← Back
The Comprehensive Aramaic Lexicon
← Return to the Text Browser
click on the file description for more information
62043: P Jn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܐܰܡܺܝܢ ܐܰܡܺܝܢ ܐܳܡܰܪ ܐ̱ܢܳܐ ܠܟܼܽܘܢ܃ ܕܡܰܢ ܕܠܳܐ ܥܳܐܶܠ ܡܶܢ ܬܰܪܥܳܐ ܠܰܛܝܳܪܳܐ ܕܥܳܢܳܐ܃ ܐܶܠܳܐ ܣܳܠܶܩ ܡܶܢ ܕܽܘܟܿܳܐ ܐ̱ܚܪܳܢܝܳܐ܃ ܗܰܘ ܓܰܢܳܒܼܳܐ ܗܽܘ ܘܓܼܰܝܳܣܳܐ܂
10:02 [ai]ܗܰܘ ܕܶܝܢ ܕܥܳܐܶܠ ܡܶܢ ܬܰܪܥܳܐ܂ ܪܳܥܝܳܐ ܗܽܘ ܕܥܳܢܳܐ܂
10:03 [ai]ܘܰܠܗܳܢܳܐ ܢܳܛܰܪ ܬܰܪܥܳܐ ܦܳܬܼܰܚ ܠܶܗ ܬܰܪܥܳܐ܂ ܘܥܳܢܳܐ ܫܳܡܥܳܐ ܩܳܠܶܗ܂ ܘܥܶܪ̈ܒܿܰܘܗ̱ܝ ܩܳܪܶܐ ܒܰܫܡܳܗܰܝܗܽܘܢ̈܂ ܘܡܰܦܿܶܩ ܠܗܽܘܢ܂
10:04 [ai]ܘܡܳܐ ܕܰܐܦܿܶܩ ܥܳܢܶܗ܂ ܩܕܼܳܡܶܝܗ ܐܳܙܶܠ܂ ܘܥܶܪ̈ܒܿܰܘܗ̱ܝ ܕܺܝܠܶܗ܂ ܐܳܙܺܠ̱ܝܢ ܒܳܬܼܪܶܗ܂ ܡܶܛܽܠ ܕܝܳܕܼܥܺܝܢ ܩܳܠܶܗ܂
10:05 [ai]ܒܳܬܼܰܪ ܢܽܘܟܼܪܳܝܳܐ ܕܶܝܢ܂ ܠܳܐ ܐܳܙܳܠ̱ܐ ܥܳܢܳܐ܂ ܐܶܠܳܐ ܥܳܪܩܳܐ ܡܶܢܶܗ܂ ܕܠܳܐ ܝܳܕܼܥܳܐ ܩܳܠܶܗ ܕܢܽܘܟܼܪܳܝܳܐ܂
10:06 [ai]ܗܳܕܼܶܐ ܦܶܠܶܐܬܼܳܐ ܐܶܡܰܪ ܠܗܽܘܢ ܝܶܫܽܘܥ܂ ܗܶܢܽܘܢ ܕܶܝܢ܂ ܠܳܐ ܺܝܕܼܰܥܘ ܡܳܢܳܐ ܡܰܠܶܠ ܥܰܡܗܽܘܢ܂
10:07 [ai]ܐܳܡܰܪ ܠܗܽܘܢ ܕܶܝܢ ܬܽܘܒܼ ܝܶܫܽܘܥ܂ ܐܰܡܺܝܢ ܐܰܡܺܝܢ ܐܳܡܰܪ ܐ̱ܢܳܐ ܠܟܼܽܘܢ܃ ܕܶܐܢܳܐ ܐ̱ܢܳܐ ܬܰܪܥܶܗ ܕܥܳܢܳܐ܂
