← Back
The Comprehensive Aramaic Lexicon
← Return to the Text Browser
click on the file description for more information
62044: P Acts

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


21:01 [ai]ܘܰܦܼܪܰܫܢ ܡܶܢܗܽܘܢ܃ ܘܰܪܕܼܰܝܢ ܬܪܺܝܨܳܐܺܝܬܼ ܠܩܳܘ ܓܳܙܰܪܬܳܐ܂ ܘܰܠܝܰܘܡܳܐ ܐ̱ܚܪܺܢܳܐ܃ ܐܶܬܼܰܝܢ ܠܪܳܘܕܼܳܘܣ܃ ܘܡܶܢ ܬܰܡܳܢ ܠܦܿܰܐܛܰܪܰܐ܂
21:02 [ai]ܘܶܐܫܟܿܰܚܢ ܬܰܡܳܢ ܐܶܠܦܼܳܐ ܕܳܐܙܳܠ̱ܐ ܠܦܼܽܘܢܺܝܩܺܐ܃ ܘܰܣܠܶܩܢ ܠܳܗ܂ ܘܰܪܕܼܰܝܢ
21:03 [ai]ܘܡܰܛܺܝܢ ܥܕܼܰܡܳܐ ܠܘܳܬܼ ܩܽܘܦܿܪܳܘܣ ܓܳܙܰܪܬܳܐ܂ ܘܰܫܒܼܰܩܢܳܗ ܠܣܶܡܳܠܳܐ܃ ܘܶܐܬܼܰܝܢ ܠܣܽܘܪܺܝܰܐ܂ ܘܡܶܢ ܬܰܡܳܢ ܡܰܛܺܝܢ ܠܨܽܘܪ܂ ܬܰܡܳܢ ܓܶܝܪ ܐܺܝܬܼ ܗ̱ܘܳܐ ܠܳܗ ܠܶܐܠܦܼܳܐ ܠܰܡܢܳܚܽܘ ܛܰܥܢܳܗ܀
21:04 [ai]ܘܟܼܰܕܼ ܐܶܫܟܿܰܚܢ ܬܰܡܳܢ ܬܰܠܡܺܝܕܼܶܐ̈܃ ܩܰܘܺܝܢ ܠܘܳܬܼܗܽܘܢ ܝܰܘܡܳܬܼܳܐ̈ ܫܰܒܼܥܳܐ܂ ܘܗܳܠܶܝܢ ܐܳܡܪܺܝܢ ܗ̱ܘܰܘ ܟܽܠܝܽܘܡ ܠܦܿܰܘܠܳܘܣ ܒܪܽܘܚ܃ ܕܠܳܐ ܢܺܐܙܰܠ ܠܽܐܘܪܺܫܠܶܡ܂
21:05 [ai]ܘܡܶܢ ܒܳܬܼܰܪ ܗܳܠܶܝܢ ܝܰܘܡܳܬܼܳܐ̈܃ ܢܦܼܰܩܢ ܕܢܺܐܙܰܠ ܒܽܐܘܪܚܳܐ܂ ܘܰܡܠܰܘܶܝܢ ܗ̱ܘܰܘ ܠܰܢ ܟܽܠܗܽܘܢ܂ ܗܶܢܽܘܢ ܘܢܶܫܰܝܗܽܘܢ̈ ܘܰܒܢܰܝܗܽܘܢ܃ ܥܕܼܰܡܳܐ ܠܒܼܰܪ ܡܶܢ ܡܕܼܺܝܢ̱ܬܳܐ܂ ܘܰܩܥܶܕܼܘ ܥܰܠ ܒܽܘܪ̈ܟܰܝܗܽܘܢ ܥܰܠ ܝܰܕܼ ܝܰܡܳܐ ܘܨܰܠܺܝܘ܂
