← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62044: P Acts

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


28:01 [ai]ܘܡܶܢ ܒܳܬܼܰܪܟܿܶܢ ܺܝܠܶܦܼܢ܃ ܕܡܺܠܺܝܛܺܐ ܡܶܬܼܩܰܪܝܳܐ ܗܳܝ ܓܳܙܰܪܬܳܐ܂
28:02 [ai]ܘܒܼܰܪ̈ܒܿܪܳܝܶܐ ܕܥܳܡܪܺܝܢ ܗ̱ܘܰܘ ܒܿܳܗ܃ ܪ̈ܰܚܡܶܐ ܣܰܓܿܺܝܶܐܐ̈ ܚܰܘܺܝܘ ܠܘܳܬܼܰܢ܂ ܘܰܐܘܚܶܕܼܘ ܘܢܽܘܪܳܐ܃ ܘܰܩܪܰܐܘܽܢ ܠܟܼܽܠܰܢ ܕܢܶܫܚܰܢ܃ ܡܶܛܽܠ ܡܶܛܪܳܐ ܣܰܓܿܺܝܳܐܐ ܘܩܽܘܪܫܳܐ ܕܺܐܝܬܼ ܗ̱ܘܳܐ܂
28:03 [ai]ܘܦܿܰܘܠܳܘܣ ܫܩܰܠ ܣܽܘܓܼܳܐܐ ܕܚܰܒܿܽܘܒܼܶܐ̈ ܘܣܳܡ ܥܰܠ ܢܽܘܪܳܐ܂ ܘܢܶܦܼܩܰܬܼ ܡܶܢܗܽܘܢ ܐܳܟܼܶܕܼܢܳܐ ܡܶܢ ܕܢܽܘܪܳܐ ܘܢܶܟܼܬܿܰܬܼ ܒܺܐܝܕܼܶܗ܂
28:04 [ai]ܘܟܼܰܕܼ ܚܙܰܐܘܽܗ ܒܰܪ̈ܒܿܪܳܝܶܐ ܕܬܰܠܝܳܐ ܒܺܐܝܕܼܶܗ܃ ܐܳܡܪܺܝܢ ܗ̱ܘܰܘ܂ ܟܒܼܰܪ ܗܳܢܳܐ ܓܰܒܼܪܳܐ ܩܳܛܽܘܠܳܐ ܗ̱ܘ܂ ܕܟܰܕܼ ܐܶܫܬܰܘܙܰܒܼ ܡܶܢ ܝܰܡܳܐ܃ ܟܺܐܢܽܘܬܼܳܐ ܠܳܐ ܫܒܼܰܩܬܼܶܗ
28:05 [ai]ܗܽܘ ܕܶܝܢ ܦܿܰܘܠܳܘܣ ܐܰܢܺܝܦܼ ܐܺܝܕܼܶܗ܃ ܘܰܫܕܼܳܗ ܠܳܐܟܼܶܕܼܢܳܐ ܒܢܽܘܪܳܐ܂ ܘܡܶܕܶܡ ܕܰܣܢܶܐ ܠܳܐ ܗܘܳܝܗ̱ܝ܂
28:06 [ai]ܣܳܒܼܪܺܝܢ ܗ̱ܘܰܘ ܕܶܝܢ ܒܰܪ̈ܒܿܪܳܝܶܐ܃ ܕܒܰܪ ܫܳܥܬܼܶܗ ܡܶܬܼܡܣܶܐ ܘܢܳܦܼܶܠ ܟܰܕܼ ܡܺܝܬܼ ܥܰܠ ܐܰܪܥܳܐ܂ ܘܟܼܰܕܼ ܥܶܕܳܢܳܐ ܣܰܓܿܺܝܳܐܐ ܣܰܟܿܺܝܘ ܘܰܚܙܰܘ ܕܿܡܶܕܶܡ ܕܰܣܢܶܐ ܠܳܐ ܗܘܳܝܗ̱ܝ܃ ܫܰܚܠܶܦܼܘ ܡܶܠܰܝܗܽܘܢ̈ ܘܶܐܡܰܪܘ ܕܰܐܠܳܗܳܐ ܗ̱ܘ܀
