← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62045: Rom

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܡܳܢܳܐ ܗ̱ܝ ܗܳܟܼܺܝܠ ܝܰܬܿܺܝܪܽܘܬܼܶܗ ܕܺܝܗܽܘܕܼܳܝܳܐ܂ ܐܰܘ ܡܳܢܳܐ ܝܽܘܬܼܪܳܢܳܗ ܕܰܓܼܙܽܘܪܬܳܐ܂
03:02 [ai]ܣܰܓܿܺܝ ܒܟܽܠ ܡܶܕܶܡ܂ ܠܽܘܩܕܼܰܡ ܕܶܐܬܼܗܰܝܡܰܢ ܡܶܠܰܘܗ̱ܝ̈ ܕܰܐܠܳܗܳܐ܂
03:03 [ai]ܐܶܢ ܡܶܢܗܽܘܢ ܓܶܝܪ ܠܳܐ ܗܰܝܡܶܢܘ܃ ܕܰܠܡܳܐ ܒܰܕܼܠܳܐ ܗܰܝܡܶܢܘ܂ ܗܰܝܡܳܢܽܘܬܼܶܗ ܕܰܐܠܳܗܳܐ ܒܰܛܶܠܘ܂
03:04 [ai]ܚܳܣ܂ ܐܺܝܬܼܰܘܗ̱ܝ ܓܶܝܪ ܐܰܠܳܗܳܐ ܫܰܪܺܝܪܳܐ܃ ܘܟܼܽܠ ܒܰܪܢܳܫ ܕܰܓܿܳܠ܂ ܐܰܝܟܿܰܢܳܐ ܕܰܟܼܬܼܺܝܒܼ܃ ܕܬܶܗܘܶܐ ܟܺܐܝܢ ܒܡܶܠܰܝܟܿ̈܃ ܘܬܼܶܙܟܿܶܐ ܟܰܕܼ ܕܳܝܢܺܝܢ ܠܳܟܼ܂
03:05 [ai]ܐܶܢ ܕܶܝܢ ܥܰܘܠܰܢ ܟܺܐܢܽܘܬܼܶܗ ܕܰܐܠܳܗܳܐ ܡܩܺܝܡ܃ ܡܳܢܳܐ ܢܺܐܡܰܪ܂ ܠܡܳܐ ܥܰܘܳܠ ܗ̱ܽܘ ܐܰܠܳܗܳܐ܂ ܕܡܰܝܬܿܶܐ ܪܽܘܓܼܙܶܗ܃ ܐܰܝܟܼ ܒܰܪܢܳܫܳܐ ܗܽܘ ܡܡܰܠܶܠ ܐ̱ܢܳܐ܂
03:06 [ai]ܚܳܣ܂ ܘܶܐܢ ܠܳܐ܂ ܐܰܝܟܿܰܢܳܐ ܢܕܼܽܘܢ ܐܰܠܳܗܳܐ ܠܥܳܠܡܳܐ܂
03:07 [ai]ܐܶܢ ܓܶܝܪ ܫܪܳܪܶܗ ܕܰܐܠܳܗܳܐ܂ ܐܶܬܼܝܰܬܿܰܪ ܒܕܰܓܿܳܠܽܘܬܼܝ ܠܬܼܶܫܒܿܽܘܚܬܿܶܗ ܕܺܝܠܶܗ܃ ܠܡܳܢܳܐ ܗܳܟܼܺܝܠ ܐܶܢܳܐ ܐܰܝܟܼ ܚܰܛܳܝܳܐ܂ ܡܶܬܿܬܿܕܼܺܝܢ ܐ̱ܢܳܐ܃
03:08 [ai]ܐܰܘ ܕܰܠܡܳܐ ܐܰܝܟܼ ܕܰܡܓܼܰܕܿܦܼܺܝܢ ܥܠܰܝܢ܂ ܘܳܐܡܪܺܝܢ܃ ܕܳܐܡܪܺܝܢܰܢ ܕܢܶܥܒܿܶܕܼ ܒܺܝܫܳܬܼܳܐ̈܂ ܕܢܺܐܬܼܝܳܢ̈ ܛܳܒܼܳܬܼܳܐ̈܂ ܗܳܢܽܘܢ ܕܕܼܺܝܢܗܽܘܢ ܢܛܺܝܪ ܗ̱ܽܘ ܠܟܼܺܐܢܽܘܬܼܳܐ܀