21:06 [ai]ܘܢܰܫܶܩܢ ܠܰܚܕܼܳܕܼܶܐ̈܂ ܘܰܣܠܶܩܢ ܠܶܐܠܦܼܳܐ܃ ܘܰܗܦܼܰܟܼܘ ܗܶܢܽܘܢ ܠܒܼܳܬܿܰܝܗܽܘܢ̈܂
21:07 [ai]ܚܢܰܢ ܕܶܝܢ ܪܕܼܰܝܢ ܡܶܢ ܨܽܘܪ܃ ܘܶܐܬܼܰܝܢ ܠܥܰܟܿܽܘ ܡܕܼܺܝܢ̱ܬܳܐ܂ ܘܝܰܗ̱ܒܼܢ ܫܠܳܡܳܐ ܠܰܐܚܶܐ̈ ܕܬܰܡܳܢ܂ ܘܰܫܪܰܝܢ ܨܶܐܕܼܰܝܗܽܘܢ܂ ܝܰܘܡܳܐ ܚܰܕܼ܂
21:08 [ai]ܘܰܠܝܰܘܡܳܐ ܐ̱ܚܪܺܢܳܐ܃ ܢܦܼܰܩܢ ܘܶܐܬܼܰܝܢ ܠܩܶܣܰܪܺܝܰܐ܂ ܘܥܰܠܢ ܫܪܰܝܢ ܒܒܼܰܝܬܿܶܗ ܕܦܼܺܝܠܺܝܦܿܳܘܣ ܡܣܰܒܿܪܳܢܳܐ܃ ܐܰܝܢܳܐ ܕܺܐܝܬܼܰܘܗ̱ܝ ܗ̱ܘܳܐ ܡܶܢ ܫܰܒܼܥܳܐ܂
21:09 [ai]ܘܺܐܝܬܼ ܗ̱ܘܰܝ̈ ܠܶܗ ܒܢܳܬܼܳܐ ܒܬܽܘܠܳܬܼܳܐ̈ ܐܰܪܒܿܰܥ ܕܡܶܬܼܢܰܒܿܝܳܢ̈ ܗ̱ܘܰܝ̈܂
21:10 [ai]ܘܟܼܰܕܼ ܐܺܝܬܼܰܝܢ ܬܰܡܳܢ ܝܰܘܡܳܬܼܳܐ̈ ܣܰܓܿܺܝܶܐܐ̈܃ ܢܚܶܬܼ ܗ̱ܘܳܐ ܡܶܢ ܺܝܗܽܘܕܼ ܢܒܼܺܝܳܐ ܚܰܕܼ܂ ܕܰܫܡܶܗ ܗܘܳܐ ܐܰܓܼܰܒܼܳܘܣ܂
21:11 [ai]ܘܥܰܠ ܠܘܳܬܼܰܢ܂ ܘܰܫܩܰܠ ܥܶܪܰܩܬܼܳܐ ܕܚܰܨܰܘܗ̱ܝ̈ ܕܦܿܰܘܠܳܘܣ܃ ܘܶܐܣܰܪ ܪ̈ܶܓܼܠܶܐ ܕܢܰܦܼܫܶܗ ܘܺܐܝܕܼܰܘܗ̱ܝ̈܂ ܘܶܐܡܰܪ܂ ܗܳܟܼܰܢܳܐ ܐܳܡܰܪ ܪܽܘܚܳܐ ܕܩܽܘܕܼܫܳܐ܃ ܕܓܰܒܼܪܳܐ ܡܳܪܳܗ ܗܳܕܼܶܐ܂ ܗܳܟܼܰܢܳܐ ܢܶܐܣܪܽܘܢܶܗ ܺܝܗܽܘܕܼܳܝܶܐ̈ ܒܽܐܘܪܺܫܠܶܡ܃ ܘܢܰܫܠܡܽܘܢܶܗ ܒܺܐܝܕܼܰܝ̈ ܥܰܡ̱ܡܶܐ̈܂
