← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62044: P Acts

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܘܟܼܰܕܼ ܢܦܼܰܩ ܦܿܰܘܠܳܘܣ ܡܶܢ ܐܰܬܼܺܢܶܘܣ܃ ܐܶܬܼܳܐ ܠܶܗ ܠܩܳܘܪܺܢܬܼܳܘܣ܂
18:02 [ai]ܘܶܐܫܟܿܰܚ ܬܰܡܳܢ ܓܰܒܼܪܳܐ ܚܰܕܼ ܺܝܗܽܘܕܼܳܝܳܐ܃ ܕܰܫܡܶܗ ܗܘܳܐ ܐܰܩܶܠܳܘܣ܂ ܕܺܐܝܬܼܰܘܗ̱ܝ ܗ̱ܘܳܐ ܡܶܢ ܦܿܳܢܛܳܘܣ ܐܰܬܼܪܳܐ܂ ܕܒܶܗ ܒܗܰܘ ܙܰܒܼܢܳܐ ܐܶܬܼܳܐ ܗ̱ܘܳܐ ܡܶܢ ܐܰܬܼܪܳܐ ܕܺܐܝܛܰܠܺܝܰܐ܂ ܗ̱ܘ ܘܰܦܿܪܺܝܣܩܺܠܰܐ ܐܰܢ̱ܬܿܬܼܶܗ܃ ܡܶܛܽܠ ܕܰܦܼܩܰܕܼ ܗ̱ܘܳܐ ܩܠܰܘܕܼܺܝܳܘܣ ܩܶܣܰܪ܃ ܕܢܶܦܿܩܽܘܢ ܟܽܠܗܽܘܢ ܺܝܗܽܘܕܼܳܝܶܐ̈ ܡܶܢ ܪܽܗ̱ܘܡܺܐ܂ ܘܶܐܬܼܩܰܪܰܒܼ ܠܘܳܬܼܗܽܘܢ܂
18:03 [ai]ܘܡܶܛܽܠ ܕܒܰܪ ܐܽܘܡܳܢܽܘܬܼܗܽܘܢ ܗ̱ܘܳܐ܃ ܫܪܳܐ ܠܶܗ ܠܘܳܬܼܗܽܘܢ܂ ܘܦܼܳܠܰܚ ܗ̱ܘܳܐ ܥܰܡܗܽܘܢ ܒܽܐܘܡܳܢܽܘܬܼܗܽܘܢ܂ ܕܶܝܢ ܠܳܘܠܳܪ̈ܶܐ ܗܘܰܘ܂
18:04 [ai]ܘܰܡܡܰܠܶܠ ܗ̱ܘܳܐ ܒܰܟܼܢܽܘܫܬܳܐ ܒܟܽܠ ܫܰܒܿܳܐ܃ ܘܰܡܦܿܺܝܣ ܗ̱ܘܳܐ ܠܺܝܗܽܘܕܼܳܝܶܐ̈ ܘܰܠܚܰܢܦܿܶܐ̈܂
18:05 [ai]ܘܟܼܰܕܼ ܐܶܬܼܰܘ ܗ̱ܘܰܘ ܡܶܢ ܡܰܩܶܕܼܳܘܢܺܝܰܐ ܫܺܝܠܳܐ ܘܛܺܝܡܳܬܼܶܐܳܘܣ܃ ܐܰܠܺܝܨ ܗ̱ܘܳܐ ܒܡܶܠܬܼܳܐ ܗ̱ܘ ܦܿܰܘܠܳܘܣ܃ ܡܶܛܽܠ ܕܩܳܝܡܺܝܢ ܗ̱ܘܰܘ ܠܩܽܘܒܼܠܶܗ ܺܝܗܽܘܕܼܳܝܶܐ̈ ܘܰܡܓܼܰܕܿܦܼܺܝܢ ܗ̱ܘܰܘ܃ ܟܰܕܼ ܡܣܰܗܶܕܼ ܗ̱ܘܳܐ ܠܗܽܘܢ ܕܝܶܫܽܘܥ ܗܽܘܝܽܘ ܡܫܺܝܚܳܐ܂