28:07 [ai]ܐܺܝܬܼ ܗ̱ܘܳܐ ܕܶܝܢ ܩܽܘܪ̈ܝܳܐ ܒܶܗ ܒܗܰܘ ܐܰܬܼܪܳܐ܃ ܠܓܼܰܒܼܪܳܐ ܚܰܕܼ ܕܰܫܡܶܗ ܗܘܳܐ ܦܿܳܘܦܿܠܺܝܳܘܣ܂ ܕܗܽܘ ܗܘܳܐ ܪܺܫܳܗ ܕܓܳܙܰܪܬܳܐ܂ ܘܩܰܒܿܠܰܢ ܒܒܼܰܝܬܿܶܗ ܬܠܳܬܼܳܐ ܝܰܘܡܺܝܢ̈܂ ܚܳܕܼܝܳܐܺܝܬܼ܂
28:08 [ai]ܐܰܒܼܽܘܗ̱ܝ ܕܶܝܢ ܕܦܿܳܘܦܿܠܺܝܳܘܣ܂ ܒܶܐܫܳܬܼܳܐ ܘܰܒܟܼܺܐܒܼ ܡܥܰܝܳܐ̈ ܟܪܺܝܗ ܗ̱ܘܳܐ܂ ܘܥܰܠ ܠܘܳܬܼܶܗ ܦܿܰܘܠܳܘܣ ܘܨܰܠܺܝ܂ ܘܣܳܡ ܥܠܰܘܗ̱ܝ ܐܺܝܕܼܶܗ ܘܰܐܚܠܡܶܗ܂
28:09 [ai]ܘܟܼܰܕܼ ܗܘܳܬܼ ܗܳܕܼܶܐ܃ ܐܳܦܼ ܫܰܪܟܿܳܐ ܐܰܝܠܶܝܢ ܕܺܐܝܬܼ ܗ̱ܘܰܘ ܒܿܳܗ ܒܓܳܙܰܪܬܳܐ ܟܿܪ̈ܺܝܗܶܐ܃ ܩܳܪܒܺܝܢ ܗ̱ܘܰܘ ܠܘܳܬܼܶܗ ܘܡܶܬܼܰܐܣܶܝܢ ܗ̱ܘܰܘ܂
28:10 [ai]ܘܺܐܝܩܳܪ̈ܶܐ ܪ̈ܰܘܪܒܼܶܐ ܝܰܩܪܽܘܢ܂ ܘܟܼܰܕܼ ܢܳܦܼܩܺܝܢ ܗ̱ܘܰܝܢ ܡܶܢ ܬܰܡܳܢ܃ ܙܰܘܕܼܽܘܢ܂
28:11 [ai]ܢܦܼܰܩܢ ܕܶܝܢ ܒܳܬܼܰܪ ܝܰܪ̈ܚܶܐ ܬܠܳܬܼܳܐ܃ ܘܰܪܕܼܰܝܢ ܒܶܐܠܦܼܳܐ ܐܰܠܶܟܿܣܰܢܕܿܪܳܝܬܳܐ܃ ܕܰܐܣܬܿܝܰܬܼ ܗ̱ܘܳܬܼ ܒܿܳܗ ܒܓܳܙܰܪܬܳܐ܂ ܘܺܐܝܬܼ ܗ̱ܘܳܬܼ ܥܠܶܝܗ ܐܳܬܼܳܐ ܕܬܳܐܡܶܐ̈܂
28:12 [ai]ܘܶܐܬܼܰܝܢ ܠܣܽܪܰܩܳܘܣܰܐ ܡܕܼܺܝܢ̱ܬܳܐ܂ ܘܩܰܘܺܝܢ ܬܰܡܳܢ ܝܰܘܡܳܬܼܳܐ̈ ܬܠܳܬܼܳܐ܂
28:13 [ai]ܘܡܶܢ ܬܰܡܳܢ ܐܶܬܼܟܿܪܶܟܼܢ܃ ܘܡܰܢܰܥܢ ܠܪܺܓܼܺܝܳܘܢ ܡܕܼܺܝܢ̱ܬܳܐ܂ ܘܒܼܳܬܼܰܪ ܝܰܘܡܳܐ ܚܰܕܼ܃ ܢܶܫܒܿܰܬܼ ܠܰܢ ܪܽܘܚܳܐ ܕܬܰܝܡܢܳܐ܂ ܘܠܰܬܼܪ̈ܶܝܢ ܝܰܘܡܺܝܢ̈܃ ܐܶܬܼܰܝܢ ܠܦܿܳܘܛܺܝܰܐܠܳܣ ܡܕܼܺܝܢ̱ܬܳܐ ܕܺܐܝܛܰܠܺܝܰܐ܂