21:12 [ai]ܘܟܼܰܕܼ ܗܳܠܶܝܢ ܡܶܠܶܐ̈ ܫܡܰܥܢ܃ ܒܥܰܝܢ ܡܶܢܶܗ ܚܢܰܢ ܘܰܒܢܰܝ ܐܰܬܼܪܳܐ܃ ܕܠܳܐ ܢܺܐܙܰܠ ܠܽܐܘܪܺܫܠܶܡ܀
21:13 [ai]ܗܳܝܕܶܝܢ ܥܢܳܐ ܘܶܐܡܰܪ ܦܿܰܘܠܳܘܣ܂ ܡܳܢܳܐ ܥܳܒܼܕܺܝܢ ܐܢ̱ܬܿܽܘܢ ܕܒܳܟܼܶܝܢ ܐܢ̱ܬܿܽܘܢ ܘܫܳܚܩܺܝܢ ܐܢ̱ܬܿܽܘܢ ܠܶܗ ܠܠܶܒܿܝ܂ ܐܶܢܳܐ ܓܶܝܪ ܠܳܐ ܗ̱ܘܳܐ ܕܶܐܬܼܶܐܣܰܪ ܒܰܠܚܽܘܕܼ ܡܛܰܝܰܒܼ ܐ̱ܢܳܐ܃ ܐܶܠܳܐ ܐܳܦܼ ܕܶܐܡܽܘܬܼ ܒܽܐܘܪܺܫܠܶܡ ܚܠܳܦܼ ܫܡܶܗ ܕܡܳܪܰܢ ܝܶܫܽܘܥ܂
21:14 [ai]ܘܟܼܰܕܼ ܠܳܐ ܐܶܬܿܛܦܿܺܝܣ ܠܰܢ܃ ܒܗܶܠܢ ܠܰܢ܂ ܘܶܐܡܰܪܢ ܕܨܶܒܼܝܳܢܶܗ ܕܡܳܪܰܢ ܢܶܗܘܶܐ܀
21:15 [ai]ܘܒܼܳܬܼܰܪ ܝܰܘܡܳܬܼܳܐ̈ ܗܳܠܶܝܢ܃ ܐܶܬܿܛܰܝܰܒܼܢ ܘܰܣܠܶܩܢ ܠܰܢ ܠܽܐܘܪܺܫܠܶܡ܂
21:16 [ai]ܘܶܐܬܼܰܘ ܗ̱ܘܰܘ ܥܰܡܰܢ ܐ̱ܢܳܫܳܐ ܬܰܠܡܺܝܕܼܶܐ̈ ܡܶܢ ܩܶܣܰܪܺܝܰܐ܃ ܟܰܕܼ ܕܒܺܝܪܺܝܢ ܥܰܡܗܽܘܢ ܐܰܚܳܐ ܚܰܕܼ ܡܶܢ ܬܰܠܡܺܝܕܼܶܐ̈ ܩܰܕܼܡܳܝ̈ܶܐ܃ ܕܰܫܡܶܗ ܗܘܳܐ ܡܢܰܣܳܘܢ܃ ܘܺܐܝܬܼܰܘܗ̱ܝ ܗ̱ܘܳܐ ܡܶܢ ܩܽܘܦܿܪܳܘܣ܃ ܕܰܢܩܰܒܿܠܰܢ ܒܒܼܰܝܬܿܶܗ܂
21:17 [ai]ܘܟܼܰܕܼ ܐܶܬܼܰܝܢ ܠܽܐܘܪܺܫܠܶܡ܃ ܩܰܒܿܠܽܘܢ ܐܰܚܶܐ̈ ܚܳܕܼܝܳܐܺܝܬܼ܂
21:18 [ai]ܘܰܠܝܰܘܡܳܐ ܐ̱ܚܪܺܢܳܐ܃ ܥܰܠܢ ܥܰܡ ܦܿܰܘܠܳܘܣ ܠܘܳܬܼ ܝܰܥܩܽܘܒܼ܃ ܟܰܕܼ ܐܺܝܬܼ ܗ̱ܘܳܐ ܠܘܳܬܼܶܗ ܟܽܠܗܽܘܢ ܩܰܫܺܝܫܶܐ̈܂