10:08 [ai]ܘܟܼܽܠܗܽܘܢ ܐܰܝܠܶܝܢ ܕܶܐܬܼܰܘ܂ ܓܰܢܳܒܼܶܐ̈ ܐܶܢܽܘܢ ܘܓܼܰܝܳܣܶܐ̈܂ ܐܶܠܳܐ ܠܳܐ ܫܶܡܥܰܬܼ ܐܶܢܽܘܢ ܥܳܢܳܐ܂
10:09 [ai]ܐܶܢܳܐ ܐ̱ܢܳܐ ܬܰܪܥܳܐ܂ ܘܒܼܺܝ ܐܶܢ ܐ̱ܢܳܫ ܢܶܥܽܘܠ܂ ܢܺܚܶܐ܂ ܘܢܶܥܽܘܠ ܘܢܶܦܽܘܩ܂ ܘܪܶܥܝܳܐ ܢܶܫܟܿܰܚ܂
10:10 [ai]ܓܰܢܳܒܼܳܐ ܠܳܐ ܐܳܬܼܶܐ܃ ܐܶܠܳܐ ܕܢܶܓܼܢܽܘܒܼ܂ ܘܰܕܼܢܶܩܛܽܘܠ܂ ܘܰܕܼܢܰܘܒܿܶܕܼ܂ ܐܶܢܳܐ ܐܶܬܼܺܝܬܼ܂ ܕܚܰܝ̈ܶܐ ܢܶܗܘܽܘܢ ܠܗܽܘܢ܂ ܘܡܶܕܶܡ ܕܝܰܬܿܺܝܪ ܢܶܗܘܶܐ ܠܗܽܘܢ܂
10:11 [ai]ܐܶܢܳܐ ܐ̱ܢܳܐ ܪܳܥܝܳܐ ܛܳܒܼܳܐ܂ ܪܳܥܝܳܐ ܛܳܒܼܳܐ ܢܰܦܼܫܶܗ ܣܳܐܶܡ ܚܠܳܦܼ ܥܳܢܶܗ܂
10:12 [ai]ܐܰܓܼܺܝܪܳܐ ܕܶܝܢ ܕܠܳܐ ܗܘܳܐ ܪܳܥܝܳܐ܃ ܘܠܰܘ ܕܺܝܠܶܗ ܐܶܢܽܘܢ ܥܶܪ̈ܒܿܶܐ܃ ܡܳܐ ܕܰܚܙܳܐ ܕܺܐܒܼܳܐ ܕܳܐܬܼܶܐ܃ ܫܳܒܼܶܩ ܥܳܢܳܐ܂ ܘܥܳܪܶܩ܂ ܘܳܐܬܼܶܐ ܕܺܐܒܼܳܐ ܚܳܛܶܦܼ܂ ܘܰܡܒܼܰܕܿܰܪ ܠܳܗ ܠܥܳܢܳܐ܂
10:13 [ai]ܐܰܓܼܺܝܪܳܐ ܕܶܝܢ ܥܳܪܶܩ܂ ܡܶܛܽܠ ܕܰܐܓܼܺܝܪܳܐ ܗܽܘ܂ ܘܠܳܐ ܒܛܺܝܠ ܠܶܗ ܥܰܠ ܥܳܢܳܐ܂
10:14 [ai]ܐܶܢܳܐ ܐ̱ܢܳܐ ܪܳܥܝܳܐ ܛܳܒܼܳܐ܂ ܘܝܳܕܼܰܥ ܐ̱ܢܳܐ ܠܕܼܺܝܠܝ܂ ܘܡܶܬܼܺܝܕܼܰܥ ܐ̱ܢܳܐ ܡܶܢ ܕܺܝܠܝ܂
10:15 [ai]ܐܰܝܟܿܰܢܳܐ ܕܝܳܕܼܰܥ ܠܺܝ ܐܳܒܼܝ܂ ܘܶܐܢܳܐ ܝܳܕܼܰܥ ܐ̱ܢܳܐ ܠܳܐܒܼܝ܂ ܘܢܰܦܼܫܝ ܣܳܐܶܡ ܐ̱ܢܳܐ ܚܠܳܦܼ ܥܳܢܳܐ܂
10:16 [ai]ܐܺܝܬܼ ܠܺܝ ܕܶܝܢ ܐܳܦܼ ܥܶܪ̈ܒܿܶܐ ܐ̱ܚܪ̈ܳܢܶܐ܃ ܐܰܝܠܶܝܢ ܕܠܳܐ ܗܘܰܘ ܡܶܢ ܛܝܳܪܳܐ ܗܳܢܳܐ܂ ܘܳܐܦܼ ܠܗܽܘܢ ܘܳܠܶܐ ܠܺܝ ܠܡܰܝܬܿܳܝܽܘ ܐܶܢܽܘܢ܂ ܘܢܶܫܡܥܽܘܢ ܩܳܠܝ܂ ܘܬܼܶܗܘܶܐ ܥܳܢܳܐ ܟܽܠܳܗ ܚܕܼܳܐ܂ ܘܚܰܕܼ ܪܳܥܝܳܐ܂