28:14 [ai]ܘܶܐܫܟܿܰܚܢ ܬܰܡܳܢ ܐܰܚܶܐ̈܂ ܘܰܒܥܰܘ ܡܶܢܰܢ܃ ܘܰܗܘܰܝܢ ܠܘܳܬܼܗܽܘܢ ܝܰܘܡܳܬܼܳܐ ܫܰܒܼܥܳܐ܂ ܘܗܳܝܕܶܝܢ ܐܶܙܰܠܢ ܠܪܽܗ̱ܘܡܺܐ܂
28:15 [ai]ܘܟܼܰܕܼ ܫܡܰܥܘ ܐܰܚܶܐ̈ ܕܬܰܡܳܢ܃ ܢܦܼܰܩܘ ܠܽܐܘܪܥܰܢ ܥܕܼܰܡܳܐ ܠܫܽܘܩܳܐ ܕܡܶܬܼܩܪܶܐ ܘܰܥܕܼܰܡܳܐ ܠܰܬܼܠܳܬܼ ܚܳܢܘܳܢ̈܂ ܘܟܼܰܕܼ ܚܙܳܐ ܐܶܢܽܘܢ ܦܿܰܘܠܳܘܣ܃ ܐܰܘܕܿܺܝ ܠܰܐܠܳܗܳܐ ܘܶܐܬܼܚܰܝܰܠ܂
28:16 [ai]ܘܥܰܠܢ ܠܪܽܗ̱ܘܡܺܐ܂ ܘܰܐܦܿܶܣ ܩܶܢܛܪܽܘܢܳܐ ܠܦܿܰܘܠܳܘܣ܃ ܕܢܶܫܪܶܐ ܐܰܝܟܿܳܐ ܕܨܳܒܼܶܐ܃ ܥܰܡ ܐܶܣܛܪܰܛܺܝܳܘܛܳܐ ܗܰܘ ܕܢܳܛܰܪ ܗ̱ܘܳܐ ܠܶܗ܀
28:17 [ai]ܘܡܶܢ ܒܳܬܼܰܪ ܬܠܳܬܼܳܐ ܝܰܘܡܺܝܢ̈܃ ܫܰܕܿܰܪ ܦܿܰܘܠܳܘܣ ܩܪܳܐ ܠܪ̈ܺܫܳܢܰܝܗܽܘܢ ܕܺܝܗܽܘܕܼܳܝܶܐ̈܂ ܘܟܼܰܕܼ ܐܶܬܼܟܿܰܢܰܫܘ܃ ܐܶܡܰܪ ܠܗܽܘܢ܂ ܓܿܰܒܼܪ̈ܶܐ ܐܰܚܰܝ̈܃ ܐܶܢܳܐ ܟܰܕܼ ܒܡܶܕܶܡ ܠܳܐ ܩܳܡܶܬܼ ܠܽܘܩܒܼܰܠ ܥܰܡܳܐ ܘܢܳܡܽܘܣܳܐ ܕܰܐܒܼܳܗܰܝ̈܃ ܒܰܐܣܽܘܪ̈ܶܐ ܐܶܫܬܿܰܠܡܶܬܼ ܡܶܢ ܐܽܘܪܺܫܠܶܡ ܒܺܐܝܕܼܳܐ ܕܿܪ̈ܽܗ̱ܘܡܳܝܶܐ܂
28:18 [ai]ܘܗܶܢܽܘܢ ܟܰܕܼ ܫܰܐܠܽܘܢܝ܃ ܨܒܼܰܘ ܕܢܶܫܪܽܘܢܳܢܝ܃ ܡܶܛܽܠ ܕܠܳܐ ܐܶܫܟܿܰܚܘ ܒܳܬܼܰܪܝ ܪܶܫܝܳܢܳܐ ܡܶܕܶܡ ܕܫܳܘܶܐ ܠܡܰܘܬܳܐ܂
