← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62044: P Acts

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


22:01 [ai]ܐܰܚܶܐ̈ ܘܰܐܒܼܳܗܳܬܼܳܐ̈܃ ܫܡܰܥܘ ܡܰܦܿܰܩ ܒܪܽܘܚ ܕܰܠܘܳܬܼܟܼܽܘܢ܂
22:02 [ai]ܘܟܼܰܕܼ ܫܡܰܥܘ ܕܥܶܒܼܪܳܐܺܝܬܼ ܡܡܰܠܶܠ ܗ̱ܘܳܐ ܥܰܡܗܽܘܢ܃ ܝܰܬܿܺܝܪܳܐܺܝܬܼ ܒܗܶܠܘ܂ ܘܶܐܡܰܪ ܠܗܽܘܢ܂
22:03 [ai]ܐܶܢܳܐ ܓܰܒܼܪܳܐ ܐ̱ܢܳܐ ܺܝܗܽܘܕܼܳܝܳܐ܃ ܘܺܝܠܺܝܕܼ ܐ̱ܢܳܐ ܒܛܰܪܣܳܘܣ ܕܩܺܝܠܺܝܩܺܝܰܐ܂ ܐܶܬܼܪܰܒܺܝܬܼ ܕܶܝܢ ܒܗܳܕܼܶܐ ܡܕܼܺܝܢ̱ܬܳܐ ܥܰܠ ܓܶܢ̱ܒܼ ܪ̈ܶܓܼܠܰܘܗ̱ܝ ܕܓܼܰܡܰܠܺܝܐܝܶܠ܂ ܘܶܐܬܼܪܕܼܺܝܬܼ ܓܡܺܝܪܳܐܺܝܬܼ ܒܢܳܡܽܘܣܳܐ ܕܰܐܒܼܳܗܳܬܼܰܢ̈܂ ܘܺܐܝܬܼܰܝ ܗ̱ܘܺܝܬܼ ܛܰܢܳܢܳܐ ܕܰܐܠܳܗܳܐ܃ ܐܰܝܟܼ ܡܳܐ ܕܳܐܦܼ ܐܰܢ̱ܬܿܽܘܢ ܟܽܠܟܼܽܘܢ ܐܺܝܬܼܰܝܟܿܽܘܢ܂
22:04 [ai]ܘܰܠܗܳܕܼܶܐ ܐܽܘܪܚܳܐ ܪܶܕܼܦܿܶܬܼ ܥܕܼܰܡܳܐ ܠܡܰܘܬܳܐ܃ ܟܰܕܼ ܐܳܣܰܪ ܗ̱ܘܺܝܬܼ ܘܡܰܫܠܶܡ ܗ̱ܘܺܝܬܼ ܠܒܼܶܝܬܼ ܐܰܣܺܝܪ̈ܶܐ܂ ܓܿܰܒܼܪ̈ܶܐ ܘܢܶܫܶܐ̈܃
22:05 [ai]ܐܰܝܟܼ ܡܳܐ ܕܣܳܗܶܕܼ ܥܠܰܝ ܪܰܒܿ ܟܳܗܢܶܐ̈ ܘܟܼܽܠܗܽܘܢ ܩܰܫܺܝܫܶܐ̈܂ ܕܡܶܢܗܽܘܢ ܩܰܒܿܠܶܬܼ ܐܶܓܿܪ̈ܳܬܼܳܐ ܕܺܐܙܰܠ ܠܘܳܬܼ ܐܰܚܶܐ̈ ܕܰܒܼܕܼܰܪܡܣܽܘܩ܃ ܕܳܐܦܼ ܠܗܳܢܽܘܢ ܕܺܐܝܬܼ ܗ̱ܘܰܘ ܬܰܡܳܢ܃ ܐܰܝܬܿܶܐ ܐܶܢܽܘܢ ܠܽܐܘܪܺܫܠܶܡ ܟܰܕܼ ܐܰܣܺܝܪܺܝܢ܃ ܘܰܢܩܰܒܿܠܽܘܢ ܡܣܳܡ ܒܪܺܫܳܐ܂