18:06 [ai]ܘܰܢܦܼܰܨ ܡܳܐܢܰܘܗ̱ܝ̈ ܘܶܐܡܰܪ ܠܗܽܘܢ܂ ܡܶܢ ܗܳܫܳܐ ܐܶܢܳܐ ܕܟܶܐ ܐ̱ܢܳܐ܂ ܐܳܙܶܠ ܐ̱ܢܳܐ ܠܺܝ ܠܘܳܬܼ ܥܰܡ̱ܡܶܐ̈܂
18:07 [ai]ܘܰܢܦܼܰܩ ܡܶܢ ܬܰܡܳܢ ܘܥܰܠ ܠܒܼܰܝܬܿܶܗ ܕܓܰܒܼܪܳܐ ܕܰܫܡܶܗ ܛܺܛܳܘܣ܃ ܐܰܝܢܳܐ ܕܕܼܳܚܶܠ ܗ̱ܘܳܐ ܡܶܢ ܐܰܠܳܗܳܐ܂ ܘܒܼܰܝܬܿܶܗ ܢܰܩܺܝܦܼ ܗ̱ܘܳܐ ܠܰܟܼܢܽܘܫܬܳܐ܂
18:08 [ai]ܘܰܟܿܪܺܝܣܦܿܳܘܣ ܪܰܒܿ ܟܢܽܘܫܬܳܐ ܗܰܝܡܶܢ ܗ̱ܘܳܐ ܒܡܳܪܰܢ܃ ܗܽܘ ܘܰܒܢܰܝ ܒܰܝܬܿܶܗ ܟܽܠܗܽܘܢ܂ ܘܣܰܓܿܺܝܶܐܐ̈ ܩܳܘܪ̈ܺܢܬܼܳܝܶܐ ܫܳܡܥܺܝܢ ܗ̱ܘܰܘ ܘܰܡܗܰܝܡܢܺܝܢ ܒܰܐܠܳܗܳܐ ܘܥܳܡܕܺܝܢ܀
18:09 [ai]ܘܶܐܡܰܪ ܡܳܪܝܳܐ ܒܚܶܙܘܳܐ ܠܦܿܰܘܠܳܘܣ܂ ܠܳܐ ܬܶܕܼܚܰܠ܂ ܐܶܠܳܐ ܡܰܠܶܠ ܘܠܳܐ ܬܶܫܬܿܽܘܩ܃
18:10 [ai]ܡܶܛܽܠ ܕܶܐܢܳܐ ܥܰܡܳܟܼ ܐ̱ܢܳܐ܃ ܘܐ̱ܢܳܫ ܠܳܐ ܡܶܫܟܿܰܚ ܠܡܰܗܳܪܽܘܬܼܳܟܼ܃ ܘܥܰܡܳܐ ܣܰܓܿܺܝܳܐܐ ܐܺܝܬܼ ܠܺܝ ܒܰܡܕܼܺܝܢ̱ܬܳܐ ܗܳܕܼܶܐ܂
18:11 [ai]ܺܝܬܼܶܒܼ ܗ̱ܘܳܐ ܕܶܝܢ ܫܰܢ̱ܬܳܐ ܚܕܼܳܐ ܘܝܰܪ̈ܚܶܐ ܫܬܳܐ ܒܩܳܘܪܺܢܬܼܳܘܣ܂ ܘܡܰܠܶܦܼ ܗ̱ܘܳܐ ܠܗܽܘܢ ܡܶܠܬܼܳܐ ܕܰܐܠܳܗܳܐ ܿ܀ܿ܀ܿ