28:19 [ai]ܘܟܼܰܕܼ ܩܳܝܡܺܝܢ ܗ̱ܘܰܘ ܠܽܘܩܒܼܰܠܝ ܺܝܗܽܘܕܼܳܝܶܐ̈܃ ܐܶܬܼܰܐܠܨܶܬܼ ܕܶܐܩܥܶܐ ܒܓܶܢ ܩܶܣܰܪ܃ ܠܳܐ ܐܰܝܟܼ ܐܺܝܬܼ ܠܺܝ ܕܶܐܩܰܛܪܶܓܼ ܒܡܶܕܶܡ ܠܰܒܼܢܰܝ ܥܰܡܝ܂
28:20 [ai]ܡܶܛܽܠ ܗܳܢܳܐ ܒܥܺܝܬܼ ܡܶܢܟܼܽܘܢ܃ ܕܬܺܐܬܼܽܘܢ ܘܶܐܚܙܶܝܟܼܽܘܢ ܘܶܐܫܬܿܰܥܶܐ ܠܟܼܽܘܢ ܗܳܠܶܝܢ܂ ܡܶܛܽܠ ܣܰܒܼܪܳܐ ܓܶܝܪ ܕܺܐܝܣܪܳܝܶܠ ܐܰܣܺܝܪ ܐ̱ܢܳܐ ܒܫܺܫܰܠܬܳܐ ܗܳܕܼܶܐ܂
28:21 [ai]ܐܳܡܪܺܝܢ ܠܶܗ ܗܶܢܽܘܢ܂ ܚܢܰܢ ܐܶܓܿܰܪܬܳܐ ܥܠܰܝܟܿ ܠܳܐ ܩܰܒܿܶܠܢ ܡܶܢ ܺܝܗܽܘܕܼ܃ ܘܠܳܐ ܐ̱ܢܳܫ ܡܶܢ ܐܰܚܶܐ̈ ܕܶܐܬܼܰܘ ܡܶܢ ܐܽܘܪܺܫܠܶܡ܃ ܐܶܡܰܪܘ ܠܰܢ ܡܶܕܶܡ ܕܒܺܝܫ ܥܠܰܝܟܿ܂
28:22 [ai]ܨܳܒܼܶܝܢܰܢ ܕܶܝܢ ܕܢܶܫܡܰܥ ܡܶܢܳܟܼ ܡܶܕܶܡ ܕܡܶܬܼܪܰܥܶܐ ܐܰܢ̱ܬܿ܂ ܡܶܛܽܠ ܕܝܽܘܠܦܿܳܢܳܐ ܗܳܢܳܐ܃ ܝܳܕܼܥܺܝܢܰܢ ܕܥܰܠ ܐ̱ܢܳܫ ܠܳܐ ܡܩܰܒܿܰܠ܂
28:23 [ai]ܘܰܐܩܺܝܡܘ ܠܶܗ ܝܰܘܡܳܐ܃ ܘܰܟܼܢܰܫܘ ܘܶܐܬܼܰܘ ܠܘܳܬܼܶܗ ܣܰܓܿܺܝܶܐܐ̈ ܟܰܪ ܕܰܫܪܶܐ ܗ̱ܘܳܐ܂ ܘܰܓܼܠܳܐ ܠܗܽܘܢ ܥܰܠ ܡܰܠܟܿܽܘܬܼܳܐ ܕܰܐܠܳܗܳܐ܂ ܟܰܕܼ ܡܣܰܗܶܕܼ ܘܰܡܦܿܺܝܣ ܠܗܽܘܢ ܥܰܠ ܝܶܫܽܘܥ܃ ܡܶܢ ܢܳܡܽܘܣܳܐ ܕܡܽܘܫܶܐ ܘܡܶܢ ܢܒܼܺܝܶܐ̈܃ ܡܶܢ ܨܰܦܼܪܳܐ ܘܰܥܕܼܰܡܳܐ ܠܪܰܡܫܳܐ܂
28:24 [ai]ܘܐ̱ܢܳܫܺܝܢ̈ ܡܶܢܗܽܘܢ ܡܶܬܿܛܦܿܺܝܣܺܝܢ ܗ̱ܘܰܘ ܠܡܶܠܰܘܗ̱ܝ̈܃ ܘܰܐ̱ܚܪ̈ܳܢܶܐ ܠܳܐ ܡܶܬܿܛܦܿܺܝܣܺܝܢ ܗ̱ܘܰܘ܂
