← Back
The Comprehensive Aramaic Lexicon
← Return to the Text Browser
click on the file description for more information
62043: P Jn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


17:01 [ai]ܗܳܠܶܝܢ ܡܰܠܶܠ ܝܶܫܽܘܥ܂ ܘܰܐܪܺܝܡ ܥܰܝܢܰܘܗ̱ܝ̈ ܠܰܫܡܰܝܳܐ܂ ܘܶܐܡܰܪ܂ ܐܳܒܼܝ܂ ܐܶܬܼܳܬܼ ܫܳܥܬܼܳܐ܂ ܫܰܒܿܰܚ ܒܪܳܟܼ܂ ܕܰܒܼܪܳܟܼ ܢܫܰܒܿܚܳܟܼ܂
17:02 [ai]ܐܰܝܟܿܰܢܳܐ ܕܝܰܗ̱ܒܼܬܿ ܠܶܗ ܫܽܘܠܛܳܢܳܐ ܥܰܠ ܟܽܠ ܒܣܰܪ܂ ܕܟܽܠ ܡܳܐ ܕܝܰܗ̱ܒܼܬܿ ܠܶܗ܂ ܢܶܬܿܶܠ ܠܶܗ ܚܰܝ̈ܶܐ ܕܰܠܥܳܠܰܡ܂
17:03 [ai]ܗܳܠܶܝܢ ܐܶܢܽܘܢ ܕܶܝܢ ܚܰܝ̈ܶܐ ܕܰܠܥܳܠܰܡ܂ ܕܢܶܕܿܥܽܘܢܳܟܼ܂ ܕܰܐܢ̱ܬܿ ܐܰܢ̱ܬܿ ܐܰܠܳܗܳܐ ܕܰܫܪܳܪܳܐ ܒܰܠܚܽܘܕܼܰܝܟܿ܃ ܘܡܰܢ ܕܫܰܕܿܰܪܬܿ ܝܶܫܽܘܥ ܡܫܺܝܚܳܐ܂
17:04 [ai]ܐܶܢܳܐ ܫܰܒܿܰܚܬܿܳܟܼ ܒܰܐܪܥܳܐ܂ ܥܒܼܳܕܼܳܐ ܗܰܘ ܕܝܰܗ̱ܒܼܬܿ ܠܺܝ ܕܶܐܥܒܿܶܕܼ܂ ܫܰܠܶܡܬܿܶܗ܂
17:05 [ai]ܘܗܳܫܳܐ ܫܰܒܿܰܚܰܝܢܝ ܐܰܢ̱ܬܿ ܐܳܒܼܝ ܠܘܳܬܼܳܟܼ܃ ܒܗܰܘ ܫܽܘܒܼܚܳܐ ܕܺܐܝܬܼ ܗ̱ܘܳܐ ܠܺܝ ܠܘܳܬܼܳܟܼ ܡܶܢ ܩܕܼܳܡ ܕܢܶܗܘܶܐ ܥܳܠܡܳܐ܂
17:06 [ai]ܐܰܘܕܿܥܶܬܼ ܫܡܳܟܼ ܠܰܒܼܢܰܝ ܐ̱ܢܳܫܳܐ܃ ܗܳܢܽܘܢ ܕܝܰܗ̱ܒܼܬܿ ܠܺܝ ܡܶܢ ܥܳܠܡܳܐ܃ ܕܺܝܠܳܟܼ ܗ̱ܘܰܘ܂ ܘܠܺܝ ܝܰܗ̱ܒܼܬܿ ܐܶܢܽܘܢ܂ ܘܰܢܛܰܪܘ ܡܶܠܬܼܳܟܼ܂
17:07 [ai]ܗܳܫܳܐ ܝܶܕܼܥܶܬܼ ܕܟܽܠ ܡܳܐ ܕܝܰܗ̱ܒܼܬܿ ܠܺܝ ܡܶܢ ܠܘܳܬܼܳܟܼ ܗ̱ܽܘ܂
17:08 [ai]ܕܡܶܠܶܐ̈ ܕܝܰܗ̱ܒܼܬܿ ܠܺܝ܂ ܝܶܗܒܿܶܬܼ ܠܗܽܘܢ܂ ܘܗܶܢܽܘܢ ܩܰܒܿܶܠܘ܂ ܘܺܝܕܼܰܥܘ ܫܰܪܺܝܪܳܐܺܝܬܼ ܕܡܶܢ ܠܘܳܬܼܳܟܼ ܢܶܦܼܩܶܬܼ܂ ܘܗܰܝܡܶܢܘ ܕܰܐܢ̱ܬܿ ܫܰܕܿܰܪܬܿܳܢܝ܂