10:17 [ai]ܡܶܛܽܠ ܗܳܢܳܐ ܐܳܒܼܝ ܪܳܚܶܡ ܠܺܝ܃ ܕܶܐܢܳܐ ܣܳܐܶܡ ܐ̱ܢܳܐ ܢܰܦܼܫܝ܂ ܕܬܽܘܒܼ ܐܶܣܒܼܺܝܗ܂
10:18 [ai]ܠܳܐ ܗ̱ܘܳܐ ܐ̱ܢܳܫ ܫܳܩܶܠ ܠܳܗ ܡܶܢܝ܂ ܐܶܠܳܐ ܐܶܢܳܐ ܣܳܐܶܡ ܐ̱ܢܳܐ ܠܳܗ ܡܶܢ ܨܶܒܼܝܳܢܝ܂ ܫܰܠܺܝܛ ܐ̱ܢܳܐ ܓܶܝܪ ܕܰܐܣܺܝܡܺܝܗ܃ ܘܫܰܠܺܝܛ ܐ̱ܢܳܐ ܕܬܽܘܒܼ ܐܶܣܒܼܺܝܗ܂ ܕܗܳܢܳܐ ܦܽܘܩܕܳܢܳܐ ܩܰܒܿܠܶܬܼ ܡܶܢ ܐܳܒܼܝ܀
10:19 [ai]ܘܰܗܘܳܬܼ ܬܽܘܒܼ ܦܳܠܓܿܽܘܬܼܳܐ ܒܰܝܢܰܝ̈ ܺܝܗܽܘܕܼܳܝܶܐ̈ ܡܶܛܽܠ ܡܶܠܶܐ̈ ܗܳܠܶܝܢ܂
10:20 [ai]ܘܳܐܡܪܺܝܢ ܗ̱ܘܰܘ ܣܰܓܿܺܝܶܐܐ̈ ܡܶܢܗܽܘܢ܃ ܕܕܼܰܝܘܳܐ ܐܺܝܬܼ ܠܶܗ ܘܡܶܫܢܳܐ ܫܢܳܐ܂ ܡܳܢܳܐ ܫܳܡܥܺܝܢ ܐܢ̱ܬܿܽܘܢ ܠܶܗ܂
10:21 [ai]ܐ̱ܚܪ̈ܳܢܶܐ ܕܶܝܢ ܐܳܡܪܺܝܢ ܗ̱ܘܰܘ܂ ܗܳܠܶܝܢ ܡܶܠܶܐ̈܂ ܠܳܐ ܗ̱ܘܰܝ̈ ܕܕܼܰܝܘܳܢܳܐ܂ ܠܡܳܐ܃ ܕܰܝܘܳܐ ܡܶܫܟܿܰܚ ܥܰܝܢܶܐ̈ ܕܣܰܡܝܳܐ ܠܰܡܦܼܰܬܿܳܚܽܘ܀
10:22 [ai]ܗܘܳܐ ܕܶܝܢ ܥܺܐܕܼܳܐ ܕܚܽܘܕܼܳܬܼܳܐ ܒܽܐܘܪܺܫܠܶܡ܃ ܘܣܰܬܼܘܳܐ ܗ̱ܘܳܐ܂
10:23 [ai]ܘܰܡܗܰܠܶܟܼ ܗ̱ܘܳܐ ܝܶܫܽܘܥ ܒܗܰܝܟܠܳܐ ܒܶܐܣܛܘܳܐ ܕܰܫܠܶܝܡܽܘܢ܂
10:24 [ai]ܘܚܰܕܼܪܽܘܗ̱ܝ ܺܝܗܽܘܕܼܳܝܶܐ̈܂ ܘܳܐܡܪܺܝܢ ܠܶܗ܂ ܥܕܼܰܡܳܐ ܠܶܐܡܰܬܼܝ ܢܳܣܶܒܼ ܐܰܢ̱ܬܿ ܢܰܦܼܫܰܢ܂ ܐܶܢ ܐܰܢ̱ܬܿ ܗ̱ܽܘ ܡܫܺܝܚܳܐ܂ ܐܶܡܰܪ ܠܰܢ ܓܰܠܝܳܐܺܝܬܼ܂
10:25 [ai]ܥܢܳܐ ܝܶܫܽܘܥ܂ ܘܶܐܡܰܪ ܠܗܽܘܢ܂ ܐܶܡܪܶܬܼ ܠܟܼܽܘܢ܂ ܘܠܳܐ ܡܗܰܝܡܢܺܝܢ ܐܢ̱ܬܿܽܘܢ܂ ܘܰܥܒܼܳܕܼܶܐ̈ ܕܶܐܢܳܐ ܥܳܒܼܶܕܼ ܐ̱ܢܳܐ ܒܰܫܡܶܗ ܕܳܐܒܼܝ܃ ܗܶܢܽܘܢ ܣܳܗܕܺܝܢ ܥܠܰܝ܂