28:25 [ai]ܘܶܐܫܬܿܪܺܝܘ ܡܶܢ ܠܘܳܬܼܶܗ ܟܰܕܼ ܠܳܐ ܫܳܠܡܺܝܢ ܠܰܚܕܼܳܕܼܶܐ̈܂ ܘܶܐܡܰܪ ܠܗܽܘܢ ܗܽܘ ܦܿܰܘܠܳܘܣ ܡܶܠܬܼܳܐ ܗܳܕܼܶܐ܂ ܡܰܠܶܠ ܪܽܘܚܳܐ ܕܩܽܘܕܼܫܳܐ܃ ܒܦܽܘܡ ܐܶܫܰܥܝܳܐ ܢܒܼܺܝܳܐ ܠܽܘܩܒܼܰܠ ܐܰܒܼܳܗܳܬܼܟܼܽܘܢ̈܃
28:26 [ai]ܟܰܕܼ ܐܳܡܰܪ܃ ܕܙܶܠ ܠܘܳܬܼ ܥܰܡܳܐ ܗܳܢܳܐ ܘܶܐܡܰܪ ܠܗܽܘܢ܂ ܕܫܶܡܥܳܐ ܬܶܫܡܥܽܘܢ ܘܠܳܐ ܬܿܶܣܬܿܰܟܠܽܘܢ܂ ܘܬܼܶܚܙܽܘܢ ܘܠܳܐ ܬܶܒܼܚܪܽܘܢ܂
28:27 [ai]ܐܶܬܼܥܰܒܺܝ ܠܶܗ ܓܶܝܪ ܠܶܒܶܗ ܕܥܰܡܳܐ ܗܳܢܳܐ܂ ܘܡܰܫܡܰܥܬܼܗܽܘܢ ܐܰܘܩܰܪܘ܂ ܘܥܰܝܢܰܝܗܽܘܢ̈ ܥܰܡܶܨܘ܃ ܕܠܳܐ ܢܶܚܙܽܘܢ ܒܥܰܝܢܰܝܗܽܘܢ̈ ܘܢܶܫܡܥܽܘܢ ܒܶܐܕܼܢܰܝܗܽܘܢ̈܃ ܘܢܶܣܬܿܰܟܠܽܘܢ ܒܿܠܶܒܗܽܘܢ ܘܰܢܬܼܽܘܒܼܽܘܢ ܠܘܳܬܼܝ ܘܶܐܫܒܿܽܘܩ ܠܗܽܘܢ܂
28:28 [ai]ܬܶܬܼܺܝܕܼܰܥ ܠܟܼܽܘܢ ܗܳܟܼܺܝܠ ܗܳܕܼܶܐ܃ ܕܰܠܥܰܡ̱ܡܶܐ̈ ܗ̱ܘ ܐܶܫܬܿܰܕܿܰܪ ܗܳܢܳܐ ܦܽܘܪܩܳܢܳܐ ܕܰܐܠܳܗܳܐ܂ ܗܶܢܽܘܢ ܓܶܝܪ ܐܳܦܼ ܫܳܡܥܺܝܢ ܠܶܗ܀
28:29 [ai]ܘܟܼܰܕܼ ܗܳܠܶܝܢ ܐܶܡܰܪ܃ ܢܦܼܰܩܘ ܺܝܗܽܘܕܼܳܝܶܐ̈܂ ܘܣܰܓܿܺܝ ܕܳܪܫܺܝܢ ܗ̱ܘܰܘ ܒܰܝܢܳܬܼܗܽܘܢ܂
28:30 [ai]ܘܶܐܓܼܰܪ ܠܶܗ ܦܿܰܘܠܳܘܣ ܡܶܢ ܕܺܝܠܶܗ ܒܰܝܬܳܐ܃ ܘܰܗܘܳܐ ܒܶܗ ܬܿܰܪ̈ܬܿܶܝܢ ܫܢܺܝܢ̈܂ ܘܰܡܩܰܒܿܶܠ ܗ̱ܘܳܐ ܬܰܡܳܢ ܠܟܼܽܠܗܽܘܢ ܐܰܝܠܶܝܢ ܕܳܐܬܼܶܝܢ ܗ̱ܘܰܘ ܠܘܳܬܼܶܗ܂
28:31 [ai]ܘܡܰܟܼܪܶܙ ܗ̱ܘܳܐ ܥܰܠ ܡܰܠܟܿܽܘܬܼܶܗ ܕܰܐܠܳܗܳܐ܃ ܘܡܰܠܶܦܼ ܗ̱ܘܳܐ ܥܺܝܢ ܒܰܓܼܠܶܐ ܥܰܠ ܡܳܪܰܢ ܝܶܫܽܘܥ ܡܫܺܝܚܳܐ ܕܠܳܐ ܟܶܠܝܳܢ ܿ܀ܿ܀ܿ