03:09 [ai]ܡܳܢܳܐ ܗܳܟܼܺܝܠ ܐܰܚܺܝܕܼܺܝܢܰܢ ܝܰܬܿܺܝܪܳܐ܃ ܕܿܩܰܕܶܡܢ ܦܣܰܩܢ ܥܰܠ ܺܝܗܽܘܕܼܳܝܶܐ̈ ܘܥܰܠ ܐܰܪ̈ܡܳܝܶܐ܃ ܕܰܬܼܚܶܝܬܼ ܚܛܺܝܬܼܳܐ ܐܶܢܽܘܢ ܟܽܠܗܽܘܢ܂
03:10 [ai]ܐܰܝܟܼ ܕܰܟܼܬܼܺܝܒܼ܃ ܕܠܰܝܬܿ ܟܺܐܢܳܐ܂ ܐܳܦܼܠܳܐ ܚܰܕܼ܂
03:11 [ai]ܘܠܳܐ ܕܡܶܣܬܿܰܟܿܰܠ܂ ܘܠܳܐ ܕܒܳܥܶܐ ܠܰܐܠܳܗܳܐ܂
03:12 [ai]ܟܽܠܗܽܘܢ ܣܛܰܘ ܐܰܟܼܚܕܼܳܐ܂ ܘܶܐܣܬܿܠܺܝܘ܂ ܘܠܰܝܬܿ ܕܥܳܒܼܶܕܼ ܛܳܒܼܬܼܳܐ܂ ܐܳܦܼܠܳܐ ܚܰܕܼ܂
03:13 [ai]ܩܰܒܼܪ̈ܶܐ ܦܬܼܺܝܚܶܐ̈ ܓܿܰܓܿܪ̈ܳܬܼܗܽܘܢ܂ ܘܠܶܫܳܢܰܝܗܽܘܢ̈ ܢܰܟܽܘܠܬܼܳܢܺܝܢ܂ ܘܚܶܡܬܼܳܐ ܕܶܐܣܦܿܶܣ ܬܚܶܝܬܼ ܣܶܦܼܘܳܬܼܗܽܘܢ̈܂
03:14 [ai]ܦܽܘܡܗܽܘܢ ܡܠܶܐ ܠܰܘܛܬܼܳܐ܂ ܘܡܶܪܬܼܳܐ܂
03:15 [ai]ܘܪ̈ܶܓܼܠܰܝܗܽܘܢ ܩܰܠܺܝܠܳܢ̈ ܠܡܶܐܫܰܕܼ ܕܡܳܐ܂
03:16 [ai]ܫܚܳܩܳܐ ܘܕܼܽܘܘܳܢܳܐ ܒܽܐܘܪ̈ܚܳܬܼܗܽܘܢ܂
03:17 [ai]ܘܽܐܘܪܚܳܐ ܕܰܫܠܳܡܳܐ ܠܳܐ ܺܝܕܼܰܥܘ܂
03:18 [ai]ܘܕܼܶܚܠܬܼܶܗ ܕܰܐܠܳܗܳܐ ܠܰܝܬܿ ܩܕܼܳܡ ܥܰܝܢܰܝܗܽܘܢ̈܂
03:19 [ai]ܝܳܕܼܥܺܝܢܰܢ ܕܶܝܢ܂ ܕܿܡܶܕܶܡ ܕܶܐܡܰܪ ܢܳܡܽܘܣܳܐ܃ ܠܰܐܝܠܶܝܢ ܕܰܒܼܢܳܡܽܘܣܳܐ ܐܶܢܽܘܢ ܐܶܡܰܪ܂ ܕܟܽܠ ܦܽܘܡ ܢܶܣܬܿܟܼܰܪ܃ ܘܥܳܠܡܳܐ ܟܽܠܶܗ ܢܶܬܼܚܰܝܰܒܼ ܠܰܐܠܳܗܳܐ܂
03:20 [ai]ܡܶܛܽܠ ܕܡܶܢ ܥܒܼܳܕܼܰܘܗ̱ܝ̈ ܕܢܳܡܽܘܣܳܐ܃ ܠܳܐ ܡܶܙܕܿܰܕܿܰܩ ܟܽܠ ܒܣܰܪ ܩܕܼܳܡܰܘܗ̱ܝ܂ ܡܶܢ ܢܳܡܽܘܣܳܐ ܓܶܝܪ ܐܶܬܼܝܰܕܼܥܰܬܼ ܚܛܺܝܬܼܳܐ܂
03:21 [ai]ܗܳܫܳܐ ܕܶܝܢ ܕܠܳܐ ܢܳܡܽܘܣܳܐ܃ ܟܺܐܢܽܘܬܼܶܗ ܕܰܐܠܳܗܳܐ ܐܶܬܼܓܿܰܠܝܰܬܼ܃ ܘܡܰܣܗܶܕܼ ܥܠܶܝܗ ܗܽܘ ܢܳܡܽܘܣܳܐ܂ ܘܰܢܒܼܺܝܶܐ̈܂
03:22 [ai]ܟܺܐܢܽܘܬܼܶܗ ܕܶܝܢ ܕܰܐܠܳܗܳܐ܃ ܒܝܰܕܼ ܗܰܝܡܳܢܽܘܬܼܳܐ ܗ̱ܝ ܕܝܶܫܽܘܥ ܡܫܺܝܚܳܐ܂ ܠܟܼܽܠܢܳܫ܂ ܐܳܦܼ ܥܰܠ ܟܽܠܢܳܫ܂ ܕܰܡܗܰܝܡܶܢ ܒܶܗ܂ ܠܰܝܬܿ ܓܶܝܪ ܦܽܘܪܫܳܢܳܐ܃