10:26 [ai]ܐܶܠܳܐ ܐܰܢ̱ܬܿܽܘܢ ܠܳܐ ܡܗܰܝܡܢܺܝܢ ܐܢ̱ܬܿܽܘܢ܂ ܡܶܛܽܠ ܕܠܳܐ ܗܘܰܝܬܿܽܘܢ ܡܶܢ ܥܶܪ̈ܒܰܝ܂ ܐܰܝܟܿܰܢܳܐ ܕܶܐܡܪܶܬܼ ܠܟܼܽܘܢ܂
10:27 [ai]ܥܶܪ̈ܒܿܶܐ ܕܺܝܠܝ ܩܳܠܝ ܫܳܡܥܺܝܢ܂ ܘܶܐܢܳܐ ܝܳܕܼܰܥ ܐ̱ܢܳܐ ܠܗܽܘܢ܂ ܘܗܶܢܽܘܢ ܐܳܬܼܶܝܢ ܒܳܬܼܰܪܝ܂
10:28 [ai]ܘܶܐܢܳܐ ܝܳܗܶܒܼ ܐ̱ܢܳܐ ܠܗܽܘܢ܂ ܚܰܝ̈ܶܐ ܕܰܠܥܳܠܰܡ܂ ܘܠܳܐ ܢܺܐܒܼܕܿܽܘܢ ܠܥܳܠܰܡ܂ ܘܠܳܐ ܐ̱ܢܳܫ ܢܶܚܛܽܘܦܼ ܐܶܢܽܘܢ ܡܶܢ ܐܺܝܕܼܰܝ̈܂
10:29 [ai]ܐܳܒܼܝ ܓܶܝܪ ܕܝܰܗ̱ܒܼ ܠܺܝ ܡܶܢ ܟܽܠ ܪܰܒܼ ܗ̱ܽܘ܂ ܘܠܳܐ ܐ̱ܢܳܫ ܡܶܫܟܿܰܚ ܕܡܶܢ ܐܺܝܕܼܶܗ ܕܳܐܒܼܝ ܢܶܚܛܽܘܦܼ܂
10:30 [ai]ܐܶܢܳܐ ܘܳܐܒܼܝ܂ ܚܰܕܼ ܚܢܰܢ܂
10:31 [ai]ܘܰܫܩܰܠܘ ܬܽܘܒܼ ܺܝܗܽܘܕܼܳܝܶܐ̈ ܟܺܐܦܼܶܐ̈ ܠܡܶܪܓܿܡܶܗ ܿ܀ܿ܀ܿ
10:32 [ai]ܐܳܡܰܪ ܠܗܽܘܢ ܝܶܫܽܘܥ܂ ܣܰܓܿܺܝܶܐܐ̈ ܥܒܼܳܕܼܶܐ̈ ܫܰܦܿܺܝܪ̈ܶܐ ܡܶܢ ܠܘܳܬܼ ܐܳܒܼܝ ܚܰܘܺܝܬܼܟܼܽܘܢ܂ ܡܶܛܽܠ ܐܰܝܢܳܐ ܥܒܼܳܕܼܳܐ ܡܶܢܗܽܘܢ ܪܳܓܼܡܺܝܢ ܐܢ̱ܬܿܽܘܢ ܠܺܝ܂
10:33 [ai]ܐܳܡܪܺܝܢ ܠܶܗ ܺܝܗܽܘܕܼܳܝܶܐ̈܂ ܠܳܐ ܗ̱ܘܳܐ ܡܶܛܽܠ ܥܒܼܳܕܼܶܐ̈ ܫܰܦܿܺܝܪ̈ܶܐ ܪܳܓܼܡܺܝܢ ܚ̱ܢܰܢ ܠܳܟܼ܂ ܐܶܠܳܐ ܡܶܛܽܠ ܕܰܡܓܼܰܕܿܶܦܼ ܐܰܢ̱ܬܿ܂ ܘܟܼܰܕܼ ܐܺܝܬܼܰܝܟܿ ܒܰܪ ܐ̱ܢܳܫܳܐ܃ ܥܳܒܼܶܕܼ ܐܰܢ̱ܬܿ ܢܰܦܼܫܳܟܼ ܐܰܠܳܗܳܐ܂