22:06 [ai]ܘܟܼܰܕܼ ܐܳܙܶܠ ܗ̱ܘܺܝܬܼ ܘܫܰܪܺܝܬܼ ܡܡܰܛܶܐ ܐ̱ܢܳܐ ܠܕܼܰܪܡܣܽܘܩ܃ ܒܦܶܠܓܿܶܗ ܕܝܰܘܡܳܐ ܡܶܢ ܬܚܶܝܬܼ ܫܶܠܝܳܐ ܡܶܢ ܫܡܰܝܳܐ܃ ܐܰܙܠܶܓܼ ܥܠܰܝ ܢܽܘܗܪܳܐ ܣܰܓܿܺܝܳܐܐ܂
22:07 [ai]ܘܢܶܦܼܠܶܬܼ ܥܰܠ ܐܰܪܥܳܐ܂ ܘܫܶܡܥܶܬܼ ܩܳܠܳܐ ܕܳܐܡܰܪ ܗ̱ܘܳܐ ܠܺܝ܂ ܫܳܐܘܳܠ ܫܳܐܘܳܠ܃ ܡܳܢܳܐ ܪܳܕܼܶܦܼ ܐܰܢ̱ܬܿ ܠܺܝ܂
22:08 [ai]ܐܶܢܳܐ ܕܶܝܢ ܥܢܺܝܬܼ ܘܶܐܡܪܶܬܼ܂ ܡܰܢ ܐܰܢ̱ܬܿ ܡܳܪܝ܂ ܘܗܽܘ ܐܶܡܰܪ ܠܺܝ܂ ܐܶܢܳܐ ܗܽܘ ܝܶܫܽܘܥ ܢܳܨܪܳܝܳܐ ܕܰܐܢ̱ܬܿ ܪܳܕܼܶܦܼ ܐܰܢ̱ܬܿ܂
22:09 [ai]ܘܐ̱ܢܳܫܳܐ ܕܺܐܝܬܼ ܗ̱ܘܰܘ ܥܰܡܝ܂ ܚܙܰܘ ܢܽܘܗܪܳܐ܃ ܩܳܠܳܐ ܕܶܝܢ ܠܳܐ ܫܡܰܥܘ ܕܗܰܘ ܕܰܡܡܰܠܶܠ ܗ̱ܘܳܐ ܥܰܡܝ܂
22:10 [ai]ܘܶܐܡܪܶܬܼ ܡܳܢܳܐ ܐܶܥܒܿܶܕܼ ܡܳܪܝ܂ ܘܡܳܪܰܢ ܐܶܡܰܪ ܠܺܝ܂ ܩܽܘܡ ܙܶܠ ܠܕܼܰܪܡܣܽܘܩ܃ ܘܬܼܰܡܳܢ ܢܶܬܼܡܰܠܰܠ ܥܰܡܳܟܼ ܥܰܠ ܟܽܠ ܡܶܕܶܡ ܕܡܶܬܼܦܿܩܶܕܼ ܠܳܟܼ ܕܬܶܥܒܿܶܕܼ܂
22:11 [ai]ܘܟܼܰܕܼ ܠܳܐ ܡܶܬܼܚܙܶܐ ܗ̱ܘܳܐ ܠܺܝ ܡܶܛܽܠ ܬܶܫܒܿܽܘܚܬܿܶܗ ܕܢܽܘܗܪܳܐ ܗܰܘ܃ ܐܰܚܕܿܽܘܢܝ ܒܺܐܝܕܼܰܝ̈ ܗܳܢܽܘܢ ܕܥܰܡܝ ܗ̱ܘܰܘ܂ ܘܥܶܠܶܬܼ ܠܕܼܰܪܡܣܽܘܩ܂
