← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62045: Rom

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


05:01 [ai]ܡܶܛܽܠ ܕܶܐܙܕܿܰܕܿܰܩܢ ܗܳܟܼܺܝܠ ܒܗܰܝܡܳܢܽܘܬܼܳܐ܃ ܢܶܗܘܶܐ ܠܰܢ ܫܠܳܡܳܐ ܠܘܳܬܼ ܐܰܠܳܗܳܐ܂ ܒܡܳܪܰܢ ܝܶܫܽܘܥ ܡܫܺܝܚܳܐ܂
05:02 [ai]ܕܒܶܗ ܐܶܬܼܩܰܪܰܒܼܢ ܒܗܰܝܡܳܢܽܘܬܼܳܐ ܠܛܰܝܒܿܽܘܬܼܳܐ ܗܳܕܼܶܐ܂ ܕܒܳܗ ܩܳܝܡܺܝܢܰܢ܃ ܘܡܶܫܬܿܰܒܼܗܪܺܝܢܰܢ ܒܣܰܒܼܪܳܐ ܕܬܶܫܒܿܽܘܚܬܿܶܗ ܕܰܐܠܳܗܳܐ܂
05:03 [ai]ܘܠܳܐ ܗܳܟܼܰܢܳܐ ܒܰܠܚܽܘܕܼ܃ ܐܶܠܳܐ ܐܳܦܼ ܒܽܐܘܠܨܳܢܺܝܢ̈ ܡܶܫܬܿܰܒܼܗܪܺܝܢܰܢ܂ ܕܝܳܕܼܥܺܝܢܰܢ ܕܽܐܘܠܨܳܢܳܐ܂ ܡܣܰܝܒܿܪܳܢܽܘܬܼܳܐ ܓܳܡܰܪ ܒܰܢ܂
05:04 [ai]ܘܰܡܣܰܝܒܿܪܳܢܽܘܬܼܳܐ܂ ܒܽܘܩܝܳܐ܂ ܘܒܼܽܘܩܝܳܐ܂ ܣܰܒܼܪܳܐ܂
05:05 [ai]ܣܰܒܼܪܳܐ ܕܶܝܢ܂ ܠܳܐ ܡܰܒܼܗܶܬܼ܃ ܡܶܛܽܠ ܕܿܚܽܘܒܶܗ ܕܰܐܠܳܗܳܐ ܡܫܰܦܿܰܥ ܥܰܠ ܠܶܒܿܰܘܳܬܼܰܢ̈܂ ܒܪܽܘܚܳܐ ܕܩܽܘܕܼܫܳܐ ܕܶܐܬܼܝܰܗܒܿܰܬܼ ܠܰܢ܂
05:06 [ai]ܐܶܢ ܕܶܝܢ ܡܫܺܝܚܳܐ ܡܶܛܽܠ ܟܪܺܝܗܽܘܬܼܰܢ ܒܙܰܒܼܢܳܐ ܗܳܢܳܐ܂ ܚܠܳܦܼ ܪ̈ܰܫܺܝܥܶܐ ܡܺܝܬܼ܃
05:07 [ai]ܠܡܰܚܣܶܢ ܓܶܝܪ ܐ̱ܢܳܫ ܚܠܳܦܼ ܪ̈ܰܫܺܝܥܶܐ ܡܳܐܶܬܼ܃ ܚܠܳܦܼ ܛܳܒܼܶܐ̈ ܓܶܝܪ ܛܳܟܼ ܡܰܡܪܰܚ ܐ̱ܢܳܫ ܠܰܡܡܳܬܼ܃
05:08 [ai]ܗܳܪܟܿܳܐ ܡܚܰܘܶܐ ܐܰܠܳܗܳܐ ܚܽܘܒܶܗ ܕܰܠܘܳܬܼܰܢ܂ ܕܶܐܢ ܟܰܕܼ ܚܰܛܳܝܶܐ̈ ܐܺܝܬܼܰܝܢ ܗ̱ܘܰܝܢ܃ ܡܫܺܝܚܳܐ ܚܠܳܦܼܰܝܢ ܡܺܝܬܼ܃
