܗܢܶܐ ܡܶܕܶܡ܂ ܡܶܠܶܐ̈ ܕܶܐܢܳܐ ܡܰܠܠܶܬܼ ܥܰܡܟܼܽܘܢ܃ ܪܽܘܚܳܐ ܐܶܢܶܝܢ̈܂ ܘܚܰܝ̈ܶܐ ܐܶܢܶܝܢ̈܀
06:64 [ai]	ܐܶܠܳܐ ܐܺܝܬܼ ܐ̱ܢܳܫܳܐ ܡܶܢܟܼܽܘܢ܂ ܕܠܳܐ ܡܗܰܝܡܢܺܝܢ܂ ܝܳܕܼܰܥ ܗ̱ܘܳܐ ܓܶܝܪ ܝܶܫܽܘܥ ܡܶܢ ܩܕܼܺܝܡ܂ ܡܰܢ ܐܶܢܽܘܢ ܐܰܝܠܶܝܢ ܕܠܳܐ ܡܗܰܝܡܢܺܝܢ܃ ܘܡܰܢܽܘ ܗܰܘ ܕܡܰܫܠܶܡ ܠܶܗ܂
06:65 [ai]	ܘܶܐܡܰܪ ܗ̱ܘܳܐ ܠܗܽܘܢ܂ ܡܶܛܽܠ ܗܳܢܳܐ ܐܶܡܪܶܬܼ ܠܟܼܽܘܢ܃ ܕܠܳܐ ܐ̱ܢܳܫ ܡܶܫܟܿܰܚ ܕܢܺܐܬܼܶܐ ܠܘܳܬܼܝ܃ ܐܶܠܳܐ ܺܝܗܺܝܒܼ ܠܶܗ ܡܶܢ ܐܳܒܼܝ܂
06:66 [ai]	ܡܶܛܽܠ ܗܳܕܼܶܐ ܡܶܠܬܼܳܐ܃ ܣܰܓܿܺܝܶܐܐ̈ ܡܶܢ ܬܰܠܡܺܝܕܼܰܘܗ̱ܝ̈ ܐܶܙܰܠܘ ܠܒܼܶܣܬܿܰܪܗܽܘܢ܂ ܘܠܳܐ ܡܗܰܠܟܼܺܝܢ ܗ̱ܘܰܘ ܥܰܡܶܗ܂
06:67 [ai]	ܘܶܐܡܰܪ ܝܶܫܽܘܥ ܠܰܬܼܪܶܥܣܰܪܬܿܶܗ܂ ܠܡܳܐ܃ ܐܳܦܼ ܐܰܢ̱ܬܿܽܘܢ ܨܳܒܼܶܝܢ ܐܢ̱ܬܿܽܘܢ ܠܡܺܐܙܰܠ܀
06:68 [ai]	ܥܢܳܐ ܫܶܡܥܽܘܢ ܟܺܐܦܼܳܐ܂ ܘܶܐܡܰܪ܂ ܡܳܪܝ܂ ܠܘܳܬܼ ܡܰܢ ܢܺܐܙܰܠ܂ ܡܶܠܶܐ̈ ܕܚܰܝ̈ܶܐ ܕܰܠܥܳܠܰܡ ܐܺܝܬܼ ܠܳܟܼ܂
06:69 [ai]	ܘܰܚܢܰܢ ܗܰܝܡܶܢܢ ܘܺܝܕܼܰܥܢ܃ ܕܰܐܢ̱ܬܿ ܗ̱ܽܘ ܡܫܺܝܚܳܐ܂ ܒܪܶܗ ܕܰܐܠܳܗܳܐ ܚܰܝܳܐ܀
06:70 [ai]	ܐܳܡܰܪ ܠܗܽܘܢ ܝܶܫܽܘܥ܂ ܠܳܐ ܗ̱ܘܳܐ ܐܶܢܳܐ ܓܒܼܺܝܬܼܟܼܽܘܢ ܠܰܬܼܪܶܥܣܰܪ܃ ܘܡܶܢܟܼܽܘܢ ܚܰܕܼ ܣܳܛܳܢܳܐ ܗܽܘ܂
06:71 [ai]	ܐܶܡܰܪ ܗ̱ܘܳܐ ܕܶܝܢ܂ ܥܰܠ ܺܝܗܽܘܕܼܳܐ ܒܰܪ ܫܶܡܥܽܘܢ ܣܟܼܰܪܝܽܘܛܳܐ܂ ܗܽܘ ܓܶܝܪ ܥܬܼܺܝܕܼ ܗ̱ܘܳܐ ܕܢܰܫܠܡܺܝܘܗ̱ܝ܂ ܚܰܕܼ ܡܶܢ ܬܪܶܥܣܰܪ܀

next chapter