22:12 [ai]ܘܓܼܰܒܼܪܳܐ ܚܰܕܼ ܚܰܢܰܢܝܳܐ ܟܺܐܢܳܐ ܒܢܳܡܽܘܣܳܐ܃ ܐܰܝܟܼ ܕܣܳܗܕܺܝܢ ܗ̱ܘܰܘ ܥܠܰܘܗ̱ܝ ܟܽܠܗܽܘܢ ܺܝܗܽܘܕܼܳܝܶܐ̈ ܕܬܰܡܳܢ܃
22:13 [ai]ܐܶܬܼܳܐ ܠܘܳܬܼܝ܂ ܘܶܐܡܰܪ ܠܺܝ܂ ܫܳܐܘܳܠ ܐܳܚܝ܃ ܦܬܼܰܚ ܥܰܝܢܰܝܟܿ̈܂ ܘܒܼܳܗ ܒܫܳܥܬܼܳܐ ܐܶܬܼܦܰܬܿܰܚ ܥܰܝܢܰܝ̈ ܘܚܳܪܶܬܼ ܒܶܗ܂
22:14 [ai]ܘܶܐܡܰܪ ܠܺܝ܂ ܐܰܠܳܗܳܐ ܕܰܐܒܼܳܗܳܬܼܰܢ̈ ܐܰܩܺܝܡܳܟܼ ܠܡܶܕܿܰܥ ܨܶܒܼܝܳܢܶܗ܂ ܘܬܼܶܚܙܶܐ ܠܙܰܕܿܺܝܩܳܐ ܘܬܼܶܫܡܰܥ ܩܳܠܳܐ ܡܶܢ ܦܽܘܡܶܗ܂
22:15 [ai]ܘܬܼܶܗܘܶܐ ܠܶܗ ܣܳܗܕܿܳܐ ܠܘܳܬܼ ܟܽܠܗܽܘܢ ܒܢܰܝܢܳܫܳܐ܃ ܥܰܠ ܟܽܘܠ ܡܳܐ ܕܰܚܙܰܝܬܿ ܘܰܫܡܰܥܬܿ܂
22:16 [ai]ܘܗܳܫܳܐ ܡܳܢܳܐ ܡܶܫܬܰܘܚܰܪ ܐܰܢ̱ܬܿ܂ ܩܽܘܡ ܥܡܰܕܼ ܘܶܐܬܿܕܿܰܟܿܳܐ ܡܶܢ ܚܛܳܗܰܝܟܿ̈܃ ܟܰܕܼ ܩܳܪܶܐ ܐܰܢ̱ܬܿ ܫܡܶܗ܂
22:17 [ai]ܘܗܶܦܼܟܿܶܬܼ ܐܶܬܼܺܝܬܼ ܠܟܼܳܐ ܠܽܐܘܪܺܫܠܶܡ܃ ܘܨܰܠܺܝܬܼ ܒܗܰܝܟܠܳܐ܂
22:18 [ai]ܘܰܚܙܺܝܬܼܶܗ ܒܚܶܙܘܳܐ܂ ܟܰܕܼ ܐܳܡܰܪ ܠܺܝ܂ ܐܶܣܬܿܰܪܗܰܒܼ ܘܦܼܽܘܩ ܠܳܟܼ ܡܶܢ ܐܽܘܪܺܫܠܶܡ܃ ܡܶܛܽܠ ܕܠܳܐ ܡܩܰܒܿܠܺܝܢ ܣܳܗܕܿܽܘܬܼܳܟܼ ܕܰܥܠܰܝ܂
22:19 [ai]ܘܶܐܢܳܐ ܐܶܡܪܶܬܼ܂ ܡܳܪܝ ܐܳܦܼ ܗܶܢܽܘܢ ܝܳܕܼܥܺܝܢ܃ ܕܶܐܢܳܐ ܡܰܫܠܶܡ ܗ̱ܘܺܝܬܼ ܠܒܼܶܝܬܼ ܐܰܣܺܝܪ̈ܶܐ܃ ܘܡܳܚܶܐ ܗ̱ܘܺܝܬܼ ܒܟܽܠ ܟܢܽܘܫܳܢ̈ ܠܰܐܝܠܶܝܢ ܕܰܡܗܰܝܡܢܺܝܢ ܗ̱ܘܰܘ ܒܳܟܼ܂