18:12 [ai]ܘܟܼܰܕܼ ܐܺܝܬܼܰܘܗ̱ܝ ܗ̱ܘܳܐ ܓܿܰܐܠܺܝܳܘܢ ܐܰܢܬܼܽܘܦܿܰܛܳܘܣ ܕܰܐܟܼܰܐܺܝܰܐ܃ ܐܶܬܼܟܿܰܢܰܫܘ ܐܰܟܼܚܕܼܳܐ ܺܝܗܽܘܕܼܳܝܶܐ̈ ܥܰܠ ܦܿܰܘܠܳܘܣ܂ ܘܰܐܝܬܿܝܽܘܗ̱ܝ ܩܕܼܳܡ ܒܺܝܡ܂
18:13 [ai]ܟܰܕܼ ܐܳܡܪܺܝܢ܂ ܕܗܳܢܳܐ ܠܒܼܰܪ ܡܶܢ ܢܳܡܽܘܣܳܐ ܡܦܿܺܝܣ ܠܰܒܼܢܰܝܢܳܫܳܐ܃ ܕܢܶܗܘܽܘܢ ܕܳܚܠܺܝܢ ܠܰܐܠܳܗܳܐ܂
18:14 [ai]ܘܟܼܰܕܼ ܒܿܳܥܶܐ ܗ̱ܘܳܐ ܦܿܰܘܠܳܘܣ ܕܢܶܦܼܬܿܰܚ ܦܽܘܡܶܗ ܘܰܢܡܰܠܶܠ܃ ܐܶܡܰܪ ܓܿܰܐܠܺܝܳܘܢ ܠܺܝܗܽܘܕܼܳܝܶܐ̈܂ ܐܶܠܽܘ ܥܰܠ ܡܶܕܶܡ ܕܒܺܝܫ ܐܰܘ ܕܰܢܟܼܺܝܠ ܐܰܘ ܕܰܣܢܶܐ ܡܩܰܛܪܓܼܺܝܢ ܗ̱ܘܰܝܬܿܽܘܢ܃ ܐܳܘ ܺܝܗܽܘܕܼܳܝܶܐ̈܃ ܒܘܳܠܺܝܬܼܳܐ ܡܩܰܒܿܶܠ ܗ̱ܘܺܝܬܼ ܠܟܼܽܘܢ܂
18:15 [ai]ܐܶܢ ܕܶܝܢ ܙܺܛܺܡܶܐ̈ ܐܶܢܽܘܢ ܥܰܠ ܡܶܠܬܼܳܐ ܘܥܰܠ ܫܡܳܗܶܐ̈ ܘܥܰܠ ܢܳܡܽܘܣܳܐ ܕܺܝܠܟܼܽܘܢ܃ ܐܰܢ̱ܬܿܽܘܢ ܝܳܕܼܥܺܝܢ ܐܢ̱ܬܿܽܘܢ ܒܰܝܢܳܬܼܟܼܽܘܢ܂ ܐܶܢܳܐ ܓܶܝܪ ܠܳܐ ܨܳܒܼܶܐ ܐ̱ܢܳܐ܃ ܕܶܐܗܘܶܐ ܕܰܝܳܢܳܐ ܕܗܳܠܶܝܢ ܨܶܒܼܘܳܬܼܳܐ̈܂
18:16 [ai]ܘܰܛܪܰܕܼ ܐܶܢܽܘܢ ܡܶܢ ܒܺܝܡ ܕܺܝܠܶܗ܂
18:17 [ai]ܘܶܐܚܰܕܼܘ ܗ̱ܘܰܘ ܟܽܠܗܽܘܢ ܚܰܢܦܼܶܐ̈܃ ܠܣܳܘܣܬܼܶܢܺܝܣ ܩܰܫܺܝܫܳܐ ܕܰܟܼܢܽܘܫܬܳܐ܃ ܘܡܳܚܶܝܢ ܗ̱ܘܰܘ ܠܶܗ ܩܕܼܳܡ ܒܺܝܡ܂ ܘܓܼܰܐܠܺܝܳܘܢ ܡܰܗܡܶܐ ܗ̱ܘܳܐ ܒܗܳܠܶܝܢ܀