21:19 [ai]ܘܝܰܗ̱ܒܼܢ ܠܗܽܘܢ ܫܠܳܡܳܐ܂ ܘܡܶܫܬܿܰܥܶܐ ܗ̱ܘܳܐ ܠܗܽܘܢ ܦܿܰܘܠܳܘܣ ܒܳܬܼܰܪ ܒܳܬܼܰܪ܃ ܟܽܠܡܳܐ ܕܰܥܒܼܰܕܼ ܐܰܠܳܗܳܐ ܒܥܰܡ̱ܡܶܐ̈ ܒܬܶܫܡܶܫܬܿܶܗ܂
21:20 [ai]ܘܟܼܰܕܼ ܫܡܰܥܘ܃ ܫܰܒܿܰܚܘ ܠܰܐܠܳܗܳܐ ܘܶܐܡܰܪܘ ܠܶܗ܂ ܚܳܙܶܐ ܐܰܢ̱ܬܿ ܐܰܚܽܘܢ܃ ܟܡܳܐ ܪ̈ܶܒܿܘܳܢ ܐܺܝܬܼ ܒܺܝܗܽܘܕܼ ܐܰܝܠܶܝܢ ܕܗܰܝܡܶܢܘ܂ ܘܟܼܽܠܗܽܘܢ ܗܳܠܶܝܢ ܛܰܢܳܢܶܐ̈ ܐܶܢܽܘܢ ܕܢܳܡܽܘܣܳܐ܂
21:21 [ai]ܐܶܬܼܶܐܡܰܪ ܠܗܽܘܢ ܕܶܝܢ ܥܠܰܝܟܿ܃ ܕܡܰܠܶܦܼ ܐܰܢ̱ܬܿ ܕܢܶܦܼܪܩܽܘܢ ܡܶܢ ܡܽܘܫܶܐ ܟܽܠܗܽܘܢ ܺܝܗܽܘܕܼܳܝܶܐ̈ ܕܰܒܼܥܰܡ̱ܡܶܐ̈܃ ܟܰܕܼ ܐܳܡܰܪ ܐܰܢ̱ܬܿ ܕܠܳܐ ܢܶܗܘܽܘܢ ܓܳܙܪܺܝܢ ܒܢܰܝܗܽܘܢ܃ ܘܠܳܐ ܒܰܥܝܳܕܼܶܐ̈ ܕܢܳܡܽܘܣܳܐ ܢܶܗܘܽܘܢ ܡܗܰܠܟܼܺܝܢ܂
21:22 [ai]ܡܶܛܽܠ ܗܳܟܼܺܝܠ ܕܡܶܫܬܿܰܡܥܳܐ ܗ̱ܝ ܠܗܽܘܢ ܕܶܐܬܼܰܝܬܿ ܠܟܼܳܐ܃
21:23 [ai]ܥܒܼܶܕܼ ܡܶܕܶܡ ܕܳܐܡܪܺܝܢܰܢ ܠܳܟܼ܂ ܐܺܝܬܼ ܠܰܢ ܓܿܰܒܼܪ̈ܶܐ ܐܰܪܒܥܳܐ܃ ܕܰܢܕܼܺܝܪ ܠܗܽܘܢ ܕܢܶܬܿܕܿܰܟܿܽܘܢ܂
21:24 [ai]ܕܒܰܪ ܐܶܢܽܘܢ ܘܙܶܠ ܐܶܬܿܕܿܰܟܿܳܐ ܥܰܡܗܽܘܢ܂ ܘܰܐܦܿܶܩ ܥܠܰܝܗܽܘܢ ܢܰܦܼܩܳܬܼܳܐ̈܃ ܐܰܝܟܼ ܕܢܶܓܼܪܥܽܘܢ ܪ̈ܺܫܰܝܗܽܘܢ܂ ܘܡܶܬܼܝܰܕܼܥܳܐ ܠܟܼܽܠܢܳܫ܃ ܕܿܡܶܕܶܡ ܕܶܐܬܼܶܐܡܰܪ ܥܠܰܝܟܿ ܕܰܓܿܳܠ ܗ̱ܽܘ܂ ܘܰܐܢ̱ܬܿ ܠܢܳܡܽܘܣܳܐ ܫܳܠܶܡ ܐܰܢ̱ܬܿ ܘܢܳܛܰܪ܂