22:20 [ai]ܘܟܼܰܕܼ ܡܶܬܼܶܐܫܶܕܼ ܗ̱ܘܳܐ ܕܡܶܗ ܕܶܐܣܛܶܦܼܰܢܳܣ ܣܳܗܕܿܳܟܼ܃ ܘܳܐܦܼ ܐܶܢܳܐ ܥܰܡܗܽܘܢ ܩܳܐܶܡ ܗ̱ܘܺܝܬܼ ܘܫܳܠܶܡ ܗ̱ܘܺܝܬܼ ܠܨܶܒܼܝܳܢܗܽܘܢ ܕܩܳܛܽܘܠܰܘܗ̱ܝ̈܂ ܘܢܳܛܰܪ ܗ̱ܘܺܝܬܼ ܡܳܐܢܶܐ̈ ܕܰܐܝܠܶܝܢ ܕܪܳܓܼܡܺܝܢ ܗ̱ܘܰܘ ܠܶܗ܂
22:21 [ai]ܘܶܐܡܰܪ ܠܺܝ܂ ܙܶܠ܃ ܕܶܐܢܳܐ ܡܫܰܕܿܰܪ ܐ̱ܢܳܐ ܠܳܟܼ ܠܪܽܘܚܩܳܐ ܠܡܰܟܼܪܳܙܽܘ ܠܥܰܡ̱ܡܶܐ̈܀
22:22 [ai]ܘܟܼܰܕܼ ܫܰܡܥܽܘܗ̱ܝ ܠܦܿܰܘܠܳܘܣ ܥܕܼܰܡܳܐ ܠܗܳܕܼܶܐ ܡܶܠܬܼܳܐ܃ ܐܰܪܺܝܡܘ ܩܳܠܗܽܘܢ ܘܰܩܥܰܘ܂ ܢܶܫܬܿܩܶܠ ܡܶܢ ܐܰܪܥܳܐ ܐܰܝܢܳܐ ܕܗܳܟܼܰܢܳܐ ܗ̱ܘ܃ ܠܳܐ ܓܶܝܪ ܘܳܠܶܐ ܠܶܗ ܠܡܶܚܳܐ܂
22:23 [ai]ܘܟܼܰܕܼ ܡܒܼܰܓܿܢܺܝܢ ܗ̱ܘܰܘ܂ ܘܰܡܫܰܕܶܝܢ ܗ̱ܘܰܘ ܡܳܐܢܰܝܗܽܘܢ̈܂ ܘܡܰܣܩܺܝܢ ܗ̱ܘܰܘ ܚܶܠܳܐ ܠܰܫܡܰܝܳܐ܃
22:24 [ai]ܦܩܰܕܼ ܟܺܠܺܝܰܪܟܼܳܐ ܕܢܰܥܠܽܘܢܶܗ ܠܡܰܫܪܺܝܬܼܳܐ܂ ܘܰܦܼܩܰܕܼ ܕܰܒܼܢܶܓܼܕܿܶܐ̈ ܢܶܫܬܿܰܐܰܠ܃ ܐܰܝܟܼ ܕܢܶܕܿܰܥ ܡܶܛܽܠ ܐܰܝܕܼܳܐ ܥܶܠܬܼܳܐ ܩܳܥܶܝܢ ܗ̱ܘܰܘ ܥܠܰܘܗ̱ܝ܂
22:25 [ai]ܘܟܼܰܕܼ ܡܰܬܼܚܽܘܗ̱ܝ ܒܥܰܪ̈ܩܶܐ܃ ܐܶܡܰܪ ܗܽܘ ܦܿܰܘܠܳܘܣ ܠܩܶܢܛܪܽܘܢܳܐ ܕܩܳܐܶܡ ܗ̱ܘܳܐ ܥܠܰܘܗ̱ܝ܂ ܡܰܦܿܰܣ ܠܟܼܽܘܢ܃ ܕܰܠܓܼܰܒܼܪܳܐ ܪܽܗ̱ܘܡܳܝܳܐ ܕܠܳܐ ܡܚܰܝܰܒܼ ܕܰܬܼܢܰܓܿܕܼܽܘܢ܂