18:18 [ai]ܘܟܼܰܕܼ ܗܘܳܐ ܦܿܰܘܠܳܘܣ ܬܰܡܳܢ ܝܰܘܡܳܬܼܳܐ̈ ܣܰܓܿܺܝܶܐܐ̈܃ ܝܰܗ̱ܒܼ ܫܠܳܡܳܐ ܠܰܐܚܶܐ̈܂ ܘܰܪܕܼܳܐ ܒܝܰܡܳܐ܂ ܕܢܺܐܙܰܠ ܠܣܽܘܪܺܝܰܐ܂ ܘܶܐܬܼܰܘ ܥܰܡܶܗ ܦܿܪܺܝܣܩܺܠܰܐ ܘܰܐܩܶܠܳܘܣ܃ ܟܰܕܼ ܪܺܫܶܗ ܒܩܶܢܟܼܪܶܐܶܣ܃ ܡܶܛܽܠ ܕܢܶܕܼܪܳܐ ܢܕܼܺܝܪ ܗ̱ܘܳܐ ܠܶܗ܂
18:19 [ai]ܘܡܰܛܺܝܘ ܠܶܐܦܼܶܣܳܘܣ܀ ܘܥܰܠ ܦܿܰܘܠܳܘܣ ܠܰܟܼܢܽܘܫܬܳܐ܂ ܘܰܡܡܰܠܶܠ ܗ̱ܘܳܐ ܥܰܡ ܺܝܗܽܘܕܼܳܝܶܐ̈܂
18:20 [ai]ܘܒܼܳܥܶܝܢ ܗ̱ܘܰܘ ܡܶܢܶܗ܃ ܕܢܰܓܿܰܪ ܠܘܳܬܼܗܽܘܢ܂ ܘܠܳܐ ܐܶܬܿܛܦܿܺܝܣ܂
18:21 [ai]ܟܰܕܼ ܐܳܡܰܪ܂ ܕܘܳܠܶܐ ܠܺܝ ܐܰܡܺܝܢܳܐܺܝܬܼ܃ ܕܥܺܐܕܼܳܐ ܕܳܐܬܼܶܐ ܒܽܐܘܪܺܫܠܶܡ ܐܶܥܒܿܕܼܺܝܘܗ̱ܝ܂ ܘܶܐܢ ܐܰܠܳܗܳܐ ܢܶܨܒܿܶܐ܃ ܐܶܦܼܢܶܐ ܬܽܘܒܼ ܠܘܳܬܼܟܼܽܘܢ܂ ܘܠܰܐܩܶܠܳܘܣ ܘܠܰܦܿܪܺܝܣܩܺܠܰܐ܃ ܫܒܼܰܩ ܐܶܢܽܘܢ ܒܶܐܦܼܶܣܳܘܣ܂
18:22 [ai]ܘܗܽܘ ܪܕܼܳܐ ܒܝܰܡܳܐ ܘܶܐܬܼܳܐ ܠܩܶܣܰܪܺܝܰܐ܂ ܘܰܣܠܶܩ ܘܰܫܐܶܠ ܒܰܫܠܳܡܳܐ ܕܿܰܒܼܢܰܝ ܥܺܕ̱ܿܬܳܐ܂ ܘܶܐܙܰܠ ܠܶܗ ܠܰܐܢܛܺܝܳܘܟܼܺܝ܂
18:23 [ai]ܘܟܼܰܕܼ ܗܘܳܐ ܬܰܡܳܢ ܝܰܘܡܳܬܼܳܐ̈ ܺܝܕܼܺܝܥܶܐ̈܃ ܢܦܼܰܩ ܘܶܐܬܼܟܿܪܶܟܼ ܒܳܬܼܰܪ ܒܳܬܼܰܪ܃ ܒܰܐܬܼܪܳܐ ܕܓܼܰܠܰܛܺܝܰܐ ܘܕܼܰܦܼܪܽܘܓܼܺܝܰܐ܃ ܟܰܕܼ ܡܩܰܝܶܡ ܗ̱ܘܳܐ ܠܟܼܽܠܗܽܘܢ ܬܰܠܡܺܝܕܼܶܐ̈܂