21:25 [ai]ܥܰܠ ܐܰܝܠܶܝܢ ܕܶܝܢ ܕܗܰܝܡܶܢܘ ܡܶܢ ܥܰܡ̱ܡܶܐ̈܃ ܚܢܰܢ ܟܬܼܰܒܼܢ܃ ܕܢܶܗܘܽܘܢ ܢܳܛܪܺܝܢ ܢܰܦܼܫܗܽܘܢ܃ ܡܶܢ ܕܰܕܼܒܼܺܝܚܳܐ܂ ܘܡܶܢ ܙܳܢܝܽܘܬܼܳܐ܂ ܘܡܶܢ ܚܢܺܝܩܳܐ܂ ܘܡܶܢ ܕܡܳܐ܂
21:26 [ai]ܗܳܝܕܶܝܢ ܦܿܰܘܠܳܘܣ ܕܒܰܪ ܐܶܢܽܘܢ ܠܓܼܰܒܼܪ̈ܶܐ ܗܳܠܶܝܢ ܠܝܰܘܡܳܐ ܐ̱ܚܪܺܢܳܐ܃ ܘܶܐܬܿܕܰܟܿܺܝ ܥܰܡܗܽܘܢ܂ ܘܥܰܠ ܐܶܙܰܠ ܠܗܰܝܟܠܳܐ܂ ܟܰܕܼ ܡܰܘܕܿܰܥ ܠܗܽܘܢ ܡܽܘܠܳܝܳܐ ܕܝܰܘܡܳܬܼܳܐ̈ ܕܬܰܕܼܟܿܺܝܬܼܳܐ܃ ܥܕܼܰܡܳܐ ܕܶܐܬܼܩܰܪܰܒܼ ܩܽܘܪܒܿܳܢܳܐ ܕܐ̱ܢܳܫ ܐ̱ܢܳܫ ܡܶܢܗܽܘܢ ܿ܀ܿ܀ܿ
21:27 [ai]ܘܟܼܰܕܼ ܡܰܛܺܝ ܝܰܘܡܳܐ ܕܫܰܒܼܥܳܐ܃ ܺܝܗܽܘܕܼܳܝܶܐ̈ ܕܡܶܢ ܐܰܣܺܝܰܐ ܚܙܰܐܘܽܗ̱ܝ ܒܗܰܝܟܠܳܐ܂ ܘܓܼܰܪܺܝܘ ܥܠܰܘܗ̱ܝ ܥܰܡܳܐ ܟܽܠܶܗ܃ ܘܰܐܪܡܺܝܘ ܥܠܰܘܗ̱ܝ ܐܺܝܕܼܰܝܳܐ̈܃
21:28 [ai]ܟܰܕܼ ܡܒܼܰܓܿܢܺܝܢ ܘܳܐܡܪܺܝܢ܂ ܓܿܰܒܼܪ̈ܶܐ ܒܢܰܝ ܐܺܝܣܪܳܝܶܠ܃ ܥܰܕܿܰܪܘ܂ ܗܳܢܳܐ ܗ̱ܘ ܓܰܒܼܪܳܐ ܕܠܽܘܩܒܼܰܠ ܥܰܡܳܐ ܕܺܝܠܰܢ ܡܰܠܶܦܼ ܒܟܽܠ ܕܽܘܟܿܳܐ܃ ܘܠܽܘܩܒܼܰܠ ܢܳܡܽܘܣܳܐ܂ ܘܠܽܘܩܒܼܰܠ ܐܰܬܼܪܳܐ ܗܳܢܳܐ܂ ܘܳܐܦܼ ܠܰܐܪ̈ܡܳܝܶܐ ܐܰܥܶܠ ܠܗܰܝܟܠܳܐ܃ ܘܣܰܝܒܼܶܗ ܠܰܐܬܼܪܳܐ ܗܳܢܳܐ ܩܰܕܿܺܝܫܳܐ܂