05:09 [ai]ܟܡܳܐ ܗܳܟܼܺܝܠ ܝܰܬܿܺܝܪܳܐܺܝܬܼ ܢܶܙܕܿܰܕܿܰܩ ܗܳܫܳܐ ܒܰܕܼܡܶܗ܃ ܘܒܼܶܗ ܢܶܬܼܦܿܰܨܶܐ ܡܶܢ ܪܽܘܓܼܙܳܐ܂
05:10 [ai]ܐܶܢ ܓܶܝܪ ܟܰܕܼ ܐܺܝܬܼܰܝܢ ܒܥܶܠܕܿܒܼܳܒܼܶܐ̈܂ ܐܶܬܼܪܰܥܺܝ ܥܰܡܰܢ ܐܰܠܳܗܳܐ ܒܡܰܘܬܳܐ ܕܰܒܼܪܶܗ܃ ܗܳܟܼܺܝܠ ܝܰܬܿܺܝܪܳܐܺܝܬܼ ܒܬܰܪܥܽܘܬܼܶܗ ܢܺܚܶܐ ܒܚܰܝܰܘܗ̱ܝ̈܂
05:11 [ai]ܘܠܳܐ ܗܳܟܼܰܢܳܐ ܒܰܠܚܽܘܕܼ܃ ܐܶܠܳܐ ܐܳܦܼ ܢܶܫܬܿܰܒܼܗܰܪ ܒܰܐܠܳܗܳܐ ܒܝܰܕܼ ܡܳܪܰܢ ܝܶܫܽܘܥ ܡܫܺܝܚܳܐ܃ ܕܒܶܗ ܗ̱ܽܘ ܗܳܫܳܐ ܩܰܒܿܶܠܢ ܬܰܪܥܽܘܬܼܳܐ ܿ܀ܿ܀ܿ
05:12 [ai]ܐܰܝܟܿܰܢܳܐ ܓܶܝܪ ܕܰܒܼܝܰܕܼ ܚܰܕܼ ܒܰܪܢܳܫܳܐ ܥܶܠܰܬܼ ܚܛܺܝܬܼܳܐ ܠܥܳܠܡܳܐ܃ ܘܰܒܝܰܕܼ ܚܛܺܝܬܼܳܐ ܡܰܘܬܳܐ܃ ܘܗܳܟܼܰܢܳܐ ܒܟܽܠܗܽܘܢ ܒܢܰܝ ܐ̱ܢܳܫܳܐ ܥܒܼܰܪ ܡܰܘܬܳܐ܂ ܒܗܳܝ ܕܟܽܠܗܽܘܢ ܚܛܰܘ܂
05:13 [ai]ܥܕܼܰܡܳܐ ܓܶܝܪ ܠܢܳܡܽܘܣܳܐ܃ ܚܛܺܝܬܼܳܐ ܟܰܕܼ ܐܺܝܬܼܶܝܗ ܗ̱ܘܳܬܼ ܒܥܳܠܡܳܐ܃ ܠܳܐ ܚܫܺܝܒܼܳܐ ܗ̱ܘܳܬܼ ܚܛܺܝܬܼܳܐ܂ ܡܶܛܽܠ ܕܠܰܝܬܿ ܗ̱ܘܳܐ ܢܳܡܽܘܣܳܐ܂
05:14 [ai]ܐܶܠܳܐ ܐܰܡܠܶܟܼ ܡܰܘܬܳܐ ܡܶܢ ܐܳܕܼܳܡ ܘܰܥܕܼܰܡܳܐ ܠܡܽܘܫܶܐ܃ ܐܳܦܼ ܥܰܠ ܐܰܝܠܶܝܢ ܕܠܳܐ ܚܛܰܘ܃ ܒܰܕܼܡܽܘܬܼܳܐ ܕܰܥܒܼܳܪ ܢܳܡܽܘܣܶܗ ܕܳܐܕܼܳܡ܂ ܗܰܘ ܕܺܐܝܬܼܰܘܗ̱ܝ ܕܡܽܘܬܼܳܐ ܕܗܰܘ ܕܰܥܬܼܺܝܕܼ܂
05:15 [ai]ܐܶܠܳܐ ܠܳܐ ܗ̱ܘܳܐ ܐܰܝܟܼ ܫܽܘܪܰܥܬܼܳܐ܂ ܗܳܟܼܰܢܳܐ ܡܰܘܗܰܒܼܬܳܐ܂ ܐܶܢ ܓܶܝܪ ܡܶܛܽܠ ܫܽܘܪܰܥܬܼܶܗ ܕܚܰܕܼ ܣܰܓܿܺܝܶܐܐ̈ ܡܺܝܬܼܘ܃ ܟܡܳܐ ܗܳܟܼܺܝܠ ܝܰܬܿܺܝܪܳܐܺܝܬܼ ܛܰܝܒܿܽܘܬܼܶܗ ܕܰܐܠܳܗܳܐ ܘܡܰܘܗܰܒܼܬܼܶܗ܃ ܡܶܛܽܠ ܚܰܕܼ ܒܰܪܢܳܫܳܐ ܝܶܫܽܘܥ ܡܫܺܝܚܳܐ܂ ܒܣܰܓܿܺܝܶܐܐ̈ ܬܶܬܼܝܰܬܿܰܪ܂