10:34 [ai]ܐܳܡܰܪ ܠܗܽܘܢ ܝܶܫܽܘܥ܂ ܠܳܐ ܗ̱ܘܳܐ ܗܳܟܼܰܢܳܐ ܟܬܼܺܝܒܼ ܒܢܳܡܽܘܣܟܼܽܘܢ܃ ܕܶܐܢܳܐ ܐܶܡܪܶܬܼ ܕܰܐܠܳܗܶܐ̈ ܐܰܢ̱ܬܿܽܘܢ܃
10:35 [ai]ܐܶܢ ܠܗܳܢܽܘܢ ܐܶܡܰܪ ܐܰܠܳܗܶܐ̈܃ ܡܶܛܽܠ ܕܰܠܘܳܬܼܗܽܘܢ ܗܘܳܬܼ ܡܶܠܬܼܳܐ ܕܰܐܠܳܗܳܐ܃ ܘܠܳܐ ܡܶܫܟܿܰܚ ܟܬܼܳܒܼܳܐ ܕܢܶܫܬܿܪܶܐ܃
10:36 [ai]ܠܰܐܝܢܳܐ ܕܰܐܒܼܳܐ ܩܰܕܿܫܶܗ ܘܫܰܕܿܪܶܗ ܠܥܳܠܡܳܐ܃ ܐܰܢ̱ܬܿܽܘܢ ܐܳܡܪܺܝܢ ܐܢ̱ܬܿܽܘܢ܂ ܕܰܡܓܼܰܕܿܶܦܼ ܐܰܢ̱ܬܿ܃ ܥܰܠ ܕܶܐܡܪܶܬܼ ܠܟܼܽܘܢ܂ ܕܰܒܼܪܶܗ ܐ̱ܢܳܐ ܕܰܐܠܳܗܳܐ܃
10:37 [ai]ܐܶܠܳܐ ܥܳܒܼܶܕܼ ܐ̱ܢܳܐ ܥܒܼܳܕܼܶܐ̈ ܕܳܐܒܼܝ܂ ܠܳܐ ܬܗܰܝܡܢܽܘܢܳܢܝ܂
10:38 [ai]ܐܶܢ ܕܶܝܢ ܥܳܒܼܶܕܼ ܐ̱ܢܳܐ܃ ܐܳܦܼܶܢ ܠܺܝ ܠܳܐ ܡܗܰܝܡܢܺܝܢ ܐܢ̱ܬܿܽܘܢ܃ ܠܗܽܘܢ ܠܰܥܒܼܳܕܼܶܐ̈ ܗܰܝܡܶܢܘ܂ ܕܬܶܕܿܥܽܘܢ ܘܰܬܼܗܰܝܡܢܽܘܢ܃ ܕܳܐܒܼܝ ܒܺܝ܂ ܘܶܐܢܳܐ ܒܳܐܒܼܝ܀
10:39 [ai]ܘܰܒܥܰܘ ܗ̱ܘܰܘ ܬܽܘܒܼ ܕܢܶܐܚܕܿܽܘܢܳܝܗ̱ܝ܃ ܘܰܢܦܼܰܩ ܠܶܗ ܡܶܢ ܒܶܝܬܼ ܐܺܝܕܼܰܝܗܽܘܢ̈܂
10:40 [ai]ܘܶܐܙܰܠ ܠܶܗ ܠܥܶܒܼܪܳܐ ܕܝܽܘܪܕܿܢܳܢ܃ ܠܕܼܽܘܟܿܬܼܳܐ ܐܰܝܟܿܳܐ ܕܺܐܝܬܼܰܘܗ̱ܝ ܗ̱ܘܳܐ ܝܽܘܚܰܢܳܢ ܡܶܢ ܩܕܼܺܝܡ ܟܰܕܼ ܡܰܥܡܶܕܼ ܗ̱ܘܳܐ܂ ܘܰܗܘܳܐ ܬܰܡܳܢ܀
10:41 [ai]ܘܶܐܬܼܰܘ ܐ̱ܢܳܫܳܐ̈ ܣܰܓܿܺܝܶܐܐ̈ ܠܘܳܬܼܶܗ܂ ܘܳܐܡܪܺܝܢ ܗ̱ܘܰܘ܂ ܕܝܽܘܚܰܢܳܢ܂ ܐܳܦܼܠܳܐ ܚܕܼܳܐ ܐܳܬܼܳܐ ܥܒܼܰܕܼ܂ ܟܽܠܡܶܕܶܡ ܕܶܝܢ ܕܶܐܡܰܪ ܝܽܘܚܰܢܳܢ ܥܰܠ ܓܰܒܼܪܳܐ ܗܳܢܳܐ܂ ܫܰܪܺܝܪ ܗ̱ܽܘ܂
10:42 [ai]ܘܣܰܓܿܺܝܶܐܐ̈ ܗܰܝܡܶܢܘ ܒܶܗ܀܀

next chapter