22:26 [ai]ܘܟܼܰܕܼ ܫܡܰܥ ܩܶܢܛܪܽܘܢܳܐ܃ ܩܪܶܒܼ ܠܘܳܬܼ ܟܺܠܺܝܰܪܟܼܳܐ ܘܶܐܡܰܪ ܠܶܗ܂ ܡܳܢܳܐ ܥܳܒܼܶܕܼ ܐܰܢ̱ܬܿ܂ ܗܳܢܳܐ ܓܶܝܪ ܓܰܒܼܪܳܐ ܪܽܗ̱ܘܡܳܝܳܐ ܗ̱ܘ܂
22:27 [ai]ܘܰܩܪܶܒܼ ܠܘܳܬܼܶܗ ܟܺܠܺܝܰܪܟܼܳܐ ܘܶܐܡܰܪ ܠܶܗ܂ ܐܶܡܰܪ ܠܺܝ ܐܰܢ̱ܬܿ ܪܽܗ̱ܘܡܳܝܳܐ ܐܰܢ̱ܬܿ܂ ܘܶܐܡܰܪ ܠܶܗ܂ ܐܺܝܢ܂
22:28 [ai]ܘܰܥܢܳܐ ܟܺܠܺܝܰܪܟܼܳܐ ܘܶܐܡܰܪ܂ ܐܶܢܳܐ ܒܟܶܣܦܿܳܐ ܣܰܓܿܺܝܳܐܐ ܩܢܺܝܬܼܳܗ ܠܪܽܗ̱ܘܡܳܝܽܘܬܼܳܐ܂ ܐܳܡܰܪ ܠܶܗ ܦܿܰܘܠܳܘܣ܂ ܐܶܢܳܐ ܕܶܝܢ ܐܳܦܼ ܒܿܳܗ ܐܶܬܼܝܰܠܕܿܶܬܼ܂
22:29 [ai]ܘܡܶܚܕܼܳܐ ܦܪܰܩܘ ܠܗܽܘܢ ܡܶܢܶܗ ܗܳܢܽܘܢ ܕܒܳܥܶܝܢ ܗ̱ܘܰܘ ܠܰܡܢܰܓܿܳܕܼܽܘܬܼܶܗ܂ ܘܰܕܼܚܶܠ ܟܺܠܺܝܰܪܟܼܳܐ܃ ܟܰܕܼ ܺܝܠܶܦܼ ܕܪܽܗ̱ܘܡܳܝܳܐ ܗ̱ܘ܃ ܥܰܠ ܕܦܰܟܼܪܶܗ ܗ̱ܘܳܐ ܿ܀ܿ܀ܿ
22:30 [ai]ܘܰܠܝܰܘܡܳܐ ܐ̱ܚܪܺܢܳܐ܃ ܨܒܼܳܐ ܗ̱ܘܳܐ ܠܡܶܕܿܰܥ ܫܰܪܺܝܪܳܐܺܝܬܼ܃ ܕܡܳܢܳܐ ܗ̱ܝ ܩܛܺܓܼܪܳܢܽܘܬܼܳܐ ܕܡܰܝܬܿܶܝܢ ܗ̱ܘܰܘ ܥܠܰܘܗ̱ܝ ܺܝܗܽܘܕܼܳܝܶܐ̈܂ ܘܰܫܪܳܝܗ̱ܝ ܘܰܦܼܩܰܕܼ܃ ܕܢܺܐܬܼܽܘܢ ܪ̈ܰܒܰܝ ܟܳܗܢܶܐ̈ ܘܟܼܽܠܶܗ ܟܶܢܫܳܐ ܕܿܪ̈ܺܫܰܝܗܽܘܢ܂ ܘܰܕܼܒܼܰܪ ܠܦܿܰܘܠܳܘܣ ܘܰܐܚܶܬܼ ܐܰܩܺܝܡܶܗ ܒܰܝܢܳܬܼܗܽܘܢ܂

next chapter