05:16 [ai]ܘܠܳܐ ܐܰܝܟܼ ܣܰܟܼܠܽܘܬܼܳܐ ܕܚܰܕܼ܃ ܗܳܟܼܰܢܳܐ ܡܰܘܗܰܒܼܬܳܐ܂ ܕܺܝܢܳܐ ܓܶܝܪ ܕܰܗܘܳܐ ܡܶܢ ܚܰܕܼ܃ ܠܚܽܘܝܳܒܼܳܐ ܗܘܳܐ܂ ܡܰܘܗܰܒܼܬܳܐ ܕܶܝܢ܂ ܡܶܢ ܚܛܳܗܶܐ̈ ܣܰܓܿܺܝܶܐܐ̈ ܗܘܳܬܼ ܠܟܼܺܐܢܽܘ܂
05:17 [ai]ܐܶܢ ܓܶܝܪ ܡܶܛܽܠ ܣܰܟܼܠܽܘܬܼܳܐ ܕܚܰܕܼ ܐܰܡܠܶܟܼ ܡܰܘܬܳܐ܃ ܝܰܬܿܺܝܪܳܐܺܝܬܼ ܐܰܝܠܶܝܢ ܕܰܢܣܰܒܼܘ ܣܽܘܓܼܳܐܐ ܕܛܰܝܒܿܽܘܬܼܳܐ ܘܰܕܼܡܰܘܗܰܒܼܬܼܳܐ ܘܰܕܼܟܼܺܐܢܽܘܬܼܳܐ܃ ܒܚܰܝ̈ܶܐ ܢܰܡܠܟܼܽܘܢ ܒܝܰܕܼ ܚܰܕܼ܂ ܝܶܫܽܘܥ ܡܫܺܝܚܳܐ܂
05:18 [ai]ܐܰܟܼܙܢܳܐ ܗܳܟܼܺܝܠ ܕܡܶܛܽܠ ܣܰܟܼܠܽܘܬܼܳܐ ܕܚܰܕܼ ܗܘܳܐ ܚܽܘܝܳܒܼܳܐ ܠܟܼܽܠܗܽܘܢ ܒܢܰܝܢܳܫܳܐ܃ ܗܳܟܼܰܢܳܐ ܡܶܛܽܠ ܟܺܐܢܽܘܬܼܳܐ ܕܚܰܕܼ ܬܶܗܘܶܐ ܙܳܟܼܽܘܬܼܳܐ ܠܚܰܝ̈ܶܐ ܠܟܼܽܠܗܽܘܢ ܒܢܰܝܢܳܫܳܐ܂
05:19 [ai]ܐܰܝܟܿܰܢܳܐ ܓܶܝܪ ܕܡܶܛܽܠ ܠܳܐ ܡܶܫܬܿܰܡܥܳܢܽܘܬܼܶܗ ܕܚܰܕܼ ܒܰܪܢܳܫܳܐ ܚܰܛܳܝܶܐ̈ ܣܰܓܿܺܝܶܐܐ̈ ܗܘܰܘ܃ ܗܳܟܼܰܢܳܐ ܐܳܦܼ ܡܶܛܽܠ ܡܶܫܬܿܰܡܥܳܢܽܘܬܼܶܗ ܕܚܰܕܼ ܣܰܓܿܺܝܶܐܐ̈ ܟܺܐܢܶܐ̈ ܗܳܘܶܝܢ܂
05:20 [ai]ܡܰܥܠܳܢܳܐ ܕܶܝܢ ܕܰܗܘܳܐ ܠܢܳܡܽܘܣܳܐ ܕܬܶܣܓܿܶܐ ܚܛܺܝܬܼܳܐ܃ ܘܟܼܰܪ ܕܣܶܓܼܝܰܬܼ ܚܛܺܝܬܼܳܐ܂ ܬܰܡܳܢ ܐܶܬܼܝܰܬܿܪܰܬܼ ܛܰܝܒܿܽܘܬܼܳܐ܂
05:21 [ai]ܕܰܐܝܟܼ ܕܰܐܡܠܟܼܰܬܼ ܚܛܺܝܬܼܳܐ ܒܡܰܘܬܳܐ܃ ܗܳܟܼܰܢܳܐ ܬܰܡܠܶܟܼ ܛܰܝܒܿܽܘܬܼܳܐ ܒܟܺܐܢܽܘܬܼܳܐ ܠܚܰܝ̈ܶܐ ܕܰܠܥܳܠܰܡ܃ ܒܝܰܕܼ ܡܳܪܰܢ ܝܶܫܽܘܥ ܡܫܺܝܚܳܐ܀

next chapter