17:09 [ai]ܘܶܐܢܳܐ ܥܠܰܝܗܽܘܢ ܒܿܳܥܶܐ ܐ̱ܢܳܐ܂ ܠܳܐ ܗ̱ܘܳܐ ܥܰܠ ܥܳܠܡܳܐ ܒܿܳܥܶܐ ܐ̱ܢܳܐ܂ ܐܶܠܳܐ ܥܰܠ ܗܳܢܽܘܢ ܕܝܰܗ̱ܒܼܬܿ ܠܺܝ܃ ܕܕܼܺܝܠܳܟܼ ܐܶܢܽܘܢ܂
17:10 [ai]ܘܟܼܽܠ ܡܶܕܶܡ ܕܕܼܺܝܠܝ ܗ̱ܽܘ܂ ܕܺܝܠܳܟܼ ܗ̱ܽܘ܂ ܘܕܼܺܝܠܳܟܼ܂ ܕܺܝܠܝ ܗ̱ܽܘ܂ ܘܰܡܫܰܒܿܰܚ ܐ̱ܢܳܐ ܒܗܽܘܢ܂
17:11 [ai]ܡܶܟܿܺܝܠ ܠܳܐ ܗܘܺܝܬܼ ܒܥܳܠܡܳܐ܂ ܘܗܳܠܶܝܢ ܒܥܳܠܡܳܐ ܐܶܢܽܘܢ܂ ܘܶܐܢܳܐ ܠܘܳܬܼܳܟܼ ܐܳܬܼܶܐ ܐ̱ܢܳܐ܂ ܐܰܒܼܳܐ ܩܰܕܿܺܝܫܳܐ܂ ܛܰܪ ܐܶܢܽܘܢ ܒܰܫܡܳܟܼ܃ ܗܰܘ ܕܝܰܗ̱ܒܼܬܿ ܠܺܝ܂ ܕܢܶܗܘܽܘܢ ܚܰܕܼ ܐܰܝܟܿܰܢܳܐ ܕܰܚܢܰܢ ܿ܀ܿ܀ܿ
17:12 [ai]ܟܰܕܼ ܥܰܡܗܽܘܢ ܗܘܺܝܬܼ ܒܥܳܠܡܳܐ܂ ܐܶܢܳܐ ܢܳܛܰܪ ܗ̱ܘܺܝܬܼ ܠܗܽܘܢ ܒܰܫܡܳܟܼ܂ ܠܰܐܝܠܶܝܢ ܕܝܰܗ̱ܒܼܬܿ ܠܺܝ ܢܶܛܪܶܬܼ܂ ܘܐ̱ܢܳܫ ܡܶܢܗܽܘܢ ܠܳܐ ܐܶܒܼܰܕܼ܂ ܐܶܠܳܐ ܒܪܶܗ ܕܿܰܐܒܼܕܳܢܳܐ܂ ܕܢܶܬܼܡܰܠܶܐ ܟܬܼܳܒܼܳܐ܂
17:13 [ai]ܗܳܫܳܐ ܕܶܝܢ ܠܘܳܬܼܳܟܼ ܐܳܬܼܶܐ ܐ̱ܢܳܐ ܘܗܳܠܶܝܢ ܡܡܰܠܶܠ ܐ̱ܢܳܐ ܒܥܳܠܡܳܐ܂ ܕܬܶܗܘܶܐ ܚܰܕܼܘܰܬܼܝ ܡܫܰܡܠܝܳܐ ܒܗܽܘܢ܂
17:14 [ai]ܐܶܢܳܐ ܝܶܗܒܿܶܬܼ ܠܗܽܘܢ ܡܶܠܬܼܳܟܼ܂ ܘܥܳܠܡܳܐ ܣܢܳܐ ܐܶܢܽܘܢ܂ ܕܠܳܐ ܗ̱ܘܰܘ ܡܶܢ ܥܳܠܡܳܐ܂ ܐܰܝܟܿܰܢܳܐ ܕܶܐܢܳܐ ܠܳܐ ܗ̱ܘܺܝܬܼ ܡܶܢ ܥܳܠܡܳܐ܂
17:15 [ai]ܠܳܐ ܗ̱ܘܳܐ ܕܬܶܫܩܽܘܠ ܐܶܢܽܘܢ ܡܶܢ ܥܳܠܡܳܐ ܒܿܳܥܶܐ ܐ̱ܢܳܐ܃ ܐܶܠܳܐ ܕܬܶܛܰܪ ܐܶܢܽܘܢ ܡܶܢ ܒܺܝܫܳܐ܂
17:16 [ai]ܠܳܐ ܗ̱ܘܰܘ ܓܶܝܪ ܡܶܢ ܥܳܠܡܳܐ܃ ܐܰܝܟܿܰܢܳܐ ܕܶܐܢܳܐ ܠܳܐ ܗ̱ܘܺܝܬܼ ܡܶܢ ܥܳܠܡܳܐ܂
17:17 [ai]ܐܰܒܼܳܐ܂ ܩܰܕܿܶܫ ܐܶܢܽܘܢ ܒܰܫܪܳܪܳܟܼ܂ ܕܡܶܠܬܼܳܟܼ ܕܺܝܠܳܟܼ܂ ܫܪܳܪܳܐ ܗ̱ܝ܂