18:24 [ai]ܘܓܼܰܒܼܪܳܐ ܚܰܕܼ ܕܰܫܡܶܗ ܗ̱ܘܳܐ ܐܰܦܿܳܠܳܘ ܺܝܗܽܘܕܼܳܝܳܐ܃ ܕܺܐܝܬܼܰܘܗ̱ܝ ܗ̱ܘܳܐ ܛܽܘܗܡܶܗ ܡܶܢ ܐܰܠܶܟܿܣܰܢܕܿܪܺܝܰܐ܃ ܘܰܪܕܼܶܐ ܗ̱ܘܳܐ ܒܡܶܠܬܼܳܐ ܘܰܡܕܼܳܩ ܗ̱ܘܳܐ ܒܰܟܼܬܼܳܒܼܶܐ̈܃ ܐܶܬܼܳܐ ܠܶܐܦܼܶܣܳܘܣ܂
18:25 [ai]ܗܳܢܳܐ ܡܬܼܰܠܡܰܕܼ ܗ̱ܘܳܐ ܠܽܐܘܪܚܶܗ ܕܡܳܪܝܳܐ܂ ܘܪܳܬܼܰܚ ܗ̱ܘܳܐ ܒܪܽܘܚ܂ ܘܰܡܡܰܠܶܠ ܗ̱ܘܳܐ ܘܡܰܠܶܦܼ ܡܰܠܝܳܐܺܝܬܼ ܥܰܠ ܝܶܫܽܘܥ܃ ܟܰܕܼ ܡܶܕܶܡ ܠܳܐ ܝܳܕܼܰܥ ܗ̱ܘܳܐ܃ ܐܶܠܳܐ ܐܶܢ ܡܰܥܡܽܘܕܼܺܝܬܼܳܐ ܕܝܽܘܚܰܢܳܢ܂
18:26 [ai]ܘܫܰܪܺܝ ܥܺܝܢ ܒܰܓܼܠܶܐ ܡܡܰܠܶܠ ܒܰܟܼܢܽܘܫܬܳܐ܂ ܘܟܼܰܕܼ ܫܰܡܥܽܘܗ̱ܝ ܐܰܩܶܠܳܘܣ ܘܰܦܿܪܺܝܣܩܺܠܰܐ܃ ܐܰܝܬܿܝܽܘܗ̱ܝ ܠܒܼܰܝܬܿܗܽܘܢ܂ ܘܡܰܠܝܳܐܺܝܬܼ ܚܰܘܺܝܘܗ̱ܝ ܐܽܘܪܚܶܗ ܕܡܳܪܝܳܐ܂
18:27 [ai]ܘܟܼܰܕܼ ܨܒܼܳܐ ܕܢܺܐܙܰܠ ܠܰܐܟܼܰܐܺܝܰܐ܃ ܚܰܦܿܛܽܘܗ̱ܝ ܐܰܚܶܐ̈܂ ܘܰܟܼܬܼܰܒܼܘ ܠܬܼܰܠܡܺܝܕܼܶܐ̈ ܕܰܢܩܰܒܿܠܽܘܢܳܝܗ̱ܝ܂ ܘܟܼܰܕܼ ܐܶܙܰܠ܃ ܥܰܕܿܰܪ ܣܰܓܿܺܝ ܒܝܰܕܼ ܛܰܝܒܿܽܘܬܼܳܐ ܠܟܼܽܠܗܽܘܢ ܡܗܰܝܡܢܶܐ̈܂
18:28 [ai]ܬܰܩܺܝܦܼܳܐܺܝܬܼ ܓܶܝܪ ܕܳܪܶܫ ܗ̱ܘܳܐ ܠܽܘܩܒܼܰܠ ܺܝܗܽܘܕܼܳܝܶܐ̈ ܩܕܼܳܡ ܟܶܢܫܶܐ̈܃ ܟܰܕܼ ܡܚܰܘܶܐ ܗ̱ܘܳܐ ܡܶܢ ܟܬܼܳܒܼܶܐ̈ ܥܰܠ ܝܶܫܽܘܥ ܕܰܡܫܺܝܚܳܐ ܗ̱ܘ܀

next chapter