03:23 [ai]ܡܶܛܽܠ ܕܟܽܠܗܽܘܢ ܚܛܰܘ܂ ܘܚܰܣܺܝܪܺܝܢ ܡܶܢ ܬܶܫܒܿܽܘܚܬܿܶܗ ܕܰܐܠܳܗܳܐ܂
03:24 [ai]ܘܡܶܙܕܿܰܕܿܩܺܝܢ ܒܛܰܝܒܿܽܘܬܼܳܐ܂ ܡܰܓܿܳܢ܂ ܘܰܒܦܼܽܘܪܩܳܢܳܐ ܕܺܐܝܬܼܰܘܗ̱ܝ ܒܝܶܫܽܘܥ ܡܫܺܝܚܳܐ܂
03:25 [ai]ܗܳܢܳܐ ܕܿܩܰܕܶܡ ܣܳܡܶܗ ܐܰܠܳܗܳܐ܂ ܚܽܘܣܳܝܳܐ ܒܗܰܝܡܳܢܽܘܬܼܳܐ ܕܰܕܼܡܶܗ܃ ܡܶܛܽܠ ܚܛܳܗܰܝܢ̈ ܕܡܶܢ ܩܕܼܺܝܡ ܚܛܰܝܢ܃
03:26 [ai]ܒܰܐܬܼܪܳܐ ܕܝܰܗ̱ܒܼ ܠܰܢ ܐܰܠܳܗܳܐ܂ ܒܡܰܓܿܪܰܬܼ ܪܽܘܚܶܗ܃ ܠܬܼܰܚܘܺܝܬܼܳܐ ܕܟܺܐܢܽܘܬܼܶܗ ܕܰܒܼܙܰܒܼܢܳܐ ܗܳܢܳܐ܂ ܕܗܽܘ ܢܶܗܘܶܐ ܟܺܐܢܳܐ܃ ܘܰܢܙܰܕܿܶܩ ܒܟܺܐܢܽܘܬܼܳܐ܂ ܠܡܰܢ ܕܰܿܒܼܗܰܝܡܳܢܽܘܬܼܳܐ ܗܽܘ ܕܡܳܪܰܢ ܝܶܫܽܘܥ ܡܫܺܝܚܳܐ ܿ܀ܿ܀ܿ
03:27 [ai]ܐܰܝܟܿܰܘ ܗܳܟܼܺܝܠ ܫܽܘܒܼܗܳܪܳܐ܃ ܐܶܬܼܒܿܰܛܰܠ ܠܶܗ܂ ܒܰܐܝܢܳܐ ܢܳܡܽܘܣܳܐ܃ ܕܰܥܒܼܳܕܼܶܐ̈܃ ܠܳܐ܂ ܐܶܠܳܐ ܒܢܳܡܽܘܣܳܐ ܕܗܰܝܡܳܢܽܘܬܼܳܐ܂
03:28 [ai]ܡܶܬܼܪܰܥܶܝܢܰܢ ܗܳܟܼܺܝܠ܃ ܕܰܒܼܗܰܝܡܳܢܽܘܬܼܳܐ ܗܽܘ ܡܶܙܕܿܰܕܿܰܩ ܒܰܪܢܳܫܳܐ܃ ܘܠܳܐ ܒܰܥܒܼܳܕܼܶܐ̈ ܕܢܳܡܽܘܣܳܐ܂
03:29 [ai]ܠܡܳܐ ܓܶܝܪ ܐܰܠܳܗܳܐ ܕܺܝܗܽܘܕܼܳܝܶܐ̈ ܗ̱ܘ ܒܰܠܚܽܘܕܼ܂ ܘܰܕܼܥܰܡ̱ܡܶܐ̈ ܠܳܐ܃ ܐܺܝܢ ܐܳܦܼ ܕܥܰܡ̱ܡܶܐ̈܂
03:30 [ai]ܡܶܛܽܠ ܕܚܰܕܼ ܗ̱ܽܘ ܐܰܠܳܗܳܐ܂ ܕܰܡܙܰܕܿܶܩ ܓܙܽܘܪܬܳܐ ܒܗܰܝܡܳܢܽܘܬܼܳܐ܃ ܐܳܦܼ ܥܽܘܪܠܽܘܬܼܳܐ ܒܿܳܗ ܒܗܰܝܡܳܢܽܘܬܼܳܐ܂
03:31 [ai]ܠܡܳܐ ܗܳܟܼܺܝܠ ܢܳܡܽܘܣܳܐ ܗܽܘ ܡܒܼܰܛܠܺܝܢܰܢ ܒܗܰܝܡܳܢܽܘܬܼܳܐ܃ ܚܳܣ܂ ܐܶܠܳܐ ܢܳܡܽܘܣܳܐ ܗܽܘ ܡܩܺܝܡܺܝܢܰܢ܀

next chapter