17:18 [ai]ܐܰܝܟܿܰܢܳܐ ܕܠܺܝ ܫܰܕܿܰܪܬܿ ܠܥܳܠܡܳܐ܃ ܐܳܦܼ ܐܶܢܳܐ ܫܰܕܿܪܶܬܼ ܐܶܢܽܘܢ ܠܥܳܠܡܳܐ܂
17:19 [ai]ܘܥܰܠ ܐܰܦܿܰܝܗܽܘܢ̈ ܐܶܢܳܐ ܡܩܰܕܿܶܫ ܐ̱ܢܳܐ ܢܰܦܼܫܝ܂ ܕܢܶܗܘܽܘܢ ܐܳܦܼ ܗܶܢܽܘܢ ܡܩܰܕܿܫܺܝܢ ܒܰܫܪܳܪܳܐ܂
17:20 [ai]ܘܠܳܐ ܗ̱ܘܳܐ ܥܰܠ ܐܰܦܿܰܝ̈ ܗܳܠܶܝܢ ܒܿܳܥܶܐ ܐ̱ܢܳܐ ܒܰܠܚܽܘܕܼ܃ ܐܶܠܳܐ ܐܳܦܼ ܥܰܠ ܐܰܦܿܰܝ̈ ܐܰܝܠܶܝܢ ܕܰܡܗܰܝܡܢܺܝܢ ܒܺܝ ܒܡܶܠܰܬܼܗܽܘܢ܂
17:21 [ai]ܕܟܽܠܗܽܘܢ ܢܶܗܘܽܘܢ ܚܰܕܼ܂ ܐܰܝܟܿܰܢܳܐ ܕܰܐܢ̱ܬܿ ܐܳܒܼܝ ܒܺܝ܂ ܘܶܐܢܳܐ ܒܳܟܼ܂ ܕܳܐܦܼ ܗܶܢܽܘܢ ܒܰܢ܂ ܚܰܕܼ ܢܶܗܘܽܘܢ܂ ܕܰܢܗܰܝܡܶܢ ܥܳܠܡܳܐ ܕܰܐܢ̱ܬܿ ܫܰܕܿܰܪܬܿܳܢܝ܂
17:22 [ai]ܘܶܐܢܳܐ ܫܽܘܒܼܚܳܐ ܕܝܰܗ̱ܒܼܬܿ ܠܺܝ܂ ܝܶܗܒܿܶܬܼ ܠܗܽܘܢ܂ ܕܢܶܗܘܽܘܢ ܚܰܕܼ܂ ܐܰܝܟܿܰܢܳܐ ܕܰܚܢܰܢ ܚܰܕܼ ܚܢܰܢ܂
17:23 [ai]ܐܶܢܳܐ ܒܗܽܘܢ܂ ܘܰܐܢ̱ܬܿ ܒܺܝ܂ ܕܢܶܗܘܽܘܢ ܓܡܺܝܪܺܝܢ ܠܚܰܕܼ܂ ܘܰܕܼܢܶܕܿܰܥ ܥܳܠܡܳܐ ܕܰܐܢ̱ܬܿ ܫܰܕܿܰܪܬܿܳܢܝ܂ ܘܕܼܰܐܚܶܒܼܬܼ ܐܶܢܽܘܢ܂ ܐܰܝܟܿܰܢܳܐ ܕܳܐܦܼ ܠܺܝ ܐܰܚܶܒܼܬܿ܂
17:24 [ai]ܐܰܒܼܳܐ܂ ܗܳܢܽܘܢ ܕܝܰܗ̱ܒܼܬܿ ܠܺܝ܃ ܨܳܒܼܶܐ ܐ̱ܢܳܐ ܕܰܐܬܼܰܪ ܕܶܐܢܳܐ܂ ܐܳܦܼ ܗܶܢܽܘܢ ܢܶܗܘܽܘܢ ܥܰܡܝ܂ ܕܢܶܗܘܽܘܢ ܚܳܙܶܝܢ ܫܽܘܒܼܚܳܐ ܕܺܝܠܝ܂ ܗܰܘ ܕܝܰܗ̱ܒܼܬܿ ܠܺܝ܂ ܕܰܐܚܶܒܼܬܿܳܢܝ ܡܶܢ ܩܕܼܳܡ ܬܿܰܪ̈ܡܝܳܬܼܶܗ ܕܥܳܠܡܳܐ܂
17:25 [ai]ܐܳܒܼܝ ܟܺܐܢܳܐ܂ ܘܥܳܠܡܳܐ ܠܳܐ ܝܰܕܼܥܳܟܼ܃ ܐܶܢܳܐ ܕܶܝܢ ܺܝܕܼܰܥܬܿܳܟܼ܂ ܘܗܶܢܽܘܢ ܺܝܕܼܰܥܘ܂ ܕܰܐܢ̱ܬܿ ܫܰܕܿܰܪܬܿܳܢܝ܂
17:26 [ai]ܘܰܐܘܕܿܥܶܬܼ ܐܶܢܽܘܢ ܫܡܳܟܼ܃ ܘܡܰܘܕܿܰܥ ܐ̱ܢܳܐ܂ ܕܚܽܘܒܿܳܐ ܗܰܘ ܕܰܐܚܶܒܼܬܿܳܢܝ܂ ܢܶܗܘܶܐ ܒܗܽܘܢ܂ ܘܶܐܢܳܐ ܐܶܗܘܶܐ ܒܗܽܘܢ܀

next chapter