21:29 [ai]ܩܰܕܶܡܘ ܗ̱ܘܰܘ ܓܶܝܪ ܚܙܰܘ ܥܰܡܶܗ ܠܰܛܪܳܘܦܼܺܝܡܳܣ ܐܶܦܼܶܣܳܝܳܐ ܒܰܡܕܼܺܝܢ̱ܬܳܐ܃ ܘܣܳܒܼܪܺܝܢ ܗ̱ܘܰܘ ܕܥܰܡ ܦܿܰܘܠܳܘܣ ܥܰܠ ܠܗܰܝܟܠܳܐ܂
21:30 [ai]ܘܶܐܫܬܿܰܓܼܫܰܬܼ ܟܽܠܳܗ ܡܕܼܺܝܢ̱ܬܳܐ ܘܶܐܬܼܟܿܰܢܰܫܘ܂ ܟܽܠܶܗ ܥܰܡܳܐ ܘܰܐܚܕܿܽܘܗ̱ܝ܂ ܠܦܿܰܘܠܳܘܣ ܘܓܼܰܪܽܘܗ̱ܝ ܠܒܼܰܪ ܡܶܢ ܗܰܝܟܠܳܐ ܘܒܼܰܪ ܫܳܥܬܼܶܗ ܐܶܬܿܬܿܚܶܕܼܘ ܬܿܰܪ̈ܥܶܐ܂
21:31 [ai]ܘܟܼܰܕܼ ܒܿܳܥܶܐ ܗ̱ܘܳܐ ܟܶܢܫܳܐ ܠܡܶܩܛܠܶܗ܃ ܐܶܫܬܿܰܡܥܰܬܼ ܠܟܺܠܺܝܰܪܟܼܳܐ ܕܶܐܣܦܿܺܝܪ܃ ܕܟܽܠܳܗ ܡܕܼܺܝܢ̱ܬܳܐ ܐܶܬܿܬܿܙܺܝܥܰܬܼ ܠܳܗ܂
21:32 [ai]ܘܒܼܰܪ ܫܳܥܬܼܶܗ ܕܒܰܪ ܠܩܶܢܛܪܽܘܢܳܐ ܘܠܶܐܣܛܪ̈ܰܛܺܝܳܘܛܶܐ ܣܰܓܿܺܝܶܐܐ̈܃ ܘܰܪܗܶܛܘ ܥܠܰܝܗܽܘܢ܂ ܘܟܼܰܕܼ ܚܙܰܘ ܠܟܺܠܺܝܰܪܟܼܳܐ ܘܠܶܐܣܛܪ̈ܰܛܺܝܳܘܛܶܐ܃ ܒܗܶܠܘ ܡܶܢ ܕܡܳܚܶܝܢ ܗ̱ܘܰܘ ܠܶܗ ܠܦܿܰܘܠܳܘܣ܂
21:33 [ai]ܘܰܩܪܶܒܼ ܠܘܳܬܼܶܗ ܟܺܠܺܝܰܪܟܼܳܐ ܘܰܐܚܕܿܶܗ܂ ܘܰܦܼܩܰܕܼ ܕܢܶܐܣܪܽܘܢܶܗ ܒܬܰܪ̈ܬܿܶܝܢ ܫܺܫܠܳܢ̈܂ ܘܰܡܫܰܐܶܠ ܗ̱ܘܳܐ ܥܠܰܘܗ̱ܝ܃ ܕܡܰܢܽܘ ܘܡܳܢܳܐ ܥܒܼܰܕܼ܂
21:34 [ai]ܘܩܳܥܶܝܢ ܗ̱ܘܰܘ ܥܠܰܘܗ̱ܝ ܐ̱ܢܳܫܳܐ ܡܶܢ ܐܳܟܼܠܳܘܣ ܡܶܕܶܡ ܡܶܕܶܡ܂ ܘܡܶܛܽܠ ܩܥܳܬܼܗܽܘܢ܂ ܠܳܐ ܡܶܫܟܿܰܚ ܗ̱ܘܳܐ ܠܡܶܕܿܰܥ ܐܰܝܕܼܳܐ ܗ̱ܝ ܫܰܪܺܝܪܬܳܐ܂ ܘܰܦܼܩܰܕܼ ܗ̱ܘܳܐ܂ ܕܢܰܘܒܿܠܽܘܢܶܗ܂ ܠܡܰܫܪܺܝܬܼܳܐ܂
21:35 [ai]ܘܟܼܰܕܼ ܡܰܛܺܝ ܦܿܰܘܠܳܘܣ ܠܕܼܰܪ̈ܓܿܶܐ܃ ܛܰܥܢܽܘܗ̱ܝ ܐܶܣܛܪ̈ܰܛܺܝܳܘܛܶܐ ܡܶܛܽܠ ܩܛܺܝܪܳܐ ܕܥܰܡܳܐ܂
21:36 [ai]ܐܳܬܼܶܐ ܗ̱ܘܳܐ ܓܶܝܪ ܒܳܬܼܪܶܗ ܥܰܡܳܐ ܣܰܓܿܺܝܳܐܐ܂ ܘܩܳܥܶܝܢ ܗ̱ܘܰܘ ܘܳܐܡܪܺܝܢ܃ ܫܩܽܘܠܳܝܗ̱ܝ܂
21:37 [ai]ܘܟܼܰܕܼ ܡܰܛܺܝ ܠܡܶܥܰܠ ܠܡܰܫܪܺܝܬܼܳܐ܂ ܗܽܘ ܦܿܰܘܠܳܘܣ܃ ܐܶܡܰܪ ܠܟܺܠܺܝܰܪܟܼܳܐ܂ ܐܶܢ ܡܰܦܿܶܣ ܐܰܢ̱ܬܿ ܠܺܝ܃ ܐܶܡܰܠܶܠ ܥܰܡܳܟܼ܂ ܗܽܘ ܕܶܝܢ ܐܶܡܰܪ ܠܶܗ܂ ܝܰܘܢܳܐܺܝܬܼ ܝܳܕܼܰܥ ܐܰܢ̱ܬܿ܃
21:38 [ai]ܠܳܐ ܗ̱ܘܰܝܬܿ ܐܰܢ̱ܬܿ ܗܰܘ ܡܶܨܪܳܝܳܐ܃ ܕܰܩܕܼܳܡ ܝܰܘܡܳܬܼܳܐ̈ ܗܳܠܶܝܢ ܐܰܙܺܝܥܬܿ ܘܰܐܦܿܶܩܬܿ ܠܡܰܕܼܒܪܳܐ܃ ܐܰܪܒܥܳܐ ܐܰܠܦܼܺܝܢ̈ ܓܿܰܒܼܪ̈ܶܐ܂ ܥܳܒܼܕܿܰܝ̈ ܒܺܝܫܳܬܼܳܐ̈܂
21:39 [ai]ܐܳܡܰܪ ܠܶܗ ܦܿܰܘܠܳܘܣ܂ ܐܶܢܳܐ ܓܰܒܼܪܳܐ ܐ̱ܢܳܐ ܺܝܗܽܘܕܼܳܝܳܐ܃ ܡܶܢ ܛܰܪܣܳܘܣ ܕܩܺܝܠܺܝܩܺܝܰܐ ܡܕܼܺܝܢ̱ܬܳܐ ܺܝܕܼܺܝܥܬܳܐ ܕܒܳܗ ܺܝܠܺܝܕܼ ܐ̱ܢܳܐ܂ ܒܿܳܥܶܐ ܐ̱ܢܳܐ ܡܶܢܳܟܼ܃ ܐܰܦܿܶܣ ܠܺܝ ܠܰܡܡܰܠܳܠܽܘ ܠܥܰܡܳܐ܂
21:40 [ai]ܘܟܼܰܕܼ ܐܰܦܿܶܣ ܠܶܗ܃ ܩܳܡ ܦܿܰܘܠܳܘܣ ܥܰܠ ܕܿܰܪ̈ܓܿܶܐ܂ ܘܰܐܙܺܝܥ ܗ̱ܘܳܐ ܠܗܽܘܢ ܐܺܝܕܼܶܗ܂ ܘܟܼܰܕܼ ܒܗܶܠܘ܃ ܡܰܠܶܠ ܥܰܡܗܽܘܢ ܥܶܒܼܪܳܐܺܝܬܼ ܘܶܐܡܰܪ ܠܗܽܘܢ܂

next chapter